القصه رووووووووووووووووعه نتريا التكمله

هلا عزه وينج؟؟

حشى من متى ماكملتي البارت

اسمحووليه اخوااني ع التأخيــــــــر واليوم يايبه لكم

الجزء الثـــــــــــــــــــــــــــــــــــــــــــــال ث
وفي بيت ميثوه.
ميثوه:يخرب بيته الحيوان عاطي التلفون حق واحد..
حصه: انا قتلج بتمين لي كذي هاذوه بيتنا والله لقوم أشل بعمري واسير تراني..
ميثه: انزين انزين ...هاه هاه..
حصه: حشى وغده ههههههه
ميثه وهي تصيح: حيوانه لا تكلميني ...فقته قهرني...
حصه: أحسن كم مره قتلج وانتي ما تسمعين كلامي تحملي الي اييج..
ميثه: بيشوف....هاذا بدال لا اتدافعين عني يالسه تهزبيني..
حصه: يا ربيه منج بتيننيييبي.. اييج الشور...هاتي هاتي التلفون ...
ميثه فرته: اندوج ..
..حصه دقت على حاضر...ورد عليها...
حاضر: الووووووووووووووه...السودان..
حصه متغيظه: لا المغرب...
حاضر : انا اريد الخرطوم..
حصه: الحمد الله ....الله كارمني ..إلا جان شاك في عمرك..
حاضر حس إنه الي يكلمها هوب هي نفسها..: منوه انتي
حصه: أنا بنت اميه وابويه...انت الي منوه..وبعدين عيب عليك تيلس تتهزب البنيه هي شو سوت لك...
حاضر: والله محد قالها ..اقذتنا بتصالاتها..
حصه: اوه..نسيت إنه الي أكلمه مفتي عمان .سامحني...يبوك....اتشابكن الخطووط..ايقولون شبكتهم.... ما تسوى ..صدق؟؟!!
حاضر حزت في نفسه:...انتي منوه..
حصه: أنا الشيخه حصه
حاضر: شاخن عظامج
حصه: أبويه معلمنيه ما أتهاد ويا ريال ولا أرد وإلا أعلي حسي عليه ......
يالله شي في خاطرك..
حاضر: سلامت مخج...
صكرت في ويهه... وكتبت مسج...
(( قل ما شئت في مسبة نفسي فسكوتي عن اللئيم جواب ما أنا عادم الكلام...ولكن ما من أسد يجيب الكلاب))
حاضر: يخرب مخها..أنا جلب....والله لتشوف الحيوانه
سعيد: ايه...ابوك هني...حشم..
بو فطوم: يييه...يا زمان مر...حرام أمك ما شفتها ولا عرفتها إلا لين زفوني الها..ولا كان عندنا خرابيطكم...عيال هالسنين...
سعيد: هههههههه ابويه اريد اعرس..
بو فطوم: شد عن ذرعانك أنا ما أسلف ولا أعطي...تبا تعرس البنك ما يقصر
سعيد: أبويه ليش ما تعطيني وتفك عمرك..
بو فطوم: إن عطيتك بتهاون في عرسك لأنه هوب من مخباك..أما إن حسيت بكل ربيه تدفعها بتعرف جيمت حرمتك ..
حاضر يالس مبهت من الي كتبته ...أول مره وحده تسبه ولا يسبها...
حمد طرش مسج لبوه إنه رقمه الثاني عطاه لربيعه..
وشوي.. رن تلفونه وقام طلع..
حمد: هلا الحكومه..
أم حمد: وينك حبيبي
حمد: والله في البحر ويا ربيعي المزروعي..عازمنكو الأسبوع الياي..
أم حمد: خير إنشالله..
حمد: هاه شي في خاطرج الوالده..
أم حمد: والله يا ولديه ابوك ينشد عنك..واتصلتبك..
حمد: شي صاير...
أم حمد: ماشي تعرفه انت دايماً يسأل..
حمد:ههههههههههه حركات الوالده...خلاص ياي ياي...
أم حمد: ..لا تسرع..
حمد: انشالله اميه..مع السلامه..
ويحدر عليهم...
حمد: بو عسكور..أنا أترخص..
سعيد: خير...شعندك..
حمد: لا بس الأهل متصلين ويرقبوني أرد...يالله شي في خطاركو....
سعيد: عليك الرب حافظ..أول ما توصل سولي مس كول..
بو فطوم: تراكو معزومين عندنا الأسبوع الياي..
حمد: خلاص تم...
..وبرا..قدام غرفة البنات
لطوف: حد ياي قومي قومي..
فطوم: يالله..
لطوف: خلي خلي هاذا هنيه محد بييه...
فطوم: هزرج..
لطوف: هيه..
وعقب شويه...يا حمد...
وكانن مروحات..يتمشن...
شاف الشريط والمسجل...شل الشريط...وركب سيارته وروح..
عقب ما ردن ..
فطوم شهقت..؟؟!!...وين الشريط
لطوف: لا تقولين...
فطوم خايفه: السياره محد..والشريط محد...
لطوف: رحنا فيها
حمد على الخط حط الشريط ويلس يتسمع..
كان مكتوب عليه ذكريات فطوم+لطوف...
*فطوم: اول أنا...ضكي هناك......السلام عليكم ورحمه الله وبركاته..
لطوف: ههههههههههههههه
فطوم: جب جب...سمعي الهويه أقصد الشخصيه.. هههههه ...
لطوف: انزين سمعينا
فطوم: اسمي فطوم حمد المزروعي ..والنعم فيه..ونعم بكل من قال ههههههه
فطوم:انزين...انا في الصف الثاني عشر مكرر..هههه مفشله عمريه ههههه
وو واحب اسمع اغاني واحب أقرا شعر واحب الحلاوه واللبان بأنواعها..وأحب أضحك... وأحب العب ...ووووأحب..الأتاري...والسوبر ناتندو..بس اميه كسرتهن..حسسسسسبيالله على الي كان السبب..كله من مهروه الكلبه
..يالله دورج..
*حمد يالس يضحك من خاطره على هبلها..
لطوف: لطوف حارب ضاحي الرميثي... واحب ابويه واميه واحب اخويه الصغير ضاحي...واحب آكل حلاوه...وايد وايد..هممم..وانشالله ياخذني الي يستاهلني..
فطوم: انشاللله ...ههههههه
لطوف: ههههههههههههههههه
لطوف: فطوم شو توقعاتج المستقبليه..
فطوم: ولا شي.
...ويتصكر التسجيل..ويرد يشتغل...
فطوم: أميه شو تدعين لي..
أم فطوم: انشالله اتعرسين وافتك منج ومن جبالج إنتي وخواتج....
فطوم: لا تصدقون أميه تحبني
لطوف: ههههههههههههههه
..فطوم تسأل الخدامه: وانتي شو يريد .
الخدامه: أنا يريد يروخ بلاد...شوف جيكو مال أنا..صغير..
فطوم: كلن يصيح عمره...هههههه
لطوف: فطوم ...فطوم... قولي كلمتج الأخيره...عن هالسيره..
فطوم:
همم...تعرفين...قبل كنت ما أحب البحر..الحينه أموووت وأحيابه...
...فــــــديــــت الـبـحر.........
لطوف: هههههههه...مالت عليج...
فطوم: كانت معاكم مراسلتكم..فطوم المزروعي..أقصد فطيم ..وشكراً اليوم اليمعه في المقر الرئيسي..."رديم"..الساعه ما أعرف...ووووباااي..
ويخلص التسجيل...
......حمد تم يفكر ب الي قالته..ويعيده يسمعه مره وثنتين وثلاث.....
حمد: أكيد تقصدني.....يعلنيه ما أخلا منها ... ...
حمد حط أغنية دبي الحربيه ويلس يسمعها...ويقول في خاطره..يعلنيه أفداها كيف حدرت خاطريه...
آه من خلي أسري على صوته وأهاذيبه
خذني وشلي قلب عطيب وزاد تعذيبه...
ماتمهلي يا ويل قلبي كيف اسويبه..
موتي أشوه لي..عزيناه امفارق محابيبه..
وفي سويحان بيت قوم ميثووه.بالتحديد..
ميثه: اول مره اسوين شي زين في حياتج..
حصه: اوص اوص...امبونيه راعيت زين ومعنى إلا أبا عيون
ميثه: هههههههههههه فديتج أحبج
حصه: باين...
ميثه: يتصل يتصل...
حصه: أنا آسفه مب راده على حد..
ميثه: ...
حاضر: الوه..
ميثه: مرحبا
حاضر: شحالج
ميثه: بخير طاب حالك..
حاضر: وين الي امساعه مطرشتلي مسج..
ميثه: أنا...... ليش...
حاضر: لا هوب انتي وينها
..ميثه: حصووه...يباااج...تبين تكلمينه..
حصه: ماله عندي ديانه..
حاضر: قوليلها أباها شوي..ماباخذ من وقتها
ميثه وتفر التلفون...
حصه وهي طاقع جوها: خيير
حاضر: الخير لهله...شحالج
حصه: أحسن عن حالك شو تبا..
حاضر: هبي...شو ياج...ما تقهرين سوالف
حصه: إسمحليه الغالي أنا هوب سبيل عشان اسولف ويا ناس ما اعرفهم
حاضر: وانا هوب غريب اعتبريني اخوج.. حاضر المزروعي
حصه: الحمد الله اخواني كلهو معرسين ولا واحد منهو يغازل
حاضر: انزين أنا مابا اغازلج اعتبريني اخوج..
حصه: انزين اخوي شو في خاطرك
حاضر: ما في خاطريه إلا كل خير...بس ليش سبيتيني
حصه: والله الي على راسه بطحه يتحسسها..وأنا ما عنيتك إلا إذا فيك إنفصام في الشخصيه..هاذا كلام ثاني..
حاضر عصب.. وعلا صوته: انا عمري ما قالتلي هالكلام بنيه... إنتي تعرفين أنا ولد منوه..
حصه بكل برود: وخير ولد منوه يعني...غناتي محد شيخ غير المرحوم وعياله....
حاضر ما عرف شو يقول..: ونعم بهم...
حصه: عندك كلام ثاني تبا تقوله..
حاضر: سلامتج الغاليه...ما عقب كلامج كلام
حصه: وليش خايف...اول مره احس عمري غرندايزر
حاضر: هاهاي هوب إلا غراندايزر إنتي طياره اير باس...
حصه: والله ما أحيد عمريه درام سح..وإلا خرس...
حاضر: هاهاها حبووبه..
حصه: طالعه على هليه
حاضر: هههههه ماشلله العايله كلها طيايير...
حصه: هاهاهااي سخيف..
-ميثه يالسه اطالع حصه تبا تعرف شو السالفه-
حصه: ضحكتني والله لو انه مالي خاطر اضحك عمري ما شفت أسخف عنك..
حاضر:ههههه شو رايج انتعرف..
حصه: انا هوب مالت هالسوالف...
حاضر: جذوووب
حصه:
عندي من الصدق مليار.... واهي الصراحة مربحي فالتجارة .
والكذب ماله عنديه مسكن ودار.... وجان الجذب موجود فغيري دور دياره .
بنت أبويه يوم انيه اعد الأشعار.... الكلمة الزينة تتهايا في العبارة . ..
هوب قليلة أصل ولب قليلة مقدار ... وجان القدر يوصفك أنا فيّـه افتخاره..
حاضر منصدم من ردها:...يغير إنج قبيليه.....
حصه: اسمحليه يا فلان...انا لي أهل ولا أخليهم على عتبت الباب يدوسهم كل من هضل ...
حاضر: ..يعلنيه ما اخلا من هالمنطوق...انزين أنا عندي اتفاق شو رايج..
حصه: جاني أقدر عليه تم..
حاضر: خلينا انتواصل بالمسج...بس ما أريد أكثر
حصه: خلاص اخليك الحينه
حاضر: يعني
حصه: إنشالله الي الله يريده بيصير
حاضر: الله يحفظج...
ويصكر...
حاضر: يا ويييييييييييييل حاليه
سعيد: بلاك..
حاضر وهو متعذب: ..عسل..
سعيد وهو مندمج في الأخبار.: الله يهديك
حاضر: صدق محد يفهمني..غير فطووم
ويطلع...ويبطل الباب على البنات..لطوف لفت ويهها..
حاضر: فطوم تعالي تعالي..
((فطوم وهي رابطه راسها اتقول مصريه)))..: شو تبا انت بعد
حاضر:خهههههههه شو بلاج
فطوم: ماشي ماشي قووووول خلصني
حاضر:ههههههههههههه اول عقي هالعمامه اتقول ليلام..
فطوم: قووووووووووووول فكني الي فيه مكفني وزووود..
حاضر: انا توني مصكر عن وحده..
فطوم وتنفخ شعرها من على ويها..: انزين وخير يعني هوب أول مره اترمس بنيه..
حاضر: فطوم هاي غير..
فطوم: كيف يعني زايده عنا بشي..فيها يد وإلا ريل زياده
وقام حاضر وخبرها بالسالفه كلها..ومنها عرفت فطوم شو كان يسوي حمد في السياره وشو قال حق البنيه...وفرحت وايد...
فطوم ترمس عمرها: أول مره أحس اخويه أهبل...ثرني هوب أنا الوحيده في العايله........هممممم انزين يعني بتم هالبطاقه عندك...
حاضر: هيه .المهم شو رايج بالي قتلج اياه..
فطوم: والله هو على حسب...خلني أرمسها وبشوف..إن ما رتبتها لك....
حاضر: هزرج..
فطوم: هيه أصلن لو رمستها.... بتحس انك مهتم فيها يعني خبرت خواتك عنها..وبعدين خلك ثقيل يالغبي...ما يحبن الخفيف..
حاضر: صدقج..
فطوم: بس هوب الحينه يوم بنرد بوظبي..
حاضر: قومي عيل عطيني صطارج..
فطوم:هيه هيه بس وقت الحايه..هههه
حاضر: لا حبيبتي انتي ما تزعلين مني صححححح..
فطوم تستهبل: لا
حاضر وهو مغيض: أقوووولج صححح
فطوم تضحك: صح صح..هههههه
..فطوم تدخل على لطوف: اصدقين لطوف إخواني مهما يكبرون يتمون يهال...هاذا عوقه السيايير والبنات والثاني لاهي في حياته....ههههه
لطوف: انتي حمدي ربج انه اخوانج كذي..أنا اخواني كلمه وكف... ...وكل شهرين ثلاثه مره بالدور لازم سياره يديده...صدق بطره ..ولا.. يوم حد يزاغيهم ..ما يتعايوون...رميثات محد يعاييهم ولا يدوس عليهم بطرف.....
فطوم: الله يعينكم صراحه.....
وشوي تدخل مهروه...
مهروه: فطااامي فطووم...ما تبين تسبحين ..تعالي هههه
فطوم: برا برااااااا...خرسانه ماي ويايه تبا توصخنا..قومي..
مهروه: ابويه يقولج تعالي انتي ولطوف..اسبحن...
فطوم: ما فينا...طلعي طلعي..
مهروه: بتشوفن..
..وطلعت...
فطوم: والله متفيجه..اون اسبحو..وشي مهب..حشى يهد..
وتدخل مهروه وفي يدها كوب كبير فيه ماي...
فطوم: الله يغربلج براااااا...برااااا
لطوف: ايه ايه يا ويلج مهروه..يا ويلج..
وتطلع لطوف من داخل...
وتبند الباب وهي تضحك...
واسير الميلس...كان سعيد يالس في الميلس بروحه أما حاضر وأبو فطوم وحمدوه عند البحر....والأم ملتهيه في المطبخ ويا الخدامه
وتبطل الباب لطوف...وهي تضحك..
..شافته ولايمت الباب. وتلثمت...
سعيد وهو يالس يطالع التلفزيون..ولا يطالعها: تعالي تعالي.....
..وفجت الباب
سعيد:وين فطوم عنج..
لطوف: هناك داخل ويا مهروه يتراشن ب الماي
سعيد قام وراح صوبهن.. ولطوف تبعته
وبطل الباب..
ومهروه يالسه ترش فطوم بالماي..
سعيد: حوه...شعندكن...
والكل صخخخخخ...
فطوم: سعييييييد...قووولها...خيستني..
سعيد معصب: مهروه برا...
وهي طالعه جاتها...
مهروه طلعت وهي اتحرطم....
لطوف: ههههههههه
فطوم: هي ضحكي ضحكي ما انرشيتي..افففف بسير اغير ثيابي..
سعيد: يلسي وياها خويتج اونها يالسه عشانج..
فطوم: انزين
ويروح سعيد...
فطوم: لطوووووووف..شو دراه هوه.....
لطوف: أنا قتله..
فطوم: ماشلله عليييييييييييييييييييييييييييت..
لطوف: ليش..
فطوم: أول مره أشوف أخويه ياحذ ويعطي ويا بنيه ما يعرفها..
لطوف: هبلا ما صار شي..بس سألني وجاوبته.
فطوم وهي تغمزلها: ااااااااااا علينا هالحركات ..
لطوف: والله ما صار شي....
فطوم: ههههههههه
وفي بيت قوم.. صياح
حمد: السلام عليكو..
بو حمد: وعليكو السلام والرحمه..مرحبا..
حمد قام وحب ابوه على راسه...
حمد يعلي صوته..: عيل وين الوالده..اقذتني.. كل حين وكل ساعه تتصلبي..تباني أرد..
أم فطوم: يالمكر والفكر..طالع على ابوه.
بو حمد: هاه هاه...شو يخصني..ههههههه
حمد:هههه فديتج إنتي العمده...أممموح..
بو حمد: وعلومهم ربعك...
حمد: علوم الخير...يردون السلام عليكو...وتراهم عازمينكم الإسبوع الياي....*ويصاصر أبوه(طافنك الغراشيب يا ابويه)
بو حمد: فوقه....شو قلتي أم حمد..
أم حمد: والله وين تسير أنا باسير وياك..تعرفني ما أصبر عنك..
حمد: هههههههههههههههههههههههههه
وعقب صلاة المغرب...
في العزبه
سعيد: فطووم...تعالو حد يركب وياي..
فطوم: ليش ما أحيدك تحبني ذاك الحب عشان أركب وياك..
سعيد:..هيه...برايكم....
فطوم: انزين عادي لطوف ويانا...
سعيد: عادي....يالله اركبن..
وركبت فطوم قدام..ولطوف في السيت الي وراها..
لطوف: مضلمه سيارته حشى...عامنها بالمخفي..
فطوم: اسكتي لا ينزلج الحينه ..
لطوف: ههه
ويركب سعيد..آخر الناس..والكل كان مروح.....
فطوم: نسيت شي بعد..
سعيد..يدق بالمدواخ على الجامه: ناقمتني...
فطوم: لا بس أسأل..
سعيد صكر الباب وشغل المكيف.....وحرك السياره..
وفي الخط..
فطوم: سعيد حط شريط...
سعيد:إذا قالت خويتج انحط شريط بنحط..
فطوم: لطوف صح تبين شريط صح صح صح...
سعيد يستهبل: ما قالت...
فطوم: لطووووووووووف صحح..
لطوف: الي يريحكم..
سعيد يغايض..مثل اليهال: لأ يعني ما بحط..
فطوم: لطووووووووف
لطوف: ههههه صح صح....
سعيد: الحينه بحط شريط....
قالو الشيخ الفلاني مرجع القوم وسندها..قال إبشر بالعوض والعلم جينا ناقلينه..
ساق لك بدر البدورالي نشدها من نشدها...جادل هزت عروش وخيبت روس ذهينه
قسمها في رسمها في جسمها إلا في رشدها...وإسمها إن جا للغضب قومه على الألسن رطينه..
إترك الناي وعطيت شيخنا عن السعدها..وانبسط يا عم وانسى الي ورا التربه دفينه..
فطوم: سعيد منوه كاتب هالقصيده...
سعيد: هاذي قصه واحد من السعوديه كاتبنها...
يقولج هاذا واحد عرس..وحرمته يموت فيها ويحب الثرا الي تمشى عليه..كانت حامل...وربت..وتوفت عقبها. وتم الياهل....وحزن عليها ريلها الين قام الكل يطري قصته ...وسمع شيخ القبيله به..وسام له بنته...الي الكل يتمناها ..وقال الريال.."ما يحل مكانها مخلوق في قلبيه"...وعد هالقصيده فيها...
لطوف متأثره : حليلها..
سعيد: ههههههههههههههههه
فطوم: هههههههههههههه
لطوف: ..................
ويغير سعيد الشريط..
سعيد: سمعي إهداء...
فطوم ابتسمت عرفت إنه حق لطوف..
يبان الشوق...في عين المعذب.....ويبقى الدمع تذكار الأحبه..
أنا أتعب..أنا بالحيل أتعب...وإذا قالو تحبه....قلت أحبه...
فطوم: غير غير...نبا شي رباش...
سعيد: ما عندي إلا ميحد ...
فطوم انزين حط ميحد...
سعيد: صبري....
حلا الأيام لي فيها عرفناكم...ليالي حلوه طاب السمر فيها...
حيت روحي بشوفتكم و لقياكم..عقب ما كانت نفسي الكدر فيها..
فطوم: سعيد ادل بيت قوم لطوف..
سعيد: لا..وين بيتكم..
لطوف: بين الجسرين...
سعيد: جني سايرله مره عازمنا ابوج.. ..
وفي سيارة قوم حاضر...مهروه يالسه قدام عند حاضر..وحاضر يطالع تلفونه...يفكر بحصه ..
مهروه: وليش خلتنا وسارت ويا سعيد يعني......
حاضر: بس بس فكينا...
مهروه: يالله اونك عاد..
حاضر: اسكتي لا انزلج هني اغسلج بالعصا..
مهروه: يا ربيه...منكم..صدق معقدين..
وفي سيارة ابو فطوم...
حمده: ابويه كم عمرك..
أبو فطوم: 30 ..40..هوب زود...
أم فطوم: يالله يالمكر...انت أكبر عني ب10 سنين....مويه على الخمسين ويقول 40
أبو فطوم: بعدني انزين هاب رييح..شبااب..
أم فطوم: وين شباب...عشت زمانك..وبتعيش زمان غيرك بعد..
أبو فطوم: شباب يعني شباب..
أم فطوم: أنا من خذتك وأنته مشوب...
حمده: هههههههههههههههههههههههههههههههه
..وراحو قوم سعيد صوب..بين الجسرين..عشان يوصلون لطوف...وتمت ادليهم..
لطوف: يمين...
سعيد يغايض ويلف يسار...: أوه نسيت..
فطوم: ههههههه
لطوف:.......
وصلوها الين بيتهم...ونزلت فطوم الجامه...
فطوم: لطوف بااي..دقيلي يا حماره..
سعيد: خليها اسلم على اهلها...
فطوم: ويقولج سعود: سلمي على أهلج
لطوف منحرجه: انشالله ..
وترياها الين ما دخلت..
فطوم: شو تحرسها....
سعيد: أمانه لازم نوصلها لهلها...
سعيد حرك السياره...
سعيد: ودري كلمة سعود عنج... تسمعينيه شو أقول....
فطوم: يالله يا انته..عاد...
فطوم: أصلن حركاتك مفهومه..لا تستهبل
سعيد ضحك..: انزين شو رايج فيها..
فطوم: كيف يعني شو رايي فيها..
سعيد: شو رايج اخطبها..
فطوم: صراحه لطوف بنيه حشيم والف من يتمناها ولا ناقصنها جمال ولا أصل..
سعيد: برمس ابويه عنها..
فطوم هوب مصدقه..: قول والله
سعيد: هيه...
فطوم: هههههههههههههه وأخيراً سعدنننننه....هاهاهاهاا
سعيد وهو منحرج:بس بس طبي ثمج....
فطوم: هههههههههههههههههههه
وعقب نص ساعه تقريباً وصلو الكل البيت...وكان طبعاً حاضر أول الواصلين..والأبو الثاني..وعقب ربع ساعه وصل سعيد ويا فطوم...لأنهم خطفو لطوف بيتهم...
حاضر يرمس الهندي: يالله يالله نزل نزل بسرعه..
أم فطوم:هيد عليه شويه...شو عايلنك..
حاضر: اميه بسير اتسبح...وبرد..ما أريد أشوف شي في السياره مواعد ربيعي
أم فطوم: انشالله انشالله ...
عقب ربع ساعه...
فطوم نزلت من السياره..تعبااااانه...
ودخلت...
فطوم: الحمد الله على السلامه ابويه..
أبو فطوم: الله يسلمج...ما أبطيتو عيل..
فطوم: ولدك يسرع وايد...زين ما نفدت أنا من هالسيره..
سعيد: صدق ....ظارب عرج المزاريع فيها قو..
بو فطوم: أكرم عليك..
سعيد: أسولف أسولف...ههههههههههه
وتسير فطوم فوق...ويدعمها حاضر..وهو يمشي بسرعه...
فطوم: شو ما اتشوف انت بعد...شو بلاكم اليوم كله تدعموني..
حاضر: نحيدج مغيره مدعميه هههههههههههه برايج..
فطوم: ويييييييين؟؟
حاضر: ماشي مواعد ربيعي ...اشوفج باجر...هبلا
ويطلع...
فطوم: غبي...
وبرا في الحوي...
حاضر: هاه خلصتوا...
أم فطوم: هيه هيه..سر الله يحفظك...
حاضر ويحب راس امه: يالله اميه ان بدتكم حاية اتصلوبي أنا هوب بعيد تراني..
أم فطوم: انشالله ......
وترفع يدها تدعي..
(يالله يا ربيه تحرس عيالي وتعطيهم العافيه والصحه والحريم الصالحات )
فطوم اسبحت ...وطلعت اتدخن..وردت غرفتها...تعدلها..
مهروه فجت الباب: طااايوووووووووووي..ابويه يقولج حولي عشا يالله..
فطوم: انزين يايه...
وعقب العشا...
سعيد: أبويه..أنا بعرس..
بو فطوم: زين ومنوه بنته بتاخذ
أم فطوم: انا بخطبله..
سعيد: أنا أريد بنت حارب ..
بو فطوم: هاذاك هوه الزين..
أم فطوم: عيل من باجر أنا باتصلبها أمها..
فطوم يايه من صوب المغاسل...
فطوم:أنا موافقه..إذا بيعيشني في ليوا لا تردونه
سعيد+بوفطوم+أم فطوم:هههههههههه
بو فطوم:يالمنصوري لي اصيحينه...
فطوم:عيل شو السالفه..
سعيد:انا باخذ بنت حارب..
فطوم وهي تضحك:لا تخافون موافقه..وين بتلقا أحسن من سعدننننه كل البناات عشقنه... وهي تغمز..
سعيد فرها بالكلينكس..
فطوم:ههههههههههه براايكم أنا بسير أرقد..
بو فطوم: ها.. شياك عليها..
سعيد ضحك: ماشي ماشي...
يوم الجمعه الساعه 9 ونص
..في بيت ميثوه.
ميثه: تعالي تعالي طرش مسج .....
حصه: ما يهمني..
ميثه وتمطها: اوني عاد... تعالي شوفي شو كاتبلج..
حصه: تصدقين انه تافه..وما عنده سالفه...واحس انه ياهل..بعد..
ميثه: والقووم....هاذا كله من اتصال واحد...
حصه: ليش أصلن بيكون شي ثاني...يحلللم..
ميثه : سمعي سمعي..حصه..حبيبتي دخيلج..
حصه: شو عندج..
ميثه: حصوصتي..سمعي..اباج اتكلمينه و تفهمين منه ليش حمد ما يعطيني ويه...بليييز..والله ما أطلبج غير هالطلب..ولج الي تبينه...
حصه: الي أباه إنج تتركين عنج هالسوالف..
ميثه : وعد وعد إن عرفت السبب يترك كل شي..حتى التلفون خلاص ماباه بوديه لميه وبقولها اقطعي البطاقه..
*(حصه مستعده اسوي أي شي عشان اتخلي ربيعتها تودر خرابيطها وتكون أوكي ولا تسوي شي غلط...)
حصه عقب تفكير..: خلاص تم..أنا بعرف كل شي..
حاضر: مرحبا خليفه..
خليفه: مرحبتين...شحالك..
حاضر : والله بخير وفي نعمه..انت شحالك..
خليفه: بخير يعلك في خير.......وين ماشلله
حاضر: توني راد من رديم والله...
خليفه: ..هيييييه يالمزروعي...ما عزمتنا عيل..
حاضر: وين راز بويهك انت بعد....انت العزبه تشل بعمرها وتفل عنك..
خليفه: ههههههه ...مزروعي...تعال ما قلتلي..بتي وإلا لاء..
حاضر: أكييييييد ..باأي انشالله....هيه الحفله من الساعه 12..
خليفه: هي نعم ...اترياك عيل...الفله الي مقابل بيوت عمك..هوب بعيد عليكم..
حاضر: خلاص تم..
خليفه: اخليك عيل ..
حاضر: خلاص مرحب..
خليفه: الله يحفظك..
ويتم حاضر يلفلف في شوارع بوظبي ..ولب حاس بعمره....
في بيت قوم فطوم...
فطوم راقده...وسعيد في غرفته يالس على الجهاز..
حمدوه يالسه اطالع فلم ويا مهروه الي رقدت في الصاله من التعب..
حمده: افففف وأخيراً خلص ممل ليتني ما شفته
حمده: مهروه قومي قومي...سيري داخل..
أم فطوم: يييها..باجر ماشي مدرسه ...
حمده تضحك: لالا شي شي. انشالله..الحينه بنرقد..
.وتقوم مهروه..وهي نص ميته..وتمطها حمده وتوديها غرفتها..
الساعه 12 ..الكل رقوود في البيت...
في بيت قوم حمد..
أبو حمد: حمد..
حمد: عونك..
أبو حمد: عانك الله...قم ارقد...عن مجابل هالتلفزيون...اشوفك والله هنك..
حمد:انشالله ابويه..قايم قايم...
في بيت قوم ميثوه..
ميثه: باتي عندي باتي..الحينه الوقت متأخر..وين تروحين..أنا قلت لمج انج بتباتين..
حصه: وين ابات أنا هوب يايبه ثياب ولا شي..وبعدين ما أعرف أنام إلا في غرفتيه..
ميثه: خلي عنج هالبزا...تعالي تعالي ...لبسي لج بجامه من ماليلي..
حصه: حشى عليه..بناطلينج هاذيلا ما ايوزلي ولا احب البسهن
ميثه: صدق إنج قديمه . ...انزين عندي اوفر اوول تبينه
حصه: فقتج...مخليليتنه إلا لج...
ميثه: هههههههههه لالا عندي قمصان نوم تعالي....
*ويرقدن ...لالا أونهن يبن يرقدن..
الساعه 12 ونص..
ميثه: حصوه...ما ياني رقااد..
حصه: اففففف منج..حتى أنا ما أعرف أرقد هنيه..
ميثه: شو رايج نتصلبه..
حصه: هممم...لا
ميثه ما عطت حصه مجال: بس بس هاذوه مسكي..
حاضر: مرحبا
حصه: مرحب لا هان..
حاضر: هلا منوه..
حصه: واحالك نسيت..
حاضر: الرقم محول..قولي منوه..
حصه: حشره عندك ما أسمعك..
حاضر: هيه انا في حفله..
حصه متغيضه: هيه.....خلاص الغالي..يوم باتفضى كلمني..
حاضر: هييييه اذكرتج...انتي الي قالتلي حيوان..
حصه : لأنك حيوان صدق...
وتصكر في ويهه..
حاضر يطالع تلفونه..: شو فيها هاذي..!!
خليفه: بو الشباب...شو فيك..
حاضر: سلامتك.....يالله اترخص انا..
خليفه: عنبوها يلسته..توك حادر علينا..
حاضر: برايك برايك...
ويطلع...
ركب سيارته...وسوا تلفون..
حاضر: مرحبا.....
حصه: تراك ناسي الرقم .
حاضر: يابنت الناااس....
حصه: وين انت..
حاضر: أنا في حفله قتلج..
حصه: بناات..
حاضر: لا شباب شو رايج..........أكيد شي بنات..
حصه: خلاص عيل..الي عندك يسدن وزود بعد..
حاضر عصب: انتي على شو شايفه عمرج...وبعدين هوب ولية أمري تنشديني وين أنت ووين رايح ووين ياي....
حصه: وليش ما أسأل..هوب انت ريلي..
حاضر معصب : نعم..
حصه: هيه ريلي..أنا الي أكلمه أعتبره ريلي..عشان ما أخونه...
حاضر ضحك من خاطره...: حليلج...
حصه: حليل الياعده هوب حليلي..
حاضر: ههههههههههه...وين انتي...
حصه: في بيت ربيعتيه..
حاضر: ماشالله اهلج عادي يخلونج تباتين عند ربيعاتج..
حصه: هيه بنت يرانا وربيعتيه..وبعدين أنا أصغر اخواني...يعني محد يقدر يقولي شي..
حاضر: كم عمرج انتي..
حصه: 17 وانت..
حاضر: ههه نونوووه...
حصه: خل عنك....تحيد عمرك شيبه
حاضر: لا والله أنا عمري 20 مويه على 21..
حصه: هههههههههه نونوه..
حاضر:ههههههههه...
حصه: بتخبرك ربيعك حمد...
حاضر: هيه نعم ليش...
حصه: ليش ذاك اليوم سفل بخويتيه وصكر في ويهها..
حاضر: اصلاً حمد هوب مال هالسوالف هاذا من الكوفي الين البيت ومن البيت للشغل..يعني واحد هوب مال خرابيط...
حصه: هيه...يا حيه بعد يوم عارف ربه...
حاضر: ههههههههههههه...إنتي تدرسين..
حصه: هيه..أدرس..
حاضر: عيل ليش لين الحينه هوب راقده..
حصه: ما ياني رقاد...
حاضر: ويعني ما باييج الرقاد إلا إذا كلمتيني..
حصه: هيه ليش لاء..ما قتلك إنت ريلي..
حاضر: ..ههههههه
حصه: وانت ليش ما رقدت..هاه..
حاضر: أنا الحينه راد البيت..
حصه:...اهب يا الصاروخ زين ما شلنا..غير المره يوم تبا تجذب لا تكبر الجذبه..
حاضر: ههههههه كيفج لا اصدقين...ههههههه لحظه لحظه شوي..
وعقب دقيقتين تقريباً
حاضر: مرحبا...
حصه: انزين اذا مشغول أخليك..
حاضر: لالا أفا عليج..الحينه أنا داخل البيت..رايح غرفتيه..حتى سمعي النعال على الرخام..
حصه: مصدق مصدق...ههههههه
حاضر: سمعي الباب....(طاااااااااخ)...
حصه: حشى الي في البيت كلهو سمعوك أكيد..
حاضر: لالا بيتنا كبير ولا حد له خص في الثاني...يعني لو أموت أنا في غرفتيه محد درابي..
حصه: لا تفاول على عمرك..
حاضر: ليش يهمج...
حصه: اكيد هوب ريلي..هههههه
حاضر: انتي في أي مدرسه..
حصه: وليش..
حاضر:أريد أضمن حرمتيه تدرس وين...
حصه: لالا اطمن أدرس في حكومه أهليه ما يقدرون على الخاصه...
حاضر:.. ههههههههههههه..مثلي وحليلج أنا دخلوني كيج ون وتو برايفت..لا والدفع كان أقساط...عقب طالبونا الديانه..قام ابويه وسجلني في حكومه..ههههههههه..
حصه: هاهاها...اخبرك انت ما بترقد..أنا صراحه تعباااانه..ولا فيه أغيب باجر...
حاضر: خلاص عيل..أنا بعد عندي دوام في الكليه..
حصه: اداوم في الكليه..
حاضر: هيه كلية الطيران..انشاللله طيار ..
حصه:الله يعني نفس عميه ...طيار...جناان بدلت الطيران عليه..
حاضر: هههههههه
حصه: خلاص تصبح على خير...
حاضر: وانتي من أهله....
حصه: باي..
حاضر: حصه..
حصه: لبيه..
حاضر: إسمج حصه صح..
حصه: هيه آمر...
حاضر: لا تقطعين..
حصه: انشالله..مع السلامه..
حاضر: الله يحفظج..
حاضر سكر وهو على السرير...
حاضر: ...شو سوتبي...
ورقد..
حصه: اوووهووووو منج..تراج سمعتي كل شي شو تبين بعد..
ميثه: ...اففففففففففففف...
حصه: ...تراج واعدتنيه....
ميثه:ههههههه ..
حصه: اوص اوص..
ميثه: خلاص انزين...بقلعه ..ولا بعاوده..
حصه: فديتج يا ميثوه والله إنيه ابا مصلحتج...ولا تهونين عليه..
ميثه: فديت روحج والله
ويرقدوون وحصوه..يالسه تفكر بالكلام الي قالته...كيف سبته وكيف كلمته.....
يوم السبت....الصبح...الساعه 7 ...
الخدامه: فاتيما...فاتيما...قومي...قومي...مدرسا..
فطوم: اووووووه مابا...قوليلهم هوب سايره...
الخدامه: فاتيما...قوووووميييييييي...ماما جنجال بعدين..
فطوم: براااااااااا..
الخدامه: اوكي...بيشوف..
وتروح عند حمدوه ومهروه.....ويقومن حليلهن...
مهروه :وينها هاي...
حمدوه: ما بتسرح ويانا...
مهروه: فكه...افتكينا من أغانيها الي مثل ويهها كل يوم..
أبو فطوم: وين فطوم عنكن..
مهروه: ما بسير...اون يدها تعورها..ما تعرف بنتك انت..
حمده: اصكتي احسن..
أبو فطوم: برايكن انتن روحن...ازهلنها ..
مهروه وهي ظاهره: هههههههه الحين بيغسلها..
أم فطوم: فطوم سرحت وياهن...
أبو فطوم: لا...برايها...
أم فطوم: ؟؟؟
أبو فطوم: بعدين بتنهزب...
أم فطوم هزت راسها وسارت صوب المطبخ التحضيري اتحط ريوق..
وفي بيت قوم ميثوه...
الخدامه:madaam wake uuuuuuuup>>>hissa>>>oh
حصه: قوووووومي فكينا..
ميثه وتأشر بيدها: rose go befor i kill you go
وتطلع الخدامه..
حصه:هههههههههههههههههههههه
ميثه: والله سباله.. ما تفهم..
وفي بيت فطوم..
...حاضر وسعيد نشو عقب..لآنه حاضر عنده كلاس الساعه 10 ورقد الين 9..وسعيد يشتغل في أدكو...وكل يوم خصم على التأخيرهههههههههه...
حاضر: صباح الخير اميه..*ويحبها..
أم فطوم: صباح النور...تعال حبيبي كل لك شي قبل لا تسرح..
حاضر: انشالله..
أبو فطوم: وينه سعيد..
حاضر: شدراني...سوله تلفون ما فيه ارقا له..
أبو فطوم شل بعمره وقام...
ويدق أبو فطوم على باب سعيد..
سعيد قام وبطل الباب.
أبو فطوم: بتخبرك...متى بتغدي ريال وبتودر عنك هالكسل... عمرك في الثلاثين ولحيتك مازره ويهك... طالع..اتقول ياهل...استح على ويهك..
سعيد وهو يتثاوب ويتمغط....: انشالله..انشالله..
أبو فطوم: الله يهديكم
سعيد: هههههه فديتك...*ويحبه فوق راسه*...أفاا... أفا عليك بو سعيد...
أبو فطوم: يالله. قم اضربلك سبحه....اترياك تحت..
سعيد: انشالله......
بو فطوم نزل تحت يترياه....
حاضر: يالله أنا أسترخص...
بو فطوم: الله يحفظك...متى بترد..
حاضر: الساعه 3 انشالله...
بو فطوم: انترياك..
حاضر قام وحب امه وابوه على روسهم...
أم فطوم: الله يحفظك..ويسمح دروبك..ويحفظك عن بنات الحرام..
وعقب دقايق...
سعيد: سلم عليهم..
أبو فطوم: قرب...
سعيد: جرييييب..
أم فطوم: وين ساير..ايلس بتاكلك لقمه..
سعيد شل جاهي وخذ له سندويجه في يده..يالله..تريقنا...عن خاطرج اميه..
أم فطوم: عسى الله يبارجلي فيكم..
بو فطوم: حُوه عليهم.. هههههه
أم فطوم:عووووووووذبالله........
سعيد: هههههههههههه..






0






0














0
















0


































0


:::::::::cut:::::::::::



وانتظروني عن قريب بالأجزاء الباقية لا تحرومونية من الردود الطيبة وكثرو منها لانها ترفع من المعنويات

يسلموووووووووووووو ع البارت صراحه انا كنت اتريا التكمله من زمااااااان

القصه طرطريشن وختيه ما عليج رمسه امره كمليها ونحن وياج في الدرب ^_^