|
مجنونه فديتج متى بتكملين القصة تراا انا طلبت جزء صغير only |
هههههه وربي ادري انطريني ساعتين ونزله لج ساعتين اذا ماتزلته سو فيني الي تبين |
ف انتظار التكملة ... لا تتأخرين علينا... |
بســــــــــــــــــــــــــــــم الله الرحــــــــــــــــــــــــمن الرحـــــــــــــــــــــــــــــــــــــيم ; . . . http://6p6b.net/uploads/5bf201e444.gif .........$$$ ... الجزء السادس والعشرين ... $$$......... =========================================== للكاتبه : روح الامارات .....$$$..... للكاتبه : روح الامارات =========================================== ( طلع نواف من الفندق وهو متوجه لشركه سيف ، سيف كان حده مندمج بشغله وماتوقع انه راح يشوف نواف ابدا كان هاذا اخر شي يفكر فيه او يتوقع شوفته ..... --------------------------------------- ( فالشركه فمكتب سيف الساعه 10 الضحى...... ( سيف طلب بندر بالجهاز .... سيف : بندر تعال ابغاك بندر وهو توه داخل : امر طال عمرك ؟ سيف : اذا في حد يبغاني لا تخليه يدخل قبل لا تقولي ok بندر : ok طال عمرك ... ( طلع بندر وسكر الباب وراه سيف خذا جواله وتصل على هيونه لانه توله عليها.... ( هيونه كانت ترتب غرفتها ويا الخدم وتعلمهم شلي يسوونه ...... ( دق جوالها الي كانت تنطره يدق طلعته من جيبها وناضرت الرقم وببتسامه وردت عليه...... هيونه : الو سيف : هلا حياتي تولهت عليج وقلت خلني ادق هيونه ببتسامه وهي تتمشى بالغرفه : خلصت الجتماع سيف : هيه خلصت مع اني زعلان عليج بس شو تبيني اسوي قلبي الي يقودني هيونه وهي عارفه ليش اهو زعلان بس تستغبي : ليش سيف : تبندين الخط بويهي وما تبيني ازعل بس معليه هالمره بسامحج لانج معذوره بس مره ثانيه معتقد اني راح اسامحج زين هيونه بدلع : طيب واذا قلت اسفه سيف بخبال : حمار الي مايساحج ههههههه هيونه ضحكت على خباله .... وتمو يسولفون ويا بعض وسالفه تجر سالفه وسرقهم الوقت وماحسو فيه. --------------------------------------- ( نواف وصل لشركه الشرار كان يتطاير من عيونه بس ماسك اعصابه ويبي يوصل لسيف باي طريقه سأل عنه عند لاستقبال وخبروه وين مكتبه وهو كل ماقصرت المسافه الي بينه وبين سيف زاد الغل الي فقلبه اكثر وكثر ..... ركب الاسنصير ودق رقم الطابق .. 15 .. ولما وصل دله واحد من المضفين على مكان المكتب ... دخل مكتب السكرتير .. نواف واعصابه بدت تتلف وقال بحده شوي : السلام ) وقفله بندر : هلا وعليكم السلام امر فيني اخدمك امر اخوي نواف : ابي اشوف سيف معزبك بسرعه بندر وهو مستغرب من الطريقه الي نطق فيها اسم سيف ! : عندك موعد نواف : بتدخلني ولا ادخل انا بنفسي مابيني وبينه مواعيد روح قله نواف موجود ولا اقولك انا بنفسي الي بقوله الي بقوله ( لف وهو متوجه للباب مكتب سيف لحقه بندر بس مالحقه لانه دخــــــــــــــــــــــــــــــــــــــــــل ( سيف كان ملقي للباب ضهره وبعد ماسمع صوت الباب وهو ينفتح بقوه لف والشرار بعيونه يبي يعرف من الي تجرا ودخل مكتبه بهالطريقه ......... بندر وهو مو عارف شيقول لانه متوقع رده فعل سيف : كنت ابي امنعه بس اهوا سبقني ودخل سيف وهو الصدمه مو ماليته : انت نواف وهو عارف لو تكلم من هنا لبكره مبيطلع شي بيده بس كان وده يطلع بقيه هالغيض والقهر الي فيه باي طريقه : اي انا وجاي اخذ الي خذيته هيونه كانت على الخط وسمعت صوت نواف لانه كان عالي مره فقدت اعصابها وحاولت تقنع نفسها ان هالصوت مش صوت نواف : الوو سيف سييف رد علي سيف تذكر هيونه وتمنا انها ماتكون سمعت صوته : الو هيونه اكلمج بعدين باي ( وسكر الخط ولا ستناها تتكلم اي كلمه )...... سيف والشرار يتطاير من عيونه : ونت باي حق تقول هالكلام وباي حق تدخل مكتبي كذا ونت من تحسب عمرك نواف ماسك عمره لابعد حد والعبره خانقته وهو يجر الكلام جر : انا نواف بن سعود النايف ان كنت مو عارفني ( سيف مابغا تكبر قدام بندر وتنتشر عند الموضفين ....... سيف بعصبيه : بندر اطلع وسكر الباب ولا تخلي حد يدخل انا شكلي مطول اليوم... ( بندر وهو مو عارف شسالفه ولا عارف من هالشخص الي دخل بكل عصبيه وخلا الاستاذ سيف يذ طر انه يسمعه وما ينادي السيكورتيه يطلعونه برا بالقوه , طلع وسكر الباب وراه وقعد فمكتبه ...... سيف بعصبيه : انت شتبا فهمني الان لو ماتكلمت ما اضن ان الي بيصير اليوم فيه خير نواف نزلت دمعته : ابي قطعه من قلبي الي خذيتها ابي الهوا الي انحرمت منه والسبب انت ابي عمري انت خذيت كل مادوني وراي انت خذت كل شي وما خليتلي شي , كل شي وماخليتلي شي.. نواف كان شاك الا متاكد من زمان انه يحبها من نضرته لها فالمطار ومن مكالمته له بايطاليا ومن موقفه الي سواه الحين كل هاذا يدل على شي واحد ...... سيف وهو منصدم ومنقهر بنفس الوقت لان الجراه الي فنواف تعدت حدودها كثير : انت عارف الي تتكلم عنها هاذي منهي هاذي حرمتي وبكل عين قويه جاي تناقشني فيها اطلع برا لاني بديت افقد اعصابي اطلع لارتكب فيك جريمه ( وضرخ باعلى صوته ) اطلع برا انت ماتفهم (.. هنا دق جوال سيف رفعه لانه توقع منو الي داق.... ** هيونه ** سيف رفع الجوال ولما شاف الرقم قفل الجوال غصبا عنه وهو عارف انها سمعت صوته واكيد انا مو بخير الحين ( فالفله............ هيونه كانت مصدومه ومو عارفه شتسوي الفكار تناثرت من مخها وهي تحاول تجمعها علشان تتصرف بس مو قادره لان سيف عصبي ومايقدر يتحكم باعصابه ونواف العن منه .... --------------------------------------- ( فالمكتب...... نواف وهو حاس انه انذل بقوه بس داس على عمره وعلى كرامته لابعد حد كان يتكلم ومو حاس بدموعه الي تطلع منه بحراره كان وده يطلع كل الي فخاطره باي طريقه حتا لو كانت تزيد جرح قلبه الي بدا يكبر ويتوسع : لا ما افهم بس لو اني اتاكد انك راح تقدرها بسكت وبنطم وبطلع برا هالدنيا بعد ، بس الي خايف منه انك ماتعرف قيمتها ماتعرف قيمتهااا ولا اضن ان في حد بيعرف قيمتها وثمنها غيري انا دست على كرامتي وجيت هنا انا وتركت وراي مستقبلي تركت كل شي حلو بهدنيا علشان اشوف هيونه قدامي لي انا بروحي وتجي انت بشهر واحد تاخذها من يدي بهسهوله , انا صارلي 7 سنين وحبي لها يقول اصبر ينواف راح تفوز فيها اصبر اصبر ونا 7 سنين انطرها ونت بشهر واحد تاخذها عرفت ليه انا واقف قدامك الحين ( علا صوته ) عرفت ( نواف كان يتكلم ودموعه مالقت حد يوقفها كان منهار لابعد حد مو عارف شيقول ومو عارف الي يسويه صح ولا خطا..... سيف والشرار يطلع من عيونه قرب منه ومسكه بيدينه الثنتين من جيبه ودفه على ورى لانه مايبيه يكمل ، لان كلامه الي كان طالع من كل قلبه اثر فيه بس كابر وحاول يسكته باي طريقه : اطلع برا اطلع لا تتحمل جثه اطلع نواف وهو يائس قعد على ركبه على الارض ودنق راسه وقال بصوت مخنوق ودموعه غرقت خده : بس انا احبها ليش ياخذونها مني ليش ابيها ابيها ومابي غيرها ابيها تكفى يسيف ردها لي ردها لي انا ماعيش من دونها مقدر اعيش سيف وهو منصدم لانه مو عارف شيرد عليه لانه حس بالي اهو فيه بس يكابر لانه يبغى يحتفض بهيونه ومو لمن كان يتنازل بسهوله لانها مو لعبه سيف حاول يخلي عمره طبيعي لان من نضر عيونه شاف هموم الدنيا كلها فيها ، كانت ودها تصرخ بس بقايا الكبرياء الي مانمحت من نواف مانعته : نواف اسمعني انت مو عارف انت شتقول تعال ايلس وهدي شوي.. نواف مسح دمعته بطرف كمه ووقف بصعوبه وعضامه مكانت تقواه ولف على الباب وتوه بيطلع ناداه سيف.. سيف : تعال ينواف لا تروح كلمني ( وسيف اخر واحد توقع انه فيوم بيطلب منه يبقا اهو نواف نواف لف عليه وهو مخنوق : شتبغى بعد ماخذيت كل شي . سيف كان يقدر يقوله كمل طريقك لبرا بس نضرته