احمد وقف :زين انا ماكل ولا اعـض .." بعدين نطرني اتكلم ماتكلمت فـ قال " زين قعدي ..
رحت شوي شوي صوب الكرسي وقعدت وانا متوتره ومستحيـــه ومومصـدقه ان هذا هو الي كنت احلم فيـه ..رفييييييج عمــــــــي يااااافرحتي وانا طوول الوقـــــت اصيـح ..يااخساارة دمووعي والله .. وضحكت على نفسي ..وبعدين رفعت راسي شفته يراقبني ..انحررررررجت ونزلت راسي بسرعه ..
احمد : شلونج ؟
همست : بخير ..
حسيت به كان بيتكلم بس قطع علينـا دخول اخوي فيصل
فيصل جاي يركض لي : عووووووووووووش ..عوووووش منور دربتني " ضرتني"
انجررررجت يااويلي الحين شلون اكلمه واحمد موجود ..ياربي استحيي ..
همست له في اذنه : يوم برووح بعطيـك حــلاااوه وبناكلها انا وانت وبنحرها زين ..
شق الحلج فيصل وقال لي وهو يضحك : زين ..
احمد : انت فيـــصل ؟
فيصل رايح صوبه : اي وانت منو ؟
احمد طالعني وابتسم ..وانا انحررررجت وقال : انا زوج اختك ..
فيصل مافهم وقعد يطالعني ويطالع احمد ..اما انا ابتسمت له ..
احمد يمسك فيصل ويقربه صوبه وقال : عطـــــــني بووسه
فيصل باس احمد وبعدين عضـــــه وقام يضحك لان احمد انصدم من حركته ..
احمد وهو ماسك خده : هههه ..ليش سوويت جي ؟
فيصل :ههههههههههه ..عوش علمتنـــــــي ..
نزلت راااسي بسرررررررعه وانا منحررررررررررررررجه ..الله يكرهك يافصول شنو الي مجيبك ؟
احمد : هههههههههههههه ..طلعتي انتي الي تعضيــــن مو انا ..
سكت وانا مو عارفه شنو اقوول ...اما فيصل خذ له كافي من السله وطلـع .. قرب احمد منـي وقعد يطالعني وانا عارفه انه يطاالعني بس مو قادره ارفع رااسي ..ياربي ابــــي اشووووووفه ..
مسك احمد يدي وقال : عوش ..
رفعت راسي طاحت عيوني بعيونه وقلت له : نعم ..
احمد : اممم ..تكلمـي ولااا انتي جي طبعج كله ساكته ..
قلت في قلبي ..شله على بالك انت اخوي ولا احد من اهلي ..انت ريلي من دقيقتيــن ..مااقدر ..
شوي ودخلت علينـا المصــووره ..وقعدت تقول لنـا نسوي حركات وتصوورنــا ..وانا طوول الوقــــــت منحرجـــه واحمد يضحك علــــي ..وعقب ماخلصت المصوره من التصوير ,,
وقف احمد وقال : عيل انا استأذن اشوفج في وقت ثاني
وقفت بسرعه وطالعته ..والله في خااطري ماايروووح ...مادري احس اني ابيه يقعد وياااي .. بس بسرعه وخرت هالشعور وقلت : براحتك ..
احمد: يمكن اتصل لج في الليل ..ترى رقمج عندي .." وغمز لي "
حمـــــــر ويهي ..ونزلت راسي بسرعه .. جا عندي وباس راسي وقال : مع السـلااامه ..
قلت : الله يحفظك ..
طلع من المجلس ..وانا طلعت ورى بعد فتره ودخلت الصاله وشفت ان اهل احمد راحوا ..قعدت في الصاله .. ثجوب ومياسوه ومنور مارحمووني من اسألتهم ..شلون شكله ؟ حلو ولا لا ؟ الحظر غير عن البدو ؟ شنو قلتوا ؟ شنو سويتو ؟ ..فجروووووا راااااسي ...عصبت عليهم وطلعت فووق ..بدلت وغسلت وجهــي وشليت المشابيـص حقت التسريحه ولبست بيجامه حمره عليها دب بالابيـض وماسك قلــب .. انسدحت ع الفرااش وانا طااايره من الوناااااسه .. ياااااااااربـــــــي ..الحيـــن انا زووجه الي حلمـــت فيه ..زوجه رفيج عمي ...احمد ..آآآه ياااحمد ..والله اني حبيـــتك من شفـــتك .. وييييه ابيـــه ..هو شاافني وانا ارقــص ذااك اليووووم ..واافضيحتااااه ..ولااا بعد شكلي معفووس .. اووف شنو هالصدف المااصخه .. شوي ورن جوالي رديت بسرعه على بالي احمد ..
قلت : الوو
نوره : هــــــــــــلاااااااا بالعرووووووووس .. اخباااااارج ؟
طرت من الوناسه واخيرا بعبر حق حد : اهلييييييييييين نووويـــــر ..نوره انا اسعد انســــــــــانه بهالوجوووووووود ..مستااااااانسه مستاااااااانسه ..
نوره : ههههههه عسى دوووووووووووم ..هاا شلوون ريلج ؟
قلت لها والابتسامه مافارقت حلجي : نوروه هو الي شافني في المطبخ وشافني وانا ارقـص ..هووو فاااااارس احلاااااااامــــــــــــــــي يانووويــــر ..
نوره : ههههههههههه ..ياااااربي جعل ايااااامج كلهاااا سعاااده ..
قلت لها : آآآآمـــــــــين ..يلااااا نورووه ..يمكن يتصل لي الحيـن ..
نوره : الحين قمنــــا ماننفعج يالرزييييله
ضحكت وقلت : لاااااااااا افاا ..انتي الخير والبركه .. شدعووه ..
نوره : هههههههههه ..زين يلاا قبل لا تسكرين في ويهي ..
ضحكت وسكرت التلفون ..وبعدين نزلت تحت كنت يوعاانه ابي اكل لي شي ..رحت المطبخ وفتحت الثلاااجه شفت كيك ..طلعت لي وقصيت لي شوي ..وخذت وياي عصير ورحت غرفتي .. وشفت الجوال يرن ..رحت بسرعه ..وشفت الرقم غريب ..قلت اكيد هذا احمد ..رديت : الوو ..
احمد : هلااا عوااش ..
ابتسمت وقلت : اهليـن ..
احمد : شلوونج ؟
في قلبي ..طااااااايره من الونااسه داامك تكلمــني : بخير ربي يسلمك .. انت شلونك ؟
احمد : بخير دامني اسمع صووتج ..
ايي نحرق وييييهي ..وحسيت بطـني يذبحـــني ..
احمد : تدرين ان اليوم انتي طالعـه قمـر ..
اييييي عيل انت شنووووو ..ياربي هذا بيخبل فيـــني ..قلت بحيا : مشكور ..
احمد : انا ماقلت شي من عندي ..بس انا من شفتج في المطبخ وصورتج مو مفارقه خيالي ..
آآآه .. بسك بسك ..ترااني ماقدر على هاذا الكـلااام .. بسك ...
احمد : هههههه ..شفيـــج عووش ..
يااربي دوم هالضحكه ..تهبل ضحكته ..قلت : ولا شي ..
احمد : زين الحيـن اخليـج شكلـــــــــج مستحيــه مني .. معليه ويا الاياام بتتعوديــــــن ..
سكت ماقدرت اتكلـم ..لاني صج مستحيه منه ..
احمد : اوكي حبيبي مع السلااامه ..
قلت وانا ماودي اسكر : مع السلااامه ..
وسكرت بسرررعه ..
آآه قالي حبيبي .. يعني حيبــــــــــــني ..الحين شـيرقديني اليووووووم ؟
وظليت قاعده لين اذن الفجر ..صليت ورجعت انخمدت ..
قمت اليوم الثــــااني ع الساعه 9 الصبـح ..تقلبت ع السرير بكسـل رحت الحمام تسبحــــت ولبست روبي الي لين الركب ..وقعدت انشـف شعري بالاستشوار..بعدين جاني مسج ..رحت لتلفون وكان من احمد ..
" صبـــــــااح الخـــير حبيبي .. شلونج اليــوم؟ "
يااااي ثــــــااني مره يقول حبيبي ...ثاااني مره .. طرشت له
" صبــاح النــور ..بخير دامك بخيـر ..انت شلونك ؟ "
وتوني حاطه الجوال رد علي ..
" بخيــــر دااامنـــي صبحــت بج "
حطيت الجوال ع الكومدينوا ..ورحت لبست لي بنطلون اخضر برمودا وتي شيرت اصفـر عليـه في الوسط رسمـه ضفدع ..ولبست شبشب اصفـر رفعت شعــري ذيل فرس ..وحطيت لي بوودره وكحـل بطريقـتي ..وروج وردي خفيـــــف ..عشــان يعرفوون اني عرووس ..ههه ..
نزلت تحت وشفت امي وابوي يرتيقون .. قلت لهم : صبـــــااااااااح الخيــــر ..
امي وابوي : صبااااح النــــــــووور والسروووور ...
بستهم على راسهم وقلت : شلوونكــــم ؟
ابوي : بخير ..وانتي شكلج مستـــــاانسه ؟
استحيت شوي ..بس قلت : اي الحمدالله .,.
ابوي : ماقلت لج احمد رجال ..واحنا ماغصبناج ألا نعرف مصلحتج ..
بسته ابوي على راسـه : فيـكم الخير يايبـه ..
تريقت ويااهم وقعدناا نسوولف .. بعدين ابوي قال لي روحي قومي عمج ..
رحت برع طقيت الباب على عمي ..
قلت : عمـــــــــــي ..
مارد ..فتحت باب الملحق ودخلت الصاله .. ياااربي عفــــسه .. رحت صوب الحجره وانا اي شي اشوفه ع الارض اشيله .. وصلت غرفته وخنقني ريحة الدخااان .. مسكت عطر وقمت اعطر الغرفه علشااان اقدر اتنفــس ..اوف ياربي شلوون عمي جي عاايش .. رحت له وقومته ..
: عمممممممممممممي...ابوي يقووول لك قووووووم ..
عمي فتح عين والعين الثانيه مسكره : عويـش ذلفي ..
ضحكت عليه وسكرت المكيـــــف وفتحت الدريشـه وفتحت المصباح ..وكان الجو شوي حاااار .. غطيــــت عمي عدل بالفرااااش .. وماخليت غير وجهه الي يبيـــن وطلعــــت ..والله لا يمووت من الحــر .. طلعت من غرفته وشفت في الصاله في شيبـس شيتوس ..خذته وطلعت وقعدت في الحديقه آكــل .. بس فاجأني صوت جاي من وراي : صبـــــاااح الخيــــــــــر ..
التفت بسرعه انصدمت بس بسرعه ابتسمت ونزلت راسي : صباح النور ..
قعد احمد حذاي وقال : شتسووين منيه من صباح ربي ؟
رفعت راسي وقلت : ولاا شي ..قعدت عبدالعزيز ماقام .. جيت وقعدت في الحديقه ..
احمد : نفسي ..دقيت عليـه اكثر من عشر مراات ابيـه يقوم ماقااام ..
ضحكت وقلت : نووومــــه ثقيـــل .. تبيـني اقومه لك مره ثانيه ؟
احمد مسك يدي وقال : دام معايه القمر ..مالي ومال النجووم ..
ووووولع ويهــــي ..ونزلت راسي بسررررعه ..يااربي استحــــــي ..ويهي ينصبغ بس من اسمع حسـه ولا طااريه ..
احمد : هههههههه ..زين متى نسوي العرس ؟
رفعت راسي اشوفه وقلت : مادري ..كيفك
احمد :لو علي انا ..ماسويت لااا عرس ولا ام حمار ..خذتج من الحيـــن ..
شـــــب ويهي احممررررررر .. ونزلت راسي بسرعه ..
احمد : ههههه ..زين شراايج بعد اسبوع ..
رفعت راسي بسرعه : بهالسرررررعه .. !!!
احمد : ياااربي عليـج..انا مستعيــــــل ..
نزلت راسي وانا منحرجه ..اوف ياربي بالعمااااله يحرجــــــني ..
احمد مسك ذقني ورفعه : امووت ع الحيـــــاا انــاا ..
توردت خدوودي وقلت : احمــــــد ..
احمد : آآآآآه ..محــــلااااه اسمــــــي يوم تنطقيـــــنه ..
و صدمنـي صوت من ورانا يقول ..
عبدالعزيز :ههههههههههه ومستوي رومنســــــي الاخ ..
التفت عليه احمد وطالعه بنظره ..بصراحه فطست من الضحك ..
احمد : انت شنو مييبك ..ماكنت راقد ؟
عبدالعزيز قعد حذااي وحط يده ورى ظهري وضربني بالخفيف : الي قومتني حرمــــتك المصون ..حكرتنـــي بريحــه العطــــر وفتحت الدريشـه ..وغطتني بالالحـــااف ..بصراحه مت من الحــــــــر ..
احمد : هههههههههههههههه ..والله ومو هيـــــنه ..الحمدالله ان نومي خفيف علشان ماجرب ..
اما انا دووورووني ..ذبــــت من الحيــــــاا ..ولاا ابي اقووم عبدالعزيز مايخليـني..
قلت حق عبدالعزيز : والله منـــك .. حاشر الملحق كلــه بريحــــه دخااانك ..بصراحه ماقدرت اتنفـــس ..
عبدالعزيز : ههههههههههههههههه .. والله امس الشغل فجر راااسي...ماطلعت حرتي ألا في الدخاان ..
قمت من عندهم : عيـل انا استأذن ..
احمد : ويــــن عووش ؟
عبدالعزيز قوم احمد : اقولك خلهااااا ..ورااااانـــا شغــــل ..
احمد وهو منااحس مايبي يروح : ياااه ..رووح انــــت ..انا بعد شوي بجيك ..
ضحكت ومشيــت صوب باب الصاله .. بس سمعت احمد يقول لي عواش .
التفت عليه غمـــز لي ..وطـرش لي بوســـه .. آه يااربي ..مــــت من الاحرااج ورحت اررررركــــض الصاله ..وسمعته يضحـــك .. وعبدالعزيز قال له :شفيك ؟
احمد : لااا ولا شي ..
بس ماسمعت الباقي لاني دخلت البيت ..قعدت في الصاله وشفت ابوي وامي قاعدين في الصاله رحت صوبهم وقعدت اطالع التلفزيون ثواني ودق تلفون البيت .. رديت : الو ..
هندوه : الوااااااااااااات ...
عرفتها من صوتها الدفش وقلت : هلاااا بو الشباب .. شلوونج ؟؟
هندوه : هههههههه ..اهليـــــن يالعرووس ..بخير اخبارج انتي ؟
قلت لها وانا اضحك : بخير ربي يسلمج حيــاتي ..
هندوه عصبت : قلت لج لااا تغااازلين لا اكفر فيج ..
ضحكت وقلت : على امرج ..
هندوه : اوكي عوش اليوم انا يمكن اجيج .. تستقبليني ولا شلووووووون ؟
ضحكت : لا ماستقبل ضيووف ..اليوم انا بزي ..
هندوه : لاااا وخرووا عنها البزي .. اقول انتي عمرج ما انشغلتي ولا من تزوجتي حبيب القلب ..؟
قلت لها وانا منحرجه : اوووه ..اقول تعالي البيت بيتج ..
هندوه : اووووووكي ..وترى بتغدى عندكم ..
قلت لها : حياج ..
وبعدين سكرت ..
سألت امي : منور في الجامعه ولا ؟
امي تطالعني بأستغراب وقالت : اليوم الجمعه ياحرمـه ..
ضحكت على غبااائي ..الحمدالله والشكــر ..
قمت من مكـــاتي ورحت غرفه منور .. شفتها رااقده ..قلت خلني استنذل عليها شووي ..قمت جبت كوب فيه ماي وبللت يدي شووي وقمت انقط على ويهها حبه حبه ..وهي تتضايق وتفر ويهها الصوب الثاني ..وانا اروح لها من الصوب الثاني وتتكرر الموقف كذا مره ..وبعدين شفت منور قامت وهي منزززعجـــه مني ..وقالت : آآآآآآآآي سبحتييييييييني ..
ضحكت عليها وعلى كشتها الناافشه وطلعت اركض لااا يجيـــني قلاااص الماي على راسي .. ونزلت الصاله شفت علي توه راجع ..رحت اركض له ولووويت عليه
علي : ههههههه شبلااااج ويه ؟
ضحكت وقلت : مادري والله اليوم فيني خباال ..
علي : هههه ..الحمدالله والشكـر ..
رجت وياه وقعدنـا نسوولف ويابعض ونضحك ..تدرووون علوي الوحيــد الي امووت عليه ..اكثـــــر منهم كلـهم ..
علي : عوش ..
قلت له وانا اضحك على طريقته في نطق اسمي : خير ؟
علي : اممم .. ابي اتزووج ..
شهقت وقمت اصررخ : شنووووووووو .؟؟! بتتزووووووووووج ؟؟
علي يقوم ويجرني يقعدني ع الكرسي وسد حلجي بيده لاني كنت اصرخ
علي : اوووووش امــــي وابوي بيجووون من صراااااخج ..
ضحكت مادري من الفرحه مادري من شنو وقلت له وانا اتربع ع الكرسي: قول قول ...من هااااذي سعيـــــده الحـــظ الي بتتزوووووج شيــــخ الشبـــــــاب علــــــــي ..
علي : هههههههه ..انتي تعرفينها ..
قعدت افكر ..وبعدين قلت وانا اصرخ : نجوووووووووووود ؟
علي : لااا لااا ..مو من الاهـــــل ..
استغربت ...مو من الاهل وانا اعرفهااا ..من ؟ .. ظليت ساكته ابيه يتكلم يقول ..
علي : ماعرفتي ؟
قلت له :لااا ..من ؟
علي : رفيجتج ..نوره ..
قمت مره ثانيه وصرخت : واللـــــــــــــــــــــــــــــــه ..ياااااااااااااااااااااااااااااي .
علي قام بسرعه وهو عند الباب : مامنج فايده مابتصكيـن هالمكرفوون " يقصد صوتي العالي ..خخخ "
رحت له اركض وانا اضحك وسكيت حلجي وقلت : اسفه اسفه .. بس ليش هي ..؟ ووين شفتها ؟؟ وتحبها ؟؟
علي ضحك على كثر اسألتي وقال : مادري شفتها كذا مره وحبيـــــــــتهاااا .. عووش احبها والله ..
رحت لويت عليه وقلت : ياااااااي نويـــــر بتعيــــش ويااااااااي ..
علي وخر عني وقال : عيوني بترووحين بيت ريلج انتي ..
استحيت ودزيته بالخفيف : آآآآيـه ..
علي : هههههههه يااعيـــني ..تستحيــن .. من يصدق ..
سفتهت له ورحت بقعد ع الكرسي .. بعد نطيت وقلت له : تعاااااااااااااال ..ليش ماقلت حق امــــــــــــي ؟؟
علي قعد حذاي : مادري حبيت اخذ رايج عن البنت اول ..
ضكت عليه وقلت : من ناحيه اخلاقها وتربيتها اظمن لك .. تراهاا بنت اصل ورجاجيل .. وطيبـه
علي ابستم وقال : آآآه .. متى بس اتزوووجهاا
ضحكت عليه من قلب : متخرررررررشع ..
علي دزنـي من كتفي وهو بعاالم نوير وماوعيـــت ألا وانا في الارض ..
اما علي ميــت من الضحك علي : هههههههههههههههههه .. بـل رطرط
قمت وانا انفض ملابسي معنى مافيها شي بس من الفشيله ..قلت له : بقوووووووول حق نويـر لاا تاخذك لانك دففففففــش ..
علي قام بسرعه لي : لاااااااا عوووويـش .. آآآســـف ..
ضحكت ولويت عليه وقلت : مبـــــــــروووك عليـــــوي مبـــــــروووك ..
علي : خلها توااااافق اول ..
قلت : وهي يحصــــل لها يتقدم لها ولــد جــــــــااااااسم ..
علي : اقول اكرميـــــناا .. ولااا تقولين حق امي .. اول اخذي رايها وقولي لي اوكي ..
قلت له : مايصير لاازم تتقدم لها ..
علي : عوش انا مابي احرج امي وابوي في السالفه .. انتي قولي لها يمكن ماتوافق ..
فكرت في كلاامه صح يمكن ماتوافق .. بس هي يحصل لها يتقدم لها اخووي .. قلت له : اوكي ..
علي دزني باالخفيف : يلااا فارجي اخذي رايهاا ..
قمت ووصلت عند غرفتي وشفت علي واقف وراي
طالعته مستغربه وقلت له : نعم ؟
علي شق الحلج : ابي اسمـــــع رايههاااا ..
دزيته بغرور وقلت : مافي ماااااافي ..
علي مسك يدي وقعد على ركبـته وقال : ارجوووووووووووج ..
صديت الصوب الثاني وانا كاتمه ضحكتـــي .. بس قلت له : بوس يدي ..
علي فر يدي ووقف وقال : انجلـــــعي زيييييين ..
رحت له اركض وقلت :ههههههههههه سووري عليووي ...
علي طالعني وقال : يلاا يلاا اتصلي لهااا ..
رحت غرفتي وعلي وراي واتصلت على نوره ... وكنت حاطه سبيكر ..
نوره : هـــــلااا والله ..
رديت عليها وانا اطالع علي الي سوى روحه ميت ابتسمت وقلت : اهليــــن .. شلوونج حبيبتي .. ؟
نوره : بخير جعلج الخير .. انتي شلونج شخبارج ؟
قلت لها وانا اشوف علي الي مندمج : بخير .. امممم ..
نوره : ههههه ..عوش تبيـن تقولين شي ؟
علي يهمس لـي : فديييييت ضحكتهااااااااا
ضربته بكوعي علشان يسكت وقلت حق نوير : شدرااااج ؟
نوره : ههههه يبيــــن .. قولي قولي شنو عندج ..
كنت متردده وماعرف شنو اقول لها ..بس تشجعت وقلت : اممم ..النوري شرايج في علي اخوي ؟
حسيتها استغربت من السؤال لانه بعد فتره ردت وقالت : رجــال ماعليـــــه كـــلااام .. ليش ؟
قلت لها وانا اشوف علي الي طاير من الوناسه : يعني لو تقدم حق حد تتوقعين يرفضووونه .؟
نوره : ويـــــــه ...ماعندهااااا ســـالفه الي ترفضــــــه ..
قلت بسرعه : عيل علي يبي يخطبج ..وقال لي اخذ رايج ... شراااااااااايج ؟
حسيتها انصدمت .. تصدقوون في خاطري اشووف ويهها في هالحظه .. التفت على علي شفته قاعد متوووووووتـر ..
قلت : الوو ..النووري ..

::::::::::::::::::::::::::::
هاا شرايكم ؟؟


السموحة منكم يالغاليين ادري الاجزاء قصيرة بس شو اسوي جي القصة .. ^^