منتدى استراحات زايد - ٱلآٱ ۶ﻟىَ طآڕيُ ا̄ﻟﻋنٱد ..ﺷﻟۆن ﺧﺷﻣڳ بعد مَ آﻧآ ڳسرٺھۃ :>

البآآرت { 43}

يآ صآحبيّ . .
لآ هزڪَ , آلشۈقْ ۈ آشتقتْ ’
آذڪَر . . ترىْ صآحبڪَ مييت ,
بـ شۈقـﮧۦ
ۈده | يسَآبقْ سَير آلآيآمْ ۈ آلۈقت . .
ۈ يحضن غلآڪَ . . ۈ يزرعـﮧۦ فيْ عرۈقـﮧۦ

/\
\/
/\
\/

حمد : أمااايه شفييج يآآخي مب فااهمة علييه ( تقرب من أمه ) لو مااخذت شمآ وخليتهآآ تحت أمري نحن بنخسسسسر وآآيد .. ولا تنسيييين أنه نسبة شمآآ فالفلوس ألي عندنآآ أكبر من نسبتنآآ .. هذآ من غيير ورث أبوووهآآآ .. لو ماخذت شمآ بيي اليوم ألي بتتسلط فيه شمآآ علينآ وبتطردنآآ برآآ هالبييت .. و العز ألي أنتي و انا و أبويه عآيشين فييه بيروح كله حقهآآ ..
أم حمد : أناااا ما أبااهاا هالبنت حرمة ولديه
حمد : أماااايه مصلحه والله مصلحة .. انا ما أحبببهاا . أنا أحب يزوووي ..
أم حمد : عيل عقب العيد بخطبلك يزووي
حمد : صدق
أم حمد : هييييه
حمد : اوووكي موآآآفق
أم حمد حطت إيدهآ ع خد ولدهآ : فديييت ولديه ألي مآيخآلفني
حمد : يعني موآفقه ع شمآآ

أم حمد : لو بيدي جاان ماخليتك تآخذهآآ .. بس مداامك بتحآآفظ ع فلوسنآآ انا موافقة
حمد بآسهآ ع رآسهآ : فديييييتج واللـ‘ه ..
+++
++
+
صوووب البناات فالمووول ..
سآآرن بآآريس غآليري ..
أمون : أقوولكن تذكرن يوم ني هنييه ويقوولنآ أنه العطر بـ 350 أنطآآلع بعض ونربع نلهث .. هههههههههههههههههههه
البنات : ههههههههههههههههههههههههههههههههههههه
نورة : سكتي الله يغربلج .. أونه ألحين ويآنآ شمييم مستوين رزة
شمآ : ألحين لو يقولنآ بـ 1000 مآبخلييج تظهريين برآ المحل .. هالسيرة عليه .. أشترن ألي فخوآطركن
أمون : أقوولج أبآآ بلاشر وآيشدو و مسكرة ..مالتيه عبرة وحطيتلهآ شآآي
نورة : ههههههههههههه صدق بنت فقر
أمون تعد ع صبوعهآ : و أبا آي لاينر
شمآ : عآآد أمون ماتنعطى ويه .. محد بيخليني ع الصفر غييرهآآ
أمون : عيل الشيخه ليش يايبتني ؟؟
شمآ : أشتري يبووووج يالله خلصينآآ
تمن يشوفن العطورآت ومره وحده سمعن وحده تصرخ من ورآهن
........ : ثموووووووووووووووووووووووووووووووووووووووووووووووو وووووووه
البنآت لفن صوبهآآ
شمآ رفعت غشوتهآ تشوف منهو ألي يآآي يربع صوبهآآ شآفت شوق .. سآآرت صوبهآ وبآستهآ ع خدهآآ : فدييييييييييييييت هالويه .. شو تسوين هنيه رووحج ؟؟
شوق : باباه حمموود وماماه منيه .. و أنا ما أدري ويين ثآآرو
شمآ : نسيير بودييج صووبهم ( لفت صوب نورة و أمون وهآيدي ) أقوولكن أنتن أشترن ولاتتحركن من هنيه بسير وبردلكن
أمون ترمس نورة : أقوول عوير خلينآآ نخم خمه .. مدآآم شمييم مب مستبخله علينآآ والله لو بني ويآ هالأهل الكريييهيين مابيخلونآ نشتري ع رآحتنآ
نورة : ههههههههههههههههههههههههههههههه والله أنج بنت فقر
أمون : أدري انزييييييين .. ألي خآآلهآآ حمييد و أخوهآآ حمدآن أكيد بتكون بنت فقر
نورة : مب جنج غلطتي ع أبويه
أمون بفخر : طبعاً
/\
\/
\/
شمآآ وشوق يدووروونهم .. وحصلوهم فـ ذييم
محمد يوم شآف شوق : انتي وين سرتي .. طيحتوو قلووبنآآ من متى ندور علييج ،، ( لف ع شمآ بس مىعرفهآ ) مشكور أختيه
شوق ترمس محمد : باباه حمووود هااي ثمووووووه
محمد رفع رآسه لـ شمآآ : شمااااااااااااا
شمآ : لا انجليينآآ
محمد : وياا هالرآآس لج يالخاايسه ليش ماتخبرين عنآآ ؟؟
شمآ : هههههههههههههههه أستغنيييييت ياولد الحلااال
محمد : قولي ألا تطبرتي
شمآ : أفااااااااااا
محمد : أسوولف
( سلمت ع أم سيف وردت صوب البناات )
أختآرن 3 عطوورآآت وقآلتلهم شمآ أييبون من كل وآحد 3
أمون ترمس شمآ : أقول شميييييم .. ليش هذي ماتشتريلهآ (تأشر ع هآيدي )
شمآ : هآآيدي .. هههه أناو هاايدي وآآحد .. عآآدي تعطر من عندي و أتعطر من عندهآ
امون : من صدقج
شمآ : يب يب
أمون : إييه شحآلج زلموكآآ
شمآ : وااااابويه علييييج .. شو زلموكآآ
أمون : ههههههههههههههه
هآيدي : إييه لك تؤبريني أناا بشكر الله ( أبتسمت )
نورة : يحليلهآآ الا تتضحك .. حضج شمييم والله أفتكيتي من هالعآآيله ألا مغلقين وفآتنيييين والبووز وآآصل لين الكرشه من كثر مآآآمعصبين
شمآ : هههههههههههههههههههههههههههههههههههههههههههههه
/\
\/
/\
\/
أول أيآآم الع‘ــــييد ..
نورة + أمون : متلبسآت نفس الشيء .. فستآآن بسيط .. يعني مب فستآن منفوش .. لا بسييط وآآيد فرنسي لونه عنآآبي و من صوب الخصر ضآغط كله بـ كرستآل أبيض و من صوب الصدر بع‘ــد .. أمون من الصبح سآرت عند نورة عشآن تعدلهآ .. عشآن يكوونن مطقمآت نفس شيء .. والشيلة نفس لون الفستاان .. شيفون شفآآفـ‘ه بس حآطآت شيلة سودآ ويآآ عنآآبي أحتيآط إذآ دلخو شبآب ولا شيء ..
شميم : نفي تفصيلة نورة و أموووون بس يختلف شوي . لابسه فستآن بسيط لونه تركوآآز ويآآ فصووص صفرآآء > طآآلع عليهآآ كشخـ‘ه .. ومتلبسه شيله شيفوون زرقآء و يآ ترتر وكرستالات صفرآء متنآثرة ع الشيلة .. وسآآع‘ـــ‘ه ذهبيه ..
/\
\/
/\
\/
الكل أصبح يعآآيد أمه و أبوه وحيبهم فوق رآآسهم .. و اليهآل ألي فرحآنين بالعيديه ..
ألا شخص وآآآآآحد .. عنده العيد مجرد أسم و فطور الصبح .. مآآحسبه عآآطفياً .. شمآآ .. يآلسه فالشقة ويآ هآآيدي .. يآلسه فالصآلـ‘ه ..
شمآ : لو عندي أم و أبو جآآن ماتشردت جذييه .. ههه حتى عمي ما صدق اني قلتله ما أبا اسكن ويآآك فرني فـ شقـ‘ه .. أي عييييد و انا متغرررربه .. أي عيد وأنا لا صبحت ع رآس أبووويـ‘ه وقلتله عيدك مبآآرك .. ( حطت رآسهآ ع الكرسي ) يمكن لو كنت ويآآ أبويه بو أحمد جآآن ماحسييييت بالشعوور هذآآ ..
ظهرت هآيدي من حجرتهآ وشآفتهآ حآطه رآسهآ ع الكرسي : تؤبريني ياحبيبتي شو ألي مضآيأك ؟؟
شمآ : لا ام ولا أبو ولا اخت ولا أخوووووو .. ما أدري كيييف عاايشه فالدنيآآ هذي
هآيدي حضنتهآ : لك يبعتلك الهنآ شو بتعملي من الحبه أوبه .. أنا ألت مأتوللك أتيل
شمآ : أنا ألحين أسوي من الحبة قبه .. شو تقولين عن وآآحد متغرب فـ بلااده مآمحصل حضن أم يدفيه ولا نصيحة أبو تكفيه ><"
هآيدي : يبعتلك حدفة شو بتعشأي الهموووووم .. أووووومي اووووومي هزي طولك وألبسي لحتآ روح انا ويآآك لـ دبي
شمآ لفت صوبهآ : شو نسوي فـ دبي ؟
هآيدي : بنتمشى
شمآ : تصدقييين عمريه فحيآتي مآسرت دبي
هآيدي شهقت : هئئئئئئئئئئئئئئئئئ لك يبعتلون حمى يألي كنتي عآيشآ معوون شو معأديييين
شمآ : حششى انتي ع كل كلمة أقولها قلتي يبعتلك حمى وحدفة وهنآ
هآيدي : إييييه لك شو بنعمل هآيدآ حكي الشآآمي
شمآ : لك بتؤبرني هآآآآآيدي
هايدي : إييه مآلك صرتي شآآميه متلي
شمآ : بقووووم أتلبس لا أقبرج ألحين صدق
هآيدي : هههههههههههههههههههه
( شمآ بدلت ولبست مخوورة ولبست عبآتهآ وغشآتهآآ و مسكن خط دبي يحوطن )
فالطرييج
هآيدي : أشلعي هيدي الغشوه بتآعتك السيآرة مغمأة
شمآ : هههههههههههه ( تعايب عليهآ ) مغمأة ( فصخت غشآتهآ ودقن سوآآلف )
/\
\/
/\
\/
السآآع‘ـــ‘ه 7 ونص بيت المغرب بيت أم محمد ..
( شوق + ام محمد + سيف + أم سيف + وديمة + محمد )
شوق تآآكل من الكآفي ألي فالصحن
أم محمد : بسسسسسج بيسوسن ضرووسج و أنتي ألا تقرضيين من هالأسود
شوق : هههههههههههه أثود نفث ويه مثطفى الثوداني
أم سيف : الحمدلله والشككر
شوق : مامااااه أنا لييث مايطلعلي ضرث
أم سيف تمسح ع ويهآ : الله يغربل هالوييييييه كل سآعه وتفلتي عليييييه
محمد : ههههههههههههههههههههههههههه ماشيء ضروس يمسكن التفآلة عن لاتظهرر .. شوآآقي ألا تنطش
أم سيف : والله سبحتنآآآآآ
شوق : لييييث ثو تثوفيني رثاااااث ولا فووث ؟؟ > فوز أونه
محمد : ابببببصم بالعشره أنه لحقج طشآآر من تفآلهآ يوم قالت رثاااااااث
أم سيف :هييييه والله هووووست ألا تنطش
أم محمد : ههههههههههههههههههههههههههههه
شوق : أنتو جبببب
أم سيف : واااابويه انا .. عيب عليج ..
شوق نطت فحضن محمد وتمت تصك لحيته : هههههههههههههههههههه وآآيد تقرقط
محمد سدحهآ وحط ويهه ع ويههآ يقرقطهآآ
شوق : ههههههههههههههههههههههههههههههههههههههههههه آآي بطني بث بث خلااااث عاااد
محمد : هههههههههههه
شوق ردت لـ حضنه : حبيبي بابااه حموووود .. ودني المووول أبا أثيير ألعب
محمد أستوعب : هيييييييييييييييييييييه ثرهن هذيلا لعوووووبج .. تقردن مب سهله .. ما أقوول ألا الله يعيييين رييلج عليييييج
شوق : ريلي بيلدغك ( وتمشي صبعهآ ع رقبة محمد أونه بيلدغك )
محمد : ولييييييش يلدغني ؟؟
شوق : تراااااني بعرث بغووووول
أم سيف : أوووووووم عليييييج يالمقوم .. يلا أنجبي و صخي أحسلج
شوق : وبيلدغج انتي
محمد :اوووووووووووووب النسيب غوووووول .. عجيييبه شوآآقي بتسوي تغير فالعآيله
شوق : أنا أخذ غول و أنته خذ غولـ‘ه
أم محمد : قصوورة بعد ولديه ياخذ غوولة
محمد : ههههههههههههههههههههههه امايه خذتي ع كلاام اليآآهل اونه غووولـه وين أستوت هذي بعد
/\
\/
/\
\/
اليوم ألي بعد‘ه ( ثآني أيآآم الع‘ـــيد .. )
السآع‘ــ‘ه 10 ونص الضحى ..
بيت بو أحمد – الصآآلـ‘ه ( أم أحمد + اليده + نورة + هزآع‘ )
دق دق دق دق دق
اليده : خييييبه منهو يدق البااب جذآ
أم أحمد : قومي امايه نورة فجي الباااب
نورة نشت ودعلت شيلتهآ وتغشت وفجت البآآب شآفت 2 لابسين أسود
نورة : نعم أخويه بغيت شيء ؟؟
عآمر طلعلهآ بطآآقه بأنه بوديقآردآآت عآيلة بو حمد
نورة عطته بطآقته : انزييين شو أسوي بالبطاقه هذي ؟؟
عآمر : طوييل العمر بو حمد قآآلنآ انه نييكم هنييه و تفضولنآ البييت
نورة : شوووووو ؟؟ شقصدك ؟؟
نآدر : يعني تتفضلوون برآآ البييت لأنه ( طلع ورقة بانه ملكية البيت لـ بو حمد ) البيت بيت طوييل العمر وعنجكم سآآعتيييين وتطلعون برآآ البييت
نورة سآرت عند أمهآآ
أم احمد : شو يعني نطلع من البييت ؟؟
عآمر : عندكم ساعتين يا اماا تفضولنآ الببييت أو نحن ندخل ونفضي البيت روآحنآآ
أم أحمد دقت لـ بو أحمد ويى هوه و أحمد وعموور ألي كآنو ظآهرين يسلموون وبدو يجهزون أغرآضهم لانه البييت لـ بووحمد ..
.. ... .. 3 سآعآآت وجهزو أغرآضهم وحطوهم فالسيآآرة وسآرو بيت بوو حمدآن
/\
\/
/\
\/
أم حمدآن تلقتلهم : شوو مستوي يا عااشه ؟؟ حميد شو صآر فيكم ؟؟
بو أحمد : بو حمد رآغنآ من البيييت
حمدآن : لييش ع كيييييفة يروغكم من بيتكم ؟؟
أحمد : لأنه البييت من الأسآآس مب بيتنآآ .. و نحن طوول هالسنيين عآيشين بجذبه أنه البيت بيت أبوويه .. ماكنآآ ندري انه عآيشين فييه بفضل شمآآ وبس وما أستبعد أنه الفلوس ألي كان يصرفهن أبوويه علينآآ من فلوس شمآ بعد
بو أحمد صفعه طرآآق : جببببب وقص يقص هالحس ..
دخلو دآآخل وتمو كلهم يآلسين يفكرون فألي مستوي .. و من طلعت شمآ من حيآتهم وهم مآترقعو فحيآتهم ..
أمون : هآآي حووبة شمآ فألي كنت تسويه فيهآ يآ خآآلي
أم حمدآن طآلعتهآ بنظره : انتي أنجبي
أحمد : ولييييييش تنجب وكلاامهاا صدق 100% .. شمآ عمرهآ ماتهنت فحيآآتهآ و أبويه ذالنها.. ضرب .. و أجبآآر ع كل شيء يبآآه .. ومعذبنهآآ عذآآب .. حتى عمره مااحس أنه يصرف ع عيآآله من فلووسهآآ .. بس كل تفكييرة كآآن يآخذ فلوس البنت وشكله يوم يخلصن مصروفهآ ألي يطرشهن عمهآ قبل الشهر يظهر ضيجته فيهآآآ
أم احمد : أحمد بس خلاص السآآلفـ‘ه أنتهت
أحمد وقف : حتى أنتي يا ماااايه كنتي تخشيييين عن سوآآلف أبووويه . كنتي تشوفينه يعذب البنت ويوم يقوولج قوم الــ ... ( جبيلة شمآ ) يبونهآآ ويطلبونهآ قلتيله انزيين سو ألي تبآآه .. مآآجنج انتي أمهاا ألي ربيتيهآآآ
حمدآن : بس عمووه مب امهاا
أحمد : ههه والأم ألي تحمل ؟؟ ولا ألي تعلم الصحح من الغلط . ؟؟ ( وظهرر )
أمون أنسحبت شوي شوي وظهرت ورآآه
/\
\/
/\
\/
أمون تزقر ع أحمد : أحممد
أحمد كآآن بيظهر من البييت : أمون هبطي دآآخل
أمون : ألي سويته غلط .. أنته يالس تلوم بأمك ع شيء هيه مآسوته ولا فإيدهآآ شيء عشآن تسويه ..
أحمد تنهد وتسآند ع الإيدآآر : شماا من ساارت حتى مافكرت أدقليه وتخبر عني
أمون : دوومهآآ تخبر عنك يوم أرمسهآآ
أحمد طآلع أمون : ولييييش مآدقتلي اناا ؟؟
أمون : تقووول أنها مآآتبآآ تعودك علييهآآ .. لأنها خلااص سآآرت عنآ ومآبترد وإذآ تمت ترمسك دوم أنته بتضرى ع هالشيء وماابتقدر تفآرقكك . هيه ماتضمن عمرهآآ تييلس هنيه ولا...
احمد قرب منهآ : ولا شوووووو ؟؟
أمون : أحمد .. تراه شمآآ تفكر تساافر و تبعد عن الكل
أحمد :شووووووووووووووووووووو ؟؟
أمون نزلت رآسهآ
أحمد سآر ورى أمون وخلاف رد مكآنه ووقف جدآمهآ : كيييييف يعني تساافر وتبعد عنا؟ بالسهوولة هذي تبآ تنسآنآ
أمون : أحمد لا تقوول سهوولة ؟؟ لأني ألي صآآر لـ شمآآ ماكان بالسآآهل .. شمآآ وآيد تعذبت سوآء كآن ويآآكم ولا يوم يوزوهآآ سعيد .. ولا يوم عرفت عمهآآآ
أحمد : والله ما ادري كيف بكمل حيآآتي بدونهآ ( ويلس ع الدعنه )
امون يلست عدآله ولا إرادي حطت إيدهآ ع جتفه : بس أنا هنييييه .. وقت ما احتيت تشكي لحد أنا موجوود‘ة ..
أحمد : مشكوور سموون
أمون ضربته ع رآسـ‘ه بقوو : من متى أسآآيس و أقردن عشآآن ع الأقل تقدر مني وتقوولي أمووووون .. أونه سموووون
أحمد : ههههههههههههههههه
/\
\/
/\
\/
السآآع‘ـــ‘ه 8 ونص بعد العشآآء .. ..
بيت أم محمد ..
محمد : أمايه أنا بسيير صوب الربع
أم محمد : الله يحفظك
محمد ظهر وسكر البآآب ورآآه وشآف ريآآل لابس لبس الشرطـ‘ه ويآآي صوبـ‘ه وتوآآيهو
عبدالرحمن : ويآآآك الضآآبط عبدالرحمن
محمد : مرحبآآآآبك ..
عبدالرحمن : أنته محمد حمد الــ..؟؟
محمد : هييه .. فيه شيء ؟؟
عبدالرحمن : أنا أعرف أبوووك قبل عشآآن جذيه ماطلبت دوورية وتي تشلك .. أنته مطلووب عندنآ فالمركز
محمد : شووووو ؟؟ شو مسوي أن شاء الله ؟؟
عبدالرحمن : تعآل ويآآيه وبتعرف هنآآآك
محمد : انزيين فهمني شو مسوي ؟؟
عبدالرحمن : تعآآل ويآآيه
محمد : اناا بسير بسيآآرتيه عشآآن أماايه ماتحآآتي
عبدالرحمن : يلا عييل .. بس لو سمحت لاتتحرك لا يمين ولا يسآآر خلنآآ سيده لا اتصرف ويآآك تصرف ثآني
محمد فخآطره ( توه يقول يعرف أبويه الله يرحمه و اونه مقدر منه ) حط إيده فمخبآه وطلع بووكة وعطآآه الهويه مآلته : هذي الهوية مآآلتيه عشآآن تعرف أني لابلف لا يمين ولا يسآآر خلهآ عندك لين نوصل
عبدالرحمن شل الهوية : آآسف أني قلتلك هالكلااام ..
محمد سآير صوب سيآآرته : لا أفاا عليك يالغآآلي .. لزووم الثقـ‘ه
عبدالرحمن ابتسم وركب سيآآرته و محمد مشى جدآآآمـ‘ه وسآآرو ..
/\
\/
/\
\/
صوب هآيدي + شمآآ ..
ع السآآع‘ــــ‘ه 10 ونص كآآنن توهن بيدخلن الشقـ‘ه
...... : لوو سمحتن ؟؟
هآيدي + شم آلفو صوبهم
هآيدي : نعم يا أيتآآز
........ طلع ورقة من جيب بنطلونه : شمآ وين ؟؟
شمآ : أنااا
....... عطاها الورقة : تفضلي هالورقة مطلوب القبض علييييج
هآيدي خذت الورقة : إييه المهزلة دي .. ؟؟ لـ شو مأبوض عليهآآ
..... : بتسييير هنآك وبتعرف
هآيدي : لأ لأ مش حتخووش معك وهيآ مآبتعرف لشو مأبوض عليهآآآ
..... : لو سمحتي أنتي لاتتدخليين .. ( صد لـ شمآ ) تفضلي ويآآيه ولا تخليني أتخذ فيج أجرآآء ثآآني
شمآ : لا دخييلك عن الفضآآيح .. بس هآيدي بتسيير ويآآآيه
... : اوكي تفضلن
هآيدي : سوآآني لوسمحت ( دخلت وحطت الاغرآض ألي أشترنهن من دبي وظهرت )
سآآرن بسيآرتهن ويآآ الشرطي
/\
\/
/\
\/
بيت بو سلوم ( غآنم )
غآآيو‘ه سآيرة حجرة شويخ وأدق البآآب
شويخ ترمس حمدآن : أقوولك بعدين برمسك
حمدآن : متى بعديين ؟؟
شويخ : ألحين غآيوه أدق البآب
غآيـ‘ه أتصرخ من ورى البآب : شوييييييييييييييييييييييييييييييييييييخ يالجلبه فجي
حمدآن : عثره أنا صمختني .. الله يعينج عليهآآ
شويخ : ههه يلا بااي
حمدآن : بآآي
/\
\/
/\
\/
صوب أمون .. ( أمون ونورة بيرقدن فحجرة وحد‘ه ))
أمون : أمممممممممم نويير
نورة : هااا
أمون : أنتي ودرتي سوآآلف الــ..
نورة قآطعتهآ :لييييش مب طآيعيييين تصدقووني .. والله حرآآم علييكم .. من هذيج السآلفـ‘ه لين يومكم هذآ ذآآليني والله خلااااااص ودرت كل شيء .. بس تعبت و أنا أحووولفلكم و أنتو ماتصدقوون شو تبوني أسوي ؟؟
أمون وهيه تسمع نورة ترمش بـ عيونهآ ومتنحه صرخت مره وحده : إيييييييييييييه هبييييي هبآآج الله جآن هذآ بلعووم ( نقزت صوبهآ وحطت إيدهآ ع حلج نورة ) انجبييييي بس .. ألا سؤآل سألتج أيااااه و أنتي بآلعه رآدو
نورة ع كثر مامضآيقنهآ السؤآل نقعت ضحك عليهآ : هههههههههههههههههههههه
فترة هدووء لمدة خمس دقآآيق
نورة : أمنوووووووووووووووووه
أمون : هااا
نورة : أممممم شو رآآيج فـ أحمدووه
أمون بأستنكآر : أحمدوووووه ؟؟
نورة : هيه أحمدوه وليش تقولينهآ جذيه ( تعايب ع أمون ) احمدوووه ؟
أمون : ولد خآآلي .. و أخو نويير عويير زويير
نورة : صدق ؟؟
أمون : والله
نورة : يآآ شااطرة لا والقهر تحللف ( شلت المخده وكفختهآ ) أقوووولج شرآيج فيه ماقلتلج شو يقربلج
أمون : عاادي
نورة : أموون عآد يآخي واحد منكم يتحررك
أمون : شو نسوي أن شاء الله
نورة حطت المخده فحضنهآ وتربعت ويلست : يعني أممممممم أنتو وآآيد تنآسبون لـ بعض .. والله لو تتقربون من بعض وآآخر شيء تعرسون والله بتكون حياتكم كشخه
أمون : عوييييييرووه فكنآآ من هالسوآآلف
نورة : عوويييروه فـ عيينج .
أمون : أح‘ـــم سمعي أناا أبا ريآآل يحوطني .. وإذآ أحمد مثل خآآلي ألي هوه أبوج ما أباا ولا يفكر أيي صووبي بعد
نورة : هههههههههههههههههههههههههههههههههههههههه ما صدقت أمره .. أمنهوو قولي من الآآخر أنج تبينه وتحبينه
أمون : ما أحبببببه بس أمممممم . خلاص خلاص مآشيء
نورة : يعني شمييم عادي تعترفيلهآآ وأنا لاا .. أفاا واللـ‘ه .
أمون : لا مب جذييه بس ماا أروم أظلم عمريه و أجذب بـ مشآعريه ..
نورة فخآطرهآ نآقعه من الضحك
أمون : أح‘ــــــم أدري بتضحكيين علييه لأنج اول مره تشوفيني أرمس بـ قلبي وبـ مشاعريه .. بس أنا و أحمدووووه صغاار مانقدر نتحكم فـ مشآعرنآآ .. فـ ألحين ما أبا أتقرب منه لأني مب ضآآمنه عمريه آآخر شيء يمكن أكتشف أنه هذآآ حب مرآآهقـ‘ه نفس حب شميييم لـ حمدآآن
نورة طآلعتهآ : شميييييم تحب حمدآآآآآن ؟؟
أمون فخآطرهآآ ( خيبه شو قلت .. صدق مثل ماقاالت شمييم أني فارطه لسآني ) : لا فدييييتج مااشيء
نورة : قوولي الصدق ؟؟
أمون : يعني أناا كنت أبااهم لـ بعض بس ماصاار نصيييب ..
نورة : أمممممم ما أبااج تفكريين أني حبيت حمدآن .. ترآآه ولد خآآلي وبس .. انا كنت ففترة مرآهقـ‘ه و ألي وعآآني من الشيء هذآ هوه سيرتيه فالموول ويآآ حصة .. يمكن حصة أول مره تسوي فييني خيير وتفتح عيووني ع طرييج كنت شآآيفـ‘ه فييه تفريغ مرآآهقتيه وونآآستيه ..
أمون أبتسمت وفخآآطرهآآ فرحآنه وآآيد أنه نووورة خلاااص تآآبت
/\
\/
/\
\/
صوب شمآآ اول مآآوصلت المركز شآآفت محمد أرتآحت شوي حست أنه فيه ريآآل وآآقف ويآآآهآآآ و سآرت صوبـ‘ه
محمد وقف يوم شآفهآآ
شمآ : محمد شو تسوي هنيييييييه ؟؟
محمد : أنتي ألي شو تسوين هنيه؟؟
شمآ : هم يآيبيني
محمد : حتى انااا
يآهم الشرطي : محمد حمد و شمآآ تفضلوو دآآخل ..
دخلوو ورى الضآآبط و أول مآآدخلو
محمد + شمآ يطآلعون بعض وفجأة : هئئئئئئئئئئئئئئئئئئئئئئئئئئئئئئئئئئئئئ
الضآبط : الأخ سعييد مشتكي علييكم
محمد يطآآلعه بنظرة غيض : ليييش شو مسويله ؟؟
الضابط : سعييد يقوول أنك خآآطف حرمته
محمد يشوف شمآآ
شمآ : لا مآخآطفني ..
سعيد : والله عآد خآطفنج ولا نآآهيه برضآآج أنا مب مهم عندي .. المهم أنج تميتي ويآآه فـ شقة وحده وهوه رفض أنه يعطيني حرمتيه
شمآ : يآآآآآخي ما أباااااااااااك .. غصب هوووووه
الضابط صرخ عليهم : بسسسسسسس .. شمآ سكتي
شمآ : وليييش أسكت .. يآيبيني تسكتوووني .. خلووني أقوول ألي فخآطريه عن هالريآآل ألي مسوي عمره شرييف عفييف يخآآف ع عرضـ‘ه .. خلووني أقوول كيف زور أورآآق وخذني بالغصب
الضآبط : بتسكتيين ولا بعقج فالحبس
شمآ : يآآآآخي ورقة الزوآج ألي عندك نقعهآ فمآآي و أشربه .. ما أبااااااك ويا هالكرشه لك
سعيد عصب : أنتيييي إيييييه أحترمي نفسج و احترمي ألي وآقف جدآآمج
شمآ بطنآزة : ههه ومنهو ألي وآقف جدآمي .. وآحد خآآيس .. رآعي رشآوي وتزوير أقوول عمي رووح عن ويييهيي لا صدق أبتلي فييك
الضآبط يرمس شمآ : أنتي إيييييه وين عآآيشه ترآآدين الريآآل بالأسلوب هذآ
محمد طآلع الضآبط بنظره : يعني هوووه يسب ويطلع علينآآ كلام و أنته عآآيبنك و هي يوم رمست ودآآفعت عن عمرهآ مآعيبك أسلووبهآآ .. الرشوة وصلت لمركز أمن .. ههه ( صد لـ سعيد ) والله فلووسك تيب روس ( لف للضآبط ) أقوووول سر أزقرليه الضابط عبدالرحمن .. انا ما أرمس ويا أشكآآل مرشآآيه بـ فلووس و تلعب بـ حقوق النآآس عشآن فلووس ..
زقرو الضآبط عبد الرحمن ..
عبد الرحمن : الأخ سعييد يطآآلب بــ فحص البنت ..
محمد : شو تفحصوون ؟؟
عبد الرحمن : يبآ يتأكد إذآ حرمته عذرآء
شمآ تصرخ ع سعيد : بذبببببببببببحك بإييييييديييييييييه
سعيد بلع ريجه يوم شآف شمآ جذيه وفخآطره ( مينوونة تجتلني )
عبد الرحمن : تفضلي سيري ويآ شرطيين بيرآفقونج لين المستشفى سوي فحوصآآتج وبييبونج هنيه
شمآ و محمد يطآلعون بعض
سعيد : شووو خفتي أنه هذآ ( ويأشر ع محمد ) يكشفوون ألي مسوينه يوم كنتو فالشقة
شمآ زخته من رقبته : والله بذببببببببببببببحك
يى شرطي ومسكهآآ
سعيد وقف ورى عبد الرحمن : مسكوهآ بتذبحني
شمآ : طللللللقني
سعيد : سوي الفحص
عبد الرحمن يأشر ع الشرطي عشآن يشلهآآ
محمد يرمس عبد الرحمن : خلني أسيير ويآآهآآ .. البنت ماتعرف روحهآآ
سعيد : أطمن يالمغرم بيكشفوونك أنته ويآآآآهآآ ..
عبد الرحمن عصب : سعيييييييييييد بس .. سر برآآ و أتريآنآ لين نزقرك ..
/\
\/
/\
\/
صوب شقة خآآلد ..
خآلد يرمس جسوم : هآآآ جسوم أخبآآرهم عربك ؟؟
جسوم : خلاااص عربنآآ رآآحوو
خآلد : أفااااااااااا .. خلصت عليهآآ
جسوم : أمررره مامنهآآ فود ألحين
خآلد : تهددهآآ؟
جسوم : جآآن بغيتهآآ بيبهآ لك
خآلد : هييه واللـ‘ه هآآتهآآ لنآآ
جسوم : فآآآلك طيييب .. أمره مااطلبت يآ بو وليد
دق دق دق دق دق دق دق
خآلد نش يفج البآآب
خآلد : هلاااااااااا والله بـ منصوووور ..
منصور هبط : شحآآلك ؟؟
خآلد : بخيير وسهآآلـ‘ه . أقررب أقررب
جسوم دق علييه عزووز وسآآر ويآآه ..
خآلد : هآآ منصوور هالمره أشووفه همك زآآيد .. بعدهآآ الحبيبة فالقلب
منصور تسآند ع الكرسي : هييه واللـ‘ه
خآلد :انزييين وينهآآ عنك ؟؟
منصور : تصدق ع كثر ماكنت أشوفهآ قبل .. كل يوم كنت أشووفهآآ .. فالشهر هذآ مآشفتهآ ألا مر‘ه
خآلد : أفاا . ليييش
منصور قآله سآآلفة شمآآ
خآآلد : أممممممممممم شرآآيك أييبهآ لك لين هنييه
منصور : خآآآلد من البدآآيه قآيللك .. شل تفكييري عن هالبنت
خآلد : مابنظرهآآ بنييبهآ بس حقك
منصور : لااااااااااا
خآلد : أقوولك مآبنظرهآآ بس بييبهآآ حقك هنييييه .. وكلنآ بنظهر محد بيتهم انته رمسهآآ وقولهآ ألي فخآآطرك و أكييد بتقتنع .. أنا أسااعدك عشآآن تقرب منهآ وتخطبهآ آآخر شيء .. ألحين هيه بعييده عنك لا بتروم ترمسهآ ولا تتقرب منهآ .. كيف بتخطبهآآ بعديييين
منصور فكر فـ كلاامة .. أممممم بس لاتضروونهآآ .. طآلبنك يآ خآآلد
خآلد حط إيده ع خشمه : على هالخشم
/\
\/
/\
\/
ع السآآع‘ـــ‘ه 3 الفير الضآبط عبدالرحمن وشرطيين و محمد وسعيد وشمآ فالمستشفى .. ظهرت شمآ بعد مآسوولهآ فحص ويتريوون الدكتوورة تطلع
الدكتورة ظهرت : للأسف البنت مش عزرآء
محمد و شمآ يطآلعون بعض
سعيد : شفت قلتلكم
محمد سآر صوووبه وعطآه طرآقين ويآ بكس فنص ويهه
عبد الرحمن يمسكه بس محمد يدزة
محمد مآسك سعيد من يآقته : حتى بعرض البنت بتزوووووور
الشرطيين مسكوو محمد وكلهم ردو المركز
سعيد والدم من خشمه ويرمس عبدالرحمن : هذآ محمد تفرووووونه فالحبس .. مب ع كيفه يلعب بـ حرمتيه و أنتو تعرفوون عقآب الزآني والزآنية
شمآ بعدهآ مب مستوعبه ألي صآآر
محمد مخلييينه برآآآ
عبدالرحمن : وحرمتك بتشلهآآآ
سعيد يمسح ع لحيته : هييييه حرمتيه بشلهآ وياايه
محمد يصرخ من برآآآآآ : بتنكشف ألااااعيبك يالخآآآآيس ( دخل عندهم وفج البآآب بقو وسآر صوب عبدالرحمن ) لو سمحت برمسك شوي
سعيد : هييه تبآ تدهن سيره ؟
عبدالرحمن على صوته ع سعيد : ليييييين هنييييه وبس .. أسكت خلاااص ولا بتطلع برآ لا حرمة ولا شيااته
محمد يرمس عبدالرحمن : هذآآ سعييد ألي تشوفه جدآآمك مآآخذ البنت بالغصب و دفع لأبووهآآ فلوووس وسآآرو المحكمة و ضحك ع القآآنون بفلووسه وخذهآ حتى بدون مايسألون البنت موآفقة ولا لا .. و أنا أطااالب بأنه الفحص تسوونه عندكم هنيه فالمركز لأني ما أستبعد أن كاان لعب بعرض البنت بـ فلووووسه
عبدالرحمن فهم ع محمد وهوه من الأسااس يعرف عن محمد و أبووه كل شيء ومب معقوله محمد يكوون ضيع بنت أحتمت فييه ..
عبدالرحمن يرمس الشرطي : شلهآآ عن الشرطيه نوآآآآآآل وخلهم يسوولهآ الفحص هنآآك
سعيد وهوه يآلس بلع ريجه :شو فحصه بعد ؟ خلاص سوينآه فالمستشفى
محمد قرب صوبه وحط ريل ع الكرسي وريل وآقفبهآ وجدم ويهه من ويه سعيد : أسمع البنت بتطلقهآآآ .. وبيبن شرفهآآ ألحيييييين .. و إذآ أنته ع بآآلك ضحكت ع السستر و الدكتوورة ألي سوولهآ الفحص فأنته غلطاان .. أناا فااهم وعآآرف ألاعيبك ( ويدقدق ع خد سعييد بالخفيف ) فهمتني ولا لا ؟؟
/\
\/
/\
\/

كآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآت ..

/\
\/
/\
\/

رآيكم فـ شخصية ..
سعيد :
محمد :
حمد :
نورة ..
شمآ ..

شو بيصيير فـ شمآآ ؟؟
سعيد بيطلقهآآ ؟؟