منتدى استراحات زايد - مع غيري( إلـ ع ـب) وبين له( مهاراتك)

سيف:خطفت عليهم فالميـــالس..بعدهم رااقديــــن..
ام راشد:عااد سر بعد اشوي ووعهم..عسب يروحوون صلاة الظهر ويااك..
سيف:فااالج طيب..
ام راشد:فالك ما يخيب..
فطامي:السيييف..
سيف:لبيييه..
فطامي:لبيت حاايـــه .. ابغيك اتودينا السووق..
وتمت اتطالع في روضه.. تباها ترمس..عسب تقنعه..لأنها تقنع الكل..بس روضه صدت الصوب الثااني.."مااالي حاايه فالسووق..ليش اسيــــر.."
سيف:الشور لمايييه العووده..
وصد صوبهـــا..
ام راشد:قرن ميلسكن..اشوفكن ضيعتن العلوم..وفريتن المذهب..شو لكن فالسوق كل ويوم والثااني طاابات له..
خلودي:يالله يماايه احن شو قلنا..الا ودونا السوق مب المريخ..ثلاث ساعات بالكثير وراادين..والله نبا نظهر كلنا ارباااعه..من متى ظهرنا اربااعه ويا بنات خوالي..من ذييج السنه..
سيف"ببرود عكس خلوودي":زين لا تصيحين..>>>>هاهاهااي حللللوة..
ام راشد:لالالا..ما يحتااي..يلسن يلسن فالبيت اخيرلكن..
خلودي طالعت روضه..وعقبها فطاامي يبنها ترمس..وغبوش وموزة وسلامي كلهنصادات صوب روضه..ونظرااتهن اتدل على انهن ودهن ايصفعنهـــا..
روضه:يالله علني فداااج يماايـــه..اللحينه ملجة خلودي الأسبووع الياي..جيه شو تبغيناا نلبس..يرضيج الرووض بنت رااشد الـــ.......ـــي..تلبس حيالله لبس افهالملجــه..طلبتج قولي تم..ولا تردين بنت رااشد..ومثل ما قالت خلودي..احن من زمان ما ظهرنا ارباعه..وكل واحد تاخذ راي الثاانيه..افدييتج عن خاطرهن..لا ترديينهن..امبونها بنت راشد ما ترد حد..صح رمستيه..قوولي تم؟...
ام راشد:تـــــــم..
روضه:خلينا انسييير السوووق..دخيييييييلج لا تردين روااضي عيونج حبيبة قلبج بنوتتج الصغييره..
فطامي وخلودي وسلامي وموزاني وغبوش وشموس:امااااااايه دخييييييلج..
ام راشد:خلاص عيل سيييرن..
استاانسن..بس خرب وناستهن الأخ سيف..
سيف:لا مااشي سييرة..
صدت فطوم صوب روضه..وخلاف ردت نظرها له..
فطامي:السيف عاد بلا حركات قرعــه..امايه قالت سيروا..
سيف:تبون السووق؟؟
الكل:هيه..
سيف:سون الغدا..وان عيبنا والله لوديكن..امممرة كلكن يالبنات اللي في خاااطركن شلنه..وانا مووول ما برمس..وكل شي ع حساابي..بس اللحينه اتسيرن وتطبخن الغداا..>>>>>حركاات يبغي ايعذبهن و يذلهن..
سلامه:لاا انا مااا اعرف اطبـــــــــخ..
روضه:لحظه لحظه لحظه..هاذا ايقص عليييكن..ما بيدفع لكن شي..
سيف:رياال وقد رمستيه..
ام راشد:وانا اشهد..
فطامي:امايه العوده شااهده..
نشن البنات من عندهم وهن يتناقشن فالموضوع.. ضاامنات السيرة..شمووس وسلامي وموزي عندهن..أكبر طبيخات في العااايله..>>>>>حلوه اكبر طبيخات..سوووا طاااف..
حدرن المطبخ..وشموس قسمت الشغل عليهن..روضه وفطوم عليهن الترتيب والسلطات ..غبوش وسلامي العصير والماي وهالسوالف...خلودي وسلامه وشموس وموزة يتعاونن في الطبخ..هعهعهعهعهعهع
ونبدا العد معكم يالقراااء...واااحد..اثنين..ثلاثه..
و سلامي عدت الأرقااام ويانا ..تعلن بداية الشغل..وبالفعل كل وحده ادت اللي عليها وعلى اكمل وجه..واللحينه..الشله..السبع بنات..واقفات عدال شموس..اللي كانت واقفه عدال الجدر..وتوها شموس ذاقته..وصدت صوبهن وعلامات ويهها اتدل بخبر شين..بكل بطء حطت الملاس ع الطاوله..
شموس:مااااااااااشي احلى عنه..
صرخن وتمن يلون ع بعض..ويغنن اغاني ع كيفهن..
الكل:نحن الطبااخين نحن الطبااخين بنروح السوق وبنخسر سيف وبنخسر سيف..
موزة:جنا ما سرنا السوق من سبع سنين..
فطامي:ولا شاايفاات خيير..
سلامي:يلا يلا يلا زقرن البشاكير يودن الغدا في ميلس الريااييل..
شموس:والله خااايفه..ما جفتن الميلس كيف ممزور..
روضه:لا لا بيعيهم..حتى عمومتيه..
خلودي:يلا بزقرهن..عسب يظهرن للحرمات بعد..
وبعد ما خلن البشااكير يودن الغدا صوب الريااييل والحرمات..يلسن كلهن ع الدري اللي جدام المطبخ..اللي ع الدري الثالث او الأول..سبع بنات مااشالله..ومن يشوفهن بيقول يالسات يتصورن..وحل السكوت عليييهن..يترين حد يظهر من ميلس الرياااييل يعلق عليييهن
شمسه:احترقناااااااااااا...
روضه:هالبنيه من يوم ما عرفتها..واذا وقفت تحت الشمس..قااالت..
موزي وسلامه:احترقنااااااااااااااا..
الكل:ههههههههههه..
غبوش:ويييييييييييييييييييييلي..
الكل:بلاااااااااج؟؟
غبوش:بااجر امتحان رياضييات..بموت ان نقصت درجه..
خلودي:جب جب جب بس جب..
فطامي:احن وين وانتي وين؟؟
روضه:خلوها هاي بصوووب..
غبوش:بنات سخيفات..
موزة:علمينا الظرااافه..
سلامة:بس كله ولا غبووش..
روضه:ليش اتداافعين عنها..عشانها سوتلج تقرير الدين..
الكل:ههههههههههههه..
سلامي:موزه لقطي ويهج..
موزة:خسارة ويهي عريض ابا حد يسااعدني وانا القطه..
الكل:هههههههههههههههههههههههههههههه..
روضه:بل بل بل بل بل..هاذا وااحد ظهـــر..هجووم عليييييييييييه..
نشن البنات كلهن..وكان هاذا سيف سااير للصاله ..وربعن البنات كلهن وراااه..وحدرن الصاله..عسب يسمعن شو يقول وعلق تعليق بسيط..
سيف:مسككككككككككككككككككككككتتتتتتتتتتتتت..
الكل صااااااااااااااااارخ وتمن مستاانسااات..اول شي بيسيرن السوق اربااعه وبيسولفن ع كييفهن .."سوالف السوق غير"..وفوق هاذا محد بتدفع شي من مخباها..ع حسااب البطران سيف..وهو اللي بيوديهن وبييبهن..شو احلى عن هاااذااا كله..
سيف:الله يعطيكن العقل..
ونش من مكانه..ساير لقسمه..وحدر وبند الباب..وخلاف فجه وقال..
سيف:خمس دقايق واللي ما تظهر سيارتيه تتعذرلها..ركبن سيارة العايله الإستيشن اوكي؟؟>>وبند الباب..
روضه:الله يعطينا العقل هاه؟؟شووو اشـــــــوفك نسيت عمرك شو كنت اتسوي الصبـــح..جنك ياااهل تلعب بهووز الماااي..ماا عليـــــــه والله لفضحــــك..
موزة:شو شو ما سمعتج عيدي..
روضه:ولا شي..بعد ما تنتشر الفظاايح بيبين كل شي...تريوا بس انتوا..
وبكل جداارة ..فازن ..الكل تم يمدح طبــاخهن..يعني لهن الحق ايسيرن السوق ويخسرن سيف..نياهاههاهاهاهاههاي..ع السااعه 3ونص..الكل طلع فوق عسب ايغير ملابسه..ويلبسن عبيهن..وطبعن الكل لبس عبي مسكره..اول وحده روضه خلصت..شلت شنطتها ..وموباايلها ونزلت تحت..
الشبااب كلهم كانوا ياالسين تحت..سيف هو اللي بيوديهم..والكل تعذروا السيرة ويــاه..اونه مــــالهم باارض ع حشرة البنات..حراام عليهم..احن البنات حشرة؟؟؟؟..بالعكس لطيفات طيبات ظريفات دمهن خفيف.. رقيقات..هههههههههههههههههه..
يلست روضه حذال حمد..وهمست فاذنه انه يشغل البلوتوث ماله..كان نكه.."الخيال"..وروضه.."احلاهن وتتحداهن"..مااااا علييييييه ياا سيف..ضحكت ضحكه شرير افداخلها..وقالت بصوت وااطي "شوف شو بسويبك اللحينه.."
طرشت الصور والفيديو لحمـــــــــد اللي كان ناااقــع من الضحـــــك..وطلب من الشبااب انهم يفتحون البلوتوثات ماالهــــم..وبما انها تعرف نك سهيل.."البدوي"..طرشت له اول واحد..وخلاف طرشت لــ"راعي العراقيب"..اللي هو سيف..
اتحولت الصااله لسييييرك..الكل يضحك ع الفديو اللي سجلته باسم"يااهل اصغر عن عنودي"..كان اسم الفيديو يضحــــك تم حمد اخوها يطمش ع سييف وخلوف مشاركنهم..وحمدان ومحمد ما صدقوا شي يضحكهم..وحميد ملتزم السكووت وسيف كان ينااظرها بنظرات اتخـــوف..حست به منصصصصصدم من الحركـــه..ماا كاان متــوقع انه فيه حد ايجووفه وهو يلعب بهوز المااي..ين الشله..وراوتهن ايااه..والكل تم يضحك ع سيف..خلته مطنــــزة..ههههههههههااااااااااااااي...قالت روضه وبصوت مسموع"فديتني والله.."
وصلوا الموول..وسيف مطنش روضه وهي طنشتنه..ما سمحت لعمرها تشتري أي شي بفلووســــه..كان ايسولف ويا البنات ويضحك ويااهن..ويتمصخر ع الراايح وع الرداد..وهي ملتزمه الصمت ..لأنها ببساطه تكره هالإنسااان..من موقف..ومن نظرة؟؟؟؟
كــانن البنات يتشــــرن..بعد اللي عابلنه في المطبخ..وفطوم معصبه على روضة لأنها ما شرت شي للحينه....حدروا شومارت..وروضه ملت وقالت بتسير لسبلاش ولايف ستايل..تمت تتحوط وتمت تاخذلها مناظر وقمصان..طبعن بفلوسها ماتبا شي منــه..ردت لشومارت مالقتــــهم..؟؟
"وين سااروا مب متفيجـــه لهــــم"..كانت اترمس عمرها وهي حااطه الشيله ع ويهها..
وتمت اتحااوط فالمول ارووحها..ومرات متغشيه ومراات عاادي..شلة الشبااب اللي وراها من يوم ما كانت فسبلاش ..اربعه منهم..لعوزونها من الخااطر..وملت منهم..اتروح يمين ولا يسار هم ورااها..مرت سااعه كاااملــه..وما لقتـــهم..للحظه شكت انهم ردوا البيت وخلووها..>>>افكاار يااهل..
حطت شيلتها ع ويها وكملت طريقها اتحااوط فالمول..منها ادور عليهم..ومنها تتقضالها اكسوورات لملجة خلوودي..والوضع ما تغير ويا شلة الشباااب..وقفت عند كان كان..ع اساس انها بتدخلها..وسمعت وااحد من الشباااب..
واحد من المفلع:فديييييييييتها البنيه الغاااويـــة اللي جداامي..محلاااااااج..
ربيعه:غزاال من حلاتها...والله العظيم انيه اول مرة اجوف ابنيه افحلاتها..
ربيعهم الثالث:بس ليتها اتصد صوبنا مطنشششه ع الأخير..
واحد منهم:فديييت رووحها محلاات عوودهـــا..
فجـــأة انقطعت اصوااااتهم عنها..الحمدالله افتكت منهم..فجت تيلفونها بدق ع حمد ايي ياخذها ملت من السووق..بس كان تيلفونه مغلق..جافت المسجات اللي من عند سلامي تتخبرها عنها وين وعرفت انهم فوق عند المطاعم..حاسبت ع الأغرااض اللي عندها..وظهرت من المحــل.. حست ان في حد زخها من يدها..من لمسته ومن حركته ومن سمعت صوته..عرفت انه سهييييييل.."يااااااالله علني فداااااه "..تم ميود ع يدها ومشاا ويااها بدون ما يرمسون..ولا حرررررف..لين ما قطع الصمت..سحبت يدها بسسرعه..حركات سهيل ما تعيبها..
سهيل:ليش ارووحــج؟؟
روضه:ضيعتـــــهم..
سهيل:ربج كنت ياي لواحد من الربــع..لمحتج وعرفتـــج..
روضه:زين انك ييت..صارلي اكثر من ساعه ادورلهم..اللحينه قريب يأذن المغرب وريوولي عروتني من زود الحواطه..
سهيل :ييبي تيلفونج..
عطته التيلفون..
سهيل:اتشوفينهم هااييلاك الشله..وهاه رقمي اليديد لو محتاايه شي دقيلي...
روضة:تسلم..
سهيل:الله يسلمـــج..تامرين بشي فديتج؟؟
روضه:سلامتك الشيخ..
سهيل:يلا بااي..لا تنسين احبـــــــج مووت..
لفت ويها ابسرعه عنه..كالعاده..لأنها ما اتريد اتجوفه وهو ساااير عنهم..اتخاف ايسير ولا يردلها........؟؟؟!!!>>مثل ما قلت شعور غريب...
سهيل:الرووض..
صدت صوبـــه..ويــأ عندها..و قلبها مييت من الخوووف..
سهيل:مشتااااااااق..
روضه"باستهبال":لشووو؟؟
سهيل:لكلمــــة..
روضه"باستعباط":شوو من كلمــــة..
سهيل:كلمة احبك يا سهيل..متى بتقولينهــــا..
روضه:بدري عليها..
سهيل:اتحبيني؟؟
روضه:هيه ..
سهيل:حبيبي لا تعذب من اذا طال الجفا يهواك..تولع في هوى حبك وحبك صدق يحلالي..وانا ما همني الا اشوفك والتقي وياك..وابدد وحشة غيابك بوصلك يا بعد حالي..
صخت عنه..وهي فدااخلــــــــها تتفداااااه..
سهيل:توعديني؟؟
روضه:بشووو؟؟
سهيل:ما تتركيني...؟؟
روضه:انت اللي لازم توعدني انك ما تتركني..
سهيل:شفتيني غبي عسب اتركـــج..انا اترك هليه وهالعاالم كلـــه ولا اتركــــج..
روضه:ما ظني..انت بتنساااني..؟؟>>>>>>>اتسوي اختبار محبه..
سهيل:رواضي..مستحيــــــل انســــاج..
هالكلمتيين دووم يقولها عسب يسكتهــا..لأنها هالكلمــه الوحييده اللي تهدي ناارهــــا..
روضه:متأكـــــد..؟؟
سهيل:ما مليتي من الدرااســــــة..
روضه:لأ..شااطـــرة..
سهيل:شرااايــــج نملــــج؟؟
روضه:بعدني صغيرة..ما فيني التزم من اللحينه..
سهيل:رواااضـــي..
روضه:سهيل لا تحااول..لا ملجه ولا عرس ولا هم يحزنون..
سهيل:احيانن اشك انج موول ما تحبيني..؟؟
روضه:انـــــا ما احبك؟؟انا؟؟
سهيل:اثبتيلي..؟؟
روضه:من يحبك كثر ما احبك انا.. من يحبك حاول ويا ما إجتهد..
سهيل:روااضــي..
روضه:سهيل نتفااهم بعدييين فطااامي يايه..
قرب منها واااايد..همس قريب اذونها..
سهيل:احبج موووووت..واتمنى وصاااااااالج..
طالعته..ابتسم لها ..وساار..بس لفت ويها عنه ابسسرعه..باختصاار ما اتريد اتجوفه وهو ساايـــر..لأنه فكرة ابتعااده عنها تيننها..
يتها فطااامـــــي ..
فطامي:ويينج انتي..سيف ودرنا عسبج..راح يدورلج..هكو عند قوم سلامي..تعالي يلا..
طنشتهــــــــم..هب متفيـــجه لهــــــم..هم وين وهي ويييييين..محتشرين وحالتهم لله..وهي في قمة ونااااستــــها..الحمدالله انها ابتعدت عنهم..والا ما سمعت هالرمسه من سهيييل.."ياااالله ياا سهيل كيف احببببـــك..وما اسوى بدووونك..فدييت روحك وقلبك..">>>خبله دووم اترمس عمرها...
ماا حست ابعمرها الا وهم طـــالعين من المول..وركبــوا السياارة..يلس سيف يصاارخ عليها.."خرب ونااستي هالسبـــــــال..">>>قالتها روضه بصوت وااطي..
سيف:وين سرتي..ســـــــاعتين واحن ندور علييج..ولا تيلفونج مغلق..
روضه:نسييتـــكم..
سيف:حلفي انتي بــــس..اللحينه بيأذن المغرب..واحـــن ندورج..
روضه:لحووول..شو انته بتذلنا لأنك وديتنا السوق..ما ينرزى علييينا..
سيف:انا ارمسج ولا تغيرين السااالفــــه..
روضه:انا ماا غيــرت الســـالفه..جانك بتذلنا..انا وحده بظهر من سيااارتك..ومالي شغــل فيكم..
سيف:جان فيييج خيير سوييهـــــا..
روضه:فيني خير واحسن عنك.."قالت لشمسه"..خوزي عن دربي..
فطامي:رواضي استهدي بالله..
خلودي:السيف بلاك ع البنيه..
سيف:جــب انتن ولا كلمة..بجوفها جاان بتظهــــــــر..قوية العين؟؟
روضه:بظهــر ولا عليـــّه منك..
فجت الباب وظهــــرت..حتى أجيااسها ما شلتهن.."وياا ويهه السبااال شو جاايف عمـــره..اااااااااااااخ كيف اكرهه..">>>ههههههههههههههه
وقفــــــت ع الشــارع..وهو جنه ما صدق قحص بويل ودبـــر..وياا ويهه..دقت لحمد اخووها مغلق..ومحمد وحمدان دقتلهم سايريين ابوظبي ربااااعه..محد بقى الا سهيـــــل..
"لالا استحي ادقلـــــه..براايه..بدق لامايييه بس بتسويلي سالفه لييش ما ييت ويـــــاهن..يالله شووو الحــــل..أدق لبويه..؟؟بس الشـــايب مب رااايم ايي للعيـــــن..شــــــــو الحـــــــــل.."
سرحت بافكارها وهي على طرف الشاارع..طالعت الجــو..حل الليل خلاااص..ردت لخطوه ع ورى..وهي اتجوف الشباااب كيف ماازرين المكاااان..جاافت سهيــــل يـــاي صووبها..وجنه مستغرب من وجودها اهنيـــه..زقرها وسارت وياه بدون ما سألها ولا سؤااال..
ركبت سيــــارته.. بورش كاييت سودا..صد صوبها..بنظراته المعهوودة..اللي كلها حب وعشق وهيــــام..اللي من أتشووفهـــا روضه اتحس برااحه اتحل افقلبــــها..ورمسهــا..

ظنكم سهيل شو بيقول لروضه؟؟
ظنكم شو بيستوي ويا شموس وحمد..؟؟
ظنكم خليفه ليش مطنش سلاااامي؟؟

في انتظار تعقييييباااتكم..

الـ ج ـــزء الــ خ ــامس..

••.•°¯`•.•• شوق ووله ••.•°¯`•.••

آه لو تدري ..ح ــبيبي..كان والله ما قسيت ..
من غ ــرامك كم أسهر ...بالليالـــي ما ..أنام ..
لا هنى زادي وشربي لا و لا بيومي إهتنيت ..
تايه مضيـ ع دروبي وسط ع ـتمات الظلام ..
لا خ ــوي ولا مـ خ ـاوي ولا لقيت اللي أهتويت ..
بين ياسي وبين همي غ ـارق في بحر الـ غ ـرام ..
يا ح ـبيبي روف و أرح ـم طالبك و أنا رج ـيت ...
ح ـالتي ما هي بخير في الح ـشا ع ـوق وسقام ..
في هواك القلب هايم ومن غ ـرامك إبتليت ..
والله ع ــالم كيف حالي بين ألاف الأنام .
ميت بـ ح ـبك وزينك وإنت يالـ غ ـالي دريت ..
بس ما ادري وش ع ـلامك قاطع وتنوي الـ خ صام ..
لا خ ـبر منك لفاني آآه يا ع ـمري جـفيت ..
لا توافيني بوصلك لا ولا ح ــتى السلام ..
في النهاية يا وليفي لك غ ــلا دامي حييت ..
وح ــبكم تاج على راسي وع ــلى الصدر دايم "وسام"..

..شعور الحب ساكن افكيانها من عهد طويل..ومشاعر الشوق تعودت تصبح وتمسي فؤادها..واحاسيس الوفا نوخت اركابها ع خفوقها العنيد..ومعاني الوله كلها تجسدت في شجونها الفريد..الهيام اصبح عنوان قصة عشقها..والوصال هو كل امانيها..أعلن الغلا عن وجوده الدائم افقلبها..و كلمة بعاد ياماكرهتها..
روضه اعشقت بمعنى عشقت ..من هي بدونه..حياتها موول ما تسوى..حبها لــ"سهيل"..فاق معنى الحب..سهرت عانت شقت كله ..بسبة درب طوووويل..لا تظنون انه صعب تخطفونه ابسهوله وبسرعه..درب طووويل سبب الآااام وأحزااان للقلوب الجريحه والخواطر الكسيرة..هاذا اللي يسمونه درب العااشقين....درب المحبين..درب هــل الأشواق..محد يظهر منه..يا مجروح ومتعذب..او الحظ حالفه وظهر من هالدرب سعيد افبقية حياااته..وااحد من الإثنين..غيرهم مااشي..
نظراته يا ماعذبت قلبها..وهجرانه يا ماجرح خفوقها..وكلماته ياما ذوبت روحها..وابقربه..حان الموت في عيونها...
روضه:اككككككره مادري كيف اتراابعه..
سهيل:ههههههه..والله سيف طيب ومحد شراته..
روضه:امحق طيّب افذمتية..اممممرة ما عنده معنى..
سهيل:انتي ما تعرفينه زين ..
روضه:وماريد اعرفه..
سهيل:لا خلاني الرب من منطووقـــــج..>>>>>>>>>>اونه..
صخت روضه..ما عندها شي اتقوله..وسهيل بدوره التزم الصمت..ترك الموقف يسرد روحه بروحه..
وقفت سيارة سهيل عدال سيارة سيف..وسيف اللي كان يمشي بسيارته على هونه..ظهرن البنات من سيارة سيف..وكل وحده ميودة أجياسها..ووقفن على طوول عند سيارة سهيل..وظهرت روضه..سلم عليهن سهيل ..وتم يتخبرهن عن الحال..
سهيل:سيييف ياا سيييف..
بس سيف حدر البيت مطنش سهيل..مــع إنه كان يسمعه..
سهيل:يلا براايكن..
الكل:الله يحفظك..
من حدر سهيل البيت..تمن البنات محتشرااات..
موزة:اششششكر فنج بنت العم..خشمج خشمج..
ويتوايهن ..
سلامي:شو تشكرين فنها..؟؟انتي شو سويتي؟؟"اتطالع روضه"..
روضه:انا ما سويت شي..؟؟
غبوش:شو ما سويتي شي ..يالسه اتراددين الريال..لو درابج محمد ولا حمدان بزواالــــــج..
روضه:اللحينه انتن بلاكن محتشرات عليه..ضيعتكم..ويوم لاقيتكم..احتشر علي الشيخ سيف..ماادري بلااااه؟؟
غبوش:لأنج زودتيها ..حشى من الساعه اربع ونص ونحن اندورج..
سلامي:الريال زاااغ ..لا استوابج شي ولا شي..
روضه:ياا حاافظ ..يزيغ عليه..من متى؟؟قولي الا استاانس..بس تدرين اسميه حرق اعصاابي ..
موزة:قهرني الصرااحــــه..اونه اتحداج اتظهرين من السيارة..
خلودي"منحرجه من أخوها":خلاص زين ما صار الا الخير..
موزة"اتزيييد":اي خير غناتي..واخوج عهد علينا ايودينا وييبنا..وطرد روضه من سيارته..شو يعني يذلها؟؟
غبوش:مووزوووه عن الرمسة الماصخه..
روضه:خلاص زين سكتن..
موزة:ليش نسكت عنوني.."اتطالع خلودي"الصراحه خلودي اخوج قمه فالوقاحه مستلم البنيه جيه ..ولا يصاارخ عليها جنه الا ريلها..
روضه:شو؟؟بسم الله عليه..
سلامي:ايييه عاااد رواضي و موزاني مررة مزوداتنها انتن..مستلمات الريااال..
غبوش:صج مضيعات المذهب..
روضه"اتعدل شيلتها":سييري مناكي..فايجتلج انا اللحينه اتسويلي محاظرة..
فطوم"معععععصبه":خلااص زين كل وحده تبلع لسانها ..حشى كيف شباب الشعبيه يطالعونا..يالسات تتناقشن فالشارع..
فطوم سحبت شموس وياها..وحدرن البيت..من بعدها حــدرن كلهن البيت..ومن بعد ما غيرن ملابسهن..يلسن ايسولفن وكأنهن من شوي ما تضااربن؟؟!!
. . . . . . .

عيوني عنك ..اداريها عن عيونك..
أخاف تحس بأشواقي عليك..
وتعرف اني مجنونك..
وأذوب بنظرة عيونك..
واحاول اكتم انفاسي..واكتم احساسي..
علشانك..أخاف الناس يدربوك.
يحسدوني على حبك لأني صرت محبوبك..

بيت بو سهيل..
يــوم الأحــــــد..
الســاعه 6 ونص..
حيرة سلامي..

سلامه:ما كان قصدي..
شموس:شو ما كان قصدج..تدرين به انتي اللحينه ..كيف متأذي من حركتج الماصخه..
غبوش:شموس خلاص هو وين اللحينه..
شمسه"ابعصبيه":افبيييتهم..
سلامه:ااااااااااه فدييت قلبه والله..
وحظنت سلامي الدبدوب الأحمر اللي من عند خلووف..
غبوش"باهتمام":سلامي دامج اتحبين هالكثر..ليش اتعذبينه ويـــاج..
شمسه:مادري هااي بلاها تستهبل..
سلامي"اتحرك ثمها مفتقده التقويم تراها مظهرتنه اليوم":خلاص زين..لا تمن جيه ع راااسي..
شموس:يلا بعد ما تخلصين وتتسبحين..لبسي لج كندورة غاوية..وكشخي وتعالي بنسير صوب بيت عمي..
سلامي"باستسلام":انزين..بس والله والله استحي..اذا شفته شو اقوله؟؟
غبوش:هه..>>>>>تستهزء في سلامي...اونها تستحي..
شموس:اونج سلامي..انتي اتظهرين الرمسه جداااامه..
سلامي:خلاص انزين لا تاكلوني..
ظهرن شموس وغبوش..من حيرة سلامي..ومن يلسن فالصاله..تنااقعن ضحك..
غبوش:اسمييج اتقنتي الدووور..واتسوين عمرج معصبه..
شموس:ههههههههههههه..خليها اتحس اشويه..خلووف بيموت والسبه هي..
غبوش:وبوشهاب بيمووت والسبه انتي..
شمسه"بابتسامه اتحاول تخفيها..":شو دخل بوشهااب فالسالفه؟؟
غبوش:اووووونج..يوم كان يوم اليمعه..الكل لاحظ نظراااته وهو يطالعج..
شمسه:نظرات عاديه..
غبوش:شموس انا اكثر وحده افهمج..أعرف ان حمد يننج..من اول ما شفتيه..
شمسه:سيري اهنااك..انتي ما كنتي عندنا اول ما شفته..روضه كانت ويااي..
غبوش:انزين ترى روضه خبرتني..
شمسه:بأدبها الغبيه..دوومها اتطلع اشاعات ع الناااس..حبيبة سهيل..
غبوش"بابتسامه":العرب كلهم بيحبون..الا انا..
شمسه:بيي يوم وبتحبين..يمكن تنسينا بعد..
غبوش:انسى الكل الا انتي..
شمسه:افديت قلبج والله..
صخن يوم سمعن صوت حد ياي..كان هاذا سعيد..سلم عليهن ..
غبوش:بوعسكور عطنا من اللي عندك؟؟
كانت تقصد سلة البستاش اللي في يده..
سعيد:نو نو نو..>>>>زطي..
غبوش:بخييييييل..
سعيد:براايه عااد قولي اللي تبينه..
غبوش:سعيد عن النذاله..
سعيد:تدرين اصلن هااي سارقنها..توه حمد يايب لروضه وموزة ثلاث..وخذيت وحده انا وشردت..
غبوش:الااا يالنذل..بخبر عليك..بس تدري قالوا ان الشرده نص المريله..
سعيد:شفتي كيف..يلا براايكن..
وعطاهن ظهره..
غبوش:شو ما بتعطينا..؟؟
سعيد:فالأحلام..
غبوش:بنت منو هاي؟؟
سعيد:وحده الله يستر عليها..سلملم.."وفي خاطره يتفدى اللي اسمها احلام"..
"هاي كلمة سعيد..دووم يقولها..سلملم"..
غبوش:مااااالت علييييك يالسباااااال..
سعيد:بااي نونو..>>سعيد يسمي غبوش النونو أو البيبي..
حدر سعيد غرفته..
"سعيد..كان من أول الشخصيات اللي ظهروا في بداية القصه..وعرفتوا انه أخو سهيل وسلامه..سعيد..انسان عايش حياته ع النت..وبالتحديد الشات والمسن..بدوي..بس ما يحب سوالف البدو..الشباب يوم يظهرون للعراقيب ..ولا يوم يقنصون بصقورهم..ما يسير وياهم..الا ان شي مطر..يفضل ياخذ الابتوب ماله وييلس ويا ربعه فالميلس..ويحدرون الشات اربااعه..ويطيحون في هل الشاات..عااشق الحلويات..وهالشي طبع فالعاايله كلهم..طويل..بس مب عريض واايد..واحيانن يلبس النظارات..يدرس ثاني سنه فالكلية..وشااطر ماااشاالله عليه..نادر ما يرمس بنات.."..
طولت سلامي..فنزلن غبوش وشمسه تحت..ولقن عمهن وأمــهن العوده..وأم سلامي..
أبو سهيل:مرحبااااا مليووووون بغراااشيب الرماااااح..
شمسه وغبوش:مرحباابك زوود يالغالي..
وايهن عمهن ويلسن حذاله..
أبو سهيل:هاه شحالكن بناتي..عساكن ابخير..؟؟
شموس وغبوش:بخير ربي يعافيك..
أم راشد:هاه غبوش خلصتي مذاكرة..؟؟
غبوش:هيه افديتج من نص ساعه مخلصه وييت اشوف أخبـــار سلامي..
أبو سهيل:هيه عاد غبوش شدي حيلج..احن حاطين كل الآمال فيج..صحيح انج ثاني ثنوي..بس اللحينه النسبه تأثر في نسبة الثنويه العامه..
شمسه:اووه عمي ظهرت تعرف افهالسوالف..
أبو سهيل:ههههههههه..عيل ع الفاضي دارس افأمريكا سنتين..
غبوش وشموس:اوووووووووووونه..
أبو سهيل:والله ماجذب..
غبوش :اووه والله ما كنت ادري..
شمسه:سنتين بس..
أبو سهيل:ما عيبني الوضع فأمريكا..رديت..
أم راشد:عاد هااي امكيرا ماشي من الزين فيها..اتلوع بالجبد..
الكل:هههههههههههههههههه..
أبوسهيل:امايه امريكا امريكا..مب امكيرا..
أم راشد:اووه جانك اللحينه بتعلمني الرمسه..صخ لا هالعيرة ع رااسك..أمكيرا ايكرا وماريكا كلها نفس الشي..داار الخيااس..
الكل نقع ضحك ع رمسة أم راشد..ويت سلامي.
تمن غبوش وسلامي وشموس يسولفن ويا عمهن..اللي كان يتمصخر عليهن ويعلق على كل وحده..
صدت شمسه افويه كل واحد من اللي يالسين عندها..وقالت افخاطرها"لو يلست فالكويت..شو كان بيصيرلي"..
بالفعل..حست انها انسانه..لها أهل..عندها حد يهتم فيها....عمومتها وعيال عمومتها..رياييل ينشد ابهم الظهــر..حست ابهم عون وسند لها..بيوقفون وياها وين ما كانت..اسبوعين بس..دخلوا قلبها بطيبتهم وروحهم الحلوة...استانست بخفة دم روضه واستهبالها..وجدية غبوش ودراستها..بصراحة موزة الجارحه..وبراءة سلامي وغباءها..عيبتها سوالف خلودي..وارتاحت لفطوم ومقالبها ويا روضه..ارتاحت لحمدان ومحمد بطيبتهم..ولخلوف يوم يرمسها عن سلامي..وسعيد وبخله بالحلويات..وسهيل ونظراته لروضه..وعبودي وعنودي صراخهم فالبيت..واستغربت من طبع حميد..ومن قواة عين سيف..زادا اعجابها بعمومتها..واهتمامهم فيها..واستانست على حريم عمومتها..كيف معتبراتنها وحده من بناتهن..واستوت اتموت في يدوتها..وكيف ما تصبر عن شوفتها..أرتاااحت لكل شي في الرمــــاح..وهل الإمارات كلهم..افهالبلد..حست انها انولدت من يديد..وحيااتها كلها اتغيرت..كل شي كل شي..حتى اسلوبها ورمستها..ومشااعرها واحاسيسها اتغيرت..حياتهم اليوميه حلوة وعجيبه بمعنى الكلمة..والفرحه والبسمه ما تفاارق بيوتهم..لأنهم عاايلة كل واحد قلبه ع الثااني..وكل واحد يده ع يد الثاني..والشي الوحيد الشاغل فكرها..هو حمد..ما بقولكم لأنه يوم طاح فيها بالنظرات حبته..بالعكس هي من شافته اقبل عليهن هي وروضه..فز قلبها..حست انه انسان ماخذ الحياة بريلاكس..ونكيت وراعي سوالف..وهاذا واحد من الأسباب اللي عيبها فالإمارات..
لازم اتعيش يومها كاامل..واول شي..وأول شي ..يحلون مشكلة خلوف وسلامي..بس همست افداخلها"فدييييييييتج يالكويت..كم اتولهت عليييييج"..
واللحينه..تم أعلاان الإنسحااااب..والسيرة صوب بيت بو محمد..زقرت غبوش البشكارة ..وعرفت ان روضه عند موزاني..صدت غبوش صوب شموس..وابتسمن لبعض..جنهن مستانسات ان الخطه بتمشي اوكييييي..
من حدرن بيت عمهن..لقن افدربهن حمد..
حمد:مرحبااااااااااا مليوون وزوودهن مليوووون ولا يسدن بشيووخ الرمااااح..
غبوش:اووه كل هالترحييب حقي..
حمد"ايرقع السالفه":حقج وحق اللي عندج..شحالج غبوش؟؟
غبوش:يسرك الحال ومن صوبك..
حمد:القلب صويييب دخيل الله لا تتخبرين..
ضحكت غبوش..وحمد اكتفى بالإبتسامه..
حمد:هاه شموس شحالج ربج الا بخير؟؟
شمسه:بخير ربي يسلمك..>>>>وسكتت..
غبوش:جيه ما تتخبرين عن حال ولد عمج..
شمسه"منحرجه":اشحاااالك انت وشعلوومك عسااك ابخير..؟؟
حمد"متشقق":بخير لا خلاني الرب منج..>>>>زودها..
شمسه"معصبه":هااه الشيخه غبوش ارتحتي..
غبوش:هيه عادي عندي..
حمد:سلامي شحالج؟؟
سلامه"برقه":بخير ومن صوبك..؟؟
حمد:ابخير ونعمه..هاه وين التقويم اشوف اختفى..
سلامي:هيه ودعنااااه اليوم..
حمد:جيه ما داومتي وياهن..
شموس:لا نقعتهن خيانه..
سلامي:انتي اللي منقعه خيااانه..
حمد:ليش ما ادرسين عندهن..؟؟
شموس:ما احب الدراسه؟؟
حمد:هب ع شكلج؟؟
غبوش:شكلها يوحي بأنها مصريه اتحب الدراسه..
حمد:هيه شرااتج..
الكل:ههههههههههههههههههه..
سلامي:ابغي افهم..ليش كل وحده شااطره مسمينها المصريه..والله لاحظت هالشي فالمدرسه بعد..
حمد:ماادري مع احتررامنا الشديد لأخواننا المصريين..بس هم ماشالله عليهم ..يعني يدرسون دراسه من الخاطر..
سلامي:هيه هب شراتنا..
حمد:اها يلا شي فالخاطر؟؟
الكل:سلامتك..
وسار حمد عن شلة البنات وركب سيارته راايح للمول"مكــان شغلـــه"..والبنات سارن وحدرن الصاله..
"حمــــد..مخاوي الضحك ع قولة روضه..ذيج السنه مخلص الثنويه العامه..وما يريد يشتغل او يكمل..ودوومه مداوم فالمول ..اربع وعشرين سااعه..الصبح يوم ينش لازم يسير المول..ويا ربعه ناصر وأحمـــد..واذا ما ســار يوم واحد المول..يسجلونه غياب..ويخصمون من راتبه...خخخخخ...
انسان وع حسب أفكار شموس..ماخذ الحياه بريلاكس..وما يهمه شي..صحيح ان دووم ويا ربعه..بس علاقته قووو ويا سيف وسهيل وسلطان..وهالشلة دوومهم ويا بعض"..
من دخلن البنــات الصـــاله..يلســـن يتفوالن من الفواله الموجوده فالصـــاله..صدت غبوش صوب شموس..وشموس متجاهله غبوش ما تبــى اتبيــــن شي لسلامــي اللي كانت اتسولــف ولا عليــــها..
دقايق خطفت ابســرعه الا موزة ورواضي يايات من فوق وهن يتضااحكـــن ومكشخات اضرووسهـــــن..
موزة:غبــــوووش ...نشي يلا للمطبــــخ..
روضه"اتطالع في شموس":هيه سموس قالت لي انج متفيجه تطبخين لنا العســـا اليووووم..عاد انا خااطريه في خبــــز مدقوق بلبــــن..
غبيشه:لا عاد هالأشياااء انتي اتسوينها مب أنــــــا..
روضه:امممممممف علييييييج..بدوية ع الفــــاظي..
موزة:يلااا خلاف اتفااهمن يلا سبااالوه غبوشي..
غبيشه:وتسبـــــن؟؟اقول لا اتخلنــي افضحكن للحينه ويرووح اللي بتن امس فليل اتخططن فالهـــــوى>>شبه نذلــــه..
موزة"اتغمز لها بعيونها الهنتين":غبوووش يلاااا عاد عنوني طولتيها..
روضه:بمووت من اليـــوع..
غبوش"اتنش من مكانها":هاه نشينـــا خلاااص..>>>وميودة ضحكتها..
نشت غبوش وسلامه اتطالع فيــــها..وجان يطالعن شموس ويظـــهرن
من الصــاله..بس ما راحن المطبـــخ...تمن واقفــات على باب الصاله العود..
سلامه:يلا عاااد بنشوف غبوش شو بتسويلهـــــن..
شموس:لا ما عليج فيها بتعطيهن وصفات ولا أحلـــى..اووه سلامي نسيت ما ارويــج القصايد اللي ظهرتن من النت..وموزاني سوتلهن برنت..
سلامي:اوووه عااد انا احب القصاايد..نشي بنييبهن..
شموس:لا افا علييـــج..بسير بتخبـــر موزاني وين حطتهـــن وبييبهـــا..
سلامي:انزين شو انا ايلس ارووحي؟
شموس:يلا عاده ما بيستوي فيج شي..
نشت شموس وما عطت سلامه اي مجــال للرمســـة..وظهرت من الصــاله على اساس انها بتسير صوب الأخت موزة وتتخبرهـــا وين حطت القصــايد..وهو في الأصـــل لا قصـــايد ولا هـــم يحزنـــون..بس عســـب تظهر شموس من الصـــاله..
وقفت شمــوس عند روضه وغبــوش وموزانــــي..عند البــاب..
روضه:غبوس من نحــاست رمستــج الماصخه الريــال ما بيظهــر..
غبوش:اسمييييي غبووووشششششش..
روضه:غبووووووشششششش..انزين شو اسوي كله ابسبة التقويـــــم...
شموس:المهـــم..موزاني فديتج انتي رمستي خلووف؟؟لا يكون قلتي له شي عن هالخطـــه..
موزاني:لاااااا..بس هو قــالي انه بيظهـــر من بعد خمس دقاايـــق..
غبوش:واحن طولنــا يالسين اهنه..
روضه:خلونا نتريـــا..بس ياا خوفي يظهــر ويشوفها وتشوفه ولا يرمسون بعــض..
شموس:لاا عـــاد اهنيه احن لازم نتدخـــل..
روضه:انا وحده كل شي عندي بالغصب..غصصصصب عنهم يترااضون..احن ما عندنا حبااايب يتزااعلــــون..>>اونه؟؟؟!!
موزة وغبووش:عااااااااشووووو..
شموس:اصصصصصصصص..صخن يالعنز لا تصــاارخن..
موزة:ماا احب حد يسبنــي..
روضه: مب بكيفـــج ..صح رمستها..اللحينه بتيينا سلامي وهي تربـــع..
غبوش:مب وقتها مواقعتكن اللحينه..لا تنسن انتن فريييق..
روضه:خلاص موزاني سامحيني اخر مررة..
موزه:افاا ما بين هالرمسه..خشمج خشمج..
وبتوااايهن..
شمسه:هاذي المرة الألف..
غبوش:هههههههههههههه.
موزة"تفج البــاب بشوي اشوي"..:اوووف..سلامي بتنش..
روضه:لأااا لا تقولين..
موزة:اوووف قويه..يوم نشت سلامي ..خلووف ظهـــر ظهــــر..خلووف ظهـــر..
روضه:هجوووم يالقووووم..
غبوووش:اخييرن ما بغـــى..
غبوش يلست ع ركبها وحطت عيونها بين البـــاب..واشوي فوقها شموس وبعدين موزة ولأن روضه اطول وحده هي بتكون اعلى وحده فيهن..
كااانن يراقبـــن الموقف بين سلامي وخلوف..أقصد سلامه وخليفه..يراقبن هالموقف بكل تفاصيلـــه ...وكل وحده اعيوناتها اشوي وبتظهـــر..
وفالصــاله..بند خليفـــة باب حيرتـــه..وحط السمــــاعه في مخبــاه..ومشـــى ..وفي نص الصـــاله..وقف مجاابــل المنظـــرة العوده..عسب يصلـــح سفرتــــه..
عدل السفـــرة..وتم ايشوف ويهه..شاف صورة سلامه في المنظــرة..علــى بــاله يتخيــــل..وبصبووعه مســـح عليها ابكل حنيـــه وقال بصوت مسموع:
خليفه:والله اني امووت فييج..
رد وطالع افويهه..بس انتبه ان الصورة لا زالت في المنظرة.. غمض عيونه العسلية حرك راسه وكــانه يخلي عقله يرد للواقـــع..فج اعيونـــه..استغرب..!!!الصورة لا زااالت موجــوده..هاذا يفسر شي وااحد..ان هاذا مب طييف سلامي..هاذي سلامي بكبرها موجـــوده..وابسسسسرعه..وبدون تردد..صد خليفه وراه ..جان ايشوف سلامي وااقفـــــه..نســــى كل شي..نســــى انه زعلان علييها وماخذ افخــاطره..نســى انه من ثلاث ايااام كان مطنشنــــها..نسى كل شي بس يوم شــــافهــــا..ويأ صوبها..
ولا سلامي..من زوود الإحرااج تمت اتطــــالع الأرض..ومرتبشـــــــه..وقف مقابلنها بالضبــــط..كانت دريشه الصـــاله مفتوحه..دريييشه عوووووده..يعنـــي ماااخذه نص اليدااار..و كااان مهب قوووي..لدرجه ان الستااير تتماايل يمين ويســــار..
خليفه كنت أتخيلج..ترى طيفــج دووم يزوورنـــي..>>>مركز ع قصه سلامي اللي اتطير شرات الستااير..
سلامة:...........................
خليفه"تذكر انه زعلان":ليش ما ترمسين..لا تقولين متلومـــــة..
سلامه:.......أنا............انا..
خليفه:انتي شووو؟؟انتي بس تجرحين..عنلاات صداااج ماخذ السمــــاعه بسلم عليج وبشوف شو اخبارج وشو الدراســــــة..ابا اقولج انيه متوله علييييج وااايــــد..جان ترقعيــــــن السماعه افويههي..ولا الأخت موزة العنز يالسه تضحـــــك..
عند البنات..روضة تضحك..
روضه:اوووه سبج يالمسكييينه قاالج العنز..
غبوش:روااضي صخي بيسمعونج..
روضه"بغباااء":هييه صح..صخن صخن..
خلوف"يكمل":والمشكله ما يييتي تعتذرين بعد اللي سويتيه فيني..ييت بيتكم عسب سعيد..شفتيني حتى ما مديتي يدج اتسلمين..وعند قوم بو سيف شفتيني يالس فالصاله ولا رمستيني..واللحينه لو انج مب ارووحــج جان نشيتي وخليتيني..صــــــح؟؟
سلامه:............................>>>>ههههههههه..ا تضحكني..يالسه اتخيل شكلها..
خلوف:رمســــــــي..
سلامه:شو اقووووول..
خلوف:أي شي..
سلامه:انته اللي مطنش..
خلووف:انا ولا انتي..
سلامه:انت..
خلووف:انزين انتي ليش جييه؟؟
سلامه:انا ما سويتلك شي..انت اللي تطنش..
خليفه:.................................
سلامي:....................................
خليفه: تعالي نسكت أحسن من كلام تاليته جروح..
هلا بالصمت دام الصمت مايجرح مشاعرنا..
أنا وانتي وطول الصمت والدمعه وكثر البوح..
وليل مابقا به حيل ينهان اويامرنا..
توحّي تسمعين الليل مدري وش بلاه ينوح..
على ضحكاتنا والا على كسرة خواطرنا..
بكا ماكنّه اللي كان يغرينا فرح ومزوح..
سكت ماكنه اللي كان ملهمنا وشاعرنا..
سلامي تدرين انج تعبتي وتعبتيني ويــــااااج..
سلامه:انزين انا احبـــــــــــك..>>>>لوتيه..
خلوف:مب شي يديد..
سلامة:شووووووو..
خلوف:شو اللي شو..؟؟
سلامه:انا اول مرة ينطق لساني بهالكلمــــة..
خلوف:انزين اللحينه قلتيها عسب ما اعااتبـــــج..سلامي انا شووو ذنبي انيه أريد ارمســــج..والمشكله انتي قايله ما تبين ترمسيني تيلفون..انزين انا ريلـــــج عاااادي..
سلامه:استحي..
خلوف:قربي..
سلامه:ماارييييد..
خلوف:قربي عسب اصفعــــج..والعن خيرج..
سلامه:ما تروووم..
خليفه:انزين قربي عسب اعطييج السطار الي يوديج بيتكم اتصيحييين..
قربت سلامة منه..قربت خدها عسب يعطيها كـــف..بس هو يود ويها وبااسها بين حياتها..
سلامه"منصدمه":خلووووووووووف؟؟
خليفه:ههههههههههههههههه؟؟عادي انتي حرمتيه..ههههههههه..بلاه ويهج جيه استــــوى أحمـــــــــــــر..
سلامه:..........................
خلوف:هههههههههههه..سلامي حلفتــــج..كل يوم اتقولين لي أحبـــــك..دخيييلــــج..
سلامه:...........................
طبن البنااات علييهم جان تنفج عيون سلامي..عكس خلوف اللي شااق الحلج..
روضه:بس عااااااااد أحرجت البنيه..
خلوف"ميود يد سلامي وحااطها عند قلبه":عاااااادي حرمتيه..عرسنا يوم اتخلص الثنويه..وملجتنا ذييج السنــــه..
روضه"اتحط يداتها على عيون غبوش":اووووووووه خلوف احشم يااخي ختيه بعدها صغييرة على هالحركااااات..
الكل:ههههههههههههههههههههههههه..
سلامه:ليش خليييييتوني..؟؟
خلوف"ايسوي عمره معصب":شووو انتي ما تيووزين؟؟
سلامه"بخوف":خلاص انزين اخر مــــــرة..
شموس:يلا خلوف خليناكم اتردوون لبعض..ييبلنا اسكريمــــات..
غبوش:بااسكن روبنز..
خلوف:ليش اييبلكم..احن اصلن طبيييعي طبيييعي انرد لبعض صح سلامي حبيبي..؟؟
سلامه:هيه صــــح..
موزة:طاااااااع ويهها..
خلوف:لا تسبيين حرمتيه..
روضه:لا تسب موووزة..
وبدت الحرووب الأهليه بمخاااد الكنب الصغيره..>>>>>شراااتي انا وختييه العنـــــز..هههههههه..

. . . . . . .