منتدى استراحات زايد - ترآك بـآلخآطر لو مـآ نشوفك~ (غلـآك) مـآيمحيه قل آلموآصيل !

يوم الرحله ..

العايله كلها ظاهرين ف 6 سياآير ..

سياآره وحده بس حق اغراضهم ^^ وماخلو شي ما شلوه ..

.

.

.

بعدها وصلو بقعه اسمها محافز
والكل نزل

.
.

كانت الساعه 9:23

الحريم متيلسات ع الحصيـر .. واللي يفصلهم عن الرياايل 3 سيارات
حاطينهم من بينهم

موزه
وام يابر
وام سيف
وام ساره
وفطمه اخت ام يابر ..

وروضه وعويش بعد وياهم يزهبون حق الغدا .. وشيخه * ميرو*ميثا
ومنى وعليو متيلسات شوي بعدي عنهم مسافة 3 خطوات ..

ميثا : ااففففف ماما مـااااا مااااا حرر ابا مكيف
امها : غربلات بليس لا حر وشي يا بنتي ماتشوفين المهب كيف
ميثا : اففف بثيـر عن بابا احثـن بخليه يثويلي مكيف حقي بروحي ..
ام ساره : هههههه بنتج عسل

..

عويش : اميه بزقر ميرو والباجي اين يساعدنّا
امها : على هواج يا بنت ..
عويش : ميرو ميرووو ..
ميرو " برقااد " : ها
عويش : تعالي شوي ساعديني عشان ازهب السلطه ..
ميرو : !! ها
عويش : حووو بلاج ها ها هههههههههه تعالي
ميرو : هههههه ماعرف ماعرف
شيخو : انا بي ..
ميرو : تعالي انثبري اهني حذاي وين سايره
شيخو : بييج
ميرو : بسير عند سعود عيل وبرد لج
موزه : ميره يا ميره
ميرو بصوت واطي طع هاي بدينا : نعم عمتيه
موزه : سيري البسي عباتج لا بستلي هذا الحمر
مييرو افففف : انشاء الله

..

ميرو كانت لابسه لقنز ابيض وقميص ابيض عليه قلب احمر والجوتي احمر
وكان سعود مثل الشي .. بس القميص كان نص الكم هب طويل شرا ميرو
.
.
.
ميرو : الو هلا سعوود .. تعالي شوي بنسير نترايس الدرجات .. اوكي باي
سعود : ميرو وين كيمرتج ..
ميرو : فالسياره
سعود : انزين سيري هاتيها شوي بنسير بالدراجه شي مكان هناك وبنصور وانا بييبها بعد

بعد ثواني ..

ميرو : يلا " وسارو ميرو ع دراجه وسعيد ع دراجه .."

..

باآآريـس ..

توهم المعاريس داخلين الفندق ..

يابر : افف والله تعباآن
ساره : سلامتك حبيبي شو ياك
يابر : مادري والله

ساره : تعال اشوفك فديتك حبيبي محموم شوي .. حبيبي دش اسبح وعقب
وطي راسك وارقد ..

يابر : ان شاء الله

ودش يابر خذ شاور وعقب ظهر ورقد , وساره تمت طول الوقت يالسه حذاله وتقرا عليه ..
وعقب رقدت عالكرسي بدون ماتحس بعمرها

.
.
.

الاماراآت - راك ..

الجماعه حطو الغدى وميرو وسعود بعدهم ..

ام يابر : حاآرب يا حاآرب ..

حارب : ها اميه

ام يابر : قوم نش جوف اختك وولد خالتك

حارب : ان شاء الله اميه وسار ع دراجه وزقرهم

ميرو :اففف تعب .. يلا سير تغدى ..

ميرو يتها الدوخه اللي تيها دوم ..

مييرو : ااخ راسي .. امييه بسير اطيح فالسياره برقد شوي

امها : يا يا امي .. بتختنقين سيري شي لحاف انا حاطه ومخده هاتيهم وتعالي

وقبل تغدي حبيبتي

ميرو : لا ماما مابا برقد
امها" بتنهيده " : ع راحتج فديتج ..

وحطت لها ميرو مخده وتلحفت بس طاحت شوي بعيد عنهم لانهم كانو يتغدون ..

.. بعد مرور الوقت خلصو الشباب .. وسارت عويش تجوف اختها توعيها
يا سيف ولد عمها كان يبا شي من سيارته

....... : بنت عمي شحالج .. ؟

عويش بصوت واطي بسم الله الرحمن الرحيم : هلا هلا ولدعمي يسرك حالي ومن صوبك

سيـف : بخير يعلج بخير ..

وعويش : يعله حالن مديم .. . وتم يطالعها وهي روحت عنه وسرح الريّال

.*’

عويش سارت تتصل ل حارب
عويش : الو هلا حروب ..
حروب : ها عويش شو بغيتي
عويش : حروب وين دوا ميرو شكلها تعبانه
حروب بدون مايحس : شووووو " الكل يشوفه "
عقب سار يرمس بعيد ولحقه راشد ..

بند حارب عن عويش
راشد : حارب في شي

حارب : ها لا بس شوي ميرو تعبانه , يوم عطيتك الحبوب والدوا وين حطيتهم
راشد : هي انت سير صوبها وانا بيب الكيس وبيك
حارب : انزين دخيلك لا تتاخر ..

سار حارب صوبها ..

ميرو كانت خدودهااا حمررره من الخاطر ..

حارب " يتنهد " : محمومه

راشد : درب درب

حارب غطى شعر ميرو , ودخل راشد ويجوفها من بعيد وتم يتأمل فشكلها

راشد ليش انا اسوي فيها جي يعني هي بروحها مب ناقصه ,بس هي تنرفز بي .. عقب انتبه

راشد : الا جنها محمومه ولا ..
حارب : هي والله
حارب : ميرو ويهزها شوي شوي ..

