مرحبا،،

هيه قريته موضوعها...
بصراحة انا ما اعتبر كل وحدة تقص شعرها وتلبس لبس رياييل بوية...
شي منهن يبن يكونن مختلفات..يدورن التميز بهالطريقة..من ناحية انه "كل ممنوع مرغوب"..فهن لجئن لاكثر extrem ممنوع :) وهاي مشكلة سلوكية..يمكن يكون سببها التربية (فاجيلها راسها) او ضعف الوازع الديني..لانه لو كان عندها وازع ديني جان عرفت..او ع الاقل التزمت بـ"لعن الله المسترجلات"...

اما اذا ترافق هذا مع انحراف في الـs e xual orientation..فهاي الحالة اعتقد انه نقدر انسميها بوية ..مريضة نفسيا..اي انها تكون انسانة شاذة..وهاي مشكلة نفسية علاجها مختلف تماما عن المشكلة السلوكية..يمكن يكون جو الكبت الي عايشة فيه البنت سببها..او انها مب فاهمة الدين و المجتمع زين فكرهت جنسها..انا بصراحة ف سنوات مراهقتي كرهت الدين لاني كنت اشوف انه كله ضدي -كبنت- بس الحمدلله انه ابويه وامايه كانوا مب محسسينا ابد بالفرق بين الولد والبنت الا ف اللبس وهالاشياء..عمرهم ما حسسونا ان البنت اقل عن الصبي ولا شياتة..

اعتقد انه ف كلا الحالتين العلاج يبدا من الاسرة ..يبدا بسد الفراغ العاطفي والديني والفكري بعد عن البنت..لانه هالاشياء ما تنتج الا من فراغ ف الروح، والعقيدة :)

وشكرا ع الموضوع --> عندي وايد افكار بس مشكلتيه ماعرف اعبر *_*