|
البارت السابع عشر ركبت السيارة .. مكان الدريول و ذياب يلس عدالي ... ذياب: تعرفين اتشغلينها؟ اليازية باحراج: أول مرة أسوق ذياب:بشغلها لج و عقب سوقي اليازية: مابا انا ابا اسوق ذياب: طلقتج قبل ما اعلمج كلمة انشالله صح ... كان دوم يقول يبا يعلمني انشالله و حاضر و يبا ينسيني العناد بس ماشي نصيب ميثوه فتحت الباب اللي وراي: ايييه ابا اركب وياكم ذياب لف ويهه لورا يطالعها: لا يكون تبين تسوقين؟ ميثوه: لا بس ابا اركب وياكم ذياب يسويلها بايده برا: يلا يلا مناكـ .. انا روحي خايف من انه يصيرلي شي .. اليازية: لااااااا و الله ... بتشوف و عقب بتقول بطلعلها ليسن ذياب: فاحلامج تسوقين... فالعزبة بس مسموح ميثوه: و ليش انتو ما تبون الحرمة تسوووق .. هذي انانيه ذياب: انانية مب انانية سكري الباب يلا ... عند اليازية ربع ساعة ان طافن من دون ما تسوق ما يخصني احتشرت: ميثووووووه يلا منااااااك ... ابااااا اسووووق ميثوه: جب جب .. اساسا انا بروحي مابا اركب وياكم .. بسير لراشد و هو بيسوقني ذياب: ههههههه ااترياااج عيل ميثوه: عبالك انته الوحيد اللي فالعايلة متفتح شو؟ ذياب: باااقي عشر دقايق و سكرت الباب ميثوه و روحت بعيد... شغلت السيارة بتعليمات من ذياب ... أول ماسقت شخطها ريس ذياب يصارخ علي: اييه يالهبلة ... شوي شوي اليازية: ههههههه علمني زييين و شوي خطفت علينا سيارة نهيااان ... و مسك ذياب السكان ... و لامست ايده ايدي تكهربت .. و بعدتها ايدي و هو مسكه و لف بسررعة ع اليسار حيث اني لفيت ويا السيارة و دعمت فـ ذياب و انا اسمع ذياب يسب نهيان اللي كل شوي يخطف جدامنا و انا ماسكة ع بطني ... مدري ليش خايفة يصير فيه شي ... تندمت مليوووووون مرة اني طلبت اسووووق .. ما حسيت الا بايد ذياب تحاوط خصري و يقرب مني ايد ماسكة خصري و الايد الثانية ماسكة السكان ... اليازية بخوف: لا تسب نهيان ذياب بعصبية : ما تجوفينه الحمار يدريبج تسوقين ... و انتي ما تعرفين شي و كل شوي يخطف علينا خفت من نبرة صوته و من ان يستويلنا شي... اليازية بخوف واييد: بنمووووت ذياب و هو مركز ع الدرب .. و رص ايده اللي محاوطة خصري: ما بنموووت الا سواا ... محد فينا يقدر يعيش بدون الثاني حطيت راسي ع جتفه و ايدي ع بطني: خااايفة نهيان بيذبحنا بتصرفاته الطيش هذي ذياب و يقرب راسه مني و هو مركز ع الدرب و يلف بالسكان: حبيبي خفي السرعة خفيت السرعة و قلت: بنوقفها ذياب: اوكي و بسوق عنج ... بروح مكان بعيد و بتسوقين فيه اليازية: لا هونت > و ضربت بريك بسرعة .. حيث اني انا و ذياب نطرنا جدام ذياب + اليازية: : هههههههههههه نزل ذياب و انا نزلت .... و تبادلنا بالاماكن....و شوي ييي نهيان عدال سيارة ذياب ... نزل الجامة نهيان: ههههههه مالت عليك جان عاطي هالمبتدأة االرنج و تتدرب فيها ذياب بعصبية : جب يالحماااار زيين ما ذبحتنا نهيان: ههههههه عن السخافة بعيد عنكم .. يغير انتو تبون تتحاضنون > و غمز لنا و روح عاد دوروني انا من المستحى ^.^... نزلت راسي و العب باصابعي ذياب: هههههه الهرم طلع يراقبنا اليازية: ......... قرب مني و رفع راسي بصبعه و انا ميتة مستحى و خوف بنفس الوقت ذياب: يا ويليي ع اللي يستحون ابتسمت بحيا و قلت: ذيااااااااب ذياب: ههههههه ... تصدقين احلى وقت قضيناه ويا بعض من شوي > و غمز لي مثل غمزت نهيان نزلت راسي ... ياااا ربييي بموووووووووت اليازية: لا تنسى انا..... و حط صبعه ع شفايفي .. ذياب: مرة وحدة عااادي .. لين الحين انتي زوجتي و بعدين ... مب رغبة فيني طلقتج .. صحيح انه باقي هنتين .. بس انتي حرمتي و بتظلين لااااااخر العمر اليازية بحزن: و انا ما ابااااك لاااخر العمر ذياب: ليش؟ اليازية: اسباب خاصة فيني ذياب: انتي تظلميني و الله ما يرضى بالظلم قلت و انا فـ عيوني دموووع: و انته دوووم تظلمني ما قلت شي ذياب: خلينا نصفي النفوس اليازية: ممكن تردني هناك حرك ذياب السيارة ... بس مب صوب اهلنا.. مكان بعيد شوي عنهم و ما يجوفونا من العرقوب اللي حاجز بينا و بينهم .. شوي مرتفع... نزل ذياب من السيارة ...و بدوري نزلت عقبه رقى شوي من العرقوب الين النص و تربع هناك ... فصخ الغترة من على راسه .. و الهوا يحرك شعره الطويل لين آخر اذنه بشوي ... ذياب: يزوووي تعااالي هني الجووو رووووعة الحين كييف بركب العرقوب ؟؟؟.... مااا اقدر ... حاولت اركب ببطئ ذياب: يلا بسررعة اليازية بابتسامة : بوصلك بوصلك لا تخاف ذياب رد لي الابتسامة ذوبتني: انزين هههه و شوي نزل ... ووصل عندي اليازية: ليش ييت كنت .... ما كملت كلامي الا و هو شالني ... صرخت: ذيااااااااب نزلني يلا و ضربته ع راسه بالخفيف و هو يضحك ذياب: هههههههههههه أول مرة اجوف ذياب مستانس هالكثر ... أول مرة نيلس ويا بعض انا و هو بسس.. و هو بهالوناسة ... بجاريه و بشوف ويين يبا يوصل بس اني ارجعله مستحيل اليازية: هههههههه ايييه بطيحني ووصلنا ويين ماكان يالس ... يلس بسرعة و انا هويت و طحت فوقه ... ذياب: ههههههههههههه و انا بطني عورني .... مسكت ع بطني .. و بعدت عنه و انا اتلوى من الويع ذياب: بلااااااج؟؟؟ و انا ماقدرت ارمس من الويع .... كــــــــــــــــــــت شووو تتتوقعون؟؟؟ - هل بطيح اليازية؟؟؟؟؟؟ - شوبتكون ردت فعل ذيااااب؟؟؟ |
البارت الثامن عشر و انـــا ما قدرت ارمس من الويع اللي فبطني .. انسدحت ع التراب و انا حاطة ايدي ع بطني .... ذياب قرب مني و مسح ع بطني و قال: بلاااج اليزوي؟؟ نبرة صوته الخايفة و الحنونة ما خلتني اسيطر ع مشاعري فـــ صحت رفع راسي و حطه فحظنه ..و هو ينفض التراب عني .. و يمسح ع ويهي.. انتبه اني حاطة ايدي ع بطني... حط يده ع بطني .. يتني قشعريرة من لمسته اللي تروح فوق و تحت و هي تمسح بطني ذياب بحنان: بلااها بطنج ماسكة عليها؟ قلت بجذب: ما ادري ذياب بحنان يذبح: واايد تعورج؟ قلت بتعب و انا ادفن ويهي فـ صدره: وااايد... احسها تقطع قربني منه زود و هو مرة يمسح ويهي مرة و مرة ظهري و مرة بطني ... وااايد ارتحت من لمساااته ... واااايد اشتقتله واااااايد ... أول مرة احس بحبي و عشقي لهالانسان .... و عالافكار و فـحضنه رحت فـ نومة روووووعة فتحت عيوني ... و انا اجوف السما .. منظر رهيييب .. و خاصة لو الشمس غايبة و مب موجودة أو بالاحرى السحب مغطياتنها ...للفيت صوبه ... منسدح ع التراب و انا راقدة فوق صدره و محاوطني بايدينه .. و كان فارش غترته تحت راسه عسب ما يخيس بالتراب. بعد ايدينه عني و قعدت انفض التراب عن عبايتي و شيلتي .. شوي و يفتح عيونه .. جفت الساعة 11..ابتسم لي .. اليازية: صباااح الخير قام و يلس و هو مبتسم: صبااااااح النور و السرور ز العزبة و البوش و السيارة و اليزوي ضحكت ع استهباله: ههههههههههههه قرب مني و طبع أحلى بووووسة ع خدي ... استحيييييييييت وااااادي و نزلت راسي بحيا أما ذياب حط راسه ع ريولي و هو يطالعني .. رفع ايده و سحب الشيلة عني و فج شعري ودخل ايده فيه و فله مرة وحدة و اطاير مع الهوا ذياب: هههههههه لوحة فنيه يالطاووووس ضربته ع راسه بالخفيف: الحين انا الياهل و الا انته؟! ذياب ببراءة و يتكلم شرات اليهال .. ذكرني يوم كان يرمس ويا امه الله يرحمها: عااادي نسوي قرعه ضحكت ع اسلوبه الطفولي ... مهما حاول فيه ملامح طفولية: هههههههههههه ... ما ينااااسب ذياب: فديت هالضحكة انا قطعت ضحكتي مرة وحدة من سمعته يتفداها و استون خدودي حمراااااااااا ذياب: حبيبي اكلتي من شوي طماطة ؟؟ استغربت سؤاله و قلت: لا بابا ما اكلت طماطة و قرصني ع خدي: يعني هم يجذبون.. سألته: منوو اللي يجذب > و رمسته شرات اليهال< اللي يجذب الله يحطه فالنار ابتسم ذياب و كمل شرات اليهال: اللي يقولون انه اللي ياكل طماط تستوي خدوده حمرا ضحكت و هو ضحك ويايه: ههههههههههههههههه حطيت يدي ع راسه و انا العب بشعره .. و اطالع السما: ليت الظروف ما خلتنا نعيش هالمواقف ذياب: و لا اختارت اللي نحبهم دمعت عيني و قلت: ترا هذي المشكلة ... نحب ناس ما يحبونا ذياب مسح دموعي: لا تصيحين .. تراني مجرب و حبيت ناس ما يحبوني و لا يكنون لي مشاعر حتى ... و صحت عليهم بس فالنهاية اكتشفت انهم ما يستاهلون اني انزل دموعي لهم قلت و دموعي لازالت تنزل: بس اذا كنت انت تعتبرهم انهم يستاهلون سكت ذياب و سرح... قطعت عليه سرحانه اليازية:ذياااااب ذياب: همممم اليازية: صح بتقول فضوليه و ما اعرف شو ... بس خاطري اعرف منو اللي تحبها ... انا افكاري بدت توديني و تيبني كل وحدة كنت ترمسها قلت انها هي اللي انت تحبها ذياب: انا احب وحدة .. مستحييييل أي انسااااان يتوقع اني احبها سألته: ليييش؟ ذياب: لاني ممنوع احبه لغز اهو ؟؟؟ وضح اكثر ؟؟؟؟؟ ممنوع احبه !!!!!!! منووو هيه اللي ممنوع يحبها؟؟؟؟؟ سألته: منووو؟؟؟ ذياب يغير الموضوع: يلا نسير صوب الاهل وقف بس مسكت ايده لا اراديا: أول شي تقولي منو هي؟ ذياب: بقولج ... وعـد بس مب الحيـيـيـيـيـن.. أوكيه؟ اعرف لو قلتله الحين ما بيقولي و لا حتى بعدين فأحسن بعدين و لا انه ما يقولي ابتسمت ووقفت عنده طبعا بمساعدته: اوكي نفضنا ملابسنا عن التراب اليازية: يلا ذياب ينفض شعره عن التراب: ما قلتي بتساعديني .. و مسك ايدي و حطهن على راسه و بدا يحركه وانا اضحك عليه ....و عقب ساعده حركت ايديني ذياب: شامبو لو سمحتي هني ما قدرت اتحمل ضحكت من الخاااطر: ههههههههههههههههههههههههههههه ذياب: ههههههه بلاج ؟ هههههههه اليازية: هههههه اتضحكني هههههه مدري بلاك اليوم تنكت ههههههه ذياب: لعيونج بنكت مني لين الصبح استحيت بس اخذته بروح مرحة ادريبه يجاملني: ههههه عيييب تغازلني .. و صح نسيت ترقمني ذياب: افا رقمي مب عندج بوزت : لاااا اليوم البنات قالن لي اتصليبه عشان يوول استحيت اقولهم رقمك مب عندي فأنته تكرمت و يلت قبل ما انفضح ذياب: ههههههههه يكفي تكلميني من مسن البلاك بيري اليازية: لاااا و الله ما بعطلك عن شغلك صدقني ذياب : ههههههه يلا ... للتواصل الرجاء الاتصال على الرقم 050 ####### اليازية: هههههههه رقمك سهل حفظته ذياب: يلا سمعيه اليازية: ما ابا ذياب: يلا ركبنا السيارة الحين بيسوونها سالفة اليازية: يلا عند السيارة ذياب: يلا حولي اركبي مكاني اليازية: لاااا مابا اسوق ما سوالي سالفة و يلس المكان اللي ع اليمين ... و انا ركبت مكانه ذياب: يلا شغليها اليازية: اللي يسمعك عاد بتعطينيه ليسن ذياب: ماااشي ليسن يلا .. شغلي السيارة اشوف و شغلت السيارة بعد ما هفست فيها و ذياب يطحك و يعلق .. يااااارب الدوم هالضحكة ذياب: لا تمشين فوق الستين اليازية: لاوالله سلحفاااة هي ذياب: ههههه ترا السلحفاة سرعتها بالسالب لاه اليازية: أول مرة ادري انه فيه سرعة بالسالب لاه ذياب: اخذيها مني لاه و ضحكنا ع استهبالنا : هههههههههههه حط ذياب اغنية >غشمرة .. عيضة المنهالي اش علامك يا حبيبي صدق ولا غشمره ترميني بسهم عيونك صاب قلبي وخدره من جمالك من دلالك من نحرك واثغره وردة الكادي خدودك ناديه ومعطره والشعر كا الليل غافي زاهين فيه قمره ما تعيض البيض غيرك لو بماس مقنطره من الحسن اوهبك ربك كل ما تتصوره محتوي زين ومعاني من الاله مصخره انت عمري وراس مالي وانت شوفي وبصره منزلك في عرش روحي والمحبه سيطره عيدي وعيدك سعاده على شاطي مرمره ما يلذ الوقت دونك لو بغيت اتصبره مدمن في حبك خفوقي والموده تغمره والشعر بدع واراده فيك صغته وانشره يعل غيثن من سحابه و اسمي وتغزره على الوطاني سيل سيله يروي البر امطره و خذها ذياب يااااابس و انا مرتبشة اليازية: ذيااااب بند ما عرف اركز جي ذياب: يابس يزووووي و قبل ما نوصل بشوي بند المسجل و عدل قعدته اليازية: يا عييني ع الذرابة ذياب:هههههههه وقفي هني يلا و ضربت بريك شوي شوي ذياب يتمصخر بالانجليزي:good driver اليازية: ههههههه I know ذياب: يالثقة و نزلنا .. و طبعا ما سلمنا من تعليقاتهم و ضحكهم و خاصة يدووه شو اخركم و ما عرف شو ... و البنات شو سويتي كل هالوقت ... و طبعا اانا و ذياااب طاااف بس نجاوب باشياء سطحية شوو تتوقعون؟؟؟؟؟ متى اليازية بتعترف بحبها لذياااب؟؟؟؟؟ ** سؤاال ابا الكل يجاوب و يخمن عليه*** لييييش ذياااااب يخون اليازية؟؟؟؟؟؟ |
البارت التاسع عشر ع الليل كنا يالسين نحن البنااات بروحنا ورا خيمة من الخيام و كنا مسوين دايرة حوالين الضو .... و كنت ميودة حمد ولد ميوه و ميوه ميودة ولدها محمد ميوه: ها شوق متى بتربين؟ شوق: انشالله بعد أربع شهور ميوه: الله يسهل عليج حسنة : اييه سرنا نيلس عند الحرييم ميثوه: يلا بدل يلستنا هني و قامن ميثوه و حسنة و وديمة و شمسة و مريم مريم: هااا ما بَتَن؟ شوق: ما فيّه ابا انسدح يوم محد يجوفنا ميوه: و أنا برضع عيالي مريم: و انتي اليازية؟ اليازية: تعبانة شوي مريم: ع راحتج > و روحت أما شوق فانسدحت .. و حطت يدها تحت راسها و مجابلتنا.. ميوه: بلاج يزوي اليوم كله تعبانة؟ اليازية: ما فيني شي ... بس بررد و بعد فترة صمت بسيطة شوق: ميا ربيتي طبيعي؟ ميوه: هيه الحمدلله اليازية:يعور؟؟! ميوه + شوق: ههههههههه ميوه:شوي شوق: موووت و بدن يتمصخرن عليه ميوه: عطينيه حمد اليازية: انزين اعطيني محمد ميوه: مقايضة هي.. محمد رقد ما تجوفينه اليازية: انزيين > و عطيتها محمد اليازية: خاطري بـ آيس كريم باسكن روبنز ميوه: مي تو .. شوق: ترانا فعزبة .. مافيها غير حليب نووق اليازية+ميوه+شوق:هههههههه انسدحت شرات شوق و حطيت يدي ع بطني: و الله خاطري فييه شوق: من وين بنيبه لج ! .. خبري ريلج قهرني ردها و رديت لها بنفس الاسلوب: بقوله و بيبلي و قمت عنهن و رحت داخل وحدة من الخيام و اتصلتله هالمرة فوون ذياب:ألو اليازية:...... ذياب: ألوووو اليازية:ذياب ذياب: هلا و الله ابتسمت لرده : ممكن طلب؟ ذياب: يا هالطلبات الكثرانات هاليومين قلت بدلع: ذيااااااااااب ذياب: عيووووونه؟ ابتسمت بخجل : تعال الخيمة ذياب: ههههه أي خيمة؟؟؟ ضربت راسي بالخفيف كيييف قلتله جي .. صدق اني غبية غيرت الموضوع: المهم عادي اقولك طلب و الالا؟ و شوي يدخل علي ذياب الخيمة و سكر التيلفون و حطه فـ مخباهـ و ابتسم: هذا انا ييت نزلت راسي منحررجة:كيف عرفت اني انا هني؟؟؟! ذياب: صوتج .. و قرب مني و رفع راسي.. حسيت فـ عيونه كلام .. ما عرفت اترجم نظراته .. ذياب: اظلمج وااااايد ... أنا وااااايد اظلمج رفعت عيوني و شفت عيونه تبرق ... معقولة دمووووع!!!!! مرر صبوعه ع ويهي و قرب ويهي مني كــــــــــــــــــت طبع بوسه ع شفايفي معقووولة !!! ذيااااب شـ فيه ؟؟؟ سألته:بلاك؟ ذياب: ساااامحني الياااازية ... سامحيني دخييلج .. ما قدرت أصير الزوج اللي كل بنت تحلم فيه ... ما قدرت أكون الشخص اللي بالمواصفات اللي كل بنت تباااهـ ... أنا عذبتج .. عذبتج وااااايد... أهنتج و انتي مالج ذنب ... تركتج بروحج في بلاد الغربة و انتي ما يخصج .... صيحتج >ومرر اصابعه تحت عيوني< نزلت دموعج و انتي مالج ذنب ... انتي ما تستاهليني و لا انا استاهلج .. أنا ما قدرت اعطيييج شي .. ما قدرت ... طيفها يمر علي صبح و ليل .... اليازية>و نزلن دموووعه أول مرة اجوف ذيااااب يصيح< انا ماقدرت انساااها ... مااااقدرت .. صعب انسااااها .. اكتشفت اني لين الحين لازلت احبها .. اكتشفت انج مالج مكان فـ قلبي >كان كلامه مثل السجاجين اللي تطعن بقلبي< مب بيدي .. انتي قلتيها قبل مب بيدنا نختاار اللي نحبهم ... معقوووولة .. معقوووووولة اللي يقووووله !! يعني شووووو!! قلت بحزن و دموعي تنزل بغزارة: و قلتلك قبل طلقني .. و عطتني حريتي .. صدقني ذياااب لو عطيتني ورقتي بسااامحك ع كل شي سويته فيني ذياب يهز راسها بانه لا: ما بطلقج ... مستحييييل اطلقج .. مستحييييل صرخت عليه: و تخليني معلقة يعني ؟؟؟! ذياب: ما اقدر ... ما اقدر تميت أضربه ع جتفه و اقول: لييييش ؟؟؟ لييييش ما تقدر قووووول ليييييش؟؟؟؟؟؟ عطاني ظهره يبا يطلع .. مسكت كندورته من ورا .. ايد ماسكة كندورته و الايد الثانية تضربه قلت بحزن: ليش؟؟ قووولي لييش ماتقدر اطلقني؟؟ مااباااك .. افهم ماااااباااااك و لف ذياب صوبي و حضني .. بقووووووووو... و هو يصيييح !!!!!!!! و انا أصيييح !!!!!!!!! موقف لا نحسد عليييييه..... ذياااااب يصيح لاسباب ما اعرفها و نا اصيييييح .. خوف انه يتركني و اخاف من وااااايد أشياااا و أولها اللي فـ بطني شووو مصيييره؟؟؟!! قال و هو لازال حاضني: شوطلبج؟؟ بعدت عنه بس رص علي و حضني اكثر: قولي شو تبين؟ قلت و انا دموعي ع خدي: اعرف لييش تخوني ؟ يلس ع الارض و مسكني من ايدي و يلسني فووووقه ... كنت منحررررجة مووووووت .... ذياب و هو يطالعني : بقووولج بس يكون بينا.. قلت بصدق: امبينا وعد ذياب: اسمعي و لا تقاطعيني هزيت له راسي بالموااافقة ........ |
البارت العــــــــــــــشـــــــــــــــــــــرون ذياب: انا من كنت صغير أخبر امايه عن كل شي يصيرلي حتى لو أنا فيه الغلطاااان ... و حبيت شوق بنت خالي>انصقععععت من كلامه .. شوق! اللي سفل فيها قدامي< .. حبيتها وااااايد لكن كانت تصدني ... دايم تهيين كرامتي ... كااانت تخوني مع سالم ولد خااالي .. هذي ما تسمى خيااانه لانه اساسا ماشي بينا .. لكـــن بالنسبة لقلــبي هذي ... أكبر خيااااااانة ... تخيلي اليازية تحب انسااان ما يحبك و يهيييينك ..>نزلت دمعة من عيونه مسحها على طول< صعععبة و الله صععععبة ....... تخيلي يوميا تقولي أنا ماا احبك و لا فـ يوم احبك .. أنا احب وااااحد احسسسن عنك ... تخيلي تقوووول انته ولــــد أمـــك و انا ما اتشرف بهالشي .....>نزل راسه< ...... اوننه ساااالم ريال فعلا .. و ما تمشيه امه بشورها و أو بشو تريد ... كنت اتعذب و سااااكت .. لــــكن لما دريييت بخطبتها ... انقههر حسيت >و ييضرب صدره< بناااار تولع هنييي .... ناااااار تحرقني ... ما قدرت اتحمل .. و خبرت امايه و انصدددمت اماااايه .. قلتلج قبل محد بيتوقع منو انا احب ...و اعقبها بفتره بعد ما عرست ... اقترحت لي امايه الله يرحمها >نزل راسه< أني اخطبج >و كانت صدمة ثانية لي<.... كنت رااااافض و بقووووة من المواقف اللي تسوينها بي ... و بعقلج الصغيييير و انا اعرف روووحي ما اقدر اعيييش ويا ياااااهل و دااااايما كنت اتذمر منج عندهاااا .... و بعد ماتت الله يرحمها ... اظلمت الدنيا بعيووونيي .... واااااايد تغيرت و خاصة لما تغيرت معاملة هليه ويايه .. كانووو يشفقون علي .. فقررت اني اسافر بعد العزا مبااااشرة ... بالاول قلت بقضي وقت بالدرااااسة لكن ما فلحت فيها بعد سنة لأن عقلي أبدا مب ويايه .. كان ويا امايه و شوووق و كييف بعييش ؟؟؟ .... و بعد ما مرت سنة ثانية ... رديت البلاد و انا ماخذ قراري و اني احقق اللي كانت امايه تباااه و هو اني اتزوجج ... ما رديت لهم .. لاني ادري ان رجعت لهم .. بضعف ان جفتهااااا ... >و دفن راسه فحضنه و انصدمت من حركته< استقريت فـأبوظبي ... و اشتغلت و كان وقتي كلـــه شغل ... و كونت ثروة و الحمدلله .... و أبويــــه كتب شركة باسمي ... كنت مب موااااافق و هو ألح علي وااااايد و انا كنت اصده .. بس بالاخير اخذتها لانها حلالي ... و توسع شغلي .. و بعد ما وثقت بقدراتي ... قررت اني ارجع لهناك و أراوي شوق منو الريال الحيييين فعلا انا و الا ريلها .. انا الحين اشتريها و اشتري ريلها .... رديت بس مثل ما توقعت ..من جفتها ضعفت و كنت بضعف اكثر جدامها .. لما كنت بفضح مشاعري جدامها مرة ثانية بس الحمدلله مسكت نفسي ... و عشان انسى خطبتج و كان الكل موااااافق .. و محد عااارض ع هالشي .. لانهم مالهم شووور علي ... و خطبتج و كان هالزواج مع احترامي لج .. مثل أي صفقة تطلب توقيع ... بس بالنهاااية ما توقعت هالاحدااااث اللي مرت ... ما ادري كيف كنت امد ايدي عليج .. كيييف اهينج و اعذبج .... كنت متقلب المزاج .. كل ما اتذكر شووق اضربج و اهينج .. بغيييييت اسوي مثل ما تسوي .. كانت في هذيج الفترة اللي تزوجتج فيها .. احب اكسر قلوب البنات اخلهن يتعلقن فيه من دون ما يحسبن حسااااب و عقب اخليييهن ... و احرق قلبهن ... بس ما كنت تجوفيني .. أول وحدة جفتيها ويايه تهاني بنت عمي مثل ما قلتلج .. و الثانية اللي طلبتي الطلاق بسببها هي السكرتيرة ... يايه عسب اعطيها باجي الملفات اللي كانن في ايدي ...... بس اليازية >و رفع راسه .. و حط عينه فعيونيه< انتي الوحييييدة اللي ما قدرت عليج .. في شي يحدني اخليييج ع ذمتي .. مدري احتراما لأمي؟ أو انج مسوية طعم بـ حياتي؟ ... انتي الانسااااانة اللي قدرت تغيرني من دوون ما تحس ... خلتني ما اضعف قدام شوووق و الدليل اني طردها من غرفتيه و اهنتها جدااامج و هي ما كانت تهون علي ...... خليتني أوقف عن الخيااااانة و عن اللعب بمشاعر البنااات .... واااايد غيرتني فيييينيييي ... كنت اتركهن ولا التفت صوبهن .. لــكـــن انتي من طلبتي الطلاق حسيت بشي يعصر قلبي ... ما عرفت شوووو ؟؟ بس اللي كنت اعرفه اني ما اباااج اتخلينيه و للابد .... و الدليل اني أول ما تقابلنا ما قدرت اتقبل فكرت اني مطلقج ... عيشي مثل ما تبين بس طلاااااق دخيييلج انسي .. ما عرفت شـ قوووول بس قلت كلمة بتحدد مصيري .... قلت بحزن : مشكوووور واااايد ع صراحتك بس اني ارجعلك بعد الكلاام اللي قلته اسمحلي مستحييل .. و بواافق على اني اتم ع ذمتك ليين ما تقبل فكرت اني مستحيل اعييش ويااااك .. ووارتباطنا مع بعض مستحييل ... صدقني بعطيك وقتك .. بس ما اباك اترمسني ولا تتقرب مني ... من الحين تتنتهي علاقتنا بعض وقفت و قلت : طلع ماضيك أسود ... و مستحيل أعيش ويا واااحد هذا مااضيييه ... يلعب بمشاعر البنات ع اصابعه عسب وحدة ما تباااهـ و لا تسوى شي ... و الحين عندها عايلة و مستانسة و انته تحرق اعصابك ع الفااااضي .... و بعدين لعلمك مستحيل اييب عياااال مااااا عندهم أهل و اقصد بهالكلاااام يدهم اللي عااااايش و ابووووهم مب معترف به ... اسمحلي ذيااااب انا ما ابا اكووون شرات شووق و اعذبك .. امممم آسفة اني شبهت نفسي بشوق لانه مكاااانة شوووق بقلبك ما تسوى شي بمكانة فقلبك .... الله يحفظك و يسهل دربك .. و طلعت ... و خلييييت ورااااااايه انساااااااااان ضااااااااايع مشتتت ... مصدوووووووم .. أبواااااااااب الدنيا تسكرت فـ عيووووووووونه ...... مدري كم رقمي من اللي حرقو قلبه و عذبووووووهـ .... أما هو الوحييييد اللي جرحني من أياااااام مراهقتي اليييين الحييييين ... الوحييييييييييييد ع الساعة 12 الكل ساااار يرقد .... و أنا منسدحة فـ فراشي و أتلوى من ويع بطني ... و أفكر فـ ذياب كييف حاله الحينه ... ما قدرت اتحمل أحس اني برجع ... طلعت من الخيمة ..... و روحت صوب حمام >عزكم الله< و رجعت كل اللي فـ بطني عزكم الله ... طلعت برع الحمام >اكرمكم الله< و أنا ماسكة ع بطني راصة عليها شوي ... و رحت ايلس ع أقرب عرقوب .. كاااااان ظلااااام و انا ميتة خووووف بس من الويع ما تحملت ... و يلست و انا لامة نفسي من البرد ... و أصيح بهدوء وسط هالجو الهاااادي و ما تنسمع غير شهقاااتي .. اللي تطلع بهدوووء تااام .... سمعت صووت من بعيييد .. و هالصووووت مألووووف وااااايد .. كااااان يشل :::: سهران انا و انوح بصياح .. منك نعم بقول مسموح يا صاح كم ببكيك يا صاح .. ببكيك لين ما تطلع الروح عقبك ما قد كنت مرتاح ... ابكيك طول الليل و انوح والله الهوا و الحب ذباح.. يقتل المحب في الحب مذبوح صوبتني بسهم و ارماح.. خليتني فالحب مجروح عيشتني في هم و صياح ... شيدتلك في يوفي صروح يا قايد الغزلان الملاح .. يازين يا فتنة يا مملوح بصبر و لو في كثرة اجراح ... لجل نعم تذهب الروح كــنــت اسمع الشلة و أصيييح ... معقوووولة لهالدرجة يــحبها ....! ....هذا نصيبج بالدنيا ياليازية .... وطيت راسي ع ركبي اللي لامتنهن لحضنيو صحت ... بصوت شبه مسموع .. بعد فترة حسيت بجاكيت ينحط ع جتوووفي ..يالله شكثر يدفي هالجاكيت .. حسيييت بحرارة تسري فجسمي من الايد اللي محاوطتني من جتوفي ... رفعت راسي اطالع منوو ؟؟؟؟ ذيـــــــاب!!! ... كانن عيونه تبرق فهالظلاااااام ... كله حززن و تعب .... مثل ما عذبتك الدنيا يا ذياب حتى أنــأ عذبتني .... قــطع أفكاااري صوت ذياب ذياب بتعب: لـيش ما رقدتي؟؟! قلت و أنا منزله راسي: ييت الحمام عزك الله و خفت اد الروحي بهالظلام ابتسم ذياب .. ابتسامة ذابلة : يعني ييتي و ما خفتي ... و الحينه خفتي تردين نزلت راسي منحرجة و حبيت اغير الموضوع: ترا صوتك واايد حلو فالشلة .. بعد عني و هو يطالع النجوم .. و سرح مرة ثااانية .. أول كنت اتساأل فـ شو يفكر .. بس الحيينه عرفت منو ماخذ تفكييره .. وقفت .. و عطيته جاكيته .. و مشيت عنه ... حسيته يتبعني .. فصديت لورا ... و طلع صح .. كان يتبعني قلت و انا ارتجف من البرد: خيير شو تبا ؟؟؟.. تراني مب بروحي فالخيمة ذياب نزل راسه و قال: أبا اعرف اذا كنتي مسامحتني و الا لا ؟ قلت باستهزاء: لييش وااايد مُصرّ ؟؟؟... يعني تحس بتأنيب الضمير مثلا ؟؟؟! ذياب: ما كنت ادري لو فضفت لج بتعامليني بهالطريقة حطيت ايدي ع خصري و قلت: لييش تباني انطب و اسكت ... و انا عرفت وااايد اشيااااا كنت مخدوووعة فيهااا ذياب: أبااااج اتسامحييينييي.. لأني ما اضمن لج وجودي عقب الليلة .... اباااج تذكريني بالخيير انصدمت من كلامه و خنقتي العبرة ... ليييش وييين بيروح و بيخليينيي ... ماااا اقدر اعييش من دوووونه اناااا اكااااابر و اللي فـ بطنييي ..... معقوووولة كلااااامي أثر فيييه لااااااا قلتله و انا ابلع ريجي: لييش؟ ذياااب: ببتعد عن دربج ... بخلييج اتعشين حياتج من دون ما اعكرها لج ... ادري بووجودي يسبب مشاااكل عند الـكل .. ماابااااج تكونين مضايجة ... معقولة الحييين انا صرت وحدة من اللي يعذبووون ذياااااب... معقولة بدل مااا اوقف ويااااه .... اصده و اخليه يحس انه حااااجز يخنقني ..... معقووولة هذا تفكييير ذياااااب.. الحييينه انا اللي خليييت ذياااااب يتندمـ انه فضفض لييي... وييين بتخلينيه و بتروووح .... ويييين؟؟؟ قلت و انا فخاطري صيحه: ويين بترووح؟ ذياب: لأي مكان ما يعكر حياتج كنت بقوووله ... لااااااا انته ما اتعكر حيااااااتي .... كنت بقووووله انا ما اعيش بدووووونك .... كنت بقووووله انا احبك .... انا اعشقك ... لاااااااا تخليييييينيييي... انته بعدم وجووووودك تعذبني ... فكيييف لو غبت عني .... كيييف بعيييش .... كنت بقوووووله و اللي فـ بطنيي ... شو بيصيير لـــه ؟؟؟ منوووو بيكوووون لـه الابوووو ....كنت بقووووله ... انااااا اتشرف بك انك تكووووون أبووووو لولدي.... أناااا اتمنااااااااك تكوووون أبووووو عيااااااالي .... بس .... فييي شي منعنييي .... ما اعرف شوووو هووووو؟؟؟؟؟؟ ... تلاشت كل كلمااااااتي لـما جفته عاطني ظهره و ماشي .... احس بكل خطوة يخطيها بعيد عني ... قلبي ينشلع من مكااااااانه .... نطقت بكلمة وحدة : ذياااااااب لف صوبي و أنا واقفة مكاني ما تحركت ... ذياب ابتسم ابتسامة عذبتني و قال بهدوء...:خيير؟ ما عرفت شـ قول .. كان فـ داخلي موجة من الكلمات .. تتحاذف ويا بعض ... بس طلعت كلمتين .. بروحي ما ادري كييف طلعن ............. كـــــــــــــت |
البارت الحـــــــادي و العــــــشــــــــرؤؤؤؤؤن ما عرفت شـ قول .. كان فـ داخلي موجة من الكلمات .. تتحاذف ويا بعض ... بس طلعت كلمتين .. بروحي ما ادري كييف طلعن ............. قلت: الله يوفقكـ جفته .. نزل راسه و عطاني ظهره و روح .... يلست عالارض و حطيت ايديني ع ويهي و أنا اصيييييييح .... ع كثر ويع المغص اللي فـ بطني يا غيير الويع اللي فـ قلبي اكثرررر .... شوووو الحييينة خلااااااص ما راح أجوووووف ذيااااااب مرة ثااااانية .. اهئ اهئ .. ماااااا اقدر ... ما اقدر اتخيل حيااااااتي بدوووونه ماااا اقدر .... لييييش تركنيييي؟؟؟ ليييش راااح عني ؟؟ >و مسكت بطني < و اللي هنيي.. شووو بيصيير فيييه ؟؟؟ ماااااابااااااهـ داااااام أبوووووهـ محد ..... دخيييلك ارجع ... ماااا اتخيل حياااااااتي بدووووونك ... ذياااااااااااااااااااااااااااااااااااااب!!!!!!!!!! !!!!!!! تعبت من كثر ما اصيح و كثر ما اشاااااهق ... صرخت صرخة ... خلت نهياااااان يركض صوووبي و ابويه ... وشويه من الرياييل ... ما انتبهت فيييهم .. أساساااا ما كان يهمني ... نهيان و هو ماسكني :: اليااااازية بلااااااج؟؟؟ صحت ... صحت أيامي اللي بتيييي من دوووون ذيااااااب .... كنت أصييح و أشاااااهق ... دخلني نهيااان داخل خيمة اظني مالت قوم اماايه ... لانه الحريم كلهن كانن يايات صوووبي ... سدحني ع الفراااش ... يلست امايه عدالي و هي تقرا علي .... و مترووووعة حدها و ابويه .. يتخبر نهياااان شوو استووى و نهياااان يقوله ماادري .. ابويه يسألني: ياليازية ليش كنتي بررع يا بنتي؟؟؟ كنت أصيييح .... كنت أباااا بسس ذياااااااب .. أبااااا اعرف ويييينه .... امايه تعاتب أبويه: خلااص .. خل البنت ترتااااح نهيان: أنا بسير اطمنهم ... اكيييد خايفين عليها الحيين اللي برع و ظهر نهيااان ... ابويه: بنتي ما تبين ترمسين ؟؟؟ ... شو مظهرنج بهالليل هنااااك؟؟؟ قلت و أنا اشاااهق: ذ.. ذيـ.ــــ...ـاب و ما قدرت أكمل لانه طحت غشيانة .... فتحت عيوني و انا اطالع اللي حولي .... امايه .. نهيان .. ابويه ... اليدة .. أم راشد و بناتها و معها شوووق كنت اطالعهم .. و تفكيري فـ ذياااب ... وييينه؟؟؟؟ .. لييش مب وياااهم؟؟؟؟؟ امايه تقربت مني و ابتساامة مرسومة ع ويها: الحمدلله ع السلامة اميه اكتفيت بابتسااامة ذااابلة ... تقربت مني يدته و قالت و هي مبتسمة: مبروووكـ يا بنتي ... يعني عرفو بحملي؟؟؟!!!! ..... و ذيااااااب عرف شووووو؟؟؟؟ قلت بصوت خفيف يالله ينسمع: الله يبارك فيج سألت بنفس مستوى الصوت: ذياب وين؟؟ نهيان وقف و يا صوبي: أساسا نحن نبا نسألج وييينه؟؟؟.. شوق: انتي كنتي آخر وحدة جايفتنه .. لما قلتي تبين بااااسكن و عقبها محد جااافه عاااااد انتي خلج سااااااااااكتة ... كللللللله بسبج .... كل اللي فينا بسببج .. انتي سبب عذااااابنا ... ولا بعد تٍسأل مااااا ينااااااسب ما رديت عليهم بس سؤال اليدة جبرني اجاوب .... اليدة: شو صار؟؟؟ و ليييش مب مبين لييين الحييين ؟؟؟ وييين سااااار ولدنا؟؟؟ قلت بصووت تعبااان و انا اهز راسي بنفي : مااا ادري .. و الله ما ادري > وصحت< نهيان زقر الممرضة .. ويت و عطتني ابرة .... خلتني ارقد فتحت عيوني مرة ثااانية و كانت امايه و ميوه موجودات بس... اطالعتهن ... حسيت من نظراتهن انهن يتهمني ... اني انا خليييت ذياب يغييييب ..... كنت أبا ارمس ... لكن .. لاعت جبدي و ما عرف من شو .. و رجعت .. مع انه ما كان شي فـ بطني ... نادت ميوه الممرضة .. و يتني وحدة غير القبلية .. و ساعدتني اروح الحمام >عزكم الله < و كملت هنااك .. و طلعت و ساعدتني ايلس ع الكنبة .. لين ما تنظف اللحاف ... رديت ظهري لورا .. و حطيت يدي ع بطني .. و قلت: و الله العظيم ما ادري وييينه >و نزلن دموعي< و الله ماااا ادرييي تقربت مني ميوه و حضنتني : بس فديتج مصدقييينج .. لا تسووين فروحج جيي .. مب زييين ع الياااهل صحت فـ حضن ميووه: و الله مااا ادري .. صح جفته البارحة >وبديت أشاهق< بس ماااا ادري وييين رااااح .. و الله ماااا قالي ويييين بيرووووووح ... قولوله يررررد .. دخيييلكم .. رااااشد اكيييد يدري صرخت امايه سكتني: بسسسسسسسسسس صخي سكت من رد امايه .. ليييييش سكتتني ؟؟؟ ... أول مرة امااايه تعاملني بهالمعااااملة ليييش؟؟؟؟ ميوه: امايه بس دخييلج ماا تجوفين حالتها؟! امايه: ليش هي سوتلنا اعتبااااار .... تدري من قبل انها حااامل ... نفس الممرضة اللي قالتلها عن حملها قالتلنا ... و شووو كانت تسووي بنص الليل بررع و بروووووحها و محد كاااان عندهاااا ... ليييش صااااااحت .. و ريلها وييين طااااااس محد يدري عن أرضه من سمااااااه ميوه: أمايه مب وقته.. قلت و انا دموعي تنزل بغزارة : عندها حق اماااايه .. لاااازم انا اوضحلكم وااايد أشيااااا بس مب الحييين .. دخليييلكم مااااا اقدر ارمس ... بس و الله ذياااااب مدري وييينه و الله العظيم امايه: و ليش يالسة تحولفين من الصبح .. خلااااص عرفنا انج ما تدرين خايفة من شووو؟ صحت أكثر فـ حضن ميووووه و همست لها: لييش اماايه تعاملنيه جي؟ ميوه بنفس مستوى صووتي: لانه أهل ذياااب مركبينج انتي الذنب فـ غياب ذياااب سااامحيها .. يعني يتهموون بنتها جدامها مب سهلة قلت بنفس المستوى: و الله ما ادري .. هو قالي بيروح بس ما قال ويين والله .. ميوه مصدقتنيه؟>كملت صيااح< ميوه:والله مصدقتنج و الله سحبتنيه امايه من حضن ميووه .. و حطتنيه فـ حضنها ... من حطيت راسي فـ حضن امااايه انفجرررت صياااااااااااااح ... حتى الممرضات التمن حووولي و ساعدني انسدح ع الشبرية و عطني ابرة مرة ثااانية تجلبت ع الشبرية و أحس بويع فضيييييييع فـ بطني ..... كنت اسمع حشرة فالغرفة .. سمعت اسم ذياااااب .... بلاهـ ذياااااب؟؟؟ ... ركزت وياااهم .. هذا صووت نهيااان يكلم ابويه .. نهيان : طلع ذياب مساافر ابويه شكله محرج: و شو مرغدنه برع البلاد؟؟ نهيان: علمي علمك .. كانت طيارته بارحة ع الساعة هنين و نص ... مدري كيف راح و لحد انتبه له ابويه : و الحييين شو الدبرة ؟؟؟ ما تجوف اختك كل ما نشت من الرقااااد اتصييح و ما تهدى الا اذا عطوها ابره .. الحين لو درت بتبااااغم و لحد يقدر يسكتها .... نهيان: ما ادري و الله ...احاول اتصل بذياب .. من موبايله بس يعطيني مغلق يمكن لا درا انها حامل يرد ابويه: شوو اللي صاااير امبينهم ولحد يدريبه ..جفنا اختك بارحة امس ميتة من الصياح و طاحت علينا و طلعت حاامل و فـ نفس الوقت ريلها سااافر من دون ما يخبر احد نهيان: حاااولت اعرف الموضوووع من رااااشد .. بس يقووول انه ماااايدريي... ما ادري بصدقه من جذبه ابويه: يالله تطلعنا من هالمحنة ... مشكلة اختك الحينه لو درت .. ما همنيه ذياااب بالطقاااااق المهم عنديه بنتيي ... ما اقدر ع زعلها آخر العنقوود هذي الدلووع نهيان: يالله يا بويه .. اليازية الحينة كبرت و بتستوي أم .. لازم تتحمل ... الحينه هي مب يااهل مثل أول .. الحينة بتستوي مسؤولة عن ياااهل ... ابويه: انا بسير ارمس الدكتورة شوو حالتها و متى نقدر نظهرها؟؟ نهيان: ابويه كثر ما تقدر تخليها فالمستشفى خلها ... يعني لا سمح الله يتها الحالة الهستيرية اتكون عند الممرضات احسن ابويه: اختك بتعقل و بتتحمل .. و ذيااااب حساااابه عنديه بعدييين .. لاااازم يخبرنا ليش سافر من دون محد يدري .. بس اترياه يرد من قال ابويه اترياه يرد .... ما قدرت امسك روحي .. صحت ع هالجملة ذياااااااب خلاااااااااص ماااااابيرد ..... مااااااااشي أمل يرد ...... طلع ابويه من الغرفة ... أمــا نهيان فقرب مني ... و مسح دموعيه ... و كنت أزيد بصيااااح .. نهيان: انتي نااشة يزوووي؟! فتحت عيونيه اللي كلها دموووع: سااااافر ... صح؟؟؟ سااااافر .... خلاااااني و رااااااح > و صحت بس مب بالحالة الهستيرية نهيان : يزووي بس دخيييلج ... لا تسويين بروحج جي دخييلج .. هو مااا يستاااهلج .. اللي خلاج و انتي حامل و ساااافر و الله العالم بهوا دااارهـ قلت و انا اشاااهق: مااااا راااااح اجوفه مرة ثااااانية ... مااابااااا جوفه مررة ثاااانية خلااااااص ... تركني ... ماااايباااااااااانييييييي نهيان: يخسي ما يباج أونه ... أصلا يحلم يطولج الحينه بعد ما خلاج .. قاطعته: لاااا تقووووول جييي... هووووو ماله ذنب نهيااان: اليااااازية دخيييلج قوووولي شووو تعرفيييين .... آآهـ لووو تدرين باللي صااااير برررع قلتله: اناااا مااا يخصني >و صحت< ليييش ماااا تصدقووونيه .. ليييش؟؟؟ نهيان: نحن مصدقييينج ... بسس اهله مب رااااضين يصدقووون .. دخيلج يزووي قولي شصااار ؟؟ لو تدريين بالمشاااكل اللي تصيير الحينه بسببكم سألته: لييش شصاااير؟؟؟ نهيان: انسي بعدييين بقووولج .. يلا انتي شدي حيييلج و أكلي بسج عنبو خستي رقااااد سألته: لييش كم سااعة صارلي هني؟ نهيان: ههههههه كم ساعة أونه ... انتي لج هني يوميين ابتسمت له بتعب: معقووولة يووومين !!! نهيان: عنبو رقاااد أصحاااب الكهف ... ابتسمت له بتعب و اختفت بسرعة و سألته: شو من المشاكل صايرة بررع؟؟ نهيان: يتحسبونج انتي السبب... بس هم معذوريين .. الموقف اللي صااار و اللي جفناه يخلينا نشك استغربت و سألته: ليش شصاار ؟؟ شو الموقف؟؟؟ نهياان: قالت شووق انه كاان خاطرج فـ باسكن و قلتي ذياب بيبلج و رحتي عنهم و ميوه أكدت ع كلامها ... و بعدين رديتي عندهن و انتي تعبانة و ذياب من بعدها ما جفناااهـ موليه ... و فـ نص الليل نسمع صريخج و طلعنالج ركيييض .. و نجوفج يالسة ع الارض و تصيحييين بطريقة اتقطع القلب ... و عقبها اتطيحين غشيانة و اتطلعين حااامل و فـ نفس الوقـــت لما دورنا ع ذيااااب ما لقيناه و آخر شي عرفنا انه مسااافر و لحد يدري وييين حتى راااااشد ما يدري ..... اليازية اذ تعرفين شي قوووولييي لا تخبين عناااا ؟ |
| الساعة الآن 02:58 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir