|
اوافق اخووي النعيمي الراي ماخلانا شي انقوله ما شالله عليه |
السلام عليكم ورحمة الله وبركاته الصراحه انا اوافق ولا اوافق ... اوافق لان لازم الشخص يكون له خلفيه في هالشي ... بس تكون هالدراسه للثانويه يعني ثانويه عامه مب اعداديه او ابتدائيه لان هالشي ضروري للشخص وما يكون جاهل فيها ... بس ما تكون دراسه معمقه اكثر من اللازم لا بس تكون دراسه بسيطه ياخذونها في حصه او حصتين ... وفي هالزمن مافي امهات مثل اول يوعن بناتهن ويرشدنهن وشو الصح وشو الغلط وشو الي لازم تسويه فتتكفل المدرسه بهالتعليم ... ولا اوافق لانها مب من عاداتنا وتقاليدنا وهالشي عيب عندنا ... واهلنا ما كل استوا لهم هالشي الا في يوم زواج الحرمه او الريال الابو والام هم الي يتكفلون باعطاء النصايح للاثنين ... وبس هذا رايي ^^ بالتوفيج لج خيتي ... |
صح الله لسانك يا اخويه النعيمي انا يايه مشتطه وكنت بكتب نفس رمستك بالفعل هذي فطرة فطر عليها الانسان ما في داعي نشوه ونخرب في قيمنا اكثر عن جيه ما يحتاي.. الشباب والبنات يعرفون احينه اكثر عن الام والاب في هالامور للاسف يعني لانه كل شي متوفر ومباح وموجود جدام عيونهم هالفكره دخيله وما لها اي تبرير بس الغرب يبون ينشرون الفتن بالغصب اكثر مما هي منتشره بذكر لكم مثال يؤكد هالشي اكيد كلنا نعرف فلم شريك مال والت ديزني صح؟؟ وكلنا شفنا الجزء الثالث من هالفلم طبعا كان شي واضح انه كان في تركيز على الجنس الثالث الله يعز السامعين من خلال شخصية من الشخصيات ووصلنا الفلم في الدول العربيه بدون استثناء في السينمات وانعرض على اساس انه فلم للاطفال بينما في بلادهم هناك في الغرب كانوا دارجين الفلم ضمن فئة عمرية محددة ومانعينه عن الاطفال!! برايكم ليش يعني؟؟ هم بعد الانفتاح عندهم واصل حده ولا حدود للمباح لكن يوم يتعلق الموضوع بتربية الاطفال وفكرهم يكونون حريصين على هالشي وطبعا ما عندهم مانع اذا بينضرون عيال العرب لانه هذا عز الطلب عندهم فليش نتبنا افكارهم من غير دراسه ومن غير ما نرجع لاصولنا وعاداتنا وتقاليدنا واحكام دينا؟؟ الامور هاي اللي تبون تسوونها حصه دراسيه اللي ما تنطرى اصلن اذا كان ولابد.. اذا الشباب والبنات المقبلين عالزواج يحتاجون لبعض النصايح العامه ممكن مثلا يكون في محاضرات دينية او توعوية من وزارة الصحه ولا وزارة الاوقاف يتناولونها من ناحية دينية ومن ناحية علمية وصحية بس طبعا في حدود معقولة ومعينة وتكون فقط للي مقبلين عالزواج يعني للي خلاص خطب او ملج مب لعيال المدارس والله هذي بتكون اكبر اهانه للعرب لو وزارة التربية تجرات وفرضت مثل هالمناهج في مدارسنا والله عيب.. واذا الله لا قال صار هالشي وتعمم لازم يكون في ردة فعل عمليه وعنيفة والكل يعارض لانه هذا مستقبل اجيال يايه مب لعبه يعني مب ناقصين بلاوي اكثر من اللي نشوفه كل يوم طبعا ارفض بشده وتم التصويت |
اقتباس:
|
اقتباس:
العفو ..الله يعافيج يسلموو حبوبه عالطرح رايج و عالمرور .. |
| الساعة الآن 10:33 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir