منتدى استراحات زايد - رواية حلم سرآب في رحلة عناء بقلمي : أسرار قلب =)

اقتباس:

المشاركة الأصلية كتبت بواسطة s3ad (المشاركة 1045563892)

اشتقت للروايه كلييي دخيلج جد تحمست والله بليز

التكمله :

( الصفحة " 18 " )
ترجع الآلام من جديد لتكشف عن الصبر ..
ولكن الكثير من الأمور قد تحتاج صبرا طويلاً !
من يدري ربما البعض قد إختار الإنتظار في حين أحدهم إختار الرحيل ،
لكن إحذر من أؤلئك الذين يحملون الحقد في قلوبهم ..
فقد يجتمعون لإفساد حياتك وتغيرها !
والبعض قد يظلم حينها ،
.
.
.
.
.
.
فكررت وآيدد هذي نووره تبي المشآكل أكييد يااربي ليش جيه تسوي فيني أنآ شو سويت لهآآ !!
تحرك من مكآني وأنا محتاره شو بسوي ألحييينه ... !!!!!!
وييين بترووح يعنيي عندد أمهآآ لآ لآلآ ماا أظنن زيين أساس مع منوو رآحت معقوولة ركبت تكسي !!
حسييت بصدمه من أفكآآري أناا شووو أقوول لوو سييف يدري أن نوره مب فالبييت وأني السبب ؟؟
بس هيه نرفزتني وخلتني أتصررف معآها بـ هطرييقهه أناا مب من النووع إلي يعصبب بسررعهه هم غيروا
فيني وااايد همم السبب فلي أناا عليه ألحيين !!!!
يلسست أفككر بظهر بسياارتي أدورهااا بدال اليلسه هنيه ..

رحت حجرتي وأنا مب حاسسه بعمري ضربت البااب من كثثر مآ أناا مسستعيلهه خذيت الشيله والسوييج
وظهررت على طول لسياارتي شغلتهآآ ويلس أدوور فالفريج . . . . !!
دقاايق وأحسس الشمسس قويه ألحينه الظههر وين ساارتت !!
لفييت يميين يساار دورتهاا بكل مكآآن محددد ماالهاا وجوود ؟؟؟؟؟
سمعتت فوني يررن حسييت بخوووف هذااا رققم سييفف !!!!!! وقفت سيارتي مقددر أسووق وأرمسهه ..

وقفت السيااره وردييت عليه : ه هلا سيف !!
سيف : بلآاجج ماترديين ؟؟ وييين إنتي ألحييين هاا ؟؟ " طبعا هو بعد مارجع من السفر "
أنا بخوف : ويين يعني بالببييت ..
سيف : لآتجذبيييين قووولي الصج وينجج *خفتت يمكن نووره رمسته*
أنا : ليش معصصب جيهه أقوولك فالبييت ..
سيف بشك : عطيني نوره برمسهاا ..
خفت شوو بقوول ألحين !!!!!
سيف : ألووو ؟؟
رديت : هلآ نوره راققده .. شو بغيت؟؟ .. أناا برمسهاا عقب إذا الشي ضروري ؟؟
سيف ويضحك : ههه والله مب علي ميثهه هالحركاات إذا صااير شي تكلمي أحسنلج زين ؟؟
رديت : شووو فييك إنت دووم تشكك بكلآمي مدري لييش !!!!!!!

سيف ببرود : وتسإلين ليش بعد ؟!
أنآ : هيييه لييش شو سويييت أنااا وبعديين قللت لكك أنآآ لما وافقت كنت احس بشفقه تجااهكك خلاص انتهى الموضوع ليش بعدك حاقد علي ؟
سيف ويضحك : ههههه والله صج .. عالعموم هالمره بصدقج بس حبيت أقولج باجر برد من السفر ..
أنا ومنصصصدمه : شوو بااااااجرررر ؟؟؟
سيف : هيه باجر ليش أنا ماقلت لج قريب وبرد وبعدين مليت الصراحهه ..
رديت : والله لو رايح تتعالج مب أحسسن لكك ..
سيف بعصبيه صدمني : قلللللت لججج هالشي بالذااات لاتقووليين رااايج فيهه وتتدخليين وبعديين أناا كيفي ماابيفيدني العلالاج ما ارييد اتعاالج عندهمم عندج براايه ..
أنا وبخوف : زين زيين خلاص أنا الغلطاانه لأني تكلممت ..
سيف : يالله في أمآآن الله *وغللق المكالمه*
أنا حسييت بقهررر كل مرره يتكلمم ويقوول إلي عنده ويسكككر بويهي أناا لييش ردييت علييه ..
أووووووف ألحيين وين اختته راااحتت ..

ردييت البيييت سكرت البااب سمعت صووت في المطبخ لما دخلت انصصصدمتت !!!!!!
/
\
/
\
/
\
/
\
/
أنا : شيماااااااااء بسسسس خلالالاص تراااج ترفعيين ضغططي بكلامججج هذاا ..
شيماء : أنااا مااقلت شيي قلتت الصجج كل مرره ترووح المستشفىى شوو فييك قوول ؟؟
تأففت : ماافينيي شي شوو بيكوون فيني مثلا مرييت عنند ولد عمي أطمن علييه ..
شيمااء وبشكك : بس إنتت قبل لآيطييح ولد عمك فالمستشفى ترووح ؟؟؟؟؟
حسييت أني ماابخللص من هالتحقييق السخييف : تدري شيييي كلمي عمررررج أناا بظهههررر ألحيين ..
شيمااء : والله يا سعووود إذاا ماقلت الصصج أناا مابتم هنيه دقييقه وحده ..
ضحكت : هههههه تصصدقيين مايهمني في أمآآن الله ..
شيمااء : سعوووووود ووووقفف وووووقففففففففف ......... !!!!!!!!!!

ظهرت وركبتت سياارتي شوو تبي أكثرر من جييه قالت تبيي نعييش برووحناا وقللت أوكييه
كل شيي تقووله اسووووي لهااا بعدد شووو تبي أكثثثثر من جيييه اوووف ياربي شو هالحااال ..

رحتت بمرر صووب امييه ..
أحسس بضييجه وأكأن كلالام شيمااء يدوور برااسي شو هالحرمه مااتعررف تسكت شوي
كرهتنيي بعيشتي والله مايسوى علي قللت بتزووج وبستقرر حاالي حال النااس آخرتهاا هذاا
حالي الله يساامج بنت عمي .. ويساامجج مييثه *شففت فوني يرن علاوي*
رديت : هلآ ..
علآوي : هلالالا والله ويينكك مااتبين وبعديين بلاك مااتتصل لآزم أناا الي اتصل ؟؟؟
أنا وأضحك : ههههههه نسيييناااا ..
علآوي : اوووووووه أنت بعددك مااخذ بخااطررك شوو ؟؟
ردييت : لآ مب ماخذ بخااطري أسوولف ويااك وينك إنت ؟؟
علآوي : والله ماشي فالبييت ملان وإنتتت ؟؟
أناا : بمرر عند أميه شوي ..
علآوي : زيين سللم علييهاا وعلى حموووديي هالأهبببللل ..
رديت : مححححححد غيييررك حموود حليله من كم يووم ناخذذه المستشفى تعبانن ..
علآوي : انتتتوو كلله تعباانيييين !!!!!!
تميت ساااكت أفكر بكلامه ..
علآوي وانتبه على كلآمه : أووه السمووحهه والله مب قصددي ..
رديت : هاا لآ شوووه مسمووح زين عيل بخلييك ألحيين ..
علآوي : خلاص عيل في حفظظ الرحمن ..
أنآ : باايييييييي ..

وبعدهااا لماا وصلت البييت دخلت أحسس بهدووء فالبييت ليكوون رااقدييييين
ضربت راسي بالخفيف على غباائي : أناااااا غبيييي لييش ماا اتتتصلت بالأول ..
سمعت صوت : سعووووود انتتت هنييه أميه؟؟؟
إلتفت : هلالالا بالغااااالييه *رحتت سلمت علييها وبستهااا فوق راسهاا* شحاالج أميه وأنا عباالي رااقده ..
أميه : الحمدلله بخير ههههه لآ مب رااقده حيااك تعاالي اييلسس حياك ..
دخلناا الصاله ويلست معااهاا : شخباارك بعدد عيل ويينهاا حرمتكك شيماء ؟؟
أناا : تووليي لآتسإليين عنهاا ..
أميه : ليييش شو صااير ؟؟
ردييت :امييه والله بطللقهااا وبففتككك تعبتني والله ..
أميه ومنصددمه : شوو غيرر علييكم بسم الله تعووذ من الشييطانن مب هااي الي ضربت اختكك عشاناا ؟؟
تذككرت الموقف كأن يتكرر جدامي وضغط على ايدي ..
أميه : يالله مااعلي اختلاافات صغييره ماعليك حتى اناا وأبوك كناا جيه ..
ردييت : امييه انتي مااتبيني أكوون مرتااح .. أناا مابي شيمااء خلالااص تعبت منهاا ومن كلامها اوهيه اذذا عرفت اكييد بتطلب الطلالاق أعرفهاا ..

أميه ومنصدمه : لييش انت قللت لهاا ؟؟
أناا : لا ماقلت شي بس هيه تشك ودووم تسألني وبعدين أميه محد يدري لآ غيررك تحملي لاتتطرين شي جدام أي حد..
أمييه : حشى علي مااقلت لححد بس انت لاتعصصبهاا وبعديين كيفك اذاا انت مب مرتااح ..
قلت بغير السالفه : زيين عيل وينه ابووي ؟؟
أميه : حليله رااقد أبوي ألحينه مب مثلل أول مايروم يسوي شيي كله رااقد ..
أنا بحززن : يالله ربي يعطيه العافيه ويطول من عمره ..
أميه : آميين ياربي .. يالله بقووم اسوي لك شي تااكله أكييد يوعاان*
أنا وأضحك : هههههه هيه والله شيمااء مول مااتسوي شي الا بعيياززه ..
.
.
.
.
.
.
.
رجعت البيت وماحسيت بعمري إلآ وأناا رااقددددد من التعب !!
بس ليييييش !!

وعييت على صوت فوني *المنبه* إنصدمتت أناا كل هالووقت رااقده !!!!
رحت الحمام *عزكم الله * وعقبهاا صليت قريت قرآن لين ماسمعت صوت باب ينفتحح
يتحرك بسرعه أشوف منوو إنصدممممت !!!!!! : نوووووووره !!
نوره وشاله شنطتهآ : هيه ماتشوفين ؟؟
أنا ومسغربه : ويييين كنتي أمسس ؟؟
نوره : مايخخصج وين كنت أنا بظهر الحين وخلي البييت لج مافيني أسمع كلام زياده ..
أنا بدون ماحس : سيييف بيرررجع اليوووم ..
نوره ومنصدمه : شوووه !!!!!!!!!!!!!!!!!!
رديت عليهاا : نوره الله يخليج مابي مشااكل ..
نوره وتضحك : هههه والله أشوفج تترجيني تدرين أحلى خبر سمعته أناا ارييده يدخل البيت
ومايحصلنيي واذا سألني تعرفيين شو بررد ..
مسكت ايدهاا : نووره لا دخييلج حققج علي أنا الغلطانه السموحه ..
نوره وادزني بقوو : مااافييي لا دخليج ولا غيره .. "وتحركت تظهر من البيت"

ماعرفت شو اسوي يلست متوتره مكااني احاول اكون طبيعيه
بس مقدر حتى مارحت الجامعه اليوم .. شوو بسوي الحين شو بقوول !!!!!
كنت اراقب الساعه لحظه بلحظه لين ما اذن الظهر وأنا بعدني متجمده في مكاني
معرف شو اسوي .. قمت اصلي واسوي لي غداا ، كليت لين ماحسيت عمري بنفجر
من الاكل كله بسبت الخووف صرت اكل شرات المينونه مب حاسه بعمري أنا مب
خايفه من سيف خايفه شو بيصير اذا زادت المشاكل وعرف ابوي واميه بالسالفه
بروحهم تعباني وانا طول هالفتره خاشه عنهم ومحد يدري بشي !!!!! والحين
الحقيقه بتظهر ...

شفت فوني آمنه مطرش لي * ويييييييينج !! * مدري ارد عليها ولا أخاف تباني امر
صوبها اليوم مابقدر سيف بيرد بأي وقت ..
تجاهلت الي مطرشته ليه وحطيت فوني سايلنت ..

ورحت اسبح وأبدل ثيابي ،
|
/
\
/
\
/
\
/
\
/

بعد مرور الوقت !! :

شفته وأنا منصدم : مستحيييييل إنت ..
سعود : ههههههههههه شو عبالك قلت لك أنا قدهاا وسويت الي اتفقناا عليه ..
ضححكت : هه خبل انت !!!
سعود : يالله بلاك ألحين مب عايبنك شكلك ..
رديت : مايهمني وبعدين الدريول موجود وبيوصلني ليش انت حضرتك هنيه ؟؟
سعود وابتسامه : شوو بلاك علي وبعديين اشتقتتلك ياخي وخاطري اوصلك للبيت وامر اسلم على ميثه ..
قلت : عقب عقب ..
سعود وبنظره : ليش عقب ؟؟
ضحكت : يااخي شو تبي انتتت لازم تتلزق فيناا وبعديين قلت عقب
سعود ويضحك : أنا أتلزق هههههه زين خلاص أنا بوصلك وبمر عندكم في وقت ثاني ..
رديت : زين يالله توكلناا ولا ادز الكرسي بروحي بحركه ..
سعود ويضحك : زين فهمناا لاتعيد كلامك ..
.
.
.
.
.
.
كنتت أسسسسممممممع صوووت سيااره !!!!!!!
تحركت من مكااني أطالع من الدريشه كاان سيفف مع سعوود !!
كانوا يرمسون بعض وسيف شكله مب عايبنه الوضعع وكأن مضايج من كلام سيف !!
بسس عن شووو يتكلمون .. عقبهاا لمحت شي في ايد سيف يمكن ورق او شي ..
وسعود خذاا الأورااق وشوي سعوود وسيف يتحركون يبون يدخلون البييت ..

تحررركت بسرعه وتلحفت فاللحااف وسويت عمري رااقد ..
كنت اسمع اصواتهم وضحكاتهم ..
سعوود صوته من بعيد " مييييييييثثثثثثثه مييييييييييييثثثثه وييييينج " ؟؟؟
مارديت غطييت ويهي وجسمي كاامل ،
عقب دقاايق حسييت بفضول شو صاار معاهم ليش هدووء ..
شلييت اللحااف عنيي والفتت ابي انزل من الشبريه انصصصدمت يوم شفت سيف فويهي يالس !!!!!!!!
أنا وارجع : بببببببببسم الله !!

سيف ويطالعني : شو شايفه يني جدامج ..
أنا .. لآ تعليق !
سيف ويتحرك : صصح النووم توه الناااس حد ينام هالحجزه ؟؟
أنا واعدل عمري وشعري : انت وصلتت .. الحمدلله عالسلامه ،
سيف : أونه يعني ماتدرين اني برد اليوم ؟؟ ربي يسلمج
قلت : نسييت !

سيف وتجاهل كلامي يدري أني أخرط : عيل وينهاا نوره ما اشوفها فالبيت ؟؟؟
حسيت بخووف معررف شو اررد تمييت سااكته ..
سيف وبعده مركز عيونه علي : لييش ساكته ؟؟؟
تحركت من مكاني : مدريي والله انااا بررووح اييب لك ششي تشربهه ..
سيف : خللجج مكااانجج وجاااوبييي وييينهاااا نووووووورهههه ؟؟؟
أنا ومتوتره : ما أدرري قللت لك م م ما ادررررررري ؟؟
سيف : كييف يعني ماتدرين مب نحن إتفقناا بأنج بتسمعين الرمسسه عسب لا أطلقج ؟؟
رديت : هييه بس إختك وكيفهاا ظهرت مدري ويين راحت .. أنا اشو ذنبي ،
سيف وبعصبيه : شووووووو يعنننني ظهههرتتت تستهلبيين صححح وين بتروح يعني ؟؟
ماردييت علي انا شو يخصني نوووره ويين راااحتت وبعدين انااا اكررهااا * تحركت بظهر من الحجره* ..
سيف : ميييثثثثثثه يالس أكلمج ..
ردييت : زيين أدري وأناا جاوبت على أسئلتك برووح أييب لك شي تااكله ..
سيف وبعنااد : وأناا مااابي شي منججج .. أرييد اعرف ويين نوره ..
قلت : زيين اتصللل لهااا ..
سيف ياخذ فوونه ويتصل لنوره وأنا واقفه عند بااب الحجره اشوفه ،

سيف : ألوو ؟؟ ... ويينجججج ... عند أمييه !! .... لييش أنا رجعت اليوم .... ربي يسلمج .... أهاا جيه السالفه ......... خلاص مب مشكله أمر عندكم عقب ..... في أمآن الله ..

أول ماخلص التفت صووبي وجدم الكرسي وطالعني بنظرهه خلتني ما اروم اطالع بعيوونه ..
سيف : شوو معنى الي سسمعته ؟؟؟ صج الكلام الي تقوله نوره ..
رديت : لالالالالالالالا مبببب صصصصصج تخرررط علييك
سيف : تبيني أصدقج ؟؟
رديت بعصبيه : كيييففففففك تصدققني ولا لالالا ..
سيف ويعييد كلامه : قللللت تبييني أصددققققج ؟؟
مافهمت قصده : وأنا قللت كييفككك ..
سيف : مييييييييييييثه رددي على سؤالي هيييه ولا لالالالا تبيني أصصدقج ولا ؟؟
أنا ومتوتره : هيه ..
سيف وبابتسامه : زين صدقتج هالمره يالله حطي شي ناكله يووعان ..
كنت مسستغربه شوو الساالفه سيف يصدقني !! ..
سيف : ميييثه !!
رديت : هيه زيين زيييين ..

عقب دخلت المطبخ أحط له الأكل وأنا بعدني افكرر شو بسوي اكيد سيف مابيرضى أكمل دراستي !!
يعني خلاص أوقف دراسه .. تعبببت عالفااااضضضضضضي شوو هااالححظظظ ..

.
.
.
.
.
.
في بيت بوو حمدد ،،

فالصاله ..

شووق : لالالالالالالالالالالالالالالالالالالالالالالالالا لالالالالا حمممممممممدددد ..
حمد ويضحك : هههههههه جب يالخاايسه ..
شووق : مممحددد غييركك عطننني فووني بلييييييز ..
حمد ويغمز : بالأول تسوين الي اتفقناا عليه ..
شوق وبعصبيه : زيييين اناا ماالي خصص انتت تحبب البنت اخطبهاا وفكناااا ..
حمد : أناا ابااج تسإليينااا ماافيني اروح اخططب وعقب اتفششل وتقوول ماتبيني ..
شوق : شوو يعنيييييي بتممم بروحي بتتزوج انت وفطوم وبتم اناا بروحي حررررااام مااحبكم ..
حمد ويضحك : ههههههههههههههههههههههههههههههه مايليق عليج والله
شوق وتضربه براسه : جب ع اساااس بتساافر ..
حمد : هيه بساافرر بس بعد ما اتزووج ..
شوق وبنظره براءه : وأنا بتاخذوني معاكم صح ؟؟
حمد ويضحك : هههههه يالله منااك قال بتاخذوني
شوق :عيييييييل مابكلمهااا ..
حمد ويعطييها فونهاا : شوفي شووق اذا كلمتيها بسوي أي شي علشاانج فدييتج والله
شوق وبخبث : أي شي ؟؟
حمد : هييييييييه ايي شيي ...

شوق وتفكر : مممم عيلل عطني مفتااح السيارتك متى ما ارييد وكل ششهر لي نصصييب من معااشكك ..
حمد ومنصدم : ومعاااشي ليييش !!!!!!! .. شوو تشتغليين بداالي وأنا ما أدري ..
شووق : عيييييييييل رووح تووكل ماافي اتفااق بيناا ولا شي ..
حمد : لآ لا يفدااج يالنذذذذله ..
شوق : هييه جيه أبآآك بعد في شرط ..
حمد وتأفف : أوووووف شووو بعععددد
شوق وابتساامه : اسووولف معاااك شوو صدقتتت .. خلاص بكلمهاا ولا يهمكك
حمد ومستاانس : صصصصج فديييييييتججج *وباسهاا فوق راسهاا* فدييت امييه الصغيرونه ..
شوق : بسسس في شي ..
حمد : ههههههههه ياااربيييي منننج شووو بعددد

شوق : اساافررر معااكمم ..
حمد : اننننننتييييي منووو يقددر علييج الله كرييم كلمييها بالاول ..
 أم حمد : تكككلم منوو شو السالفه ..
شوق وحمد : أميييه !!!!!!!
حمد : مااشي جيه نسوولف شو قالت العرووس وافقت ولا ؟؟
أم حمد : رفضت تقول ماتبي ..

شوق وحمد منصدمين ويطالعون بعض ..
أم حمد : تقول شغلها أهم ولاحقه عالزواج عقب ..
حمد : أفاااا لييش زين تتزوج وتكمل شغلهاا شوفيهاا ..
أم حمد : والله حاولت معاها البنت عنييده وراسها يابس ..
شوق وتضحك : هههههه زيين اناا بتزوج بداالها يستوي ..
حمد وأم حمد : ههههههههههههه

أم حمد : الله يغربل ابليسج شو هالرمسسه ..
حمد ويضحك : هههههه اخخخخخ بطني انتي سكتي بسس لحد يسمعج ..
شوق : هههههه شوو اقوول لكم الصصج انا حليلي فقيره لا شغل ولا دراسه ولا بيت ولا شي ..
أم حمد : الله كريم اميه يالله تعالوا اكلو الاكل جااهزز ..
.
.
.
.
.
.
.
.
بعد الغداا ،، بيت بو سيف :
كنت أطآلعه سيف ومحتااره أقول له ولآ لااا .. أوووف شو أسووي
سيف : ميثه ؟؟ بشو إتفكريين ؟
رديت : ولا شي ..
سيف : زين سمعي بآجر برد الدوآم وأبآج تمرين المستشفى وتشترين لي الدوا !
إستغربت : دواا شو ؟
سيف : عقب بعطيج اسمه المهم رحتي عند أمج ؟؟
رديت : هيه كل يومين أزورهم ..
سيف : أهآا كيف صحتهم إن شاء الله كلهم بخير ..
قلت : هيه الحمدلله بس حمود أخوي كان تعبان بآخر فتره وأبوي بعد
سيف ويفكر : سلامات عيل عقب بمر أسلم عليهم ،

سمعت صوت فوني شفت آمون كآتبه " ميييييييييثههه دريتي شو صاار بقوم عمكم "
أنا خففت حتى بين علي كتبت " منوو شو صار "
سيف كان يطالعني مستغرب : شو فيج ؟؟
رديت : ماشي .. ( عقب قريت إلي كتبته آمون ) " أحمد يقولون توفى من شوي شيماء خبرتنا "
أنا هنيه انصدمت وقفت مدري شو صار فيني حسيت بشعور غريب !! أحمدد ماات !!!!!!!!!!
سيف يطالعني مب فاهم ولا شي ..
وأنا الدموع في عيوني حتى مارديت على أمون تميت وااقفه أحاول استوعب الي قريته معقوله
أحمد ماات !!!!!!!

سيف : ميييثه ؟؟؟؟ بلآج شو صاااير ؟
أنا ساكته ..
سيف : مييييييثثثثثه بلآج سااكته شو صاار ؟؟؟
رديت : سيف ولد عمي يقولون توفى ..
سيف ومنصدم : منووو ؟؟؟؟
أنا : أحمد ولد عمي عبدلله ..
سيف ومستغرب : ان لله وان اليه راجعون الله يرحمه ، ليش هو مب كان فالمستشفى آخر مره ؟؟
رديت بحزن : هيه كان تعبان وايد " كنت أفكر ألحين كيف حال ناصر وساره وعمي وعموه والباقيين "
سيف : زين خلاص هذا المكتوب الدموع مابتفيد ..
كنت أطالعه شو هالبرود .. شو هالقلب القااسي !!!! بكل بساطه يقول هالكلام ..

سيف : ليش اطالعيني جيه قلت شي غلط وبعدين هم السابقون ونحن اللاحقون إدعي له ..
رديت : سييف أناا بظهرر لازم أروح معاهم وساره محتاجه أكون معاهم ألحين ..
سيف بعناد : مافي طلعه ..

أنا انصدمممتتتتتت شوووو يقوول هذاا : سيييف من صجك ؟؟؟؟؟ "كنت اكلمه والحزن غطى على صوتي"
سيف ببرود :هيه من صجي يلسي مكانج ..
سمعت فوني يرن كاان سعود ..
كنت برد بس سيف : لآترديييين ..
أنا ومستغربه : شوو فييك سيف هذاا سعوود ؟؟؟
سيف ويطالعني بنظره تهديد : قلللت لجج لآترديين ماتفهمين ؟؟
كنت اطالعه وأنا خلاص مب فاهمه ليش جيه يسوي . . " والفون مالي بعده يرن "
سيف ويمد إيده : عطييني الفوون
أنا : مبب بكيييففففففك ..
سيف ويطالعني بعصبيه ليش ارفع صوتي عليه : ميييثه عطييني الففون ..

مدري على طول مديت ايدي وعطيته الفون وانا في داخلي شي يحترقق من القهر ..
سيف يغلق فوني ويحطه عنده : ألحينه مافي طلعه عقب روحي صوبهم ..
تميت واقفه حذاله ومنصصدمه لأن أبدد مب وقته هالحركاات تمنييت لو مارجععع ..
كنت بتحرك بس هو : مييثه ويين ؟؟
قلت بعصبيه : ماايخخخخخصك سيف ابددد مب وقته الي قاعد تسويه " كنت أتكلم من خاطري وميوده عمري عسب لآ أصيح جدامه "
عقب تحركت رحت الحجره وسكرت الباب بقوو ويلست اصيح من الخاطر ..
ماتوقع أحمد يموت جيه بلحظه كنت اتذكر يوم ساره واقفه هيه وامها عند الباب خايفين
وكيف أنا مشيت وخليتهم ، حسييت بالندمم حسيت بشعور فضيع شو بسوي الحين
للحظه كنت اقوول يمكن هم غلطاانين والخبر مب صح .. وعقب ارد لا مستححيل آمون تجذب بس شيماء هي
الي موصله لها الخبر يمكن تجذب .. بس ليش سعود اتصصل ..

مرر الوقت وأنا بعدني على حالي يالسه فوق الشبريه وأمسح دموعي ..
أطالع باب الحجره وأفكر آخذ فوني وأتصل اشوف شو صار معاهم بس مقدر ..
تنهدت بقو .. لحظتها كنت أحس بألم براسي كان شي فضيع يمكن ضغط على نفسي وايد وأنا
أفكر ..

شفت الباب انفتح ودخل سيف ياه صوبي وقال : لا تحاتين كلهم بخير وسعود وأمج راحوا لهم ماله داعي تروحين
إنتي .. وبعدين ليش تروحين عقب تزيدين عليهم خليهم وشوي ويتقبلون الخبر ..
كل يوم أنصدم من تفكيره : سيف لو سمحت لاتكلمني نهائيا ً ..
ضحك : هههه
وأنا منصدمه : تضحك بعد !!
سيف : هيه أضحك ليش مايستوي أضحك وبعدين بلاج جيه شوفي شكلج خلاص ارحمي عمرج شوي عسب جيه
ماخليتج تروحين .. عيل اذا رحتي معاهم شو بيصير فيج ،
قلت بعصبيه : سيييف لا تستهبل ترا مستحمله وجودك غصب عني ..
سيف ويبتسم : أدري ..
رديت : داااااااااامك تدري خلاص لاتكلمني وعطني فوونني ابي أكلمهم أطمن ..
سيف وبعناد : مافي قلتلج عقب ..
\
/
\
/
\
/
\
/
\
/
\

(( بعد 3 أيآم من وفات أحمد )) ..

ماصدقت ذاك اليوم فالعزا حسيت شعور فضيح كنت اقول لو كان ابوي شو بيستوي فيني ..
أيآم مؤلمه مرت .. سعود كان مضايج الكل مضايج وناصر يكسر الخاطر أكثر واحد كان متأثر
ساره كنت معاها ماحبيت أخليها جيه حاولت أخفف عنهم مع أني محتاجه الي يخفف عني ..
صدمني سيف وايد وحاولت اتغافل عن تصرفاته وتفكيره .. ترك الجامعه للمره الثانيه وهالمره
خلاص آخر مره ومستحيل اقدر اكمل .. حسيت كل شي وقف فجأه وضع العايله كله حزن ..
حمد سمعت أنه خطب بس أجل عرسه لوقت ثاني ماقدر يستانس ب هالشي .. أنا فرحت مع
أني ماتوقع يخطب مهاا .. الله يوفقهم إن شاء الله ،

في بيت أبوي ( فالصاله ) ..
كنت أنا ومهآ وعنوود .. وشوق وفطووم .. وأمون " حموود أخوي مع ولد عمتي مايد "
كنت مستانسه لأن عمتي أم مايد كانت موجود طول الفتره الي راحت ماكنت أشوفها كانت
مع ميوود فدييته ألحينه حالته أحسن بوايد عن قبل ومستانس يلعب مع حمودي فديتهم أحس
يرجعون الحياة في البيت .. "

أم مايد : ميييثه مييييثه تعاالي فدييتج سعود يباج ..
أنا : أوكك يالله بنات شوي وراده ..
شوق : أقووولج ميثه هاتي وياج عصير بارد ..
رديت : أوك ..
عقب ظهرت من الصاله شفت سعود واقف مسكني من ايدي وظهرنا برع ..
أنا ومستغربه : شو السالفه ؟؟
سعود : مييثه شيمااء ..
أنا ومستغربه : شو فيهاا ؟؟
سعود : طالبه الطلآق ومصصرره ..
أنا ومنصدمه : صجججججج !!!!
سعود : هيه تقول اذا ماطلقتهاا بتسوي مشاكل أنا ماافيني والله تعبت راسها يابس ومابي حد يعرف ب هالشي ..
رديت : حيوااانه والله ...
سعود : مب وقته تسبين البنت أنا ألحين محتار مدري شو أسوي ..
أنا بعصبيه : طلقهاااا برااايه ..
سعود : من صجج ميثووه مب جيه أستعيل واسوي هالشي الطلاق مب لعبه ..
رديت : شوو بتسوي عيل داامهاا مصره وبعدين احسسن لك ..
قاطع علينا صوت عموه : سعوود عقب أريدك تروح تاخذ لي كم شغله ..
سعود ويطالعني بمعنى لاتقولين شي : أوك عموه ولايهمج ..

عموه أم مايد : السموحه قاطعت عليكم الرمسه ..
سعود : لآ عاادي خلاص أنآ بظهر ألحينه ..
أنا وعموه : الله وياك " عقب تحركت وخذيت من الثلاجه عصير حق شوق ورجعت للبنات "
شوق : يسلمووووووووو
أنا : ربي يسلمج من كل شر ..
شوق : آمين ياربي ..
مها وتضحك : ههههههههه عنوود لآتستهبلين
عنود : لآ بس اقووول الصجج إنتي مب ويه حد ينصحج ..
شوق : مالقيتي غير مهاا الله يعين أخوي عليهاا اسميه بيتخبل ..
مها : لاااااااااااا والله وبعدين محد جاابره يتزوجني هههههههههههههه
الكل : هههههههههههه

عنود : بناات شو رايكم إتوون وياي بيت ربيعتي شواخ مسويه عزيمه حق البنات وجي ..
آمون : أناا أناا برووح ويااج
عنود : لآ الصغاريه مافي ..
آمون وبعصبيه : لييييش ان شاااء الله ..
مهاا : أنا عني مشغوله بترتيبات العرس مابقدر سوري ..
شوق وتفكر : وأنا ماابقدر مشغوله
عنود : أوووووووف ليش جيه كله مشغولآت عيل تعآلي أمون ..
أمون ومستانسه : ييييييسس أوووك ..
عنود وتوقف : يالله عيل بروح البيت أتعدل وأتكشخ ،
آمون وتوقف : هييه يالله ..

شوق : الله ويااكن ..
رديت : سلمي على البناات .. *عقب طالعت شوق* يالله شو قومي بوصلج البيت ..
شوق : أوك " وقامت تلبس عبايتهآ أمآ مهاا يلست تتناقش مع عموه "
بعدها ظهرت أنا وشوق شفتت سياره توها داخله البيت ..
شوق : هذي شياااره منووو ؟؟
رديت : مدري والله ويت نشوف منو فيهآ ..
شوي وينزل شخص .. ركزت على ملامحه : هييه هذا منصور *بعدها نزل حد ثاني*
شوق : اهاا والي معاه منوو ؟؟
رديت : راشد ..
شوق ومستغربه : زين ليش هم هنيه ؟؟
قلت : يمرون على أبوي تدرين أبوي وايد يحبهم ..

منصور ويبي يدخل انتبه علينآ : السلآم عليكم ..
شوق ردت : وعليكم السلآم .. عمي رااقد
منصور وراشد يطالعون بعض : بالعاده يكون واعي هالحجزه ..
رديت : لا من شوي رقد تعبان شوي ..
منصور : سلآمات مايشوف شر ..
راشد : شحالج ميثه ..
شوق ومستغربه ليش يسأل عن حال ميثه وما سأل عن حالها !!
رديت : الحمدلله بخير ..
منصور : عيل سعود موجود ؟؟
قلت : هيه دقيقه وأزقره لكم .. * عقب دخلت أنا وشوق *
شوق : ههههههههه ميثوه ليش جيه حسيت عمري منبوذه ..
رديت : لآ لأنهم يمكن أول مره يشوفونج أصلا أتحداج إذا عرفو منو انتي من الاساس ..
شوق وتضحك : ههههه حسيييت ..
شفت سعود نازل من الدري : سعووود ..
سعود : هلآ ميثه ؟؟
رديت : منصور وراشد برع يسإلون عنك ..
سعود : أوك .. "وعقب ظهر يلسوا يسولفون وأنا رحت أوصل شوق البيت " ..
لما وصلنآآ ..

كآن حمد توه راد البيت نزل من سيارته وياه صوبناا : السلآم عليكم ..
شوق : وعليكم السلآم
حمد : وأنا أقول منو راعيه اف جي طلعت ميثه ..
شوق وتضحك : ههههه هيه سعود عطاها السياره مب إنتتتتت ما منك الفايده ..
حمد : جب زين .. " وتحرك داخل البيت "
شوق : هههههه الله يفشلك على الأقل سلم إحترم وجود ميثه ..
رديت : لا هو متعود جيه مايحترمني ويحب يسوي لي مشاكل من يوم عرفته هههه

شوق وتضحك : ههههههه هيه مدري ليش هالكره شو مسويه له إنتي ؟؟
قلت : ولا شي سإلي بروحه قولي له بلاك على ميثه شو مسويه لك يمكن يرد ..
شوق : هيه والله يبالي ..
ضحكت : ههههه تذكرين يوم طردني من بيتكم ويلس يطلع كلام من عنده وأنا مصدمه منو قايل عني جيه
بالأخير يطلع هو مألف من عنده كلام على كيفك كيفه ..
شوق : هيه أذكر والله حرام كان يظلمج وايد
رديت : ماعليناا منه يالله السموحه أنا بخليج ادخلي داخل ..
شوق وتسلم عليه : مع السلآمه فديتج مشكوره ..
رديت : العفو " عقب دخلت البيت وأنا رجعت "

(( رجعت بيت سيف ))
لمآ دخل انصدمت سمعت أصوات !! منو فالبيت كان أصوات حريم شو السالفه أنا مخربطه فالبيت !!
كآت ..

:blushing: نكمل بعدييين ..
أريد رآيكُم بالشخصيات والأحداث :kk_ed: ..
:walla: