منتدى استراحات زايد - |||~ٱڷحيًٱهْـِ حڷۈهْـِ ۈٱڷزمڼ غڍٱږ ~|||

مرحبااااا الساااع ..

الجووري .. ترحب بكمـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ

شحالكـم .. شخبااركم ...؟!

و مشكووورين ع المروور الطييب ... والكلمات الحلووهـ

هذي هي تكمله الباارت الثااني .. <<<< سمحوولي اتأخرت ..كح كح .. بس غصبن عني

واتمنااا انكم .. تستمتعووون به .. <<<< ان شاء الله يعيبكم .. قولوو آآآآميييين .. :GIF_13.gif:
عواش : كيف يعني غير؟
الجوري: أسلوبج متغير ,, يا انج متضاايجه من شيء .. ولا انتي هب عوااش!!
عواش : ممم بقولج شيء بس بيني وبينج..
الجوري: آمري اتدللي ..
عواش : انا هب عواااش ..
الجوري : .............................!!!!

عوااش:أنا سعيد ولد عمج
طبعا سكت...وياتني صـــــــــــــــدمــــــــــــــــــــــــة.. حسيت مثل اللي رشني بماي بارد..وامممم طبعا زغت لانيهـ ما بالعادة ارمس ريال من غير محارمي طبعا.. || منقود || وسعيد من زمان ماجفتة ..فطبعاا من الخوف صكيت شاشة اللاب ورحت وأنا فخاطريهـ بأي حق تبانيهـ ارمسكـ ولا ترمسني... هذا شكله ين وقعد ...!!!

وعقب يومين(يعني البارحة)كنت حادرة المسن ويالسة أقرى رواية..وطبعاا مارمست حد...لاني مندمجهـ وشوي بدخل بشاشة اللاب ههههههه
وأنا يالسة أقرى يا صوبي أخوي حمدان وضرببني على راسي..ههههه وضرب خشميهـ بالشاشة

الجوري:حمدانوه الله يغربل بلسيك بتكسرليهـ خشميه عاد يقولون أحلى مافيه خشميه..ادريبك متعمد ويا هالراس..
حمدان:اقول أختي قلبي ويهج ..
الجوري:يللا مناك..يللا مناك ههههه...خلني اندمج في الرواية

||| صح ماعرفتكم على عايلتيهـ ..طبعاا هي شوي كبيرهـ (هــاع)
ببدا بأخواني الكبار .. فيصلـ 28 سنهـ .. عمر 26 سنهـ .. علويهـ 24 سنهـ .. شموس 23 .. حمدان 21 .. والتوم ميود ومريوم 18
وأنا الجوري 16 سنهـ .. وعلاوي المشاكسس 10 ..

فيصل معرس ماخذ خووول وعنده ولدين سعود وحمود ونواري ..
عمر معرس وماخذ أمول وعنده هنوي وخالد ..
علويه معرسة وريلهاا سالم وبنتهم مهاري ..
شموس معرسهـ وريلها حمد .. |||

المهم أكمل لكم اللي صار هـع .. وأنا مندمممجة..من بعد مااسوو حادث أبطال الرواية و أصييييح..ههه..رمستني وحده وأنا اتحرطم واقول افف منوه هاي قطعت حبل أفكاري وفجيت المحادثه ..

عواش : مرحبااا بالحلويين ..
الجوري : مرحبتييين ..
عوواش : شحالج دبوهـ ..؟
الجوري : كح كح ..
تمام التمام .. ومن يداج ..؟
عواش : كوييسهـ ..
الجوري: شو السكولـ ||| ابتسمت بخبث تدريبها ما تداني طاري السكول |||
عواش : اففف .. امشييين .. ضيييجهـ ونكد .. وعوار راس ومن صوبج ..؟
الجور : والله عم بندفشششش .. كلهـ ندفييش .. هههه ..
عواش : جور .. برب .. تعرفين دووري اليوم اسووي لهم عشاا .. اونهـ نتفنن لهمـ اونهـ ما ياكلون من طباخ الخدم ..
الجوري : صدقهم ... خل يستفيدون منج ..
هب قاعدهـ بلياا شغلهـ كح كح ..

عواش:هههه ههههه ماعليج أنتي وياهم ضدي..دواكم اسويلكم عدس وخبزههه
وليش الخبز بعد مايحتاي ههه
الجوري:بزوالج..هههه
عواش:اوكي برايج

يلست أقرااا الرواية اشوي وشوي إلا قالت : ..هلا
الجوري:أهلين..مسرررررع..هههه شكلج صدق سويتيلهم عدس هههه الله يعين عمي عليج هههه:38:
عواش: من البداية أنا مب عواش ..أنا سعيد ابرمسج بموضوع لا ترقعين المسن في ويهي مثل هييج المره...الموضوع مهم
الجوري ||| لا حول هذا شو يبي..أنتي تعرفين ياجوري والكل يعرف بس الله يستر منه... |||
سعيد:جوري تعرفين اني من وعيت هالدنيا ...أو بالاحرى من وعيتي بهاا الدنيا وهم يقولون سعيد حق جوري وجوري حق سعيد صح...؟!
الجوري\\متعمده انهاا تكون قاسية||..سعيد ..هذاك أول..والواقع غير..اصحاا ولا تحلم ..
سعيد || انصدم .. :w00t: توقع انهاا متأثرهـ بالمشاكل..بس ما توقع تصده بها الطريقه ||:الجوري أنتي تعرفين اني احبج وابيج والكل يعرف ..قوليلي من بقى ما يعرف ان سعيد يحب جوري....
هذا كلهـ عشان اثبت لج الصددق ..

أنا كنت هب عارفهـ شقولـ .. ما اريد اجرحهـ .. ولا اريد اتمادى في الرمسسه معاهـ .. تربيتي خلتني ما أحب اتدخلـ في هالمواضييع .. واللي يحاولـ بي أصدهـ .. فقررت اسكت .. شو من قواة عين بي ارمسس بهالاموور.. ولو رمسست غصبببن عني ..ومع منو .. مع سعييييييييييييييد ...!!!!!!!

سعيد : جوري أنا وانتي مالنا خص في ماضيهم .. انسسسسسي .. وخليني انسى .. نحن شذبنا نتحملـ أغلاطهم ..؟ نحن ليش نخسر اللي نحبهم عشان ماضي اندفن .. عشان ترتاحين يا جووري انسسسي .. عشان كلنااا نرتاااح انسسي ..
تذكرين ..؟ تذكرين يوم كنا نركب فوق السططح ونتنذلـ في عواش .. ^^
تذكرين يوم كنت دوم ويااج مثل ظلج .. هيييييه تذكرين يوم كنا في الروضهـ .. يوم ضربج الولد شو سويت بهـ .. :090: مسحححت به البلاطـ .. تذكرييييين يوم مرهـ دخلنا عند الخيوول في الدرس وبغا يرمحني الخيل .. وابوي جافنااا وهدنااا ..هههههه ..
تذكرين يوم كنا نررروووغ الديااي هههه ..ويوم العيد يوم كنا نروح الدكان ويا بعض وساعات كنت اقصصص عليج واشلـ فلووسج وانتي تطلعينهن من عيوني هههه ..
تصدقيييين انا ما عمري نسيت موقف انتي فيهـ ...؟؟؟!!!

تصدقييين ..؟!

في هاللحظه نزلن دموعي بحرررقهـ و بصمت .. ليش دوم أعاني بصمممت ..؟! في هايييج اللحظهـ فخاطريه اشيااءات كان خاطريه أقول : سعييد صح نحن مالناا خص بس هالشي بيظل يركض ورانا ..! والماضي صح اندفن بس اندفن فقلب اماايه اللي بعدها تنزف .. خلف جروح في قلبها تنزف من سنين لـ سنين .. كيف تبغينيه انسى وقلبي مطعون والسكين صاحبها ما شلها ..؟! كيف انسى أن أهل ابووي تركوونا و حنا بعز حاجتنا لهم .. ونحن اللي ما عمرناا قصررنا وياهم ...؟ ظلموا مي وظلموو اخواني وأنا وأنت من ضحاياهم ..!! ما وقفو مع الحق .. وقفو ضدنا معنهم يعرفون انهم يغلطوون .. بس مصالحهم كانت أهم .. كيف تباني اعيش وسط اللي ظلمونيهـ .. كيف ..؟ كييف ..؟ :confused:

أنسى أن أختكـ اللي هي بنت عمي وتؤأم روح أختيهـ .. حلفت تشتري زهبهـ حرمهـ ابويه ..
ولا بعد عررست وياه بنفس القااعه ..!!! ولا حسبت حسااب اختي ولا امي ولا حسابنا كلناا .. حتى ما اعتذرت وقالت غصبن عني .. خلتنا ننصدم من البعييد ..! :w00t:
صح سامحناهم بس بعدنا ما ننسى دموع امي اللي حفرت خدهااا ... ولا قهرها ولا صدمهـ اختي من تؤأمهاا وربيعتها الرووح بالرووح ..اللي طعنتها في الظهر بدوون ما تحسب حساب لحد .. الزمن قاااسي .. آآآآآآآآآآآآآآآآآآه الحياهـ حلوهـ والزمن غدار ... نفسسي اقولـ كل هذاااا لكـ يا سعيد .. بس ماروم ! مب جوري اللي تتعدااا الحدوود .. مب جوري اللي تتعدا الحدوود .. المشششكلهـ الكل يعرف وانا اعررف .. انته غيييير ..!!!

سعيد || من الصبح يتريااها وهي سررحت في عالم ثاني .. عالم الألم || : جوري .. رمسسي وينج ..؟
---- وفهاللحظه يت ع بالها قصييدهـ تهديهاا لولد عمها واخوها سعييد ..<<تعدهـ اخوها
الجوري :
آآسفهـ جرحتكـ .. ولا تعتقد جرحكـ يهوون ..
كل السالفهـ أني بغيت اوضحلكـ المسألهـ ..

انتهـ أخوويهـ الغالي .. ولا تعتقد أنكـ تمون ..
وانتـ تدري بيننا .. صعب التواصل والصلهــ ..

سعيد : الجووري لا تقولين هالرمسسه والله تقهرييني ... صدق تجرحيني .. وانا من وين أخوووج .. انا مب أخوج انا ولد عمج .. تفهمين .. ولد عمج ..

الجوري :
لا تنصدم يا خووي ما يسوى هالكون ..
صعب التفاهم وأصعب اللي تسألهـ ..

بالهون بالهون .. يكفي ما جرى بالهون ..
أهلي وأهلكـ الصراحهـ هم المشكلهـ ..

سعيد : جوري .. انشي اللي مضى .. خلينا نعيش اليوم .. خلاص هذاكـ ماضي .. وانتي تعرفين كلهم تغيروو .. وبعدين حتى لو ما تغيرو .. أنا غير .. جووري .. لا تجرحيني .. يكفي انهم حرموني منج وانتي ما تيين ..

جوري .. انا ادري انتي ما تزورينا متعمدهـ .. وادري بعد اشيا واايد عن أهل امج ..
شوراايج .. خليهم كلهم يولووون .. طااف ..

الجوري :
لا تقولـ خليهم لحالهم .. خليهم يولون ..
صعب النسيان .. والكلام ما أسهلهـ ..

سعيد || عصب || :522: : بسج تجرحين .. انتي من الصبح تجرحيين .. ابسألج انتي ما تحسييين .. ما عندج قلب ..

الجوري || تصيييح .. وقلبها متقطع .. ما يدري انه ماهان عليها ولد عمها هو شرات اخوها ..اللي ما ترضاه على أخوها ما ترضاهـ على سعيد .. بس لازم تقسى عليه عشان يعرف انها جادهـ وينساها .. لأنهـ اللي بينهم كبيييييير... وصعب انه تنمحي هالمشاكل كلهـا .. :3898.gif:

|| فكتبت لهـ .. :

آسفهـ جرحتكـ و هذا الواقع وما يكون ..
وانتهـ ادرى عني باللي انا اجهلهــ ..

ربي يهنيك مع غيري يا خوي وترتاحون ..
وتعيش حياتكـ متهني بلا هم و مشكلهـ ..

( كتابتي .. درس الـآيآم )~~>

هنييه عصب سعييد .. يقول فخاطرهـ والله انها ما تحسس .. شو هاي ما عندها قلب .. انا شو اللي رماني عليها .. بس هاي المشااعر .. آآه ياليت لو يقدر الواحد يتحكم بمشاعرهـ .. سعييد : انتي شو ..؟! ما تحسييين .. اقولج ابييج تقولين ربي يهنيك مع غيري ..!! وبعدين أنا ولد عمممج .. هب اخوووج ..

هنييي تميت اصيييييييييح من الخااطر.. ليت الدموع تمسسح الاحزان ..!
دخلت عليها امها أم فييصل ..
أم فييصل : امييي .. جوري بنتي شبلاج تصيحين ..؟ حد زعلج ..!!
جوري || آآآآه لو تدرين ياا اميي عن اللي فقلبيه بس .. ضحكت ضحكهـ من ورا خاطريه ||: اممي مندمججه في الروايه ... مات ولد عم البطل ههههههه
أم فيصل : صددق ما عندج سالفه .. قلت فيج شي طيرتي فوادي ..
جوري : فديت اميه اللي تخاف عليه وتحاتينيه ..ههههه
طلعت ام فييصل ... عقب قالت جوري : سعييد ربي يخليكـ خلني فحالي ..
سعيد : جووري لا تتحرين انا ما اعرف عنج شي .. انا اعرف عنج كل شي .. صح من زمان ما جفتتج .. بس يقولون لي اي شي يخصج .. لو فيه اسمج ع الطاير ..
هييي صح كيف كانت الرحله =)
جوري || ضحكت ضحكه وسط دمعاتها || : هذا تذكرها ههههههه
----- ترااا جوري مره كانت رايحهـ رحله في السكول وهو كان غايب وفي الرحله جافها ----
(بس عقب كملت صياحها ) : سعيد يكفي .. ودر لاب عواش ورووح ولا اقول انا بسكر باي ..
سعيد ||محتررق ومشعوط والدخاخييين طالعه من راااسه هـاع || : سمعي جوري .. بدق على تلفون البيت وردي علي ..

الجوري || ما حسست بعمرها وانفجرت وعاد جوري يوم تعصصصب || : :297.gif: من متى أنا سااكته ما ابي اغلطـ .. ولكن فهاي الززم احدودكـ وودر لاب البنت ورووح .. انته وين عايش .. ياابوي اصحااا .. الظاهر ينيت وقعدت .. انته شو تتحراني ..؟ خامهـ ولا وحده حقيييره .. بأي حق تتباني ارمسسك .. انته اصلاا لو مثل ما تقول ما رضيتها علي .. اسمحلي سعييد ما ارووم تربيتي ما تسمح لي .. ولو سمعت الزم حدودكـ ..
سعيد : انتي كبرتي فعيني اكثثر بس انا لازم اقولج شي وبسسكر .. بس دقيقه ..
جوري || بحززم || : لا يعني لا ..
سعييد || قال ماشي إلا هالطرييقه || : سمعي يا جووري والله ان ما رديتي علي .. بسيير عند عممي وبقوله هذا مييل بنتكـ وانا ارمسسها من زمان واحبهااا وتحبني ..
والباقي تعرفييينه .. تعرفين شو بيسوون وشو بيصيير .. :m_em3a9eb: وتعرفين انه يبي عليج شي .. إلا يبي يشلكم من عند عمتي ..

الجوووري .. خاافت وتمت تنتفضض .. معقووله يا سعيد يطلع منك كل هذاا .. معقولهـ ..؟
معقوله تسويها ... هي صح قويه بطبعها .. بس اللي ما ترووم تحمله فيوم انهم يظلمونها .. أو انها تخسسر واحد من اخوانها اللي تموت عليهم .. وماا قد فكرت انها تووطي رووسهم .. هي صاينتنهم طوولـ عمرها وبتم صاينتنهم .. هو عرف نقطع الضعف عندها .. وياابها صح .. نقطه ضعفها اخوانها .. <<< هالمره يا سعييد بس هالمرره ... لا تفرح دووم .. هــاع .. لانه جوري بعد اللي صاار تغييرت .. وصارت اقوا ..

الجوري برغم خوفها : سوى اللي تقدر عليه .. وان نسيت الميل اسأل عواش .. عادي ترااا ... أعطيكـ تصرريييييييح ..
سعيد : الجوري لا تجبريني اسووي شي انا ما ابي اسوويه ..

وما يحتاي اقولكم عن حاله الجوري ( اللي هي انا ) .. ضاعت بوسط الدموع .. وذاقت مر الصدمه بالرغم لرفضها سعييد ... إلا انها عارفه اخلاقياته ..وعارفه انه مستحييل يضرره .. بس شو اللي ياه .. معقووله تغيير ..؟!

جوري || قعدت تفكر باخوانها الي تفديهم بحياتهاا لو بغوو .. معقووله بييي يوم ويبتعدون عنها ...؟!!!! وفلحظه ضعف وخووف .. وهي تصييح ..||: اوكي .. بس انا ما برمس ولا بنطق بكلمه .. قول اللي عندك وخلصنيه ..
سعيد || فررررررح من الخاطر ..|| : اوكي ..

ّّّ سعيد ولد عم الجوري .. عمره 18 .. ~> غريبه كيف يفكر جي .. توهـ صغير ..!!
أختهـ عواش .. 19 هي واايد وياا جوري ..
جوري محييره حق سعيد من يوم صغار .. يوم صغار كانو جنهم تووم .. وما يتفارقون ... بس يوم كبرو شووي استوت مشاكل بين ام جوري وابوها .. واتضخمت المشاكل بسبب تدخل اهل ابوها وحسسدهم على الخير اللي عند جوري واهلها .. وما صدقو من الله لانهم ما يدانون ام جوري ..وايد ظلمو جوري وهلها .. بس طبعا ام جوري عنياتها وطيييبه وسامحتهم ..وكانت دوم تخلي عيالها يزورون اهلهم .. بس طبعا يوم كبرو وجافو اهلهم ما يردوون الزياره رفضوو انهم يسيرون لهم رغم محاولات ام جوري ( ام فيصل ) وأهل ابوهاا صارو يقولون ا ن ام فييصل مانععه عيالها عناااا .. وقاصه عليهم وقالبه مخهم .. وأم فييصل عنياتهاا .. جافت من الدنيا ما يكفيها ّّّّ

بعد ما شرحت لكم السالفه وقلت لكم عن اللي تبون تعرفوونه ... كح كح .. قصدي بارت منه ..

تعالوو عندي في الصاله قربوو .. قربوو ... حيااكم .. بس سمحولي الظروف ما تسمح اني افولكم هـاع ..

كنت مييته من الزيغه وعيوني منتفخااات من الصايح ..وويهي احمرر ...:

رن تلفون البيييييت ..

وبعدييين ....

ييت ابي اشله .. بس للأسسف .. ايدي تنتفض .. وما رمت .. وعقب ي تختيه مريوم تبي تشله وصرخت : لاااااااااااااااااااااااااااااااا :\1093.gif:

مريوم : شو ..؟
جوري : لا تردين .. هاي غلااا تبااني .. خلني اخييسها شووي .. من زماان ما دقتلي وادقلها ولا ترد ..

مريوم : اوكي .. بس انتي شو بلاج.. لييش تصيحين ..؟
جوري : ماشي .. بس تعباانه .. ومزجممه ... واحس بتييني حمى .. :3096.gif:
مريوم : سلامتتتتج ... هههه ردي عليها بسها خاااست
جوري ||ابتسمت بتصنع || : اوكيك .. فارجي .. ههه
مريوم راحت ..
جوري : ألووو ..
سعيد : ألو السلام عليكم ..
جوري : وعليكم السلام ..
سعيد : جوري ...؟
جوري || بخووف وترردد .. قرررت تغير رايها وتسكر الفون فويهه .. بس شو بيصير فيها وبخوانها .. فقالت ||: هيه ..
سعيد : شحالج ..؟ اوووه صح قايله ما بترمسسين ..
المهم بدخل في الموضوع طول .. امم .. جوري .. اناا .. اممم .. مادري كيف اقولج ..اممم انا.. شسمه ... انا ابي اكلم .. ابويه عشاانج .. اممم يعني فهميها ..
(سكتوو فتره .. يترياها ترمس يوم جاف ماشي امل .. قرر يكسسر الصمت .. هو ما فييه جرأه إلا بالمسسن .. بس في الفوون لا .. ) وقال : جوري لو ما وافقتي .. برمسسه مره ومرتيين وثلاث .. وعشر وغيرج لاااا .. والماضي انسيه ..

(صرخ بصوت عالي ) رمسسسسسسسسسسي .. سكووووتج يقهرررررني ..!!!!!!!

هنيي زغت من الخاطر .. بس انااا اقووا من انه يههزني .. طوول عمري عزيزه نفس وما يهزني رييح ..
سعيد : المهم ادري الحب هب غصب وانتي حررره .. وربي يسعدج .. والحب لا ينشرا ولا ينباااع ولا بعت روحي عشان اشتريه .. وانتي ع راحتج .. بس عني انا ما بيئس .. وع فكره تراني ما مفكر اسووي فيج ذييج الحركهـ لو امووت.. حتى لو ما رمستيني ,, بس كنت ابوضحلج كل شي واخلييج .. سمحيلي ادري طريقتي غلط .. بس ماكانت شي طريقه ثانيه .. وانا مب نذل اسووي هالحركه وارمس عمي معني حافظ ميلج ع فكره ..وصح قالولي انج شاعرهـ واستانسست لج .. وانا يكفييني اني احتليت جزء بسييط من ابياتج .. واتمنى تسجليني في دفتر اشعارج ~~. [ضحيه الجوري ..~~]

هنيي جووري اضايجت وتعبت من البكاا.. وبانفعال ولا شعوري قالت : انته ضحيه عادات وتقاليد .. انته ضحيه عادات وتقاليد .. وتمت تصيح .. وسمعت صوت صياحه يخاوي صوتها .. انصدممت .. غرييبه .. يصيييح ..!!!!
سعييد القووي يصيييح ...؟!!

وفالنهايه قال :الدنيا كلها ما تسوا دموعج يا بنت عمي .. حتي سعيد .. حتى سعيد ..
(تنهد ) الصددق .. اني ضحيه الجوري .. اعترف واعلن انهزامي .. انا
~~.[ضحيه الجوري ..~~]
جوري : سعيد ...؟
سعيد : هلا
جوري || بتردد تدري غلطت بما فيه الكفايه بس لازم تسأله ..|| : بخسركـ ..؟
سعيد : لو تحاولين ما ترومين تخسريني .. ( وضغط على عمره وقال هالكلمه وقلبه يتقطع ) مب أنا اخوووج ..؟!
جوري : مشكور ...
وسكرت التلفون .. وانا مييته من الصيااح .. آآآآه يالدنيا صدمهـ وراا صدمه .. يمكن سكتت .. بس في داخلي .. لا ياولد عمي .. لا ياخووي .. انته ضحيه عادات وتقاليد .. مب ضحيتي انا .. آآآه من الدنيا .. هي صح ما تحبه .. لكنه ما يهون عليها .. بالأول والأخير هو ولد عمها واخوها ..
سكرت .. وتركت سعيد يحارب اليأس ويحاول يبعد اشباح الجزن عنه ..

وفي اليوم الثاني .. يوم الأحد ..
يايه جوري .. وعناد ورواضي ونواري يضحكن على شكلها ..
نواري : جوفو جوفو يانتي .. شارده من الحدوود و شكلهم زخوها ههههه
رواضي : يانتي شاردهـ من الحدوود ههههههه
عناد : سمعتي شو قالن يطنزن علييج .. ههه
جوري || مضيييقه حييل || : الله ياخذ هاليوم .. وهالشهر وهالسنه .. ما جفت منا خير .. استغفر الله العظيم ... استغفر الله العظيم ..
الكل : خيييييييبه خيييييييييبه .. شو بلاج ..؟؟؟!!
يانتي : ماااشي .. بس مالي مزااج <<<<ليتكم تعرفون اللي فخاطريهـ ..
نواري : ههههه
عناد : ههههههههههههههههههههههه

وعقب تمن يسولفن ويانتي عاقدهـ حياتها .. وتحاول تضغط على عمرها وتضحكـ .. وتمت دايسه ع عمرها وتضحكـ من ورا خاطرهاا .. متلوووووووووووووووووومه .. وتحسس مرها غلططت .. بحقها وبحق اهلهااااااااا .. المفرووض ما ترمسسه .. ياربيييييييييييييه .. استغفرالله ألحيين ايي انا اغلطـ وانا اللي دوم انصح ربيعاتي .. :23.gif:

kat

وهنييه نقطع شريط الذكرياااات .. هـع ..
بسني من هالذكريات .. صارلي يومين ما ارقد بسبة اللي صاار .. شلييت ستكر وكتبت فيه ..
~~. [ضحيه الجوري ..~~]

سكرت الدفتر .. آآآآه يادفتري .. ليتني حطيت بك أحزاني وسكرتك وافتكييت .. :9988:

----------------------------

ومرت الأيام ..
وفيوم الخمييس ..

وعند ريموه ..

لابسسه قمييص ابييض طوويلــ .. وبنطلون جيينز .. صدددق شكلهاااا يضحكــ .. المهم الاخت شادهـ حيلهااا .. تبي تسووي .. مفاجأهـ حق شوااقه،

||||| نسيت اقولكم .. انه ريماني .. فنااانه ... وتموت في الرسسم .. صددق رسمها فنتتكـ وانا اشششششششهد .. |||||

المهم بدت ترسم ملامح ويه شواقه بالرصاص .. وتضيف لمساتها عليهن بكل ابداع .. :861:

من ثلاث ايااام وهي ما تظهر من غرفتها .. بس عشان تخلص اللوحهـ ابسررعهـ ..
طبعاا شواقي حلوهـ وماله داعي أكثر في وصفها .. هي سمراا شووي .. وسمارها وايد محلنهاا .. وعيونها وسااااااع وعسليااااات تجذب اللي يجوفها .. وشعرهاا بمنتهى الروووعهـ .. ناااااااااااااااااااعم .. وطويلــ .. خاطرها تقصصه بس هب هاين عليهاا>> بذبحهاا جان قصتهـ ..
الممهم .. شوي ويندق الباب ..
ريماني : منو ..؟
.... : أنا فججي البااب
ريم || شهققققت :70:|| : هييييييي وين اودي اغرااضي .. شو اسووي وين اودي اللوووحه ..؟
(وبصوت عالي ) شواقه حبيبتي وييت اشوووي .. :unsure: اممم هيي بحطه في الحمام ..

وراحت وحطت قشارها في الحمام .. || عزكم الله || وعقب فجت الباب ..
شوق : انا دووم لازم اخييس قدام باب غرفتج .. يعني حق شووو تقفلين البااب ..؟ المره اليايه عطيينيه مفتاح غرفتج .. هههه ما بتصيرين ريوومتنااا لو ما خيستيني عند البااب زين أن أحمد محد في البيييت ..
ريم || غريبه سااكته وما قالت لها شي لانها متوترة ومرتبكة ..||
شوق : بلاج بسم الله عليج ..؟ اكييد فييج حمى ما ترمسن ولا تردين هههههههه
ريم || بتوتر وارتباك واضحين ||: ماشي .. ماشي ..
شووق: ياخبر بفلوس بكره ببلاش ..

ـــــــ تمن يسولفن شووي ـــــــــ

ـــــــ عقب ـــــــ
قامت شووق ..
ريمووهـ ..: وين يلسسسي ..
شوق : ابي اروح الحماام عزج الله ..

انبانت علامه الصدمه ع ويه ريموووهــ .. !!!!!!!!!!!!!!!!!!!!!!! :::w00t:
شوق || تمرر ايدينها على ويه ريموهـ : ريموهـ .. اييه ريماني .. شو بلاج .. هههه اشهد انج مب صاحيه .. هههه .. لا يكون حابه من ورانااا .. هههههههه

ريموه : شو حابه .. أي حابه .. اي خرابيط ..هههه :a040:[

شو بيصير وياا ريموهـ وشواقهـ .. ؟!
بتخترب السبراااايز ولا لا ..؟
والجووري بتعدي هالمرحله ولا بتم ع حالها ..؟!
وسعيد .. بيوقف يبكي على الأطلال ...؟!
ولا بينساا جووري .. وبيكمل طريقهـ ...؟!
شو التطورات اللي بتصير البارت اليااي ..؟!
وكيف بيكون حال أبطالنا فيه ..؟! :

تحياتي ...

درس الـآيآم <<<< كح كح .. يانتي .. :13: