|
امم .. انتوا اتعرفون ان نحن ف وقت الامتحانات .. وهذا بالغصب احط لكم بارت واحد ع الاقل ! .. يعني حسوووا اتعرفون امتحانات ومذاكـــرة .. فعسب جي ما اروم احط لكم القصة بسرعة .. اعرف تبون اتعرفون النهاية وشاللي صـآر .. بس مااعلييه اتحملو .. ظظروووف .. !! بحاول بقد ما اروم احط لكم بارتين او 3 دلــوعة بوؤوؤوؤظبي |
الود : ويينكم الحيين ؟؟ مطوليين ؟؟ مهاري : ممم انتي وين ؟؟؟ الود : اذا تبين اتمين زياده بسير عند ريموه خاطري اسولف وياها ..... مهاري : خلاص تشاوفي وياها ويوم بتخلصيين اتصلي ... الود : اوكي مهوره تحملي ع روحج ......... مهاري : خلاص ان شاء الله .............. نسيم باارد هب عليهم .............. مهاري تطالعه : كنت بتجلبنا .... بتنفدنا ..... ذياب من دون ما يطالعها : المهم ان ماصابج شي الحين ...... مهاري : شفيك انته !! شو يعوورك ؟؟ مرييض ؟؟ ذياب يطالعها وبهدووء : مريض ؟ هه .. تصدقيين اول مره حد يقولي جييه .!! انا دكتور وحد يقولي مريض .!! مهاري : وايد دكتوور ... لو دكتور جاان شخصت حالك ........ ذياب عاقد حياته : شوه قصدج ؟ مهاري صدت : ماقصد شي ....... ذياب زخ ايدها بقو : لا شوه قصدج ؟ يعني انا مينووون لا قولي ؟؟ مهاري : انزين ليش العنف !! ليش ما ترمس ؟؟ ليش تعصب وتحمق ؟؟ ارمس وخلاص .. اففف ووخرت ايده بكل قوتها ..... ومشت عنه جدااام واايد تشوف البحر عن قرب ..... فصخت نعالها ... وخلت ريولها تتلمسه قطرات البحر البااااااارده ..... .......... ليش السكوت وانته تموت ؟؟ فيني غرام ليش السكوت !!! والله حرام هذا الغرام انه يموت والله حراام ... قول لي ابيك واموت فييك لو بالعيون او بالكلام ... ---------- ذياب ايير شيلتها ينزلها من عـ شعرها ....... نقزت لانه واقف ورااها ورافع كندورته عسبت ما تتخيس ... مهاري تعدل الشيله .......... ذياب : ليش مافي حد ....... فجييها اجوف ...... مهاري : مابا افج ..... ذياب يتنهد : ليش تغااضبيبي ؟ ليش تسوين شي يضاايجني ؟ سمعيني لو مره ! ريلج انا .. مهاري صخت ...... وهو تعكر موده اكثر ............ ذياب : ماكنت متوقع ييتج هذي ... ولما جفتج قلت بنسى كل شي ... بس .... مهاري بانهيار خفيف ,, وبنره حزينه : هييه بس ؟ بس شووه ؟؟ ارمس ... زدتك صح ؟ .. ادري انا كله جيييه ... كل مره بدال ما اخفف عن حد ازيييده ....... كل مره بدال ما شل هم حد اعميييها وازيدهم .... انا جيييه منحووسه .. ماعرف ارمس ولا عندي اسلوووب .. بتقول ياهل ؟؟ هيه انا ياهل .. ياااهل محد ربااني ... يااااااهل عااشت عند الشغاااالات .... كل حد يقول يدها ويدتها ربوها .. أي يد واي يده ... انا الشغالات مربييني .. وما علموني كيف اتكلم ويالناس .... ماعلموني الاتييكيييت و لا علموني استوي ذووق .. ولا علموني استوي ذربه و لا حتى خلوني اكمل دراااااستي ع الاقل واستوي دكتووره يا دكتوور ...... من كل شي يحرموني كل شي ..... شسوي يوم انا غلط .... ولادتي غلط وحياتي غلط وكل الي اسويه غلط في غلط ... انهاارت خلاص ............. ساحت دموعها ع ويهها .. ماكنت تبا تبين هالجانب الضعييف فيها .. بس تعبت من الكتماان .. تعبت من السكوووووت .. يلست ع صخرره كبييره و دفنت ويهها بايدها .. تحظن ايديها وتصيح عـ حالها .. عـ كل الي يستويلها ...... ذياااااب !ّ! شو اقول عن ذياب ؟!! مافي كلام بيووصف الي حساااه ...... الصدمه ... الاستغرااب .. العطف .. مهره الخقاقه !! مهره الدلوعه .. البريئه ... شاله كل ها في صدرها ... اليااهل !! طلعت اكبر عني بلي فيها ... ااخ يا مهره ليش كل هاا يكون فيج وانا مادري !!! شوه اقولج وشوه اعبر لج ؟ كيف اعتذر ..؟؟ كيف ابينلج اني ندماان لاني زودتها وياج ........ كل الي سوااه جابلها ..... يلس مجابلنها بالضبط ... زخ ايدينها ونزلها من ويهاا عـ طول قالتله : حتى زوااجي غلط ..... واكيد بيكون اكبر غلط ..... ماتجوف حالتنا ؟؟ نحن فالبدايه جيه ؟ نتصرف تصرفاات خباال ؟ بس كل واااحد يضر الثااني ... ذيااب يحط ايده ع شفاتها ويسكتها : اشششش .. سكتي خلاص .... مهاري تبا تكمل بس يسكتها : اشش اقولج بس .... بس خلاص ..... الي قلتيه كفاايا علييج ... خوزت ايده ... وقامت ..... نظفت الرمل الي على عباتها .... عدلت شيلتها ... مهاري تطالعه : بتردني المكان الي كنا فيه ولا اتصل في الود ؟ ذياب : ممـهار..... مهاري تعلي صوتها : اتصل ولااا بتردني ؟؟ ذياب بحناان يتقرب منها : زيين بس هدي ...... مهاري : الحين تباني اهدي ؟ ماجفت روحك مساع كيف ترمسني وانا ماسويتلك شي .. كل الي سويته اسالك شوه فييك ؟؟ ذياب يبووس ايدها : حقج علي .... وانا اسف ... انحرجت من الحركه .. تلومت منه وتمت ساكته ............ ذياب : هاا رضت علينا الشيخه ؟؟ مهاري : راضيه مافيني شي ..... ذياب : يومنا منحوس من صبااحه ..... بس حلو لاني جفتج فييه وكنتي تقريبا بقربي طول اليوم .. مهاري : .................... ذياب يتقرب منها ويمسك ايدها .... ويتمشى وياها ع البحر .... مع ان ظلااام .. بس نور القمر عااطي نور حلوو .... شوي حطا ايده ع ظهرها وحظنها وهوه يتمشا وياها ..... وهييه منحرررجه وماتقدر تقول شي ..... كاان السكووووت امبينهم كل وااحد يفكر بشي .... فنص الدرب وهم يمشووون .. نززل لها شوي عسبت يووصل لاذوونها لانها اقصر عنه .. و يهمس باذونها بكل حب : انا ..... وااايد ..... احبج .... والله ..... التفت له بسرعه ... تطالعه بعييوون حاايره ,,,, < مهاري .. اول مره اسمعها والله ...... اول مره حد يقولي انه يحبني !!!!! انا انحب ؟؟ معقوله ؟؟ ذياب زخها يديينها الهنتيين وجاابلها وزااعج : تدرييين شوووه احببج ...... احبببببببببببببببببببببببج " ويصررخ بصوت اعلى " احبــــــــــــــــــــــــــــــــــــج " مهاري ترص ع ايده وبكل دلع : ذيااااااب بس !! بتفضحنا ...... ذياب : ماااايهمني حد ...... احبج .... والله اموت فييييج ........ مهاري نزلت راسها وابتسمت ...... ذياب : يلاااااا متى بنعرس خلاااااص ماقادر امسك عمريييه ...... مهاري مبتسمه ......... رد حظنها باييده وتمو يتمشون لين رن تلفونها ................. الود : الوو . ذياب : هلا ... الود متلومه : السلام عليكم .... شحالك ذياب ؟ ذياب : بخير ربي يعاافيج .. لا تقوليلي تبين تشليينها عني ... الود : هههههههههههههه ... هييه لازم اشلها لين متى استوت 10 ونص !!! ذياب يطالع مهاري بحب : ويعني ؟ ماشبعت انا ...... الود : ههههههههه مش مشكله لاحقين ع بعض ... وين انتوو ؟؟ ذياب : نحن بنييج ... انتي وين ؟؟ الود : في الكورنيش نفس المكان الي يييبتها فييه وماجفتكم ........ ذياب : خلاص دقاايق وبنييج نحن ..... الود : خلاص بترياكم ........ ذياب : مع السلامه ........... وعطااها التلفون ..... وحااس ثمه على انه زعلااان ....... مهاري : ههههههههه يااااالله يالبررريء شفييك ؟ ذياب : بيااخذونج عني .... مهاري مبتسمه : لااااا والله ......... ذياب يقلد ع نبرتها : هيه والله ....... عاااااد ودج انتي تسيرين ادريبج ..... مهاري : حراااام عليييك والله لاء ....... ذياب يطالعها من خاطره : والله لاء ؟ مهاري دزت ويهه : لاا تطالعني جييه ...... ذياب : زيين قلتلج اني احبج ؟ مهاري : هيه قلت ههههههههههههههه ..... ذياب : مادري انتي متى نااويه ... مهاري قبضت ايده بقوو وهم يمشون سايرين صوب السياره ........ وذيااب مستاااانس من حركتها وايد .... حس بالمسؤؤليه .... والحياه ترد له من اول ويديد ... في السيااره ..... مهاري : ههههههههههه ذياااااااااب حرام عليك تسوق 60 متى بنووصل ,, حليلها ودااوي تتريا .. ذياب : ماسوق 60 .. اسوق 70 ........ مهاري : ههههههههه عدلتها يعني ...... ذياب يطالعها وهاامل الشارع : احبج شو اسوي .... فديت هالضحكه الي شاله السياره وهازتنها هز ... مهاري بالفعل يوم تضحك .. ماتسكت بسرعه .. وضحكتها طويله تخلي الواحد ينجبر يضحك ... مهاري : هههههههه زين زين طالع جدااامك .. وصلو الكورنيش ........ مهاري مبتسمه : يالله اجوفك ع خير .. تحمل ع روحك وبلا هالحركااات ..... ذياب : من عيووني .... ( امبوز ) مابا ... مهاري : هههههه ماعليييه بنتشااوف ان شاء الله .... ذياب يفج ايدها عن ايده : يالله سيري لان بيزحم المكان بعد شوي ...... مهاري : ان شاء الله ........ ذياب : مهوور ....... مهاري تصد له .... ذياب : احبج .... ( ويبتسم ) مهاري : ( اونه تكح ) ... يالله مع السلامه .......... وسارت صوب سياره الود .. وركبتها وهييه شاقه الحلج ........ الود : هاااااا بشرررري .. الوضع شكله زييين .... مهاري تطالعها : مشكور ودوووه وايد مشكوره ........ ماتتصورين كيف هالطلعه غيرت وايد اشياء .. الود : افا عليج اختج فالخدمه أي وقت ............. |
بعد اسبوووع ....... " بو الود ونوره للحين في بوظبي " احمد : هههههههههههههههههههههه لا الود خلي عنج ...... عليا : هههههههههههههههههههه لا جد جد ماتصمخر ....... احمد : شوه شكلج مش صااحيه تدرين ولا !! انزييين ماطريتيلي شهود اليوم ؟ عليا : اففففففف لا تيب لي طاريها .... احمد : افا ليش ؟؟ عليا : وايد متغيرررره .. ومستويييه خااااايسه محد يكلمها فالبيت ...... احمد مستغرب : افاا شو مستوي ؟؟ عليا : شو اقولك .... الله يستر عليها بس ..... احمد بحمق : ارمسي شوه صاااير ؟؟؟ عليا : الله يهدييها مادري منو قص عليها فالكلام وظهرت ويااه ... وزيين ان محد عرف غييري .. جفتها الحين بتركب السياره جااان ازخها ....... احمد مصدوم : شوووووووووووووووووو !!! انتي شوه يالسه تخربطييين شووه يالسه تألفييين ؟؟!! عليا : هذا الي صاااار شفييك شال الدنيا ... ما تستاااهل هييه منك هاا كله .... احمد : الود انتي تعرفين شوه يالسه تقولين ؟؟... اناا بخطبها هااي تتمصخر علي ولا في حبي ولا شو بالضبط ؟؟؟ عليا : مااتستاااهلك يا ولد عمي مااتستاهل ظفرك حتى ...... احمد لين الحين مش في وعيييه .............. لالا مستحيل والله مستحيل ........ شهد تعشقني .... انا اعرفها ....... شهد تحب ولا ترمس غيري ؟؟ مستحييييييل ...... احمد : انا الحييييين يااااااينكم يا انا يا هييييه ..... بذبحها بذبحها ............... عليا : لحظــــــــــــــــــــــــــــه !!!!!! طوووووووووووط ...................... شل سويجه وبسرعه طلع من الحجررره ويمشي بعصبيه .... بكل قهرر ....... دعم براااشد .... راشد : اييييييييه .. كسرتني روحي هييكل ... احمد يصارخ : قووووووووووم عن ويهي ........ راشد تروع : شبلااااك احمدوه شو فييييك ؟؟؟؟؟؟ احمد يدزه ويقومه من طريجه ويطلع من البيت ..... ركب سيارته بسرعه ...... وطااير بيت عمه ... وراشد ع طول يوم جاافه فهالحاله ركب سيااارته ولحقه ........... < احمد .. اناااا ا؟؟؟ انا جيه تسوين فيييني ؟؟ تكسرييييين راسي يالحقييره !!!! ااااااخ لو اشوفج جداامي بس .. اذبحج والله اذبحج .............. طييييط ... طيييييييييييييييييييييط ......... الود : بسم الله امنووووه يدق هرناااات جيه جدام البيت ؟؟؟؟ هنوف تطالع مهاري :يمكن ذياب ؟؟؟ مهاري : لاا مش ذيااب ... ذيااب راقد من وقت ....... شهد : بسم الله !! اللهم اجعله خييير ..... الود تلبس شيلتها البيضا وتتبعها شهد وهنوف ............. اما مهاري تمت تطالع من بلكونه البيت .... نزل من سيااارته ... يدق الجرس ويدق الباب بكل قوته ...... لين ما فجوه ...... الود : احمد ؟؟ شفييييك ...؟ احمد : خووووووووزي عني ... يجوف شهد الي منصدمه ووااقفه حذال الهنوف وحاطه ايدها ع قلبها ........... احمد : هاااااااا ؟؟ شبلاج خااايفه ؟؟؟ لاني عرفت سوااااااااد ويهج يالـ ............ !! كل الخوات شهقن !!!!!!!! احمد يتقرب منها ويعقها ع الارض ويضربها من خاطره ... بكساااات وتكفييخااات ... يرررر شعرها وتم يمشي فيييها ... لين ما انتثر الدم في حوش البيييت ............... هنوف مااسكه جتفه : ذبحتهااااااااااااااااااااااااااا ذبحت اختيييييييييي !!! شو سوت ليش جيه تسوووووووي ؟؟ اهنيه لحق راشد ....... جاف الموقف تم منصدم !!!!!!!!!! شو هذا ... شو الي صااير ؟؟ راشد : احمد شوو السالفه ؟؟ الود تضرب ع ويه شهد : شهووود .. قومي تسمعيييني ... هنوف : ايييييه شبلاااااك ماتتحرررك ّّ!!! قووووم ودها المستشفى .... احمد : هه ... تخسي ... انا ماتنزل اشل خاايسه السياره ....... الود تنش وتعطيه كف : جاااااب ..... استح ع ويهك ... حشمنا ع الاقل ... شوه تقول انته .؟؟ تسب اختيييه ؟؟ جييه ان شاء الله شو شاااايف عليهاا ؟؟ احمد بصراخ : شووه ؟؟؟ انتي الي تقولين هالرمسه ؟؟ مش انتي الي متصله وتقوليلي انها تطلع ويا واحد .. شهقت هنوووووف : شوووووووووووووه ؟؟؟ الود بصدمه : نعم ؟؟؟ اناااا بقول جيه عن اختي ؟؟ انتي مش صاااحي ؟؟؟ انت غبي لهدرجه انا ما بستر ع اختيه ؟؟؟ انته مخك مخ يهااال ؟؟؟ اناااا بقول عن شهد جيييييييه !!!! احمد : عيل امنووووووووو ان شاء الله .. توج متصله تقوليلي وتتشكييين وتقوليلي ماعليك منها .... راشد : احمد بس خلاص عطني تلفونك .......... احمد يطلع تلفونه ويكسررره فالحوي ... احمد : يلااااا اتبلووو قولو اني جذاب الحييييين ............... الود : هيييه نعم جذااااااااااب ونص .... ما تبا اختييي قول ماتباها ولا اتسوي هالحركاات .... هنوف : الود مش وقته قووومي نوديها المستشفى ....... راشد ساعد الود وودوها بسرعه المستشفى ........ كانت تنزف وااااايد .................. كل هاليووله مستوييه ....... ومهاري ترااقب من البلكووون ........ ماقادره تطلع !!! هل هو خوف ؟؟ ولا تعقدت من الي دوم يستويلها ...... ها مش اول مظهر تجوفه !! جافت نفسه بالضبط .. قبل 8 سنييين .......... كان عمرها 10 سنواات ........ بو الود يدقق راسها باليداااااار ....... : انا ما قلتلج لا تطلعييييين قلتلج ولا لااااء ... مهاري تصييح : آآآآآآآآآآآآآآآآي .. والله هو زقرني قال بنلعب كوووووووره .. أي أي حراااام راسي لا تضربني دخييييلك ......... وتطيييح عالارض ........ نفس الضرب حصلته ...... بس الفرق .......... آآه يالفرق ..... اني نمت في الحوي وقفل باب الصاله عسبت انا ما ادخل .... خلاني ارقد فالحوي .... كنت بردااانه وخاااايفه وااايد .... اجوف قطااو واصيييح .. احظن عمري واسكت ....... حتى دموعي من تنزل تجف بسرعه من البررد .... تتييبس ع ويهي ....... ارتجف طوول الليل ..... محد يدري عني !!!! ........ الا عقب الصلاه ... تنش الشغاله وتجوفني وتحظني ... وتسويلي كوب حليب .... وتدخلني حجرتها ارقد عندها ....... اممم طول الوقت يالسه اتمشا في ارجاء بيتنا .. اتريا حد يتصل يخبرني أي خبر عن شهد ؟ بس محد كان يتصل غير ذياااب .... ماكنت ارد عليه لاني ماحااسه فروحي ؟؟ يمكن استويت خبله ؟؟ يالسه اوزع ابتساااماات وايلس واوقف مره وحده !! ماعرف شوه اسوي ......... |
==== عقب 4 ساااعاات ===== راشد : شوي شوي .. دخليها شوي شوي ............ الود : شهود حبيبتي رفعي ريلج شوي عسب تقدرين تمشين ......... وعـ طول ودوها حجرتها خلوها تنسدح ع السريررر ...... طلع راشد من الحجره . عسب ياخذون راحتهم ويبدلوولها وجي ...... راشد جاف مهاري تطالعهم باستغراب ابتسم لها ...... راشد : بووه .!! شبلاج .؟؟ مهاري برعب : شو استوا ؟؟ راشد ييلس : ماشي قلنا لهم طااحت من ع الدري .. وتعاون ويانا الدكتور مع انه ما صدق ... ولفو لها الجروح ... اصاابات وايد .. توقعتها تتشلل ... بس الحمدلله ربج ستر ........ مهاري : امم يعني ؟؟ هيه بخير الحين ؟؟ راشد يبتسم لها : سيري لها جووفييها .... مهاري بخوف : هاااا !! لالا مابا .... آآآ .... بسير حجرتي تبا شي ..... راشد ,, يعرف طبعها .... من صغييره وهو يعرف انها مختلفه .. خوفها .. !! ارتبااكها الدووم !! وايد غيير ... راشد : هييه قلاص ماي ولا تسيرين حجرتج كيف تخلين ضيف روحه ..... سارت يابت له قلاص ماي بارد وعطته اياه ..... راشد : مهره شبلااااج .... يلسي ..... مافيها شي ... ما تصدقيييني ؟؟ ( يبتسم ) انا العوزج دوم بس ماجذب عليييج ....... مهاري يلست ....... وعقب سكوت بسيط : ليش احمد سوا جيه ؟؟ راشد يطالعها : تلاقينه فاهم الموضوع غلط ولا شي ...... ماعليج كل شي بيتصلح .... مهاري : .................. هو وين الحين ؟؟ راشد يزخ تلفونه : اتصلبه مايرد عليه ...... ما يا ويانا المستشفى ؟ عقب ما روحنا نحن ؟ هو ظهر ؟ مهاري: لاا ... دش دااخل .... رمس الشغاله ورد طلع ......... راشد يقوم : زيين انا بسير ادوره ..... ( يطالع الساعه ) استوت 12 والحين ابوي بيحتشر علينا .... مهاري : مشكوور .... راشد رافعه حايبه : اخر مره اسمعها منج ... يالسباله ....... ابتسمت غصب : هههههه ... راشد : يلا قومي وصلينيي ........ مهاري نشت .... راشد : هواااامه تحب تسترغد ... يلسي يلسي .. ماعندنا بنات يوصلن ريااييل .. يالله قري مكانج ادل الدرب .... مهاري : زيين يالله مع السلامه ....... راشد : زين جاملينيي ع الاقل قوليلي لا افا عليك ولد العم بوصلك لمقداارك الغالييي ولانك عزيز علينا .. مهاري حاست ثمها : لعوزتني تراك .! راشد : وهذا المطلوب .... يالله تبين شي ؟؟ مهاري : لاء ..... راشد : اكييد ؟ مهاري : يعني شوه ابا مثلا الساعه 12 !! ابا فرقااااك .. يلا سير ...... راشد : تدرين قويه ؟؟ مهاري ضحكت : ههههههههههههههههههههههههههههههههههه .. راشد : بس مشيتها لج .... يالله مع السلامه ......... مهاري : الله يحفظك ............. الود طلعت من حجرت شهد ........ وتطالع مهاري ..... الود : اذا احتااجت شي زقريني في الليل !! مهاري : هاا ؟؟ لالا انا برقد في الحجره الي تحت .... الود باستغراب : ليش شوه عندج ؟؟؟ مهاري : آآآآ لانـ .......... الود بعصبيه : لا تستوييين ياااهل عااد .. من شوه تخاافين ... ؟؟ الا اختج .. اذا احتاااجت شي زقريني .. يعني ما فارقتييها يوم صغيره الحيين تبين تستقلييين في حجرتج ؟؟ ولا عرستي وكبر رااسج ...... هنوف تزاعج : الود خلااااص ! مهاري ساكته ................!! دخلت الود حجرتها وهيه معصبه ...... شلت لحاافها ومخدتها ....... وظهرتلهم مره ثانيه ...... الود تطالع مهاري :الحييييييين تشلين كل اغراااضج وتنزلين تحت .. بسرعه مابا اجوف لج غرض واحد اهنيه .... هنوف : ودووووووه !!!! خلااااااص عاااد ....... الود : انتي لا تدخلييين .... " تطالع مهاري " سمعتيني شوه قلت ؟؟ يالله بسرعه ... مهاري بهدوء : بشلهن باجر...... الود : قلتلج الحييين بسرعه !!!!! ماتفهمين انتي ؟ مهاري تزااعق : مش امييه انتي ولا ابويييه مايخصج فينيي .. لا تيلسين تتحكميين فيني ... انا اكرررررهكم اكرررررهكم ................ تركض صوب الدرري وتنزل بسرعه .... سايره صوب المطببخ ..... تربع وراها هنوف ...... مهاري ماسكه سجييينه وحطته ع شرااييينها : لو تقربتي مني والله ترى ,,,,,,,,,,,, الود تدخل : اذبحي عمرج يلااااااا.... يلا لو فيييج خير انتي ياااااهل انتي وحده جبااااانه ..... انتي تسوييين جييييه ؟ هه ؟؟ تقطع مهاري شريانها بالسجيييين بكل قوه ...... الدم يصطب .............. ............................................ مهاري تصارخ : آآآآآآآآآآآآخ يماااااه ............ شهد فجت عينها وبكل تعب : آآخ ايدي ,, مهاري بلاج ؟؟؟ الووود " تعلي صوتها " هنوووف ... تركض الود : شهد شبلاج ؟؟ بسم الله عليج شو فيج ؟؟ " تطالع مهاري المرتعبه وويهها معرق " مهوور شو فيج حبيبتي ؟؟؟؟؟ مهاري حاطه ايدها ع قلبها مار ايمه تنطق ............. : ماي ..... هنوف يابت لها ماي بسرعه : اندوووج ....... وشربتها .... الود : حلمتي بشي ؟؟؟ مهاري صدت يمين شافت شهد تتحررك وتطالع مهاري برعب والدم طالع من ورا اللفافات .... يعني هذا مش حلم ؟؟ شو الي حلم .. ؟الضرابه يمكن !! مهاري : اضاربنا ؟؟ الود : انا وانتي ؟؟ مهاري: هييه ؟؟ الود : لا قلتلج سيري رقدي عند شهود .... ودخلتي سبحتي ورقدتي ....... شهد تتحرك : سمي بالرحمن الغاليه ..... ولا تحاتيني مافيني شي ..... تنهدت مهاري ..... ياربيه شو سويتلهم انا !! زوبعه الله يهدييني ....... الود : مهور احسن الحين ؟؟ مهاري : برقد في الحجره العنابيه .... نظييفه ؟؟ ابا ارتااح روحي شوي ... بترقديين عند شهود ؟؟ الود : هييه نظييفه .. كل يوم اخلي الخدامه تنظف سبحاان الله لو حد ياانا ... براايج سيري ... انا برقد ويااها .. مهاري : يالله تصبحون عـ خير ....... شلت تلفونها وسارت ........ اول ماسارت .. تمت وااقفه عند البااب تشم ريحه البخووور ..... وااو شاله الغرفه شل ... شغلت المكيف ... وقصرت عـ صوت القران الي كاان مشتغل في الغرفه ........ وانسدحت ع السرير .......... تمت تلعب بالتلفون .... تغير تنسيق الاسامي .. وتزخرف ... وتجوف الصور ..... خطر في بالها تتصل فييه ... بس هو ماتصل موول اليوم ... بس طرش مسج انه بيرقد من وقت اليوم .. بطرش مسج احسن ............ " اييحم .. شوه يسوون ؟؟" < ذياب .... منو عبرني وطرش لي مسج في هالليل ........... .. انزين ليش ما تتصل ؟؟ عايبنها تتواصل بالمسجاات دوم ويايه ؟ يعني لو انا ماتصلت ما بتتصل الانسه .. " ما يسوون شي " " ليش مارقدت ؟؟ قلتلي بترقد " " ما ياني رقاد " عقب ربع ساعه ....... < ذياب .. وينها ؟ اكييد رقدت !! ..... افففف .... " رقدتي ؟؟ " " لا منسدحه عـ السرير واسمع قران " انشرح صدره " امممم عادي اتصلبج ؟ " " اكيد عاادي " ........... طوووط ............. مهاري : الووه .... ذياب يتنهد : حي هالصووت ...... مهاري تبتسم وتسير تبند القراان لين تخلص مكالمتها : يحييك ربي .. علومك ؟؟ ذياب : من اسمع هالحس استوي بخيير ...... شحالج انتي ؟؟؟ مهاري :امممم الحمدلله .... ذياب : شي فييج ؟؟ مهاري : مممم استوت لنا سالفه ..... ذياب : خير ان شااء الله ؟؟ وخبرته ........ ذياب : ممم تلاقينه فاهم شي بالغلط او واصلنه شي ..... مهاري : مماادري .... ذياب : ماسمع حسها عيل ؟ مهاري : انا في حجره روحي ... ذياب : ليش ؟ مهاري : بس .. ابا احس بالاستقلااليه شويه .... ذياب : ياااالله ع المصطلحااات يالمثقفه " مهاري : تنطنززز ذياب : افاا علييج حد يطنز علييج انتي ؟ مهاري : هييه انته ..... ذياب :هههههههههه ..... ........... ذياب : ممممم تدرين كم باقي ع عرسنا ؟؟ مهاري برجفه : 6 ايام بالضبط ....... ذياب : امم وشوه شعورج ؟؟ مهاري : مماادري !! انته شو شعورك ؟؟ ذياب : اناا !! انا اتريا ..... باااكلج تدرين شوه باكلج .... مهاري : واااااايه يا مفترري حرام عليييك ...... ذياب : شوه تتحرييين .... من متى اتريااا انا ..... مهاري : ........ ذياب : ليش ساكته ؟؟ مهاري : ماعرف شوه اقول ..... ذياب بخبث : قولي احبك ..... مهاري تشهق : شووه !! ذياب : بسم الله ! خلاص خلاص لا تقولين شي ................. مهاري : ........ ذياب : خلصتي كل شي ؟؟ مهاري : كل شي !! ذياب : يعني سوالفكن انتن يالبنات ... فستاان وهالسوالف ؟ مهاري : هههه هيه خلصت ... ذياب : ويين تبين نسير شهر العسل ؟؟؟ مهاري : مااعرف !! ذياب : يعني وين في خاطرج نسير ؟؟؟ مهاري : ماعرف ... احب إيطاليا وآآيد ...... ذياب : امممم زيين ... عـ خير ان شاء الله ... متى ناويه ترقدين ؟؟ مهاري : ماادري مافيني رقاااد ..... ذياب : زييين عيل انا ورااايه دواام بااجر ... بخلييج بسير ارقد ... مهاري : لاااااا والله وتخلييني روحي ... ذياب : هههههههههههههههههه " يقلد ع صوتها " لاااا والله .. وتوج ذكرتييني !! مهاري : تم ويااااااي والله مافيني رقاد ...... ذياب : انا دكتووور .. لازم باجر اكون متنشط ... عسبت اسمع المرضى عدل ... مهاري : انزين اسمعنيييه انا ....... مريضتك .... ذياب : انتي !! انتي حبيبتي والله ...... مهاري سكتت .... ذياب : ههههههههههه ياويلي ع الحيا ... ياويلي ع الي يستحون انا .... مهاري : خلاص خلاص يالله سير ارقد .. ذياب : عاااااااد انا مابرقد الحين ....... مهاري :لاااا والله وانا ابا ارقد ..... ذياب : مشكلتج والله محد قالج اطرشيلي مسج .. تتحملين مسؤؤلية الغلطه الي سويتييها .... مهاري : هههههههههه ..... ذياب : مهاري ما قلتلج ؟؟ مهاري : لا ماقلتلي شوه ؟؟ ذياب : كيف مااااا قلتلج .. مهاري : شووووووه خوفتيينه ... ذياب : احبج ..... مهاري سكتت .......... ذياب نقع ضحك : هههههههههههههههههههههههههههههههههه مهاري : دب لا تسوي جييه خوفتني والله ........ ذياب : فدييييت الي خاااااااف انا ..... مهاري : خلاص ذيااااااب جد جد يالله سير ارقد ..... ذياب : زييين يالله تلحفي انتي بنرقد مع بعض ؟ مهاري مبتسمه : لا والله ؟ ذياب : هييه يالله قومي سكري الليت ............ بسرعه يلا يلا لا تنااقشيني .... مهاري : هههه انزين ...... قامت سكرت الليت وشغلت الابجووره ..... وانسدحت وتلحفت ...... ذياب : احبج ..... مهاري : ............. ذياب : اموت فيج مهور ... الله لا يحرمني منج ........ مهاري : يلا ارقد ذيااب وراك دوام باجر ......... .................................................. ...................... |
7 الصبح ,,,,,, راشد في الميلس طاايح ع الغنفه ,.. مصدع ع الاخر ..... احمد يدخل : شوه بغييت !! حشرتني وانته تتصل ؟ راشد يوقف له : ومتى متصل بك اناا هاا ؟؟ متصل نص الليل .. ألحين يااي !!! احمد : عندك شي قوله !! راشد يعطييه تلفونه : جوف ... منو راعيه هالمسج ..... احمد يقرا " احمد اتصل بي ضروري ابي اكلمك " احمد يطالعه : شعرفني فتلفونك انا .. راشد بعصبيه: هاااااي بطااقتك شليتهاا انا عقب ما حظرتك كسرت التلفون .... وحطيتها بلتفوني وصل هالمسج ... تعرف منو راعييه ؟؟ احمد يجيك ع الرقم : هييه .. الود .... راشد يبتسم : تأكدت الحين انك ثوور ...... هااي وحده تحدتني ان تفرق بينكم .. وشكلها سوتها ... يالغبي .. وين ثقتك ؟؟ ماشي ثقه موول ؟؟؟ لهدرررجه وحده قصت علييك !!! يربت ع جتفه : مادري كيف بتصلح الي سويته الحين ...... الله يعيينك .... وهذا سبب انتظاري لك .. جان ودك تروح روح .. ولا اقولك .. ثرك من الصدمه ما بتروم تتحرك .. انا الي بظهر بسير اجوف بنت عمي .... < احمد ........ خلاااااص انا انتهييييت يا نااااس انتهيييت ....... ضاع كل شي !! كل شي تبخرررر ...... حبي !!! اااااخ انا كيييف صدقت وحده مثل جييه !! بس هيه لعبت الدور عدل ...... مثلت انها الود ...... شهد لازم تعذريني ...وربي بذبح روحي لو صار الي في بالي .... تمت الافكااار ادور به ...... يحس بالضعف والانهيار ....... كل شي حلمه يجوفه الحين يتبخر بشويش ...... ع اساس بالباجر بيخطبها ...... بيفاااجئها .... يااااويل حالي ع كل هذا !! ان شااااء الله حلم .... انا يالس احلم ......؟؟؟ لا والله هذي الحقيقه والوااقع ...... الواقع المؤسف ... == في بيت بو الود === رن منبه الود عسبت تنش للدواام .... ع طول سارت عند شهد ووعتها : شهد ... شهووده ؟؟ شهد تفتح عينها وبتقطيييع : آآآآانا احسـ ـ ــ ـ ن .. لا تحآآتيـ ـ ـن .... ( ورقدت ) الود حبت راسها وظهرت من الحجره ..... سارت تتغسل وتتلبس عسبت تسير الدوام ........ ........... طق طق طق ........ ام ذياب : ذياااااب ابويييه ... ذياااااب نش يلا دوام ... بتتأخر يلا قوم الريووق زاااهب .... يا ذياااب يلا ... ذياب يزعج : ان شاااااااااء الله اماااايا خلاص لا ادقيين .... ناااااااش ناش ....... انزعجت مهاري من الصوت وانتبهت انها حاطه السماعه فاذنها ..... تثااوبت وتمددت عـ الخفيف ... ذياب شاق الحلج : ياويلي ع قطوتي الي تتمدد ... صبااح الخيير الحب .......... مهاري تفج عينها : صباح النوور ... انت الي بداوم انا شلي تنششني ..... ذياب : امنف عليج كيف تخلين ريلج يسير روحه من غير لا تقوليله حتى كلمه سنعه هاا .. لو خطفوني عنج اتحني عقب انزين .. مهاري مبتسمه : محد بيخطفك يالشييبه .... شو يبوونك ؟ ذياب : قولي خسف عسبت تستوي المره الثالثه الحين ..... مهاري ضحكت بتعب : هههههههههههههههههههه ياربي ,, انت بعدك ذااكرنهن انا كنت امزح ويااك . ذياب : يامزحج هذا ...... مهاري : انته ليكون ناوي تسوي جيه كل يوم ؟؟ ذياب بخبث : شوه كل يوم ؟؟ مهاري : تتصل وترقد لين الصبح ....... ذياب بخبث اكثر : لا الغاليه مش كل يوم ... بس كمن يوم ..... مهاري : هيه اتحرا .... ذياب : هييه ترا بتيين عندي عقب مافي داعي اتصل ... مهاري قفطت وستحت : هاا !! ذياب يضحك وصوته خباال وهو ناش من الرقاد : ههههههههههههههههههههههههه ,, مهاري : يهالويه ..... تدري صوتك حلو يوم راقد ..... ذياب : انتي تمدحيين حد !! يااالله من وين ظاهره الشمس ..... مهاري بدلع : ايييه عااد ..... ذياب :ياروح الاييه انا ... ههههههههههههههه ,,, لو تسمعين صوتج عيل ... مهاري : احم احم ... ذياب : مادري كيف انا مستحمل ورقدت ع هالصوت ....ز مهاري فاجه عينها : هااا ؟ ذياب : اقصد من حلاته يعني .. مهاري : اطنز اطنزز .... ذياب مبتسم : والله ماطنز فديت صوتج انا وحسج ونصخج يخبلووبي .. ماتجوفيني مارقد الا علييه .. وماصبح الا عليه من حلاااته ......... سكتت ......... ذياب : وبعدين يالعيوز نششتج حق صلاه الفجر مارضيتي تنشين اصلا مارديتي عليه بس سكتيني .. مهاري بصدمه : هاا والله ماحسيت !!! ذياب : ادريبج ما حسيتي لاني سمعت وحده من خواتج ادق عليج بعد ولا رديتي ع حد ,, مهاري مبتسمه : كنت مسطله .... ذياب : مسطله هاا ... لازم راقده ع صوتي كيف ما بتسطلين ههههههههه ,, مهاري : ياربيه ع الخقه ... يلا قوم سير دوااامك ....... ذياب : مره ثانيه انتي تقوميييني مش اميه سمعتي .....؟ مهاري : هههه ان شاء الله .. ذياب : يالله حبيبي كملي رقادج وانا بقوم اسبح .... مهاري : ممم تحمل ع روحك ..... ذياب يتنهد : اذووب والله ...... مهاري باستغراب : تذوب من شوه ..... ذياب : منج .. اتخبل عليج يوم توصيني ع روحي .... مهاري : هههههههه ,,, زيين خلاص يالله روح عن تتأخر ..... ذياب : زيين مهوره ماقلتلج اليوم ....... مهاري : ماقلتلي شوه ؟؟ ذياب : اني احبج ...... مهاري استحت : يااااربي منك يالله سير ...... ذياب : سير ولا واير ... ويضحك ههههههههههههههههههههههههههههه .. عاد وين بيحصل مهاري .. يوم تضحك خلاص ما تعرف روحها .. كيف لو تضحك من خاطرها ... ذياب : واااااااااااااااااافديت هالضحكه انا ........ مهاري ماسكه ثمها : واي واي .. سخافه ع الصبح ههههههههههههههه يالله يالله قووم ... ذياب : قوم ولا عشيره .... خلاص خلاص اخر مره ههههههههههههههههههه مهاري: هههههههههههههههههههههههههه " تزاعج " بذبحــــــــــــــك خلااااص ... ذياب : ذبحييييييني كلي فداااااج والله .... مهاري : زييين ذياب ... ذياب : هاا ؟؟ مهاري : شو ها ؟؟ ذياب : زقريني مره ثانيه ؟؟ مهاري : ههههه ذياااااب ...... والله بتتأخر انت اليوم .... ذياب : ياااروح ذياب انتي .... والله بتدوخيني .. خلاص مش امداااوم ... خليني بتم وياج احسن لي من مجاابل المرضى ........ مهاري : يلااا عاااد .. بلا دلع ....... ام ذياب : ياااااااا ذياااااااااب ....... ذياب يقوم وهو زااخ تلفونه بايده والسمااعه فاذنه ولافنها ع ثمه بطريقه كول ..... يفتح البااب ويبوس راس امه ......... ام ذياب : ما بغيت تنش ....... ذياب يحط السماعه فاذن امه .. وهو حاط السماعه الثانيه فاذنه ..... ويغمزلها ... ام ذياب : الووه ؟؟ مهاري ملتوووووووومه من الخاطر تحمحت عسبت يتعدل صوتها وحتى قامت من الارتباك :.... مهاري: هلا خالوووه ... السلام علييج ....... ام ذياب متهلله : وعلييج السلاااام .... صبحج الله بالخير بنتييه ..... لو ادري تكلمينه مازعجتكم سمحيلي .... ذياب متلذذ بلي يسووييه .. < ذياب .. برااااويج يالخجوله انتي ... يااااالله لو اشوفج وانتي جيه مستحيه والله باكلج اكل .. مهاري متلومه اكثر : لااااا خالوووووه لا تقولين جييه ..... انا الي مستحيه منج والله ... ام ذياب : لا فديتج ليش تستحييين .... هذا ريلج وانا حسبت امج ... مهاري : ................. ذياب حس بتوهق مهاري ....... : هااتي امييه عيبتج السوالف ويا حرمتييه .. هههههه ام ذياب : مافيك مذهب ...... يالله بسرعه بيبرد ريووقك .... ذياب : ان شاء الله ...... وترووح عنه وهيه تدعيله .,......... ويسكر الباب .............. ام ذياب : ياالله فديتك يا ذياب .... ردت لك روحك هالبنت ... عرفت اختار ... الله يسعدهم يااربي ... مهاري : اسكت اسكت عنييي اتعرفنيييي استحي .... ذياب : ياااا حيااااااج هذاا .. الا امييييه عاااادي ....... مهاري : لالا انزيييين جاان قلتلي ع الاقل اعدل صوتي .... انش ... ذياب : لاااااااا والله !!! عيل انا عااااادي ..... مهاري : ,............. ذياب : هههههههههههههههههههههه هيه هيه صح ريلج ريلج انا .. وافديتها ياربي ... مهاري : والله طفس ........ ذياب : والله احبج .... مهاري : يالله انزين قوووم سير ماسمعت خالوه شو قالت ؟؟ قالت بيبرد ريوقك ذياب : خالوه منو ؟ مهاري : بدينا عااد بدييينا ...... ذياب : لالا خلاص .. يالله حبيبي .... بكلمج بعديين .... مهاري : اوكييه ...... مع السلامه ....... ذياب : ربي يحفظج ..... وبندو ........ مهاري طايحه ع السرير " هذا الله يستر من فاتوره تلفونه ... بيخليها روحها مصرف اذا تم جييه " وتبتسم .. وردت انسدحت ... وصلها مسج ........... " لا ترقدين نشي صلي لانج ماصليتي .... وعقب رقدي جان ودج .... احبج " ابتسمت من خاطرها ... ساااااااااااحر ههههههه ..... والله انه سااحر ... وشكله بيسحرني جريب ... ودخلت تتيدد عسبت تصلي ..... ....... في المستشفى ...... يدش بابتساامه بااهره ... الكل يطالعه ......... داايما ملفت الانتباااه ... بغرووره وشمووخه .. وحلاااته ورزااانته .. يمشي ما يطالع الا دربه ...... .. : صباااح الخير دكتور ذياب ,,, ذياب مبتسم : صباح النور دكتوره هند .. عن اذنج ... هند : ......................... وغاب عن عينها ....... تيها دكتوره ثانيه ربيعتها ........ : هااا العاشقه .. والله ما بيسوي سالفه في يوم ... هند تطالعها : يقهرررررررررررررني مادري متى بيحس ..... لميا : ليش يحس ؟؟ حرمته ملكه جماال . شوه يبا اكثر ...... هند : ياااالله شوه نقول .. الله يهنيييهم ........ يدخل المكتب ...... يلبس معطفه الابيض ... يجييك ع روحه ... وييلس ع المكتب ... تدخل عليه .. النيرس .... النيرس : صبااح الخيير ... ذياب : صباح النور .. لا تقولين عندنا موااعيد وايده اليوم ؟؟؟ النيرس : هييه وايد وايد .. ذياب : ياربي .. كنت ناوي اظهر من وقت ..... حد يا لين الحين ؟؟ النيرس : هييه الحيين بي عندك عبدالله الي امه وابوه وحرمته ماتو .؟ تحييده ؟ ذياب : هييه هييه بجوف ملفه الحيين ... هو برع ؟؟ النيرس : هييه .. بس عقب ساعتين بنسير مستشفى ***** دكتور خالد طالبنك .. ذياب : ليش ؟ النيرس : عسبت واحد مسوي حاادث وما بيقدر يمشي .. ويبونك تفهمه وتقوله ... ذياب : خلاص ماعليه ... دخلي عبدالله ....... النيرس : ان شاء الله ,,,,,,,,,,,, احمد بعده في الميلس .. يفكر ويفكر ..... مايعرف شوه يسوي ؟؟!! تعب من التفكييير ... محتااااار ... حس انه خسر كل شي ....... ماشي غيير ...... غير اني اجوفها اليوم ... ولازم نتكلم ونتفاهم ...... دام ابوها محد لازم اكلمها ..... ............ |
| الساعة الآن 12:38 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir