|
. . . البارت العاشر . . " يوم الاثنين – الساعه تشير للـ 7 الصبح " احنا الحين في سياره وليد . . الكل ساكت . . كنت قاعده ورى وعلى ريلي شيخه ترتجف . . وليد : الو . . هلا بو حمود . . هيييه شوي عندي ظرف بتاخر ساعتين .. ماتقصر . . مرحبا . . وبند . . كان وليد وااااااايد جدي . . ومول مايتكلم لين وصلنا المستشفى . . شيخه تمسك ايدي بقوة . . انا : وليد اتريانا في السياره . . لكن وليد نزل وبطل الباب ورى . . : يالله عن الدلع . . قومت شيخه شوي شوي واتكت علي ومشينا ورى وليد . . ماطولنا على طول دخلونا . . الدكتور : ماتخافوش حرارتها مرتفعه بس واديناها ابره حتصير كويسه . . ولما يخلص المغزي تئدرو تروحو . . " يمد حق وليد ورقة " خدولها الدوا دا وماعليهاش شر ان شاء الله . . " يبتسم " قوزتك عسل اوي وليد عاقد حياته : تخسي الي داخل مش زوجتي الدكتور ياشر علي : دي . . وليد يطالعني وانصدم وانا انصدمت . . الدكتور يبتسم : انا بئصد دي . . وراح . . وليد : ولد المصرررررررررريه الزفت ماعطيته طراق ع ويهه . . يغازلج جدامي بعد الي مافيه حيا . . اانا ارتبكت وماقلت شي وكنت بروح عنه عند شيخه بس مسك ايدي . . صديت له : انت ماتعرف الا تلمس ؟ وليد هد ايدي . . : اسمحيلي ما احس بعمري . . " يطالعني عين بعين " تعرفين كل شي صح . . انا اطالعه : عن ؟ وليد : خبرتج ميروه عني وعنها . . انا بلعت ريجي : لا وليد يبتسم : جذابه . . تعرفين كل شي . . انا : ماعرف شي شفيك . . وليد : ماسمعتي شي امس ؟ انا عاقده حياتي : شي مثل شو ؟ وليد : سلامتج . . انا : لا قول شو . . وليد : سلامتج . . بس بغيت اخبرج . . دين سيف تسدد كامل . . ماعنده عذر يتاخر عليج الحين لو يبغي انا تميت اطالعه . . وليد : دشي داخل بسير بييبلها دواها وبرجع . . وراح عني .. تميت اطالعه لين راح وتنهدت عقبها دخلت عند شيخه . . غمضتني كانت وايد تكسر الخاطر رحت صوبها وتميت ماسكه ايدها . . شيخه تنزل دمعتها : سمعتكم . . انا قعدت عالسرير :شواخ حبيبتي ليش تصيحين . . شيخه : يعني انتي تعرفين الي كان بيني وبينه انا اتلومت ماعرفت ارد عليها . . شيخه : منو غيرج يعرف . .اكيد تكرهوني . . انا مسحت دمعتها : ليش نكرهج بنت عمي شو هالكلام . . لو اكرهج ماتعنيت وييت وياج . . شيخه : انا كنت ياهل وطايشه مافكر . . وكنت احب مروان والله صدق ابا اوصله بأي طريقه . . وانا وايد تأسفت من وليد . . انا ابتسمت : كلنا نغلط وماشي انسان معصوم من الغلط . . وخير الخطائين التوابين . . شيخه : وبعدين انا ماوهتمه بالحب والله . . هو بروحه كان يحس اني احبه بس انا ماوهمته بالحب . . يعني كان يشوف اهتمامي بمروان جدام عينه ما حس ابدا كيف توهم بالحب وانا كنت اعامله عادي وعاطيه اولوياتي جدام عينه حق مروان وليد يبطل الباب بقوه : كنت اقولج قوليلي احبك كنتي تنطبين . . ماكنتي تقولين انا ماحبك ولاعمري حبيتك واعتبرك عادي . . كل شي فيج كان بريء مايدل على خبثج . . شيخه سكتت . . وانا مسكت ايدها بقوه عشان ماترد عليه . . وليد عاقد حياته : ماخلص المغذي ؟؟ ابا اروح الدوام انا تاخرت . . انا اطالعه بقوه عين : رووح . . بنرجع بتكسي . . وليد تم يطالعني عين بعين وطلع وسكر الباب . . شيخه : يمكن هو حس اني وهتمه بالحب بس انا كنت اتصرف ع طبيعتي . . وانا اعترف اني غلطت وندمانه على هالغلط مهور . . انا مبتسمه : انسي خلاص . . دامج تبتي من غلطتج انسيه . . شيخه : كيف انساه وانا اواجهه بين فتره وفتره انا : خلج واثقه من نفسج واسمعي مني وطلعي من اهني . . شيخه تطالعني . . انا : انتي تعرفين ان مروان حاط عينه على شما ويباها . . شيخه تامه تطالعني : اعرف . . انا : وعادي عندج . . ؟ شيخه : هيه عادي . . قلتلج كنت طايشه وكان حب يهال . . واصلا انا متلومه في ولد عمي مروان وايد على الطريقه الي جافني فيها وانا حاقره وليد . . من هاك اليوم اناا اتجنب اشوفه حتى . . انا : لاتكونين مثل " كنت يايه مثل اختج خلود تسكتين عن حبج لو تحبين وعقب تتعذبين لكن ماقلت خفت انها ماتعرف و مابغيت ابين لها اني اعرف " شيخه : مثل ؟ انا : مثل وايد ناس سكتو وتعذبو عقب . . شيخه : ما اكن له مشاعر . . اقولج استحي منه . . اتفشل منه كيف بحبه وكيف لي ويه . . انا : صدقيني اكيد نسى . . انتي لانج عشتي الموقف ما تنسين لكن هو ريال الموضوع مش في باله ولا مفتكر فيه . . لو في باله جان حتى يوم شافج احتقرج ومارمسج لكنه عادي وياج . . واكيد في باله ان كل انسان يغلط . . إلا وليد راسه يابس لكن بعده يرمسج ويلعوزج ويطيح فيج ماقطعج بالمره يعني لا تفقدين الامل وانسي وهم بينسون والله . . ابتسمت شيخه وغمضت عينها . . انا مسحت ع راسها : ارتاحي حبيبتي لا تفكرين بشي . . وتنهدت وخليتها حسيت ريجي ناشف وطلعت باخذلي ماي . . وانا طالعه شفته قاعد فالانتظار ومنزله كابه مثل العاده ع ويهه . . ابتسمت . . ميروه لو جافته جي بتتخبل . . ناقص بس يحط ايدينيه الهنتين فجيبه . . مامداني اخلص الجمله فخاطري قام وسوا الحركه . . انصصصصصصدمت . . وليد يطالعني باستغراب . . انا : عيل ماروحت . . وليد يطالعني : تحبين الهياته ؟ كل شويه طالعه انا : عطشانه ريجي ناشف بسير اييبلي ماي عقب ذكرت اني اصلا يايه بس بتلفوني مايايبه شنطتي حتى . . وليد عاقد حياته : بتدفعين بصبعج صح . . انا اطالعه : وين تلفوني . . وليد : يعني انا شدراني ف تلفونج وين . . انا : عطني فونك . . مدالي فونه واتصلت ع رقمي ودخلت الغرفه الي فيها شواخ مره ثانيه ومارن . . وليد : يمكن فالسياره . . انا افكر : هيه يمكن مانزلته . . وليد يطالعني : تبين ماي . . انا : هيه . . وليد : شو تبين بعد . . انا : بس مابي شي ثاني . . وليد كان جدي وراح عني . . وانا مشيت وراه قلت يمكن احصل شي ثاني يعيبني وباخذه . . ماحس فيني لان ابد ما صد ولا تكلم . . مشيت وراه لين وقف فجاه وانا كنت سرحانه ماحسيت بروحي الا وانا خااااابطتننننننننه على ظهره . . وليد ع طول صد . . انا كنت منصدمه اكثر عنه . . وليد عاقد حياته : شو تسوين اانا : انت عمي حق شو تووووووقف . . جان اطالع ان في كرسي كان ريال شيبه قاعد عليه وعلى الصوب الثاني حريم واقفات فـ هو وقف لين الشيبه يدخلونه الغرفه ويروم يخطف . . انا بلعت ريجي . . وليد ابتسم : امشي امشي . . جد قفطت منننننننننه لكن مشيت بعدني وراه بس مخليه مسافه عدلللللله هالمره . . وليد يصد يطالعني : بشكاره انتي ؟ حق شو تمشين ورايه . . ابتسمت ومشيت عداله بس مخليه مسافه . . وصلنا . . ودخلنا الدكان الصغير . . خذتلي ماي وعصير ملكو برتقال 2 . . حقي وحق شواخ . . وخذت جلكسي وكتكات وكندر . . وعقبها اطالعت وليد . . وليد يطالعني : نعم . . انا مبتسمه : ايه لا تفشلني عاد جدام الهندي . . وليد : روحي روحي الله يعطيج انا فاجه عيني ومتلومه : وليد . . وليد : شو . . بيزات ماعندي حد قالج عندي بيزات . . انا عندي درهم حق ماي بس . . انا اطالعه وبصوت واطي : ولييييييييييد . . وليد : ردي ردي كل ها وشلي ماي بس . . الهندي : شيل شيل كلو مافي مشكل . . " يطالع وليد " ريال مافي زين . . وليد : قفعه عصب ولد الخان هههههههه . . الهندي يطالعه بحقد . . وليد طلع بوكه ودفع وانا خاطري امسك ايده واعضضضضضضضه عض والله . . حاسب وبعدها طلعنا . . وليد شل عني الكيس وهو يبتسم . . انا : سخييييييييييييييييييييييييييييييييف قسسسسسسسسم بالله لومتني يالخايس وليد ماقال شي تام ساكت . . عقبها بفتره قال : مهور . . انا اطالعه : سمممم .. شوه وليد : ممم .. لو سمعتي اليوم خبر مش حلو . . شو بتسوين انا اطالعه : خبر مثل شو . . وليد : انا قلت مثلا . . شغلي مخج . . انا : شو بسوي يعني برقص ؟ تقول خبر مش حلو تراك . . وليد : اليوم اذا . . اذااا سمعتي خبر مش حلو وحسيتي روحج مخنوقه ومتكدره من كل صوب . . تعالي دوريني بكون معاج . . انا اطالعته : شو تقصد . . وليد : انا اقولج . . اذااااا سمعتي اليوم خبر مش حلو جي سوي . . اما اذا سمعتي باجر خبر مش حلو سيري ولي مش فاضيلج كل يوم . . اانا : وليد لا تستهبل . . وليد : ما استهبل " يبتسم " انا : انت بكبرك استهبال الواحد مايعرف متى ترمس جد اصلا . . وليد : تعرفين المفروض اصلا انا ما اكلمج ف انتي احترمي نفسج وبوسي ايدج وريلي اني عاطنج ويه واكلمج ومسولج قدر بعد .. شليت عنه الكيس : هات هات . . ودخلت عنه غرفه شيخه . . شيخه : وين كنتي . . خلص المغدي وتروعت يوم ماجفتج موجوده انا : سرت اشتري عصير . . شيخه : وليد راح ؟ انا : لا بعده موجود . . " حطيت ايدي ع راسها " انتي احسن شيخه : هيه الحمدلله انا : هيه خفت الحراره . . بعد الابره خفت . . شيخه : فيني رقاد وايد ابا ارقد انا : يالله نشي " ساعدتها عشان توقف " بتردين البيت بتاكلين وبتاخذين دواج وبتنامين ان شاء الله . . شيخه : سامحيني وايد تعبتج اليوم . . انا : شو هالرمسه بنت عمي افا عليج . . وساعدتها وطلعنا . . جافنا وليد وليد : بجدم السياره . . وراح . . لين ما طلعنا انا وهي ما جفناه تمينا واقفين شوي وووصل . . ركبنا السياره وهو شغل قران تمينا ساكتين لين وصلنا . . شيخه : مشكور ولد عمي ما قصرت . . وليد : جب جب . .فارجي يلا . . انا : جب يجبك انزين وليد : يالله انزلو وراي دوام . . شيخه تبتسم ونزلت من السياره وانا يايه انزل وراها لكن ذكرت تلفوني . . انا : وليدو تلفوني ويييييين . . وليد فاج عينه : عععععععععفووووووووووا ؟؟؟؟؟؟؟؟؟ انا حطيت ايدي ع قلبي : شو بسم الله وليد : وليدووووووووووووو ..!!!!!!!!!!!!! انا : خوفتني اتحرا شي الحين . . وليد : عيدييييييييها عيديها اشووووووف انا ابتسمت : لا ابوي مافيني . . وليد يطالعني انا : هههههههههههه وليد : يلا خلصيني انزل انا : شو اخلصك تلفوني ويييين . . وليد : انا شعرررررررفني انا : هاااات تلفونك وليد : هات وهات وهات . . كله هااااات . . مسك تلفونه . . : ها رقمج اخر شي 515 ؟ انا اطالعته :شدراك وليد : انتي متصله من تلفوني يالغبيه جان يتصل . . ويرن تحت سيته . . وخيت مديت ايدي وهو وخا مدا ايده جان يقبض ايدي . . انا : اخخخخخخخخخخخ .. ايه لا تستهبل هدني وليد يسحب ايدي بقوة انا : ايييييييي وليد قسم بالله يعووووووووور وليد : ههههههههههههههههههههههههههههههه انا : هددددددددددددددددددني هد ايدي ومسك تلفوني . . على طول تذكرت خلفيه فوني للحين ماغيرتها لا مستحيل مستحيل . . سيف جافها وانا بغيت اموت كيف لو جافها وليد ع طول صرخت : لااااااااااااااااااااااااااااااااااا تشووووووووووف فوني . . ونزلت من السياره بسير الباب الجدامي عشان ابطله عليه واشل فوني لكنه سكر الباب بسرعه . . انا ادق الجامه : أيييييييييييه . . وليد تم يطالع وبما ان الجامه مخفي ما يبين عدل .. خشيت راسي فالجامه واطالعه واشوفه يطالع باندماج . . انا ادق الجامه : وليد يالخخخخخخخخخخخخخخخخخخخخايس ياالوصخ . . والله بخبببببببر يدي علييييييييييك ترىىىىى والله . . عمي حمد يصارخ : انتي ايه . . انصب الدم كله فويههي . . عمي حمد بعصبيه: شوه فيج شاله البقعه شل فضحتينا . . انا ماقدرت انطق . . وليد نزل من السياره على طول . . عمي حمد : اختتتتتفو على هالتربيه الوصخه . . بلعت ريجي ورصيت ع ايدي بقوه مابا ارد عليه . . وليد : عممممممي . . " بعصبيه " بس عاد عمي حمد يطالعه : انت الشهم الحين . . بتسويلي ريال فيها جدامها وليد : انا ريال من دون ماتقول . . عمي حمد : كل تتتتبن انت وياها . . " يتقرب مني ويدز راسي ع جامه السياره " وهالصوت ما يطلع مره ثانيه فالفريج . . تبين تصارخين صارخي في بيتتتتتتكم يالـ وليد مسكه من ايده بقوه : نزل ايدك . . عمي حمد فاج عينه : تمسك ايدي يالخمااااااااااااااااام وليد بنظرة جديه : مادري منو الي مش ريال فينا يمد ايده ع بنيه . . عمي حمد عطاااه طراق بالقووووووووووو . . انا شهقت . . وليد : ماعليه اكفخ ع راحتك . . لكن ما بسمح لك تمد ايدك بنات عمي اليتام . . عمي : انتي ام الريااايييل . . اتلصقي في هذا وهذااااااك وسيف محروم عليج لـ يوم الدين . . الحين عرفت ان سويت الصح يوم خليته يملج في بنت خاله والا انتي بكبرررررج غلط وتربيتج غلط وليد غمض عينه بقوه . . انا : شوه . . عمي حمد : ماتعرفين يعني ميره تربع : ابوووووووووييييييييييييييييه . . عمي حمد : انطبي لا تصارخين شرات هالوصخه انتي برع ميره تطالعني . . عمي حمد : ليش ماخبرتوها . . ماخبرتوها ان البارحه سيف ملج فالمحكمه ؟؟؟ " يبتسم " خل تعرف مصيرها بتعرف . . ميره تعض ع شفايفها بقوه : مهور . . وليد ما يطالعني منزل راسه . . انا : سيف ملج ؟ ميره : مهور خليني افهمج السالفه دخيلج . . انا بعدني منصدمه . . ماتم فيني شعور . . ابا اقبض روحي بس ماقادره . .حتى ماقادره اتنفس انا خليتهم وركضت دشيت البيت . . اول ما بطلت الباب لقيت امي وقفت . . انا اطالع امي وشفت شما حذالها وعنود . . وكلهم يطالعوني اول ما دخلت . . انا سرت صوب اميه : شو السالفه . . شو الي انا ماعرفه .. انا مش فاهمه شي امايا فهميني اميه تمسك ايدي : اهدي اميه . . اهدي حبيبت قلب امج . . اهدي فديتج انا : امايا اتكككككككككككلمي . . شو سااااااااالفه سسسسسسيف . . عنود تمسك ايدي . . وخرت ايدها ومسكت ايد امي : امايا ابوس ريلج فهميني . . اميه تنزل دمعتها : لاتسوين فروحج جيه يا اميه . . الا هو ريال ما يسوى تقطعين قلبج عليه والله ما يسوى تقطعين قلبج عليه . . انا اطالع امايا بعدني : سيف ملج على غيري امايا ؟ اميه تطالعني وتمسح ع راسي . . انا : يعني صح هالكلام . . اميه : هيه اميه . . صح . . " تمسك ايدي بقوه " بس انتي اهدي الله يخليج يااميه اهدي عيب اانتي بنت عاقل مايصير تسوين جي انا هديت امي وقعدت اطالعهم . . شفت ميره داشه بعد وواقفه عند الباب مدمعه انا : كلكم تعرفون وساكتين . . من امس تقصون علي تسوون روحكم ماتعرفون شي . . " اصارخ " كلكم ولا وااااااااحد فيكم فيييييييييه ققققققققلب وخبررررررني خليتوني شرا الغبيه بيننننننكم . . " اطالع ميره " وانتتتتتتي . . حتى انتتتتتي . . حتى انتي ماقدرتي تخبريني " اصارخ " انتي تعرفيني مينونه وكنت بسوي اي شي بوقف الخربطه الي تصير ليش سكتي لييييييييش اميه تيني : يا اميه انتي راس مالي لا تسوين فروحج جيه الله يخليج يا اميه . . انا اطالع اميه بصدمه : اميه تعرفين شو يعني سيف ملج . . تعرفين شو يعني سيف بياخذ غيري . . سيف راح عني يممممماه راح . . 21 سنه اترياه واخرتها يملج ع غييييييييري . . هديت ايديها وطلعت من البيت . . اميه تصارخ : امممممميه تعالي وين سايره ميره : خليها بتسير عند يدي اكيد . .يدي بيريحها لا تحاتين . . وما سمعت الي قالوه عقب لاني كنت اركض رايحه عند يدي . . جفت وليد واقف عند باب بيت يدي ويطالعني . . انا : حتى انت . . تعرف ولا ماقلتلي شي خليتني وليد يقاطعني : انا حذذذذذذذذرتج . . حذرتج ألف مررررررررره . . نغزتج مليون مررررررره . . نصصصصصحتج ماكنتي تسمعين منننننننني شي . . طلبتي مني ما ادخل في حياتج ولا ادخل في شي . . وفوق هذا بعدني واقف معاج . . تجاهلته ودخلت عند يدي . . ما كان فالصاله كان فحجرته طايح بيرقد . . سرتله ومسكت ايديه وخشيت راسي في ايديه الكبيره . . تميت اصيح بهدوء . . بس مخليه دموعي تنزل وماقول شي . . خليت دموعي تنزل بغزره من حرقه يووووووووف محد يحس فيها قسم بالله محد . . كيفه الي بيقول انا ابالغ . . كيفه الي يقول انا استاهل لاني ذليت روحي . . صح انا استاهل قسم بالله استاهل الي ييييييني . . انا عشقت واحد ما يستاهلني ودافعت عن حبييييييي له سنيييييييييييييييين وهو بكل سهوله مسك ايد غيرررررررري . . يدي : مهره . . من قال اسمي تميت انوح . . اشهق . . اصييييييح بصوت عالي . . يدي : شو فيج ابويه شو مستوي . . انا اصيح : ملج على غييييييري يدييييييه . . ملج على غييييييييري . . بياخذ غيري " ادق ع قلبي " وانا قلبي يحتتتتتتتتتتترق . . انتظرته سنين ما ناظرت غيررره وصنت حببببببي له وطعننننني . . طعني من ظهررررررري يدي طعني من ظهررررررررري . . يدي يحط ايده ع راسي : اذكري الله وقولي لا إله إلا الله . . انا اصيح : لا إله إلا الله . . يدي : صلي على النبي . . انا : اللهم صل وسلم على سيدنا محمد . . يدي : استغفري الله . . انا حطيت راسي ع ايده وتميت اصيح اكثر : اسستغفر الله . . انا متروسه يديه متروسسه . . قلبيه بينبطططططططط . . تم يديه يمسح ع راسي لين طاحت شيلتي وتم يلعب بشعري . . انا ماوقفت صياح تميت اصيح من هالحب الي عذبني وماخذيت منه الا عوار القلب . . يدي : اتفائلي .. انا اطالعه : اتفائل . . مابا اتفائل انا فقدت الامل ف كل شي . . " مسحت دموعي " خيب ظني فيه يدي : الياي احلى باذن الله . . انا : كل شي انتهى يديه كل شي انتهى يدي : شوفي يابوي . . كل واحد فالدنيا ياخذ نصيبه . . وان ما كان نصيبج ويا سيف الحين نصيبج وياه بيكون بعدين ولو الله ماكتبلج سيف بيكتبلج غيره الي يسعدج ويفرح قلبج . . انا : يديه انا مابا غير سيف " خنقتني العبره وصوتي بح " انا ماحب غير سيف . . يدي يمسح ع راسي ويبتسم : بعدج صغيره . .ماجفتي شي فالدنيا عشان تصيحين على حب انا تميت اطالعه . . يدي : شوفي حال يدج . . فقد ام وفقد ابو . . فقد اخوان . . كل اخواني ماتو ورى بعض . . مع اني اكبر واحد فيهم لكن يدج الي تم وهم الصغار توفوو . . فقدت ريل . . فقدت صحه وعافيه " يبتسم " وبعدني هاا اضحك واسولف وياج وابتسم . . الدنيا ما توقف على حب يا ابويه . . في اشياء في حياتنا اهم انا : بس انا اجوفه كل شي بحياتي يدي : بتعارضين حكمت ربج ؟ بتعارضين الي الله كاتبنه؟؟ انا : لا . . يدي : عيب يا ابويه انتي حرمه عوده الحينه . . يايه تصيحين . . غاليه دموع ابويه لا تصيحين . . ماباها دموعج تنزل ولو حتى ع موتي انا : بسسسسسسسسسسسسسسم الله عليك يعل يومي قبل يومك . . الله لا ياب اليوم الي افقدك فيه . . انت مصبرني ع هالدنيا يدي : الله مصبرنج والحين ودري عنج الدلع وارجعي البيت يالله خلي يدج يرقد . . انا : مابا . . بتم اهني عندك . . يدي : انا مابرقد جذه . . مارقد وحد عدالي . . ماتشوفين يوم انا واعي يدتج راقده ويوم انا راقد يدتج واعيه انا اصد يمين ويسار : امايا وين . . انت بروحك فالبيت ؟ يدي : لا امايتج راقده فالحجره الثانيه . .تشاخر صوتها يدق الراس انا ابتسمت . . يدي : هيه خلي ويهج منور . . واضحكي . . انا مسكت ايده وبستها . . فديته الغالي مع انه ما يشوف لكن عرف اني ابتسمت . .والله انك اغلى شي فالدنيا . . والله انك نظر عيني . . امي عيني اليمنى وانت اليسرى . . الله لا فقدني شوفتك وريحتك وكلامك . . يدي يمسح ع راسي : خلج قوية . . ماخذتي مني القوه اشوفج انا ابتسم : انا قوية يديه . . قويه . . يدي يمسك ايدي بقوه : جذه اباج اقوى عن جذه بعد . . قبضت ايدينك كم تسوى يا طوايف هلي انت . . وحبيته ع راسه ومسحت دموعي وطلعت من حجره يدي وسكرت الباب . . وشفته فويهي . .,! . . . |
تم تنزيل بآرتيين طوآل آن شآء الله يعجبونكم . . اترقب توقعآتكم . . . . . عيناويه > هههههه حرام ليش تكرهين وليد هالكثر . . كل ما اقرى ردج اموت ضحك . . حطيتج فرآسي بخليج تحبينه ترى . . لا تتخيلينه حد . . أتخيليه واحد يديد فالروآيه بترومين تحبينه هههه لاتربطينه بحد ثاني لؤؤل . . |
يسلموووووووو حيييل ع البارت الكشووخي .. وربي يا ضحووي ما اقدر احببه .. و اقسسم بالله .. اكرهـ شي عندي اسم وليد ولا بعد شخصيته كرييهـ .. و وايد جريئ بممممعمنى الكلممممة .. مهوور : و ربي غمضتني و دمووعي في عيوني .. و عقب خفت اظهرهن و يتموون يضحكوون علي اللي عندي .. بلييييييييييز مهووور اتمسكي بسيي .. لا تودريينه لو ودرج مليووون مرهـ .. اتحملي .. شو راااج غير انج تتحمليين هالعذااب .. سيف : الله يعيييييييييييييييييييييييييييييييييينننننننننننننن نننننننننك .. آآهـ منك .. نزلت دموع مهرة .. ما قدرت توقف ابووك .. ما قدرت تسوي اي شي عسبت ما تاخذ بنت خالك .. وليد : و اقسسسسسسسسسسسسسسسم بلله اني اكرررهك .. اووف منك .. وااايد يقهرني بحركاااته .. و من حركاااته العبييطة خلى عمها حمد يصرخ عليها و يهينها جدااااامه .. لو ترووح فوووق و ترد لـ تحت ما بحبك .. ضحوووي خلي عنج هالحركااات .. انا من البداايه ما حبيييت شخصييته .. لا تحرمينا من طلتج .. يور سيس .. عيناوية 77 .. |
تسلم الايادي ابدعتي والله اموت على هالوليد شخصيته روعة الصراحة اما سيف طلع نذل كرهته تسلمين ويعطيج العافية |
تسلميـن الغاليهـ ع البـارتات الصراحه ابـداع .. شخصيـة وليد حلـوهـ .. ربـي يعطيج العافيـهـ .. |
تسلمين غناااتي على البارتين الصراااحه احس مهور تستاهل اللي ياها ,, وسيف قاهرني وباط جبدي ويا ويهه:522: ,, فدييييت وليد انا الصراااحه حبيته :001_wub: ,, واحس انه اخر شي مهوور بتاخذ وليدوو ,, واتمنى المره اليايه اقرا اربع ، خمس ، ست بارتاات << اسولف الغاليه والله روايتج ابداااع والواحد ما يمل منها الود ودي اتم اقرا بس شسوي اهم شي راحتج ويعطيج العاااافيه حبيبتي ,, |
ضحيه حبيبي قلبي يعورني تراج انتي تعورين قلبي هااا وبعدين ماراح اقدر اكمل روايه :-( غمضتني مهور بس اقولج قوي قلبج مافي شي يسوا صدق كلام يدي الدنيا ماتوقف على حب الدنيا فيها شي اكثر واهم >> بصراحه حتى انا عرفت هالشي عقب فتره انا حبيت وليد حبيت شخصيته حبيت شهامته حبيت وقفته ويا مهرا سيف لا تعليق ماعرف شوة اقول عنه تسلمين ضحيوه |
مشكوره على البارت ^^ نتريا التكمله على احر من الجمر ------ اووووووووووول شي ضحوي الله ايخليج اليد لا تخليه يموت ههههههه الروايه بتستوي مب حلوه بدونه مهره : انسيييييييه يالغبيه و وليد احسن منه سيف جذاااااب لو يحبها جان مارضى بغيرها وليد : اقولك اخطب مهره وحرق قلب سيف ابو سيف هذا الانسان لو يموت احسن مخرب الروايه وشيخه حليلها اليده انا مااااحبها عمتهم عليا هاي مصلحجيه وبسسسسسس |
تسسلميين حبي ع الرواية الاكثر من روعة ويــلا شدي الهمة ونزلي البــارت لانة حدي متشوقة |
تسلمييين ع الباارتييين ماقصرتي الصراااحه ماا تووقعت من سيييف انه بيتتزوووووج حرااااام عليييييييييييييييييه انصدممممممتتت والله يصبرها مههههووور كسسسرت خاااااطري ونتريا الباارت الياي ع احر من الجمر |
بــارت جزيــن .. أهئ أهئ .. قلبيــ الصغيــر لا يتحمــل هذا < ذكرني بابلة في السكول جي تقول .. ما عندي شي أقوله غيـر الصدمـــه ... نتريــاج حبـوبة ... |
ضحية حبيبي ولكم ولكم نورتي القسم بوجودج وقصتج وربي استانست يوم شفت نكج للحين ماقريت القصة بس اكيد طررر دامج الكاتبة نزلتها وان شاءالله باجر بقراها لي عودة |
رووووعه البارت يصيح هههههههههه وليييييد يعيبنييييييي شخصيته ومهور خلها تأخذ وليد احسن م̷ـــט سيف |
السلآم علييكم ششحآلج الغلآآ,, آبرآآع فـ آبدآآآع شيي يجنن الصرآحه , سيف قآآهرني وآلله آنه انسآآآن بآآرد ومآ عنده مشآآعر, كيف يرضى ,, ولآ عمهم حمد , لو رمسست عنه مآ بفكه , آنسساان معققد آونه يحرم عليج ليوم الديين ,, عسآآك مآ تتهنى عم ع الفااضي واآلله , شقآيل تعامل بنت آخوك اليتيمه جذآآ هآ, . . فدييتج لآ تطولين علينآآ, نتريآج مبدعتنآ |
حيااااتي ضحووووووي ابدعتي فديييتج ياكاتبتناااا المبدعة دوومج متألقة بقلمج الى الامام دائما استمري يالغلااا ونحن من متابعييينج ونترياااااااج بشووووق... |
و رربي طررر ،، ابدداع و اللله افكآرج وتنسيقج لهالرواية جد غير آسلوب غيرررر حمآآس فظيع انا بصرآحة معجب بكتآبآتج .. استمري خيتوووؤ ويعطيج الف عافية دوؤمج متألقة بكتآبآتج يالمبددعة ** وو أكثر واحد حبيته مـــــــــــــروآن خخ ❤>>تذكريني ف شخصيتي هـع وليد: شخصية أكثر من الرائع جد حبيته من صميم القلب., مهرة: نايس شخصيتهآآ بس مرآت تقهررررر.. سيف: مابلعته ف البداية لكن احسه بيتغييرر .. |
تسلمييييييين حبيبتي على البارت و تسلم يمنااج.... . و أقولج أن روايتج وآآآيد حلووة و عيبتني و أحداثهااآا رائعة .....تسلميلي على هالأفكاآآر الرائعة اللي تطلعيهم ويعطيج العآفية ونتريآآ البآآرت الي عقبه.,ؤآكثر شخصية دش خآطريه وليـدو :lolr43: , تقبلي مرؤري.:az_flw: |
حبيييت البارتيين .... وييين التكملة انا اتريااااااااااااا |
تسلمين على البارت .................................................. ....... الي انقهرت منه واايد >< مهره:حليلها .... سيف:احب شخصيته ههع . وليد:الله ياخذه و يفكنا من شره هالغبي و كل شيء هب حلو ههع . ميره:هل الانسانة عندها قدرة خارقة في الغباء ههه . مايد:احسه احساس يعني انه يحب ميره . شما:احبها وااااااايد ههههههههههههههههههه . |
السلام عليكم ورحمه الله وبركاته , يعطيييج العافيه حبيبتي , انا دائما متابعه لرويآتجج الرائعه ابدآع : تميز : تألقق . . ~ ععَن جد حبيت الروآاية بكل تفآصيلهآ . . وآكثر شخصية حبيتها هي ولـيد :) تشكرآت عزيزتي . . =) |
برستييج .. الحمدلله لقيت احد نفسي ما يطيق وليد .. ههههه ضحوووي جفتي يعني في احد وياي ما يحب ولييد مب بس انا هع .. نترياااج .. |
اقتباس:
سيف خبااااااااااال انا خلاص تعودت مهره و سيف ما ابغي واحد يرز فيسه اسمه وليد :smilies-120: طلعي من الرواية خلي يسوي حادث اهم شيء نفتك منه :184: |
مرحبا خيتو تسلمين عالبارتات بلاكم محتشرين على وليد حرام والله سيف الي يبط الجبد << وجهت نضر هب تكرهوني وووووونترياج |
اقتباس:
حرآم وآللهـ هو آحسسسن وآحد . . .آلموهيــم تعرفيين ضحيهـ آنآ دووم شقوول ههع بسس تقبلي آلخططططططفهـ =)) مسس جرينيش . . . !!:10: |
ضحححححوي البــــــــــارت فنتككككك تسسسسلم ايـــدج حبيبتــــي مهـــره بصــراحة تستــاهل اتمنــى تتعلــم من الدرس و مــاترضــى تعرسبه وتكون الثانيــة اصلــا من الــاســاس عمهـــا حمــد مابيطيـــع و سيــف مابيظهــر عن شــوره سيـــف يقهـــر من جدامهــا متى بتكونيــن عندي وابــاج وماادري كيــف والحيــن كل الكلــام اخرطي صرااحة مايستــاهل مهــور وليـــد ياخــي احببببببه هـ الــانســـان في بعــض من الــاعضــاء كارهينــه ويقولون مسبب عائق لمهــور وسيفــوه بس اساسا سيفوه روححححه هو اللي مسسسوي العائق وانهمم متعودين سيف ومهره بس مب كل من يحب يتوفق بعلاقته في منهم تكون علــاقتهم ناجحة وفيمنهم لــا فيبدوون يدووورون حب ثاني كل شي بالنصيب ولــاتفكــرون بسلبيــات وليــد بس شــوفــوا ايجــابيــاته ترى ايجــابيــاته اكثــر من سلبيــاته اتعمقققوا بالشخصيــة اكثثثثر ميــرة غبيــةة وينقــص عليهـــا والموضــوع اللــي بتكلــم قريبتهـــا فيه اللــي هيه مهــور ويمكن تبا تقول لها تبتعد عم وليـــد و عرفت عن سيــف وتخــاف ترتبط بوليـــد >> انــانيــةة مــايد عيبنــي دهــائه بسسس بعد كررررهت فضووله وتدخلللله فخصووصيات ميــرهه حرااااام يحررررج البنــت وهـ الخصوصيــةة تخصصص وليد و ميرة وشيخة مب ميرة بروحها ويمكن وليد وشيخة مايبون حد يعععععرف ضحححححوي انتي مببببدعة والله نترياااااااج ان شاء الله مع باااارت يديد |
{{سيفوه روححححه هو اللي مسسسوي العائق}} قصدج ابو سيف الي مسوي العائق سيف يحبها و كان باين في بداية الرواية ابو سيف ما يخلهم ياخذون بعض لانه يكره ابو مهره و هذا سبب كره لمهره و يوم سيف يعصب يعني هذااا دليل انه يغااار عليها ............. و اذا تقولون ليش ما دافع عن حبهم يعني تبينه يصرخ على ابوه ؟؟!! و بعدين ما يرضى عليه ؟؟!! |
. . . البارت الـ 11 وليد يطالعني . . حسيت انه في شي فيني غلط علشان جي وليد يطالعني بتركيز . . عقبها استوعبت اني مالابسه شيله ولبستها ع طول . . وليد : انتي بخير صح انا تميت اطالعه وما اتكلم . . وليد مسك ايدي ومشاني وياه بقوه وطلعني . . انا ماكنت اعارضه . . ماحس فيني حيل اني اعارض . . لين ما وصلنا باب البيت جان اهد ايدي انا اطالعه وعيوني ممزوره دموع وبصوت كله تعب : كم مره قلتلك لا تلمسني . . وليد : وانا كم مره نصحتج ما سمعتيني . . انا اصارخ : محد قالك انصحنننننننننننني . . محححححححد . . " تنزل دموعي " محد قاالك انصحني وليد يغمض عينه ويصد الصوب الثاني : لا حول ولا قوه إلا بالله العلي العظيم . . انا اطالع وليد بصدمه : ليش جي سوا فيني . . ليش خدعني . . ميره يت : مهوووووور . . مسحت دموعي وحسيتها انصدمت يوم جافت وليد وياي . . ميره تطالعني : تصيحين . . " تطالع وليد " وجدام وليد . . دموعج مانزلت جدام سيف لكن نزلتيها جدام وليد انا اطالعها : دخيييييلج انتي الثانيه الي ياني منج انتي واخوج وابوج يكفيني . . ميره تطالعها : قلتي لي مابينكم شي سرت صوب ميره ومسكت جتفها بايديني الهنتين وتميت اهززها : انا قاعده اعاني . . قاعده اتعذب . . قاعده اموت لان اخوج كسسسسسرني . . انا مجروحه واصيح وقلبي متقطططع وانتي اناااااانيه شوفي شقاعده تفككككككككككرين . . . انتي حتى ما تنزلتي ويييتي خبرتيني . .ليش يايه الحين لييييش وليد ياني ومسك ايدي بقوه : بس خلااااااااص . . انا وخرت ايدي : وخر عني انت الثاني . . وليد : يدوه بتحس وبتي الحين لا تصارخين كافي . . عميمه : شعندكم تصارخون شو مستوي ؟؟؟؟ يت صوبنا : شو فيكم ؟؟؟ انا اطالعها وساكته : كنتي تعرفين عميمه انتي بعد صح .. عميمه عاقده حياتها : اعرف شو . . انا : ان سيف ملج .. عميمه : انزين ؟ ويعني ؟ شصااار ؟ انا اطالعها بصدمه : شصااار ؟ بسسس . . اختصرتي كل شي بكلمه شصااااار . .؟؟؟ عميمه : بس عاااد عن الدلع وايد دلعج ابوي اجوف وقمتي تتطاولين . . شصار يوم ملج ؟ تراه ياج ورمسج وقالج انه ما بيحبها وبيصونج انتي وبيحبج انتي . . كلنا نعرف ليش متزوجنها البنت مالها حد . . وبعدين الششششرع محلل له 4 انا فاجه عيني : والله عميمه ؟ والله ؟ عمميه : هيييييييه . . حق شو مكبره الموضوع هالكثر . . انا ابتسم بحرقه : عيل انتي عميمه ليش يييتي بيت يدي يوم اكتشفتي انه طليقج عرس عليج ؟ عميمه مصدومه وتطالعني . . ميره : مهور . . انا : ليش خليني اقوووول . . تتحرينا مانعرف انه قبل لا يطلقج كان معرس عليج ؟؟؟ ليش يييتي سكنتي في بيت يدي 4 شهور هجرتييييييه . . ما قلتي ان الشرع محلل اربع .؟ جان تميتي عنده عيييل عميمه عطتني طراق بقوة . . وليد : عموووووووووووه . . ميره شهقت .. انا اصارخ : تصفعيني لان تتحرينا ماندري ؟ كلنا ندري كلنا ؟ وعقبها سرتي قلتي حق عمي حمد يطلقج منننننننه لكن عمي حمد ما طلقج وخلاج بعد تفكرين مده طويله وفجاه يوم وصلج الطلاق انهرتي وعقيتي كل اللوم على عمي حمد مع انج فالبدايه انتي الي قلتي له يطلقجججججججج . . كرهتي عمي حمد مع ان انتي الي طلبتي منه لكن كلنا سكتنا وماقلنا شي ومثلنا ان مانعرف اي شي لا عن طليقج الي معرس عليج ولا عن عمي . . واخرتها تقوليلي عكس الي عشتيه وعانيتيه ؟؟ انتي تزوجتي زواج غصصصصصصب بعد لكنج ماتحلمتي تكون ع راسج شريجه . . انا بتزوج وانا اعشق ولد عممممممممممممي . . كيف تبيني اتحممممممل كككككككككييييييييييف . . سيف يدخل ويطالعني : انتي اهني . . ميره : توه الناس ليش توك ياي من الصبح اتصل فيك . . سيف يا وجابلني : تعالي خلينا نتفاهم . . انا تميت اطالعه بعذاب . . يييت ؟ الحين عقب مادريت اني عرفت يييت . . ييت يلي انت سبب كل دمعه من عيوني وكل عذاب انا اعيشه يييت . . يييت يلي انا من عرفتك انضرب عشان واتصفع بس لاني ادافع عنك وعن حبي لك . . ليش يييت . . مابي احط عيني في عينك ولا ابي اجوفك ابد . . جرحتني بما فيه الكفايه والله جرحتني بما فيه الكفايه . . قلبي ما يتحمل حتى يجوفك . . ولا يطيق حتى يجوفك . . ليتك ادافع عن حبك لي شرات ما ادافع عنك دوم . . ليتك تسوي القليل ع الاقل ليت . . وليد : مهور تعالي نطلع من اهني . . عميمه راحت عنا . . ميره : خلهم يتفاهمون خلنا نروح . . سيف : خليني اكلمج داخل . . وليد يطالعني : امشي وياي . . تميت اطالع سيف وو وليد . . لكن اسمحلي سيف . . مابا اسمع اعذار زياده .. وطلعت . . صديت صوب وليد : ودني بعيد مابا اتم اهني . . مابا ااجابل ويهه ولا اباه يي يجوفني . . وليد يطالعني : اركبي السياره وسرنا لـ وين ما السياره وركبت ورى . . وحرك بعدها وليد . . جفت سيف وميره طلعو . . وكلهم اطالعوني . . لكن قعدت متربعه ومتكوره ع روحي ورى وخشيت راسي وتميت ادمع بهدووووء حرك وليد وغمضت عيني عشت بافكاري وعذابي ما حسيت بروحي ابببببببببد ولا رفعت راسي الا لمن وليد تكلم . . وليد : مهور . . انا نقزت واطالعه . . وليد يبتسم : انتي ما صليتي الظهر وباقي شوي ع اذان العصر . . اخرتي صلاتج عشان سيفو . . هو بيددخلج الجنه ؟؟؟ انا تميت اطالعه واطالع عمري واصد يمين يسار . . : وين احنا . . وليد مد لي الكيس : هاج .. . احنا في باركنات مسيد الشيخ زايد انا اطالع الكيس : شو ها . . وليد : اتصلت ف امج قلتلها اني طلعتج وقلتلها انج راقده ما حاسه بروحج فالسياره . . قالتلي لا تردها وتعال شل لها عبايه . . ومريت البيت وعطتني امج هالكيس . . ابتسملي . . وليد : ها غمضت عيني يالله البسيها ع راحتج والبسي شيلتج ع راحتج . . انا عاقده حياتي : انزل انزل من السياره وليد : شووووووووو . . تعرفين درجه الحراره 41 . . 5 دقايق بسوي تان فيهن . . انا : يالله دقيقه بس وليد : اسسف اسمحيلي انا : يالله عاد وليد روحك تقول بيأذن خلني انزل اصلي . . وليد غمض عينه ونزل الكاب ع ويهه : . . انا تنهدت : بتم جي يعني . . وليد : . . انا :اف منك ماوخرت الشيله البيضا من ع راسي وطلعت العبايا ولبستها بسرعه وعقبها فصخت الشيله البيضا بسرعه البرررررررررق ولبست الشيله السودا وعقب حسيت ان شعري متفجج شوي قلت برايه يوم بنزل المسيد بعدله . . وتحجبت عدل . . انا : خلاص حلصت وليد يبتسم : يالله انزلي . . انا : انزين . . صد يطالعني . . : يايبه تلفونج . . انا اصد ع السيت الي ورى وجفت تلفوني . . : هيه هذو . . كان سايلنت وجيكت ع المكالمات جفت 10 مرات سيف متصل . . و 16 مره ميروه . . و 5 مسجات . . المسج الاول من سيف " لاتحرقين قلبي بهالحركات " والمسج الثاني بعد منه " بتحقريني ؟ " المسج الثالث من وحده من ربيعاتي كان مسج شوق . . المسج الرابع من ميره " مهور انا اسفه لاني خبيت عليج والله ما اقصد اخبي عليج لكن ماعرفت كيف اقولج ولا عرفت كيف بتسمعينها مني . . ماتوقعت تعرفين بهالسرعه كنت ابا اهيأ نفسي عشان اخبرج " المسج الاخير منها بعد : "مهوووووور سامحيني ولا تزعلين مننننني . ." وليد : بيأذن !!! قلتله : يالله بنزل . . وغلقت الفون وخليته ورى ونزلت . . مشيت شوي وعقبها ياني وليد بسرعه ماتنوصف وسحبني من شعري . . انا : آآآآآآآآآآآآآخخخخخخخخ وليد ماسك شعري من ورى : هذا شوه ان شاء الله اختيه ؟؟؟ انا منصدمه : اويه . . صديت يمين يسار وجفت كذا سياره وفيها ناس . . انا : مستحححححححححيل . . كلهم جافوني . . وليد عاقد حياته : لا والله . . ودخل شعري بسرعه داخل العباه . . انا الله يخس ابليسي المفروض ما اخليه وبروحي ادخل شعري لكن عافان الله يوم انصدم مول ما اعرف اسوووووووووي شي .... . اففففففف . . مشيت بسرعه ورحت صوب المسيد . . توضيت وعدلت شعري وصليت . . وتميت استغفر واستغفر لين سمعت اذان العصر وبعدها صليت العصر وقريت الاذكار ونشيت . . طلعت وسرت صوب السياره وماجفته موجود . . تميت واقفه مال 3 دقايق وعقب ياني . . وليد : اترييتي وايد . . انا اطالعه : لا . . بطل لي الباب الجدامي : اركبي . . تميت اطالعه . . وليد : اركبببببي يلا خلصينا . . وركبت . . عقبها سار وحرك السياره . . وليد يطالعني : جوفي عيونج كيف وارمه . . تزيغين . . انا صاده صوب الجامه : محد قالك اطالعني . . وليد : وين تبين تروحين انا : البيت . . ابا ارقد وليد : سيف في بيتكم يترياج . . انا اطالعه : منو قالك وليد : امج . . اتصلي فيها تاكدي لو تبين انا اتنهد : عيل روح اي مكان . . وليد : وين يعني . انا بعصبيه : قلتلك اي مكان لا تسألني وين . . تم جي حوط فالشارع وتم ساكت لا ترمس . . وليد : . . . غمضت عيني مره ثانيه وتميت سرحانه . . شو بيصير الحين ؟ عمي بالمره كارهني وما يباني . . حتى لو سيف ياني وقالي انه يباني وانه بياخذني وانه انتظريني وابيج واحبج وبعدل وبحبج انتي بس . . عمي مستحيل يرضى خلاص . . كيف بعيش بدون هالحب . . كيف بعيش بدون ما اترياك يا سيف . . ليش سويت فيني جيه ليش . ." غمضت عيني ونزلت دمعه حاره " وليد : تتزوجيني . . فتحت عيني وصديتله : شو . . وليد يبتسم : تتزوجيني . . انا بصدمه : انته مينون ولا مش صاحي ولا مافيك عقل ولا وليد يقاطعني : تتزوجيني . .؟ انا تميت بس اطالعه . . وليد وقف صوب المطعم وبركن وتم يطالعني : جاوبيني . . انا : ليش قاعد تصعب علي الامور .. وليد : بالعكس . . انا اسهلها لج انا : شو تسهل لي بهالكلام .؟ وليد : انا جاد انا : انت تعرف اني ماحب الا سيف . . وليد : هذا قبل . . انا تميت اطالعه .. وليد : سيف ماجاف دموعج . . مامسك ايدج . . ماحظنج . . ماعيشج الراحه الي انا اعيشج اياها . . ع فكره انتي منجذبه لي بدون ما تحسين . . انا ارتجفت يوم قال جي . . وليد يبتسم : ومنجذبه لي وايد بعد . . وانا اعرف فالفتره الي قبل لا تصير فيها المشكله كنتي تفكرين فيني وتحاولين تطرديني من بالج بس ماقدرتي . . بلعت ريجي . . وليد : حبيبتي سيف 21 سنه . . وانا فـ يوم لعوزتج انا : وايد واثق من نفسك . . انت بعدك ما تعرفني عدل وليد يبتسم : اعرف الشي الي يهمني اعرفه بس . . انا : وشو الي يهمك وليد :مشاعرج تجاهي بتكون حقيقيه انا اطالعه : انت مينون صدقني وليد : ع فكره انا قبل لا احب شيخه كنت معجب فيج . . لكن حبج لـ سيف كان يخليني ابتعد وماعطيج ذاك الاهتمام . .لكن يوم جفت سيف وعرفته عدل وجفت الي يصير اكثر بعين بصيره عرفت ان سيف بس بيعذبج . . بس بيعلقج وبيخليج مجروحه . . ماقدرت اسكت اكثر انا : بس مابا اسمع شي . . وليد : تبين تعرفين انج تكنين لي مشاعر ؟ انا اطالعه . . وليد يبتسم وسحب ايدي وقربها لين شفاته . . وحب ايدي . . ثانيه . . ثانيتين . . 3 ثواني وقلبي انططططططططررررررر . . قلبي انفجر . .قلبي . . كل الي قدرت اسويه اني اسحب ايدي مننننننننه . . انا : انت وقح . . وليد يبتسم : ما بسألج لان الجواب وضحلي اكثر . . انا صديت الصوب الثاني على طول وليد : محد بينسيج سيف غيري انا . . انا : بس اسكت لا تتكلم . . وليد يبتسم : انزلي خلينا ناكل . . انا ميت يوع . . انا : انا مش يوعانه وليد : انزين اترييني عيل فالسياره يوم بخلص بييج . . ارقدي لو طولت . . ونزل من السياره ماسوالي سالفه والله . . شوي ونزلت وراه ع طول . . وليد يطالعني : هاا شوو . . انا : جب جب . . وليد : شو ؟ ردي ردي اركبي انا : جب انزين وليد : ردي يلا . . انا تامه اطالعه . . وليد : انتي بتدفعين ابتسمت غصب وليد : ما تلاحظين كل ماتطلعين وياي ماتشلين فلوسج . . حد قالج اني ملزوم فيج ؟ انا : ماباكل شي بتم اشوف ويهك النحس . . وليد يبتسم ويرفع الكاب عن ويهه : انا ويهي نحس ؟ مارديت عليه صديت الصوب الثاني : خلصني . . مشينا بقرب بعض تفصلنا مسافه بسيطه بس . . دخلنا الكباين وطلب وليد كل شي يخطر ع باله من غير ما يشاورني ولا يقولي شو تبين بعد .. شوي ورن تلفونه . . وليد عاقد حياته : الو . . ؟ هلا سيف . . انا على طول سرت صوبه وقعدت حذاله وسحبت سماعه وحده . . سيف : وين ؟ وليد : والله فالدار . . سيف : وين لا تقعد تلعب بي وليد : خير سيف بغيت شي ؟ سيف : حرمتي وين . . انا ابتسم باستهزاء : هه بعد لك ويه تقول حرمتي ؟ سيف : مهره؟ انتي وييييين . . قاعد اتصل فيج ليش ماترررررررررررردين انا : اسمعني من الاخر سيف : انتي اسمعيني من الاخر . . هالحركاااات مول ما تعيبني وانا قايلج . . حركات المغايض ودريها عنج انتي مش ياهل تتصرفين هالتصرف انا : حركات مغايض ؟ ها الي فسرته بس ؟ حركات مغايض ؟ بدال لا تقولي مجروحه وزعلانه تقولي مغايض ؟ ها الي قدرت عليه .. . سيف : وينج الحين انا مش متحمل اتمين ويا هالخااااااايس وليد يبتسم . . سيف : تسمعيني ولا لاءءءءءءء انا : انا ماباك . . سيف : نعم ؟ انا : ماباك . . سيف : كيف يعني ما تبيني انا : يعني الي بيني وبينك خلاص انتهى . .وهالمره انتهى جد .. سيف : انتي تعرفين شو تقولين صح انا : اعرف عدل شو اقول سيف : مابسمح لج ولا بحللج ولا بودرج . . انا ابتسمت : هه . . ابوك كفا و وفا . . ردني ووعدني انه ما يخليك تقربني . . سيف : شوووووه انا : سير اسال ابوك . . وتعرف . .انا خلاص عرفت انك ماتروم تسوي شي . . لانك لو تروم جان سويت من زمان قبل لا تتوهق بقروض وغيره . . انت متهاون وضامن اني بترياك علشان جي قاعد تركب فوق راسي . . من الاخر . . الي بيني وبينك بححححححح ! ولىىىى !! انتهىىىىىى ! سيف بتهديد : واللللللللله يا مهره والللله وليد : اسمع انننتتتتتت . . لا تقعد تهدد . . قالت الي عندها . . الي بينك وبينها منتهى ولا تقعد تأذيها . . وحط في بالك انه ماعندك مليون فرصه . .فرصصصك كلها خلصت . . وانا الي بستغل الفرص عدل الحين تميت اطالع وليد . . وليد : بما انه ابوك ردها . . انا الي بتقدملها . . وحزتها بعلمها شو يعني الحب . . بعلمها الفرق بين الحب الي عاشته بوهم وعشمت نفسها فيه . .وبين حب دايما يسعدها . . وعلى فكره اذا انت تتريا في بيت مهره ترى حتى امها ما تبا تطلع لك . . امها بروحها اتصلت بي وقالتلي لا تردها البيت . . ف لا تيلس تتريا عالفاضي . . وبند فويهه .! انا اطالعه وبلعت ريجي .. وليد تقرب مني وانا مت مت مت خوف . . كنت لاصقه فيه عشان السماعه ما حسيت بروحي والله اني لاصقه بجتفه . . اول ما قرب روحه مني وقفت على طول . . وليد مسك ايدي : تعالي . . هديت ايده : وليد وليد رد مسك ايدي : شفيج خايفه . . سحب ايدي بقوه ورد قعدني وبعدها تقرب مني وصديت ويهي الصوب الثاني وشفت صبعه لامس ويهي وليد : بشل الرمشه بس . . " وابتسم " شليتها هد ايدي : يالله روحي . . حسيت بروحي بتطلع . . خزت عنه ورديت لمكاني . . جااابلته . . ماعرفت شـو اقول وشوي اسوي كنت جد متوتره وااااااايد وألي وخر التوتر ان الاكل وصل وانا جد كنت يوعانه بس اكابر . . استانست ان وليد طالع مشاوي وعرايس وتبوله . . وايد احب هالسوالف اكثر من العيوش . . وبدينا ناكل . . وهو كل شوي يحطلي ف صحني شي ويقول لي وليد : كلي عدل . . تغذذذي . . اندمجنا بالاكل وكان ينكت ويحاول يضحكني . . لين خلصنا الاكل وانا حسيت بصداع فظيع . .من الصياح الي صحته راسي بينننننننبط . . ركبنا السياره . . انا : عندك بندول . . وليد : بطلي السده . . بطلت السده وشفتها معفوسه فوق تحت . . انا : شوووووو ها اخ عليك . . وليد : والله انا مرتب . . لكن عيال عمج يوم يركبون السياره يعفسون الدنيا فوق تحت . . طلعت كل الاغراض وقعدت ارتب وارتب وشليت البندول . . انا : ماعندك ماي . . وليد : بلى . . هذا . . " مدلي " انا : روح ها الي ناقص اشرب من وراك وليد يبتسم : لاه ؟ انا : هيييييييييه بعد شو . . اشترلي واحد وليد : والي يقولج ما بتشربين الا هذا انا : مابشرب وليد : زين خلي ابوي يروح انا حطيت ايدي عراسي : والله راسي يعورني حرام عليك وليد : ترا الحل بين ايديج انا : مااااااابا . . خذذذذذذذلي يلا وليد يغني : انا تراني طيرك إلي يحبك موت ، لو حب قلبي غيرك بدعي عليه يموت انا : ولييييييييد حطيت ايدي ع راسي وتساندت ع الجامه وغمضت عيني : والله حرام عليك وليد يطالعني : يعني تبين تكسرين خاطري . . انا : خلاص اسكت مابا منك شي . . وليد يبتسم ووقف عند الدكان : محححححححمد . . واحد ماي بارد . . " رد يضرب هرن " شوي بارد مافي واجد . . شوي ويا الهندي وياب الماي . وليد : تبين شي غيره انا شليت الماي : لا . . وعطاه درهم وحركنا . . انا : خلاص ردني البيت . . وليد : ليش . . خلينا متونسين . . خذت البندول وشربت ماي شوي . . انا : الحمدلله . . وليد : فيه الششفى فديتج . . انا : تسلم ولد عمي . . خلاص ردني البيت وليد يطالعني : تبين تردين اكيد . . انا : هيه وليد يبتسم : شرايج نصلي المغرب واوديج مكان ف الهوا العليل اطلعين فيه طاقتج . . ؟ انا اطالعه : وين . . وليد : بوديج المرسى . . بنلعب سياكل اهناك . . انا اطالعه : انت تعرف اني لابسه جلابيه تحت العباه . . " اسويله حركه المينون " انت مش صاحي وليد : شو المشكله . ؟ بوديج المول البسي لج شي . . انا اطالع ويهي : جوفني كيف مصفعه وعيني هالكبر وليد : يالله مش مشكله انزلي باريس غاليري خذيلج بودره مادري كريم اساس مادري شو تسمونه انا ابتسم : والله مش هين تعرف هالسوالف وليد : شعبالج . . انا : لا خلها مره ثانية . . وليد يبتسم : متى ؟ يوم بنعرس ؟ انا اطالعه : انت وبعدين وياك . . وليد شل الماي عني وشربه اشكره . . وااااااااااااااااااااااي من وليد واااااااي . . واضربه ع جتتتتتتتتتتفه بالدبه ضرب وهو ميت ضحك . . وليد : هههههههههههههههههههههههههههههههههههههههههههههه انا : ماصخ قلييييييييييييييييييييييييييييل ادب خايسسسسسسسسسس وليد : شوفييييييييييج شربت ماي انا . . انا اطالعه بنص عين : جبببببببببببببببببببب وليد : ههههههههههههههههههههههههههههههههههههههههههههههه انا : طفسسسسسسس زفت . . وليد يبتسم : لو تقدمتلج بتوافقين انا اطالعه : لااااااااااااا . . وليد : ليش عاد . . انا : وليد عن العبببببببط وليد : يلااا عااد . . انا ابتسمت غصب : والله خووش . . حلوه هاي . . العرس لعبان هوو وليد يبتسم : ها شقلتي . . ؟ بكلم امج اليوم . . انا : اقولك انطب عني ولا والله ببطل باب السياره وبنزل منها وليد : ههههههههههههههههه . . " يطالعني " بتروحين صوب السياكل انا : بتتعنى لي من راك لين دبي لا وبتتخطف لي من مول لين مول بعد عسبت ارتب عمري ؟ لا لا حق شوووو . . وليد : انزين خبريني شو ورانا . . خلينا نستانس انا اطالعه . . وليد يبتسم : وبعدين دبي الا دقة حصاااه ترى . . نص ساعه وواصلين . . انا تميت اطالعه . . وليد : ها . . ششقلتي . . انا : لا لا خلاص خـ نرد البيت وليد : يالله عاد . . امج بعد تعرف انج مش فالمود وبتحبني اكثر يوم بتعرف اني ونستج . . وبعدين مكان عام مش رواحنا احنا انا اطالعه . . وليد يبتسم : وافقتي صح . . انا مارديت عليه وليد : يالله خـل اوديج هالمول عيل دوريلج شي تلبسينه وعقب سيري باريس غاليري تعدلي وترتبي وجربي كل شي واطلعي قولي ما عيبج شي لاني ما بدفع انا ابتسمت : سخيف . . وليد : والله .. عيال عمي يدشون يتعطرون ويظهرون انا : عيال عمي ؟ قول انت وليد يبتسم : خسسي والله . . برستيجي ما يسمح لي . . انا ادش اخذ ع طول ماعندي وقت انا : زيين . . في بينا شي مشترك " ابتسمت " احين حسيت انك ولد عمي ع الاقل وليد يطالعني : صدق انا : هيه وليد : ليش انا : انا بعد ماسير الا وفراسي شي معين اخذه واطلع . .ماجرب شي يديد وليد يتقرب مني : خشمج .. انا دزيت ويهه : ايييييييييييه وليد : ههههههههههههههههههههههه . . تم يلعوزني لين وصلنا المول . . انا : وليد من صدقك . . وليد : هيه والله من صدقي . . انا :انزين هات بخبر امي . . وليد : أنتي انزلي انا بخبرها . . انا : قولها الصدق وليد عاقد حياته : طبعا بقولها الصدق . . ونزلنا . . دخلت اول محل . .جفته واقف عند باب المحل يرمس اميه . . تميت ادور لي لبس سريع ماحصلت . . شوي وهو ياني . . وليد : قالت لا اطولون انا : والله ؟ وليد : انتي ليش كله تتحريني جذاب انا ابتسمت . . وليد : فديت امج . . انا اطالعه وليد : لانها يابتج لاه . . انا ابتسمت : اف . . وليد : يالله ما خلصتي انا : شو تتحرا جي السالفه سهله . . وليد : هيه بعد شو . . ليش اطولون ابا اعرف انا : لازم الواحد يتنقى ويجوف شو يناسبه .. وليد : عاد انتي كل شي يناسبج انا ساكته ما ارد عليه وليد : بالذات الشعر الاسود الطويل ويا الفستان . . انا انصصصصصصصصصصدمت . . حسبي الله ونعم الوكيل .. انا فاجه عيني : حسبي الله عليك ياوليدوه وليد : ههههههههههههههههههههههههههههه . . حسبالج نسيت الصوره > يطري خلفيه فوني الي جافها انا طنشته مع اني كنت ميته فششششششله وميته ميته جد احرررررررراج . . وليد : انتي بتخيسين اهني انا اعرف . . تعالي تعالي ورايه . . ومشى عني . . وليد يصد : تعاااالي . . بتمين واقفه اهني منو بيدفعلج انا مشيت وراه : واي بتذلني بتذلني برد البيت بفر البيزات فويهك . . وليد : هههههههه خلصييني يلا . . ولحقته . . دشيت المحل وراه وعلى طول رفع لي قميص وردي وعليه توقيع ماركة بولو . . وليد يطالعني : كم تلبسين ؟ سمول ولا ميديام . . ؟ ميديام ميديام انا منحرجه وبس اطالعه . . وليد يطالعني : سمول بي عليج طر مرسوم . . انا شهقت . . وليد : ههههههههههه خلاص ميديام علشان ترتاحين فيه اكثر . . انتي اصلا شو تلبسين خبريني الله يخليج انا سحبت الميديام ومارديت عليه . . وليد : يعني ميديام ها " يبتسم " انزين تعالي بنسير صوب البناطلين انا : مشكور ما يحتاي تي . . لحقني ما سوالي سالفه وعلى طول خذت جينز قياسي وماخليته يجوف . . ابتسم وليد وشلهم عني وسار حاسب . . وانا اجوفه يحاسب وهو يبتسم جنه يهددني لانه بيشوف . . الله يخس ابليسك ياوليد كيف تبا ترفع ضغطي . . حاسب وبعدها ياني : هااج . . روحي ألبسيهم ف غرفه التبديل خلاص قلتله . . شليت عنه ورحت لبست . . وايد حبيته . . اوردي احب قمصان بولو تي مرتبه وايد والوانها حلوه بدلت وطلعت له كان يترياني . . وليد : انزين ازقريني ع الاقل خليني اجوف الي اخترته انا اطالعه وعاقده حياتي وليد :الواحد ما يسولف يعني ؟ انا : احم . . بمر باخذلي نعال بعد . . نعالي مش مريح حق سيكل . . وليد : انتي قولي كان فخاطرج تتسوقين وماصدقتي حد يييبج انا اطالعه : خلاص ردني البيت عيل وليد عاقد حياته : امشي . . ومشينا سرنا صوب النعله . . تميت محتاره بين اثنين . . قعدت ع الكرسي بطلت نعالي عشان اقيس جان يييني ونزل تحت ولبسني واحد من اختياره . .! حطني فالامر الواقع على طول . . ماشي واحد اثنين عنده . . انصدمت . . وعلى طول تذكرت سيف . . انا كنت مجروحه وماخليته يلمس ريلي وهذا اشكره لبسني . . وليد مبتسم : جنه مرسوم لج . . انا فاجه عييني وليد : لا تطالعيني جي . . بسوي اكثر عن جي . . ف خلييني ريلج بالحلال . . بلعت ريجي . . وليد رد نزل وبطل النعال : بسير احاسب اترييني . . وراح . . انا : لا مستحيل . . إلي يستوي شي بزياده . . احس اني بديت اغلط وبديت اتهاون . . شقاعد يصير .. شلي قاعد تسويه ياوليد . . وليد ياني : يلا . . انا اطالعه . . وليد : يالله . . تبين باريس غاليري ولا مكياجي . . انا بعدني اطالعه وليد : لا مكياجي بايخ . . باريس غاليري احسن وشبك ايدي بايده ومشاني معاه .. انا اطالعه : وليد . . وليد يبتسم : لو تقدمتلج بتوافقين ؟ لو قلتي هيه بودر هالحركات . . انا حاولت اهد ايده لكن قبضته اقوى . . وليد : ما بودرج . . انا اطالعه : لو سويت هالحركات برد عليك وبقولك لا وليد يطالعني : يعني لو هديتج بتقولين هيه انا اطالعه وبلعت ريجي : لا . . وليد يبتسم : عطيني جواب مقنع . . " يلعب باصابعي ويطالعها " ليش ايدج ناعمه وايد ؟ انا : وليييييد وليد يبتسم : لو تقدمتلج بتوافقين انا : لو هديتني بفكر . . وليد يبتسم : والله ؟ انا : هيه .. وليد : اوكي . . بهدج .. بس " يطالعني " يوم بنوصل السياره . . تميت وايد مفتششله . . بالذات يوم حد يطالعنا ويبتسم . . انا : وليد عاد كافي . . ودخلنا باريس غاليري . . اضطر يوخر ايده من زحمه البنات . . حسيته تفشل . . توقعته جريء ووقح لكن يوم جفته نظراته ويا البنات عرفته انه ما يحتاي ههه . . اول ما ييت بروح عنه زقرني . . وليد مدالي بطاقته . . : هاج . . بترياج اهني . . شليت البطاقه وانا جد احس الوضع بيني وبينه غريب . . غبت عنه 10 دقايق ورجعتله . . ما سويت شي بس حطيت فاونديشن وبودره خفيفه مع بلاشر وحطيت ماسكرا ، وتجحلت بجحال اسود وحطيت قلوس وردي . . وطبعا ما جربت من المستعمل .! شريت المعتاد وعقب استخدمته من إلي شريته ! وليد : وصلني مسج حسبي الله على ابليسج يالظالمه . . يوم واحد بفلس انا . . انا : ذليتني . . وليد يبتسم : امزح ترى قسم بالله . . فدا راسج . . انا المعاش يتم طول الشهر ما ينسحب منه شي . . أصرف من الي يعطيني اياه ابويه وامايا . . لكن فديت وحده والله ماعندها وقت .. اانا : ههههههههه . . وليد يبتسم : استانس يوم اشوفج تضحكين . . " نزل الكاب ع ويهه من غير ما يطالعني ومشينا " وتم الوضع بينا هاااادي .. لين ركبنا السياره وانطلقنا . . والوجهة جدا دبي !ّ . . . |
. . . السلام عليكم ورحمه الله وبركآته . . :183: وحشششتوني وجييه . . شحآ‘لكم شخبآركم عسآكم طيبين :blushing: ؟ وه وه وه . . وشش ذآ الهرج القميييل :lolr43: تتذابحون على وليدوه و سوآف . . آول شي : آسمحولي على التآخير لآن كآن إلهآمي زيرو :glare: . . مع اني افتح الـ Word وفاضيه مآ ورآيه ششغله ! واتم اطالعه ويطالعني :10: ومفيش حاقه بتطلع معآيه . . فـ عسب هيك طولت عليكم ششويآت . . رديتلكم مع بآرت احس بيخليكم تكرهوني :6: >بس الحاقدين عـ وليد الفقير ههه لوؤل . . آنزين البنآت المشتطآآت فقط عندكم . . ( مروآن ، ميود ، رشود :lolr43: ) هآييل الـ Single . . خلو سيفو و وليد :090: . . وبالنسبه حق الصبيآن . . حبيتو شمآ اكثر ششيّ هآ‘ه . . > اسمعو بنآت وآستوو ششرآت شموه . . ' اما النقآش والتعليقآت قمييله وبتفرح كتيير :blushing: . . تسسلمون لي عالتشجيع المتوآصل والكلمآت الطيبه الي تفرحنيه دووم :426: = ) !. انزيين آحين بقولكم شيئين بعد . . :blushing: الشي الاول اني بختفي عنكم هالـاسبوع بروح افتر حول العآلم :uae: ان شاء الله يوم برد برجع للكتآبه . . شرآ مآ قلتلكم آسبوع بس آن شآء الله :blushing: الشي الثاني إلي آبآ آقوله . . شرآت ماتعرفون عن ضحيه :12: تودر الكتآبه فـ رمضآن . . > موضوع مش قآبل للنقآش . . شهر فضيل لازم نستغل كل دقيقه فيه .. لاحقين ع الروآيه ولاحقين ع هالسسوآلفّ . . خلونآ نستغل هالوقت بالطاعه والقرآن . . مابي اخلي حد يدش ويضيع وقت فهالشهر الفضيل . . وانا اصلا مابي اكتب فيه . . ابا اخلي كل وقت فراغي بأشياء احصل فيهآ اجر شهر مايتعوض فالسنه خلونا نستغله صصح = ) . ! خلونآ نتعبد ونكسب رضآ الرحمن ونيمع لنآ آجر وثواب . . آإنزيين .؟! ترى انا باجر بروح :blushing: . . واحسبولي اسبوع عآده والغآيب يعلم الحاظر > العكس آإقصصد . . آن شآء الله بعد ما ارجع تكون نفسيتي منفتحه واكتبلكم وابدعلكم اكثر واكثر لين يبدآ رمضآن ,.* ماقدر اوعدكم لو بكتب بعد بآرت اليوم او لا . . لكن لو كتبت ترآني بنزل ولو مآجفتو بآرت آعذروني آبآ آتهزب حق اسبوعي . . عسسآكم ع القوه . . وؤؤ آإجوفكم على خير بإذن الله . . > ترى بكون مووجوده اليوم يعني بقرآ تعليقآتكم وجيه :183: . . اتحفـوؤؤني :lolr43: . . سلآإم . . ضح ـــيه . !:az_flw: |
تروووووحين وتردين بالسلامه ان شاء الله وصح كلامج لازم نستغله في اشياء نكسب فيها اجررر وتسلم اييييدج ع البارتات مع تحياتي عيناويه وبكيفي |
تروحين وترجعين بالسلامه غلايه ومثل ما قلتي رمضان لازن نتعب ونرضي ربنا هو شهر ما ايي كل يوم ولي بارك بعد البارت الرب لا هانج غلايه |
مرحبآآ السآع‘ . . * شحآلج ، ضحيوؤؤؤؤؤؤي ! عسآج بخيربصصرآحة أسلوبج ططر و فنآن و البآرت إلي كتبتييه كل شي فييه محمس و بصرآحة كآن إبدآع , أكييد من كآتبه مبدعة مثلجج .. .. ؤؤؤؤؤؤؤبآرتج وآيد وآيد وآيد ححححلؤؤؤؤؤو عيبني ححححيل وبكون من متآبعينج آول بـآول., ., استمري فدييييتج والسموحه لو كآن الرد مب من مقآآمج =) , لج خبره في هالمجآل ف آكيد بتبدعيين فيه., بآنتظآر اليآآآآآآآآآآآآي ويسلمو على هيك روآيهه.,, >وليد فنآآن :lolr43:خخخ لومهووؤر توافق عليــــه وؤنآسة جد بستآنسسسس هع.:183:, ووتروحين تردين بالسلآلآمـة حبؤؤؤبـــة!:az_flw: |
السلـآم عليكم والرحمةة شلوؤنج ضحيةة .. عساج بخيير ان شاء الله تروووحيين وترديين بالسلـآمةة .. عسـآج عالقووة وكلـآمج كلةة صحح وان شاء الله يمـر رمضـآن بكل سهولةة وبدوون مشـآكل تعالي تعالي بقوولج [ شلوون يعني ماشاءالله كتاباتتج هييك عطيينـي السرر يمكن افلح فروايتي ] حبييت كل الشخصيات .. ماعدآ العممة كرهتتها عدددل والعم حمممد ماعرف شوو مشكلتةة سووري لوو طوولت حبيبتي .. نتريااج بعد اسسبوعع >> هااه ترآنـي احسسسب !! |
تروحـين و تـرديـن بالسلامهـ , البـارت جنــانـ .. احـس انـها بتـوافق ع وليــد , و ميره الصراحهـ تقهــر .. و تسلميــن ع البـارتـ .. |
جد جد قهرني هذا وليييد اوكي يحبها بس نحن نبي سيف ومهاري خله يبعد عن مهاري احسن له ولييييد اكرهه اجتليه سوي فيه اي شي ما نبييييييييه سواف ماله ذنب يحبها ويموت فيها بس وليييد يخرب |
مسااااائج خير حبيبتي ... واايد وحشششتيني .. سامحيني على القطااعه ... تدرين ظروووف ...اجازات .. وسفر ورمضان على الابوااب ... اامممم في كلام واايد بخاططري ومادري من وين ابتدي .... اولاَ : الروااااايه والله والله ماعليهاا كلام ... مثل ما أبدعتي في وطت رجلي .. ابدعتي في هايم بحبة .... أبدااع واتقان .. والهاام جميل .. اسسسسلووووب مختلف عن باقي الرويااات جداَ في الم ومعناه .. فيه دمووع وفرح .. وحزن وظلم ... اختلف الرواية كثيراً بالنسبة لي الرواية لها معاني كثيرة وفايده عظيمة ..علمتني كيف الحياة لها طرق واكيد احنا معظمنا مجربين هالطرق.. ثانياَ: من خلال قرائتي للرواية .. مهره وسيف ووليد .. لقيت الفرق مهمها عااشت مهره حب سيف 21 سسنه بكل مراحلة ..ماظن سيف حبها كثر مامهره حبته ..لدرجه مافكر يسك ايدها او يقولها احبج في يوم الا نادر ... حسيت يستغل نقطة ضعف حبها له ..وبلحظة يقدر يراضيها ..اللوم على مهره اتصدقه بس الحب عمممي ... ولييييد متوقعه مهره بتستمر معاه وادري بتحبة حب وليد غير واضح صادق ..غير عن حب سيف غمووض وجبرووت ابوه يفرض عليه راييه ...صح او احتراام يوافق اراءه بس مو لهدرجه ... اما وليد حبة حلوو محد يقدر يفرض رايه يعرف شنوو يبي والبارت الاخير وايد حلوو .. حسيت مهره اتحسس براحه كبيرة واياااااه زصاتر تنجذب له .. وبأذت االله تكون من نصيب وليد ... ثالثا:دائماً ضحية مختلفه بكل تفاصيلهاا وكتابتها ... واسلوبها والله يحفظج من الحسد . سامحيني حبيبتي على تاخيري .. وان شاء تاكدي بكون متتاابعه بكل شووق ...ومابختفي باذن الله دمتي بحفظ الرحمن .. نور عيني |
تروحين وتردين بالسلامة الغالية نترياج ماعدنا شي عادي اهم شي ترجعين لنا والالهام والنفسية تووب ونحصل بارت طويييل وليدوووووو فناااان هالانسان بس ماندري بتكسرين القاعده وبتخلين مهرة لشخص غير سيف في هالراوية سيف كان يقدر يتاهم مع ابووه وعمته مادري ليش جيه ماحبيتها تسلمين ع البارت الكشوخي |
ممَرآححـب آلسسَـآع .. ممسآ\صبـآح .. آلوؤرد ! شححَآلج آلغآليةة ! عسسآج طيبةة ! تسلمَ يمنأج ع آلببـَآرتَآت وربـَي روعةة .. مهآري حرآم فديتههأإ وآلله غآمظتني . :14: وليد وقسممآت هألـآنسآآن حبـيتو من جوآت آلبـــي .. لو هَو آللي يآخخذ مهَوؤر آححَسن .. وآلله !:7799: سيفَ صحَ يعننِي يحب مهَآري بَـسس يقههَـر كآن يقدر يسسـَوي آي ششَي يوقف آلملجةة ..:angry: ميؤد آمم خخ ححرآم خل يقؤل لميرؤه وآلله حليلها غغآمظتننـي وهي مصدقةة .. آنأ مآعرف كيف مآلأحظت ههه :20: وتَرؤحيِن وتَردينَ بِ آلسَلـأمةة .. بنتولةة عَليج وآيدَ وَ عِآلبآرتـآت ..:84: وصَح كلَـآمج شهَر رمضآن لـَآزم نستغلةة صَح .:141::141: . وآلسمؤحةة منجج! فَدآعةة آلله .. |
ضحــوي مانبا بااارت وااحد |
أحــــم أحـــم أنـــأآ يتتتتتت أولأأأ : ضحــوي تسلمين ع الروأيـــه الطرررر والله حيتنههههههههههههههههها هالكثررررر مهره: والله كاسره خاظري هالانســانه احسها مظلومه سيف : حراااام علييييييه ةالله جد يقهرررررررررررر وليد : عجيييييييييييييييييييييييييييييب حبيته وااااااااااااااااايد شخصيته طرررررر وهو اللي مسوي جووو فالروايه اكثر شي ميرره : تقهر هالانســانه شمأ : يحييييهـــأآ تسلميـــن ضحوي ع البأرت اللي يجننننننن ونتريــأآج بفأآرغ الصبببــر أن شــأآء اللله |
مشكوووووووووووره على البارت نتريا التكمله على احر من الجمر ----------------------- وليد : حبيته هذا لانه قهههههههر سيفوه ^^ ان شاء الله مهروه توافق عليه مهره : بس انسي العله سيفوه وابدي حياتج ويا وليد ميره : ماحبها مثل اخوها سيف : ما ادانيه ان شاء الله يموت ويا ابوه عمتهم : بعد هاي لو تموت بتفكنا ام مهره : زين يوم سوت جي وبسسس تقبلي مروري |
| الساعة الآن 02:46 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir