اولن ابدأ كلامي بالسلام والتحيه
واجاوب عن سؤال ياخيه :
في زمنا هذا شفنا جمييييع انواع البنات والبعض منا ودر المولات والتمشيه والمراكز بسبة فتنه البنات وانا منهم
وعليه افضل الصلاة والسلام قال اني اخاف على امتي من فتنة النساء
البنيه المحتشمة والرزينة ماحد ايي صوبها ولا يقربها ولا يغازلها ,جد شفتي وحدة منقبة تتغازل ؟؟؟؟
بخلاف بعض البنات اتيي مكياجها فووول والعباة مرررة راصة (كاسياتن عاريات) بما معنا انها مكتسيه ولكن كل مفاتن الجسم تبين
والي اتييج رابطه شعرها ورافعتنه فووق داق فالغمارة
وترا الي بيشوفها جذا ما بيقول عنها غير انها بنت شوارع عزج الله ولا هلها ما عرفو يربونها وطبعن ماحد يرضى على عمره هالشي لكن هم يسوون هالشي وما يحسبن رمسة خلق الله عليهن
بعض البنات يقولن انا اكشخ لعمري ,انزين ما قلنا شي اكشخي يابويه لكن بالمعقول وهب جدام الرياييل وخلق الله كلهم اكشخي في ميالس النسوة والاعراس ولا فالبيت
بخبرج عن موقف صارليه انا شي مدرس عندنا عراقي لكنه ياي من ألمانيا ماصارله غير شهرين
قال انا سمعت انه هل الخليج بدو وعرب احرار ومحتشمين متشددين لكن يوم ييت الامارات تغيرت نظرتي هذي لها
قلتله ليش يا دكتور قال شفت البنات فالمراكز لابسين العبي والشيل لكن ولا كنهن لابسينهن العباية شاده عالجسم مثل سترتش الرياضة
والمكياج زايد عن اللزوم والعبي مفتوحة والشعر طالع ..... الخ ابدى رايه كله ونحن صكينا حلوجنا ما عرفنا نرد عليه.
اختم كلامي بقول ابوي العبي الأول للحشمة والستر والحين للكشخة والظهر
والمحترمة محد بيي صوبها
السنافي

صراحه رد فالصميم، حتى المول والسوق يوم نبا انسيرة مانروم ناخذ راحتنا والله الواحد يحس انه ياخذ اثم بس عشان عرض الأزياء اللي يستوي امبين البنات فالمول والسوق .. حتى الاسواق العاديه ..



و كلام المدرس العراقي في محله ، بس نحمد ربنا ان مازال عدنا بنات حشيم مارخصن فـ عمارهن وزينتهن على رياييل غرب و ( غير محارم) ..




اخوك / النعيمي

~][ الأول ... للشابات ..... هل تعتقدين أن تدخل أسرتكـ .. في اختيار ملابسكـ يضايقكـ ويحسسكـ بنوع من عدم الإستقلالية ويظهر مدى التسلط عليكـ .. والذي تعدينه يمس من كبريائك ونبوغكـ وكونكـ إمرأة ولها حرية الإختيار .. ؟؟

لا ابدا لاني اتشابه بالذوق معهم وهالشي مافيه زعل هي ابداء راي ووجهة نظر يمكن اذا اختلفنا بس في اشياء بسيطه والاهم انه يكون لباس محتشم ومافي اختلاف

تسلمين على روعة الموضوع

تقبلي مروري

هل تعتقدين أن تدخل أسرتكـ .. في اختيار ملابسكـ يضايقكـ ويحسسكـ بنوع من عدم الإستقلالية ويظهر مدى التسلط عليكـ .. والذي تعدينه يمس من كبريائك ونبوغكـ وكونكـ إمرأة ولها حرية الإختيار .. ؟؟


لا بالعكس لا تسلط ولا شي ... احس بالوناااسه لووولز ... حلاته يوم ماما تختار لج الثياب
وساعات انا بروحي << وهي عادي عندها .. !! ... ذوقي و ذوقها وااحد ^___^


مشكووورة ع المووووضوع

ونتريا كل يديدج ^____________^