|
مشكوووووووووورة حبيبتي رشفة عالطرح الاكثر من رائع وبصراحة .. خير من اخترتي >> فاتحة الخير لهاللعبة سؤالي ؟؟ اش اكبر طموحك الدراسية |
اقتباس:
الله يسلمج أختي رشفة وفا وخذي راحتج و أسألي اللي تبينه وبالنسبة للأسئلة 1- ما هو البرنامج المفضل لديك ؟!! بصراحة التلفزيون آخر أهتماماتي وما أجوفه واااايد عشان جيه ما عندي برنامج معين أفضله على غيره 2- كيف تقضين وقت فراغك ؟!! بين النت والنوم 3- هل تتحسين من كلام الناس أم انك تطبقين قاعدة ( وش هم السحاب نباح الكلاب ) ؟!! هيه نعم أحيانا أتحسس من كلام الناس خاصة إذا كان الكلام جارح وقاسي أو إذا حسيت فيه نوع من الظلم والإهانه 4- شو تقولين في : الأم ، المعلم ، الشيخ زايد ، الصديق ؟!! الأم الأم بالنسبة لي كل شي فالحياة والبيت بدون أم ما يسوى شي والله يحفظ جميع أمهات العالم أن شالله ويطول في أعمارهم المعلم لولا المعلم جان ما وصلنا لهالمرحلة من التعليم والثقافة وأحب أوجه رسالة شكر حق كل معلم ومعلمة على كل شي يقدمونه ولو كان بسيط في سبيل تعليم الأجيال الشيخ زايد أبونا الله يرحمه ويغمد روحه الجنة أن شالله بالفعل كان مثال وقدوة للقايد الصالح والأب الحنون وصاحب الأيادي البيضاء 5- شو أهم هواياتج ؟!! النت والمطالعة وتسلمين أختي رشفة وفا على الأسئلة الخفيفة وبانتظار أسئلتج القادمة والسموحة على القصور |
السلام عليكم ورحمة الله وبركاته فكره حلوه وربي امم نبدا الاسئلـه 1- سلامه شنو تخصصج الجامعي ؟ ولو مادخلتي هالتخصص شنو راح تدخلين ؟ 2- شو رايج فيني & نصيحه توجهينهآ لي ؟ ثانكس الووت تسلمون |
اقتباس:
وعليكم السلام والرحمة مرحبتين فيج أختي الجود ونورتي الموضوع بطلتج الحلوة وبالنسبة للأسئلة 1- آبيخ / وآحلى موقف مريتي فيهن ؟ في وااايد مواقف بايخة وحلوة مريت فيهم وبالنسبة حق أبيخ موقف مرة كنت معزومة على عرس ويوم وصلت أكتشفت أني لابسه نعال الحمام الله يكرمج وطول العرس وأنا تامة يالسة وما نشيت من مكاني من الفشلة وبالنسبة حق أحلى موقف يوم طلعت نتيجتي فالثانوية العامة لأني صدق كنت على أعصابي وكان همي الوحيد أني أييب نسبة فالتسعين والحمدلله الله ما ضيع نعبي ويبت نسبة فالتسعين وفرحت فيها وااايد 2- شخصيه مرت عليـــج في حيـــآتج مستحيـــل تنسينهـآ ؟ الشيخ زايد الله يرحمه ويغمد روحه الجنة أن شالله 3- منو مخـــزن آسرآرج ؟ قلبي واللاب توب 4- آقدم ربيعه عندج منو .؟ ومن كم سنه؟ أقدم ربيعة عندي ربيعتي من يوم أنا فالروضة ولين اليوم صداقتي فيها مستمرة صح أنه الظروف أحيانا تشغلنا عن بعض بس الحمدلله متواصلين مع بعض وتسلمين أختي الجود على الأسئلة الحلوة وبالعكس ما ثجلتي عليي ولا شي وأستانست بأسألتج واايد ومسموحة أختي والله يحفظ الجميع أن شالله |
اقتباس:
هلا فيج أختي بنت العرب وبالنسبة للأسئلة 1- يوم تحسين بالضيق وكل هم الدنيا عليج وتغلق الابواب في وجهج .. وين تروحين ..؟؟ أروح أتوضأ وأفرش سجادتي وأصلي ركعتين وأدعي ربي أنه يفرج الضيجة اللي فيني 2- دعـآء .. دوم تقولينه ؟؟ اللهم لا إله إلا أنت سبحانك أني كنت من الظالمين كلمة ترددينهآ لا شعورياً ؟؟ لا والله !! شو تفضلين الاغاني ولا القصائد ؟؟ الأغاني والله يهدينا أن شالله وتسلمين أختي على الأسئلة الخفيفة ونورتي الموضوع بطلتج الحلوة |
| الساعة الآن 09:48 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir