|
بطرش واللي فيها فيها.. ((ياضايق الصدر بالله وسع الخاطر...دنياك يازين ماتستاهل الضيقه.....حسايف الحزن يغشى وجهك الطاهر...والود في وجنتك حرام تغريقه...يفداك قلب على ماتشتهي حاضر....يفداك باللي بقى لي من معاليقه ...مافات خله ولاتهتم من باكر )) يالله ليش طرشت هالمسج انا اوصف حالي اباا اريح حالي طرشت هالمسج اففف غباااء بس يالله والله خايفه من ردت فعله احسن لي اروح ارقد وباجر بشوف الرد..حطت التلفون صامت ورقدت... كان في دبي في بيتهم الثاني... اول مارد فريج بوذياب سكنو دبي لان بوذياب تعب عليهم ورقدوه في مستشفى خاص في دبي ولاقدر ذياب يفارق ابوه حتى خف من الويع وردو في بيتهم اللي في دبي..كان يالس فالصاله يطالع التلفزيون وتلفونه عالطاوله..ياه المسج قام اييبه ..(رقم غريب ..)قرى المسج ..(من هذاا..يالله ع العوق ضارب ضرب هيه والله اني ضايق)طرش..((من أنت.؟؟))تريا الرد بس ماحصله بعد ربع ساعه دق بس نفس الحاله مارد..(اكيد هذا حد غلطان....احسن لي اروح اوطي راسي ورايه مستشفى..يالله ياكريم..)هذا حال الذيب اللي عيونه من التعب والسهر ذبلانه..وحالته النفسيه ماتسر يحاتي ابوه ..ومناك شال هم ناس ماشافهم من اياااااااااام..ايااااااااااام.. الجزء 36.... قام حمد..وراح بيت عمه اللي مافيه حد غير حامد ..يزاه الله خير حامد خلاا السياره ورد عند الدريول في سيارته....دخل من البوابه يالس يطالع بيت عمه....(يالله هني بتي ياليازيه...هذا بيتج الثاني...بتعيشين بين أحضان ريال ثاني...آآآآآآآآآآآه يالقهر........)ويعطل حامد من الميلس وسار صوب سياره حمد..... قامت مريم..ونزلت تحت ادور خوها فلقت اهلها مع بعض يالسين فالصاله كلهم معد الريم وحمد...... مريم:السلاااام عليكم.... الكل:وعليكم السلاام.. وتحب راس ابوها وامها.. ابو سعيد:يامرحبا والله ببنتي.. مريم:هلا فيك ابويه...ألا بتخبرج امايه بوشهاب وين.؟؟ سعيد:شوه تبين فيه؟؟ مريم:بس جييه اتخبر... ام سعيد:راقد من امس فالعزبه ولا ياا.. مريم:هيه... راشد:الريـم وين؟؟ مريم:ما ادري فوق.. راشد:بروح صوبها... سهيل:يالله متى بروح بويه العزبه.. بوسعيد:عقب شوي ..ازقر عالهنود يحملون السامان,,وخل محمود اييب اللبن... سهيل:فالك طيب... في بوظبي... بيت بو محمد ..فريج بوخليفه ساكنين عندهم.... ام سالم:يالله ياكريم..ألا متى تبونا أنرد..؟ بوخليفه:ان شاء الله بنسرح العصر.. بومحمد:افااا..مايلستوو ألاا يومين.. بوخليفه:العرس ياخويه قريب مادونه شي ..والحريم يبن يخلصن بسرعه..وراهم سيرات العين ودبي وبوظبي... ام خليفه:هيه والله....ورانا اشغال ..وانتو ماقصرتوو.. ام محمد:الله يعينكم ويعينا بعد........ عند البنات........ موزة:يالله عااااده الحين بتعرسن وبتخلنااااااا... علياء:ههههههههههه من قال بنخليج انا بيي عندج العين... عايشه:وانا ألاا يارتج وعرس اب حوله.....واليازيه بتيي عندج.. العنود:آهئ آهئ انا بيخلنيييي...... موزة:ههههههههه والله انا قلت بيخلني حيكن ..مسكينه ياعنود.. العنود:مسكينه في عينج...عااااااااادي.. علياء:عااااااادي اروح عنج...؟؟؟ العنود:هاه مب رايحه مكان ولا بتسافرين الا العين فرت حصاه... عايشه:هههههههههههه صدقها....... اما بيت بومبارك كان ماحد فالبيت بومبارك سارح من الصبح عنده شغل ..اما مبارك وسهيله واليازيه رايحين من الضحى السوق يخلصون زهبت مبارك وطبعا عندهم خلاته وبناتهن..وراشد حليله نايم سااااابع نومه.... فالعين..... بيت بوخليفه... حامد:هاه بشرني شوه مسوي الحينه.؟؟ حمد:ماشي ...... حامد:لاحول يابويه انسى... حمد:........... حامد:خلنا نروح بيتكم هلك الحينه يحاتونك واكيد الحينه ابوك فالعزبه ومالقاك بيتصل بمك وبتواشل عليك..خلنا نسرح.. حمد:............. حامد:انزل اقول لك..انا بسوق.. حمد:هب نازل وانا بسوق..يلاا.. حامد:الله يهديك... لف حمد ع دربه عاالاستيديو واشترى له سي دي وشغله...... عند الريم........ اول ما قامت الريم شافت المسج والاتصال..ارتبشت وتم قلبها يدق بسرعه..قالت خلااااااص هب مطرشه زود ماطرشت....بعدين قلبها عورها ردت عليه بمسج يقول."" .. تعـــال .. اصغت لك الروح .. مفتونة .. وتهمسلك " تعــال "عـلّ الأمانـي بتغريـدك تجـي علّـهـا! تشوـوـوـوـوف..؟هالروح جـات ... ولا تحـط احتمـال مـادام فيـك احتمـالات الهـوى كلّهـا..!!"" وساردت عقبهاا الحمام..دق الباب راشد ودخل لقاها تتسبح ..فتح لابها يبا يطالعه...وشوي... كان توه قايم من رقاده الثقيل اللي ماله طعم يرقد مهموم وينش محموم من هالتفكير...شاف المسج...(من هذا ياخي لالا مستحيل مغلط انا بدق واللي فيها فيها... كانوو فالدرب شغل حمد.....حسين الجسمي موال غلطة حبك وغلطتها وأنا اتحمل غلطتي حيل بي وبعد خلها تحرق خدودي دمعي ياويلي آآآآآآآه غلطة حبك وغلطتها وأنا اتحمل غلطتي حيل بي وبعد خلها تحرق خدودي دمعي وبعد حيـــــل أووووه وبعد حيل عيوني أبكت برشة تعمن من حسرتي آه ياروحي حيل فيك مين يشيلك إن وقعتي عفتي كل الناس ليش عفتي كل الناس ليش........... بند حامد المسجل..... حمد:شفييييييك.؟؟؟؟؟ حامد:لاوالله حاط لنا هذاا شوه تباا فيه اتنه تعذب عمرك اكثر واكثر.. حمد:خلني فحالي.. حامد:تحلم........ويالله سوق ومانباا لا اغاني وهم هم يحزنون....... حمد:بس.. حامد:والله لو دريت بك نازل تييب هالسي دي والله يحلف ماتنزل..يالله حرك.. يالس راشد عالسرير وفاج النت..وتلفون الريم عداله صاح بس كان محطوط عالشاشه شله بدون مايطالع الرقم.... راشد:آلووووووو.. ذياب:مرحباااااااا.. راشد:مرحبتين السااع.. ذياب:شحالك.؟؟ راشد:بخير وسهاله..من وياي.؟ ذياب:انت مطرش مسج ..يمكن بالغلط انته من الشيخ.؟؟ راشد:انا لاماطرشت..(ارتبش راشد ماعرف شوه يسوي قال يمكن الريم مطرشه بالغلط فهو مايبا يقول لريال انه تلفون اخته.)هذا تلفون راشد بن بن الشامسي... ذياب:والنعم(معقووووووووووله هذا راشد خو الريم..؟؟)اهاا السموحه منك الشيخ غلطان انا طلعت..؟؟ راشد:بالحل... ذياب:عيل فداعه الله.. راشد:مع السلامه.. اممممم معقوله ماخذه رقمي ولا تشابه اسماا لالا مستحيل تشابه اسماااا..بس يالله لو هي فديييييييتهاااااا ذكرتني وانا اللي تناسيت يالله... الريم توها طالعه... الريم:هاه الشيخ شوه تسوي.؟؟ راشد:ماشي اطالع المنتديات..اه صح واحد اتصل غلطاان... كان مسمر ع شاشه اللاب.... الريم :(يوووووويلي يمكن ذيااااااااااب بشوف...هيه والله ياميييييي ...معقوله ماشاف الاسم)رشود شوه قلت له.. راشد:هاه..ماشي تخبرني عن مال من قلت له مالي بعد عيب اقول مالج وبس.. الريم:قلت له اسمك.؟؟ راشد:هيه... الريم:وكم رقمه.. راشد:تصدقين حتى ماطالعت.. الريم:(الحمدلله..)اهاا...........(يمكن الله راد ان رشود يرد ويدري انيه اناا..) فالصاله.. يالسه ام سعيد وعندها مريم اما الباقي طلعوو... ام سعيد:وين هااي الريم يلاا خليها تيي خلاتج الحينه بيين وبروح السوق.. مريم:اوكيه بروح لها الحينه.... ام سعيد:انا بروح اييب عباتي... دخل فهالوقت حمد وحامد..سلمو ع ام سعيد بس ما ابطو مايباا حمد يسمع طااري الاعراس اللي بيسوونها نفس الوقت ..حامد ماقدر يتخلى عن خويه فكر فالريم لو استوى به مثل خويه شوه بيكون الموقف..الله يعين... وهااي حالت العايلات يزهبون النسوان والريال يستقبلون التهاني ويسوون الخيم للمكسار والحاله لله... اما حمد فعايش حاله يعلم بها الله اولا وبعدها خويه حامد..ااه يادنيا حرمتيني من اعز الناس لقلبي....هذي حالت حمد...اما ذياب فسمع من امه ومن خلاته وعماته عن عرس الشوامس اللي بيسوونه فبوظبي عرس جماعي للعايله ..وسمع ان الريم مخطوبه وبتعرس فيه مات قطر تم يتصل عالفون اللي الريم اطرشه له منه بس كان مغلق لان الريم مافضت كل يوم دبي والسوق وحشره خلاتها ينامون عندهم وماتقدر تحط نفسها فشوبهات فيوم ترد من السوق خلاص تعبانه مافيها حيل تنام ولين تقوم البيت كله حشره..اما ذياب فكر وتأكد انها خلاص بتتزوج ظرب بفون فالارض لين انكسر من القهر......كان فغرفته(ااااااااااه ياالريم تعلقيني يومين وبعدها تغلقين التلفون ...وبتعرسين عني ولا انتظرتي لهدرجه هاااااانت عليج احلى الساعات اللي عشناهااااااااااا.........ااااااااااه..)حط يدينه ع ويهه ويلس يصيح من الخاطر طلب من ابوه انهم يسافرون برى عسب العلاج مايباا يعيش هالاسابيع فالدار يبا يبعد بأي طريقه.....فوافق ابوه وسافروو وترك الريم فحيرتها وتسائلاتها....اما محمد فرد لبلاد وهو بعده ماخلص بس اخذ اجازه وكلم ابوه عسب يخطب مريم وتكون خلاص له محيره وطبعا وافق الابو وحيروها خلاص له وبيعرسون الصيف الياي ...فرحت مريم ماحد يشلها كانت فرحانه وان محمد ماخان العهد.....وعلياء كانت تترتب ليومها المنتظر وكل بنات خلاتها واللي يقربن لها عدالهااا والفرحه ماتشلهااا الارض...وبعد اليازيه نفس الحاله وريما بعد...كل اهلها اللي فسورياا يوو بيتهم اللي في بوظبي ...حتى الشبيبه كانوو مستانسيين ويرتبون والحاله لله مساكين يتريوون اليمعه بفااااااااارغ الصبر....<<معاريس لاتلومونهم... اماا حامد ماقدر يتقدم لريم لين يسألها فيس تو فيس خايف يتقدم ترفضه ...اما اهيه سمعت من امهاا ان ذياب سافر عند ابوه وامه بتيي العرس ..ماتت قهر شفيه هذاا ليش اني ماكنت اطرش له ولا ارد ع اتصالاته يسوي جييه لييش ياربي شوه سويت هذاا يزااي....الله يسامحك ياذياااب الله يسامحك..كانت تصيح من الخاطر كانت تتنهد وتحس الروح تطلع من درت بسفر ذياب ....ماكان حد حاس فيها الكل مشغول بفرحته معد اهيه ماياا اللي تبااه عسب يقول لها يالله انا لج وانتي لي باخذج ع سنه الله ورسوله قبل العرس بيوم... في بوظبي كان جوو ربشه يوم المكسار كان واايد حلوو ومرتب الكل ماقصر ..كانت كل عروس بزهبتها الخاصه سوو خيمه كبيره قدام بيت بو محمد وقسموها لثلاث زهبت سعيد وزهبت علي وزهبت مبارك...وسوو حفله عقبها مشاء الله رووووووووعه ومسيرات من العين لين بوظبي <<تعرفون الشباب مايصدقون من الله....الكل بات في بوظبي لانه ثاني يوم العرس الجزء 37 والاخير..... 5:00 العصر فقاعه الريال... سعيد:هاه الحمدلله كل شي زاهب... علي:هيه والله فتكينا ..ماقصرتو مخاويه شماا.. محمد:يلاا عاااااااااد انته وسعووود وبروووووك ورونا عرض اكتافكم روحو تسبحوو وتلبسوو اليوم يومكم.. الكل:ههههههههههههههههههههههههههه.. سعيد:اصغر عيالك يالسبال.....ماعليه الحين برووح.. علي:هههههه يلاا اشوفكم ع خير... مبارك:باااي...يلااه من بيروح عندي.. محمد:انا بروح بسيارتيه برايك انته... وكل واحد راح يتسبح و و و ... اما محمد كان فرحاان انه رد البلاد وان عرس عيال عمه وخته واللي يعزون عليه اليوم ...بس لاحظ بين الشباب شخص مفقود هيه تذكرت ذيابوه الهرم ماحد بتصل فيه...اتصل بس مغلق..شفيه هذاا وينه..؟؟ماعليه بيشوف الهرم...مسكين محمد مايدر ان ذياب سمع اشاعه ان ريم قلبه بتعرس وعرسها اليوم كان متضايق وعسب جييه سافر عند ابووه..... حامد:حمد يلاا نسير... حمد كان يطالع علي ويفكر براسه ويرد ويتعوذ من ابليس كان ناوي مايي العرس بس قال مب حلوه مني ان اخوه العود يعرس وربعه ولايحظره اااااااه مصعب موقفك يا حمد... حمد:....... حامد:بوشهاب شفييك...(سحب حمد من بين الشباب..) حمد:ماشي.. حامد:عليه؟؟؟؟ حمد:خلناا نروح ونرد عقب المغرب يلاا لا نتأخر عقب.... حامد:الله يهديك يالله..... كل البنات كانن فغرفه اليازيه...عايشه والعنود و و و الكل كان يتمكيج و وو سوالف العرس وخرابيطه........اما علياء كانن عندها الريم ومريم وكم وحده من بنات خلاتها ...وحتى ريما نفس الحاله...كان جو ربشه عند البنات كل وحده تتريا دورها عسب تتمكيج وجييه ... بعد ماخلصن مشاااااااااااااء الله الوحده احلى من الثانيه..اما العرس فكانن قمر فليله يكمل وهن كملن فجمالهن وبالفستان الابيض شع نورهن,,,,كانت الفرحه ع الكل مرسومه ..الاا ناس ربشه الجو خلتهم يبتسمون غصب....ودخلوو المعاريس عالعرس بسب التصوير وجييه كان اللقى عجييييييييييب وله احساس اخر مادام الحب اللي جمعهم..صوروو وعقبها رااحوو عسب اييون بعدين ويشلونهن القاعه.. بعد المغرب الكل رااح القاعه وبعد ساعتين ين العرس وكل شوي تدخل وحده وكانت مشاء الله عليها حلوه والتقول الزود عندي...اليازيه اول وحده دخلت كانت مشاء الله عليها حلوه شوي عليها...كانت مسويه مكيااج لونه وردي فوشي كان مناسبها بشكل فضيع ..وكان فستانها رووعه صممته عند مصمم ..والثانيه ريما كانت بغايه الجماااااااااال حلوه بوجههاا البرئ كانت مسويه مكيااج لونه بنفسجي خباال عليهاا...وفستانها كان فيه كرستال لونه ذهبي مطلعها ملاك صممته فلبنان..اما الاخير هي علياء هي بعد كانت تهبــــــــل مسويه مكيااج لونه وردي ع لون الورد الطبيعي ..وفستانها كان ابيييييض يشع نوره كأنه مائل للؤلؤ كاان خييييييالي...بنات العايله كانت كل وحده منهن احلى من الثانيه الكل كان منور وفرحان..بس الريم اللي الكل استغرب منهاا الكل كان مصدوم منها تخيليوو شوه كان اللون اللي لابسته اسووووود هيه اسووود ما تدري امها بهاا من وين يابته او كيف اختارته بدون ماتشاور امها ..حتى اختها ماتدري بأنها مختاره هاللون....بس فرحت العرس نستهن انهن يعاتبنها او شي....حتى ام سالم حليلها قامت ترقص بعصاتها من الفرحه..والكل قاام عندهااا كان منظرها يضحك بس ياحلوها ببرقعها النيلي يوم ترقص وثوبهاا الاحمر ومريتهاا الذهب وكواشيها الغاويات <<من التراث الاصيل محتاج المتحف لها بشده ههههههههههههههههه... اما الجوو عند الريال كااااااااااان غييييييييير ربشششه طماشششه سواااااالف يواله وعياله والكل كاااااان فرحاااااان مرتبش حتى المعاريس يالوو وارتبشوو ...كان عرس ماعليه قصوور صح كان كل شي بسرعه بسرعه بس بيضوو ويوههم بهالعرس الخيالي اللي مايفارق الذاكره... بعد ماخلص العرس ياا كل معرس يشل عروسته وجييه..الكل طلع من القاعه ..شل سعيد حرمته ودبر ومبارك نفس الحاله وعلي بعد..حمد كان واقف عند سيارته يترياا امه تطلع وخواته...اول ماشااف حمد عروس تركب سياره علي..تأكد انها هي خلاص اهيه راحت راحت ...تقدم صوب علي وسلم عليه ومسك ايده بالقوو..وقال له:مبروك ياخوي...ودبر.. ولا ألتفت ورااه انتبهت مريم لحركته قالت لختها.. مريم:الرررررريم.. الريم:هاه.... مريم:وررررررفجه ربعي حق حمد اكووه بيدبر روحي عنده احس ان فيه ش... الريم:اوكيه.... ولحقته الريم اول ماركب ركبت اهيه عداله تخيلوو اخوها الريال اللي تفتخر فيه كان يصيح هيه يصيح صاحت عنده... الريم:بس... بس ياخوي.. حمد:اااااااااااااااااه دبر بالسياره وكانت الريم عنده اما امه ردت عند سهيل ولدها فسياره ابوه راحو بيت بومحمد عسب يباتون وثاني يوم يردون العين وحتى فريج بوخليفه راحوو لبيت بومبارك عسب ثاني يوم يروحون العين.....لكن حمد من دبر بالسياره ودموعه ع خده اهو وخته ماحس لين مسك درب العين ورااح فيه..كانوو يتصلوون ومحتشرين بس حمد مغلق تلفونه..... الريم:ارجوووووك بس والله قطعت قلبي.؟؟ حمد:............ الريم:اااه ياحمد بس عنبوه انته ريال....لاتسوي جييه.. حمد:ااااه ياختيه صعب اني اشوفها فأيد ريال ثاني... الريم:هذا قدر ونصيب.. حمد:اااااااه....... الريم:دخيلك شوي شوي لاتسرع انتبه لدرب ... حمد:ما حد قال لج ركبي عنديه.. الريم:هااي يزااي اني اباا اهدييك.. حمد:اه يالريم اي تهديني...تعبااااااان وربي.. الريم:زين وقف لاتتعب اكثر.. حمد:لا هب موقف... الريم فتحت تلفونها وطرشت مسج لختها انهم راحو العين..شوي ويااهاا مسج... "ااااااااااه اسف حبيبتيه ادري قويه حبيبتي:: بس سمحيلي سوووري ياغناتي ادري انتي مضايقه وزعلانه عليه بس وربي ماكنت اقصد سمعت اشاعه تقول انج انتي وحده من العرس دارت فيني الدنياا شفتها ماتشلني سافرت قلت عسى انسى لكني رديت نويت احظر العرس بس يوم سمعت انج مب من العرس فرحت والله ماتعرفين كيف ان الارض في عيني انقلبت ودي اطير من الفرحه ..سمحيلي مره ثانيه قلب حبج ولاقدر ينساااج ذياب.." اااااااااااااااااااااااااه وانا اللي شكيت فيك اااااااه فديتك والله ...وهالاشاعات ماتي الاا بالخرااب...يايه تباا اطرش مسج انتبهت لحمد انه ساكت ويطالع الدرب..فرحت وردت ع مسجهاا طرشت له.. " ماترحم اللي مات قبل انتحاره...اجرم بنفسه وانت في قلبه اجرمت ...اثر التجاره والمحبه شطاره....وانا من انصار الهوى ماتعلمت ....يفزلك جسم براه انتظاره ....ويقوم لك قلبي وانا بعد ماقمت" اما في بيت بو محمد الكل ناايم...بعد ماتطمونوو ع حمد انه رايح العين ومافيهم شي حطو روسهم وناموو..لكن حامد اللي كان عالبحر كان خاايف ع خويه كان نااوي يروح له بس مايباا يترك امه اللي تباه يردها...كان عالبحر ومشغل شله لعيضه.. قلبٍ شكى البعد ليتك تدري بهمه ،،، و احوال مرت عليه و لاعت ايامه حزين عايش في ذكرى تسري بدمه ،،، لو هو تناسى تجدد فيه آلامه كنه تسلي في عذاب الخلق و الأمة ،،، و اصبح رصيدي يحطم باقي احلامه قلبٍ له الله تجمع همه و غمه ،،، ان مر طيفك عليه و لاح جدامه تسكن عليه الجوارح حيل و تضمه ،،، كنه تمازج مع الشريان و انسامه يامنية الروح عهدك وينه و حلمه ،،، طال انتظاري بحلم الامس و اوهامه ان كان عهدك على ماقلت و التمة ،،، تعال و اسكن مكانك و اجمع حطامه و ان كنت مبعد ترى الله مبري الذمة ،،، برضى بصرف الزمان و تالي احكامه و ان كنت مبعد ترى الله مبري الذمة ،،، برضى بحكم الزمان و هذه احكامه قلبٍ شكى البعد ليتك تدري بهمه ،،، و احوال مرت عليه و لاعت ايامه كانت لحامد الشله هي الحس اللي يفهمه اللي ترد عليه روحه تفهم شوه فيه وشوه بلاه.... بعد ماطرشت الريم المسج سألت خوها... الريم:ممكن تقولي ليش رحت اخر شي لعلي؟؟ حمد:ابارك له ليش.؟؟ الريم:بس.... حمد:تريدين الصدق...ااااخ مسكت ايده بقوو وباركت له ..كنت اخر واحد يسلم عليه قبل لايركب...لانه بعدهاا.. الريم:ااااااااااه...يويلي.. حمد:اباا ايدي اخر ايد تمسك ايده اللي بلمس بها ... الريم:الله يرزقك باحسن منها يارب...حمد بليز خفف السرعه العين هب طايره.. حمد:.......... الريم:حمد انتبـــــــــــــــــــــــــه.!!!!!!!! .................................................. .......................................... رحل عني ولا قال الـــــــــــــوداع رحل وحمل عنده اشواقــــــــــــي رحل بلحظه وانا اترقبـــــــــــــــه رحل بسكات ليلي المخنوقـــــــــي رحل وترك جرح في قلبـــــــــــي رحل والدمع صار عوقـــــــــــــي رحل والبسمه صارت غصـــــــــه رحل للأبد اعز مخلوقـــــــــــــــي رحل عقب ماشفت فيه الحيـــــــاه رحل وترك الهم انا به مغروقـــــي رحل الابد بكل مافيــــــــــــــــــــــه رحل وبرحيله الدنيا مالها ذوقـــــي يافرحه ماتمت......توفت الريم ..وصارت الدنيا بلا سوالفها مالها طعم وين اللي تعلق ..وين لسانها الحلوو عالكل..الجرئه اللي الكل يموت فيها..رحلت بسمه بعدها صارت لهم دمعه مخنوقه... الضربه يت عليه كان حمد ساهي ولا شاف السياره ولف عنها لكن بعد فوات الاواان...حمد فيه كسور خطيره وسفروه سافر عنده خاله وخوه سعيد...اما الاهل ماكان عندهم غير الصبر ع وفات بنتهم اللي كان قدامها مستقبل ..بس حكم الله اكبر...حامد صار يكره شي اسمه حياه ماكان عنده طعم فأي شي كانت الدمعه رفيقه...حتى انه سافر عقب العزى بسبوع...ولا ألتفت ورااه راح يكمل هالدراسه او انه راح يهرب من الواقع المر اللي كانت الريم فيه حاضره...اما ذياب فبعد المسج اللي ياه كان يطرش بس مافيه التلفون تكسر واغلق مره وحده مرت ساعه ووصله الخبر..وياشينه من خبر ..يلس فغرفته وصااااح وحس روحه تفارقه كان اول شي ظالمها ويوم درى انها مب عروس رد البلاد عسب يخطبها بس القدر له دور...رحلت عن دنيته وخذت كل حلو فيها ..صار يكره شي اسمه طلعه من البيت حتى العزى مايااه ولا قرب منه..ردو اهله العين بس اهو تم في دبي ...قرر واتخذ قرار في حياته وماظن انه بيتنازل عنه...قبل لا يسافر الأبد ...سار صوب المقبره ودلوه ع قبرها..آآآآآآآآآآآه مصعب وقفتك ياذياب..من شاف القبر طاح من وقفته مسك الترااب وطاحت دمعته وحس ان الهم على قلبه يتساقط ماله من يشله...حالته ماتسر ...نفسيته تعبانه...استهدى بذكر الله وقال(ربي خذج مني قبل لا اظمج لصدري...يالله عسى انتي الحين مرتاحه من هالدنيا اللي مافيها غير التعب والهم...آآآآآآآه يالريم كيف حبج ملكني وعرفت قيمتج زين....).......... كل شخص عااش حياته ...صحيح ذكرى الريم باقيه....حتى غرفتها مثل ماهي ماحد مس شي منها ...حتى ام سالم تغيرت وصارت وحده ثانيه تركت الهد والمناقر صح هدها كان قوي بس فيه طعم الخوف والمصلحه صارت ماتطلع من غرفتها..وكل ماطلعت تذكرت كلام الريم الوحيده اللي تعرف لها...اما حمد رد وهو بخير كمل دراسه فالبلاد وتوظف لكن فكرت الزواج كانت بعيد عنه...وكان كل ما اقبل ع غرفه الريم تذكرها واللوم يقطع قلبه... اما بوسعيد صار مايفارق عزبته عسب مايرد ويتذكر شبيهته كان كل ماتذكرها حس بغصه..كل ماشاف حمد يمسك نفسه..حتى خوانها تغيرو سهيل اللي كان اكثر واحد ماخذ منها ..صار يكره طبعه لان اذا احد شافه تذكرو الريم والعبره تخنقهم ...وحتى اصدقاءها الشله الثلاثي المرح حميد وفهد وخوها راشد..ذكراها مافارقهم كنت الوحيده ترابعهم ولا احد بياخذ مكانها ... اما صالح عقب كم سنه ونص تزوج من عايشه ...اما حامد رد بشهاده ماكان احد متوقعها ماكان مستواه هو المطلوب ..لكن لا احد يلومه...لكن بعد مرور 3 سنين بسب امه وترجيها له تزوج بنت ييرانهم ليلى العامريه لكن كانت علاقته بها عاديه اول السنين ومن عقبها حس بقيمتها وتناسى الريم اللي صارت ماضي مدفون ما احد يدري به الاهو واول بنت سماها الريم...وعاش متهني.....ومحمد رد ورافع الراس بعدها تزوج من حب عمره مريم وكان عرسهم حلوو بس مافيه واايد ربشه لان ام سعيد حالتها حاله بعد وفاة بنتهاا...راشد ولد بو مبارك حير العنود بنت بومحمد...والكل كان عايش في حياته.......سعيد الله رزقه بعيال مثل الاريام من حلاتهم بس كانت علاقته بعلياء احيانا فيها حساسيه وتوتر بس الحب اللي بينهم ينسيهم المشاكل ويردون مثل اول واحسن..ومبارك عاش بين الامارات وسوريا مره هني مره هنااك..والله رزقه ببنت ولد يهبلون...وعلي واليازيه الله رزقهم بولد لكن بعد سنتين من زواجهم بس كانت فرحه كبيره عاشوها بسالم.... الكل يسأل عن ذياب ذياب كره الدنيا بعد ريمته صار يكره يعود للبلاد امه المسكينه ماكانت تعرف شوه بلا ولدها او شوه دواه ماكانت الا تدعي انه يرد لصوابه ويكبر عقله.... صح اللي يقول ماتعرف الشي ولا تثمنه الأ بعد ماتفقده ومن فقد ذياب الريم عرف حياته دونها.....سافر أمريكا وستقر هناك ودرس وخلص وشتغل وايي فالسنه مره يسلم ع هله وع قبر الريم ويرد مره ثانيه ويسافر وهااذي حالته....... حبيتك هيه حبيتك وهذا همي بهالدنيا ..من عرفت حبك عرفت الهم وعرفت الشوق وعرفت الوله...كنت اتمنى انك تلمنى وتغطي علي وتحسسني بالحب اللي فقده العالم..لكن القدر... ظمتك الدنيا قبل لا ألمك...حبيتك وهذا نصيبي..حبك بقى بروحي وقلبي ولا احد قدر يغيره لانه حب صادق مايعرف الزيف ... النهايه... |
آلسسلآم عليييكم وآإلرحمــهَ شحآإلج آلغلآ ربج آلآ بخير . .؟! ،، آلصصرآإحـه آلقصـه ف قمـــــه آلأبدإآع رووووعـ‘ـهَ مآإعليييهإآ رمسسسـه . ومنــي لــج فآإيف سستإآرز . . ,, ودمتــي بهآإلآبدآإع . . |
| الساعة الآن 09:39 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir