|
الفصل الثاني اجوان ووسام قايمين بدري عشان بيروحون يفطرون مع نجلاء الا وهم نازلين شافوا أمهم صبحو عليها ام اجوان : وسام اجوان ابيكم بموضوع وسام : طيب بس لو سمحتي يمه بسرعه اجوان : أي يمه لانو نجلاء قاعده تستنانا بمجمع الظهران الام : طيب ترا بيجون لنا ضيوف من زمان ماشفناهم اجوان تقاطع امها :يمه معليش بس بنروح صارلها ربع ساعه ملطوعه بالمجمع وسام وهي مستعجله : يلا مع السلامه اذا رجعنا قولي السالفه وطلعو والام ضحكت على رجة بناتها و كملت فطورها ------------------------------ نوره قاعده تساعد جدتها ((أم أمها))في المطبخ بعد العزيمة ونوره هي بنت متعذبه مرره بحياتها وطيبه مرره وعليها جمال مو صاحي يعني البنت ملكة جمال الجده تكلم نوره وتدعي لها :الله يجيب لك ولد الحلال ولاخوك بنت الحلال قولي امين والله ماتستاهلون اللي جاكم من ورى ابوك بس ما نقول الا حسبي الله ونعم الوكيل نوره استرجعت كل اللي مرو فيه ايام ما كانو ساكنين مع ابوهم ووشلون لما كانو بامس الحاجه له وكان هو وعدم وجوده واحد بس نوره كانت بنت قويه وصابره الجده تقول لنوره بصوت دافي:نوره حبيبتي انا اسفه لا يكون زعلتك بالكلام اللي قلته نوره تبتسم ابتسامه تغطي فيها حزنها : لا تعتذرين ياجدتي ما قلتي شي غلط وراحو قعدو بالصاله مع منى منى هي ام نوره وعانت اكثر من بنتها وولدها بس مع كذا تحاول تبعدهم عن كل ذكرى سيئه وتعيشهم حياة حلوه الجده تكلم منى :ها يابنيتي وشو اللي صار على سفرتكم للاردن منى : ماندري هاذا طلال راح يحجز ومارد لنا خبر الجده : اتصلي عليه وش تنتظرين الا والجده قاعده تتكلم طلال واقف وراها ويقول : الحجز وحجزناه والفندق وتاكدنا منه وجبنا اجازه لنوره واجازه لي لمده اسبوع وشو تبون بعد ام طلال :الله يوفقك وين مارحت ياولدي ولايحرمنا منك طلال الولد الثاني والاخير وهو طيب وبار بامه ويحاول يعوض العايله اللي فقدته من ابوهم وهو وسيم مررره ويحب بنت خالته ------------------------------- رجعوا اجوان و وسام وعلى طول راحو نامو لانهم ما يستحملون يقومون بدري وهم متعودين على السهر وقامو بعد نومه طويييييله على صوت الجرس يرن قامو يتسابقون على الجرس لان اللحين موعد عودة ابوهم من رحله السفر ابوهم يسافر سته ايام بالاسبوع ويرجع الخميس أوالجمعه ويقعد يوم... المهم وصلو بنفس الوقت عند الباب وبنفس الوقت حطو يدهم على الباب وفتحوه الا تفاجئو باللي شافوه قدامهم رجال وسييييم مرررره وحرمه قاعده بالسياره ما امداهم يخزونها لانهم على طول صكوالباب بوجهه وما درو وشو يسوون الا شافو ريتا خدامتهم قدامهم وقالو لها تفتح الباب وركضو على طول عند أمهم وهم متحمسييين وسام :يمه في رجال تحت .... وتاخذ نفس اجوان : أي يمه وصكينا الباب بوجهه الام ضحكت من اشكال بناتها توهم قايمين من النوم وقالت لهم :ههههههههههه صكيتو الباب بوجهه وسام :لالالا خلينا ريتا تفتح له الام :هههههههه هذا اكيد اخوكم اللي بالرضاعه احمد هههههههههههههههه وسام متفاجاه : يمه انتي متاكده هذا دايم نسمع عنه بس عمرنا ماشفناه حتى بديت اشك اذا هو وهم.... دااايم نشوف امه اجوان وهي متفاجاه نفس وسام: يعني الحرمه اللي بالسياره هي امه الام :هههههه خليني انزل اشوف وش السالفه واستقبل الضيوف وانتو البسو وانزلو طيب وسام وهي منحرجه: بس يمه صرفيهم يعني تعرفين فشله بعد ما فتحنا الباب وصكيناه بوجهه الام :يعني شقول لهم اجوان : قولي لهم انو حنا مو موجودين<<النوم ماثر عليها الام وهي متعجبه: كيف اقول لهم انو انتو مو موجودين والولد شافكم لما فتحتو له الباب وسام واجوان استسلمو للامر الواقع وقررو انهم ينزلون بعد ما تكشخو ولبسو وهم يمشون بطريقهم للصاله اللي قاعدين فيها الضيوف اجوان تهمس للوسام: انتي ادخلي قبلي وسام وهي بعد تهمس : وليه مو انتي اجوان :لانو الصغير قبل الكبير وسام :يا سلام وليه ما يكون الكبير قبل الصغير؟؟ اجوان : وسام يالله انتي الجريئه الله يخليك دخلي قبلي وسام: لا ماني داخله اصلا من الاصول انو انتي الكبيره تدخلين قبل اجوان : وسام الله يخليك وسام تتمسخر على اجوان وتضحك :ههههههه اللي يشوفك يقول مخطوبه داخله للشوفه اجوان :ههههههههههههههههههه وهم قاعدين يمشون ويتناقشون ما وعوا الا وهم بالصاله وكذا ما حد دخل قبل الثاني المهم سلمو وقعدو قام احمد بطبيعته يبي يفشلهم بس ما يبي يشوه صورته قدام أمهم و أمه فـ الله ستر وما طاحو بلسانه وسام تبي تفتح أي موضوع مع احمد لأنهي شايفته منعزل وما يتكلم قامت قالت له :شخبارك احمد :الحمد لله وانتي وسام لاحضت انو قام يتجاوب: الحمد لله بخير احمد: باي صف انتي وسام: ثالث ثنوي وسام : وانت احمد: اول سنه جامعه وسام تبي تفتح وياه أي سالفه: عندك أي هوايه؟؟ احمد : أي واجد بس ابرزها ركوب الخيل وسام خلاص ذابت فيه لانو هي تموت بالخيل بس ماتعرف كيف تركبه لانو ما في مراكز تدريب خيل بالشرقيه الا مختلط وابوها يعرف يركب خيل بس مسافر 24 ساعه وماعندهم خيل تعشو وام احمد واحمد قامو يسلمون على ام اجوان واجوان وسام ووسام تقول لاحمد : لاتنسا بكرا تجي لنا على الغدا طيب احمد : خلاص طيب واجوان تطالع بوسام شلون هي تعزم على كيفها -------------------- احمد لما طلع من بيت ام اجوان وهو راكب بالسياره يسولف مع امه: مشاء الله يمه هالناس طييبين وينا عنهم كل هالمده الام بلهجة عتاب: مو انا مو منقطعه عنهم انت اللي منقطع عنهم .................. دايم اذا قلت لك تعال وياي قمت تتهرب بحدا سفراتك يا لبريطانيا او حدا هالدول اللي طول عمرك لاهي فيها احمد ماقدر يرد على امه لانهي كانت صادقه بكل كلمه |
كمـــــــــــــــــــــــــــــلـــــــــــــي <<تحمست حدها:d في انتظار التكمله على احر من الجمر <<تعبت وانا افكر على ما طلعت فيها :d يسلموو هالدياات ^_^ |
واااااااااااااااااااااااااااااااااااو روايه روووووووووووووووووعه فدييييييييييييييتك حبيبتي هموسه من زمان استناك تنزلين هالروايه اخيييييييرا انزلت بسرعه ابي البارت الي بعده ^_^ |
رووووعه ماشاء الله عليك وهلأحمد شكله خطير ولا طلال لا لا كمليها بسرعه <<تحمست |
تلاحضون اننا ماتكلمنا عن الشخصيات كثير خلنا نعرفها لكم الشخصيات.. اولا: بيت ابو اجوان مشاري <الاب يشتغل اعمال حرة وحده مشغوول يموت ببناته مريم<الام دايم مشغولة بالعزايم لانهي اجتماعية مررا وتحاول قد ماتقدر تظل حول بناتها اجوان<البنت الكبيرة باولى جامعة (تخصص تغذية) وسام<اصغر من اجوان بسنة ثانيا:بيت ابو سلطان عبدالله<الاب طيوب مايرد طلب عياله سعاد <الام مررا برستيج وتحب الاتكيت وتقدس العايله سلطان<الاخ الكبير يدرس بالخارج بالتحديد بامريكا مها < متخرجة بتخصص (تربية اطفال) مخطوبة لواحد اسمه وليد نجلاء<باولى جامعة اصغر وحدة ومدلعة ثالثا:بيت ابو نواف: عبد الرحمن <الاب مره حبوب وعلى نياته واغلبية وقته بالعمل هدى<الام حريييصة على عيالها ورايقة دايم نوف<البنت الكبيرة كبر وسام بثالث نواف<برابع ابتدائي ازعج شي بالحياة مشعل<بثاني ابتدائي لايقل ابدا عن اخوووه رابعا:بيت ام طلال منى <مطلقة متعنية بحياتها طلال <الولد الكبير يعتبر رجال البيت متخرج ويشتغل نورة <البنت الصغيرة خلصت ثنوي وجلست بالبيت عمرها 22 الجده< ساكنه وياهم وهي جدتهم من امهم خامسا: ببيت ابواسما : سالم <الاب يشتغل شريفه< الام اسما <البنت الوحيده سادسا:ببيت ابو راشد : عادل <الاب ساره <الام راشد <الاخو الكبير ومتخرج ويشتغل مع ابوه شيما< الاخت الوسطى متخرجه بتخصص (حاسب ) شهد <الاخت الصغيره اخر العنقود بثاني متوسط سابعا : ببيت ابو احمد : يوسف < الاب وكثيير الشغل تاجر ثريا < ربه بيت و واصله مع الناس وراعيه واجب سلمى <الاخت الكبيره متزوجه ومسافره مع زوجها للخارج وعندها ولد وبنت دلال < الاخت الوسطى ومتزوجه ومسافره للخارج وعندها بنت احمد < الاخ الاصغر يدرس اولى جامعه تخصص (هندسه ) ثامنا :ببيت ابو ماجد : بدر < الاب عايشه < الام ربى < الاخت الكبيره وتوفت بالسرطان قبل سنتين ماجد < الاخو الثاني والاخير باولى جامعه تخصص (هندسه ) |
| الساعة الآن 05:49 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir