|
نترياااا التكمله نباكم تحطونها اليوم بسرعه مب اليوم بس اقصد 12:00am هع هع |
انزين ليش مستعيل هع^^ باجر اماراتيه كشخة بتنزل البارت^.^ |
نتريااا الباااارت واتوقع هالبارت بيكون حلو |
عيوونج الحلوة ^^ هذا من ذوووقج.. اليوم اماراتيه كشخة بتنزل البارت وانشاءالله يعيبكم^^ تسلمين ع المرووور^^ |
احمممم ..مرحبا ..وصل البارت ^^ البــــــــــــارت (12) " شفته ولا ادري اشحل بي .. مشي الغزال عين الظبي .. في وين شفته ياسيف .. شفته انا ف بيت العم" سيف كان يالس على القنفه مجابل التلفزيون وراه منصوور وحمدوراشد وجداه حمدان وسهيل سهيل وحمدان شلو الثلج وحطو في كندورته وفز سيف من مكانه وتم يتناقز وحمد ومنصوور وراشد رشووه بالمااي الباارد وتم يصاارخ وينااقز وحاارب وحميد يصورونه وهم ناقعين عليه سيف: آآآخ×× حراام علييكم بارد .. ماعليه يالسبلان عصب من حركتهم وراح البيت منصور: اويه زعل سهيل: الحين زين جه زعل.. انا بروح اراضيه وراح سهيل يراضيه..وبعدين رضى وقال انه مايبى يروح وياهم المول .. الكل راح يتجهز فـ غرفة مهـــأري: هنوده: مهاري بعدج زعلانه؟ مهاري: يهمج!! هنوده: مهاري عاد تزعلين عسب وحدة ماتسوى مهاري: انزين خلاص .. بس انتو تعرفون اني مااحبها فطامي: انزين بس خلاص .. يلا نروح نتلبس رواضي: اهــىء اهــىء بتم بروحي ف البيت فطامي: هع هع نحن بنروح وانتي خيسي ف البيت رواضي: لا عادي.. حمدانو قال انه بيوديني ماعليه مابي عادي مهاري: يلا خلونا نشوف شو نلبس هنوده: اممم شورايكم ف هذا اللبس اللبس هو: " بنطلون جنز عليه اكسسوارات وبدي جنز بعد عليه اكسسوارات وعباة عليها شغل خفيف بالوردي وشنطه ديور ورديه " الريم ومريم بعد لبسو شرات بعض لبسوو"بنطلون جنز مع بدي فيه شغل ولبسو عباة بيج فيها شغل على الايد مع شنطة بنيه" وميثة لبست " تنورة عنابيه قصيرة فيها شغل وبنطلون جنز اسود وقميص فيه شغل وسلاسل سوده وعنابيه ومااكانت شاله شنطة" والكل راح يتلبس " طبعا لبسوو البنات شرات بعض وروضة راحت بيتهم .. الاولاد بعد لبسوو شرات بعض: كندورة كركمية وسفرة حمرة" بعد صلاة العشا الكل ظهر وتوزعوو على سيارتين رنج وهمر فـ الرنج: منصور+ فطامي+ حمدان + مريم + حميد + ميثه فـ الهمر: هند + حمد + ريم + حارب + سهيل + مهرة +راشد وراحوو صحارى عند روضة .. كانت يالسه ع لابها وترمس ربيعاتها عقب ملت فظهرت برع تتمشى وعقب شافت شيف ياي صوبها فهي كانت تمشي بسرعة لأنها بعدها مفتشله من الموقف الي صار وهو كان يبى يققول لها شي بس هي ماعطته فرصة وراحت داخل ف المووووول.. البنات كانو يتمشون والاولاد وراهم منصور: بنات البنات صدوو منصور: نحن بنروح ستار بكس.. تمشوو بس خذو بالكم البنات: اوك .. وراحو الشباب ستاربكس فطامي وهنوده ومهرة وميثة تمشو بروحهم ومريم وريم برحهم مريم وريم وهم يتمشن وقفو ولدين جداهم الولد1: انا اشوف القمر جداي مريم : لو سمحت شوي الولد1: تامرين امر بس اول شي خذي الرقم ومد ايده الريم تصاصر مريم: لفي سويلهم طاف .. ولفووو عنهم الولد1: صدق مضيعات المذهب امد ايدي وماياخذن الريم: محد مضيع المذهب غيرك مسود الويه الولد2: الشيخة نحن نرمسج بأدب مريم: خليناه لك والله ان لحقتنا لتشوف شي عمرك ماشفته الود1: هههههه شو بتسوين يعني بتظربيني مريم: اوك بتشوف.. وكانت ادور سكيروتي جريب منها وراحت قالت له انهم يلاحقونهم والشرطي خذهم الريم: مايون الا بالعين الحمرة مريم: خلاص طبيهم يلا ابا اروح باريس غاليري الريم: يلا.. وراحو باريس غاليري وعند شلة الانس البنات كانو يتمشون وعقب ميثة شافت اربيعتها ميثة: هنوده هنوده: هلا ميثة: هاذي اربيعتي حمدو بروح عندها هنوده: ميثو انتي ماتسمعين كم مرة قلت لج ان هاي حمدة راعية سوالف وشباب ميثة: لالا حمدوو ماعندها هالسوالف فطامي: ميثو نحن نعرفها والله سمعتها خايسه مهرة: صدقها فطامي ميثة: لالا انتو تالفون .. انا بروووح هنوده: برايج بس لاتغلقين فونج ميثة: اوي باي الشله: باي وراحت ميثة عند حمدة ويم حمدة شافت ميثة يايه صوبها سكرت الفون حمدة: مرحبا ملايين ولا يسدن فذمتيه ميثا: مرحبتين شحالج غناتي؟ حمدة: والله ترتووب ومن صوبج؟ ميثا: بخير حمدة: دوم يياربي يالله امشي بنتمشى ميثة: يلا وراحت ميثا وياحمدة يتمشون وعند الشباب كانو يتمشون شهيل + حمدان + حميد + حارب بروحهم حمد + راشد + منصور بروحهم سهيل شاف وحدة خطفت صوبه وكانت حلوووووة سهيل: هلا والله بالغرشووووب البنت طــــــــــــــأاف سهيل: ناس مسوين طاف ولا يردون البنت مب معبرتنه سهيل: خلاص الشيخة هذا الرقم ********** البنت صدت ع سهيل وعطته نظرة احتقار قويه حمدان: ويييييييييييييييييو قفطووووووك سهيل: خيبه تخيبها صواريخ مب عيون حميد: تستاهل محد قالك تغازل بنات الناس سهيل: امرة ماتشوف عمرك حميد: مب كثرك وبعدين انا من زمان مب مرمس انزين.. حمدان: هع هع عشان بعض الناس مايزعلون حارب ماعيبته الحركة : بس خلاص سكروو السالفة وعند الشــــــــله مهرة: افففف باجر مدرسه فطامي: وععععععع لوعة جبد هند: حظها روضة ماتروح شهر بترقد ع راحتها مهرة: هيه والله هند: انا يوعانه امشوو نرووح ماكدوونالز مهرة وفطامي: يلا.. ورااحووو ماكدونالز وعند حمدة وميثة كانو يتمشون ويسولفون ميثة: حمدو انا بروح حمدة: توة الناس ميثة: ماعليه باجر بشوفج انا الحين بروح عند قم هنوده حمدة: براحتج ميثة: يلا باي فديتج حمدة: باي ويوم راحت ميثة .. حمدة: احسن فكة ماخلتني آخذ راحتي افففف وكان في حد وراها ** : بووووووو حمدة يوم شافت الشخص قامت تتدلع : اوووه سعوود خوفتني سعيد ربيعها: سوري حياتي حمدة: عادي فديتك سعيد: حمدوتي حمدة: عيونها سعيد: اممم امنو هاي الي كنت تتمشين وياها؟؟ حمدة: ربيعتي ليش؟ سعيد: اممم عطيني رقمها حمدة واونها زعلانه : افا وانا ؟ سعيد يبا يلعب عليها: افا انتي قلبي وعمري وروحي بس جي خاطري اللعب عليها اصلا حمدة ماتحب ميثة بس مرابعتنها كمصلحة: خلاص تم وهذا رقمها ***********وعقب بعطيك ايميلها سعيد: وابا بعد اسمها الكامل وعنوانها حمدة: ليش؟؟! سعيد: عسب صدق اللعب عليها حمدة: خلاص فالك طيب سعيد: تسلمين غناتي حمدة بدلع : الله يسلمك^.^ سعيد: يلا انا بروح الحين لا تنسين تتصلين فيني اوك حمدة وهي تاشر على عيونها: من عيوني سعيد: تسلم عيوونج .. باي حمدة : باي كــــــــــــــــــــــــت شوو توقعون بيستوي امبين روضة وسيف؟ وشو بيستوي امبين سعيد وميثة ؟ وهل حمدة صدق بتخون ف ميثة وبتعطي سعيد رقمها وايميلها واسمها الكامل وو......الخ؟ لاتحرمووونا من ردووودكم^.^ |
يسلمووو عالبارت الطرر بس وايد قصير :( شوو توقعون بيستوي امبين روضة وسيف؟ امم اظن بيحبون بعض وشو بيستوي امبين سعيد وميثة ؟ امم سعيد بيلعب ع ميثة و ميثة بتحبه وهل حمدة صدق بتخون ف ميثة وبتعطي سعيد رقمها وايميلها واسمها الكامل وو......الخ؟ اممم اي ثنك سو بانتظار البارت الياي *.^ بس اتمنى يكون طوييل |
اقتباس:
تسلميين الشييخة عالمروور اممم وتقريييبا بعض توقعاتج صح :) |
البااارت روووعه وحليلها رواضي شو بيستوي فيها نتريا التكمله اتمنى انها تكون اطول |
ان شاءالله مشكوره يالغلا عالمرور الطيب |
بوو والله عجييبهـ القصه هع هع كنت اقراها بصصمت لوول بس اليوم قلت برد يعطيكم العافيه بـنات ع القصهـ شوو توقعون بيستوي امبين روضة وسيف؟ امم روضه بتحب سيف وسيف ايضاً < اهم شي وشو بيستوي امبين سعيد وميثة ؟ سعيـد بيحاول يلعب على ميثه وميثه بتحببهـ وواممم بعدين سعييد بييحب ميثهـ صج وبيتركـ حمده هع هع وهل حمدة صدق بتخون ف ميثة وبتعطي سعيد رقمها وايميلها واسمها الكامل وو......الخ؟ خخ اهي عطتهـ وخلصت لوول طانكس |
مشكوره اختي على القصه الحلوه ونتريا البارت اليديد بس دخيلج لا تطولين |
تسلموون عالمرور وانشا الله اليوم بنزل الباارت ^_* |
البارت (13) " ياخفيف القلب .. وين انتو؟ .. ياشفا قلبي من اعواقه.." عند البنات كانو رايحين يطلبون وكانت ميثة معاهم والريم ومريم بعد كانو رايحين يطلبون.. فطامي ومهرة وهند هم الي خذو الطلبات وراحو يطلبون وهند كانت آخر وحدة ويوم كانو يمشون داست هند عطرف عباتها وكانت يايه اطيح على ورى والي كان وراها انتبه انه بطيح عليه فزخها من خصرها مهرة وفطامي لفو وشافو الحركة وتمو يضحكوون اما هند فتمنت الارض تنشق وتبلعها على هذي الحركة.. هند: اسمحلي اخويه ماانتبهت الولد: مسموحة اختيه هند ترمس مهرة: ايه خلاص انا بروح عند ميثو انتو اطلبو مهرة: لا والله يلا يلا اوقفي هند: والله فشيلة كيف كنت بطيح مهرة: هع هع لا عادي عادي هند: شو عادي والله فشيلة مهرة: انزين روحي بس طرشي ميثو هند: اوك وراحت هند وخلت ميثو تروح .. وراحت ميثة وعقب يو الشباب وراحو طلبولهم عند روضة روضة كانت تشوف تلفزون ويت عندها امها: روضة فديتج نشي تعشي روضة كانت سرحانه ولا حتى كانت منتبه على امها ام راشد: ويدي شفيها؟ روضة فيدتج بلاج؟ روضة: ها لا لا ماشي ام راشد: شو ماشي انا ازقرج من الصبح وانتي ماتردين روضة: لا لا كنت مندمجه فالمسلسل وماسمعتج ام راشد: انزين يلا نشي تعشي روضة: انزين الحين يايه امراشد: لا يلا نشي بتكملين المسلسل ومابتين وراحت ام راشد ساعدت روضه وعطتها عكازاتها وراحت مع امها غرفة الطعام وانصدمت يوم شافت سيف وكانت رايحة تيلس آخر شي ام حارب: فديتج تعالي يلسي اهنه حذالي ليش يالسه بعيد بروحج روضة: ها لا عادي ام حارب: لا تعالي يلسي عندي روضة: انشاءالله عموو وراحت ويلست مجابل سيف وهي تتمنى الارض تنشق وتبلعها من القفطة يوم طاحت عليه..بعكس السيف الي شاق الحلج ههه روضة ماكانت تاكل بس تلعب فالصحن .. سيف كان ملاحظ عليها هالشي سيف: روضة ليش ماتاكلين؟ روضة: ها لالا آكل ام حارب: لا والله مالمستي شي روضة: لا كلت.. ونشت .. الحمدالله ام راشد: وين رايحه روضة: هــا شبعت بوراشد: يلسي روضة: ليش؟ بوراشد: انتي ماكلتي شي روضة: ماابي بوراشد: شو ماتبين يلا يلسي ويلست روضة وكلت وسيف يطالعا ويقول فخاطره"عذبتني هالبنت" وفـ المول عند البنات و الشباب اتعشو وخلصو راشد: يلا نشو الحين 10:30 باجر مدارس سهيل: اففففف انا بغيب باجر راشد: هب كيفك سهيل: لا وروضو تغيب شهر منصور: البنت مريضة هب شراتك حمد: يلا بس نشو والكل نش وخذ اغراضه الي شراها وراح السيارة .. وردو البيت واول ماوصلو الكل راح بيته والشواب كلهم كانو ف بيت بو راشد ودش حمدان وسهيل وراشد والريم:السلام عليكم الكل: وعليكم السلام روضة : جان مايتو سهيل يبى يغايضها: اففففف فاتج رواضي كششخة كانت السيرة بدونج هع هع روضة: سخيف مايضحك الكل ضحك عليها وعقب راحت الريم صوب روضة وعطتها اغراضها الي اشترولها البنات وهي بعد اشترتلها روضة: ثانكس ^_^ ريمو: ولكمووو روضة: ايه يلا يلا نشو باجر عندكم مدارس يلا سهيل نش سهيل: ولي روضة: بابا شوفه ولدك باجر عنده مدرسه بوراشد: هيه والله يلا نشوو ارقدوو الكل راح يرقد الا روضة الي تشوف تلفزون والشواب راحو بيوتهم وروضة رقدت على القنفة وراح بو راشد عندها: روضة فديتج نشي روضة: ها اليحن بروح فوق بوراشد: يلا فديتج وراحت روضة ترقد... والصبح الكل نش واتلبس وراح المدرسه والبنات كانو متفقين يلبسون الاكسسوارات الورديه الي اشتروها وكان شكلهم حلوو الشله: السلام عليكم الي فالصف : وعليكم السلام وراحو سلمو على ربعهم الي فالصف (حصة + شيخة + خولة + غايه) حصة: غريبة وين رواضي؟ هند: عندها شرخ فريلها ماتروم تمشي الكل: شووووووو هند: هيه حصة: كيف؟؟ وخبرتهم هند بالسالفة حصة: تستاهل الشيطانه موول ماتيلس مهرة: هع هع .. وراحوو واتمشوو الشلة مع ربيعتهم حصة وعقب دق الجرس وكان عليهم رياضيات وعاد هم مايحبون هالابلة يكرهونها مهرة: افففففف علينا رياضيات فطامي: نصبح فويها لا شكرا هند: هذاي يت حصة: يلا بسرعة عن تشوفنا وراحو الشله ويلسو عالدري وتمو يسولفون مهرة: ايه يلا اتاخرنا يلا نشوو فطامي: سيري يالزلمة حصة: صدقها مهرة والله اتاخرنا هند: انزين يلا نشوو .. ونشوو ورارحو الصف مهرة فتحت الباب المس: فين كنتو؟ هند يايه ترد بس ماتعرف شو تقول فطامي دشت عرض: عند النيرس المس: 4 بنات عند النيرس شو تسو اهناك مهرة: لا شوفي فطامي كان راسها يعورها حتى شوفي وين وراوتها جرح فطامي يوم انجلبت وهند بطنها يعورها وعقب انا وحصة وديناهم ووو بس المس صدقت : اها دي آخر مرة بسمحلكم تتأخرو فاهمين فطامي: هيه هيه فهمنا وراحو يلسو مكانهم .. كلهم عند الدرايش ( فطامي + هند .. مهرة + روضه .. حصة + غايه) المس تشرح وهم يسولفون وبعدين عصبت المس المس: تنيلي على روحك واسكوتي الله أي دى فطامي: شو شو جيه نحن بس الي نرمس شوفي حتى الباقيين يرمسون ماعندها غيرنا والله المس سكتت دوم تتقفط هع هع عقب عطتهم تمارين يحلونها ومهرة حلت وراحت تعطي المس .. المس صلحت لها عقب جان تقول: مهرة فين روضة مهرة: غايبه المس: ليه؟ مهرة:شي شرخ فريلها المس: ليه؟ شو صار؟ مهرة تخرط لان تعرف اذا قالت لها عراقيب مابتفهم مهرة: طاحت عالدري المس: ايوا ومتى حداوم؟ مهرة: لا ارتاحي تقريبا شهر مابداوم المس: ليه ارتاح دي روضة زي بنتي بالزبط مهرة فخاطرها : والله لو تسمعج روضة لتاكلج : هيه هيه صح وراحت وعند الاولاد كان عليهم عربي وكانو يلعوزون الاستاذ السوري الاستاذ: حميد هيا قف <<<<< دوم يرمس لغة عربية حميد: ليش الإشارة ولعت؟؟ الكل ضحك عالتعليق : هههههههههههههههه الاستاذ: سكووت قلت لك قف حميد: انشاءالله وقام وهو يسوي صوت بالكرسي من تحت الاستاذ: حميد اخرج حميد: والله خلاص فالك طيب على هذا الخشم وظهر الاستاذ عصب والشله بعدهم يلعوزونه الاستاذ: حمدان سيف حارب سعيد اخرجووو سعيد: تسلم من متى نبى نظهر سيف: اخييرا حمدان: مبرووك حارب: يلا شباب نحن بنظهر تامرونا بحايه؟ الاستاذ يصرخ : اطلعووو برع سعيد: اووه اول مرة ترمس سوري .. يلا شباب مع السلامه وظهروو الشله برع وهم يضحكون .. وراحو صوب الملعب ويلسوو سعيد: تصدقون انا احس انه حراام وايد قمنا نلعوزهم حمدان: تصدق انا بعد احس جه حارب: خيولوون سعيد: بس والله حرام يعني نحن آخر سنه لازم نسطلب وننتبه عسب نيب نسبه عدله حميد: صدقك حمدان: عيل قوومووو نعتذر حارب: لا لا بعدين هب الحين سعيد: نش نش مافينا بعد يشتكي حارب: صدقك والله ..ونشوو الشباب وراحو عند باب كلاسهم .. سيف دق الباب: استاذ ممكن شوي الاستاذ: نعم ماذا تريدون؟ سيف خاطر يضحك : لا لا بس تعال شوي الاستاذ: حاظر .. وراح عندهم سعيد: استاذ نحن آسفييين حمدان: هيه والله خلاص مابنعيدها الاستاذ: اكييد؟ سيف: اكيد وبتشووف.. الاستاذ: حسنا ادخلووا حميد: تسلم .. وراح كل واحد يلس مكانه عند روضة كانت من شوي ناشه وراحت تسبح وبعدين لبست بدله زرقا وايد حلوة ونزلت تتريق وراحت عند امها وابوها وعمها ذياب وسلمت عليهم ذياب: ها روضة اشوفج مب مداومة روضة: ماتشوف ريلي كيف اداوم ذياب: اها .. يحليلج ماترومين تظهرين روضة: عادي.. بعدين بتعوضوني كل اسبوع مرتين ذياب: خلاص فالج طيب روضة: فالك مايخيب .. تريقت؟. ذياب: لا توني ياي روضة: عيل تعال اتريق معاي ذياب: يلا نشي .. وراح هو وروضة يتريقون.. كــــــــــــــــــــــــــــت |
تسلمـــــــــــــــــين ع البـــارت الغااااوي عيـــل يلعوزون استاذ العـــربي خخخ |
يسلموو نتريا البارت |
ثااااااانكس على الباااارت حنطاويه _طررر نتريا التكمله :) |
تسلموون عالمرور ^_* |
تسلمين ع البارت |
الله يسلمج مشكوره عالمرور |
كككك ونأآصة اسأآذهم خخ يذكرني بـ / ابلة العربي يوم كاانت يااية عندناا احتيااط هعهع ترمص شرااته هههههه اونه لااع تتحركي من دون أذني خخخخخخخخ :p هيهي ويصلموو ع البأآرط ^^ ونتريأآ التكملة هع ي3 |
ثانكس ع القصه خويتي ^^ |
تسلمين اختيه ع المروور ^.^ |
يسلموو نترياا البارت اليديد |
الله يسلمج مشكوره عالمرور |
اقتباس:
الله يسلمك تسلم اخووويه عالمرور الطيب |
وينـ البارت |
تسلم اخوويه ع المروور وان شاءالله احلاهم واتحداهم بتنزل البارت يوم السبت^.^ |
طرررررررر البااااااارت يسلمووووووو بانتظار الياي *.^ |
تسلمين اختيه ع المرووور^.^ |
..السلام عليكم .. أسمحولنا ع التأخير الباارت (14) حبيبي كــان ماتدري تــرى حــبك بدى يــسري فدمي وانت ياعمري سكنت بدخل الشرياااان فالجامعة مريم +الريم + سلامة + مها يالسات فالكفتريا اللي فالجامعة طبعا وعقب فترة شافن واحد ياي صوبهن >>> على فكرة هم فالجامعة الأمريكية يعني مختلط الولد : لو سمحتي مريم ممكن شوي ؟؟ مريم تتطالع ربعها مستغربة : خير اخوي بغييت شي ؟ الولد : بس خمس دقايق لو سمحتي ! الريم : روحي شوفي شو يبي بس لاتبطين مريم : اووك نشت مريم والولد كــان حذالها يمشى بس طبعا كانت من بينهم مسافة مريم : خير اخوي بغيت شي ؟ الولد : بصراحة انا اسمي سلطان وعمري 21 سنة وادرس فنفس التخصص اللي انتي تدرسينه وانا من اول ماشفتج عيبتيني واايد وانا مب من شباب هاليوم على اساس اني ارمسج عالفون لا انا ياي آخذ رايج على اسا إذا خطبتج بتوافقين ولا لاء وإذا وافقتي بطرش هلي صوبكم عسب يخطبونج رسمي وإذا ماوافقتي فهذا الشي مــن حقج لأنج مب مجبوورة على هالشي وانا بعطيج فـرصة ومتى ما قررتي قولي لي وانا اترياج وعطاها رقمه وراح ومريم بعدها واقفة منصدمة ماكانت تعرف شو تسوي شو تقول إلا انها راحت صوب ربعها الريم : ها مريامي شو كان يبا هذا ؟؟ مريم : ها لا كان يباني اشرح له جزئية سلامة :اكييد ؟؟ مريم : هيه هيه اكييد وخلص الدوام والكل رجع لبيته, هند وحارب وميثه وأول ما دشو البيت فرو شنطهم وحارب ففر الكتب لأنه فاشل شنطه, أم حارب: ويدي ليش فريتو كتبكم الكل مع بعض: ملينا ميثه وهند بطالعون بعض وركيض يدوروون خشب إلا حارب اللي يلس على اول غنفة وشكله وميثة دقت الخشب قبل هند : ويوو دقييت قبلج هند : سيري سيري أصلا هذا مب خشب ميثة : عيل شو زجاج ؟ هند : لا بس هذا مب خشب حارب : جذاابة هاي تقص عليج اونة مب خشب هند : هيه هيه مب خشب صح بابا ؟!؟ بو حارب : لا هذا خشب مييثة : ويييييييو قفطووج هند : جب جب اماية انا مابي غداعقب يوم بنش باكل حارب : حتى انا ميثة : احسسن روحو حارب : لازم ماتستغنى عن الأكل هند : خخخخخ إذا ما كلت بتمووت مييثة : باباتي شوفهم يعلقوون علي بو حــارب : مايخصكم فبنتي بالعافية علييها حارب يسوي لميثو مالت وراح فووق ولحقته هند وراحو غرفهم اما الباقي فراحو يتغدوون فبييت مهرة وبالتحديد فغرفة منصور مريم دقت الباب على اخوها منصوور : منوو ؟؟! مريم : انا مريامي ^.^ منصوور : حياج مريامي : شحالك ؟ منصور : تمام انتي شحالج ؟ مريامي : الحمد الله وعقب سكتت منصوور : مريامي فيج شيي ؟ مريامي : ا ا الصرااحة ابا اقولك شيي بس مب تحرج علي منصوور : مريامي بلاج قولي مابحرج علييج وقالت له مريم السالفة ( سالفة سلطان يوم زقرها ) منصور : وانتي شو رايج ؟؟ مريامي : منصوور بلاك انا ماعرفه منصور وهو يضحك : انزين انزين انا باجر بروح وبسأل عنه مريامي : اوك خلاص انا بظهر تامرني بشي منصور : لا خلاص مشكورة مريامي : الله يسلمك باي وظهرت يوم الجمعة فبيت مهرة عقب صلاة اليمعة الكل متيمع ويالسيين يسوولفون ام منصور : يلا الغدى جاهز الكل : يلا وراحو يتغدون وعقب ماخلصو غدا راحو وردو الصالة والبنات يلسو والأولاد مجابلينهم واهنه رن مبايل ميثة ارتبكت وظهرت برع وعقب خمس دقايق ظهر سهيل وراها **** : مرحبا ميثة مرحبتين **** : شحالج غناتي ميثة : لو سمحت انا هب غناتك انت منو بغييت منو ؟ **** : ميثو افا غناتي ماعرفتيني ؟ مييثة : افف رد وقال غناتي لا ماعرفتك ولا ابي اعرفك **** : حرام علييج حسي فيني ميثة : بتقوول انت منو ولا ارقع الفوون فويهك ! **** : افا يامييثة واهنه مييثة انصدمت ميثة: كييف عرفت اسمي ؟ **** : انا حبيبج كيف ماعرف اسمج ؟ ميثة : حبك برص إن شالله انت منو وتمت تصرخ عليه لأنها كانت صدق معصبة ميثة انت شو تبي مني ؟ وفجأة قال سهييل : ترمسيين منو ؟ ميثة من الخوف بندت الخط سهيل : ارمسج انا ترمسيين منو ؟ ميثة : انت مالك خص سهيل : إذا ماقلتي بخبر ابووج والكل بعد مييثة : لا دخيلك بخبرك بس لاتقول حق حد سهيل : انزين مابخبر حد بس قولي وقالت ميثة السالفة حق سهيل سهيل : مييثة انتي متاكدة ماتعرفيينه ؟ ميثة : وراس امي وابوي ماعرفه سهيل : هو من متى كان يتصل بج ؟ ميثة : من اسبوعين تقريبا . سهيل : وانتي كنتي تردين عليه ؟ ميثة وهي شوي وتصيح : مرة وحدة بس سهيل : وليش ماقلتي حق حد ؟ ميثة : اخاف والله سهيل : وتخلينه يلعوزج ويلعب بأعصابج ؟ ميثة : انت تدري كيف ابوي عصبي وحارب اخاف اقول له انا قلت يوم يومين بس بيتصل هو فاليوم يمكن اربع او ثلا مرات سهيل : انزين عطيني رقمه ميثة : اوك وعطته الرقم سهيل : خلاص لا تخبرين حد وانا بتصرف ميثة : انزين ، مشكوور سهيل وماتقصر سهيل ابتسم ابتسامة خلى مييثة تذووب : العفو بس مــرة ثانية لاتردين على ارقام غريبة ميثة : إن شالله يلا انا بروح باي سهيل : باي وراحت ميثة وسهيل كان يطالعها بإعجاب كانه اول مـرة يشوفها اما ميثة فكانت صدق فرحانة اول مرة سهيل يرمسها بهالطريقة دوم يقفطها او مايسويلها سالفة إلا هالمرة وسهيل اتصل باللي كان يلعوز ميثة سهيل : ألو ****: ألو مـرحبا سهييل : مــرحبتين الشيخ شحالك ؟ ****: يسرك الحال ومن صوبك ؟ سهيل : بخيير دامك بخيير منو الريال ؟ **** : انت اللي متصل انت منو سهيل : سهيل الرميثي **** حس ان ميثة فالسالفة : والنعم والله وياك سعييد سهيل : الله ينعم بحالك ، اخوي سهييل بغيت اتخبرك انت تعرف صاحب هالرقم وعطاه الرقم سعيد : ها لا لا انا ماعرفه سهيل : متأكد ؟ سعيد : هيه متأكد سهيل : سبحان الله ماعرف عيل منو يتصل على هالرقم ويلعوز بنات الناس سعيد : انا شخصني ؟ سهيل : لا موول انت ماسويت شي إلا انك تتصل على ميثة وتلعوزها صح ولا انا غلطان ؟ سعيد وهو مرتبك : منو هاي ميثة انا ماعرفها !؟ سهيل : لا عيل انا جذاب ، عيل منو من شوي متصل فميثة وقال لها انا اعرف اسمج ووين ساكنة منو ليكون انا ؟ سعيد : انا مااتصلت هيه اتصلت سهيل : صدق والله ، اسمع انت نحن بناتنا مايرمسون شباب وثمن رمستك قبل لاتنطق بها والله ان شفتك تتصل مرة ثانية بتشوف شي ماشفته سعيد : انزين خلاص خلاص اسمحلي سهيل: مسموح ، بس منو اللي عطاك الرقم ؟ سعيد : وحدة سهيل : منو هاي ؟؟ سعييد : اممم هاذي ربعتها سهيل : متفاجأ ربيعتها ، شو اسمها ؟ سعيد : اسمحلي اكثر من جي مااقدر اقول لك سهيل : انت طبعا ماترضى خواتك يرابعون بنات خايسات ويرمسن شباب حتى نحــن مانرضى سعيد : اسمها حمدة وخلاص بعد لا تسألني شي ثاني سهيل : انزين عالعمووم يا سعيد أنا قلت لك خلاص لا تتصل على رقم ميثة ولا بتشوف شي عمرك ماشفته اوك يلا مع السلامة وسكر عنه وهو مستغرب كيف وحدة تعطي واحد رقم ربيعتها ؟!؟ وعقب دش داخل عندهم وطرش عقب حق ميثة مسج وقال لها على فكرة ميثة انا رمست الريال وهو اسمه سعييد واللي عطاه الرقم ربيعتج اسمها حمدة وانا مااقول لج عشان تروحين وتظاربين معاها ابتعدي عنها واتعرفي على بنات احسن عنها .. ميثة انصدمت مــن اللي تقراه وكانت مقهوورة منها وقررت تسوي مثل ماقال لها سهيل انها مابترمسها ... وايد رمسنا عن سهيل وميثة خلونا نروح عند الباقين روضة : آه واخيرا بشل الجبس وبمشي فطامي : عالأقل انتي بتشلينه ومافيه اثر انا شوهتي راسي ذياب : يزاكن واقل من يزاكن بعد انتو أولاد تصعدون عالعراقيب ؟! فطامي : انا مالي خص هاي روضة اللي تسوق سيف : ايه عن الخرط انتي ماركبتي معاها فطامي : بس منو ساق ؟ روضة : انا بس انتي بعد مشتركة فالجريمة هع هع اليدة : ياربي منكم انتو مابتسكتون بس خلاص . روضة : خلاص فالج طيب على هذا الخشم كم عيوز عندنا ؟؟ اليدة : شو شو عيدي روضة : سلامتج ماقلت شي اليدة : هيه تحريت بعد والكل ضحك وعقب صلاة المغرب راحت روضة مع راشد المستشفى وشلت الجبس وكانت تحس عمرها اول مرة تمشي .. كــــــــــــــــــــــــــــــــــــــــــــــــت شــو رايكم بالبارت ؟؟ وشو تعتقدون بيستوي بين سهيل وميثة ؟؟ واتريا ردودكم :) |
سوو نايس {a7m} وحليلها مريوووووووووووم وميثه الحمدالله انحلت مشكلته و أنا اتحسبتها اتكلمه و اتعرفه من ورا هلها:a045: ..((أول ما تكلمت)) >>خخ! ظلمتها هع ! :ast7eee: ويسلمو عالبارت و بليييز لا تبطون عاد نبى التكمله :):66: |
تسلمينـ حبوبهـ ع البارتـ الصرااحهـ رووعهـ ونترياالبارتـ اليايـ^^ |
تسلمون عالمرور ^^ |
THANKS ALOT 3LA EL STORY |
تسلموون على القصه الحلوه ولا تتأخرون بلباقي |
تسلموون عالمرور وانشا الله باجر بنزل الباارت ^_* |
يااااااااي كشخة يسلموو عالباارت بانتظار البارت اليااي *.^ |
الله يسلمج مشكوره عالمرور الطيب |
لاااااااااااااااااااااااااااااااااااااااااااااااا نسيت انه للازم بااجر اتنزلون و أنا أتريا و مهلكه عمري لا ليش :(:(:( اهئ اهئ اهئ يلا بباااااااااااايز صي يؤ يؤ يؤ طمورو ..>>لول |
يسلــــــــــــــــــــــــمو ع القصهـ......................... |
| الساعة الآن 12:42 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir