منتدى استراحات زايد - راجع حساباتك ۇشوف الفواتير ، تلقى الجروح الفايته لم / تسدد

{Part6}
مريوم: هلا غلوي جيف حالج
مريوم: مبروك ع الايفون عقبالي " وحطت فيس مبتسم"
مريوم: اقول غلوي نزليلج واتس اب
مريوم:غلوي وينج
ردت عليها غلوي
غلوي: اهلين .. حمدالله وانتي جيف حالج
غلوي:الله يبارك فيج خلاص بيوصلج الايفون جريب ان شاءالله
غلوي: اكيد بنزلي واتس اب بس خليني اخذ لي رصيد حق الحساب
غلوي : سوري كنت ماخذتلي شاور
مريوم: غلوووي حبيبتي واخيرا رديتي
غلوي " طرشت فيس مبتسم وقلب "
مريوم: يليتني يت وياكم ياخي لندن حلوة
غلوي:ههههه حياج فاي وفت
مريوم: حمود الجلب يابلي شي
غلوي:لاتسبي اخوي " حطت فيس العيون "
مريوم: هههه مب اخوج اخوية انا
غلوي: ادري بس استهبل عليج , بس مايابلج شي سيري هزبي
مريوم: غلوي عندج كيك
غلوي : لاوالله ماعندي " حطت فيس حزين"
مريوم: اقول غلوي صوريلي الهوتيل
غلوي: كلة ولا بس حجرتي
مريوم:لا شو كلة بس حجرتج صوريه فيديو اوك
غلوي: فالج طيب جم مريم عندي انا
مريوم: مشتاقة لصوتج
غلوي:"طرشت فيس مستحي"
مريوم: يلا طرشي بسرعة
غلوي:اوك
صورت غلوي غرفتها وتمت تتكلم وترويها غرفتها عقب طرشتة ليها
غلوي: جوفي انا بروح اصلي المغرب
مريوم: اوك حبيبتي خذي راحتج انا وااايد متحمسة اجوف غرفتج " حطت فيس فيه قلوب "
راحت غلوي اتصلي
صوب محمد كان توة مخلص الصلاة شل فونة واتصل لامة وابوه وخبرهم انه هو اليوم بسوق الطيارة الي من لندن لالامارات وانه يدعون ان الله يوفقة ,, عقب راحة وخذلة شور
............
صوب قوم غلوي كان حمد يايب ليهم عشا كلهم كانو ياكلون ف الطاولة الصغيرة الموجودة فالصالة الي يحطونها فالنص بين الكراسي ويطالعون فلم رعب ع قناة توب موفي وهم ياكلون قال
حمد:"بلع اللقمة الي فحلجة وقال لغلوي" غلوي شريتي شي لعرسي
غلوي:"وبعدها ماسكة اللقمة تبغي ادخلهة فحلجها " ها
حمد:"ضحك" شو ها اقول شريتي لعرسي
غلوي:"بلعت اللقمة وقالت " اي عرس الله يخليك " وشربت ماي "
حمد:"ضربها ع راسها بايدة وقال" شريتي شي ولا
غلوي:"وهي اطالع" انت تستهبل حرام عليك خليها تخلص دراستها
هيا:"وهي اطالع حمد" خلها اتخلص دراستها احسن لها ولك
غلوي:"وهي اتجوف حمد" حمد انت رمستها عسب اتحدد الموعد
حمد:"ابتسم وقال " اكيد يعني من عندي يقول بعرس
غلوي:"ابتسمت" يعني متى العرس
حمد:"رد لها الابتسامة " بعد شهر
غلوي:"مدت البوز" مافي حد من الاهل بعرس جريب
حمد:"طالع غلا" شي ملجة جريبة ان شاءالله
غلوي:"ابتسمت" ملجة منو
حمد:"طالع هيا وابتسم" ملجة محمد
غلوي :" ابتسمت " اي محمد
حمد:"طالعها" انتي شو تقولين
غلوي: امممممممم" تفكر"
فهل لحضة رن الجرس حمد نضف ايدة بالتيشو وراح فتح الباب اول مافتح الباب جاف
محمد كان لابس دريس الطيران وكاشخ
محمد:"مد ايدة لحمد" جيف الحال
حمد:"مد ايدة عسب يسلم عليه" حمدالله تمام " سكت شوي " الله يوفقك " حضن محمد
عقب زاعج حمد وقال : هود هود
...
صوب قوم غلوي وهيا يوم كانو ياكلون عقب سمعو
حمد:"وهو من عند الباب يزاعج ويقول" هود هود
محمد:"على صوتة وقال " تستري يامرة
حمد:"ضحك"
على طول دخلت غلوي غرفة هيا وقالت لهيا
غلوي:"وهي اطالع هيا باستغراب" منو الي بي
هيا:"ابتسمت" ياغبية منو اهني غير محمد
غلوي"ضربت راسها بامعنى انها تذكرت" هي صح
.......
صوب حمد ومحمد
بعد ماقال محمد تستري يامرة حمد دخل محمد الصالة
محمد:"وهو عينة عالاكل" افا تتعشى بدوني
حمد:" طالع محمد وابتسم وقال " هاذا حال الىدنيا يا اخوي
محمد:"راح ويلس ع الكرسي" خلي هيا اتسويلي كوفي
حمد:"طالع محمد بنضرة وقال" شغالة ابوك هي " ابتسم"
محمد:"لف وانسدح ع الكرسي" تعبان وانا اوك
حمد:"طالع محمد" الله يوفقك ان شاءالله وترفع راس ابوك
محمد:"وهو صاج عينة" ان شاءالله
حمد:"راح ويلس حذال ريل محمد" الا الساعة جم المفروض اتروح ؟
محمد:"وهو بعدة صاج عينة وباين عليه التعب " الساعة 10
حمد:"طالع تحت وخذ له نفس وقال" الله كريم
محمد:"رفس حمد " انا ماجني قلتلك خلي هيا اتسويلي كوفي " ابتسم"
حمد:"طالع محمد" اووه نسيت سامحني وانا اخوك
محمد:"ضحك"
حمد"استغرب" بلاك تضحك قلت شي غلط انا
محمد:"وهو مبتسم" ما لاحضت انة كلمة ياخوي عالقة فيك " رفع حايبة"
حمد:"وهو يتذكر " شو اسوي وانا اوخوك "" اهني محمد نقع ضحك "" حمد استوعب الكلمة عقب تم يضحك"
حمد:"وهو مبتسم" انا رايح ازقرهم عن اذنك
محمد:"ابتسم" اذنك معاك
..........
صوب قوم غلوي وهيا
هيا كانت اطلع الثياب من جنطتها واتعلقم فالكبت اما غلوي فكانت داخلة الكيك بعد ماسوتة ليها اختها هيا ,, سمعو صوت حمد
حمد:"دق الباب" هيو وغلوي تعالو برع واتحجبو لانة محمد ياي
هيا:"وهي اتلعق الثياب" انشالله
غلا:"وهي اطالع الفيديوهات " انزين "عقب رفعت راسها لهيا وقالت " هيو انا ماعندي لبس مستور شنو البس
هيا:"صدت لغلوي وقالت" انتي مايبتي وياج مخورة ؟
غلوي:"مدت البوز" لاء
هيا:"طالعت غلوي وقالت " انا عندي
غلوي"طالعت هيا وابتمت وقالت" انتي شو بتلبسين
هيا: انا يبتلي 4 مخورات
غلوي :انزين عطيني واحد
هيا:"وهي اطالع غلوي اشرت ع الكبت وقالت" اختاريلج واحد
غلوي:"ابتمت" اوك
بعد5 دقايق كانو لابسات غلوي كانت لابسة مخورة بيضة قماشها دانتيل وعليها تطريز بالون الذهبي ولبست شيلة سودة عليها ع الطرف نقش خفيف بالذهبي مال هيو ... اما هيا فلبست مخورة سودة عليها مثل الدزاين بالدانتيل لونة ذهبي والتطريز ذهبي وفضي ولبست شيلة سود عليها توقيع الماركة
وطلعو اول ماطلعو محمد جافهم فاعتدل بيلستة بخصوص انه كان منسدح
حمد كان يلعب بالايفون يوم جاف محمد ابتسم تقربو منهم هيا وغلوي محمد وقف وسلم على هيا باليد وعلى غلا باليد بس يوم سلم على غلا ابتسم وهي ابستمت له ورد يلس حذال حمد
اما هيا وغلوي يلسو حذال بعض فكرسي بروحهم
حمد:"خلة الايفون ع صوب وصد صوب هيا " هيو حبيبتي سوي لمحمد كوفي
هيا:"ابتسمت له لانة تعرفة اونة مسوي عمرة برستيج جدام محمد"ان شاءالله " وراحت المطبخ"
اما غلوي راحت ورا هيا
....
