منتدى استراحات زايد - •. آحــب الــبـر والــمـزيــون .•

{ . . البـآآآرت 2 . . } ~

ميثوه ومريوم فالمطبخ ..

ميثوه : بالله عليج هالشمي وينها ..
مريوم : تراج تقولين بتزقر فطامي
ميثوه : انزين تراها الا بدق لها وبتيب الفلم
مريوم : عيل يالسه تعابل شي فالميلس .. بسه الفراخ بيحترق
ميثوه اظهر الفراخ : احححح خس الله هالراس حرقني
مريوم : هههههه محد قالج تستعيلين هالكثر عنبوه صبري عليه خليه يبرد
ميثوه : جب وياراسج خخخ احترقت ..
مريوم : ميثوه بخبرج روحي فحجرتيه بتلقين وين السده وين ارقد دوري فالدروج بتلقين كافي ويبيه حقنا
ميثوه : من عيوني ووالبيبسي ويين عندج ولاعند شموه
مريوم : لا عندي فريز والبيبسي احيد فحجرة شموه ..
ميثوه : خلاص اوكي ..
وميثوه راحت تيب لي وصتها به مريوم
(( صااح تلفون مريوم ))
فطومتـي يتصل بك ..
مريوم : مرحباا الساع فذمتيه
فطامي : مرحبا ملاين ولايسدن
مريوم : شحالج ..؟
فطامي : يسرج الحال من صووبكم ..
مريوم : رقيص نترياج تين صووبنا
فطامي : جيه ثركن شومسويات
مريوم مستغربه : بنجوف فلم قلنا لشموه تخبرج مادقت لج ..
فطامي : هيه لقيتها داقه ودقيت لها ماردت عليه
مريوم مادريبها : المهم تعالي يالله ..
فطامي : خلاص جي ربع ساعه ويايه ..
...

ام شموه : وايه عني بلاك ياحيدرووه سير صوب عمتيه بنشلها
ام ميثوه : الا تعالي سمعت ميثوه اليوم تقول بتي تبات عندنا اسبوع صدق ..!
ام شموه : هيه قالت شموه اليوم خطفن عليها وقالن لها تي صوبنا ..
ام ميثوه : والله مرحبابها بتنور البيت وبنقصر الدوب وياها
وشلوو اليده وسارو يسلمون ع حرمه ..

.............
بوعبادي : والله يابوسيف انا تلعوزنا بهالقراج ..
بوسيف : انزين بخبرك بنفج القراج القبلي وهالقراج رباعه
بوهزاع : والله انا بعد راي من راي بوسيف صدقه ..

........

مريوم وميثوه فالميلس يعدلنه ..
مريوم : بتخبرج رمست فطوم وتقول مارمستها شموه وادق لها ماترد
ميثوه اونها بتصيح ومتروعه: وااااااااااااااغمي ربيعتيه خطفووهااا ويينهاااااااااا
مريوم : خخخخخخخ منو بيخطفها هاي بجوف العرب بتفلخهم
ميثوه : خخخخ صدقج تلاقينها ادور لها عيشه ولاشي .. دقي لفطامي مايت
مريوم : احين بتي صبري عليها دقايق

...........

طرااااااااااااااااااااااااااااخ
...: والعثرررررررررررررره
شموه طايحه تحت وتصيح ..
...: بسم الله شياج عفستينا
شموه : اهييييييييييييييئ ..
... ( نزل تحت لمستوا شموه ) : شموه شويصيحج بسم الله شي يعورج.؟
شموه تصيح : مـ .. مــ .. ااا.. شــ.. ي
...( مسكـ ايد شموه وتم يمسح دموعها ): يوم انه ماشي ليش تصيحين
شموه صخت : ماشي خلاص وانا اسفه ( ونشت تربع وراحت البيت )
روحت فوق وغسلت ويها وعدلت جحالها وين مخترب وكشخت ونزلت تحت
وراحت الميلس .. لقت فطامي ومريوم وميثوه يالسات وكل وحده منهن معصبه من ينب
ميثوه : انتي وين روحتي روعتينا عليج
شموه : أأأأ..
مريوم : احنا ماقلنا لج تزقرين فطامي وتين ليش بطيتي قلنا شي ياج
فطامي : خيبه خيبه خلاص سامحووها
شموه : ااا اوني بزقر فطامي وطحت وانيرحت ريلي ورحت ادور عايدين ولزقه
ميثوه : سلامات خلاص سامحناج .. يالله شغلي الفلم وتعالي سحبي لج مخده وانسدحي عدالي
يلسن يطالعن الفلم وياكلن ومرات يضحكن ومرات يصيحن ويهالفلم .. لكن شموه بالها بعيد ومره مايخصها فشي وحست بها ميثوه جان تنغزها : ايه شبلاج
شموه : ها .. ماشي ..
شوي ان حد يرقع بالباب ..
اليده : سوداا الله شورابكن مسودات الويه جاني من الصبح ميلسه خاري ومحد منكن قال بنيلس عندها وبنقصر الدوب الا فالحات تسرطن واطالع هالعفزون
فطامي : ههههه يدوه تلفزيوون ..
وينشن يسلمن عليها ..
اليده : عني بلاه
وسارن ويلسن فالحوش وويلسن ايورن الضو .. ويسولفن ويا يدتهم
شوي ..
بوهزاع + بوسيف + بوعبادي ..: السلاام عليكم
ويحبوون امهم ع راسها .. : وعليكم السلاام ..
بوهزاع : وانا اقول شبلاه منور البيت ثرها امايه هني
اليده : هيه هيه تعرفله دهان السير لكن الييه صوبي ماتعرفها
بوهزاع : والله يا امايه ان من صباح الله خير ني صوبج وتخبري عيالج ودوم مانحصلج
ويوم نيج المغرب انتي ماشاء الله ملايمه العيايز وتحشن فالخلق ومحد يسلم منكن
اليده وتمسك العصا : سودا الله شاربك عيز حيلك مسود الويه عيل انا امك تعبانه عليك تقول عيوز وملايمه عيايز الحاره .. شوتباني اسوي يوم الدنيا مافيها خير نربي ونكبر وتلتهون بشغلكم وعيالكم وامهاتكم تنسونهن حتى سلام ماتسلمون ..
بوسيف : الله يهديج ياامايه ترانا دوم نسير لج ولانحصلج
بوعبادي يحب راس امه : السموحه منج طويلة العمر بس والله ان دوم مطيحين عندج ولانلقاج كله فالعزبه ولاالسوق ولا الحريم عندج ولاسايره صوب حرمه شوتبينا نسوي ..
عبادي + ميود : السلام عليهم ..
الكل : وعليكم السلاام وسلمو ع عمومتهم ويدتهم ويلسوو
اليده : مسودين الويه من وين ضاوين انصاف الليالي.. وانته وين راغدنهم يحومون ماوراكم دراسه
عبادي : اووووووووه يالعيوز خبرج عتيج امس ابويه طول الليل يحولف عليه عشان ماداوم باجر شسويبه تفاهمي انتي ولدج هو يبا يخرب مستقبليه ..
بو عبادي : عنلات صداك مجذبك من صبي
اليده تبا تظرب عبادي بالعجويه : امفف عليك تجذب عليه سودا الله شاربك
سيف من بعييد : اوووووووووه ياحيييهم يالسين ماشاء الله .. سلام عليكم
نشوو وتوايهوو .. ويلسووووووو يسولفوون ويايدتهم والبنات يسولفن وشموه مسكته .. وكل ماترفع عينها تشوف عيون سيف ماتفارقها .. عقب مارامت تستحمل .. قرصت ميثوه ويلست تصاصرها ..
ميثوه : اححح عورتيني شفيج
شموه : قومي نمشي بخبرج سالفه
ميثوه : شومستوووي
شموه : اف منج قومي انتي
سيف : هابنت العم شعندكن تصاصرن
ميثوه : ها لاماشي .. بس نقول بنروح نمشي فالحوش ..
سيف : برد عاد محلات اليلسه عند الضو
ميثوه : لاماعليك انته حلو الجو
ونشن غلامتين ..وتمن يمشن مسكتات ..
عند المنـــــــامــه ..:
اليـده : بتخبركم دامكم اجزتو شو الراي نسير صوب العزبه ونبات هناك لين تخلص لاجازه
عبادي : تعجبيني يالعيوز حافظ عليج ..
اليده : عيوز حرمتك كم مره اقولك لاتقولي عيوز
الشباب : ههههههههه
بوسيف : والله ياامايه نحن عدنا شغل جان بسيرين انتي والبنات والحريم والشباب ع هواكم امره مرخوصين
اليده : وانتو حتى فالاجازه مابتيلسون ويانا
بوهزاع : لاماعليج امايه بنيكم ان شاء الله لكن امبيت جان بنبات يوم ولايومين وبنرد بعد الشغل يبا حد
اليده : ع هـواكم
فطامي : يدووه يعني متى بنروح
اليده : امره من نصلي الفير بنسرح
مريوم : يدوووووه حرام عليج
ميود : يدوه ثرج وين سايره انتي الا العزبه مايبالها هالعيله
فطامي : يدوه خليها ورا باجر
مريوم : هيييه عسب بنشرا شفايا وسامان جان ناقص
ام عبادي: هيه ياعمتيه صدقهن البنات
اليده : خلاص عيل لي اجوفنه
ام هزاع : عيل باجر بنروح نرتبها وبنجوف شو ناقص وهب ناقص عسب ناخذه
اليده : خلاص شوركن وهداية الله
وعند شموه وميثوه : آآآآآآآآآآآآآآه ياميثوووووووووووووووووه
ميثوه : ها شوبلاج فضفضي ..
شموه : ميثوه احبه احبه احبه تعرفين شو يعني احبه
ميثوه : انزين شموه ماقلتي شي يديد
شموه شوي وبتصيح : ميثوه غيييير
ميثوه : يامهوم تعال ابكي على صدري يامهموم
شموه : ميثووه جفتي يوم قلت لكم روحت بزقر فطوم وطحت وانيرحت
ميثوه : هيه شو يخصه
شموه : بخبررج انا الشيخه سايره بزقر فطوم لان فطوم ماترد عليه وعاد انا مب منتبه وجان ادعم واطيح
ومن الروعه ويلست اصيح ........... ( وخبرتها السالفه كلها )
ميثوه : هييييييييييييييييييييييييييييه وانا اقول شبلاها الشمي مسكته واطالع وامحق مطالع لاهييه فعالم ثاني
شموه يلست تصيح : ميثوه تعبت ابا اعرف انا اعنيله شي ولا انا معلقه عمري بروحي ..
ميثوه : خيبه شموه شو يصيحج بسم الله ماشي يسوى فهالدنياا ..
شموه : آآآآه ياميثوه شو اللي مايسوى ..
شوي ان حصوه يايه تربع صوبهم ..: امايه موزه ( اليده ) تقولكم عشا ..
ميثوه : انزين احين بني
حصوه تمت اطالع شموه : ميثوه شو بلاها شموه ليش اصيح ..
ميثوه : مافيها شي انا امزح معاها وظربتها وعورتها عشان جي صاحت
حصوه : هيييييييييييييييييييييييه
ميثوه : يالله روحي احين بني
حصوه : زين
وربعت حصوه
ميثوه : يالله شموه قومي زين جي كنتي بتفضحينا ..
شموه يلست تمش دموعها : انزين
ميثوه : روحي غسلي ويهج وتعالي وانا بسير صوبهم عسب محد يشك
وراحت شموه وميثوه صوبهم
حصوه : سيف سيييييييييف
سيف : ها
حصوه : وين بتروح
سيف : امايه موزه قالت ازقر قوم ميثوه وشموه
حصوه : شمووه تصيح
سيف : ليش تصيح
حصوه : مادري ميثوه تقول ظربتها وعورها
سيف : هيييييييه روحي
ورد سيف ويلس عندهم وين البنات ويلسن ويلسو يتعشوون
وعقب العشاا ..
اليده : يالله عيل هبابنا نروح نحط روسنا شوي لين اذان الفير وعقب بنسرح صوب العزبه
ام هزاع : يالله وتصبحوون ع خير
ونشن الحريم والريايل والبنات الصغار
وتمو البنات والشباب ..
عبادي : ميود وين الكيرم
ميود : هناك فحجرتيه
عبادي : يالله نش يبها شي حجر ولانطرش الدكان
هزاع : هههههه صدق انكم متفيجين انا يبويه بروح ارقد تعبان من نشة الصبح مارقدت وسيرو فالميلس مال الشباب بتلقون الكيرم وحجر وبوودره ولا بعد شي ورقه ومنيبولي
سيف : احلى كـــــــــــلام... وبعدين وين ساير يلس يلس لاحق ع الرقاد
هزاع : يبوك تعبان ويالله سمحوولنا تصبحون ع خير وسهره سعيده
ونش وروح وميود ياب الكيرم هو وعبادي والحجر
مبارك : فطامي عندكن كافي ولابطاطا
فطامي : هيه احيد شي فالميلس مساعه كنا نشوف فلم ومادري جان تم شي
مريوم : بنروح نطالع جان شي وبنيب لكم
ونشن سيدات الغواني يطالعن عيشه
عبادي : يالله انا وسواف فريق .. وبروك وميود رباعه
سيف : يالله
ويلسو يلعبون .. وسيف لو انه يلعب عيونه عند شموه وميثوه لاهيه هي وميثوه يسمعن رنات ويطرشن لبعض
ميثوه : عباااااادي واير لسكم يوصل هني خخخخخخ
عبادي : مادريبه سيري جربي
ميثوه وهي تنشش شموه : يالله بنيب الاب وبني حد يبا شي
شموه ناشه : لا ميثوه سيري يبي لابج وانا بسوي لي نسكفيه راسي (عوليني)يعورني (حشا فطامي خلت العرب تدمن ع المنبهات شراتها خخخخخخ)
ميثوه : خلاص
وروحت ..
شموه : عبادي قومي سير ويايه اخاف اروح المطبخ العود اروحي
عبادي : اجوفيني العب روحي التحضيري اقرب
شموه مبوزه : يالله عاد حرام عليك
عبادي : يالله الشمي شاطره بتروح بروحهاا
شموه : اففففف انزين حد يبا شي
سيف : شموه انا ابا وياج نسكفيه
مبارك : واحد جاي احمر
ميود : شموه ابا سندويجه جبن وبطاطا يوعان ماكلت عدل
شموه واطالعهم بنص عين : حلفوووو انتو بس بتخلوني اروح اروحي واسوي ها كله
ميود : يالله شموه تردين اخوج الصغير
شموه : افففف انزين فر جاكيتك بردانه ..
ميود : السموحه مانستغني عن جاكيتاتنا
سيف : خلاص شموه ولاتزعلين شلي جاكيتي بس الدقيقه بـ 100
شموه : اففف عني بلا المذله محد يبا جاكيتاتكم ( وروحت )
سيف : الله ينطبكم عصبت عقب مابتسوي لنا
عبادي : بتسوي ماعليك
سيف : لاصبر بنقردنها خطفو دوري ان بطيت
ميود : وين بتروح
مبارك : خخخخخخخخخ اقولك قوم بنروعها
سيف : لا جب انته بفلخها وبعطيها الجاكيت وبقردنها تسوي لنا سندويج وياميود
عبادي : خخخخ الله يعينك عليها اسمينا اليوم فلخنابها انا وميثوه ولوجفتو شكلها بتموتون من الضحك
ميود : عادي هبله ختيه اتوقع أي شي منها خخخخخخ
مبارك : خيبه شوسويتووبها
عبادي : امبونها راقده ولابطايعه تنش جان انش انا والميث ويبنا الشلق وجان نفره عند بلكونتها وجان تظهر بكشتها الناقعه وسبت وسبت ودشت داخل خخخخ
الكل : كككككك ع شموه
عقب نش سيف وسار صوبها

فالمطبخ ..:
شموه الشيله طايحه وقصتها ع ويها ويالسه تسوي سندويجات لهم وتصخنهن وسوت لها هي وسيف وقوم ميثوه وفطامي نسكفيه وحق لاولاد جاي احمر ..وطربانه .. ((يابعييد عن عيوني دريت لو مادريت قلبي اللي تسكنه دوم يسألني عليك .. لو سهى فكري شويه صدق اني بكـ سهيت صرت مافكر بروحي وافكر بس فيك .. ))
وعقب فجاااااااااااه : بوووووووووووووو
شموه عقت السجين والله سلمها ماطاحت ع ريلها
شموه : بسم الله افففففف شوها روعتني حرام عليك
سيف : احم احم السمووحه طويله العمر بس تبين الصدق صوتج طرر
شموه استحت : تسلم.. امر شو تبا غيرتو طلبيتكم لاسمح الله ولا شي .. >>> نقمه
سيف : مايامر عليج عدوو (( ويتقرب صووبها ))
شموه تمت تلز وتروح اونها تغسل الكوبات عشان تروح بعيد
سيف : هااندوج الجاكيت كنا نتمصخر
شموه : لاخلاص مشكور خلاص هب بردانه
سيف : افا ياشميم ترديني
شموه : لاماعاش اللي يردك بس خلاص هب بردانه
سيف : تراني بزعل
ابتسمت شموه وشلته عنه : مشكووور
سيف : شموه شوبلاج اليوم مسكته ولاتسولفين هب من عوايدج
شموه : امممم .. مادري يمكن لاني بردانه وراسي يعورني
سيف : سلامت راسج يعله فاللي مايحبونج
شموه يالسه تحط السندويجات والجاي فصحن ..: الله يسلمك .. مممم يالله روحنا
سيف : يالله .. شمييييييم دريتي بنروح العزبه انبات
شموه فرحت لانها تموت فالبر والدرجات : احللللللللللللللللللللللف
سيف : والله ..
شموه : احلى كلاااااااااااااام سهره لين الصبح ونشوي وسوالف وطماشه ودرجات
سيف : ولابعد الخيوول .. انتي تعرفين تركبين الخيل
شموه : لا بس احبه لكن اخاف
سيف : شورايج اعلمج عليه
شموه : هييييييييييييييييه دخيلك
سيف : خلاص فالج طيب
شموه : فالك مايخيب
ووصلو عندهم
والعرب مرتبشه ويظاربون ع اللعبه
سيف : حوووووووو شعندكم شالين الدنيا
شموه حطت الصحن ويلست عند البنات وميثوه اطالعها وتضحك وشموه تقرصها ..
شموه : عني بلاج محد بيفضحنا غيرج
ميثوه خخخخخخخخخخخخ
شموه : ايه بخبرج شي عقب
ميثوه : شو وشو
شموه ترمس بصوت عالي : ميثوه وين لابج ..
فطامي : هذوه عدنا شكلنا نحن بنعابل فيه
شموه : انزين ان شبك النت خبروني
مريوم : انزين
ميثوه : مريوم فري لي كافي
مريوم : شوتبين ..
ميثوه : جلكسي
والشباب يظاربون
مبارك قاص عليهم ويسرق حجر وعادو اللعبه
والبنات يتسمعن اغاني وطربانات
وشموه من بعيد تشرب نسكفيه ويالسه عند الضوو : حوو فجن ايميلي
مريوم : صبري عقب
شموه : لاااااااا احينه
فطوم : فكينا شو ايميلج هب حافظينه
شموه :انزين دخيلكن ..
مريوم : يالله شوو
شموه : [email protected]
فطامي : صقعه .. انتي كم عندج
شموه : مزر الدعنه ولاعرفهن من كثرهن خخخ
عبادي : انتي روحج باليه عمرج
شموه : عبادي اسكت احسن ويت ويلست عداله
عبادي : نعم نعم
شموه : همز لي راسي فديتك والله يعورني ..
عبادي : اففف مابا العب تعبت وتعالي انتي حشرتينا وياراسج
ويلس يهمز راسها ..
والباقين يلسوو يسولفوو والشباب قصو ع البنات واحتلو الاب
وهن يلسن يلعبن اونوو .. وسوالف وضحك لين الساعه 3
مبارك ينش : يالله يالله بسكم سهر الساعه 3 خلو شي توها الاجازه الا اول يوم خخخ
عبادي : هيييه صدقك انا تعبان .. ونش ونش ميود وياهم ..
وتمو البنات وسيف لين 3ونص وتواعدن البنات بسهره ع النت
ونشو صوب بيووتهم .. ودخلوو حجرهم وبدلوو ثيابهم وكل وحده جابلت لابها من ينب وحادرات المسن ومسويات ان فايت ..

