منتدى استراحات زايد - انتـِﮧ تقول انآ آخر انسآن تغليـِـِﮧ ۈانآ اقول انتـِـِﮧ اۈل انسآن احبـِـِـﮧ ~*

البارت الخامس

مياري : سلوووووووووووووووووم
سلوم : ميااااااااااااااااااااااااري فديييتج ,, وينج انتي من زمان ما شفتج ويا هالويه الحلوو ,, ( ولواا عليها وهو واايد يحب مياري )
()() سلوم يصير خال مياري بس يدرس في لندن ,, وهو من سافر يرمسهم بين فتره وفتره يعني هب دوووم
ف السنهـ حسنهـ بعرفكمـ عليهـ ,,
عمرهـ 22 وطيووب وحبووب وحلييوو وعيونهـ وساع ,, ( هو اغلب افراد العايلهـ الكريمهـ عيونهمـ وسيعهـ << الحمدالله نعمهـ من الله ) ,,
واسمراني ,, ويحب يلعوز البناات ,, وما شا الله عليه ملقع ف دراستهـ دحيح من الخااطر ,,
بس ما يبين عليهـ اللي يشوفهـ يقول مول هب مهتم ف
دراستهـ خخ )

علايهـ : خاااااالي سلوووم ويينكـ انتهـ ؟ ( وتلوي عليه )
سلوم : فدييتكم والله ,, تولهت علييكم ,, من متى انتو هنييه ؟؟
مياري : الحين من اسبوع ,, وباجر بنرد البلاد ؟
سلوم : اهااا ,, عيل وين امكمـ ؟
مياري : فووق ف الغرفهـ ,,
سلوم : انزين ابا اسيرلها بروحي محد ايي وياي ابا اسويلها سبرااااايس هع ,, كم رقم غرفتها ,,
مياري : الطابق 11 رقم غرفتها 1101 ,,
سلوم : اوكيه عيل ,, بسيرلها الحين ,, شي فخاطركمـ ..؟
مياري : لاا سلاامت قلبكـ ,,
علايهـ : انا فخاطري شي ,,؟
سلوم : آمري فدييتج ( ويقرص خدها ) خخ
علايه : خالييه اباك ترد ويانا البلااد ؟
سلوم : والله حبيبي مااقدر ,, ادرس انا الحين ,, ان شا الله بشوف متى اقدر اخذ اجازهـ وبييكمـ
لا تحاتين انتي ,, لعيونج بس ,,
كم علايهـ عندي انا ,, بس وحدهـ ,, ( ويضمها ف حضنهـ ) ,,
وعلاايهـ مستااااانسهـ هي واايد تحب خالهاا وميااري بعد ,,

........................
.....................
.............
فطامي ( تقول فخاطرها ) :_ هاا وينه لين الحين ما حدر!! ,, فدييته متولها عليهـ ,, اممم بدقلهـ احسلي ,,

وهي تتصل حق مايد ,, 050*********

ويرن الفوون وماا يشلهـ !!!..
فطامي (فخاطرها ) : ويينه هاا ,, ليش ما يشلهـ ؟؟.. افف بدقلهـ بعد مرهـ ..
وجااان يشلهـ ,,

مايد : هلاا
فطامي ( توتهـ ) : اهليين وينكـ انتهـ متولها عليكـ ..
مايد : تولهت عليج العافيهـ ,, امم تبين شي ؟
فطامي : هيه اباا ارمسكـ ,, اسولف ويااك ,, !!
مايد : سوري انا بيزي وماباج ادقيلي مره ثانيهـ ..
فطامي ( مصدومهـ ) : شووو ,, بس اناا احبكـ لييش شوو مستوي ؟
مايد : امايه درت بسالفتي وياج ,, وانا مابا ازعلها << كان يدور علثه عشان يودرها وما يزعل مياري !..!!
فطامي ( بانفعال ) : انتهـ يعني كنت تقص علي ,, انتهـ ماا تحبني ,, ليييش تقص علي ؟
ماايد( توهق): انا ماقصييت عليج ولاشي ,, وانتي فسريها ع كيفج ,, انا مابا ازعل امايهـ ,, وماباج تدقيلي ,,
استري على عمرج ,, واحسلج ابتعدي عني ,, عن تخسرين ثقة اهلج ,, لانهـ اهم شي ثقة الاهل ,, لانهـ اذا انعدمت ,,
رحتي فيهاا انتي ,,
فطامي ( تصيح ) : انتهـ لييش تسوي فيني جييه ,,
انا احببكـ تعرف شو يعني احببكـ ,, لو يكوون تحب غيري ,
, عشان جيه تبا تخليني ؟
مايد : ليش انتي حاسهـ اني احب غيرج ؟
فطامي : هييه 70% تحب غيري و 30% تحبني ,,
مايد : اهاا ,, المهمـ انا بغيت اقولج انا اللي بيني
وبينج خلاااص انتهى ,, خليج بحالج احسلج ,,
عيشي حياتج ,,
فطامي ( تصيح ) : ميوود ليش جييه تسوي فيني ,,
قول انكـ تحب ميااري ,, لييش سااكت ,, تكلمـ !!
مايد ( مليون اشاره استفهام وتعجب على ويهه ) : انتي شو فيج ,, اقولج خلااص ماباج ادقيلي ,, !!
فطامي : اناا احببكـ حراام علييكـ ,,
مايد : ياا بنت الحلال بس خلااص ,,
اللي بيني وبينج انتهى خلااص ,,
انتي ما تخافين انهـ حد يعرف انج ترمسيني ,, ما تخافين على سمعتج ,, وشو بيقولون الناس عنج ,,
انتي يوم ترمسيني تخونين ثقه اهلج ,, ما تعرفين هالشي ,,
فطامي ( ميتهـ من الصيااح ,, وسااكتهـ )
مايد : ليش ساكتهـ ,, ارمسي ؟..هه ما تعرفين شو تقولين هااه !! انتي تدرين
لو غيري شو بيسوي فيج ,, بيفضحج ,, بيخلييج بيزه جدام الناس ما تسوين .. وانتي بعد مطرشتلي صورج ..
تدرين لو غيري شو بيسوي ,, بينشر صورج ,,
يعني احمدي ربج انا ماسويت ولا بسوي هالشي ..
فطامي .. كل ما ياها تصيح زيادهـ ) : بس خلاااص بس ماا باا اسمع شي ..
مايد : ليييش اسكتـ ,,!! هب عايبنج كلامي .. تره هالصدق .. وشوفي انا ما بسويلج شي بس بشرط ..ماباج تدقيلي .. فهمتي والا لا ؟
فطامي ( ميتهـ من الصيااح ) : انزين خلاااص باااي
مايد : بااا .......... طوط طوط بندت فويهه ..
( والله انهاا ما تستحي ع ويها .. بندت ف ويهي ..
بس ماعلي برايها تووولي هااك الدرب ) ..

فطامي يلست تصييح ما رامت تتحمل ,, ( ليش جيه تسوي فيني حرام عليك والله احببكـ انتهـ ليش ما تحس ,, اكيد ما بتحس .. ماداام مياري موجودهـ احساسكـ وحبكـ وقلبكـ مياري .. ساحرتنكـ هالبنتـ ,, بس انا احبكـ لييش لييش .. يعني خلاااص ..!!!

خلاص يعني كل شي انتهى وراح
خلاص يعني ما بقينا حبايب
يعني وعودك كلها كانت مزاح
والا انت مالك ف المحبه رغايب
وين الوعود ووين لحظات الافراح
يعني تلاشت مع هبوب الهبايب!!!

وتمت فطامي على هالحال .. حياتها كلهـ صيااح .. وما تظهر من حجرتها ..
امها تدق البااب ..
ام سيف : فطاامي فطاامي افتحي البااب ..
فطاامي ( تصيح وصوتها مبحوح ) : مااباااا خلوني بروحي ..
ام سيف ( يتقطع قلبها على حال بنتها وودها تعرف شو فيها بس فطامي هب طايعه ترمس حد ) :
ياا بنتي افتحي البااب لاا اتميين جييه .. الحين انتي من 3 ايام ما كلتي شي ولا سرتي مدرستج .. شو فيج بنتي
ليش تصيحين افتحي البااب ..
فطامي ( قامت وافتحت الباب .. وسيده لوت على امها ) : امـ .. مــ ..مـ..يييه ..... وتصييح
ام سيف : بلااج امييه .. منو اللي مسوي فيج جيه ؟
فطامي فخاطرها ( امييه ودي اقولج بس مااقدر..مااقدر .. ) وامسحت دموعها: مااشي امييه بس تعبانه ..
ام سيف : من شوو ؟
فطامي : ماشي اقوولج ..
ام سيف .. ما حبت تضغط عليها ..: زين عيل بنتي اذا تبين شي .. تراني موجوده ؟
فطامي : يصير خير امييه ..

نسير صووب ماايد

مايد فخاطره ( افف شو هالحالهـ ,, غامضتني هاي
.. بس لاازم اسوي جييه .. لين متى بتم ارمسها
واقص عليها .. لازم اودرها وانا مابا ازعل مياري ..
هذا اللي كان لازم يصير من زمان ) وقاطع تفكيره
دق البااب :
منووووووووووو ؟
!!! محد يرد !!!
ويردون يدقون الباااب ..
مايد: افف منوووو انزييين ؟
!!! محد يرد !!!
ويردون يدقون الباب ..
مايد عصب وجان يقوم يفتح الباب بالقوو :
يعني اناا من متى اقوول وجاان يسكت......................

وفجآآه

حبيييييييييييييييبي!!!!!!!!

ميااري : شو من متى تقوول ههه
مايد : حبيييييبي متى ييتي .. والله هب مصدق .. انج هنييه ..الحمدالله ع السلامهـ ^^
مياري : لاا صدق اني هنييه ..الله يسلمكـ .. شو كنت تسوي .. اعترف ..
مايد : هههه ماشي والله افكر ..
مياري : اكيد تفكر فيني .. احم احم .. كلك ذووق والله هههه
مايد : فدييتج انا .. اممم مياري ؟
مياري : هاا ميااري !!؟
مايد : في شي استوى امس ..؟
مياري : شووو استوى ؟
مايد : امم تعالي الصالهـ بقولج السالفهـ ؟
وسارو الصالهـ وقالها سالفهـ فطامي اللي هي ( توتهـ ) ..

ميااري : امممم والله مااعرف .. هي صح تغمض .. بس لاازم نسوي جيه
عشان تبتعد .. يعني لين متى بتم ترمسها ,, ؟
مايد: صح انزين .. بس ماادري ..
مياري : شو ما تدري !!,, يعني انتهـ تباها ترمسكـ ؟
مايد : لاا شوو .. ما صدقت افتكـ منها .. والله كلهـ عشانج .. وتووتهـ وشطبنااها ههه الحين ماعندج شي تزعلين منهـ ..
مياري : ههه جب انزيين ويا راسكـ ,,
مايد : فديت الجب اناا ..
مياري : حتى جب تتفدااهاا !!!
مايد : هييه ههه
مياري: امم ميوود انتهـ ما حسيت باتجاها بأي احساس من يوم ما رمستها ؟
مايد : لااا شوو .. ماشي شغلهـ عااد ,, انتي كل احساسي .. كيف تبيني احس بعد .. انتي ساالبتني ..
مياري ( استحت ) : بس عااد والله استحي يوم تقول جييه ..
مايد : فدييت اللي تستحي اناا ..
مياري : اخااف في يووم ترجعلها ؟
مايد : تخسي .. هاي لوووث .. هاي ما تسوى طرف ظفرج .. شو ارجعلها..
حبيبي لا تطريلي اياهاا خليها تولي .. يتعكر مزاجي يوم اسمع اسمها .
مياري : هيه والله حتى اناا خخخ
مايد : ياللوووتيهـ انتي ( ويقرص خدها ) خخ
مياري : اييييييه يالحماااااار مااحبكـ << وتطلع لسانها ..
مايد : انزين عادي .. انا احبج .. برايج لا تحبيني ..
مياري( شرات اليهال ) : تب مااحبكـ تلب << كلب خخخ
مايد : واا فدييت التلب اناا
مياري : ههههههههههههه
مايد : اييه تعالي ما سرت اسلم على خالو .. الحين بتسويلي محاضره خخ
مياري : اوييه نسيت اقولك سير سلم عليها ^^"
مايد : اصلا المفروض انا اللي اقوول .. قومي قومي خليني اسير اسلم .. تعالي وياي ..
مياري(تغني ) : قم قم.. علم الصبح ويش البارحه قلنا ..
مايد: قوووووووووووومي
مياري : اييييييه لاا تصاارخ هههه
مايد : ههههههههه
مياري : وييه شمامي ما تدري اني هنييه بسيرلها بسويلها
سبرااااااااااااااااااااايس هع
وانته سير سلم على امييه ..
مايد : اوكيييه ^^

سااارت مياري جدا غرفة شمووه ..
وافتحت الباب بكل قووه ودفااشه هآآع

شماامي ( وكان ويها صوب الدريشه وما صدت ورا ): بسسسسم الله انتو بلاكم جيه دفشين !!
هنييه مياري نقعت من الضحك : هههههههههه وياراسج شمووه تولهت عليج ..
هنييه شمووه صدت وجاان تستااااانس : مياااااااااااااااري
فدييييييتج متى ييتي ..... ولوت علييها .. وقالت :
حماره ليش ما قلتيلي انج بتين اليوم ؟

مياري : حبيت اسوييلكم سبرااااااااااااااااااااايس خخ
شماامي : فدييت السبراايس والله داامهـ منج ..
ميرووه مضاايجهـ اناا ..
مياري : من شووو فديتج ؟
شمامي : امممم مااعرف شو اقولج ؟
مياري : قوولي عااد .. من متى نحن نخش شي عن بعض ؟
شمامي : اوكييه .. اممممم ميرووه اناا .........!!!
مياري ( انصدمت ) : انتي شوووووووووووو !!!!!!!!

Sto0o0o0o0o0o0o0o0o0o0o0o0oP

توقعااتكمـ ف القصهـ ...

فطامي هل بتستغنى عن حبها لمايد بكل سهولهـ ؟
والا بتحاول تخرب من بين مايد ومياري ؟
شمامي شو سالفتها ؟