..

منى كانت تراقبهم من بعيد

منى : افففف يالله عاده يالتمثيل مالت عليها من بنت

.

.

حارب :ميرو ميرو حبيبتي نشي , وراشد بعده واقف

ميرو : فتحت عينها شوي شوي ويت عينها ع راشد وصدت عنه **

ميرو كانت ساكته بس تطالع حارب ..

حارب : ميرو نشي خذي دواج
ميرو: مابا دوا ولا شي
حارب : ميرو مب يالس العب وياج خذي دواج بالزين من متى الحين

ميرو بدى يعلى صوتها : قلت لك مابا يعني مابا
حارب" عصب " : لين متى هااااا لين متى ماتفهمين انتي تراج تنرفزين بالواحد
اسمعي الرمسه وخلاااص
ميرو تصيح : اقوووووووووولك مابا ماتفهم انا مافيني شي سير عني اقولك سير

ف ثواني الكل تيمع

بو يابر : بنتي بلاج يا بنتي

حاآرب كان يتطالع ميرو ويقولها بعيونه انه لا تقولين له ويأشر لها من وراه الكل انتبه ع حارب

بو يابر : بلاج يا بنتي تعبانه شكلج محمومه

ميرو وعيونها على حارب: لا ابويه مافيني شي بس حارب يبا يعطيني دوا وانا مابا

بو يابر: ليش يا بنت تراه زين وبينزل حرارتج, انزين تبين تسيرين البيت
ميرو : خلاص باخذ الدوا

والكل رد مكانه وكانت الساعه 5 العصر

طبعا ميرو ماطاعت تاخذ دواها .. واالحين سعيد يالس يقنعها ..

.
.

سعيد يالسه ومتساند ع الشيره وميرو طاحه ع ريوله ومتلحفه

سعيد : يلا خذي دوا ولا تراني برد بوظبي

ميرو : مب عكيفك
مر رشود وشافهم وعطاها بنظره سكتها .. وعقب يت منى ووقفت عند راشد ..
منى وتتميع مدت ايدها عشان تسلم : السلام عليك ولد عميه
راشد عشان يغيضها ويرد الحركه مد ايده : وعليج السلام الغاليه

..

ميرو : سعود تعال انسير نتمشى ..
وسارو يتمشون وميرو مسكت ايد سعود
سعود : ميرو
ميرو : هلا
سعود : تحبين راشد انتي
ميرو " بتوتر " :لا
سعود : خاشه شي عني
ميرو ارتبكت : لا ولا شي شو بخش
سعود ماتطمن وقال لازم يعرف السالفه
المهم سار وكمل دربه وهو وميرو

.. ويلسو يسولفون ويا بعض ..

راشد : شل سياره اخوه وسار يدور ميرو ..

وحصلهم ميرو كانت حاضنه سعود x _x وويها كان محمر
راشد معصب وكانو وايد بعيد عنهم
سعود : ها شو عنده ؟؟
راشد : خير شو مشكلتك :.~

سعيد : نعم انته اللي شو مشكلتك وجان يدزه
ميرو : ايه قوم عنه
رشود : هييييي حبيب القلب ماترضين عليه
ميرو وتمسح دموعها : هي حبيب القلب انته شلك
راشد مسكها من ايدها بالقو

ميرو : اااخ فج ايديي ., يعورر ! " الدموع فعيونها "

سعيد : يالحيوان قوم عنها " وشل ميرو "
وسارت ميرو ورا ظهره !!
رشود : وين بتنخشين
ورد سحبها مره ثانيه وركبها السياره وسيده روح

ميرو وتصيح : ووقّف بسير عند سعيد
راشد وقف ويطالع يدامه ومحرج وظهر صلب زقاره ويلس يدوخ
راشـد : نعم
ميرو : انـ ـ ــ ـ تـه ما أأ أ تخـ ـ اا ف رر ررربـ ـك ماآ تحـ ـ ــ س
راشد : جب ولا كلمه اشوفج عايشه الجو وياه هالحيوان
ميرو معصبه : حبيب القلب اللي ترمس عنه ها اخويه يالمحترم
راشد !! ماعرف شو يرد : بس ولو اشوفج وايد متماديه وياه ..

ميرو : شو يخصك انته تماديت وياه ابويه واكيه ماقالو شو منو تتحرا عمرك
.. سعيد كان يالس تحت شيره وكان منصدم من اللي استوا !!
ميرو : مابتوقف ها مابتوقف .. اوكي لا توقف

ميرو جافته خف فتحت الباب وعفدت ع الرمل ويلست تركض صوب سعيد لانهم مابعدو عنه وايد

راشد : نزل وركض وراها ويرها من شعرها

ميرو تصيح : ايييييييي هد شعري حيوان اصلا حيواان

راشد:" عصب وعطاااها طرااق "
ميرو من عطاها الطراق اغمى عليها

راشد " بصدمه " ! : شو سوووووويت انا بأي حق اتصرف جي ياربيييي .. ميرو ميرو ..., وسار ياب دبة ماي من السياره وصب ع ويهها ماي وشلها وكانت وايد خفيفه وسدحها ورا
ورد ل سعيد ركب سعيد ورا وجاف ميرو !!

سعيد : حيواان انته شو سويت بها يالنذل مديت ايدك عليها والله مابسكت لك يال**** ..

راشد : كان مب قادر يرد عليه ..
سعيد كان يحاول يوعي ميرو .. بس ميرو ماتستجييب
وراشد غير دربه وطاار بهم صوب اقرب مستشفى ..
نزل سعيد وراشد .. وراشد ياي يشل ميرو بس سعيد ماخله ..

راشد شوق مش وقتك لا تستهبل البنت مغمي عليها خلني بتلاحق عليها
وشلها راشد ودخلوها داخل ..
راشد كان يالس ودموعه تنزل ويلوم عمره ويقول مابسامح عمري لو صابها شي ..

وسعيد يالس ويسير ويرد ..

..

فالغرفه داخل ..
النيرس : دكتور المريضه نبضات قبلها تخف واحتمال يوقف نبض قلبها !!
الدكتور معصب : لاا مستحيل انقلوها الانعااش .. وظهرو من الغرفه وهم يتراكضون

وسعيد وراشد وراهم

النيسر : لو سمحتو ممنوع تدخلون

حارب يتصل ع تلفون رااشد .. وراشد مايرد

وعقب رد

حارب : رشووووووووووود وينك انته , وين انته روحت
راشد من صوته يبين انه في شي : حارب ميرو
حارب عصب : ميرووووووووووووووو بلاها رشود لا تستهبل

راشد : اغمى عليها ووديتها المستشفى
حارب : اي مستشفى
راشد : ***
حارب : انا ياي ..

منى سمعت المكالمه الي دارت بين حارب وراشد .. جي غيرت شكلها وسمت عمرها متوتره

وسارت تركض عند عمها

صوب الشباب

منى يايه تركض : عمي عمي بنتك طاحت ودوها المستشفى
بو يابر : شوووووووووووووووووووووووو
الكل انصدم بالخبر .. والكل ساير صوب المستشفى
الا سيف وفاطمه اخت ام يابر وعيالها وام ساره .. والعمه مزوه
بو يابر قالهم انه يردون ..

الكل كان يصيح من الحريم .. وسيف .. شل امه واخووانه
ومحمد .. شل امه فاطمه ( اخت ام يابر ) واخوه ..
وعويش شلت امها وام ساره وخواتها .. عليو وميثاني
وخليفه شل امه واخوانه وطار بهم لين عيمان
موزه : يا ولدي ليش تسرع جذى هيد بلاك

منى وتقول فخاطرها احسن : هي اميه ترا بيرد عند هني راك عند بنت خالي
موزه : وليش ان شاء الله ماشي سير بتيلس فالبيت البنت الا تتدلع وبتنش
خليفه معصب ويصارخ : امييييييه دخيلج اسكتي عني اقولج البنت فالعنايه تقولين لي تتدلع

موزه + منى : عناآآيه !!!
خليفه : وانتي يا منوووووووو انا براويج دواج فالبيت انتي محد عرف يربيج
ونص ساعه ووصلو عيمان من كثر ماكان يسرع خليها
ونزلت منى وهي تتحرطم , اففف ان شاء الله تموت ونفتك منها **

.
.
.

خليـفه وهو مار سمعها : ويصارخ يزقرها هي سوتله طاف بس هو سارلها

اول ما فتحت الباب .. يرها من شعرها ..

منى : اآآآآآآآآآآآآآآي هدنني امااايه الحقي عليه
خليفه ويصفعها كف : من متى ماسك غيضي عليج بس عاد لعنبوج انتي ماتستحين
منى : هي كله عشان حبيبة القلب الحيوانه
خلفيه ايرها اكثر : بتسكتين ولا لا ها بتسكتين
منى : هدني انزين والله بسكت

بو خليفه يا وعصب وصاارخ : خليــــــــــــــــــــــــفه وصفعه كف
وسار خليفه حجرته وظهر شنطه وحط اغراآآضه .. ماعليه يا منو انا براويج
وهو ظاهر فالصاله امه وابويه ومنى كانت فحضن ابوها وتصيح
موزه لحقت ولدها : وين ساير يا ولدي وين
خليفه : انا ظاهر ومب راد
ويلسته امه تصيـيح
سار خليفه حجز له غرفه فجميرا beatchs
وعقب سار راك ..
فالمستشفى الجو كان مكرهب . والكل كان يتريا الدكتور
فغرفه الكهربه .. الدكتور مره ثانيه جربو

1
2
3
...

النيسر : دكتور المريضه استجابت .. و

الدكتور: الحمد الله

ظهر الدكتور

الكل وقف

بو يابر + بو سيف+ سعيد + حارب + راشد

اتجهو صوب الدكتور

بو يابر : ها يا دكتور طمني ..

الدكتور : بصراحه ماعرف شو اقولكم هي نبض قلبها وقف والحمد الله رد يتجاوب
الصدمات الكهربائيه والله ماعرف كيف اقولك بنتك دخت فغيبوبه
واحنا خليناها تحت العنايه المشدده خلال 24 ساعه واالله يشفيها

بو يابر يلس ودمعته نزلت : شووو

بو سيف : لا اله الا الله ,, بس يا بو يابر ان شاء الله بتتحس وماعليها شر
فالاول والاخير ربك كاتب هالشي ..
بو يابر : بس ابا اعرف منو اللي سوا فيها جي كانت صاحيه مافيها شي
حارب : بويه انا بنقل الاجراءات انه ينقلونها الامريكي ف دبي ..
بو يابر : سير يابويه سير ..
طبعا سعيد كان يصيح صياااح
وراشد ماتحمل طلع برع المستشفى وركب السياره وتم يسوق بسرعه ومايعرف وين يسير ..
وخليفه تم يهدي ف سعيد وشله وياه وسارو الفندق
الحيـن الاسعاف بتنقل ميرو للمسـتشفى و وبويابر ووحارب ف سياره يلحقون الاسعاف
وبو سيف فسيارته .. وراشد سار ييلس صوب بحر جميرا يصيح
فهاليوم الكل ماقدر يرقد ..
سعيد كان يالس ويصيح وماقدر يرقد عقب اذن الفير وصلى ورقد

انتشرالخبر فالعايله . . .
الكل فالمستشفى

العمة خوله

موزه

خوات ميرو وامها وابوها

بو سيف وحرمته وسيف وسلطان ..

خليـفه .. سعيد

فاطمه ومحمد وخالد

..

الدكتور : يا اخواني يمعتكم اهني مابتنفع ف شي لانه البنت فغيبوبه ونتوقع انه تطول شهر يمكن
حارب : شووووووووووووووووووو

دكتور : هي يا اخوي .. امبين انه حد اتعرض لها قبل لا تطييح

حارب : كيف يعني ..
دكتور : تفضل داخل ..

الدكتور : شوف ايدها فهاي الصوره
وهاي الصوره الثانيه ..

حارب : !!!!!!!!!!

.. بعد ما ظهر حاآرب .. كلمهم انه ماشي فايده من يلستهم
الكل سار الا حارب عقب يا راشد ..

حارب : رااشد !! بلاك
راشد : ماشي فديتك

حارب : !! شو ماشي طاع حالك جوف عيونك مواصل من البارحه انته
راشد : هيه
حارب : نش سير البيت وانا بسير بعد برقد وبرد اهني
راشد : لا سير انته انا شوي وبيي
حارب : يلا على خير

..

عقب ماظهر .. حارب من المستشفى .. سار راشد عند الدكتور

وراشد حاول وياه انه يدخلوونه بس مارضو وبعد محاولات
الدكتور : بهدوء الله يخليك ..

دخل راشد ويلس يجوف كيف الاجهزه حوالينها
وتم يصيح وسار يلس ومسك ايدها ويطالعها

راشد بصوت مبوح واطي : انا آآ آآآسف ادري هالكلمه مابتفيد بشي ..
بس والله مب قصدي اللي سويته .. وااا ا ا لله اذا ستوابج شي مابسامح عمري

راشد لاحض عليها عيونها تدمع ..
راشد : ميرو اذا انتي تسمعيني دخليج رصي على ايديه
ميرو بدون حركه

عقب ياه الدكتور وقاله انه لازم يظهر
ظهر راشد وسار البيت ورقد ..

مرت الايااام والاسابيع ...

وفالمستشفى حارب سعيد وراشد وخالد

سعيد : دكتور دخيل والديك بدش شوي وبظهر والله مابطول
حارب: خلاص دكتور دخله

..

اول مادخل انصدم كيف كان شكل الغرفه
.. يلس ع الكرسي .. وتم يقرا عليها وحاط ايده ع راسها
.. سعيد : ميرو نشي بسج عاد لا تتدلعين عليه ادري انج تسمعيني
دخيلج عشاني نشي وعشان امج وابوج واخوانج الحين كم كملتي والله البيت مب شي من دونج

سعيد بدت تدمع عينه : ميرو يلا عاد نشي كلهم يتريونج برع

.
.

ميرو بدت تفتح عيونها شوي

سعيد :ميرروو !!!!!
ركض سعيد يربع برع

سعيد : ميروو نشــــــــــــــــــــــــــت !

الشبااااااااب كلهم يترابعووووووون

الدكتور لو سمحتو ثواني ..

ظهرو برع ..

وعقب ودوها حجره خاصه

الكل دش عندها الا راشد
ميرو كانت تغمض عيونها
سعيد : لا ترقدييييين توج ناشه

النيرس : خلها تريح اكيد تعباانه
الكل تيمع عندها

ويت امها وتمت تصيح .................................................. ...الخ

ام يابر : يا ماما لازم تاكلين الحين

ميرو : اميي مابا بسني شبعت

بو يابر : يا بنتي كلي مب زين جي اتمين طاعي كيف شكلج مصفره وضعفانه

ميرو تطالع تبا حد يرمس جافتهم يضحكون

الكل : هههههههههههههههههههه

حارب : امييييييييييي اكليها اكليها
ميرو: ماعلييييييك ماعليك اصبر خلني انش امي ساعديني شوي
بو يابر : ها ها ها وين تمي فمكانج
ميرو : ابوووووووووووووويه جوفه
بو يابر : حااارب يوز عن اختك

.
.
.
.

الكل سااااار البيت لانه بعدهم قالو بيخلونها اسبوع بالكثير لانه احتمال ترد لها اي مضاعفات

.. وقال حارب بيرد لها بييب لها اغراض
بعد خلو المكان ميرو يالسه تطالع تلفزيون وصاده الصوب الثاني

ماتحس الا وحد ماسك ايدها ..

..

ميرو عطول سحبة ايدها : نعم
راشد : اسمعيني بس
ميرو بدت تصيح : مب كفايه اللي سويته بس عاد حس شوي ليش مافتهم انا ما ادانيك اكرههك
راشد نزل راسه : مشكوره بنت عمي ايي منج اكثر
ميرو : والله حرام عليك تسوي الغلط وتي تلومني

راشد : انزين اسمعيني بس
ميرو : نعم اسمعك
راشد : ميرو انا احبج
ميرو :!! صدت صوبه
راشد : انتي اللي تجبريني اسويبج جي ماتحسين بحركاتج مع سعيد
ماتجوفين اللي تسوين انتي تعرفين معنى الغيره ولا
..

ميرو ساآكتـه

راشـد : ع العموم انا بغيت اوصلج هاي الرمسه لاني بسافر ادرس برع 4 سنين
ميرو تصيح بدون صوت

راشد : انا مااباج تصيحين .. ع العموم هالقرار بيدج سفري .. وعطيني كلمتج
لانه اذا تميتي على هالحال وبهالاسلوب انا بسافر

مرن 5 دقايق وميرو ساكته ..

راشد :انا بظهر

يوم قرب راشد بيظهر من عند الباب ..

ميرو : راشد !!
راشد صد لها : هلا
ميرو : لا تسير
راشد ابتسم:سامحتيني
ميرو :...

حارب داخل : السلام عليكم

راشد وميرو : وعليكم السلام

ميرو: حارب لو سمحت شل ولد عمك عني

حارب : !! بلاه ..
راشد : تبا اكل من برع المستشفى
حارب : شوو
ميرو : جذاب هو قالي بييبلج
حارب : هي صح تعالي بقولج
ميرو : شو
حارب : جوفي هالصور من قبل لا تطيحين شو استو ا
راشد وميرو يطالعون بعض
ميرو : لاا ماشي هني طحت
حارب : ميرو قوليلي الصدق كيف طحتي وهاي جنه حد ماسكنج
ميرو : ماشي

..

سعيد وصل : السلام عليكم ورحمه الله وبركاته

وسارت ميرو حضنته

ميرو : انته وينك عني
سعيد : تولهتي علي
ميرو : اكييد

عقب راشد يلس يطالع ميرو بنظراات ..

ميرو : حارب تعال وقفني شوي مليت من اليلسه

وقف وحست بدووره

حارب : بسم الله عليج .. شلها وحطها ع الشبريه

ميرو : تعبانه
رشود غمز لها
ميرو ضحكت

ميرو : انا ابا اطلع مابا اكلهم سيرو هاتوليي وسعيد بيتم عني
حارب : لا انا بسير وابا سعيد ويايه شوي رشود بيتم عندج

ميرو : ممم اوكي ..

وسارو ..

رشود : مممم احبج

ميرو :نعم

رشود : اللي سمعتيه

ميرو : بس رشود انا ما احبك..

رشود : شوو !

ميرو : انا احب واحد ثاني سمه منصور

ميرو صدت الصوب الثاني .. وماسكه ضحكتها
جان تنفجر من الضحك
رشود : منقهر منصور ها .. عاد هو قال بيرد لها الحركه

راشد : الساعه كم الحين ؟

ميرو : 12 الا ربع ..

رراشد : شتتتتتت تتريااني ..

ميرو : ! شو
راشد : يلا برايج ساير انا ..
راشد ظهر ونسى فونه وهو فيد ميرو جان تخشه تحت اللحااف

يوم رد راشد : نسيت تلفوني جوفيه هناك

ميرو : مافي شي .. جان يرن عند ميرو

تطالعت الرقم ..
ميرو تغير ويها : مكتوب ايمان ومدت ايدها

هاي وحده من اللي كان راشد يرمسهن ..
راشد : هاتي اشوف .. وشل الفون وحطه سايلت ويلس
راشد : هاي ترا خالتي ايمان لا يسير بالج بعيد اها ..
عقب رن مره ثانيه واستأذن ظهر برع

بصوت ناعم : الو

راشد : الو

زعلانه منك انا لا ترمسني
راشد : ليش حبيبي ..
ايمان : وينك عني انته ..

راشد : سوري حبيبي كنت عند بنت عمي فالمستشفى
ايمان : ميرو
راشد : هي
ايمان ومب عايبنها : اها
راشد : بخليج الحين انا برايج
ايمان : اوكي حبيبي

ودر لها ..

ميرو : رن فونها .. سعيد

مييرو : هلا والله بحبيبي تولهت عليك
راشد : .............
سعيد : اووووووووووووب فديتني والله من وين ظهرت الرقه

ميرو : من يومي والله , تعرف ماقدر اعيش من دونك .. حبيبي برجع اكلمك ولد عمي هني ..
راشد مفول : هاتي التلفون
ميرو : مابا
راشد : هاااااااااااتيه @@@@
عطني فونك اول بعطيك فوني ** راشد مد ايده عشان يعطيها اياه بس
ميرو سحبت الفون وماعطته مالها

راشد خلاص شوي وبيضربها
ميرو : شو بعد بتضربني هالمره

رن التلفون فاييد ميرو وكانت ايمان

ردت بس تمت ساكته

ايمان : حبيبي .. حبيبي انا بسير emarites mool
ميرو : اوكي حبيبي سيري ..
ايمان : !!
راشد مط الفون عنها .. وميرو تمت ساكته
راشدتوهق : ترا هاي ***
ميرو : اسكت خلااص مابا اسمع منك شي

..

عند حارب وسعيد

حارب : مممم سعيد
سعيد : هلا
حارب : خبرني عن كل شي قبل لا ميرو تطيح
سعيد !!!: والله ماعرف شو اقولكم :70:

كــــــــــــــــــــــــــــــــــــت

حاآرب : متأكد انته ..
سعيد : هي ماستوى شي صدقني ..
حارب : انزين ..
.
.
.
فالمستشفى ..
راشد يلعب بفونه وميرو تطالع التلفزيون شوي وبترقد
يرن فون ميرو ..
راشد عطول شافها بس ميرو سوت له طاآف .. .ّ~
ميرو وبهدوء : الو
سعيد : هلا ميرو من وين تبين تاكلين ؟!
ميرو : مابا شي برقد ..
سعيد : ميرو فيج شي
ميرو : لا برايك الحينه برقد

..
بعد مابندت عنه ..
راشد : شو بلاج
ميرو : .........
راشد : انا ارمسج ؟!
ميرو : وانا اسمعك خير
راشد : يوم بترمسين ردي باسلوب عدل .. شو بلاج
ميرو : ........
وتلحفت ميرو ورقدت
اليوم الثاآني ظهرت ميرو من المستشفى والاجواء مستقره فالبيوت ..
واليوم سعيد واهله بيردون بوظبي ..
عويش : خالووووو لاتسيرون اليوم تمو انزين
خالتها : يا حبيبتي والله انا ودي اتم بس تدرين المدارس والاشغال وبعدين مره ثانيه ان شاء الله
عليو : امييي رمسي خالو قوليلها
ام يابر : شو اسوي بها مب طايعه تراني رمستها قبل
..
..
..
ميرو نازله من فوق
ميرو : ّ!!؟ ليش متيمعين
عويش : قوم سعود بيسيرون
ميرو بانفعال : لااااااااااااا *
خالتها : ههههههههه حبيبتي ان شاء الله فالمره اليايه
ميرو : انزين خلي سعود و .. بس
خالتها : لا عنده مدرسه
ميرو : اففف خلاص اوكي
سعود: بلاج كل يوم تراني برمسج
ميرو :.....................
خالد كان يطالعها من فوق لين تحت : سعود يلا تأخرنا

وبعد ماسلمو ع بعض .. الكل سار داخل .. وباجر يابر وساره بيوون ..
..
فون البيت يرد ..
<< طاعو منو رد هالمره ..
ميثاني : الوووو
يابر : حبيبي شحااااالج
ميثاني : منو انته ها ها
يابر : انا احبج
ميثاني : انا احبك ههه انته ابوور ( يبور )
يابر : هي انا شحالج ميثو
ميثو : بخيير وانته ثحالك عقب سكتت : اووف ياخي متى بتي
ميثو فرت سماعت البيت من قالها بي باجر : هييهيهيهي مامااا بابا حلوووب ميلوو عواث
..

قولوا لمحبوبتي نفس العنا تعبة
و ان قلتولها ابعرف وش هي قالت
إلى متى هالخفوق يعيش في رعب
وشلون يرقد شعوري و الفلا فالت
..
ميرو يتها : اسكتــي ايه
ميثو من الزيغه سكتت
سارت ميرو صوب التيلفون
ميرو : الو
يابر : مرحبا والله بالشيوخ ..
ميرو : يبووووووور فديتك والله وينك لا تتصل ولا شي نسيتنا .. المهم شحالك عساك الا بخير .. وشخبار سارو واحوالها ؟!
يابر : ول شوي شوي هههههه الحمد الله بخير .. شخباركم انتو وين امايه وابويه ..
ميرو : الحمدالله كلهم بخير وسهاله
يابر : انزين خبريهم تراني باجر ياي ولا اقولج لا تخبرين حد
ميرو "شاقه الحلج " : صصصصدققق!!!
يابر : يلا سلمي عليهم وقوليلهم ترا يابر يقول استوى له شغل وبيتأخر شهر ونص
ميرو : هههه اوكي
........
ميرو تمشي فالبيت : اميييي
امها : ها اميييي
ميرو : امي ترا يبور اتصل ويسلم عليج وايد ويقول استوى له شغل وبي بعد شهر ونص
امها : شووو !!! وليش ماعطيتيني اياه ..
ميرو فخاطرها : مسكينه اميي عطووول تصدق !!
ميرو : المهم انا بسير ارقد .. تصبحين على خير يا احلى ام فهالدنيا
الصبح الساعه .. 4ونص
فبيت بو يابر ..
بالتحديد فحجره ميرو
نشت وسارت فالبلكونه تيلس
ترمس عمرها : افف بلاني انا ناشه من وقت .. ظهرت وسارت تاخذ شاور وصلت وقرت سوره الكهف
واستوت الساعه 7 وعقب يلست تتلبس
ونزلت تحت
ميرو : صباح الخير امايه ..
امها : صباح الخير بنيتي ها شو ها النشاط
ميرو : مادري والله شبعانه رقااد .. بسير شوي بيت عمي
امها : انزين بنتي تعالي تريقي
ميرو : مابا امي مستعيله
امها : حبيبتي والله مايصير اتمين جذى على هالحال
ميرو : امي والله يوم برد يوم برد يلا باي .. احبج
امها: براحتج شو اقول ماعرف ع منو طالعه عنيده
...
فبيـت بو سيف
ميرو : الو
.......: هلا هلا
ميرو : شيخو اظهريلي برع شوي
شيخو : انزين ادخلي مافي حد ..
ميرو : اوكي باي

..
فحجره شيخو ..
ميرو: مابغيتي تيين افففف المهم تلبسي بنسير
شيخو : وين !
ميرو : بنسير العزبه
شيخو : منو يايبنج
ميرو : الدريول يلا ..
.......

ميرو تتصل ع فون البيت ..
ميرو : الو امايه
امها : ها امايه شو بغيتي ..
ميرو : اميه زيدو الغدى
امها : حد بيي
ميرو : ههههههههه لا انا باكله كله يووعانه حييييييل
امها : عن العيااره خبريني جان حد بيي
ميرو : بنات عمي ويمكن عيال عمي
امها : على خير ان شاء الله
.**..
( نسيـنا المداآرس *<< ترا كانو فاجازه ..

بعد 3 ايام بداآيه الفصل الثاآني ..
..
راشد وحروب .. ف ستي دبي ..
راشد : حرووب جوف هنااااك الغرااشيب ..
حارب : ياااااااويلي ويلاه
راشد : تعال انسير
حارب: ها لحضه لحضه وين نسير
راشد : عندهم
حارب: قم قم يالهرم ماشي شغله ... تعال مابقى ع الدوامات شي ونحن ماخذنا شي
راشد : ههههههه هي حبيبتي شو تبين تاخذين قلم ومحايه ودفتر هههههههههههههههاي
حارب : انا اخذ دفتر والخرابيط ماعليك يا رشوود طوف يلا
الساعه 12ونص
فالعزبه
شيخو : يلا خلنا نصلي ..
ميرو : انزين يلا نسير نتيدد
شيخو : يلا ..~
..... بعد الصلاه

فبيت بو يابر
حارب وراشد : السلام عليكم
ام يابر : وعليكم السلام ورحمه الله ..
راشد : شحالج خالو
ام يابر : يسرك حالي فديتك انته شو حالك .. وامك وابوك وخوانك شحالهم ..
راشد : الحمد الله كلهم بخير وسهاله ..
ام يابر : يلا اقربو الغدى دقايق وبيزهب ., "حارب سر فديتك ازقر ابووك "
..
عويش وعليا ياين ..
عويش : مرحبا مرحبا ولد عمي ..
راشد : مرحبابج زود الغاليه شحالكم بنات عمي عساكن الا بخير ..؟!
عويش : بخير يعلك بخير .
عليو : الحمد الله
راشد : عساه حالن مديمن
عليو +عويش : وياك
عويش : الا رويض وينها
راشد : الحين بتي
..

شيخو وميرو توهم واصلين ..
ميرو وشيخو: السلام عليكم ..
الكل : وعليكم السلام ..
حارب : يلا تعالن يوعاان انا ..
ميرو توها تنتبه ع وجود راشد : انا مابا " وعطول سارت فوق "
امها : ابويه حارب سر ازقر اختك لا متريقه والحينه ماتبا تتغدى وهي قريب ظاهره من المستشفى ترا جذى مايصير
حارب: انشاء الله اميه ..

.....
حارب : طق طق طق
ميرو : ادخل
حارب : اميه تقولج تعالي تغدي ..
ميرو : بس انا مب يوعانه ..
حارب : يا ميرو اللي تسويه ف عمرج غلط لا اكل نفس الناس و حتى دواج ماتاخذينه ترا هاي مب حاله ..
تبين امايه ولا ابويه يستويبهم شي والسبه انتي ..يلا لحقييني
ميرو : !!
سارت ميرو وخذت لها شاور .. ولبست مخورة وربطت شعرها وحطت الوقايه عليها ونزلت
..
ميرو : ريتا قصيلي برتقال وفراوله
ريتا : اوكي مدام
ميرو يالسه برع وسرحت
ريتا : مدام مدام
ميرو ............ سرحانه
ريتا : شو هدا " جان تصارخ مداااااااام"
ميرو :! بسم الله الرحمن الرحيم .. بلااج انتي يالسه تباغمين فوق راسي
ريتا : انا يقول مدام مدام انتي مايسمع ..
ميرو :اسفـه ! ابتسمت لها وروحت ..

....... من وراها
شحالج ...؟!
ميرو صدت ورا : تمام وانته ..
راشد : الحمد الله .. مممم ميرو شوفيج متغيره
ميرو " حتى هذا اففف" : مافيني شي ..
راشد : تعرفين شو مشكلتج عنيده ومحد يروم يتفاهم وياج .. لو انه الواحد يبا يرمسج انتي ماتعطينه فرصه ..
ترا عنادج مابيفيدج والله .. وسار عنها

خلاص يعني كل شي انتهى وراح &&& خــلاص يعني ما بقـــينا حــــبايب
يعني وعــودك كلــــها كانت مـــزاح &&& والا انت ما لك في المحبه رغايب

ميرو : اففففف شو بلاه ها .. ! " وتذكرت شي وبسرعه تم تربع لين وصلت عند حارب
ميرو : حارب حارب حارب حارب حارب
حارب : ههههههههههههههههههههه علّق المسجل
ميرو : تعال بسرعه
حارب يمشي شوي شوي
ميرو : انقفض
حارب: شو بلاج
ميرو بصوت واطي : حروب حروب ترا يبور اليوم بي
حارب : صددق !!
ميرو : هو اتصل البارحه وقالي
ميثوووو كانت صوبهم وسمعت اسم يبور
ميثو : هيييييي ابور بي عندنا ماماااا ابور بي
ميرو : هاآآ ! اششش
ميثو : تب تب تيفي ابور بيي
ميرو : ان سمعتج اتفجين ثمج .. بزوالج *.*
ميثو ركضت عنها : ابوووووووووووووووووووووور بي ابوووووووووووووور
..
ميرو : امااااااااايه عرب بيوونا
امها : منو
ميرو : امييي عاد بس مثل ما قلت لج ولا تسألين وايد ههههههههه وروّحت ..
امها : !! ها هالبنت عجيبه جنه هي امي مش انا امها .. ههههه

ظهرت ميرو وسارت ويا حارب .. سايرين فواله
حروب : يلا انزين ..
ميرو : اييي اصبر بعدل وقايتي هب طايعه تثبت تطيح
حروب : لازم حبيبتي سرتي تبترين هالشعر وبعدين خلاف يوم بتظهرين حطي دبوس
ميرو : !! ها دبوووس
حروب : هههههه

....
ميرو : ريحة الكااااااااااافي طررر يمي
حروب : شو بعد يمي هذا
ميرو : ابا اجرب
حروب : اشو تجربين وين نحن !!
ميرو ياي تمد ايدها جان يضربها حارب بايدها ع الخفيف
حروب : عيب ميرو طاعي كيف يطالعونج عقب بيقولون عنج بنت فقر
ميرو : وبلاهم عياال الفقــر
حروب : المهم جب الحين
ميرو " عاقده حياتها "

فالبيــت .
ميرو : ها امي رتبتو .. ونضفتو ودخنتو
امها : ههههه !! انا شاكه انج اميي
ميرو : اميي عاد اسولف وياج
امها : هي خلصو
ميرو : انزين امي سرت ويا حروب من فواله وباتشي وشي وحده خليهم يحطونها فحجرتي يعلني ماخلا من هالوجه
عليو : هالوجه منو
ميرو : هذا الوجه حقت الماما
عليو : ههههههههههه
ميرو :ان مديتي ايدج على كافياا ياويلج

. . .
حارب :ابويه
ابوه : عونك
حارب :عانك الرحمن .,ترا يابر اليوم بيوصل
ابوه " طاير من الفرحه " . بشرتني بشرك الله بالخير
حارب: هو كلم ميرو وقالها انهم بيوون اليوم .. يلا نش ويايه بننزل الميلس .. انته سير وانا ببدل وبنزل
ابوه : ان شاء الله فديتك ..
حارب : هي صح ابويه
ابويه : .........
حارب : لا تييب طاري حق حد ترا محد يدري غيري وغيرك وميرو
ابوه : ان شاء الله ..
ونزل تحت

عجزت اداريك و امشي رغبة شفوفك
ما فيه درب لكسب لرضاك ما دسته

عيمان
خليفه : منى سيري سويلي عصير من ايدج
منى : انزين في خدم
خليفه : اقولج اباه من ايدج تقولي لي في خدم ..
منى : اوكي
بعد دقايق
منى : تفضل
خليفه : مشكوره
رن الفون فاييد منى بس ماردت واستغرب خليفه من الحركه .
منى بصوت واطي : الو
...... : حبيبي انا زعلانه منج
منى : افاا .. لييييش
مايد : مابا كل ها ولا تسألين عني
منى مم معارفت شو تقول : ممم حبيبي والله آسفه كنت وايد منشغله وتدري المدارس بعد يومين وتفصيل وتشري و......الخ
مايد : مالت ع ويهج : هي اوكي حبيبي خلاص هالمره بسامحج
منى : ممم حبيبي
مايد : لبيه غناتي
منى : انا بعطيك رقم وحده وابااااك تأدبها
مايد : مم انزين بس ليش
منى : ممم بصراحه هي من قرايبنا وماخذه مكاني مثل مايقولون خقاقه وراافعه خشمها للسما ودوم تحط علي وتضارب ويايه
مايد : افا علييييج حبيبتي انتي عطيني رقمها وانا براويج فيها .
منى : هي فديتك جذى اباك وابا اسمع الاخبار الزينه
مايد : ^^
منى : ها رقمها سجله عندك
مايد : اوكي فديتج بخليج الحين
منى : اوكي بيبي تحمل على عمرك
مايد : ان شاء الله .. فمان الله
منى : ربي يحفظك
منى : ماعليه يا ميرو ماعليه وين بتسيرين .. مثل متاخذين مني حبيبي براويج عدل
وظهرت برع

عقب الخيانه تجيني تشرح ظروفك
انت الذي حبنا تحت القدم دسته

.
.
.
.
.
.
.
.

فبيت بو يابر
يابر وحرمته الحين بيدخلون البيت
ساره : حبيبي حد يعرف انه نحن يايه ..
يابر : لا حبيبي بس اختيه ميرو
ميثو : ابوووووووور
وسارت نقزت فحضنه
نشن عويش وعليو يربعه صوبه
يابر : شخباااركم
ام يابر سارت حضنت ولدها وتمت تصيييييح ..
يابر : امييي بس عاد لو دريت انج بتصيحين جان ماييت
ام يابر : لا ياولدي لا تقول جي فديتك انا ماصدقت انك تيي
يابر : اووه حتى ماخليتوني اسلم ع ابويه السموحه منك ابويه والله ماشفتك
ابوه : مسموح يا ولدي ., الحمد الله عالسلامه ., شحالج بنتي ساره انشاء الله مرتاحه
ساره : الحمد الله يابر مش مقصر ويايه
حارب تقابل ويا ميرو عالدري
ميرو : جنهم الا يو
حارب : شكلهم
ميرو : ياااابررر
يابر " يفتح ايده وتحضنه ميرو "
ميرة : شحالكم شخبااركم" وسارت صوب ساره "
وسلم على حارب
ميرو : والله ولهت عليج
ساره : وانا بعد فديتج تولهت عليج شخبارج طمنيني عنج
ميرو : الحمدلله يسرج حالي
ساره : يا عساه حالن مديم
حارب : بتمون واقفين جذى حياآآكم ..

وحدرو الميلس
ويلسو فحدود النص ساعه ساعه بالكثير وعقب يابر استأذن هو وحرمته
استوت الساعه .. 1 الفليل والكل ساير يرقد ..
عويش وحارب يالسين برع
عليو وميثو سارو يرقدون وامهم وابوهم بعد
ميرو توها حادره حجرتها وكان الفون يرن ويوم يايه تشله بند وردت اتصلت

........ : مرحبا
ميرو : المرحب باجي
......... ممم ميره
ميرو : نعم اخويه آامر
...........: ماشي بس حبيت اسولف وياج
ميرو :" وقح " وبندت عطول
ميرو : خيبه في ناس جذي !!
ياها مسج . منه (هب انا اللي اتبندين فويهي بس ماعليه يا ميرو وراج وراج
ميرو بدت تخاف
سارت تيددت وصلت ركعتين ووانسدحت وتمت تفكر لين يت الساعه 5 صلت الفير ورقد

اليوم اللي بعده الكل ناش من وقت
الساعه 10 روضه عليو وميثو بعد الظهر بيسيرون ويا عويش ياخذون اغراض المداارس ..
وميرو وشيخو بيسيرون ويا الدريول
منى تتصل ع بيت عمها " تبا تعرف اخبار ميرو .. "
منى : الو
راشد : مرحبا الشيخه
منى : شحالك راشد ا أأأ ولد عمي
راشد : منى ! يسرج حالي ومن يداج
منى : دامك بخير انا بخير
راشد : حالن مديم ., الا منو بغيتي
منى : بغيت شيخه

لي عودة