صوب حمد و محمد
حمد:"صد صوب محمد اول ماجافة ضحك بسوط عالي "
محمد:"استغرب" بلاك
حمد:"وبعدة يضحك بس اقل من قبل اشر ع راس محمد"
محمد:"رفع ايدة ولمس راسة ود بوزة" في شي
حمد:"ابتسم" بلاه شعرك جي " مد ايدة وعدل اسبايكي محمد
محمد:"ابتسم" اها جذي السالفة عيل
بعد جم من دقيقة دخل هيا الصلاة ووراها غلوي هيا كانت ماسكة قلاص الكوفي واطالع محمد مبتسمة واما غلوي فكانت مندمجة بالايفون " يعني امنزلة راسها وهي تلعب بالايفون وتمشي ورا هيا"
هيا:"مدت ايدها الي فيها قلاص الكوفي لمحمد وهي مبتسمة" تفضل
محمد:"شل القلاص من ايدها وقال وهو مبتسم" اعترفي شنو حاطة فيه
هيا:"ضحكت لا ارادي" ماحطة فيه شي
محمد:"رفع حايبة وقال" اعترفي عادي
هيا:"ابتسمت" والله العضيم ماحاطة شي
حمد:"صد صوب محمد وقال " بتحطلك ملح يعني
هيا:"ضحكت"
حمد:"استغرب وقال لهيا" لاجد حطيتي داخلة ملح"
هيا:"وهي مبتسة " بلاكم ماتصدقوني والله ماحطيت فيه شي
محمد:"وهو يطالعها" شو الدليل
هيا:"خذت الكوب الي فايد محمد وخذت ليها رشفة منا " ها انا شرتة شو بكون فيه يعني
محمد:"ابتسم ومد ايدة وخذ الكوفي وحطة فوق الطاولة الي فالنص وقال لهيا" سويلي واحد ثاني
هيا:"رفعت حايبها وقال" شنو
محمد:"انسدح اكثر ع الكرسي وقال ببرود يقهر" سويلي واحد ثاني شو الي شنو ه
هيا:"ربعت ايدها ورفعت حايبها وتمت اطالع محمد"
حمد:"مد ايدة وخذ الكوفي الي علا الطاولة وشرب اشوي منة وقال لهيا" كليتي الريال
هيا:"وهي بعدة بنفي وضعها بس هلمرة طالعت حمد: ها
حمد:"اشر بايدة بمعنى روحي" روحي سويلة واحد يديد
هيا:"خذت ليها نفس وراحت الطبخ"
اما محمد فكان يجوف غلوي شقايل مندمجة فالاليفون سار صوبها ويلس حذالها وسحب الفون اهني غلوي
غلوي:"صارخت"
محمد:"مد ايدة زوخلاها ع حلج غلوي" اششش راسي يعورني " وسحب ايدة "
اما غلوي فتمت اطلعة بقهر واتجوفة وهو يالس يقرا المحادثات " كانت الماحدثات كلها مع اختة مريوم"
فهل لحضة طلع حمد من الصالة وراح غرفتة
عقب جم من دقيقة يت هيا
هيا:"مدت لمحمد كوب الكوفي بدون ماتبتسم ولا حتى تقول شي "
محمد:"سحب كوب الوفي وطالعها وهو رافع حايبة " انا اسف
هيا:"ماعبرتة وراحت داخل غرفتها"
محمد:"طالع غلوي وقال" شسوي انا فاختج
غلوي:" ماردت عليه اونها هي الثانية زعلانة سحب فونها من ايد محمد وراحت غرفتها"
محمد:"طالع الساعة وجافها ع التسع وقال بصوت عالي" اووف " شرب الكوفي ع السريع
وفهل لحضة طلع حمد من غرفتة وراح صوب محمد
حمد:"وهو يطالع محمد" شوي شوي هد عمرك
محمد:"حط الكوب فوق الطاولة وقال " ماعندي وقت بتاخر ع الشغل
حمد:"وقف ووقف وراه محمد وسلمو على بعض وطلع محمد "

{Part7}
طلع محمد من جناح حمد وراح جناحه عسب يي السواق وياخذ الجنطة عقب بوديه السواق المطار
صوب قوم حمد
حمد كان منسدح ع الكرسي الي فالصالة ويرمس بالفون "لابس سماعات الاذن "
حمد:"وهو يطالع السقف" اممم جيف حالج بعد
مروة:"ابتسمت" حمدالله تمام
حمد:"ابتسم" جهزتي اغراضج ولا بعدج
مروة:"استحت" لا بعدي
حمد:"ابتسم وتكلم بسوط واطي" استحيتي
مروة:"ابتسمت"......
حمد:"وهو بعده مبتسم علا صوتة شوي" حووو وينج
مروة:"وهي مبتسمة" موجودة
حمد:"ابتسم ورفع حايبة وقال" باجي شهر
مروة:"ابتسمت"
حمد:"قال بصوت واطي" بلاج صاخة تستحين
مروة:"اتقفطت" لا عادي
حمد:"خذ له نفس" وينج فيه
مروة:"طالعت غرفتها بملل" فغرفتي
حمد:"رفع حايبة وقال" ملانة
مروة:"طالعت فوق" وايد
حمد:"ابتسم" ايفونج فيه شحن
مروة:"ابتسمت" شتبي فيه
حمد:"ابتسم" باكلة
مروة:"رفعت حايبها" ليش الاخ مش متعشي
حمد:"ابتسم" استهبل عليج بس بغيت اقول مدام انتي ملانة خلينا نلعب funrun
مروة:"رفعت حايبها وعلت صوتها وقالت " لااا
حمد:"نزل حايبة باستغراب" ليش ؟
مروة:مااعرف العبها كلا اموت
حمد:"ضحك" هههه عادي "رفع حايبة " تراني ملان
مروة:"بوزت" اوك بس لاتضحك علي اذا خسرت
حمد:"ضحك" ان شاءالله
فهل لحضة دخلت غلوي الصالة وهي لابسة بجامة وفاتحة شعرها راحت صوب حمد
غلوي:"ضربت جتف حمد ع الخفيف " ترمس منو
حمد:"طالعها بنضرة"يالله حبيبتي مع السلامة " وصج الخط "
غلوي:"اطالع " ترمس منو
حمد:"طالعها وابتسم" القلب
غلوي:"ابتسمت" اقول حمد نزلي واتس اب
حمد:"فتح التلفزيون من الريموت الي كان حذالة وقال " ذلفي عن ويهي
غلوي:"فجت عينها" لاوالله
حمد:"اشر بايدة بمعنى روحي وقال" روحي روحي
غلوي:"ربعت ايدها وقالت " مابروح نزلي اول
حمد:"طالعها بعصبية" اقولج روحي ماتفهمين
غلوي:"صجت اذنها وقالت" ماافهم
حمد:"طالعها بعصبية وسحب الايفون الي بايدها وقال " قسم بالله اذا كنتي حاطة باس مابنزلج وفتح الايفون بس كان فيه باس وفرة ع الكرسي الثاني "
غلوي:"صارخت وطالعتة وقالت" يحمار ايفوني " سوتلة مالت وراحت صوب الكرسي الثاني وخذت الايفون وخذت امخدة كانت ع الكرسي وفرتة ع اخوها حمد وركضت ع غرفتها"
حمد:"بصوت عالي" حمارة وحدة " رن فونة البلاك بيري جاف المتصل وكان محمد
حمد:"رد ع الفون وهو مستغرب" هلا
محمد:اهلين
حمد:"رافع حايبة " خير ان شاءالله
محمد:"ابتسم" خير خير بس بغيت اتخبرك
حمد:شو
محمد:غلوي وينها
حمد:"رفع حايبة " شبغيتها
محمد: لاوالله بس بغيت اسالها شو فخاطراختي عسب اخذ لها من المطار
حمد:"طالع الساعة الي لابسنها فايدة وقال" الحين الساعة 9 ونص وطيارتك عشر ماضنتي شي وقت
محمد:"ابتسم" لا يالحبيب اخرو الطيارة ساعة
حمد:"رفع حايبة " اوووف عساك مرتاح
محمد:"ابتسم وطالع المكان " الحمدالله
حمد:اذا بغيت اترمسها فانا بطرش لك رقمها مسج
محمد:"رفع حايبة " انزين يالذكي ازقرها احسن
حمد:لا مااقدر توني متضارب وياها
محمد:"ضحك" ياهل انت
حمد:"ابتسم" هي وانا اخوك
محمد"ضحك" اتريا الرقم طرشة بسرعه " وصج الخط فويه حمد"
حمد"نزل الفون وطرش لمحمد رقم اختة"
صوب محمد كان فالمطار واقف داخل السوق عسب يشتري حق اختة وهو يطالع المكان والناس الي رايحة ورادة سمع صوت المسج فتح المسج واتصل بالرقم وهو لابس سماعات الاذن
محمد"وهو يطالع فوق وحاط ايدة ع خصرة " الو
غلا:"استغربت" الو من معاي
محمد:"ابتسم وربع ايدة " معاج محمد
غلا:"بوزت وقالت " شتبغي
محمد:"تغيرت ملامحة" افاااا
غلا:......
محمد:"خذ له نفس" انا اسف
غلا:"خذت لها نفس " علا شو
محمد:"بارتباك" ااا غلا رمسوج ع موضوع الخطبة
غلا:"استغربت" اي خطبة
محمد:"وبعدة مرتبك" ااا انا تقدمت لج " استغرب" ليش ماخبروج ؟
غلا:"انصدمت".....
محمد:"بصوت واطي" غلوي
غلا:"وهي بعده منصدمة " بس انا احب انسان غيرك
محمد:"علا صوتة" غلا
غلا:"ارتبكت" ه هلا
محمد:"خذ له نفس وباينة العصبية من نبرة صوتة وقال "الي يقول انا الي ميت فيج سمعي امي الي غصبتني عليج انا اتصلت لج عسب اقولج ان اذا يو ورمسوج رفضي
غلا:"ودموع اتجمعت فعينها" ان شاءالله
محمد:"استغرب من صوتها" بلاج
غلا:"وهي تمسح دموعها" لا ماشي
محمد:"رفع حايبة" غلوي اعرفج انا
غلوي:"صاحت بصووت شوي عالي سمعه محمد"
محمد:"وهو يتكلم بحنان وخافض صوتة" غلوي حبيبتي
غلوي:"من بين دموعها" لاتقول هل كلمة" مسحت دموعها الي ماتوقف" انت اذا كنت جد اتحبني ما بتعذبني جذي " وهي اتشاهق" من جم سنة انا اتضرك" يزيد صياحها" والحين ابكل برود اتقول انك ماتبيني" خذت لها نفس " لهدرجة تكرهني "تمت اتصيح وهي اتشاهق"
محمد:"وعينة صارت حمرة" حبيبتي انا اسف والله العضيم اسف ...بس هدي عمرج
غلوي:"وهي بعدها اتصيح" مااقدر
محمد:"وهو يتكلم بنبرة حنونة" تبيني ارجع
غلوي:"وهي تمسح دموعها" شو الي بتغير يمحمد "دموعها تنزل"
محمد:"دمعة حارة نزلت من عينة مسحها على طول " انا اسف ,, ان شاءالله من اوصل البلاد موضوع خطبتج بيوصلج" ابتسم" ومابخليج دقيقة تحاتيني
غلوي:"مسحت دموعها"انا الاسفة بعكر مزاجك وانت رايح اتجوف اهلك
محمد:"ابتسم" اتعكر من الدنيا كلها الا انتي
غلوي:"ابتسمت"
محمد:"وهو مبتسم"يالله بخليج الحين مع السلامة
غلوي:"ابتسمت" مع السلامة " وصجت الخط
صوب محمد بعد ماصجت غلوي الخط قال
محمد:"ضرب راسة بايدة وقال" شتت نسيت اسالها " ورد اتصل ليها"
محمد:هلا والله " ابتسم"
غلوي:"ابتسمت" اهلين " رفعت حايبها" شبغيت
محمد:"وهو يطالع فوق" فتحي باب غرفتج انا عند الباب
غلوي:"ابتسمت وعلت صوتها" احلف
محمد:"ضحك" هههههه استهبل
غلوي:"ابتسمت"
محمد:الا بغيت اتخبرج انتو البنات شو تحبون
غلوي:"رفعت حايبها" ليش ؟
محمد:"رفع حايبة" هاا بدينا انغار
غلوي:"استحت" اي شو اغار انا بس سالتك
محمد:"ابتسم وقال" وانا اقول بشتري لاختي
غلوي:"ابتسمت" امممم انحب الميك اب نيل بلش اكس,,
قاطعها محمد وقال:شو ها الي قلتي
غلوي:"رفعت حايبها وقالت" الميك اب
محمد:لالا الي بعدة
غلوي:"ابتسمت" نيل بلش
محمد:"رفع حايبة وقال" وشو ها بعد
غلوي:"ضحكت" احلف انك ماتعرف شو يعني
محمد:"ضحك ع الخفيف" لاجد شو ها
غلوي:"ابتسمت"مناكير
محمد:"رفع حايبه وقال " اها مناكير "نزل حايبة وقال" جات قلتي من قبل
غلوي:شدراني انك مابتعرف
محمد:"ابتسم" انزين كملي
غلوي:امممم وجنط ونعل وسكارفات" رفعت حايبها وقالت" لايكون ماتعرف ها بعد
محمد:"ضحك" هههه لاتطمني اعرفة كملي كملي
غلوي:"ضحكت"هههه امم عطور اسكسوارات سيع "رفعت حايبها وقالت" ايفون فايف
محمد:"ابتسم" عاد هاذا الشي الوحيد الي مابيبة
غلوي:ليش
محمد:"ابتسم" لانة اختي هي الي ترست راسج ادريبها
غلوي:" ضحكت ورفعت حايبها وقالت" الله يخلي ايفوني الي شليتة وبس مافي شي ثاني فبالي
محمد:"ابتسم" يالله في امان الله اسف تعبتج
غلوي:في حفض الرحمان افا عليك تعبك راحة شد حيلك ها " ابتسمت"
محمد:"ابتسم" ان شاءالله " وصج الخط "
فبيت قوم صفى ومروة
كانت صفى فغرفة مروة ترتب ثياب زهبة اختها فالجنط
صفى:"وهي تحطي البدلة داخل الجنطة" بتروحي عني ها
مروة:"ابتسمت" هاذا حال الدنيا
صفى:"وهي اتاشر ع الجنطة السودة قالت" ترا هاذي الجنطة فيها كل مكياجاتج واكسسواراتج
مروة:"علت صوتها" ليش انا كنت امطلع شوي اكسسوارات وميكب حق صباحيتي
صفى:"ابتسمت" خليتهم ويا الثياب فالجنطة الصغيرة
مروة:"وهي اطالع اختها" زين سويتي
فهل لحضة دخلت عليهم حرمة اخوهم وليد "ميثة"
ميثة:"وهي ماسكة المبخرة وحاطين فالمخرة دهن عود امعطر ريحتة خيال" هلا والله بالعروس
مروة:"راحت صوبها وسلمت عليها" اهلين "رفعت حايبها" وين بنتج ملوكة
ميثة:"وهي ماسكة المبخرة" حليلها راقدة
مروة:"ابتسمت و قالت "نوم العوافي
ميثة:"رفعت حايبها وقالت" انتي بتكملين دراستج بعد العرس ولا بتوقفين
مروة:"شلت المبخر من ايد ميثة"بوقف حمد بشغلني وياهم فالشركة
ميثة:"ابتسمت" بتوفيق حبيبتي "رفعت حايباها" الا ما تحسون انة انتو وايد مستعيلات
صفى :"وهي بعدها اترب الثياب داخل الجنطة" ليش
ميثة:"وهي اطالعهم" باجي شهر ع العرس بتتكرفس الثياب جذي
مروة:"وهي اتبخر امخورتها الي باجر بتلبسها "لا حبيبتي انا قبل ليلة زهبتي بيوم برد اكويهم
ميثة:"ابتسمت" يالله حبيبتي مبروك " طالعت صفى " عقبالج
صفى:"وهي اتصج الجنطة" ان شاءالله
صوب قوم ميثة ووليد كان وليد يالس فجناحة الي فالبيت ويطالع تيفي دخلت عليه ميثة
وليد:"وهو يطالعها بنص عين" منو ها الي يتصل من الصبح"وياشر ع فونها الي طايح ع الكرسي"
ميثة:"ارتبكت" اا ها ربيعتي بعد شو
وليد:"طالعها بعين يطلع منها الشرار" جذابة
ميثة:"ربعت ايدها وطالعتة بشر" هي هاذا حبيبي شو بتسوي فيني يعني
وليد:"راح صوبها وعطاها كف وطلع برع الغرفة الا من البيت كامل "
اما ميثة من بعد الضربة تمت اتصيح تعبت منه كل مرة يطلع علي مشكلة وليد عكس خواتة خواتا طيبات اما وليد فهو شكاك درجة اولى انزين علا الاقل يتاكد عقب يمد ايدة علي مشكلتي مااقدر اطلب الطلاق منة ماابغي اضيع مستقبل بنتي" هاذي الكلمات الي ميثة قالتها فداخلها "