البارت عشرين
((الساعه 10 مساءا عند حسون فتح البلكونه شاف الورده طايحه))
حسن: عادي توقعتها منج بس بظل احبج
_____________________
((في مطعم مير امين عند فطوم ونجود وياسمين و الغلا))
الشيف: بتؤمرني يا مدام اتفضلو
الغلا: دام فضلك امممم انا ابي كبده
ياسمين: انا باكل معااج
فاطمة: خلاص انا واختي في صحن اممم شوتبين نجود؟؟
نجود: في خاطري ربيان يمي يمي
فاطمة: اوكيك لو سمحت بغينا ربيان
الشيف حاضر
الغلا: ونبغي فتوش وتبوله وحمص
الشيف: حاضر في اشي تاني
الغلا: سلامتك
((دخل ولد المطعم كان لابس كاب وبنطلون وقميص))
الشيف: منور يا استاذ ^^
........: بوجود اللي فالمطعم ((وشاف ياسمين))
رفعت راسها ياسمين وشافته وفتحت حلجها وقالت: انته؟؟
صاصرت اختها: اللي قلتلج عنه فهد اللي كانت بتدعمني سياره وساعدني
فطوم و نجود: لايتناجى اثنين دون الرابع هههه
((وضحكو كلهم وتعشو وطلعو وشكرو الغلا على العزيمة))
بدر: مو جنه هاي فطوم ونجود؟؟
مروان: هيه والله .. نجووود نجووود
صدت نجود: نعم ((وانصدمت وقفت شوي))
مروان: شخبارج ؟؟
نجود ابتسمت: بخير ومن صوبك؟؟
مروان: انا بخير بوجودج
نجود: يالله عن اذنك
مروان: وين توه الناس ؟؟
نجود: اصير لك .. تعرفني .. خطيبي .. ريلي ؟؟
مروان: لا بس قريبا
نجود استحت: عيل خلاص عن حد يشوفنا ماروم اطول
فطوم: يالله نجود تاخرنا
نجود: يايه
مروان: نجود
وهي ماشيه: هلا
مروان: احبج
____________________________
((خلصت حفلة هند وكل واحد يتريا حد يمره))
حمدان: اوصلج هنووف
الهنوف: لاشكرا اخوي بيمر علي
((يه غانم علشان ياخذ خواته وشاف وحده نفس طول وفا وتشبها استغرب))
غانم: شمووه هااي البنت وفوووي صح ؟؟
شموه: هيه شو عرفك
غانم: خطيبتي كيف ماعرفها؟؟
شموه: خيبه حتى الطول والشكل هههه ها وانته خطيبها لو مالج عليها شو؟؟
غانم: ازقريها بنوصلها وبلا هذربه زايده
شما نزلت وسحبت وفوي وقالت: تعالي المعرس بيوصلج احم احم
وفا: لا اخوي بيمر علي الحين
شما: بلا عناد ((ودزتها وركبو))
غانم: شموه بلا دفاشه شوي شوي على البنت بتكسرينها
وفا: لاعادي هههههه
غانم: اروح فدوه للضحكه
جمول: عيب نحن هني استح
((وراحو كلهم تمت الهنوف واقفه برع مر حمدان))
حمدان: ليش تعاندين
الهنوف: وخر عن دربي لاتحن مابي
((ومشت ولحقها دخلت البيت وشافت خلود برع عطته كف))
الهنوف: انته تستهبل انا يالسه اترياك برع فالشارع وانته واقف وشوف الوقت متاخر ماعندك ضمير ؟؟
((خالد انصدم على اساس انه اخته معصبه وماحب يمد ايده لانه يحبها ويحترمها))
خالد: اسف نسيت
((دخلت البيت وهي تصيح ماتعرف ليش بس كانت متضايقه حمدان حرق فونها وماردت طرش لها مسج))
حمدان: زهبي حالج بعد يومين خطوبتج..
_____________________________
((مر اليوم على خير وفيه المشاكل وفيه الحب والمتعه مع بعض الحبايب
الساعه 10 صباحا في بيت ابو حسن))
حسن: يما صباح الورد
ام حسن: شو موعنك يا يمه هالوقت روح ارقد مب من عوايدك واعي؟؟
حسن: يما انا مسافر تامرتني بحايه؟؟
ام حسن: وين ياولدي افا تخبرني في حزتها صدق اني بتوله عليك
حسن: بروح ادرس برع اصلا الفكره حزت في بالي يايمه
ام حسن: الله وياك ياولدي درب السلامه متى طيارتك؟؟
حسن: الساعه 12 بروح المطار بعد شوي عن اذنج تامرتني بحايه
ام حسن: سلامتك
((طلع من البيت لبس شورت وقميص قصير وحط العصمه على راسه بشكل مبهدل ودق الجرس))
اتوقعو شو بيصير .... وبعد مايخلص البارت قولولي اتوقعتو هالحركه؟؟
__________________________
((في البيت عند فطوم))
نجود: الغلا واايد طيوبه
فطوم: يب وايد ارتااح لها
نجود: الله يخليها لاهلها وياخذها ولد الحلال
فطوم: امين مالوم اخوي يوم حبها
______________________
((عند حسوون دق الجرس ودخل البيت))
خالد: السلام عليكم
حسن: هلا بابا مدام الهنوف يزقر
خالد: اوكيك تعال داخل روح فوق
((دخل حسن وصعد غرفة الهنوف ودق الباب فتحت الهنوف وكان شعرها نازل وكان شكلها كيوت دخل وسكر الباب ولزق جسمها على اليدار و عق العصمه))
حسن: لاتزعجين ياي بقول كلمتين وبروح
الهنوف: شو تبى انته ماتستحي؟؟
رفع شعرها عن ويهها وتم يناظر فيها وقال: انا احبج وانا الحين مسافر تامرتني بحايه؟؟
الهنوف: سلامتك ودرب السلامه
حسن: انتبهي على نفسج اوكي .. الله يسلمج
الهنوف: يسير خير
((غمضت عينها لزق فيها اكثر وباسها ع رقبتها الهنوف فتحت عيونها ابسرعه ودزته))
الهنوف: اطلللللللللللللللع برع
حسن: انا اسف ((وطلع برع وقال)) والله احبج
قعدت على الارض وقعدت تصيح وقالت: ليش جي يصير فيني ليش؟؟ اهئ اهئ
_______________________
((الاثنين حفلة التخرج منو قدهم عقبالي هع ناشين من الصبح وكل وحده تعدلت وراحو وتكرمو وتصورو وفرو القحافي وغنو ورقصو وردو البيت))
((في بيت الهنوف))
خالد: الهنوف اليوم بيون ناس بيتنا زهبي حالج
الهنوف: نااس @.@
خالد: يب يب
الهنوف: اوكيك
((وصعدت فوق تتصل على حمدان بس مارد عليها))
((في بيت حمدان))
حمدان: حصووووه حصوووه
حصه: هلا حمداانوه
حمدان: تعالي قعدي بقولج شي
حصه: شو خوفيتني
حمدان: بعطيج رساله بتي بنت بعد يوم او يومين او مع الايام وخلال هالايام حلفتج ماتفتحينها وامانه تكون عندج
حصه: ليش ياخوي شوفيك ومنو هاي ؟؟
حمدان: اللي بخطبها اليوم..
____________________
الدكتور: محد معور قلبي غير حمدان ياليت اروم اساعده يارب يارب حسن خاتمته ياريتني لو اروم اسوي شي
_________________
((في المطار ركب الطياره وسافر لبلاد محد يعرفها وراح يغيب عنا فترة من القصه وداعا ايها المحبوب العاشق الولهان))
((لاتلوح للمسافر المسافر راح لاتنادي للمسافر المسافر رااااح))
____________________
الهنوف: الو جوجو
جمول: هلا
الهنوف: حمدان اليوم بي يخطبني وايد فرحااانه
جمول: احلفي ياي مبرووووك
الهنوف: والله والله ((يافرحه ماتمت))
______________________
((في بيت ابو حمدان:- ))
عزوز: يالله اتاخرنا على الناس
حمدان: انا بي روحي شل حصه وابوي وامي وبي وراكم انا احبكم
عزوز: اوكيك نحن بعد نحبك وااايد
((الكل طلع حتى حمدان طلع وياهم وقف حمدان واتصل على الهنوف))
حمدان: الو حبيبي .. الو ام عيالي
الهنوف: وينك اتاخرت اهلك وصلو
حمدان: ياي في الدرب حبي ... الهنوف
الهنوف: عيونها
حمدان: احبج .. اموووت فيج والله
الهنوف: مي تو احبك واموت فيك
حمدان: نوفي تتذكرين سوالفنا وعيوني يوم اشوفج وكانت عيونج ذباااحه
الهنوف: اذكر كل شي كل شي ماراح انساك وعد راح انكون في بيت واحد باذن الله
حمدان: نوفي تكفين غني لي ابي اسمع صوتج
الهنوف: مب من حلاة صوتي يعني
حمدان: ارجووج
الهنوف: عودتني كل يوم اسمع انا صوتك عودتني لي ضاق صدري ماتخليني
حمدان: فديت هالصوت اروح فدوه لعيونج انتبهي على نفسج
هنوف: ان شاء الله حبيبي
حمدان: نوفي اطلعي من البلكونه
((فتحت البلكونه وتم يناظر فيها))
الهنوف تمت اتصيح وقالت: ليش جي تشوفني وليش تقول هالكلام
حمدان: غصبن عني يا اميرتي سامحيني
الهنوف: احبك يالله انزل اهلي يتريونك وانا اترياك
حمدان: اوكي باي اموووووواح احبج
((ومات على صوتها وشكلها واتشهد وذكر الله قبل لايموت ان لله وانه اليه لراجعون رن فونه فوق 1000 مره ومايرد خبرو الشرطه شافو الشرطه سياره واقفه وقالو الجثه ميته ونقلوه ع المستشفى طلعو اهل حمدان ابسرعه وشافو حمدان لاخر مره وبعد ذلك بيكون ذكرى حلوه على الكل))
ام حمدان: ليش ليش خذ روحي بس لاتروح خذ قلبي اعطيك عمري يا ولدي ((وقعدت اتصيح))
وكلهم كانو يصيحون ومجروح والهنوف لين احين ماوصل لها خبر وفاته مر يوم ويومين على موته واليوم كان دفنه اتصلت الهنوف على هند))
هند: هلا والله
الهنوف: وين بيت عزوز ريلج؟؟
هند: مجابل بيتنا
((وسكرت نوف الخط في ويهها وراحت تركض دقت الجرس فتحت حصه الباب))
الهنوف: وينه ليش مايرد علي؟؟
حصه حزنت ع حال الهنوف: عطاج عمره
نوف انهارت وقالت: ليش انتي شو تقولين اهئ تكفون ردوه قولوله على فرقاه اموووت قولوله يسامحني انا احبه ليش خلاني ليش ((وتمت اتصيح))
حصه: عطاني رساله لج هدي بروح اييبها وبي

انا قربت اخلص الروايه ولا رد حصلته منكم أبا ردود اذا عيبتكم الروايه

تسسملين على اناملج و ابدااعج و اتريا التكمله ي الغلا
لا خلا و لاععدم انشاءالله

روايتج وااايد حلووه بلييز لاتطولين عليينا

مشكورين على الردود وإنشاءالله بنزل التكمله باجر