منتدى استراحات زايد - معاناة السنين

Part4

فالمستشفى عند حمدان او اهل حمدان كان الجو هادي اهدء عن قبل 3ساعات الي كانو فمستشفى هم ام حمدان الي ما طاعت ترد البيت وابو حمدان الي كان فرحان وفجا زعل عشان والدة حمدان وحادثه الي سواه وابو احمد لي ما طاع يرد البيت كل ما قالولة رد البيتيقول ما برد الا اذا حمدان قام وام احمد بعد نفس شي و مريوم يالسه تقراء قران عشان تخفف عليهم .

اليوم ثاني ساعه 6:30 اصبح مهاري وحمد راحو المستشفى وسلوم تم فالبيت مع الخدامه.اول ما وصلو المستشفى:
ابو حمدان:شحالكم وين سلوم؟
حمد:بخير وسلوم خلينا فالبيت
ابو حمدان:مهاري شحالج؟
مهاري:مش بخير زفت اخوي بين الحياه و الموت كيف بيكون حالي(ما تعرف تجامل يعني لزم تحرق قلب ابوها المسكين فرحته بشركته الي ربحت صار حزن على ولده)
خلص اليوم وما ستو شي كل شي نفس شي.فليل على ساعه 9:00الكل رد البيت ما عاد ابو حمدان وابو احمد يلسو فالمستشفى ورقدو هناك.

اليوم ثاني يمكن يكون احلى يوم فحيات ابطالنا او اخيس يوم .ساعه8:00ابوحمدان دق حق ام حمدان وقالها شي ما تتوقعونه شو هو؟ طبعن ما بنهي البارت
بس شو؟
7
7
7
7
7
7
7
7
7
7
7
حمدان
حمدان
حمدان
حمدان قم من الغيبوبه الحمد لله انه قم بسلامه بس كان فيه كم من يرح بسيط وريله انكسرت.
يوم الثلاث بعد مرور 3 ايام من الغيبوبه قم بسلامه . في المستشفي ساعه 9:00 ام حمد ومريوم وحمد وسالم ومهاري ومهاري يايبه باقت ورد
الكل: سلام عليكم
ابوحمد وابو احمد:وعليكم سلام
ام حمد على طول راحت صوب حمدان ويلست تحضنه و تصيح ومهاري تنقز على حمدان وتمت تحضنه وتبوسه وتصيح ويلست على سرير وما تخلي حد يلس عنداله الا هي

يت ام احمد وعياله وبعد حصوه يت الله يستر شو بتسوي تولفن مهاري و حصوه ناقصتنهن شيماء وبتكمل سالفه . ام احمد بعد ما سلمت
ام احمد:ها حمدان شحالك
حمدان:بخير الحمد لله بس نكسرت ريلي ويروح بسيطه
مهاري(تتطنز): بس
حمدان (يضحك):هههههههههههههههه هيه بس والله ناس مايو يسلمون ولا خلاص ما ستوحقي قيمه(يقصد احمد وراشد)
احمد : والله ناس ما سكينك وما مخلينا نسلم
راشد(يطالع مهاري ويضحك): جنك ريلها مب اخوه بس قولها لا تخاف ما بنسرقك عنها.
مهاري فهمت انا الكلام حقها وعصبت
مهاري:خلاص انا بروح البيت ما اريد اتم هنيه ما احبك حمدانوه انا ما احبك لانك ما دافع عني
حمدان كان يضحك
حصوه(من دون ما تحس):صح احين تقولين ما احبه بس يوم كان بين الحياه والموت مادري منو تم كل يصيح
مهاري: جب انتي ليش مقهوره
حمدان يحضن مهاري
حمدان: فديت اختي فديت روحه
احمد: تفد تفد هيه ونحن طاف
حمدان: مهاري فديتج شويه قمي خليه ايي هو ورشود بيكلوني
مهاري: لا كل ولا يكلونك بقم
مهاري سارت صوب حصوه و يلسن يسولفن
عند قوم حمدان يلس حمد وياهم
حمدان: حمد انته زعلان مني
حمد: لا مش زعلان وليش ازعل
حمدان: عشان سياره
قبل ما حمد يرد ابو حمد رد
ابو حمد: نفاد الحديد المهم انته وعن حمد لو يبا عشر سياير بشتريله
حمد: سمعت بعد زين اكنت اريد سياره يديده
حمدان:هههه لزم تشكرني
مهاري من اخر العالم: حمود لا تشكره كفخه كف عشان مر ثانيه ما يشل سياره ويتادب حمدانوه انت حمار
حمدان: حد طلب رايج
مهاري :yes , I asked my self
حمدان: جب
مهاري:I will shut up
حمدان:thank u
مهاري:your welcome
وتمو يسولفون بس مهاري وحصوه قالو يبون ينزلون الكفي فقالو ابو احمد وابو حمد ما شي سيره تمت مهاري تتدلع على ابوها لحد ما قال حق راشد يروح وياهن
عند الفت
مهاري:اليوم كيف دوام من دوني
حصوه: ولله ملل تر انا تعرفيني ما اعرف اجامل
مهاري: شحاله خطيبت حبيبي
راشد من سمع هل كلام عصب
حصوه: اي حبيب؟!
مهاري: حمدان اخوي
حصوه : هيه اليوم يت سالتني قلتلها ما اعرف وينها
راشد ارتاح

نزلو و طبعن مهره لزم تعايب هي وحصوه
مهاري: شوفي هذا يتحر عمره ملاك جمال
حصوه: ستغفر الله جيكر
راشد: صكتو اعرفه جب
حصوه: سوري

الولد ياء صوب راشد اسم الولد سلطان
ساطان: شحالك يا ريال وينك من زمان ؟
راشد: بخير ولله فهاي دنيه
سلطان : خير سلامات شو تسوي فالمستشفي؟
راشد: ماشي بس الي رابي وياي مسوي حادث وانت شو تسوي هنيه منومريض؟
وفجا دق موبايل مهاري واول مادق سلطان على طول صد وشافه وراشد بعدراشد يسأل مهره منو لي داق مهاري ترد وتسويله طاف
مهاري: الو هلا وينج من زمان
شيماء: بخير صح حمدلله على سلامت اخوج
مهاري: لله يسلامج نزين احين وينج ما تسالين
شيماء:ولله كنت مشغوله ابوي امس رد من اسفر
مهاري: اذا جيه مسامحينج صح هذي حصوه عندي (وحصوه تقول حق مهاري تسلم عليه)وتسلم عليج
شيماء: لله يسلمج ويسلمها من شر
مهاري: تبين تكلمينها؟
شيماء: هيه
حصوه تكلم شيماء ومهارييلست تلعب بموبايل حصوه وراشد يكلم ربيعه سلطان
راشد مبايله يرن :الو هيه لا بعدنا فالكفيه اوكيه باي
راشد: يلا سلطون بخليك الوالد دق يقول بسرعه
سلطان : مع سلامه
راشد: مع سلامه (ويصد حق حصوه ومهاري): يلام امشن
مهاري: اوكيه هتي موبايلي خلاصتي رصيدي
حصوه: شيوم باي ها خذي تلفونج
مهاري: اخيرا خلاصتي بشوف رصيدي (مهاري تشوف كم رصيدها)الحمدلله بقا عندي 30 الحمد لله
حصوه: ما خلاص شفتي ولله وكلتني رشود شفت زطها
رشود: هيه بس حرام رصيدها
حصوه: انا بسكت احسن
مهاري(فجا بصوت عالي): حصوه شوفي
حصوه:بسم الله شو فيج شو اشوف خوفتني
مهاري: هذيج البنت عرفتي منو؟
حصوه:هيه هذيج لا ما عرفتها
راشد:لا تاشرين شوفي بعيونج مش بصبعج
مهاري: حلفي هاي الي كانت ويانا سنه الي طافت شو اسمها نسيت هيه اذكرت اسمها شيخوه
حصوه:هيه ولله تعلي نروح نسلام عليها
هنيه راشد عصب: يلاه جدامي انا الي سويت فيكن خير ونزلتكن يلا خطفو وبعد محد مسولي سالفه الا شيخوه الا شيماء الامادري شو خطفو يلا بسرعه

وردوالحجرت حمدان وهم داخلين الحجره
مهاري( معصبه): الله يسامحكم تنزلون ويانا هذا المعقد ياخي مشكله
حمدان:ليش منو زعل مهاري حبيبتي
راشد(وبكل شجاعه): انا شو بتسوي؟
حمدان: حسابك بعدين يوم اقوم بسلامه قولو امين
الكل: امين

ويلسو يسولفون وبعدين الكل رد البيت .

يوم لاربعاء حمدان كان فرحان لانه بجر بيطلعونه من المستشفى

عند قوم ام محمد
ناصر: اوف ولد محمدوه ولج قم مثل الحصان
ام محمد ما تكلمت ولا قالت شي
نوره: الله واكبر مب جنه قبل كم يوم كان فغيبوبه
وتمو يسبون ويدعون

ام عند شذى وامنه
شذى: مهروه داومت اليوم
امنه: هيه وكل البنات يسلمن عليها ويحضننها
وفجا تدخل فطوم
فطوم: امنه امي تباج
امنه : قوليلها ما اريد ايي واذا تباني خليها تيني
فطوم قالت حق امها
ام مايد:شو امنه قالت جيه شو فيها هل لبنت؟
فطوم: ما اعرف(وراحت)
ام مايد شافت امنه رايحه حجرتها وزقرتها
ام مايد: امنه تعالي
امنه(من دون نفس) : نعم
ام مايد: عيب تكلمين امج جيه
امنه: اي ام انتي اصلن مش امي انتي ما تحبيني انتي تحبين عيالج وانا ما دانيني(وبسرعه راحت)
حلص اليوم ولي فرحان ولي زعلان ولي حزين

يوم الخميس مهاري فرحانه كان تاريخ 14-3-2008 بتروح دبي

اصبح فبيت ابو حمد ساعه 6:00
ام حمد: مهاري ديري بالج على نفسج وشلي الفلوس ولا تنسين مبايلج واذا حد كلامج لا تردين عليه ودقيلي كل دقيقه
مهاري: اوكيه ماماتي لا تخافين ويوم يطلع حمدان من المستشفى دقيلي
كت
شو تتوقعون بيستوي حق مهره فرحلت دبي؟
وامنه بتعرف ان عمتها قصت عليها ؟
وتحياتي اخوكم ولد العين اتري ردودكم وسموحه