مريوم :: x.X..سهــرت الليــل والعــالم نيامي .. وانــا شروات ياللـي بـه ديــوني x.X..
يالله بناااااااااااااااااااااات .. ياااااااااابس ياااااااااابس
فطامـي :: ::.قبــل عيــنــي تشـوفكـ والتقيــكـ احبـكـ يــاخيــالــن فــي خيــال ::.
عااااااااااااااااشو .. هيه هيه ياااااااااااااابس
شموه :: ] بيــن إيـ..ـديــ..ــه وأحــس انــ..ــكـ بعيــ..ــد[
عاااااااااشن النعييشاااااااااااات .. هييييييييييييه هييييييييييييه
ميثوه :: " ودي بشوفــكـ والزمــن يهلــكـ اعمــاار "
هيييه هييييييييه تحت تحت .. عااش يالس خخخخخخ
فطامـي :: ::.قبــل عيــنــي تشـوفكـ والتقيــكـ احبـكـ يــاخيــالــن فــي خيــال ::.
عااااااااااااااااااش منسدح خخخخخخ
ميثوه :: " ودي بشوفــكـ والزمــن يهلــكـ اعمــاار "
برررررررررررررب .. حد يدق الباب
الكـل ..: تييييييييييييت
عنــد ميثووه : منوووووووووووووووو
...: طق طق طق
ميثوه : افففففففففففففففف منووو
سيف: ويهالويه يعني منو بيج احينه بطلي
ميثوه وتنش : صبر
سارت وفجت الباب وتساندت ع الباب : نعـــــــــــــــــــــم
سيف : طالعو مذهب ماشي احين يوم حد بيج وبيدق عليج بتقولين له نعم بدال ماتقربيبه
ميثوه وهي داشه الحجره : افففف ادخل شو تبا امر اخوي العزيز ادلل
سيف ويلس ع شبريه ميثوه : ميثوه بقولج شي حلفي تقولين الصدق
ميثوه : بقولك يالله قول
سيف : لاحلفــي
ميثوه : والله اقوول الصدق
سيف : شموه ليش كانت تصيح
هني دورو ميثوه اعتفست فوق تحت : هااا .. لا ماشي .. شموه .! .. هيه بطنها يعورها
سيف : خيبه خيبه شحلبج بسم الله .. وخل عنج هالخريييط .. خريطج هب عليه ولاتنسين تراج حلفتي
ميثوه : اوه وانتو شويخصك فشموه ..
سيف : بنت عمي وحبيت اطمن عليها
ميثوه : ماشي سوالف بنات
سيف يقبض ميثوه من أيدها ويطالعها اونه معصب : ميثوه يالله احسلج قولي
ميثوه : افف يعور مادريبها كانت ضايجه
سيف : شويضيج بها وليش كانت كله مسكته وتقطر علينا برمستها ماحيدها جي
ميثوه : اووووووووهووو وانته شويخصك وليش هالاهتمام ممكن اعرف ؟!( واطالعه ورافعه واحد من حياتها اونها معصبه )
سيف : اضني انا لي ياي اسأل هب انتي >.>
ميثوه : سيف اطلع برا فكنا حشرتني
ويصيح تلفووووووون ميثوه
(( شموتـي .. يتصل بكـ ))
شموه : ميثوووووووووه الكلبه وين رحتي وومنو هالغلس لي يدق عليج الباب الحين روعتينا قلنا خطفووج وجــ...
سيف : بالراض بالرااض خذي نفس هب كله مره وحده حبه حبه ووبعدييين منو غلس
شموه ويها احترق وماتعرف شوتقوول وصخت
سيف : الووووووووووووووووووووووووووووووو شموتنااااااااا وييين
شموه : احم .. السلام عليكم
سيف يبا يضحك بس قبض عمره : وعليج السلام والرحمه .. وشالحـال
شموه : يسركـ .. وين ميثوه
سيف : ميثوه انتحرت عقت عمرها من فوق البلكونه والحين تلاقينها متكسره ويوم محد بينقذها بتموت
ميثوه فاجه حلجها وتشهق : بسم الله عليه .. فال والله ولافالك ..
شموه تضحك : ههههه بسم الله ع ميثوه حرام عليك
سيف : يعلها دوم هالضحكه
شموه استحت وقفطت وغدت اشاره مرور : انزين سيف برايك اذن ورانا صلاه
سيف : عنبوه يالزط انزين قولي وياك ولا شي حشى حشى .. وخلاص اوكي والله يتقبل .. وويالله شي فخاطرج
شموه : سلامتكـ .. مع السلامه
وبندت سيده
سيف يجوف ميثوه ويضحك : خيبه شياها ماجنها كانت تبا تكلمج خخخ
ميثوه : لاعادي توقع أي شي من شموه ويالله روح اذن بنصلي وبنرقد .. مع السلامه مع السلامه
سيف : خيبه شقا تروغ انزين تصبحين ع خير وكوابيس سعيد هع هع
ميثوه : لادخيلك اخاف 
سيف : خلاص سامحتج خخخ
وظهر .. والعرب كلها نشت اتوضى وتصلي وسارت ترقد
يـــــــــــــوم لاثنـين الصبــح
السـاعه 6ونص ..

اليـده : اصبحنااااا واصبح الملك لله ولا إله الا الله ..
ام شموه : تقرب القهوه .. قـربي عمتيه .. وتصب لها فنيان قهوه وتقرب لها الريوق مسوين بلاليط وخبز وعسل
اليده : بالله عليج دقي لهن حريم هالعيال وخلهن ايين بنتريق رباعه
ام شموه وتشل التلفون : فالج طيب
ودققت لهن تلفون وقربن صوبهم وتريقوو ويلسو يسولفون
اليده : بتخبركن هالبني ويينهم مره مانجوف حـد منهم
ام ميثوه : عاد انتي لقيتي لي بينش احينه
ام هزاع : يبويه انا سمعتهم يقرقعون الدنيا عقب صلاه الفير شكلهم توهم هابطين
اليـده : عنلاتهم مسودين الويه .. شهالخدمه لهم وشو هالمنكر يوم يحيدون العرب بتنش رقدوو
ام شموه : امبونه ياعمتيه هالعيال جـي شوتبينا نسوي لهم ..
اليـده : العصا طولي بعمرج ماتقصر
ام هزاع : الله يهديج ياعمتيه تبينا نظربهم والواحد منهم طول وعرض واطول منا بعد
وتقطع رمستهم شموه : سلاااااااااامن عليهم
الكل : وعليج السلام ورحمه الله وبركاته
اليده : سودا الويه متى رقدتو امس
وتي شموه وتسلم عليهن وتحب يدتها ع راسها
شموه : مادري يدوه .. وشحاااااالكم وشصبحتوو وشو ريووقكم تراني يوعانه
ام شموه : هذوه هالريوق موطاي حطي لعمرج وكلي ووخوانج وينهم
شموه : مادريبهم امايه رقوود اكييد سهرانين امس .. عموووه ( واجوف ام ميثوه ) وين ميثوه
ام ميثوه : والله يابنتي مادريبها اكيد مرقده
شموه يالسه تتريق وتشرب جاي : انزين انتو امس ماقلتو بسيرون العزبه تنظفونها
اليده : هيه نعم خليها توصل 8 وبنسير
شموه : عيل بسير وياكم وبشل ميثوه وجان مريوم وفطامي بيسيرن
اليده : حافظ عليج يالشمي خلج جي بديويه تنشين من الصبح وتسرحين العزبه
شموه : يدوه بعد اسرح الهوش والبوش صح
اليده : هييه اطنزي ان جان تسريحة الهوش هب عايبتنج لول يوم كبركن سادين بيوت وعيال وعزب ومب مخلين شي .. هب شراتكن هبابكن الا مجابلات هالكتب وهالتلفونات وهالشاشات المصبوغه ( اونه التلفزيون هــع )
شموه : لا يدوه انا ماقلت شي بس اخبرج وان جانج تبيني اسرحهن فالج طيب
اليده : ماعليه بنجوفج شوبتسوين ياسودا الويه
شموه : هههههه .. حمدالله (( وسارت تتغسل )) .. امااااااايه بسير اوعي قوم ميثوه جان بيسيرن ويانا
ام شموه : ويدي يالله بالستر خلي بنت عمج ترقد جان هب تعبانه ولاشي يوم انتن الا راقدات الصبح
ام ميثوه : خليها تنش برايها عشان ترقد من وقت
شموه : تعجبيني عمووووووووه
ودبرت عنهن ويلسن هن يسولفن ..
وشموه دخلت داخل البيت وفاره شيلتها وتلعب بخصله من قصتها اللي طايحه ع ويها ويالسه تغني ..
(( ويــل يامــن تســهر عيــونــي مت ولاحــي يالــغاالي .. أذكر انكـ مصــدر جنونـي وكــل مايطري على بــالي ان نسيـت انســاك وتهـونــي فـي دقيقه ينقلب حــالي .. كيــف ترضى عايش بدونــي وانتــه بك تتعلق آمـــالي ))

...: (( عــافــت عيــونــي السهــر واصبحــت انا المستحيــر .. في شــف حلــو النحــر يفــداه شــي(ن) كثـير ))
شموه فلخت وعدلت شيلتها .. : صبـاح الخيــر .. روعتني
سيـف: صباح الورد والياسمين ..
شموه ابتسمت : عيل وين بها من صباح الله خير مارقدت شي .!
سيف : مب احسن عنج وبعدين أنت شوموعنج ..
شموه : بروح وياهم العزبه
سيف : ليش ترا قالو ورا باجر
شموه : بنعدلها وبنظفها
سيف : زين زين ياحيكم
شموه : الله يحيك برايك بروح اوعي ميثوه
سيف : الله يعينج عيل خخخ
شموه : ههههههه
وروحت شموه : ويلست ادق وادق على ميثوه وتزاقرها وميثوه اكبر طااااااف
يا سيف عندها : هههههههههههههههه وحليلج اسميها ايدج بتشتكي عليج يوم القيامه كثر مادقين
شموه : اففف شسوي بها هالدبه مب طايعه تنش
سيف يا عدال شموه : ويلس يدق بقووو
شموه : ههههههههههههههههههههه احين بتنقز واخافها من الروعه ادبر صوب البلكونه واتحسبها الباب
سيف : لاخيبه مافينا ..
شوي ميثوه تفج الباب وطفراااااانه وتعبانه : اففففففففففففف غلامين شوعندكم
شموه : بسج بسج خستي من الرقااد يالله ورانا سرحه ويالعيووز
ميثوه : اف مابا سيري بروحج ..
شموه : يالله عاد ميثوووووووووه
ميثوه سارت وانسدحت وتلحفت : مابا مابا والله مادبر انا مارقدت لين 6
شموه : اف منج انزين يوم بنرد ردي رقدي
ميثوه : مابا وتلحفت عنهم
سيف يمط اللحاف : اونج عاده يالله قومي
ميثوه : مابا حرام عليكم رحمووني
شموه : عني بلا عدوج رقدي فقت ويهج
وظهرت وظهر سيف وياها .. : انزين شموه قوم مريوم وفطامي مابسيرون
شموه : ماوعيتهن ولابواعيهن ماضني يروحن يولن بروح انا والعييايز
سيف : خخخخخخخ حافظ عليهاا ..
شموه : برايك انا بسير عندهن ..
سيف : بسير عندج بسلم عليهم
وظهرو خاري وتمو مسكتين ودخلو داخل وسلمو عليهم
اليده : ويدي يالله بالستر احيدج بتوعين ميثوه هب سيف
شموه قفطت : لايدوه لقيته يالس يطالع التلفزيون وميثوه ماطاعت تنش واكيد مريوم وفطامي مابينشن
سيف : يدووووه منو بيوديكم ..
اليده : دامكن انته واعي محد بيودينا غيرك
سيف انبسط وشموه بعد : فالج طيب امره ماطلبتي من عيوني .. يالله انتن زاهبات
ام شموه : هيه بس صبر بنزقر هالبشاكير يشلونهم الدريوليه ويانا عسب انظف
ام ميثوه : يالله انا بعد بسير بزقر البشكاره
ام هزاع : خليها بيتزاقرن رواحهن .. شموه نشي خبريهن
شموه : ان شاء الله ..
ونشت شموه وخبرتهن وام شموه يلست تحط الجاي والقهوه وحطت خبز وبلاليط جان ياعوو ولاشي
سيف : امايه خلو البشاكير ايسون الغدا والبنات يوم ينشن يلحقنا وايبن الغدا
اليده : هالشور السنع .. وخلو وحده من البشاكير عشان تي وياهن
ام هزاع : عمتيه بنخلي خوانهم ايبونهم تراهم الشباب كلهم هني
ام ميثوه : هيه صدقج
اليده : يالله عيل روحنا
شموه : صبروووووو بيب تلفوني وبي
ام ميثوه : يالله بسرعه لاتبطين نترياج فالسياره
سيف : امايه مابتسدنا سياره
ام شموه : شقا مابتسد عمتيه جدام واحنا الثلاث ورا وشموه بنفرها فالدبه
شموه يايه تربع من فوق وترمس فالتلفون : الله ينطبج بسرعه ظهري
اليده : وهاي منو ترمس من صباح الله خير
شموه : امااااااااااااااااااايه هاي ميثوه بتي ويانا .. وبعدين منو قال بيفرني ورا
ام شموه : انا قلت خير عندج مانع
شموه امبوزه : لا امايه حرام عليكم جامبيلات ورا ماروم انا تعب عظامي بيتكسرن
سيف : عمتيه دام ميثوه بتسير .. ترا البشاكير بعد بيسيرون وبنتوزع فسيارتين
اليده : هيه ابرك واروح لنا بعد
ام هزاع : عمتيه تراج اروحج بتيلسين جدام وعندج نفس هههه (وسع)
اليده : انزين وانتن ماتبنه النفس
ام ميثوه : ههههههههههه خلاص انزين عمتيه والبنات يركبن عند سيف وترا احنا مابنسير عن اليهال بنوعيهم وبنركبهم عندهم واحنا بنسير ويا البشاكير حد بنفره فالدبه وحد جدام وخلاص
سيف : هالكلام الصح
ام شموه : شموه امي .. وعي حصيص عقب بتنش ولابتحصلنا وبتشل الدنيا بصريخها
شموه : ان شاء الله ونشت وعتها وسبحتها بسرعه ونشفت شعرها وسوت لها قرنين ولبستها لبس يدفي وطاقيه عن البرد وزلغتها ولبستها جواتي ...... واجوفج تعقينهن بجتلج بتموتين من البرد
حصوه : انزين
باستها شموه ع خدها .. : يالله وين بوستيه
وباستها حصيص ونشت وعطرتها وحطت لها دهن عود وظهرتها
وشوي ان ميثوه وسلامي وعواشي داخلات وسلموو ويلسن يتريقن
سيف : يالله يالله انقفضن بتوصل 8 ونص احينه ولااتحركتوو
ميثوه : انزين
ونشن وتغسلن وكل شي وحطو السامان وركبو السياره نفس ماقالو
يعني فسياره سيف (( اليـده .. وورا شموه ورا سيف وحصوه فثبانها وسلامي وعواشي عدالها وعدالهن ميثوه يعني ميثوه ورا اليده )) سيف عدل المنظره صوب شموه .. وشموه هب منتبه .. عقب لفت ويلست ترمس ميثوه
شموه : هااااااااا الدبه اجوفج نشيتي
ميثوه : وانتو تخلون حد يرقد
شموه : هههههههه احسن تستاهلين
ميثوه : افففف سكتي بردانه .. سواف شغل الدفايه حرام عليك
اليده : صدقهن برد
سيف : من عيوني كم يده عندي انا
ويلس سيف واليده يسولفون عن العزب والعمال والمزارع
ميثوه : ايه وانتي متى رقدتي وشو موعنج
شموه : مممممممممم مادري يمكن رقدت 5ونص ونشيت 7 شبعانه رقاد
ميثوه اطالعها بطرف عين : هيه ماتلامين
شموه كفخت ميثوه : عني بلاج يالكلبه سكتي
ميثوه بغمت : اااااااااااااااي يعووووووووووور
اليده : ايه شعندكن انا قلت اليهال بيصدعونا هب انتن غلامتين
سيف : خليهن يدوه برايهن
ميثوه : طول طول ع ميييحــد ..
كانت احب البر والمزيون – عود –
(( احب البر والمزيون .. واحب البدو والاطان
واحبـكـ قبل لايدرون .. هلي وهلك ولا الجيران ))
شموه : يالله يالله عاااااااااااشن النعيشات
ميثوه : يالله سواف يااااااابس
اليده انبسطت ويلست تصفق
وسيف ايبس والبنات الصغار مره ايبسن ومره اونهن ينعشن
(( واحب العذري المخزون .. بمجــرى الــدم والـشـريـــااان
واحبــكــ والمحبــه عون .. محـب(ن) عاشـق(ن) ولهــان ))
ميثوه : عاشن عاشن
عقب سيف تعب وجي عدل المنظره صوب شموه ويلس يشوفها ويغني
وشموه انتبهت له وويها عورها واستحت وتمت تحط حصوه جدامها اونها تيلس عدل عشان تغطي عليها (( حركات بناااااااااات هع هع ))

فالسياره الثانيـه ..:
ام هزااع : ياحيدر حط لنا قوران ابرك من هالغنا لي مايوجف
ام ميثوه : عيت كثر ماقوله ماتيبه الرمسه ولايفهم
وبدل حيدر عن اف ام وحط لهم قران
والعرب كلها صخت ويلست تسمع وتستغفر وتذكر ربها

فالــعــزبــه ..:
قـوم سيف وصلوو قبــل
شموه : اوووووووووه يالعزبه من متى عديبها
ميثوه : هيه والله صدقج
اليده : هب منكن من امهاتكن لي مايظهركن غير هالاسواق
سيف : ياامايه هن مايقولن بيسيرن ولا امهاتهن مابيقولن لا
حصيص وسلامي وعواشه ربعن يلعب ..
وشموه وميثوه يتمشن ويسولفن ..
ووراهم اليده وسيف يتمشون ويطالعون الحلال ..
وشوي وصلت السياره الثانيه ولحقووهم تمو يطالعون البقعه شقايل وسارو صوب البيت ..
سيف : بخبررركم بنعدل الحضيره وبنوسعها اكثر من جــي
ام شموه : هيه يبالهااا نوسعها ونعدلها ..
ام ميثوه : شموه وميثوه يالله يالله بسكن من السوالف دخلن وشلن اللحف والدنيا وزقرن الخدامات يخمن
شموه امبوزه : ان شاء الله
ودخلن داخل اول شي جافن حجرتهن يعني وين بيرقدن البنات
ترا فالبيييت عندهم فــيه 8 حجر طبعا هب كبار وايد وصاله ومطبخ صغير و3 حمامات
ميثوه : كح كح يالغباار شو هذا
شموه : ترا من زمان مايينا نبات
ميثوه : هيييييه اذكر اخر مره يوم كنا صف 6 مادري كم
شموه : هيه كنا يهال خخخخخخ
ميثوه : يالله ياخدامه نضفي مافينا ع العيايز وحشرتهن هع هع
ويلسن ينظفن ويخمن ويالخدامات ولامهات نفس الشي وسيف والعيوز والعمال مال العزبه يعابلون فالحضيره

وفبيييت قوم شموه .. كانت الساعه 11ونص
عباادي يدق ع حجره شموه ويدق ويدق ومحد يرد ويدق لها تلفون وماترد ونزل يدور امه والبشاكرات ومالقى حد وسار يدق ع ميود ..
عبادي : ميووووووووووووووووووووووووووووووووووود وصمخ
ميود : والعله تعل العدوو شفيك صادع الخلق شوتبا
عبادي يسوي عمره بيصيح : ميود ألحق هلنا شردو عنا وتمينا انا وانته
ميود : اففف اسميك متفيج جلب ويهك خلني ارقد
عبادي : اييه ارمسك صدق هاي شموه العنز ادق عليها ماترد وادق تلفونها وماترد
ميود : انزين وامايه وحصيص ومريوم
عبادي : اف ماجفت حد
ميود : دق ع مريوم .. وبعدييييين تعال امس هم قايلين بيروحون يرتبون العزبه
عبادي : اوووووه صدقك عيل اكيد سارو
ميود : جوف قوم سيف وهزاع ومبارك وبنلحقهم ..
عبادي : خلاص اوكي
وروح وهو خاطف يسمع تقرقيع فحجره مريوم ودق عليها الباب
مريوم : منوووووو
عبادي : اناااااااا فجي
نشت مريوم وفجت الباب : هلا عبادي
عبادي : هلا اختي العزيزه .. بتخبرج شموه وحصيص وامايه والبشاكير كلهم محد
مريوم : عنبوه وين سارو
عبادي : ترا امس قايلين بيسيرون ينظفون العزبه
مريوم : هيه صدق .. صبر بدق لشموه
عبادي : تراني من اصبحت ادق لها ماترد وامايه ناسيه تلفونها فالبيت
مريوم : وانته شدراك
عبادي : اف مريوم مب وقت اظهرين ذكائج احينه دقي لميثوه وجوفي اكيد سارت وياشموه
مريوم : ههههههه وياراسك انزين
- وطبعا عبادي عرف ان امه ناسيه التلفون لان دق عليه وماترد وكان يسمعه يصيح فالصاله –

وعند ربعنا لي فالعزبه العرب كلها يالسه عند الحضيره ومورين الضو
(( يصيح تلفون ميثوه ))
ميثوه : ألوووووووووووووووووووووووووووووووووووووووووووووووو وووووووووووووووووووو
مريوم : حشى حشى هب الو هاي
ميثوه : هههههههه حيها بنت العم
مريوم : خخخخ ماشاء الله عايشه الدور ومستويه بديويه
ميثوه : احم احم هيه بعد شو
مريوم : وعلومكم
ميثوه : وايييه غبار وتراب وبرد وضو هع هع
مريوم : هههههه وحليلكم خلوكم تنظفون
ميثوه : هيه عني بلا العدو
مريوم : انزين هاي ربيعج شله ماترد ع عبادي
ميثوه : مادريبها .. (( وهي مجبله صوب شموه وترمسها)) حو شلها ماتردين ع خووج
شموه : اصلا تلفوني مادريبه وين .. جان هب فالسياره
ميثوه : سمعتيهااااااااا
مريوم : هيييييييييه ..
ميثوه : انزين مريوم وعي قوم فطامي وتعالو كلكم ويبوو الغدا تراهم موصين الطبابيخ يسوون
مريوم : انزين وقوم ابويه
ميثوه : قوم ابويه وعمومتيه كلهم سايرين الشارجه يعني مابيون عندهم شغل هناك
مريوم : خلاص عيل اوكي بخبرهم وكل شي وبني
ميثوه : نترياكم
مريوم : اوكي مع السلامه
وبندن ..
مريوم يلست ادق لفطوم لين وعتها وخلتها توعي خوانها
وزهبو وكل شي وخلصووووو الساعه 1 ألا ربع تحركو من البيت
وكانو سايرين فسياره هزاع يسوق ومبارك عداله وعبادي وميود وفطامي ومريوم ورا
وطماشه وضحك وقراض وتيبيس وربشه ..
وصلو العزبه عندهم وسلمو وكل شي ويلسو كلهم رباعه ..
هزاع : ولا هاي علومج امايه
اليده : شو تبا بعد اخير من هالعلوم
عبادي : امايه جفتو الدراجات يشتغلن ولا
ام شموه : شباهن سير هناك فالبيت بتلقا السويجات فوق الثلاجه وسير طالعهن
مبارك : يالله ميود قوم ويانا وانته عبادي روح يب السويجات
ونشو الشباب يطالعون الدرجات
شموه وميثوه ومريوم وفطامي : سارن يطالعن الخيول
شموه : يبالنا ناخذ بوت وبناطلين عسب نعرف نركبهن
ميثوه : وايه لي يسمع من زود عرفكن
فطامي : انا احب الخيول مايخصني بنروح اليوم وبنتشرى شرات ماقالت شموه
مريوم : خيبه فطوم شياج وامايه موزه شوبنقولها
شموه : اوه ماعليكن بندبرها ولا بنش الفير وبنروح نحوط فالعزبه محد ينش الفير وبعدين بنخبر قوم عبادي وعادي محد بيقول شي
فطامي : عاشت شموه صدقج صدقج بنسوي جي
ميثوه : الله يعيييييييييييييين خخخ
شموه : ايه يالله ردينا انا بموت من اليوع
مريوم : ردينا يالله
وردن صوب الحريم
والشباب يو .. ويلسو
شموه : هاعبادي بشر يشتغلن
عبادي : هييييييييييييه بعد شوو
ميود : انا يوعان
شموه : انا بعد بموت من اليوع
ميثوه : وانا وياكم
سيف : خيبه خيبه حطو الغدا بالله عليكم ورحمو حالهم الحين الشله كلها بتوقع وراهم انا وانا ههههههه
ميثوه : ويهالويه لاتطنز اونك انته لي هب يوعان
سيف : لا مساعه العيوز مدلعتني ومسوتلي خبز وعسل وجبن وصابتلي جاي حد يروم
مريوم : وانته منو يروم لك
ونشن البنات والحريم يحطن الغدا ..
وسارو الشباب تغدو وخلصوو وين البنات والحريم وكلن وعقب الخدامات يلسن يغسلن
وراحن عقب البنات يتمشن فالعزبه وين الزراعه
ميثوه : بخبرررركم نروح نيلس لنا بقعه مارررروم امشي عقب مااكل ابا انسدح
شموه : صدقج صدقج نبا ننسدح
مريوم : ويدي الله بالستر وين تبن تتسدحن
ميثوه : هناك ورا العرقوب محد بي وبننخش وبنتسدح
فطامي : زين خطفن يالله
وراحن يتمشن صوب العرقوب ..
فطامي : شغلن اف ام خلونا نرتبش
مريوم : فالج طيب ماطلبتي وشغلن اف ام ويلسن يسمعن دوار الساعه لوول
ويسولفن ويضحكن ويعلقن ..
والحرامات والعيوز سارن بيقيلن فالحجره .. اما الشباب تولو الدرجات ويلسو يلعبون
وطاف الوقت وأذن العصر وصلوو وخلصوو
مريوم : اماايه بس خلونا نرد بعد نبا نروح السوق
ميثوه : هيه هيه نبا نسري نتشرا ونحط ثيابنا ونخلص هبابنا
اليده : يعلكن العيله من بنات فكنا بنرد
شموه : امايه موزه فديتج والله تعبانين وانا هب راقده شي
اليده : انزين بس خلاص خلو خوانكم ايون وبنروح
شموه شلت تلفونها ودقت لعبادي وحرقته وهومايرد عليها ودقت لميود مرتين والثالثه رد::
ميود بيموت من الضحك : الووووووووووووووووووووووووووو
شموه : وصمخ وينكم انتو عن تلفونكم
ميود : آآآآآآ ياشموه بمووت من الضحك
شموه : ليش شفييييييييكم
ميود : بروك جلب اخوج الدب من الدراجه اونه رادفنه بوالشباب وتم يستعرض ويخق علينا لين ماجلبه
شموه تضحك : هههههههههه الله يغربل العدو .. شي ياهم
ميود : ههههههههههههههههه انتي لا يوم نشوو اونهم ماسوو شي بس قسم بالله فاتج الحركه
شموه : كيف خبرني الحركه ( ماتبا تقول كيف انجلبو عسبت مايفلخون هلها )
ميود : ايج سيف اونه بندااعس ونخطف كلنا مايسير الشيخ مبارك ويصعد العرقووب وتشتل الدراجه وشوي اختفو ولانجوفهم يوم سرناااااا صوبهم لقينا الدراجه مجلوبه وعبادي يتحرطم ويتهندق وبروك يالس عند الدراجه ويكتب مسج مادري يرمس فالتلفوووووون ومسوي اكبر طاف حق هالدب ولابروك التحفه انزين عدل الدراجه وين تبووووون خخخخخخخخخخ
شموه : ههههههههههههههههههههههههههههههههههههههههه خلاص يوم بتون شلني وياك وبنروح عسب يعيدون الحركه هيهيهيهي
ميود : جنا دزينا لكم ويه وايد شو تبين
شموه : اف ويهالويه بخبرك قولهم ايون نبا نسير السوق بعدنا ونبا نزهب سامانا ونحط روسنا ونرقد تحيدها العيوز ولابتخلينا نرقد لازم بتوعينا من عقب الصلاه
ميود : خلاص بقولهم برايج
وبند عنها وراحت تخبر البنات وتمن يعلقن ويتخيلن لاشكال
وشي يو الشباااااااااب وعقب حملو السامان لي يبونه وخلو الباقي
وردو شرات مايو يعني فنفس السياير
فسياره قوم هزاع :
مبارك : عني بلاك يالدب اصلا كله منك لو مب انته جان مانجلبنا
عبادي يهاد : وليش ان شاء الله انا اسوق ولا انته
مبارك : لو كنت ضعيف شويه ولو ماحستني وياك يوم كنت بطيح جان مانجلبت
عبادي : وانا شسوي يوم كنت بطيح يعني تباني اعق بعمري وانته لهالدرجه خديه ولفيت السكان ويانا
هزاع : يعلكم الحشره
فطامي : خلهم خلهم والله انهم حفله انزين وبعدين اخر شي ع شو استقريتو من سبب الجلبه
عبادي : تطنزين ويهالويه ماتقول غير الساعه 6
الكل نقع من الضحك ع فطامي لي قفطت
مريوم : جب ايه ماسمح لك تسب فطومتي
عبادي : فطومتي وابوي عليج انتي بعد وايد عايشه الدور اشوفج
مريوم : كيفنا شلك انته
عبادي طول ع المسجل : اففففففففف فكونا يالله يااااااااااااااابس
تمن البنات مرتبشات وهزاع ومبارك وميود بعد وياهم
وفسيارة سيف :
ميثوه تغني ويا ميحد : تتوحد هموم وجدي لجل تعذيبي .. واصدها بالصبر واتنوخ رجابي
في غابتن موحشه ماحد يدريبي .. وحوشها ظاريه تضحك بالانيابي ,,
سيف : عاشت الميث مندمجه
ميثوه : هههههههه بدل غير لاغنيه
سيف : فالج طيب سمعو اهداء
شموه كانت تسولف ويا قوم عواشه وحصيص وسلامي ومن قال سيف جي شلت عيونها بدون ماتدري وكانت تجوف صوب المنظره وكان هو بعد يجوفها وتلاقت عيونهم .. ونزلت شموه عينها وسكتت ويلست تسمع شو بيحط سيف ..:
وطبعا سيف حط احب البر والمزيون وكان مرتبش
وامايه موزه وياه وميثوه والبنات بعد وشموه تشوفه وتسمع وتضحك ع حركاته كان اونه ايبس ويسوي حركات اضحك ..
عقب يوم يــا هالمقطــع جان يطول ويجوف صوب شموه فالمنظره لكن شموه كانت اطالع برا ومندمجه وعيونها حمررر .. ويوم طول خلت عمرها عادي ماجوف ويلست تسمع

..:: ببيع الروح لو يشرون ونرضي الخاطر الزعلان ..
حـــرام البعــد يالمضنون حراام الـصد والهجراان ..
تــعطف وارحم المفـــتون بحبكــ هايمــن حــيران ..
تباات انته مريـح شجون وانا شجوني بها طوفان ..
يلي من غمضت العيون انا وعيوني حربناا بااان ..::

ابتسمت شموه وضحكت وشافها سيف وابتسم ورد يبدل فالاغاني وتمو مرتبشين
ووصلوووو البيت عند أذان المغرب ..
وصلوووو والحريم ورن الضو فالمنامه وخبرن الخدامات انهن بيشون دياي وخلو الخدامه تسوي عيش ابيض لين ..
والبنات عقب ماخلصن صلاه لبسن عبيهن وكل شي وتلبسن وخلصن ..
ونشت مريوم ودقت لفطامي تقولها انهن بيظهرن
وشموه عقب ماخلصت سارت دقت ع مريوم : مريووووووووووووووووم فجي
مريوم : دشي مفتووح
شموه : مريوم اونه سيف مشتط ماتروحن رواحكن ولابيخرب السيره لازم نشل حد
مريوم : انزين شبلاج بنشل اليهال وبنشل الخدامه وبنوديهن عالم فتون
شموه : ترا قالت له بنشل اليهال قال لا ريال افففففف شو احين
مريوم : صبري انا بدق لميثوه
ودقت لميثوه : هلا مريوم
مريوم : ها ميثوه شفيه هالسيف يبا يخرب السيره
ميثوه : شدراني
مريوم : انزين منو بنشل عبادي وميود ظهرو وطبعا الكبار مابيروحون ويانا قولي له جان بيودينا يالله يشغل السياره اف
ميثوه : اف مانبا
شوي ان سيف داخل عليها : ها منو بيروح
ميثوه : سيف عن الغلاسه والله حرام عليك منو بيروح معانا
سيف : لو مب مواعد ريال جان شليتكن
ميثوه : انزين يالله سامحنا هالمره وخلنا نروح
سيف : انزين خلاص
ميثوه : يالله مريوم بسرعه بسرعه قبل لايغير رايه
وظهرت وهي ظاهره ونازله ع الدري ترمس سيف : يوم بتشبع من حجرتيه بند الليت والباب لوتكرمت وشردت بسرعه تم يضحك عليها وبند الليت والباب ونزل وراح صوب ربيعه والبنات خبرن امهاتهن وراحن

وعند العيييااااايـز :

ام ميثوه : ماشاء الله هالسنه برد غير عن كل مره يقرص العظام
اليده : هيه والله صدقتي عظامي رايحات من البرد
ام هزاع : عيل ماشاء الله عليج ياعمتيه انتي لابسه كندورتين وصروالين وجاكيت وشال
ومجابله هالضو من الصبح وبعدج برداانه ..!!
اليده : هيييه والله ان برد حشى ماقهره انا جذي
ام شموه تعدل الضو : انزين احينه بتحرين ان شاء الله وبتعقينه كله وماتقولين ماقهره
جي شبت الضو عدل وكان دفى وتمن يسولفن فلان طلق وفلان عرس
وفلان سوا وفلانه قالت >>> سوالف عيايز

والشباب كل راح عند ربعه
اما الشواب كانو فهالقراج يعابلون فيه يشترون سياره ويعدلونها ويبيعونها ..
وهذا حالهم ,,

اما البنات وصلن كارفور
وودن اليهال عالم فتون وخلوهن ويالخدامات وعطوهن فلوس
وراحن يحووطن فهالمحلااات وماخلن شي فخاطرهن ,,
وطبعا البنات ماسلمن لازم حد بيلحقهن لاحقووهم شله شباب كانو 5 تقريباا
وتموو وراهن والبنات اكبر طاف دخلن آلدو مال الاكسسورات ياخذن لهن تراجي
وسلاسل وغيرها من اللي يحبه قلبهن >> هــع هــع

مـريوم : فطامي قومي بناخذ نظارات
فطـامي : يالله وتعافدن عند النظارات
وطبعا يلسن يجربن والشيخات نسن سالفة الشباب
وكانت فطامي لابسه النظاره وتضحك وتطالع صوب قوم شموه وميثوه تسألهن شورايهن
وفجأه تلف وتشوف ان الشباب يطالعونهن لكن محد منتبه لها غير واحد تم مبهت فييها يطالعها وفاج عيونه وحلجه فطوم عقت النظاره وتغشت وسيده لفت وتمت متروعه
مريوم : شياج اميييه بسم الله عليج
فطوم فالخه : بسم الله عليج انتي ماشفتيهم شقا فاجين عيونهم يطالعون
مريوم : ولاحد درابج وخل عنج وخلينا نسير نحااسب

عنـد الشـباب ..:

عميــر : يبووووووووويه انسيـر طفرتووبنا شوتبونهن البنات روحنا روحنا
أحمـد : هااا ,, صدقكك دبرنا خلهن برايهن عيزنا كثر مانتريا
سـالم : بخبررركم روحنا صوب ستار بوكس ملينا من الحواطه نسير بندقها يلسه
عميـر : فووقــه يالله روحنــا

وروحوووووو ,, والبنات خطفن باسكن وخذن لهن اسكريم وخذن لليهال والبشكارات
ودقن للخدامه وتلاقن وياهن وروحن صوب البيت كانت 9 وربع تقريـبا

وووصلوو البيت ونزلوو السامان وسارن يعقن عبيهن ويصلن ويعيينن من الله خير

شموه شلت لها فريز رمان وجلكسي وبطاطا ليز ونزلت تحت وسارت صوب العيايز
وجافت البشكارات توهن يايبات الدياي وارتبشت الشمـي ,,
شموه : يدوووووووه عاد اليوم عشااكم عليه
اليده : وااايه سمعو منو بيعشينا
ام ميثوه : الا اخاف ان نرقد بيوعنا اليوم
ام شموه : جان ماتعشينا محروق ولا نـي ونبات فالمستشفى اليوم
شموه ويها محترق : عموووووه شوفيهم
ام هزاع : لالا حافظ عليها الشــم بتشوي لكن ذاك الدياي السنع بس الله يسلمنا منه
الكل : هههههههههه
شموه مفتشله : عمووووووووووووووووه =(
اليـده : زين زين بنشوفج شو بتسوي لنا من عشا وعاد زقري ربايعج يفازعنج
شموه : انزييييين =(
اليده تمسك العصا : ياسودا الويه انا انزييين قولي ان شاء الله فالج طيب عنبوه مذهب لج
شموه تلز بعييد وتاكل كافي وتضحك : ان شاء الله الشيخه من عيوني فالج طيب مره ماطلبتي ,, وترمس بصوت واطي .. جــي زين >.>
اليده : سمعتج
شموه : خلاص خلاص اسفه
وتنش تحب يدتها ع راسها وشوي ان مريوم وفطامي وميثوه يايات
ويلسن يعابلن الدياي ويسوولفن ,,
ميثوه : بنييييييييات فخاطريه شياط
فطوم : صدقج مره يتي ع العوق
مريوم : اححححح محلاته ويا العيش اللين
شموه : ياويلي عليكن انتن وافكاركن انا بسوي لكن هاك الشيااط لي ماشي منه ثنين
فطوم : دووكم لازم تخق بعمرها خل عنج ماشي احلى عن شياط امج
شموه : جب انتي ,, امااااااااااااااااه شقا يسون الشياط
مريوم : طالعو هاي ع خريطها ها كله يقولون تعرف وايه مالت عليج
شموه : جب جب اعرف وانا بسير اسويه وبتشوفين بعد
ونشت شموه عنهن وتمت تتحرطم لين ماوصلت المطبخ
ويوم وصلت سووووت احلى طرباااااخ فالمطبخ
وشافنها الخدامات وتمن يتصقعن عليها وع شكلها لي كلها ماي
ونشت شموه تتحرطم : وانتووو شو ها ليش ماتخبروني ان في ماي
مارليين : اهنا مافي مألووم انتي بيجي منيي هههههههههههههههه
شموه : وصقعه وتمت معصبه
ونشت من الدعنه ويلست تشوف شكلها تمت تضحك ع عمرها
وعقب نشت تسوي الشياط وتقص بصل والدموع اربع اربع
وفجأه تسمــع :: Booooooooooooooooo
شموه : والخييييييييبه انا ناقصه يسد اني طحت ويسد هالبصل لي يالسه اقصه
ويوم لفت جااان ويها يعوورها
كان عبادي وسيف وطبعا عبادي لي روعها عشان جي تمتت تتحرطم وفضحت عمرها
عبادي تم يضحك : والخيبه شفيج شو طيحج بسم الله
شموه : جب كله من خداماتكم هالخياس ماعرفن ينظفن المطبخ غير احينه
سيف : اخ عليج ياشموه غديتي خداامه وطيحين وتنظفين المطبخ بثايبج وتقصين بصل آخ يابنت العم ضاع مستقبلج

شموه : اهيييييئ بسكم بسكم من الطنازه علييه
عبادي يا ولواا عليها من ورا : فديييييييتج اختي الحنوووووووون
شموه : انته هاللويه هب ع خيير شو تباا
سيف : لاماشي يابنت العــم بس فخاطرنا سلطة رووب وطماط وفلفل اسوود
شموه : لاوالله والشياط شو خانته
عبادي : لالا ها ولد العم يخوورط عليييييج بس ابا لابج بنقعد ع النت شويه ممكن
شموه : لا طبعا
عبادي يحبها فغزها : شمووووووووووتي حياتي
شموه : اوووهوو عبادي هب ناقصتنك يسد هالوصخ لي عايشتنه بصل وماي يععع
سيف يضحك عليها وع عبادي يوم يطفر بها
عبادي : شموووه يالله عن الغلاسه
شموه : اففففففففف زين زين بخلص وببدل ثيابي وبيبه لكم
عبادي : تعجبييييييييييني
وروحوو عنهااا وهي خلصت من الشيااط وسارت صوب الحجره وبدلت ثيابها
ويوم خلصت شلت لابها ونزلت تحت وسارت صووبهم

الشباب يلعبون ورقه وطماشه وضحك
والبنات يعابلن هالديااااااي
والعيايز والشواب يحشون فالخلق
وصلت 11 وعشر

ميووود : بناااااااااات بس عاد بنموت من اليووع ماستوى دياي تشونه
فطامي : شو عايلنك احينه بيخلص صبر
شموه : يالله بنسير نغرف العيش صبر لاتستعيل ع رزقكك
وسارن شموه وفطامي يغرفن العيش ويحطن الشياط وطبعا كله قسموه 2 للشباب والشواب
والعيايز والبنات رباعه وطبعا اليهال حطولهن صحن وخلوهن فالمطبخ ياكلن
وعقبها سبوح ورقاد وراهن نشه
والعرب تعشوووووووووو ومدحوو شياط شموه ودياي البناات
ويافرحتهن طبعاا لكن الشباب تموو يذموون ويغايضون والبنات سون اكبر طاف لان صينيتهم خلصت وهذا اكبر دليل ان العشا حلوووووووو

وخلصوو والشواب سارو صوب حجرهم وتمن البنات وزقرن الخدامات يشلن العشاا ويسون لهن دلة جاي وشربوو جاي ويلسوو ويوهم الشباب ويلسو ع لاب شمووه وشغلو اغااني وتموو مرتبشيين

مبارك : شموووووه ربعي يبي جرجج الاب بيخلص
شموه لاهيه ويا البنات ولادرتبه
بروك : حووووووووووووووووووووووووووووووووووووووووووووووووه
لفن البنات كلهن
مبارك : شموه وصمخ يمصخج قومي يبي لنا الجرج
عبادي : يصمخك لله
شموه اظهر لسانها : اسميه اجدا فييك ,, بعدين انا هب خدامه عندكم وانا وحده تعبانه وبروح ارقد يعني سلمووني لابي لوو سمحتووو
عبادي : كاااااااااااااااك ها الشمي اختي العزيزه اندووج لابج بسكم يالله
ميثوه : غريبه عباادي مستوي طيب
عبادي : لان انا بسير احوط ههههههههه وعاد بنقع النذاله فيهم لوول
شموه : وانا اقول بعد شياه اخويه الله هادنه اليوم ثره يحيد عمره بيروح يحوط وبيلتهي مسود الويه
وشلت لابها وعطتهم ظهرها ويالسه تبلس نعالها وتثاوب ولفت صوبهم وطالعهم ,, تصبحووووون ع خييير
والكل : وانتي من هل الخير
وروحت عقب فجاه شموه وقفت مكاااااانهاا : هااااااا شوتقوولين ماسمع
ميثوه : اقوووولج الساعه وحـــــــــــــــــــــــددددددددددددده حدري المسن
شموه : زييييييييييييين
مريوم : تراها تقول بترقد شقا تقول زين تخبلت ختيه
فطامي : ماعليكن منها بتروح بتتسبح تلاقونها جازه عمرها من عقب الطيحه وهالبصل لي قصته وعقب لازم بتحدر المسن الشمي هاي لو بعدني ماعرفها هههههههههههه
ميثوه : خخخ صدقج
مريوم : احين متى بنروح بااجر
مبارك : سمعتهم يقولون عقب صلاه الفـير >>>>> النــذاله تلعب دور
سيف : لا يقولون بنصلي هناك الفير
ميثوه تشهق : خيبه صدق
فطامي : لوبعدج ماتعرفينهم هم وعلومهم يالله يالله دبرنا مافينا ع خريط آخر الليل
مريوم : هييه يالله روحنــــــا >.>
ميثوه : روحن انتن مافيه انا بدفى ,, وعشان يطوف الوقت لين ادش شموتي المسن
فطامي : آز يووو لايك سوويتي ,,
وروحـن ,, وتمت ميثوه تسولف وياخوها وعيال عمهاا
ويوم يت 12ونص نشت عنهم وساارت وتمو الشباب لين 1وشوي واللي سار يرقد ولي سار لربعه
وطبعا راحت تسبحت بسررررررعه وتلبست بجامتها ووسحت كشتها وخلتها مفتوحه وبندت الليت وجابلت لابها
ودشـــــت المسن مالقت شموه
ميثوه : خيبه شوتسوي هاي ليكون رقدت عني
وجان ادق لها ..
فحجرة شموه :
ميثوتــي يتصل بكـ
ويمكن ميثوه حرقت تلفون شموه لكن محد يرد
وفلخت وعقب قالت بترد ادق يمكن سايلنت وماجافته
وظهرت خاري تيب لها ماي وشافت سيف داخل توه البيت
سيف : شو مارقدتي
ميثوه : له اتريا شموه النذله مادشت وادق لها ماترد
سيف : يمكن تعبانه وتريج ومادشيتي ورقدت
ميثوه : لاماضني لان لو بترقد بطرش مسج
سيف وهو داش حجرته : مادريبكن تصبحين ع خيييير
ودشت وعق الكندووووره وانسدح ع شبرتيه ويطالع فوق ويفكر
وعقب نـــــــــــــش
.
.
.
.

فالمســــــــــن

شموه :: "{..الله يعين الدمع مـن عينـي يسيـل ,,ولو صرت مجنونك أنا لـي الشـرف ~

هلا ميثووتي سمحيلي حياتي ترست الحوض وعيبني الماي دافي خخخ

ميثـوه :: عـيّــــا // زمـــانـــكـ ,, نلتقـــي ‘‘

ويهالويــه روعتيني يالدبه ماحبج زلعااانه =(

شموه :: "{..الله يعين الدمع مـن عينـي يسيـل ,,ولو صرت مجنونك أنا لـي الشـرف ~

افا افا كله ولا زعــل الغااااااالين ,, ماتهوونين عاد كله ولا الميث اموووووح أديتج انــا

ميثـوه :: عـيّــــا // زمـــانـــكـ ,, نلتقـــي ‘‘

هيه هيه قـردني بس خلاص سامحتج >.>

شموه :: "{..الله يعين الدمع مـن عينـي يسيـل ,,ولو صرت مجنونك أنا لـي الشـرف ~

ميثووووووووووووتي تعرفييييين هالايميل ********@hotmail.com

ميثـوه :: عـيّــــا // زمـــانـــكـ ,, نلتقـــي ‘‘

لااااء منو ضايفنج ماعليج تغازلين من ورانا ماعليه من ماوااشيت

شموه :: "{..الله يعين الدمع مـن عينـي يسيـل ,,ولو صرت مجنونك أنا لـي الشـرف ~

انجـــــــبي يااحمااره صــبري بشوووووووف منوو فيه فضوووووول ..!!

ميثـوه :: عـيّــــا // زمـــانـــكـ ,, نلتقـــي ‘‘

انــــــــا فضولي اضني اكثر خخخخخخخخ تيـــــــت بس لاتبطين ولابواشي

شموه سوت طاف لميثوه ويلست ترمس لي ضايفينهااااااا

°•طيــفكـ يشاركنــي على لقمة العيش ,, إن مالقيـــــته فالمحانـــي لقانـــــــي .!ّ •°

هـــــلاا والله مرحباا ملاااين نورتي المسن شيختيه

شموه :: "{..الله يعين الدمع مـن عينـي يسيـل ,,ولو صرت مجنونك أنا لـي الشـرف ~
هلا منور بوجوودكم منووووووو ويااااااااي

°•طيــفكـ يشاركنــي على لقمة العيش ,, إن مالقيـــــته فالمحانـــي لقانـــــــي .!ّ •°

ممممممممم اول يسألون عن الحال عقــب يظاربون

شموه :: "{..الله يعين الدمع مـن عينـي يسيـل ,,ولو صرت مجنونك أنا لـي الشـرف ~

لووووووووول لا اول شي لازم اعرف منو اكلم عشان اسأل عن الحال لان في ناس لازم مانعرف عن حالهم .!!

°•طيــفكـ يشاركنــي على لقمة العيش ,, إن مالقيـــــته فالمحانـــي لقانـــــــي .!ّ •°

=( ليش ليش جي يعني انا ماستاهل حد يتخبر عن حــالي

شموه :: "{..الله يعين الدمع مـن عينـي يسيـل ,,ولو صرت مجنونك أنا لـي الشـرف ~

والله جااان ماعرفـج فمااعتقد بيهمني حالج لكن لو اعرفج فهذا كلاام ثاني

°•طيــفكـ يشاركنــي على لقمة العيش ,, إن مالقيـــــته فالمحانـــي لقانـــــــي .!ّ •°

اهااااااااااا ,, بس انا مايقولون لي ماعرفج

شموه :: "{..الله يعين الدمع مـن عينـي يسيـل ,,ولو صرت مجنونك أنا لـي الشـرف ~

عيل شووويقولون لج الشيخه =S

°•طيــفكـ يشاركنــي على لقمة العيش ,, إن مالقيـــــته فالمحانـــي لقانـــــــي .!ّ •°

قصدج الشيــخ ..!!!

شموه :: "{..الله يعين الدمع مـن عينـي يسيـل ,,ولو صرت مجنونك أنا لـي الشـرف ~

خيبه السمووووحه الشيخ ,!!

°•طيــفكـ يشاركنــي على لقمة العيش ,, إن مالقيـــــته فالمحانـــي لقانـــــــي .!ّ •°

افا عليج بالحــــــــــل

شموه :: "{..الله يعين الدمع مـن عينـي يسيـل ,,ولو صرت مجنونك أنا لـي الشـرف ~

زين عيييل السموحه ويمدحونه البلوك والدليت

°•طيــفكـ يشاركنــي على لقمة العيش ,, إن مالقيـــــته فالمحانـــي لقانـــــــي .!ّ •°

افاااا مابتخبرين عن حالي لها الدرجه انا ماهمج

شموه معصبه :: "{..الله يعين الدمع مـن عينـي يسيـل ,,ولو صرت مجنونك أنا لـي الشـرف ~
والله انا شو دراني فيك عشان تهمني ولاماتهمني يالله يالله جلب ويهك

شموه :: "{..الله يعين الدمع مـن عينـي يسيـل ,,ولو صرت مجنونك أنا لـي الشـرف ~

بااااااااااي

°•طيــفكـ يشاركنــي على لقمة العيش ,, إن مالقيـــــته فالمحانـــي لقانـــــــي .!ّ •°

ويييييت ورفجة ماظهرين

شموه :: "{..الله يعين الدمع مـن عينـي يسيـل ,,ولو صرت مجنونك أنا لـي الشـرف ~

اوووووهوو خير شو تبا

°•طيــفكـ يشاركنــي على لقمة العيش ,, إن مالقيـــــته فالمحانـــي لقانـــــــي .!ّ •°

بس بتعرف عليج وبنكون ربع عالمسن بس

شموه :: "{..الله يعين الدمع مـن عينـي يسيـل ,,ولو صرت مجنونك أنا لـي الشـرف ~

لاوالله جيه شو قالولك ماورايه والي ولا ماورايه اهل وهالخريط هب عليه يالله باااي

°•طيــفكـ يشاركنــي على لقمة العيش ,, إن مالقيـــــته فالمحانـــي لقانـــــــي .!ّ •°

صــــــــبري

°•طيــفكـ يشاركنــي على لقمة العيش ,, إن مالقيـــــته فالمحانـــي لقانـــــــي .!ّ •°

انــــا

.

.

.

البـآرت يمڪـن يڪـون وآيـد بـس اتمنـى انـه يعيبڪم
واتمنـى احصـل تشجيـع وردود آڪثـــر . .

والسمـوحــﮧ . . } ~