منتدى استراحات زايد - وطتّ رجليّ علىً دربه و لآآإ آإدريّ وشّ نؤوى فيني .!

البارت الـ 136

منصور : الساعه كم امر اخذج ؟

سلامه : حبيبي انت روووح واتعششا ونام . . لان شوف السياييير كيف زحمه اهني . . والمطوعه تاخذ وقت وايد مع كل وحده . . انا ربيعاتي داخل بعد برد معاهم . .

منصور : لالالالا انا مابرقد لين اطمن انج وصلتي

سلامه : حبيبي شو بيصير فيني يعني . . بخلصص وبرجعلك وبرقد حذالك حياتي وبتحس فيني تراك

منصور : ممممم

سلامه فهمت عليه : روح بيتنا طبعا . .

منصور : انزين انتي من تخلصين مري بيت امي وبنرقد اهناك الليله

سلامه : بعد بتروح عند امك ! انا شو قايلتلك .. اهلك ما يحبوووووووووووني كيف تقدر تروح لهم

منصور : خلاص خلاااااص . . ! بسير ارقد عند ربيعي . . بس يوم توصلين البيت طرشيلي مسج

سلامه : اوكي . .

منصور :يالله دشي

سلامه : انزين بدش يالله روووح " تبتسم له "

منصور حرك السياره وهي سوت عمرها تمشي . . من لاحظت انه اختفى . . اتصلت على رقم . .

:: اركبي السياره السودة رقمها 34*** . .

ركبت السياره وهيه تحس بارهاق . . دقايق ووصلت الشقه . .

عبيد مبتسم : حي الله الحلووو . .

سلامه : خلصني . . وين الكاميرا اليوم . . .

عبيد : اهناك " يأشر " شدي حيلج . .

دشت سلامه بهدوء وهيه منصدمه من 3 فالغرفه . . طلعت على طول

سلامه بعصبيه : ثلاث لييييييييش

عبيد : الناس ملت من الصور حبيبتي . . يبون فييديو

سلامه منصدمه : شوه ؟

عبيد : الي سمعتيه . . الجمهووور يبغي فيديو من اختصاص مبدعتنا . .

سلامه تبلع ريجها وتمشي بتطلع . .

عبيد يمسك ايدها بقوه : ما بتروحين لين تسوين المطلوب

سلامه تصارخ : ماراح اسسسسسسسسوي شي . . انا متفقه معاك على صور بس

عبيد : سلامه خلي عنج الادب . . ترى المراحل الي توصلين لها فالصور قوية . . . ما فرقت فيديو ولا صور . . وانا قايلج شيفتج الحلوه ما بتظهر . . يادوب جسسسمج بس وجسم الي معاج . . ترا حتى الي داخل ما يبوووووون فضايح . .

سلامه : عبيييييييييد وخر عني بطلع من اهني . .

عبيد : سلامه ترى كل شي بحسابه . . " يشرب الكاس الي في ايده " وانا ما بغصبج على شي لان الجمهور يبغي شي رااااااااااايق . .

سلامه بتوتر . .

عبيد : ماعليج خوف انتي شاطره . . يالله ادخلي وماعليج من كلامي فالفون كنت معصب على تأخيرج وتطنيشج و " يبتسم " المبلغ يستاهل ترى . .

سلامه : كم . .

عبيد : 600 ألف سلامه . . " يبتسم " تراه مبلغ ماتحلمين فيه طول عمرج . .

سلامه تتنهد

عبيد : ابا 6 فيديوات . . كل فيديو 100 ألف لج فيه . . واذا تقدرين اكثر افف بتربحين من ورايه وايد

سلامه تتطالع عبيد بتردد . . وعقب تفكير بسيط . . دشت الغرفه

على الساعه 8 الصبح . .

مهره تفتح عينها .. تصد يمين ويسار . . ما شافته . . .

كحت شويه وانفتح الباب . .

سيف مبتسم : صباح الخير ياوجه الخير

مهره : صباح الورد . .

سيف : فديته الكتكوووت " يبتسم " يالله يالله بتطلعين

مهره فاجه عينها : صدددددددددق

سيف : صدقين . . يالله . .

عذاري تدخل : السلام علييييكم . .

مهره : عليكم السلام

عذاري تبوس مهره : الحمدلله عالسلامه حبيبتي . .

مهره : الله يسلمج فديتج . .

عذاري تطلع من الشنطه الصغيره ملابس لمهره يديده مع عباه وشيله . . تمت تطالع سيف بنظره .. يعني افهم يا حمار واطلع . .

سيف استوعب وطلع عقبها . . توايه مع ام عبدالله وبو عبدالله كانو يمشون في الممر . .

ام عبدالله : تستاهل السلامه فديتك . .

سيف يبوس راسها : الله يسلمج عموه

بو عبدالله : اجر اجر ان شاء الله . . ربي ستر وحفظكم . .

سيف : الحمدلله

ام عبدالله : مهره داخل ؟

سيف : هيه برخصها اليوم بظهرها

بو عبدالله : ليش توا الناس . . ارتاحو اهني شو يطلعكم ؟

سيف : والله عمي هيه تبغي وترجتني . .

ام عبدالله : هيه احسن زين شو تبون يلسه المستشفى . . بروحها تمرض . .

ودشت عند مهره . .

بو عبدالله يدق جتف سيف بخفيف : انت شو تحس ؟

سيف : الحمدلله انا بخير وصحه وعافيه . . دامها مهره بخير انا بخير . .

بو عبدالله مبتسم وفخاطره " انا مطمن عليج يا بنتي . . وقلبي ما يخاف دام هالسبع معاج "

بو عبدالله : انت اشعندك واقف اهني ؟

سيف : عذاري تساعد مهره علشان تلبس . .

بو عبدالله : هييه . . يالله عيل تعال اركب السياره انته ويايه

سيف :خل تخلص مهره بنطلع سوى عمي

بو عبدالله : كل ما قلنا له شي قال مهره مهره . . امش امشششش يالله . . مهره ما بطير امها واختها وياها . . انا بتصل بقولهم يخلصونها ويونها السيارة . .

سيف : عمي يمكن تحتاج شي ولا يمكن ما يرومون يقودونها

بو عبدالله يطالعه بنظرة صارمه

سيف : ان شاء الله عمي مشينا . .

فهد : السلام عليكم . .

روضه بكسل تثاوب : وعليكم السلام والرحمه

فهد : صباح الخييير ياحلو . .

روضة: صباح النووور والسرور . .

فهد : انتي شفيج هالايام صايره كسوله . . قلتلج واعيني ولا واعيتيني !!

روضة : والله انا مادري شفيني كله صايره ارقد . .

فهد : يمكن حامل " يبتسم ."

روضة : شووه

فهد : ههههههه . . شفيج . .

روضة بحيا : لا مش حامل

فهد : شدراج

روضة : اعرف . .

فهد : كيف تعرفين

روضة : مادري احس اني مش حامل

فهد : انا الي اعرفه الي يرقدون فجاه وايد ويصيرون كسالى يكونون حوامل . .

روضة : ماظن ماظن

فهد : شرايج امر عليج نروح نكشف ؟ ما بنخسر شي

روضة : لا فهود ماله داعي

فهد يبتسم : فديت فهوووووووووووووووووووود . .

روضة : ههههههههههههههههه

فهد : يالله بتصل للمسؤول بخبره اني بتاخر ساعتين وبمر عليج بنروح العياده

روضة : واليهال . .

فهد : ما بنطووول بس ساعتين . . هم بالعاده ما ينشون الا 11 ولا 12 . . واحنا بنرد هالوقت . . ووصي عليهم امج والخدامات ما بيقصرووون . . ما بنغيب دهر احنا

روضة : انزين ..

فهد : يالله اجهزي . .

روضة : خلاص اوكي . .

فهد : فمان الله . .

روضه : فمان الكريم . .