منتدى استراحات زايد - يآليت تنفعني كلمة لو .. من كتاباتي

و ع الساعه 7 فـ بيت بو عبد الله .
العنود كانت لابسه بيجامه نوم و ناازله صوب المطبخ و لابسه شيله احتياط .!
و هي بـ المطبخ . وشوي إلا تسمع صوت .
.... : هود هود .
العنود من الزيغه ركضت و انخشت ورا الباب .
... : العنود تعالي انا ولد عمج ههه .
العنود: انزين انا مالابسه زين انته روح الميلس و بخلي رشود ولا حمود اييون صوبك .
علي : ان شاء الله .
و علي راح صوب الميلس و العنود ركضت فوق تخبر راشد .
العنود: رشود رشوود .
راشد من ورا باب غرفته : هااه بلاآج .
العنود : علاوي ولد عمي هني تحت ب ـالميلس روح حقه .
راشد و هو بطل الباب و كان معصب : لا والله و انتي شو عرفج انه هو هني :@
العنود : لا ماشاافني بس انا سمعته و هو يرمس قلت له يروح الميلس لين ما ازقر لك حد من اخواني و هو راح .
راشد: زين بلبس كندورتي و بنزل اجاابله .

و من صوب ثاني في لندن
عبد الله : جووليا جوووليا .
جوليا: ها حبيبي شو تريد .!
(( جوليا امها من لندن و ابوها موااطن و هي عايشه بـ لندن و تتكلم نفسينا عدل و تزوجت بـ لندن من عبد الله ) )
عبد الله: يالله روحي تلبسي عسب بنطلع و بنحووط .
جوليا : ان شاء الله و بنشل اليهال ويانا ولا .؟
عبد الله : اكيد بنشلهم وياناا لاتستهبلي .
جوليا: هه خلاص زين الحين بروح البسهم .
و عقب نص ساعه بـ الضبط .
طلعو كلهم من البيت إلي ساكنين فيه و سارو جيه صوب محلاات شعبيه جدييمه عسب يتمشو و منها يشترون اغراض حق البيت .
عيال عبد الله كانو
سعيد : ابوووي ابووي شوف شوف انا ابا هاذاااك ( و يأشر صوب آيبآد )
عبد الله : من عيووني كم سعود عندي اناا .
حآمد و بصوت عالي و شوي و بيصيح : بابااه و انا بعد اباا نفسه .
جوليا: هه عسى ماكدينا خير و طارت البيزات ع بزا اليهال .
عبد الله : انزين ها الفلوس وصخ دنيا شو تبين بهم خليهم يستانسوون من زمان ماطلعنا نفس ها الطلعه !
جوليا: فدييتك والله يآ بو سعييد يعلنا ما ننحرم منك .
( و سمية و هي تمط عباة امها )
جوليا: ها سمووي بلاآج انتي بعد لايكون تبين مثلهم !
سميه تهز راسها بمعنى نعم .!
رآح عبد الله صوب المحل و قال حق راعيه يعطيه 3 آيبآدات و 3 كفرات بألوان مختلفه و ينزل فيهم العاب و البرامج الضروريه و بيمر عليه عقب ساعه و شوي
.
.
.
و في لندن و من صوب ثاني .
هاشم:اخييه شكلهم مآبيدخلو المحل و بياخذوون منه .
عاطف : هي والله صدقت مابياخذون منه و نحن من ساعه نترياهم .
هاشم:شكله اليوم ماكو صيداات خير شر .
عاطف:انزين انا بروح اوني اسأل هاك الياهل و بشوف لو بيشترون شي او لا .!
عاطف:السلام عليكم هلا والله شو اسمك .
حامد : انا اسمي حاامد .!
عاطف:حي الله بحاامد من وين انته .
حامد: انا من هني من لندن .
عاطف:ابوك من وين .!
حامد: من الإمارات .
عاطف:اها انزين ابوك ليش مايشتري ليكم إلي تبونه .
حامد: و انته منو قآلك انه ابوي مايشتري لينا إلي نبييه ترا ابوي اطيب ابو في الدنيا ( قالها بصوت شوي عالي و معصب )
عاطف:اهاا خلاص يالله زين روح مع باباتك بيبااي .!

ملاآحظة: ترا جوليا عادي ترمس عربي و لو انهم بـ لندن بس تخيلو معاي هه يعني صعب اكتب بـ الأنجليزيي :)

و هاذا البارت حق اليوم .

ياترى .
شو سالفة هاشم و عاطف .
و حامد شو بيستوي معااه !
و بو عبد الله هل بيشك فيهم او انه شي عادي !!