منتدى استراحات زايد - خبر عاجل لكل طالب وطالبة

السلام عليكم ورحمة الله وبركاته ..
اخواني واخواتي خلني ابدا في الموضوع على طوول ..
انا شكلي بطول بس اللي حاب يسمعني يقرى ولي مب حاب يطوف .. وانا مب هامني من كلي هذا ..
غير اني افيدكم واستفيد منكم .. فاتمنى تسمعوني للاخر .. واتقولون وجهة مظركم باللي انا اقوله .. وتقرون كل نقطه ..
اولا .. انا صوت وصوتي كان مع الدراسه في شهر رمضان .. السؤال اهنا لييش ؟؟ انا ابغي افهم ليش ما تبغون الدراسه في رمضان ..؟؟!
البعض منكم قال عسب الدول الباقيه عطتهم اجازه والبعض قال تعب والبعض قال عبادات والبعض قال امتحانات مايصير والبعض قال حر ..!
بقولكم وبنشرح نقطه نقطه اوكي ؟ شوفوا اولا بخصوص الدول الباقيه عطوهم اجازه .. الحين بقولكم انتوا شو ؟؟!!! جي علموكم اهلكم ؟؟!
اتشوفون الغير واتقولون والله غلان احسن عنا وبنصير احسن عنه ؟؟!! انتوا اي شي سوه الناس قمتوا انتوا تبون اتسوونه ..!! لا والله ..!!
يعني الحين لو الدول الباقيه الشيخ راح وقال لشعبهـ روحوا غرقوا عمركم بالبحر بتفتكون من عوار الراس بتقومون انتوا بتعقون عماركم بالبحر
يعني عجيب امركم والله ..!! انتوا عليكم بانفسكم ما يخصكم الدول الباقيه شو سوت ..!! كل دوله ولها نظامها وقوانينها انتوا مالكم شغل ..!!
بصراحه يعني وبدوون زعل الموضوع جاد وصريح ..! انزييين ولنقطع الثانيه تعب ..! شو تعب ؟؟!! يعني الحين انتوا بالله عليكم احنا من
1000 سنه ندرس برمضان ما قلنا واي تعب واف ما انروم وهالحركات اللي قمتوا اطلعونها ياين الحين والله تعب ومادري شو ؟؟!! وين راح
لسانكم السنه اللي طافت ؟؟!! ليش ما قلتوا تعب .. الخ ليش الحين طلعتوا كل هالرمسه ؟؟!! وقسم بالله تقهرووون يعني الواحد لو بيسكت !!
انزين والباجين يقولون عبادات .. انا ابغي اسالكم الحين انتوا السنه اللي طافت ما عبدتوا ربكم في رمضان ؟؟!! السنه اللي طافت ما ختمتوا
القران والسبه الدراسه ؟؟ السنه اللي طافت ما صمتوا ولا صليتوا ؟؟!! يعني شو فرقت السنه اللي طافت عن هالسنه ..!! قالوا عبادات قالوا .!
يعني الحين لو رمضان ما اجلووه ما بتصومون ؟! ولا بتصلون ؟! ليش يعني كل هذا !! شو هالمنكر اللي طلعتوه لنا الحييين شو هالشخافه ..
انزين نااس قالوا امتحانات وما يصير احنا صيام و واجبات .. انزين الحين السؤال اهنه ..!! انتوا صايمين من صلاة الفجر لين 1 بليل ..!!!
يعني انتوا 24 ساعه صيام ..!! يعني يوم اتقولون ما يصير احنا مب ماكلين شي كيف بنذاكر ..! انتوا ما بتصومون اليوم كامل !!!!!!!!!!!!
من بعد صلاة المغرب افطروا وذاكروا الامتحان لو تبون اكلو غوزي وعيوووش عالفطور وبعدين روحوا ذاكروا ..!! بتقولون لا والله يوم
امتحانات احنا انذاكر من نرجع المدرسه لين نرقد .. جذابين .. هيه نعم جذابين .. والله اغلبيتكم بترجعون من المدرسه بترقود ولا عالمسلسلات ..
افطروا وذاكروا ..!! ما فيها شي ..!! وبعدين هاي مب اول سنه انتوا يكون فيها عليكم امتحانات في رمضان والله مب اول سنه والله والله ..
احس من رمستكم انا بيرتفع ظغطي >< افف خخخ والله تقهرون يعني تبغون اطلعون شي من لا شي ..!!! وبعدين واخر شي حر .. الكثير قال
والله حر وما بنقدر .. انا ابغي اعرف متى صارت الامارات مطر وبرد وثلوج ..؟؟؟ متى ؟؟؟؟؟؟؟؟ يعني طووول ايام السنهـ معروف الامارات
حر في حر في حر وان نزل مطر نادرا مره في السنه وشهرين بس في السنه الجو يعتدل شوووي .. وين طحتوا لنا حر و حر من متى صار
برد يعني ؟؟ الحين لو اجلنا الدراسه لين بعد رمضان بيصير برد و ويا سلاااام طايح مطر ..!!!! يعني تقهروون والله خاصه يوم اتقولن عبادات!
والله يوم تبون تختمون القران عندكم الفصحه وحصص فاضيه و في الباص يوم اتروحون وترجعون و في حصص الدين مب لازم ادقون سوالف
ومصخره واتقولون نبغي اجازه .. انا بقول لكم شي انتوا يوم تبغون رمضان فيه دراسه بدرسون و بتقولون عااادي بس يوم ما تبووون شوفوا
شو اتسووون ..!! يعني احنا تعودنا دوووم رمضااان يكون في المدارس ليش تبون هالسنه تخبرون وتعكسون حظارتكم كل شي من راسكم ..!!!
اخواني .. واخواتي .. الكثير منكم يدعي على الوزاره و الكثير منكم يتصل ويزعج الجرايد و الوزراء .. عقلوا شوي عقلوا ..!!
والله لو ما كان هالشي في مصلحتكم ياما سووه ..!! يعني هم بيخلون الدراسه في رمضان عناد ..!! وعسب يغايظونكم مثلا او يتعبونكم ..!!
طبعا لااا ..!! والله مفكرين في مصلحتكم قبل مصلحتهم ..!! فكروا فيها شوي ..!! يعني لو اجلنا الدراسه لين بعد رمضان وايد سلبيات بتصير ..!
وانا بعددها لكم اولا بتكون اجازة نصف السنه 10 ايام فقط ..!!! اتعرفون شو 10 ايام يالله يالله بيتلاحق الواحد يشل عمره ..!! وبعدين واااايد ... وغير انه بدرس شهر 7.. ترا نفس الشي .. و الله ..!!
اجازات بتصير في الكورس هذا الاول وايد .. وبعدين المعلمين والمعلمات بيقومون يشرحون بسرعه بسرعه لحقوا زين ما لحقوا عااادي ..!
يعني ما بتفهم شي من الشرح ارقد في البيت ابرك لك ..!! ما بتفهم شي يالله يالله اذا لحقنا المنهج وخلصنا ..!! كله بيتراكم علينا ..!! مايصير
انتوا مستهينيين بالسالفه الحين فكروا فيها بعدييين صعبه والله صعبه ..!! وبعدييين والله حلاته رمضان في المدارس بالعكس له اجابيات اكثر !
يعني تجمعنا فيه ذكريااات وااايد حلوه مع الربع ..!! ثانيا نستفيد اكثر من المحاظرات والاذاعات المدرسيه و الدروس اللي يعطوها لنا عن
رمضان والرحلااات اللي تصير ..! وبعدين اكثر شي واهم شي الاجر عن رب العالمين .. اضعاف الاجر اللي ناخذهم واحنا مستريحين في البيت
عن ان احنا نروح ونتعب ونجتهد في الدراسه .. والله رمضااان رووعه في المدارس يمكن ما اتحسون بهالشي الحين بس لي نزل قرار تاجيل
الدراسه بتندموون وبتحسوون .. انتوا اتقولون هالرمسه الحين لجل الفرح والوناسه ومنو ما يحب هالاشياااء بس لي فات الفوت ما ينفع الصوت ..
وبالاخير انا ادري واعرف عدل اني واااااااااايد طولت عليكم لان انا بعد ايدي عورتني بس كان كل هدفي من كل هذاا اني اقنعكم واخليكم
ترجعوون عقلكم لرااسكم واتغيرون رايكم القرار خلااص نازل نازل ماشي تاجيل لبعد رمضان .. بس انا ابغي احبب لكم هالفكره لانكم والله
عصبتوا في الوزاره انا اكثر من مره سمعت في الاف ام وايد معصبين واذا كنتوا مصرين على التاجيل حبيت بس تعرفون ان بهاي الطريقه
انتوا اتعقدوون الموضوع مب اتسهلونه .. !! لعلمكم بس فعسب جي اتمنى تغيرون رايكم واتشوف الايجابيات قبل لا اتشوفون السلبيات ..لأن كل دولة غير نظاامها وخططها عن الدول الثاانية ..انتوا شفوا الدول الثانية عندها اجازة ..قلتوا تبو أجازة .. مافكرتو بالسلبيات وتضييع خطط الدولة وأخر شي انتوا الي بتندمون...

ولا تفهمون رمستي غلط ...
مع السلامه ..

.........