منتدى استراحات زايد - رواية اكشن:(ماهو العيب فيك العيب فيني؟؟يوم حبيك)

.

تكمله

.

مشت بسرعه وركبت السياره ومشت مااتدري وين تروح فكرت وفكرت ووصلت لين البحر

يلست جدام البحر يلست تطالعه وقامت ترمس:

عشت من انا وصغيره حياه حلوه عشتها لين ماكملت 18 بعدها تفجأت بموت امي وابوي سكرت عيونها ودموعها ينسكبن على خدها عشت وانا ماادري شوو هذي الدنيا كان عندي طموحات كنت افكر بمستقبل ودي اصير دكتوره بس الظروف اجبرتني اني اصير شرطيه صرت شرطيه واشتغلت وتعبت علشان اسوي كل شي لأختي الكبيره واختي الصغيره كل ماخطبووني حد رفضتهم كم مره تهددت حياتي للموت لكن الله راد ان اعيش لمتى بعيش جي لمتى مليت مليت من قسوة الدنيا مليت من هالحياه اه ياربي يارب اسعدني يارب هون عليه مصيبتي يارب ارحمني

سمعت صوت من وراها:ماااكنت احسب كل هذا في قلبج

التفت شافت (حمدان) حلت عليها صدمه:انت

حمدان يلسع دالها:هي انا كنت اتبعج وين تروحي انا من شفت حسيت بشعوور انج حزينه وكئيبه ومالج فالهدنيا غيرج

طالعت جدام وسكتت ولا رمست

حمدان:انا حالتي اخيس من حالتج انا لا أم لا أبوو لاخوات لا أخوو اعيش برووحي فقصر كبير واعيش بفلووسي بتعبي ومن هناك عمي يبغي فلووس ويطالبني على الفلس عشت ياميثة عيشه ماايقدر احد يعيشها بس ولله الحمد مرتاح ذاك اليوم يوم شفتني هذاك فندقي وهذاك القسم قسمي بكبره برووحي مااعرف كيف دخلتي

ميثة ابتسمت:كل إنسان وله هموم وإفراح ولايغرك الأشكال

حمدان:صح كلامج ياميثة

ميثة طالعته:المساعه عداوه والحين صداقه

حمدان ابتسم وطالعها بعيونه الدامعه:صداقه والله انج انسانه تنحبي تبردين على القلب

ميثة ضحكت بهدوء وطالعت جدام شافت الساعه قالت:انا بروح باجر ورايه دوام

حمدان وقف ومد الفلووس:خذيهن وحلال عليج ماابغيهن

ميثة هزت رأسها بلاء:انا وياك اصدقاء والصديق اذا عطى صديقه وصديقه ماايرده مااصح

حمدان ابتسم ابتسامه ساحره:صح

ميثة:يلا انا برووح قوود نايت

حمدان:قوود نايت بس

ميثة وهي تمشي لفت له:شو

حمدان:ابي رقمج

ميثة:من اولها

حمدان:قلنا ربع

ميثة:ههههههه خذ عندك 056 *************

حمدان:اوكي يلا مع السلامه

ميثة:مع السلامه

توجهت لسياره وراحت الشقه

.

ومر اليوم بسلام

.

احيانا المرئ يعيش بمتهات لايعرف من هو الصديق ومن هو العدو

.

في اليوم الثاني

.

قامت تسبحت شافت فونها محروق اتصلات من الرائد راشد ركضت ولبست بسرعه وراحت الدوام بدون فطوور

دخلت مثل العاده ازعاج وقضايه

مااتحس عمرها الا طايحه وطايح فوقها وااحد خمار يضحك:اووووووووووف عندكم مزززززززززه هههههههههههههههه

ميثة قومته من عليها بقووه وبقرف مما ادى الا انه يندز باليدار ويطيح ويصرخ بألم:اخخخخخخخخخخخخخخخخخ

ميثة:تفووووو عليك يالحقير

مشت بسرعه وراحت مكتب رائد راشد

دقت الباب

رائد راشد:تفظلي

دخلت :السلام عليكم

راشد بسرعه:وعليكم السلام ميثة بخبرج بشي البارحه وصلنا

ميثة يلست بأهتمام:قوول

راشد:البارحه وصلنا بلاغ من وااحد يقوول في منطقه بعيده ال......... تعرفينها

ميثة:هي اعرفها بس هذي فبوظبي شوو يخصها بالدبي يعني تتصل لين قووم بوظبي

راشد:لاء هي طلبت المساعده منا احنى ظروري ومنج انتي بذات

ميثة بأهتمام:كمل

راشد:وااحد اسمه حمد المهم هذا ربيع منصور

ميثة:ريوو اخو ادواردوا لا

راشد:هي

ميثة:اوكي خلاص كمل

راشد:عنده فله فمنطقة ال........ المهم وهذي الفله فيها انواع من الرذيله ومخدرات والمخدرات هناك توصل وهذي الفله مشهور بالرذيله ويحصلوون الألاف عليها

ميثة:اها

راشد:وابي منج تحلين المشكله عندج لين الظهر بمر عليج وبعرف بشوو بتخطيط وكيف الأستعدادات وجي

ميثة ابتسمت:اوكي

مشت من عنده وهي تفكر يلست فالمكتب تفكر وتفكر فجأه رن فونها

شافت الرقم غريب ردت بهدوء:الو

:هلا ميثووه

ميثة يلست عدل صوت ريال:منوو

:افا نسيتني انا جي بزعل

ميثة تذكرت:حمدان

برومنسيه:عيوونه قلبه عمره كله

ميثة حست بكلامه الصدق:اوووب متصل لي شخبارك

حمدان:تمام والله اخبارج انتي

ميثة:زينه من صوبك

حمدان:الحمدالله شوو تسوين

ميثة:يالسه افكر بقضيه

حمدان يبي يشاركها السالفه:قوولي يمكن اقدر اساعدج

ميثة:اسمع وقالت له

حمدان:اممم والله ماااعرف شوو افكر

ميثة سكتت لثواني بعدين صرخت:لقييييييييييييييييتها

حمدان:ويهددددددددددددددددددددد طريتي اذني

ميثة:حمدان بقوولك خطتي

حمدان:غردي

ميثة:...........................................

حمدان ابتسم وهو عايبتنه الفكره بس حس بمجازف:اوكي

ميثة:ببند وبعدين بكلمك

حمدان:خذي راحتج

ميثة بندت وركضت لرائد راشد وخبرته عن الفكر عجبته واايد وقال:عليج ابها

ميثة ركضت السوق وقالت:اووووف انا مااعرف للفساتين

دخلت في محل شافت لبنانيه

قالت لها:لوسمحتي ممكن مساعده

ابتسمت لها: شوو بدك ياااآنسه

ميثة:ابيج تطلعين لي فستان وابيج تكشخيني تخليني كشخه

اللبنانيه وهي تطالع ميثة الجميله:اوكي هلا ببدأ اغير من لوكك بدك فستان ولا بنطلون

ميثة:فستان

اللبنانيه:تعالي وراي راحوا ودورت لها فستان طرر واستأذن من المدير واشترت لها كعب واشترت جاكيت مناسب للفستان

وراحت الصالون وتعدلت وركبت باروكه خلصت

وراحت وركبت السياره وشافت الساعه 9:00

ميثة بتفكير(على كلام راشد ان اليوم حفله ان الحريم يلبسون فستان سهره والرياييل يلبسون بدل رسميه)

راحت صوب بيت حمدان اللي عطاها عنوانه وصلت

ودقت الباب

فتحوا لها الباب

ودخلت فالصاله

يتها الخدامه وهي تبتسم بإعجاب لشكل ميثة الملائكي

:مرحبا آنستي الجميله

ابتسمت ميثة:مرحبتين لو سمحتي زقري حمدان

:السيد حمدان يتلبس قال لي انج تيلسين تقدرين تيلسي تبغين شي تشربين هو دقايق وبينزل

ميثة:لا مشكوره

يلست

تفكر بعد دقايق سمعت صووت خطوات قامت وطالعته

التقت عيونها بعيونه

ذاب حمدان حس بشعور غريب حس بشعور الحب وحس قلبه يدق بقوه وحس بقشعريره بجمسه وتم يطالعها مب قادر ينزل عيونه

ميثة انبهرت من جماله وهو لابس البدله الرسميه اللي تبينه صغير واايد عن عمره وحست بمستحى ولأول مره من نظراته

همسه(حمدان عمره (25) وميثة عمرها (23))

حمدان برومنسي:شخبارج

ميثة:تمام يلا نروح

حمدان:يلا ومشى ومسك اييدها بسرعه

ميثة استغربت بس طنشت ومشت وياه بهدوء

وصلووا لين الفله

وصلوو ونزلووا

ميثة:عندك كل شي

حمدان:هي نعم

ميثة:يلا بندخل وبيبتدي التمثيل وارجووك لاتغلط عشان بتصير مجازفات

حمدان:على امرج

مشوا هو وياها

وهي مااسك اييدها

وصلو وشافوا وااحد واقف وهو يطالعهم

:اووووف منوو هالجميله اللي وياك

ميثة ابتسمت بغرام

:اوووف عليج ضحك تخبل تسلفني لها يووم

ميثة (يالجلب يالقزر)

حمدان ضحك بحرقه:ههههههه لا حبيبي هي لي انا وسحبها ويشدها من خصرها عليه بس ماالتي انا

:افا انا اخووك مااتسلفني لها

حمدان:تووو بس لي

:ههههه كيفك لاتخسر هذي الكيكه الجميله

ومد اييده على داخل وقال:تفظلي مادموزيل

ميثة ضحكت بغنج:ثانكس بيبي

:اموووت انا على الضحكه

ميثة دخلت ووياها حمدان

ميثة وحمدان راحوا ويلس حمدان على الكنبه وميثة فوقه

قرب منهم النادل وهو شال كاسات خمر

النادل ابتسم بإنجذاب:هاي

ميثة وحمدان:هايين

النادل:تبغون وسكي

ميثة:نوو

حمدان:نوو ثانكس

النادل:يا اتها الفتاة الجميل هالا تريدين كيك مثلك

ميثة:نووو

النادل ابتسم ومشى

حمدان بقهر:وعععع ناس قذاره

ميثة:الحين بنقووم انا وياك وبنقفل البيبان كلهم عشان بيسوو الشرطه محاصره بس احنى ماابنستخدم السلاح الا الظروره

حمدان:اوكي

قاموا الأثنين بدون مايحسوا الكل حتى مال الأستقبال دخلوه

وبدوا يسكروا كلها وهم يطلعوا فالغرفه اذا في حد

ميثة فتحت الغرفه وانصدمت بالمنظر شافت نوع من الرذيله

وسكرت بسرعه وقلبها يدق وتحس بقرف وقفلته

وراحت وشافت حمدان

ميثة:خلصت

حمدان:هي وانتي

ميثة:هي الحين بروح ادور المدير

حمدان:روحي انا بشوف البنات اشوفهن حلوات

ميثة بقهر:جبب

حمدان:خخخخ تغاري

ميثة:وععع جان اغار عليك ومشت عنه

وراحت لنادل

ميثة:لوسمحت وين راعي الفله

النادل:راعي الفله الأساسي محد بس اخوه وهو يأشر هذاك

ميثة ابتسمت:مشكوور

راحت له

وقالت بدلع:هااي

طالعها وهو مبتسم بهدوء:هايين

ميثة:اخبارك بيبي

حمد:بخير من صووبج يالغاويه

ميثة:تمام اممم قالوو لي انك اخوو راعي الفله

حمد:هي والله

ميثة:اووف انا جان خاطري اشووف المدير ودي اشووفه يقلوون حلوو ويخبل صح هالكلام

حمد:هي هههه بس انا الأحلى

ميثة بدلع:اكيييييييد يااحمودي

حمد:فديت حمودي على ألسانج

ميثة:انزين موودي من متى مسوويين هالفله وليش اصلا فمكان بعيد

حمد حس براحه لها:بيني وبينج اصلا هذي الفله بس توصل الموارد اللي نييبها من برع الدوله وندخلها بالهفله وعندنا اتباع فهاذي الفله يوصلوا المخدرات من بوظبي لدبي وللفجيره ول ألخ .................

ميثة:اها وبدلع المهم انا برووح بيبي ودي ايلس وياك واايد

حمد ابتسم:خذي رااحتج ومره ثانية ان شاء الله اشووفج

ميثة بثقه:بشووفك

ميثة مشت من عداله وراحت لحمدان وقالت:الحين بأمر الشرطه يدخلوو لأني احسهم بدووا يتوزعوا فالحجر

حمدان:يلا

ميثة:الو يلا

:اوكي

وشويه يلسوا مايسمعوا :لاتتحركوون الشرطه هني وهي مهدد اللي بتطلع بالقتل السريع

الكل قام يصارخ ويراكضوو ويشوف الباب مقفوول وميثة وحمدان يمثلوو الخوف وفي باب ميثة خلته ليها ولحمدان ركضوا هي وياه وطلعوا وقفلووه

ميثة طلعت وشافت المدير ورائد راشد

ميثة ابتسمت:خلصت المهمه

المدير ورائد راشد يطالعوها بإنبهار

حمدان بغيره:خلصت شغلها

المدير:هي تقدرين تروحي

ميثة:يلا مع السلامه مشت وركبت ويا حمدان

وميثة وحمدان ساكتين الا مفتوح المسجل على اغنية علي بحر وكل واحد هاايم ويا الأغنيه

وصلوو صوب البحر

ميثة:ليش يبتني هني

حمدان:انا يوعان ابغي اكل بتاكلي وياي

ميثة سكتت ماعلقت نزلوا الأثنين

ومشووا هي وياه وساروو ودخلوا المطعم اللي ماافيه حد

ميثة:غريبه محد فيه

حمدان:انا أستأجرته لين الفجر

ميثة:اها يلست هي وياه

ويت النادله اليبانيه وحطت لهم الأكلات البحريه وبدوا يااكلوو

خلصوا وقاموا يتمشوا

حمدان وقف ميثة وخلها تطالع قدام ونزل على ركبه وطلع من جيبه خاتم وبدى يلقي هذي القصيده

:

احبك موت.... لا تسألني ما الدليل

ارايت رصاصه تسأل القتيل .

ربما يبيع الانسان شيئا قد شراه
لكن لا يبيع قلباً قد هواه .

لا تسألني عن الندى فلن يكون ارق من صوتك
ولا تسألني عن وطني فقد اقمته بين يديك
ولا تسألني عن اسمي فقد نسيته عندما احببتك.

كنت انوي ان احفر اسمك على قلبي
ولكنني خشيت ان تزعجك دقات قلبي.

أن يأست يوما من حبك وفكرت في الانتحار
فلن اشنق نفسي او اطلق على نفسي النار ولن القي نفسي من ناطحة
سحاب لاني اعرفو باختصار ان عينيك اسرع وسيله للانتحار.

لا ثقه لدي الا عينيك فعيناك ارض لاتخون
فدعني انظر اليهما دعني اعرف من اكون.

لماذا لماذا طريقنا طويل مليء بالاشواك
لماذا بين يدي ويديك سرب من الاسلاك
لماذا حين اكون انا هنا تكون انت هناك.

لو كان لي قلبان لعشت بواحد وابقيت قلبا في
هواك يتعذب.

انا احبك حاول ان تساعدني
فإن من بدأ المأسا ينهيها
وإن من فتح الابواب يغلقها
وإن من اشعل النيران يطفيها.

:

ميثة بصدمه:تحبني

حمدان:اييي احبج واعشقج من شفتج وقلبي انخطف وياج مممكن ياعزيزتي انج تقبلين حبي

ميثة مااقدرت ترمس تمت تطالعه مااعرف شتقوول

حمدان:ممكن ياقلبي

ميثة مااقدرت الا تقول:ايي اقبل

حمدان استانس ولبسها الخاتم ووقف وباس خدها برومنسي:احبج

ميثة استحت ماقدرت ترمس

حمدان مسك اييدها بتملك ومشى هو وياها ودخلوا كبينه كبيره وكانت مملؤوه بالشموع الحمره وصوت اغنية بتهووفن ماالئ المكان كان صج جوو رومنسي

حمدان برومنسي:هل تقبلي ان ترقصي معي ياعزيزتي

ميثة تحس نفسها بحلم يما تمنت انها تعيش مع وااحد يحبها يراعيها ويسوي لها المستحيل والحين يا:هي اقبل

قاموا يرقصوا وعيونهم تفر كلام الحب والغزل

وقامو يرقصون وكل واحد مستحي من الثاني

بعدها خلصوا ويلسوا يسلفوا بعدين تمو يتمشوا صووب البحر وهم فاصخين نعلهم

وقف حمدان وكتب على الرمل:

احبججججججججججججججج ميثاني

احبج حب مااحبه بني ادم

ميثة:ههههه حمدان اسكت بتفضحنا

حمدان بخبال قام يركض بسرعه ويصاارخ:احبججججججججججججججججججججججججججج احبججججججججججججججججججججججججج احبججججججججججججج

وراح صوبها وهو يتنفس بقوه:والله احبج

ميثة:وانا اكثر ياعمري

حمدان:فديييييييييييييتج

ميثة:هههههههههههه حبيبي والله قووم وصلني البيت

حمدان:يلا معني ماابغيج تروحين بس تأخر الوقت

ميثة:يلا

طلعوا هو وياها ووصلها البيت وراح يرقد ويبي يرقد مب قادر

حتى ميثة كل واحد مستانس اكثر من الثاني وحاسين انهم بيطيروا من الفرح

انتهى

.

تعليقاتكم

واايد حطيت احداث ملوؤء بالحب والإكشن

ودي بردود جميله

ودي لكم

:

دااانه غير