كانت تقطع القلب وسيف مو من شيمته يذل حد جا لحد عنده مشى سيف لحد عنده ومسك كتفه وقال بنبره : لاتطلع ونتى بهالحاله اقعد وهدا شوي نواف فك يد سيف بقوه وهو حابس دموعه والغيره بتذبحه: خلاص مافي شي اخاف عليه بعد اليوم سيف وهو لاول مره يمسك اعصابه لهلحد لانه عارف ان الي يسويه نواف الحين مو بيده : استغفر الله واتوب اليه امش امش وياي خلنا نسير برا اباك ( نواف سكت ومشا قدام سيف ركبو الاصنصير ونزلو لطابق الاول سيف كلم لاستقبال وطلع جته السياره عند باب الشركه نزل العامل وركب سيف وقبل لايسكر الباب نواف كان واقف ويناضره... سيف رفع راسه : تعال اركب نواف بصوت تعبان : عندي سيارتي ومو محتاج منه حد سيف وهو للحين ماسك اعصابه لانه مابقا الا شعره وينفجر : طيب ولو قلتلك اني رايح لبيتي واباك تروح وياي لان الموضوع مرح ينحل غير كذا.. نواف طلع يده من جيبه والهي العلامه الوحيده الي دوم تفضحه لتوتر ، وابتسم : صدق ولله سيف وهو كان مخطط يطول الطريق لان فباله شي محد يعلم فيه الا ربي : هيه ولله ماودك تركب نواف نزل راسه وقرب من السياره وركب سيف كان عارف ان نواف بالاخير راح يركب....... ( فالسياره وبعد ربع ساعه صمت ..... سيف : نواف انا مرح اروح البيت على طول نواف لف عليه بعصبيه : اجل ليش تقولي اركب سيف بدا ينفذ صبره : نواف لا تصرخ لاني للحين ساكت انا محترمك واتمنى تحترمني خلني اكمل كلامي وبتعرف ليش ما بروح البيت على طول ...... ( راحو العزبه الي كان سيف طول الطريق وهم ساكتين كان يفكر بصعوبه شراح يسوي وشراح يقول لنواف ( نواف مو مستوعب اهو شلون وافق تم ساكت طول الطريق...... -------------------------------------------- ( اما هيونه الي انهارت مو عارفه شتسوي اتصلت على مكتبه اكثر من مره وما رد واتصلت على جواله بس كان ناسيه فالمكتب ونواف مقفل جواله...... هيونه وهي تبكي ومو عارفه شتسوي , رمت عمرها على الكنبه وزاد بكاها من خوفها عليهم... نور وهي تشوف هيونه بهالحاله ومو عارفه شتسوي شكلها يقطع القلب ، كان الحمل كبير عليها ومو عارفه شلون تتصرف كملت بكي لانه هو الحل الوحيد الي راح يخفف عنها كانت الدنيا تدور فيها والفكار توديها وتجيبها .. هيونه وهي مو قادره تتنفس من الضيق والخوف الي حاسه فيه : يربي يربي شسوي ساعدني يبا وينك اااه ( وبعد 3 ساعات وهي منهاره والوقت كان بالويل يمشي سمعت صوت الباب يفتح قامت تركض للباب ولما طلعت من الصاله الداخليه كان بتطيح من طولها لما شافت هالمنضر .... سيف ونواف واقفين قدامها وكان سيف مبتسم وحاط يده على كتف نواف هيونه ابتسمت بصعوبه وقربت تتاكد من الي تشوفه مدت يدينها لنواف الي جا وقرب منها وابتسامه انرسمت على فمه وضمها بقوه وهو مو عارف الي اهوا فيه حقيقه ولا حلم نزلت دمعته على خده وهو ضامها وما وده يفارقها : اشتقتلج موووت هيونه وهي تبكي : فديتك حتا انا وربي اشتقتلج ليش تسوون فيني كذا سيف كانت الغيره من نواف وهو ضامها مو مخليته يبتسم بس مسك عمره بس علشان خاطر هيونه لانها كانت تعبانه وهشي مبين من عيونها خلاه يصبر لان قربه منها هو الوحيد الي راح يخفف عنها ... هيونه فكت نواف وراحت تركض لسيف الي افكارها خلتها تعتقد انها مرح تشوفه مر ثانيه قربت منه ورمت عمرها فحضنه : لا تتركني وربي اموت سيف ببتسامه : اموت ولا اتركج خلاص انتي مو وعدتيني وما شوف هالدموع مره ثانيه ( باسها على راسها ومشى فيها عند نواف الي كان منزل راسه وما وده يشوفها وهي راميه نفسها فحضنه.... سيف : حياك ينواف البيت بيتك مشى نواف وهو للحين منزل راسه وقعدو بالصاله الرئيسيه الي قدام الباب لانها لاقرب لهم .... واول ماقعدو هيونه كانت للحين مو مستوعبه لان الي تشوفه الحين لانه من سابع المستحيلات .... هيونه كانت قاعده بينهم لفت على سيف ومسكت يده بصعوبه ولفت على نواف وسوت الي سوته ويا سيف وقالت هيونه وعيونها فيها كلام كثير : الحين تفهمون شصاير الحين لان اعصابي تلفت سيف وهو يحط يده ورا ضهرها ويضمها : خلاص يقلبي لاتحاتين القلوب بذن الله تصافت ونواف انشاله بيفتح صفحا جديده مثل ماوعدج ونا بنفسي بسامحه على الي سواه لانه وعدني .... هيونه الفرحه بعيونها ؟ : صدق ينواف الي يقوله سيف نواف ببتسامه وجروحه بدت تنمحي شوي شوي وهو يشوف هيونه فرحانه له : اي فديتج ووعديني ماتتخلين عني هيونه : انت اكثر واحد تعرف غلاتك فقلبي لاتحاتي سيف قاطعهم لانه ماوده يتكلمون بهشي كثير : عذريني حياتي مرديت عليج غربلني هالولد ( نواف ببتسامه اختفت بسرعه .... هيونه وهي تمسح بقايا الدموع الي على خدها : لا عادي يقلبي اهم شي انك بخير ولا تسوي فيني كذا مر ثانيه لاني عارفه شلون مسكت اعصابي... ( نواف مبتسم وهو يناضرها تسولف وتضحك والفرحه مرسومه على شفاتها وهي تشوف اغلا اثنين على قلبها قاعدين حولها وناسين الدنيا وما فيها واهم يشوفونها فرحانه ومبتسمه..... ( اندق الجرس وهم قاعدين كانت الساعه 1 الضهر ........... سيف ؟ : من جاي هالحزه هيونه ! : مادري يمكن امي ام حسين جايه لاني امس قلتلــــــــــــ.... ( وقبل لاتم كلمتها انفتح الباب ودخلت ام حسين وميثا وسلامه... رفع نواف راسه وهو فاتح عيونه عالخر وبعد مانتبه لعمره ونزل عيونه لانه بالغ برده فعله.... نواف بينه وبين نفسه : اوه ماتوقعت في وحده من اهل سيف حلوه الله يحفضها دخلت ميثا وقربت منهم : السلام ( نواف كان قاعد ومانتبهت له .... هيونه وقفت لها : وعليكم السلام حياك يقلبي ( ميثا لما انتبهت للي قاعد وطت صوتها وهي متخرعه.. ميثا : هيونه عندكم ضيوف سوري جينا بهالوقت ..... هيونه : لا عادي يحياتي حياك هاذا نواف ولد خالي ( رفع نواف راسه وهو يناضرهم واقفات يم بعض حاول يقارنهم ويا بعض قبل لايرد عليها بس مافياي وجه مقارنه , ميثا كانت حلوه وحلوه مر بعد بس مش زي هيونه هيونه كانت غير وهشي الي خلا نواف وسيف وسعود بعد مايلقون غيرها .... ) نواف بنبره متجدده وكل عاده ينسى همومه بسرعه بس للاسف بعد تردله بسرعه: هلا والله ميثا وهي منبهره فيه وخجلانه منه لان نضرتها له فضحتها : هلا ( قالتها وهي خاقه لان نضرته لها ذوبتها ) ( سلامه وخالتها ام حسين سلمو من بعيد ودخلو المطبخ لان ام حسين كانت يايبه لهم غدا وسلامه ماسكه الملحقات ودخلتهم وياها المطبخ ومالاحضو ان في ضيف موجود .... جت سلامه وهي ماسكه كعبها بيدها وجايتهم محرجه : اففف كسر ضهري هالكعب ( وجت وسلمت على هيونه وتوها بتلف على سيف وشافت نواف قاعد صبت عضامها وردت على وراى سلامه وجها احمر وتعدل شيلتها : ماقلتولي ان عندكم ضيوف soory وقف نواف وهو حاس ان موقعه الحين صار مو عدل بالمره بينهم : انا استاذن هيونه : لا نواف تكفا تم شوي تغدى ويانا على القل نواف : لا فديتج مو وقته انا مكاني صاير غلط بينكم مره ثانيه انشالله ميثا بينها وبين نفسها : لا تكفا لاتروح تم شوي بس شوي يربي يخبل بطيح من طولي سلامه كانت رايحه فيها اكثر منها وتكلم روحه : يربي شهطول وش هالزين واااي جسمه عذاب واااي ( ميثا من كثر ماهي متحمسه مدت يدها وقرصت سلامه ... سلامه بصوت واطي : ويعه عورتيني شو بلاج تخبلتي احح ميثا والصوت يالله يطلع منها : ااه سلاموووه تشوفين الي اشوفه سلامه وهي ضايعه فخرايطها وياها : هيه اشوفه هاذي كل شباب قومهم مزايين جي ميثا : والله يمكن مادري سلامه تتخبل: تبيني اسالها لاني ماروم اصبر ميثا : هههه مينونه انتي ترا ماستبعد عنج تسوينها ....... دخلت ام حسين : السلام عليكم والرحمه الكل : وعليكم السلام ياهلا وقف سيف لها وباس راسها وبعده قرب نواف بعد سيف وباس راسها ... نواف وهو خجلان منها لانه اول مره يشفها : هلا خاله ام حسين : هلا ياولدي ( وبعد مادققت بملامحه ) انت ولد ام بدر صح هاذى اذا ماخانتني ذاكرتي نواف ببتسامه : لا انا نواف ولد خال هيونه ام حسين : هيه صح ولد ام نواف الله يحفضها انشالله شحال الوالده يما نواف : بخير الله يعافيج ويبقيج , يلا اسمحولي انا لازم اروح تاخرت ام حسين وهي متضايقه : والله وما بعده حلف انك ماتخطي الباب الا لما تتغدى ( لفت على هيونه بعصبيه ) ونتي يما تتركين ضيفج يروح وماتلزمين عليه يقعد يتغدى على القل هيونه وهي تناضر نواف : وربي قلتله بس اهو الي مايبي يقعد حيلج فيه ام حسين : لالا مافي طلعه اليوم , البارح وصلو قوم هيونه واليوم الكل انشاله بيجتمعون هني سيف يما سيف وهو عرف الي بتطلبه ام حسين : روح يما وصلك على 4 خرفان للعشا وسو الي عليك ونا بكلم حسين وسالم يسيرون وياك اتغدى وعلى طول سيرو ييبو الي قلتلك عليه ( وتلف على نواف ) ونت يما البيت بيتك من غريب سيف وهو اصبعه على خشمه : على هالخمش بس والله ترانا يواعا اليوم تعبت تعب ( ويلف على نواف ويغمز له , نواف ابتسم ونزل راسه لان عارف سيف شيقصد... هيونه : نواف فديت روحك لاترد قطر نام عندنا اللليله سيف وهو متاكد من اجابه نواف : حياتي لا تحاولين اهو زين جا هنا تبينه يرقد بعد نواف : هاذا سيف جاوبج لا تحاولين انا مرتاح الى فبيت اهلي هيونه : وانا اهلك أ ا أ قصدي من اهلك لاتصعبها تكفى نواف تفاجء اول شي من كلمتها بس تقبلها لانه وعد عمره مايفكر فهالشي مر ثانيه : انتي اهلي وامي وبوي بس عذريني فديت روحج ( وباسها على راسها ..... هيونه بخبث : طيب وذا قلتلك والله وما بعدها حلف ان تنام هني وذا مانمت وربي لساني مايطيح على لسانك لين اموت وذا فيك خير اطلع من هالي قلته ههههه ( ميثا وسلامه ببتسامه عريضه لان امنيتهن يتم هنا اليوم ...... نواف وهو فاتح عيونه عالخر : اله الله الله حشا الي يقول لطلعت بكفر الله يهديج هيونه : كيفك ونا الحين بخلي الخدم يجهزون غرفتك , نوور نوور .. caame pleese ( نواف مكان وده يتم قريب من هيونه لان الذكريات والوهام راح ترجعله ويرد مثل ما كان ويمكن اكثر.... ( فالغرفه الي راح يجهزونها لنواف ... ( هيونه راحت ويا الخدم مونيا وانيسه ونور علشان يجهزون غرفه نوواف... هيونه : مونيا روحي جيبي البخور وبخري الغرفه , ونتي انيسه عطري الفراش , نور انتي روحي لغرفتي فالموزع فرف الملابس راح تلقين ثلاث عطور جديده مش مفتوحه جيبيها يلا بسرعه ( طبعا كل وحده من الخدم سوت الي نطلب منها ونور لما جابت العطور فتحتهم هيونه وصفتهم عالدرج كانو هالعطور احلا عطور بنسبه لنواف كان دوم يخبرها بالشيى الي تخليه يبتسم مثل لما يشم ريحه عطر يحبه ولا لما يشوفها مبتسمه او لما ينرفز حد او يخجله مثل مايسوي بهيونه دوم ... ( ولما خلصت نزلت تحت وراحت عندهم .... هيونه : هاي سيف : وين كنتي انا من اليوم اسال عنج اكيد سويتي الي براسج ياويلك ينواف هيونه ببتسامه : كنت ارتب غرفه نواف فوق نواف : يربي يعني مصره على رايج والله ماله داعي كل هاذا فرشيلي فالميس وجيبيلي بكيت زقاير وكان الله غفورا رحيما هيونه : ههههه بالميس ها طيب طيب نومه فالمجلس مافيه ونا حلــــ.. نواف قاطعها : خلاص خلاص بعد حلفج مرح اتكلم موول براحتج تبيني انام راح انام لو بالحوش ههه ميثا خلاص داخت على نواف وتقرب من سلامه وتوطي صوتها : سلامه شو اسوي مو قادره اشيل عيني منه سلامه : مو اكثر عني انا بعد بموت بس وربي سيف احلا منه مالوم هيونه لو اختارت سيف عليه سيف اطول منه وله جاذبيته اكثر منه بس فوق كذا يخبل صح ميثا : لاتقلبين المواجع صحيح سيف احلا بس نواف جذبني سلاموه سلامه : نعععععععععم ووطي صوتج ويعه فضحتينا قدام الريال ...... ميثا : انا ذبت فيه شكلي وقعت فالحب يا سلامه قمت اتكلم فصحه دوخني بموووت أأأأأأأأأأأأ سلامه : ويييعه كم مره اقول وطي صوتج انتي تخبلتي توج اليوم تشوفينه تحبينه انتي شكلج من تشوفين زول ريال تروحين فيها ثقلي لاتفضحينا انتي اصلا فضحتينا وخلصتي ميثا : بس هاذا غير غيييير , سبالوه أا ا قصدي سلاموه لمت ذكريني بالخير تكفين سلامه وهي فيها الضحكه : انشالله انتي تامرين امر ( وبعد ثواني انتبهت للاسم عدل ) هاااااا شو قلتي انا سبالوه طيب انا الحماره الي اسمحلج تناديني سلاموه زين خل اريال يروح وتشوفين ( نواف كان يسرق نضراته لميثا وبكل مره تطيح عينه فعينها لانها كانت طول اليوم تناضره ولا شالت عينها منه هيونه كانت ملاحضه كل هذا قربت من سيف وكلمته فذنه..... هيونه كانت العلاقه بينها وبين سيف شبه بدت تصير طبيعيه بس باقي لهم شوي : شوف نواف وميثا وربي عصفورين هههههه ً سيف : لا عاد شوفي مسكي ولد خالج لقوم ادوس بطنه معندنا شباب يناضرون بناتنا قوميله ترا ان قمت بتوطا فبطنه مثل مايقول حمد ولد عمج المخروش ههههه هيونه : تتوطا فبطنه بس ترا بفزعله هههههه سيف : ههههه افا تخليتي عني علشانه ( ضحكت هيونه وقامت تشوف الغدا ولما جهز راحت تناديهم مكانت ودها تخرب على نواف بس غصبا عنها .. ( سيف ماخذا الموضوع جد لانه توقع ان هيونه تشوف انهم مناسبين لبعض وماتوقع ان السالفه جد وانهم يطالعون بعض ولو لاحض قلب الدنيا على روسهم .......... هيونه وهي طالعه من المطبخ وجايه عندهم : حياكم الغدا جاهز ( ثواني بعد النقاشات كل واحد يعزم الثاني يقوم قبله قامت ام حسين وقامو الشباب وياها....... هيونه : ميثا سلامه فديتكم احنا البنات فوق بغرفه الطعام ميثا بَنفس وابتسامه : ok يلا سلامه ونتي هيونه مو تخلينا وتروحين وياهم هيونه : لا شقعدني وياهم بس اشوف شيبغون وجايتكم علطول سبقوني ونا وراكم ........ ( نواف قلبه رحوم مره والجمعه الحلوه نسته او خلته ينسى الي اهو فيه , بس اكيد مو بهالسرعه راح ينسى كلشي بس مع اليام راح بيتغير وبيتغير كثير بعد , البنات تغدو ويا هيونه الي لاول مره تتغدى عدل وزي العالم والناس حست ان هالخوف الي فيها بدا يتلاشي بس مانتهى لان سيف من اخر مره فتح الموضوع معاد تكلم فيه ولا جاب طاريه لانه حاس ان مو وقته , أهي صحيح تغيرت وصارت تتكلم وياه وتسولف عادي بس بحدود ، حاولت تتجاوزها وتنسا خوفها بس ماقدرت فكل مره تفشل ......... ========================================= ( ابوضبي فبيت ابو شهد الساعه 3 العصر ........ ( بعد الغدا تجهزو علشان يطلعون ويا هيونه يتسوقون وبعدها يتعشون برا ....... شهد وهي توها طالعه من الغرفه حست براسها يدور ونفسها صار يتقطع بس مسكت عمرها وكملت لصاله ... ام شهد لما شافت بنتها كذا تميل يمين ويسار قطت المجله من يدها : شهد يماما شفيك شهد وهي تقعد عالكنبه لان نفسها بدا يتقطع بسرعه : لا ولا شي بس راسي يدور تكفين ابي ماي بارد بطني يعورني ام شهد وقفت وراحت وهي متخرعه : ناصر ناصر وينك قومي يما ميمي جيبي لها ماي بارد شهد وهي حاطه يدها على فمها لانها كانت ودها ترجع ( تكرمون ) : لالا مايحتاج انا دايم كذا لاتحاتين ولما زاد عليها راحت تركض الحمام ام شهد راحت وراها : يما خرعتيني شفيك ماكله شي البارح شهد : ايه يمكن من الهمبرقر الي امس لاتحاتين ماما انا ماني بيبي تخافين علي دوار بصيط ونا دايم كذا معدتي ماتستحمل شي ثقيل ونا شكلي كثرت البارح ....... ام شهد : يعني ما تبغين تروحين للمستشفى شهد : لالا لو حسيت اني تعبانه بروح مي وهي ماسكه كاس الماي : تفضلي شهوده شهد وهي تاخذ الكاس : يسلمو حياتي ( وتتلفت حولها ) شفيكم واقفين كذا انا خلاص مافيني شي ام شهد : ماما علشان خاطري شوفيلج دكتور لان وجهك اصفر بشاير وهي تتمصخر : يمكن حامل ههه ( قالتها على انها مزحه بس مكانت تقصد الي قالت ) شهد وهي متخرعه : لالا شنو حامل انتي بعد لااا مابي الحين تو الناس ام شهد وهي مبتسمه : اي والله يماما يمكن حامل والله اذا كنتــــــ.. قبل لاتكمل قاطعتها شهد : هيييي انا مابي الحين مابي ( وراحت تركض تنادي سعد ) سعد سعد وينك سعد كان بالغرفه يلعب بالجوال وماله خلق : نعم اناا هنا بغرفه هيوونه ( دخلت شهد وجها صار يعطي الوان من الخرعه ... شهد : سعد قوم ودني المستشفى سعد كان متمدد وعدل جلسته وهو متخرع : ليش المستشفى من المريض شهد : محد مريض بس انا بطني يعورني وابغا اروح المستشفى بتقوم ولا اروح لخالد سعد وهو يسحب ثوبه من جنبه : يلا يلا قومي اسبقيني لسياره ونا لاحقك ( قامت شهد وراحت تلبس عباتها وسعد نازل عالدرج وهو يلبس ثوبه ( < ماعنده وقت ) وراح لسياره ثواني وطلعتله شهد بعد ماخبرت امها انها رايحه ويا سعد ام شهد حاولت وياها انها تروح معاها بس شهد عارضت لانها متوتره وما تبغى حد يوترها اكثر ........ ( وبعد ربع ساعه وصلت المستشفى وبعد خمس دقايق دخلت عند الدكتوره وخبرتها شعندها ,الدكتوره كشفت عليها وعطتها ورقه للمختبر علشان ياخذون منها عينه ( تحليل دم ) وتمت تنطر النتيجه لان يبالها تقريبا ساعتين علشان علشان تطلع ومارضت ترد البيت الا فيها .... --------------------------------------- ( فبيت ابو شهد كان الكل جاهز وينطر رجعه شهد علشان يروحون لهيونه..... ( فالصاله ........... ام شهد : يربي لو مخليتني اروح وياها بس عنيده وراسها يابس ناصر بكل برود : لاتخافين عليها بيقولون لها ماخذه برد ولا ماكله شي عادي خذي الرخا من بالك يخاله بدور : طيب شرايكم نروح وهي متى ماخلصت تلحقنا هناك انا ابغا اروح قبل لا يبدا الفلم مي لفت عليها : اي فلم احنا رايحين لسوق مش لسنما بدور : اي يالخبله المركز الي بنروحله فيه صالات سنما وتعرفيني انا بدون سنما اموت صارلي سبوعين مو رايحه والفلم الجديد ماينعرض غير هنا فالبحرين مو موجود يلا لازم اشرح كل هالشرح علشان تفهمون يلا انا معاد فيني صبر حمد : طيب طيب قومو اوصلكم لبيت سيف علشا احنا بعد ورانا مشوار يلا قومو ( طلع حمد وهو مو عارف شناطره فبيت سيف ركب سيارته وطلعها من الـ..parking ووقفها عند مدخل الفله وتم ينطرهم البرنسيسات يلبسون عباياتهم , وبعد ماخلصو طلعو له وركبو السياره ومشو ..... حمد بعد ماحرك ناضر المرايه يتفقدهم : مشالله تصدقون انكم كبرتو ههههههه مي : تو الناس توك تلاحض حمد : هههه لا مو قصد بس صايره اللسياره قدكم بالضبط اشوا اني ماخذيت المرسيدس لاني لو خذيتها مرح تعدي اليله على خير هههههههه لفت بشاير تعدهم ( ام شهد قدام ويا حمد وتوفي ومي وبشاير وبدور فالكشن الثاني وانوار وهنادي واموله فالكشن الخير ) : اي ولله قدنا بالضبط لو شهوده ويانا كان لازم وحده تروح ورا وياالجهال . انوار : انا ماني جاهل شفيكم انتو ماتفهمون والله والله ان عمري 15 وداخله 16 يعني كبييييره اذا قلتو كذا مره ثانيه وربي لبكي بدور وهو علبالها انها بحسبه الكبار : هههه هذا اهو الدليل انج جاهل ( وتقلد صوت انوار ) اذا قلتو كذا مره ثانيه ترا ولله لبكي هههههه ام شهد : خلااااص بسكم ونتي يبدور تركي اختج فحاله وربي محنا ناقصين حنتها وترا انتي بعد جاهل وياها لاتعدين عمرج من الكبار بدور ولسانها الي متبري منها : لا كبيره والي كبري تزوجو هذي هيونه لو صج الي فعمرها جهال كان مازوجتوها يعني انا كبيره زوجوني هههههههههه ( الكل ضحكو عليها ام شهد انصدمت من كلمتها وحزت فخاطرها بس ماتكلمت وبدور كالعاده مكانت تقصد الي قالته وما توقعت ان الي قالته مش في محله... ------------------------------------------ ( ففله سيف ....... ( تغدو تمو شوي نواف كان تعبان ولاحضت هيونه هالشي من عيونه .... هيونه : نوافتبي ترتاح مبين عليك انك تعبان نواف : ههه وربي محد يفهمني غيرج اي تعبان وحدي بعد هيونه : طيب قوم ارتاح اوصلك لغرفتك ( ووقفت له ( نواف وقف ومشى قدامها .... سيف كان يسولف ويا سلامه ولما انتبه : هيونه هيونه لفت عليه : هلا سيف بتوتر : قعدي انتي انا بوصله لغرفته اي وحده الي جهزتيها هيونه : اول غرفه يم الدرج ( هيونه كانت عارفه قصد سيف بس سكتت وابتسمت لان هالشي دليل علا انه يغار عليهها ومغار عليها الا لانه يموووت فيها ...) سيف ونواف يركبون الدرج راحين للغرفه وسيف معتفس حده ويقول فخاطره : الله يهديها هالغرفه قريبه من غرفتنا وايد مالقت الا أهي 12 غرفه بالبيت مالقت الا هالغرفه ... نواف : سيف ولا عليك امر ترا مادل اي وحده سيف : هاذي الي بابها مفتوح تعال وياي ( ودخلو الغرفه وكانت حدها بارده سيف كان يتضايق من المكيف البارد مره ... نواف : ههه تعرفني مانام الا بالسكيمو هههههه ( نواف قالها عفويه وماتوقع انها تحز بخاطر سيف ) سيف : اي اي طيب انا طالع اخليك ترتاح ( طلع سيف وسكر الباب نواف لف يتفرج بالغرفه ) نواف بضحكه مو من قلبه : اذا انت تغار انا ميت من الغيره بس قدر ومكتوب ( وراح يم السرير وقط عمره كانت ريحه السرير روووعه ) فديت الي يعرفني حتا فراشي معطرته بالعطر الي احبه اه تحسبيني برتاح الا بتعذب زياده ونتي مو حاسه بس اهم شي تكونين انتي مرتاحه انا مو مهم الله يهنيج بالي خترتيه .. ( سيف نزل تحت وستاذن منهم لانه راح يروح ويا سالم وحسين يسوون الي وصتهم عليه ام حسين وهو طالع نادته ام حسين علشان يوصلها للبيت , سيف كان مرتاح شوي لانه عارف ان نواف نايم ومرح يكلم هيونه او يقعد وياها وهو مش مو جود لان الغيره الي فيه مو راضيه تهدا ) ..( قوم هيونه وصلو مع طلعه سيف , حمد لما شاف سيف طالع من باب الفله قرب السياره لين وصل للباب ونزل وسلم عليه بعد ماسلم سيف على حمد راح يم السياره وفتح الباب لم شهد وسلم عليها , البنات كانو شوي خجلانين منه بس بدور تعودت عليه عادي نزلت وسلمت عليه ودخلت داخل البنات بشويش لازم الاتيكيت بدور عمليه وماخذه الرخا من بالها..... ( البنات سلمو على سيف وام حسين ودخلو داخل وهنادي مو مصدقه ولا مستوعبه انها سلمت عليه .. ( وهم داخلين ..... هنادي وهي ماسكه يد انوار : ااأأأأأأأااأأأأأأ انوار خدي لمس خد سيف يعني سلمت عليه اااااااااا بموت من الفرحه انوار وهي متضايقه : وذا جنيتي انتي اثقلي وجع هنادي : مووو قادره وربي مستانسه برسل رساله لاشواق اخبرها بجن لو سكت انوار : هههههههههههههههههههه معادك بصاحيه هييييي هييييييي انتبهي انتي من تتكلمين عنه هاذا زوج اختك يالهبله هنادي : ولو ولو مو فنان خلاص لا تناقشيني ( وتمسك جوالها وترسل لاشواق الخبر السعيد ..... ( هيونه لما شافتهم داخلين قامت تركض لهم ..... هيونه : هلاااا بدور وهي ضامتها : العن ابو عدوك 7 ساعات مو شايفتك ههههه هيونه : ياااي كنها 7 شهور ههههههه ( وسلمت على باقي البنات وامها وسئلت على خالتها وقالولها انها ماتبغا تروح وياهم ... ( دخلو داخل وسلمو علا سلامه وميثا وبعد ماقنعوهم يروحون وياهم يتمشون اتصلو على خالتهم ام حسين الي وافقت على طول وبدون مقدمات , راحت هيونه فوق علشان تلبس ربع ساعه وجهزت وطلعو ويا بعض نصهم ركبو ويا حمد والنص الثاني ويا الدريول طبعا حمد لما شاف ان في حد غريب ويا البنات عدل عمره وخشن صوته ... ركبو و سلامه وميثا خاقات من الفشله .... :ast7eee::ast7eee: ----------------------------------------- ( ..... حمد طبعا مرح يخليهن بحالهن تابعوني بالجزي الثاني من الجزء 26 :78650::78650: http://6p6b.net/uploads/92d2883f9e.gif . . . ; اختكـــــــــــــــــــــــــــــــــــــــم :@ مجنـــــــــــــــــــــــــــــــــــــــــــــــ ـــــــــــونه |
مشكوووووووورة وتسلمين على التكملة بس لا تتاخرين علينا وااااايد ربي يوفقج.... |
| الساعة الآن 04:40 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir