|
7:55 مساء السلام عليكم ورحمة الله HOW ARE YOU ARE YOU okay I spent a long time did not write in my blog I'm sorry for that So I went back to write for you بكمل الكو سالفة المطار .. مع انيه تأخرت و هي سالفه قد صار الها كم و غبرت هع المهم يوم حدرنا المطار انا و عميه و ابويه و الشباب وولد عميه عسب انطييير صوب بريطانيا عاصة الضباب و صارت اليه سالفه عند الجهاز اللي تخطف السامان من تحته بس هب قايل شي خلوها مستوره هع هع المهم ولد عميه و الشباب مدبرين اليه فخ عوييص ع قولة السوداني هع هع المهم خلونا من هاي السالفه وطرنا من بوظبي جدى لندن (مطار هيثرو ) ويوم وصلنا سرنا صوب الشنط عسب نستلمها و شفنا بنات واقفات و من طاح عيونيه عليهن قلت اشكالهن اجنبيات ولا زلمات المهم وتمينا نرقب الشنط واكرررره شي عنديه ماداني يوم نرقب الشنط تتوهق و شنطتك مره تلاقيها مره عليها العوض هع و تعبنا من الوقفه تقريبا ربع ساعه ونحن واقفين وعالم والكل يدح الثاني و ظرابه تقول حادرين مصارعه ويتكافخون عسب الشنط بس و اللي قهرنيه هندي كان واقف قداميه مع حرمته و تدرون شو محمل الله ينطبه محمل صندقه فيها خيار و فلفل مدري وين يبااا والله دح ربعيه وعقه مناك بس عسب يلحق ع صندقته هع والله اسمي ظحكنا ضحك عليهم وربيعيه مقهوور وتم يظاربه و قلنا له هدي يابو الشباب و يولي المهم وصديت صوب البنات اللي كانن واقفات ع اليمين و شفت وحده اطالعني من متى و احس شي في خاطرها .. وصديت عنهن وعقب شوي اشوف وحده تأشر صوبيه و صديت صوبها و قلت نعم بغيتينيه .. واشوفها تلوح هع و تهز رقبتها بالقبول ع قولتهم و قلت لذياب اقولك بسير اشوف البنات شو يبغن امكن يبغن حد يفازعهن ذياب: اشو بعد بفازعهن ..تتحرى عمرك زورو وانا مادري حمود: اقول لم ثمك لا ارتكب فيك جريمه بعد اللي سويته فيه ذياب: هههههههههاااااي ..انزين واذا رقمنك يا براد بيت طرشليه وحده حمود: جب جب ..اقول تم واقف هنيه كنك تمثال الحريه و انتبه لا يطوف شنطتك بس وسرت صوب البنات .. حمود: السلام عليكم ورحمة الله .. الشيخه بغيتينيه؟ البنت: هلا .. اي ماعليك كلافه بس خويه لو سمحت اتساعدنا ما اقدر اشل الشنطه لانها ثقيله . انصدمت ,, الا تقول حد صفعنيه طراااااااق .. ترمس خليجي .. خليجيه و سعوديه؟! ومنو ؟ هي اللي كانت فالطياره اللي كانت لابسه عباة ومتغشيه !! صدمه ! حمود: افاا ماطلبتي .. بس قوليليه اي وحده منهن ؟؟ البنت: تسلم .. ماتقصر .. هذيك اللي لونها احمر ولمحتها و شلتها الهن و تميت انزل الهن 4 شنط وكل وحده اثقل من الثانيه وفي خاطريه عنبووهن اشو محملات معاهن ؟! حمود: شي بعد ولآ البنت: لا مشكور والله اخوي انا منحرجه منك و تعبتك معانا والله لولاك ماعرفنا كيف ندبر نفسنا و انا ماعرف كيف اشكرك. حمود: لا لاتستحين ولا شي ومايحتاي تشكرينيه .. انتي شرات ختيه و نحن فالخدمه في اي وقت ؟ بس حمود ظربه فضوول وحب يسال ؟ حمود: ختيه بس حبيت اسالج سوال اذا ممكن؟ البنت:اي طبعا ممكن اسال حمود: أنتن يايات رواحكن؟ ولا حد معاكن.؟ البنت: ايش يعني رواحكن؟ حمود: هههههههههههه السموحه منج يعني لحالك ولا حد معاك << هم كي يرمسون (خبره) هع هع البنت : هههه اي فهمت .. اي بروااحنااا هههه .. و اكيد مستغرب ليش جايين من مطار ابوظبي صح؟ حمود: تقرين افكاري ههههه البنت: وهي مستحيه .. لان نحن ساكنين في الامارات و ابوي سفير وساكن هناك ..كفيت؟ وانا مستحي كني ضغط عليها . حمود: السموحه ع التطفل و نحن فالخدمه .. اذا احتجتن شي انا موجود. البنت : مشكور اخوي و الله منحرجه منك حمود: لا سبق وقلت لج .. نحن فالخدمه .. و صديت عنهم و رحت صوب الشباب تاابع فالحلقه القادمه هع هع هع |
خربشااات بقلم حمودي ذابح عنز والسموحه اذا شي اخطاء فالنحو واللغه والكتابه لانيه هب استاد عربي هع هع تحب شخص دون ماتشعر احيانا تمر بمواقف و تجبر على انك تجد حل لها و قد يستغرق ذلك وقتا طويلا و قد تصادف ناس و حاجتك اليهم أو حاجتهم اليك يشدك لهم و يجعلك مجبر على التواصل معهم و حل المشكله التي تنتابهم و مع مرور الزمن عندما احسست بأن دورك قد انتهى و قد قدمت ما يجب عليك لتحقق السعاده وحاجة الآخرين و عليك ان تغادر المكان و ان ينقطع عنك هذا التواصل ولكن يشدك شىء لهم ويمنعك عن نسيانهم أو التخلي عنهم و تركهم فماذا نسمي هذا الشعور الذي ينتابك؟ قد لم تفهمو ما اعنيه او بالاحرى لم تصلو لما اريد ان اتحدث عنه حالات .. مواقف .. واقع << هذي المسميات اطلقها على مثل هذه الحاله اللتي سأكتب عنها قد يجول في خاطركم هل كاتبها يعيشها ؟! فالأجآبه ؟؟ فالحلقه القادمه هع شخص ماا ....كان يعاني من ضيق او من حزن و يحتاج المولجأ اي ( الشخص الذي يساعده) الذي يلجأ أليه كي يشاركه ما يسبب له الضيق و كي يحمل عنه هذا العبء ويخفف عنه كي يحس ان هناك شخص يعلم بما يجول في خاطره وما يضيق به و لو لم يقدم له الحلول و المساعده .. ويأتي شخص آخر .. طيب القلب محب للخير و يحب ان يقدم المساعده و يرحب بالشخص الآخر فأصبح الشخص يقول للآخر كل ما يحزنه و ما يضيق به و يتكلم ويرمي كل ما به بين يدي الآخر لكي يفضي مابي داخله قبل الانفجار و يستقبل المولجأ بصمت وسماع حتى ينتهي المهموم .. و بعد ذلك يقدم له النصح و قد يساعده لو بمجرد كلام وليس بالافعال ... لم يعرفا بعض ولم يتقابلا من قبل ولكن كان المطلب المساعده فقط .. ودامت لعدت ايام ثم شهور ... وتعود الشخص ان ينصت له كل يوم ويستمع اليه .. لانه شده اسلوب المهموم و أصبح ينتظره كل يوم بفارغ الصبر لكي يستمع اليه ويقدم له النصيحه و المهموم اصبح يرتاح له و يحس بالراحه و بعد مرور الايام لم يجده يوم ولم يلقااه ..قد غاب يوم فقط فقد أحس المستمع أنه بحاجه اليه .؟ هل بحاجه لسماع همومه وتقديم النصيحه .. أمآ بحاجه للشخص نفسه .؟ و ايضا جاء يوم وغاب فيه المولجأ و احس المهموم بحاجه ماسه اليه .. هل لشتكي له .. ولي يسمعه .. ام لشخص نفسه وعندما عاد وبدأت تحدثه وتتشره و تبكي وكأنها تخبره بأنك أنت اصبحت همي .. ولآ اطيق فراقك ؟! انتهت الاقوال و انتهت الشكوى ؟؟ اذا ماحاجة وجود الشخص المولجأ و مآ حآجت الشخص المهموم .. المهموم رأى بأنه قد اخبره كل مابداخله و هو قد قدم له كل مايحتاج و الآن مآ حآجة وجودي عنده؟! فبدأ يخلق الهموم و يكذب فقط لكـي؟ لكـي لآ ينحرم من لقآء المؤلجأ لكـي لآ ينحرم من سماع نصآئحه ؟؟ هل تعلق بها لأسلوبها هل كانت الايام كفيه بأن يعجب بها بأن تبين له ماهو كان يتمناه في من يحب وهل اعجب بأخلاقها و تصرفاتها و اهتمامها به و عقلانيتها وثقافتها ..؟؟ هل هي أيضا اعجبت به من نصائحه من رجولته من شهامته بأن لم يخذلها يوما او يطلب منها ما يضر بها لانه يغار عليها و لا يرضى لها الا الخير ماذآ نسمي هذه الحآله,,,؟ كآنت المهمومه تريد من يشاركها همومها و كان المولجأ يريد أن يقدم لهآ المسآعده مع مرور الزمن .. تعلق بهآ و تعلقت به .. رغم نوآيآهم الطيبه وقعو فالحب ولم يشعرو به الا عند الفراق و عندما احست بأنها محتاجه لسماعه و هو محتاج لسماعها لدرجة انها بدأت تختلق الهموم والأكآذيب كي لا يغيب عنها ... فتيقنت أن الأنسأن لايستطيع أن يتحكم في مشاعره و ان الانسان لايختار من يحبه ولكن قلبك الذي يختار و الزمن و الظروف تحدد لك من تحب ... تحيآآتي حموووود ذابح عنز |
موقف من المواقف اللي مايمحيها الزمن هع هذاك اليوم اللي مابنساه طول عمري لانيه تخبلت هع هع تخيلو في يوم من الايام كنت سهران الين الصبح مع الشباب ورديت البيت ع الساعه 7 الصبح و خلاف رقدت الين العصر ويوم وعيت وادور سويجيه مالقيته و يلست ادور قلت وينه انا امس حاطنه هنيه المهم وظهرت صوب الحووش ومالقيت سيارتيه و كان الحدث اللي صار لي فالصيف والاهل كانو مصيفين وماحد فالبيت يعني منو بيشل سيارتيه المهم ويلست ادورها ولفيت ع البيت وحتى سرت افتش صوب بيت يرانا مالقيتها والله كنت بتخبل قلت اكيد سرقو سيارتيه<< طاعؤ التفكير الغبي المهم و يلست افكر منو اللي هف سيارتيه و اتصلت فالشباب اللي فالعايله كلهو هع والكل يقولي ماحد شلها .. و انا مثل المينون الف حول البيت و بعد شوي يتني رساله ويوم بطلتها رساله مخالفه طاايف الراداار و طبعا حمود مااات وقلبي طااح في بطنيه هع هع وخلاص العرق يصب .. وبعد طاايفين الاشااااره يااربيه منو اللي ساارق سيارتيه هع هع هع تدرون عقب كيف قبضت ع الجاني هع هع وعقب اتصلت في خويه لاالصغير اللي فالاعداديه وسألته انت وين قال انا برى ..قلت وين يعني ومع منو قال انا شلت سيارتك واحوط برى .. والله كن حد ولع فيني ضووو خطر عليه اجتله لو قداميه الهرم ويلست اسبه واقوله ارجع يعلك انت فالسوني ماتعرف تلعب سيايير وتسوق سيارتيه الله يغربك و عقب قلت له خلاص سوق عدل << كان الود وديه اجتله بس قلت مابظغط عليه عسب يعرف يسوق عسب مايتوتر و من الرووع يدعم هع مايا ع باليه انه هو اللي سارق السياره لانه ثاني اعدادي و مايعرف يسوق بس ظهر حريف واكتشفت انه سويق هع هع المهم هاليوم مابنسااه طول حياتي لانيه كنت شرى المينون الف حوول البيت والبشاكيير يضحكن عليه فارقتهن سي يوووو فالحلقه القادمه |
اوجه الشكــر لكل من تابع مدونتيه بصمت ولا بتعليق و كل من قرى يومياتيه واخص بالشكـــر لـــ,,, дζąѝэ~ << لآ نهآ أول من بآرك اليه بفتتاحي للمدونه والسموحه يت متأخره هع و نظره مني تسدك << ماتقصر والله هالانساانه فنانه شوي عليها و الجووووووود <<يدتيه مىلنا غنى عنها راعيه العزبه بس اللحينه اطورت يدتيه مديره هعهع و خربوووشه << هاي فنتك هالعيووز بس مدريبها ليش غايبه و شو ياها قطعتنا و نبض روحي و فلاسية جميرا و %العدمليه% ومس جلكسي وكل من علق وسوري اللي ماذكرت اسمه لانيه والله ناسي ومايحظرني غير هالاسامي واذا اتذكرت بذكرهم |
السلام عليـــكو ورحمـــة الله وبركـاتــــه .. بااااااااااااااااااااااااااااااك للمدونــه بعد غيبــه طوييييلــه آآتشـــو .. شو هالغبــره هع الصراحــه يبغيليه اتصــل على شركة النظآفــه عسب ينظفون اليــه هالغبااار اللي حل على المدونــه هع ماعرف من وين ابتدي ... لكن اعرف انهي الموضوع<< شدخل هع المهم الصراحه .. من امس وانا افكر انيه اعيد الحياه للمدونه هع واجدد الروووح فيها و نسويلها ريفريش قبل لااسويلها اب دييييت هع وبكــل صراحــه يعود الفضـــل للعضــوه ( نظره مني تسدك ) << شكرا لج هع ياخي مدري ليش يوم احدر مدونتها .. استمتع فيها والله ويوم اظهر احس انيه مشحون بشحنات موجبيه << حلوه هع ) و خاطريه افرغها فالمدونه لووول يعني تعطينيه دافع للكتابه وأنا ريال هب فاضي هع أن دل على شي .. فهو يدل على أسلوبــها اللي يشــد القارىء .. مبرووك نظووره والله وعنــدت اسلوب فالكتابــه هع << بست عاد كم هووو هع |
| الساعة الآن 09:31 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir