|
خيــتو نتريا باــارت اليـــوم ؟؟ |
اقتباس:
تسلمين غلايهـ ع التوقعــآآت والمرووور الغــآآوي .. كلجـ ذوووقـ .. منورهـ الشيخهـ .. |
اقتباس:
وانشاءاللهـ .. الحين بينزل البــآآرت .. |
اقتباس:
انشاءاللهـ الحين بينزل .. |
يا الله أختي من ساعة فاتح ع الصفحة وبعدج مانزلتيه |
مــرحب الســآآع .. تسلموووون ع الردووود الغــآآويهـ .. البارت الـ 14 .. )( .. مصيبة والله مصيبة حبيب يهجر حبيبة من بعد شوق ومحبة غريبة والله غريبة عجيبة والله عجيبة يادنيا يكفي عذابي ترى اني باول شبابي الهم زاد وشرابي وجروح قلبي رهيبة مصيبة والله مصيبة شوفوا الزمن كيف قاسي مخلي راسه براسي حملني ضيم ومأسي والراح مني وين اجيبه مصيبة والله مصيبة ومن بعد ما كنت روحه روح وهالروحه روحه شوقـي جالس بروحه راضي بحظه ونصيبة مصيبة والله مصيبة ..)( محمد همس: وغيره حشى مازانلــي احبج شوق انصدمت .. حست بالدم يسري ف شرايينهاا . . تمنت الارض تنشق الحين وتبلعهاا .. زاغت انها تصد وتنصدم اكثر فتمت متيبسه ف مكانها .. محمد زااغ وشك انها رووحت او استوابها شي .. صدها صووبه وابتسم .. شوق: مـ ... محمد محمد: عيوونه وقلبه وروحه آمري شوق دزته وربعت خااري محمد: ههههه .. طرش لها مسج(اشعنه روحتي كنت ابى اشووفج) شوق حدرت غرفتها وقفلت عليها الباب وهي زاايغه .. ربعت جدى فونها من سمعت رنه المسج .. قرت المسج وطرشتله (لا والله .. اشعنه ماخبرتني انك بتبات ف بيتنا) محمد(امنو خبرج اني ببات .. انا ياي آخذ شي ومرووح) شوق(وشو هو هالشي) محمد(اشيااء خااصه يلا سيري ارقدي .. تصبحين على خيير) شوق(لا لا خبرني ابى اعرف .. وانت من اهله .. بس خبرني) محمد(مابخبرج يلا ارقدي) شوق: افففففففففف يقهر ف بيت بوعلي .. عزوز منسدح ع الشبريه وهو يفكر بـ ساره (مستحيل تكوون مخطووبه.. عيل اشعنه خبرتني .. اخاف تكون مخطووبه وترووح منيه) قطع تفكيره صوت الباب وحدر احمد احمد: راقد!! عزووز: لا حيااك احمد: بشوو يالس تفكر عزووز: اخطب احمد: لا والله اصبر بوويه لين ماانا اخطب عزووز: هههههااي من باجر برمس الوالده احمد: استح وخيل انا الي اكبر عنك ماخطبت عزووز: ياخي انت كيفك احمد: هههههههههه اشعنه غيريت رايك بسررعه ؟؟ عزووز تنهد: تقووول انخطبت احمد: حلف!! عزووز: مدري هي خبرتني احمد: ههههه وانت صدقت عزوز: واشعنه ماصدق احمد: صدقني تبى تغايضك عسب تودر سوالفك البطااله .. وانت متى بتودر سوالف؟؟؟ عزووز: يوم بيبيض الدييج احمد وعزووز: ههههههههههههههههههههههه بالباجر .. ف بيت اليد(سلطان) اليد(سلطان): عيل افتكينا من علي وباجي الشباب الخمس يلا شدوو الهمه الكل: ههههه عبدالله: ياحظه علوو الحين هو مسافر شهر العسل ونحن ميلسيين هنه احمد: لازم هذآ حظناا اليده(سلامه): جيه بويه مب عايبنك حظك احمد: هيهيهيهيهي ميرة: افا عليك بوحسن انا بدورلك وحده هع احمد: فديت ختيه ميرة: مصللحه اليد(سلطان): شو رايكم نسويلكم عرس جمااعي الشباب: هيه هيه الكل: ههههههههه اليد(سلطان): ماصدقوووو عزووز: والله فكره حلوه دخييلك ابوويه دخييلك اليد(سلطان): اممم خلووني افكر الشباب: دخيييييلك اليد(سلطان): موافق ههههههههه ام سيف: هههه ها سيف امنو ناوي تخطب سيف ف خاطر(ما فتتحوو الى فيني انا) : احم .. انا ابى وحده تشبه سااروه بيبي فيس ساره: احم احم ام سيف صدت جدى مها: زين ماخترت فديتك مها قفطت .... ام علي: عزووز واعرف امنو يبى .. بس احمد احمد مستانس: ابى اختهااا ام علي: هههههه ام محمد: وانا ابى شوق حق ولديه محمد شوق ويها تلون خخخ وقفطت بوسعيد: لا بويه بنتيه مابيوزها محمد: افا بس افا بوسعيد: ههههه عبدالله يهمس : ابوويه وانا ابى ميروو حليلتي بوسعيد: ههههه شبلاك مستحي اليد(سلطان): ها شبلاه بوحميد بوسعيد: يبى يناسب بوعلي ميرة استحت ووخت براسها اليده(سلامه): ككلووووللليييش ام محمد: يلا عيل باجر الخطبه وبعدها يصير خير الشباب: عااشوووووووووووو يابس يابس .. ونشوو يبسوون خخ جريب العشى .. كلن رد بيته .. ف بيت بو سيف .. سيف: امايه يعني صدق باجر بتكون خطبة جماعيه؟؟ ام سيف: ههههههههه هيه صدق عليا: هههههههه من زوود الونااسه مب مصدق سيف: خخخخ ام سيف: واخيرآآ بتعرس سيف: اشعنه تبين الفكه ام سيف: لا فديتك وانا اقدر ساره وعليا : نحن نغاااار بوسيف: فديت بناااتي والله الكل: ههههههههههه برع البلاد .. عند العرساان .. علي: حبيبي هند استحت: لبيه علي: لبيتي حايه اقربي حذايه هنوده: اهنه مرتااحه علي: انزيين ماباكلج هع هند: ههه اوكيه .. (ويلست قريب منه) علي: اشعنه تعبتي عمرج هند: هههههه علي سار ويلس حذاهاا وزخ ايدها وحطها ع قلبه : انتي اهنه مكاانج هند استحت ووخت براسها وشلت ايدها علي: ياارب صبررني .. انا يالس اعبرلج عن حبي وانتي تخربين كل شي هند: هههههه الايام يايه .. وربعت جدى الغرفه علي: ههههه .. وربع وراها ف البلاد .. ف بيت بومحمد .. ام محمد: محمد ظك عني محمد: مابى .. متى بنسير نخطبها؟؟ ام محمد: باجر باجر يلا ظك محمد: احلفي .. انا هب مصدق؟؟ ام محمد: مسود الويه مضيع المذهب .. ظك عني مالت عليك من ولد محمد: هههه (وباسها ع راسها) اما يه سوري والله سوري ام محمد طااااف .. محمد: امايه حرام عليج لا تعذبيني ام محمد: فديتك والله شبلاك ؟؟ شي يعورك؟؟ محمد: قلبي يعورني(وغمزلها) ام محمد: هههه انا الحين بسيرلها وبهزبها محمد: صدق!! يلا الحين سيري وانا فيااج ام محمد: ماتصدق .. وان مها حادره .. مها: زخييتكم شو تسوون؟؟ محمد: وانتي شلج رازه بفيسج مها: امايه شوفي ولدج ام محمد: محـــــــــــمد محمد: آسف (ووخه براسه) مها: ههههههههههههههه محمد: جب مها: خخخخ .. امايه فطووم وريلها خااري ام محمد: فديت بنتيه تولهت علها .. وظهرت .. حدرت الصاله ومها ومحمد فياها ام محمد: السلام عليكم فاطمه وسالم: وعليكم السلام والرحمه سلطان ومريم: يدوووووووووه محمد: مرحبا السااع بـ بو سلطان سالم: هلا بوجسييم اشحالك؟؟ محمد: يسرك الحال اشحالج فطووم؟؟ فاطمه: بخير ربي يعافيك شو المعنوياات ؟؟ محمد: عال العاال مها: لازم دامك بتخطب حبيبة القلب الكل: ههههههههههه محمد: احم .. لازم تحرجووني سالم: مبرووك مقدماآآ محمد: الله يبارك ف حياتك عقبالك (وغمزله) سالم: هههههههههه فاطمه: لا والله ومستانس وتضحك بعد !! .. سلووم لايكوون ناوي تعرس عليه ومن ورايه يااوييلك سالم: فطووم حبيبي وانا اقدر .. والله يعلي الموت جان فكرت اعرس عليج فاطمه: بسم الله عليك فديتك محمد: عاااشووو سالم: انت اسكت مدمر البيووت الكل: هههههههههههههه .. وان ام محمد حادره ام محمد: حيااكم العشى زااهب بالباجر .. الكل كان مرتبش وحاله ..يتزهبوون حق الخطبه الجماعيه وبتكوون ف بيت اليد .. ف بيت بوعلي .. عزوز: امايه شكلي زين .. شورايج أي كندورة احلى الكركميه ولا السوده ؟؟ أي وحده اللبس اماايه احمد: وانا أي وحده احلى هالسفره ولا الثاانيه ؟؟ ام علي: ظكووو عني حشى!! طفرتوبي مب خطبه ماصاارت عزوز واحمد: هههههههه بوعلي: ماعليه معاريس استحميلهم ميرة: هههههههه جيه هم اول اثنين يعرسوون احمد وعزوز: ميييييييييرووه ميرة: هههههههه ع العشى الكل تيمع ف بيت اليد .. الحريم يلسن ع صوب والريايل والشباب ع صوب والبنات ف الغرفة.. مها: والله اني زايغه عليا: وانا اكثر ياويلي ميرة: من تي امايه يتخبرني مابوافق شوق: اشعنه؟؟ ميرة: والله اني زايغه ساره: شو رايكن مانعرس الكل: لاااااا ساره: حشى ميتات ع الريل الكل: هههههههههههههههه ف الصاله .. الكل كان ساكت .. والحريم من صوب محتشرات .. اليد(سلطان): شكلكم بتبطوون واايد .. عيل انا اسير ارقد وايد احسن الشباب: لا دخييلك اليد(سلطان): عيل انطقوو ع الاقل اهمسوو الكل: هههههه بوسعيد: ههههه.. يابوعلي انا اليوم ياي وابى اناسبك بوعلي: هاي الساعه المباركه وعبدالله ولدنا ومابنلقى احسن عنه عبدالله: ادري ادري هههه بوسعيد: استح وخيل مسود الويه فضحتناا عبدالله قفط والشباب فطسوو من الضحك عليه: ههههههههههه بوعلي: هههههه .. نحن بنشاور البنت وبنرد لك خبر اليد(سلطان): والبنت مالها راي من عقب راي ابوها بوسعيد: برايه عمي لازم نعرف رايها .. وسارت ام علي تتخبر بنتها وردت بالموافقه.. عبدالله: واخيرآآ الكل: مبرووك عبدالله: الله يبارك ف حياتكم ومتى الملجه؟؟ بوعلي: عين خير شبلاك مستعيل احمد: ماصدق حشى سعيد: ظاهر ع اخووه هههه الكل: ف هذا صدقت ههههههه .. بعد ماتمت الخطبه ع خير واتفقوا ع كل شي (الملجه بتكون الاسبوع الياي يعني يوم الاحد ) والبنات من اليوم قامن يتزهبن فيا فاطمه وروضة .. وهن من سوق لـ سوق ومن مول لـ مول يوم السبت قبل الملجه بـ يوم .. البنات كانن يتمشن ف الماريناا شوق: عليوو انا بسير هالمحل تعالي فياي عليا: امممم .. سوري بخاويج من اخلص شوق: اووكيه عيل لاتبطين عليا: انشاءاللهـ .. وظهرت شوق من المحل وهي تتمشى خطف حذاها واحد ودعمها بالغلط.. شوق وخت براسها .. ×××: السمووحه الشيخه ماريتج؟؟ شوق رفعت راسها: بالـ ......... ×××: شوق!! شوق: أ,,أ,, هلا راشد راشد: واخيرآآ ريتج !! شوق: .......... ,, وخطفته وسارت المحل بس راشد ماهدها ف حالها لحقها وتم يلعوزبها .. شوق طفرت: راشد لو سمحت ممكن تهدني ف حالي راشد: انزين انا احبج شوق ابتسمت: مشكوور وماتقصر والحين ممكن تفج عنيه راشد زخها ويرها صوب الطاولات .. (محمد كان ياي فيا ربعه المارينا ..وكانو يالسين مجابل طاولة راشد .. يعني شوق مجابلة راشد و ورى راشد ربيع محمد ومحمد كان مجابلنه ..) راشد: اووكيه .. ممكن نتفاهم شوق سحبت ايدها وعصبت: هاي آخر مره تلمسني فيها تفهم!! وبعدين مافي شي امبينا عسب نتفاهم عليه؟؟ راشد: شوق اسمعيني شوق نشت: مابى اسمعك ..ماتفهم خلاص هدني انا باجر ملجتي تعرف شو يعني ملجتي ولا !! راشد: صخي فضحتييناا شوق ابتسمت: زين بعد تعرف شو يعني الفضيحه!! راشد: شوق حبيبي اسمعيني شوق يايه بترد عليه وماحست الا بـ ايد تيرها .. صدت ورى وانصدمت بـ محمد.. مارامت تتكلم حست انها تشللت وخانتها دموعها وحدرن ع خدها .. محمد مفوول من الخاطر: شو كنتي يالسه تسوين فيااه ؟؟ شوق: .......... تصيح محمد حركها: ردي علي شوق: .............. محمد: ماعليه انا براويج .. وسار عند راشد وزخه من رقبته وعطاه بكس ع خشمه ورفسه رفسه حس انه مصارين راشد بتظهر وطاح راشد ع الطاولة مبارك ربيع محمد: محمد هيد شبلاك ع الرياال؟؟ محمد: مباارك هدني عليه هالحقير انا براويك ... وعفد عليه وتموو يظاربون لين مايوو السكيرتي وبعدووهم عن بعض والمكان كان ممزور دم وكناديرهم مطرطره والي نعووله ف صوب والي سفرته ف صوب .. محمد: والله ياراشد ان ماابتعدت عن شووق ماتلوم الا نفسك تفهم والله لجتلك .. وتفل عليه وسار شل شووق وظهروو من الموول بكبره .. عند البنات .. روضة: ماترد عليه ..فونها مغلق فاطمه: لايكون صابها شي؟؟ عليا تصيح: كله منيه انا .. قالتلي تعالي فياي بس مارضييت اهىء ساره تهديها: عليوو بس خلاص لا تصيحين مها: انشاءالله مافيها شي ميرة: انا بتصلبها يمكن ترد عليه .. وتم يرن ويرن ويرن .............. وردت ميرة: شوووقوو حبيبتي انتي وينج؟؟ شوق: انا سرت البيت ميرة: اشعنه؟؟ وفيا امنو سرتي؟؟ شوق: اتصلت ف الدريول وخطف عليه عليا شلت الفون منها: شوقوو وينج اشعنه سرتي؟؟ اهىء شوق: عليوو فديتج ......... وصااحت عليا: شوق حبيبتي شو فيج ؟؟ شوق: تعبت شويه ورديت البيت عليا بشك: اكيد شوقوو شوق: هيه هيه .. يلا انا وصلت البيت بخلييج عليا: اووكيه بااي روضة: ها وينها؟؟ عليا: تقوول تعبت وسارت البيت مها: اففف زيغتناا عليا بشك: احس فيها شي؟؟ ساره: بلاج تفاولين ع البنت يمكن تعبت وسارت البيت فاطمه: عيل يلا شلن غريضاتكن وخلونا نسيير مها: انزيين يمكن ماتشرتلها شي روضة: عيل بنخطف ع كمن محل وبنتشرالها وبنظهر البنات: اووكيه عند محمد وشوق ف المووتر .. شوق كانت تصيح ومحمد ساكت .. وفجأه وقف ع ينب .. محمد: شو كنتي تسوين فياه ؟؟ شوق: مـ...ماشي محمد بدى يعصب: لا والله ... مدري امنو كان يالس ويوزع ابتسامات شوق: انا مايلست فياه ولا ابتسمت محمد عصب: شووووق شوق فلخت وصدت الصوب الثاني .. صخت .. ومحمد بدوره صخ مرت ربع ساعه من الصمت .. محمد: شوق .. انا خلاص عـ...... شوق صدت جداه وانصدمت من رمسته: محمد انا ماسويت شي والله .. هو الي زخني ويرني صدقني(وصاحت) والله مالي ذنب هو الي كان يربع ورايه حتى اني كنت اصده ولا ارمسه وهو يعق عليه نغزات ويسويلي حركات وانا كنت اصده .. محمد حراام عليك محمد: انا مقدر اعيش فيا وحده انا دووم اشكبها .. شوق من الصدمه انربط اللسانها .. حست بسجاجين تطعن قلبها .. حست انها بتموت .. يلست تتنفس بسرعه وزاد صياحها لدرجه انها ماسمعت محمد يوم كان يرمسها .. صدت الصوب الثاني شوق: لاتحــاسبني على جرحــن نــزف .. انت ســاس الجــرح يالخل العنيد .. لا تلــوم القلــب لا مـنه وقـــــف .. من سببــك الــهم كــل مـاله يـزيد .. اسمك الباقي على سطري انحذف .. وامتحـــا حبـــن تمـــكن بالـــوريد .. زالــت الاثـــار والباقــــي اســـف .. والامل اللـــي كان غـادر من جديد .. بانـــت الاوهــام والمخفـي انكشف .. سوء حظـــي حتى من الفرقى أكيد .. في طــرف قلبي والحب في طرف .. هذا حـــال اللــــي يخاويلــــه عنيد .. ليتني حبيت راشد ولا حبيتك .. حدرت من الموتر ودموعها شلال ع خدها واتصل بدريولهم عسب يخطف عليها .. محمد انصدم من رمستها وحركتها (يعني خلاص شوق ماتباني .. اشعنه!! اشعنه بتودرني عسب رااشد!! .. راشد النذل .. والله ماتاخذه لو ع جثتي ) حدر محمد من الموتر وربع صوبها .. شوق كانت واقفة ع ينب تتريا دريولهم (اشعنه قلت جذه اهىء كله منه هو نرفزني اففف .. آآه ياراشد كله منك هدمت حياتي من وين ظهرتلي؟؟ ) ويلست تصيح وماحست الا بـ ايد تيرها جدى الموتر .. شوق: هدني لاتلمسني هدني (وصاحت) محمد:شوق ضخي وامشي شوق: انت واحد جاسي ماعندك قلب ماتحس اناني .. بس تفكر بعمرك ماتفكر بالي يحبونك والي يحاتونك.. من ريتني فياه عصبت وهزبتني وانا مالي ذنب وصخيت وظهرتني انا الغلطانه وانا مالي ذنب .. ركبتني فياك غصب ويلست تهزبني وماحاولت انك تسالني اشعنه كنت فياه او شو الي استوى امبينا .. كل شي تفسره ع كيفك..ولا يهمك شي(مسحت دموعها)انا انسانه عندي مشاعر ..عندي قلب احسبه هب شراتك بس تعصب وتضارب ..دام انك مب رايم تعيش فيا وحده مب واثق فيها خلااص عيل(سحبت ايدها منه وحاولت تعق الدبله بس محمد ماخلاها وسحب ايدها وباسها)شوق ماقدرت تستحمل ويلست تصيح .. وفجأة تذكرت كلامه وسحبت ايدها ودزته جنها متجززه منه وكملت دربها .. وصل الدريول وركبت الموتر وساارت .. محمد انصدم من حركتها وهو الثاني شل بعمره وركب موتره وشخطه .. طرشلها مسج(ماهو بسهل الفواد ينساك ماهو بسهل الفراق ياخل .. والله احبك حب واهواك وحبك غزى الفواد واحتل .. ماتخيل الدنيا بليااك انت الغلا والكل فـ الكل ..) شوق من قرت المسج وسمعت الشله زاد صياحها .. ( للاستماع : http://www.ma7room.org/up/images/uog...c1s50rdbje.mp3 ) وصلت البيت وربعت جدى غرفتها ومن حطت راسها رقدت .. ونشت ع المغرب .. حست بثجل مارامت توقف انسدحت 5 دقايق ونشت فصخت عباتها وحدرت الحمام(تكرمون) خذت لها شور وصلت .. من زخت فونها تذكرت الي استوابها واتصلت ف مهايه .. مها: هلا والله بمرت اخوويه شوق بحزن: اهليين اشحالج ؟؟ مها: افا شبلاه صوتج؟؟ ..انا تمام وانتي؟؟ شوق: تعباانه شوي مها: كل هذا بسبة محمد شوق زاغت: مــ...محمد اشعنه ؟؟ مها: يعني عسب هالكمن يوم ماريتيه انجلب حالج ؟؟ شوق ارتاحت: هههههه ماعندج سالفه مها: اويه محمد شبلاك غادي جذه؟؟ شوق زاغت: بلاه محمد؟؟ مها: شووقوو اللحقي محمد شوق شوي وبتصيح: مهووو شبلاااه ؟؟ كـــــــــــــــــــــــــــــــــــــــــــــــــ ــــــــــــــت .. اممممممممممم .. ظنكم بلاه محمد؟! ومحمد وشوق شو مصيرهم ؟! وشو بيستوي ف الملجه؟! وشو رايكم ف البارت؟! |
اقتباس:
نزلت البــآآرت .. والسمووحهـ منكمـ .. ع التـأخيــر .. |
ظنكم بلاه محمد؟! اممم يمكن من الدم اللي في كندورته .. و انتي اخبر .. ومحمد وشوق شو مصيرهم ؟! ان اشاءالله ما بيصير شي امبينهم و يردون مثل قبل .. وشو بيستوي ف الملجه؟! اممم ما ادري .. وشو رايكم ف البارت؟! عجـــــــــــــــــــــــــيب تسلم ايدــج خيـــتو .. بنتظار التكملهــ .. و لا هنتي . . |
ظنكم بلاه محمد؟! من الدم الي على ثياابه ومحمد وشوق شو مصيرهم ؟! بيزويوااا اطمنوااااااااااا ههع >>>>>>إلي يشوفني جني أنا الكااااااااتب وشو بيستوي ف الملجه؟! بتمشي الأموووور على خيرر / شو اهو لعب يهاااال تفسخ الخطوووووووووبة وشو رايكم ف البارت؟! حلوووووووووو وخاااصة الأكشنااااااااااااااااااات:78650: |
فديتج لاتطولين |
ظنكم بلاه محمد؟! يمكن من الدم اللي على كندوورتهـ ومحمد وشوق شو مصيرهم ؟! بيترآضون وشو بيستوي ف الملجه؟! مآآعرف !! وشو رايكم ف البارت؟! رووعهـ تسلمين حبووبهـ عالبآرت :24: |
ظنكم بلاه محمد؟! مممم يمكن شكله مرهق واااايد و البكسات معلمه عليه و الدم مممم ومحمد وشوق شو مصيرهم ؟! ممممم يمكن من عقب السالفه هذه شوق في البدايه ما بتوافق و اخر شي بيراضيها محمد وشو بيستوي ف الملجه؟! مآآعرف مممممممممم وشو رايكم ف البارت؟ عجيييييييييييييييب تسلمين شيختي عليه وربي لا هانج :861: نتريااااااااا الباااااااااااارت اليديد ^^:13::13::13: |
ظنكم بلاه محمد؟! يمكن متبهدل من الضرابه ..~ ومحمد وشوق شو مصيرهم ؟! بيكملون المشوار وبتم الملجه ^^ وشو بيستوي ف الملجه؟! ربشه وبيجتمعون الاحباب وااااااو احس كشخيهـ وشو رايكم ف البارت؟! بــآرت خطير وانتي الصراحه مبدعه ..~ |
ظنكم بلاه محمد؟! الضرابه ؟؟ ومحمد وشوق شو مصيرهم ؟! بيتزاعلون وشو بيستوي ف الملجه؟! بتتاجل وشو رايكم ف البارت؟! بارت قصير:007: طولي لامرات الياية تسلمييييييييييييين:6500.gif: |
تسلمي الغاليه وبانتظارج لا تبطين علينا |
اقتباس:
اللهـ يسلمجـ .. تسلمين غ ـــلايهـ ع التوقعــآآت والمرووور الغــآآوي .. منوووورهـ حبووووبهـ .. |
اقتباس:
تسلمـ ع التوقعــآت وع المرووور الغــآآوي .. وانــــت الأحلـــــى :78650: منووور الشيــخـ .. |
اقتباس:
بــآآجر بينزل البـآآرت .. منووورهـ .. |
اقتباس:
اللهـ يسلمجـ .. وتسلمين ع المروور والتوقعــآآت .. وانتـــي الارووع ^^ منورهـ الشيخهـ .. :13: |
اقتباس:
اللهـ يسلمجـ .. تسلمييين غ ـــلايهـ ع التوقعــآآت والمرووور الغــآآوي .. منورهـ الشيخهـ .. :13: |
اقتباس:
تسلميــن غنــآآتي وهــآآي شهــآآده اعتــزبهــآآ :24: وتسلميــن ع التوقعــآآت والمرووور الغــآآوي .. منورهـ غ ـــلايهـ .. :13: |
اقتباس:
تسلمـ حبوووب ع التوقعــآآت والمرووور الغــآآوي .. حــرآآم عليكـ .. البــآآرت طويـــل .. انشاءاللهـ .. من عنونــــي .. اللهـ يسلمكـ .. منور الشيخـ .. :13: |
اقتباس:
انشاءاللهـ .. تسلمين ع المرووور .. منورهـ حبوبهـ .. :13: |
وينج ابطيتي علين |
و ييييييييييييييييييييييييييييييييييييييين البااااااااااااااااااااارت اليديد :0088::0088::007::0088::0088: |
مــرحب الســآآع .. السمووحهـ ع التـأخيــر .. البارت الـ 15 .. مها: اويه محمد شبلاك غادي جذه؟؟ شوق زاغت: بلاه محمد؟؟ مها: شووقوو الحقي محمد شوق شوي وبتصيح: مهووو شبلاااه ؟؟ مها: مدري بلاه خطفني وروح بس شكله تعبان وكندورته ممزورة دم شوق: دم؟؟ مها: هيه شوق: اشعنه ؟؟؟ ومن شوو؟؟ مها: مدري بلاه لبسني الهرم شوق: لو سمحتي مارضى مها: هههههههه ويت ويت مها: بوجسيم بلاك؟؟ شي صابك؟؟ محمد: :كنت اللعب فيا القطوة وعصبت وعطتني من الزيين مها: هههههههههههههههههه شوق: بسم الله شبلاج؟؟ مها: هههههههه والله ريلج فننتك محمد: ترمسين شووقوو مها: يب يب محمد ياشرلها (عطيني برمسها) .. مها عطته الفون شوق: مهوو وينج ؟؟ محمد: هلا شوق شوق من سمعت حسه جاستها قشعريره: أ..أ..أأ محمد: احبج شوق انصدمت منه وتذكرت راشد والي استوابها اليوم وصاحت:مــ....مع السلامه محمد:شو............... طووط طووط شوق مسحت دموعها وحدرت الصاله : السلام عليكم الكل: وعليكم السلام سعيد: بسم الله بلاه ويهج؟؟ شوق: اشعنه شبلاه؟؟ سعيد: فزي فزي لا تيلسين حذال روضة اخاف ولدي يشوفج ويزيغ مافينا يظهر عليج روضة: هههه شوق: مالت .. اصلن هو يتمنى وياويهك عليا: مب جنه باجر ملجتج جيف بتجابلينهم ؟؟ شوق: والله كيفهم الي بيشرد من الحين لا يحظر عبدالله: ههههههههه بوسعيد: تعالي فديتج .. ماعليج منهم يغاارون شوق باسته ع خده: فديتك والله سعيد: وانتي شو مظهرنج من بيتكم ؟؟ (يرمس عليا) عليا: جيه حراام؟؟ سعيد: هيه باجر ملجتج لازم محد يشوفج عليا: هههههههههه اونك عااد سعيد: هههههههههه ف بيت بوعلي.. ميرة: امايه ريوليه تعورني اهىء عزووز: مب منج من كثر الهياته ف المولات احمد: خخخخ ام علي: سلامتج فديتج .. خلي اليس تفركلج بالكريم ميرة: اووكيه ام علي: اليس اليس .. ويهد وينج؟؟ اليس: يس مداام عزووز: هلا والله بغرشووبة الهند (ويغمزلها) اليس اونها استحت ووخت براسها احمد: واااكككككااااا طاع الويه هههههههههههه ميرة: يالخديه شبلاج؟؟ اليس: مافي شي مدام عزوز: خخخخ اليس باجر تعالي العرس اليس مصدومه: بابا انت في زواج؟؟ عزوز: هيه باجر اليس تصيح: ليش بابا .. انا في هوبي انته ليش في زواج (وتصيح) الكل انصدم من رمستها .. وفجأة عزوز واحمد: هههههههههههههههههههههههههههههههههههه ام علي: سودى الويه مضيعه المذهب .. عنتلاتج يالخام .. انقفظي انتي مالج يلسه ف بيتي اليس: هرام مدام انا مافي سوي شي ام علي: هذا كله ومب مسويه شي .. فزي من مكانج لابارك الله فيج ولا فالساعه الي ريتج فيها .. انقلعي .. اليس تصيح: مدام هرام انا لازم سوي شغل لازم حصل فلووس حق بابا وماما في بلاد هرام مدام ام علي: اليوم تتكنسل ويزتج .. وانت ياعزووز ان ماودرت سوالفك وحركاتك الماصخه ياويلك عزووز: وابويه وانا اشلي ياخي الحرمه تحبني انا اشلي؟؟ ام علي: اكيد انت قاص عليها بكمن كلمه وهي صدقتك احمد: ههههه امايه هيدي فديتج ام علي: يا انا ياهي ف هاالبيت .. وان بوعلي حادر .. بوعلي: بسم الله شبلاكم؟؟ ام علي: هاي اليوم تتكنسل ويزتها بوعلي: هيدي وخبريني باالسالفة امعلي: لااخبرك ولاتخبرني .. تنفدونها اليوم يعلها النفاااد عزووز واحمد: ههههههههه ميرة: اليسوو افركيلي رويلاتي سودة الويه اليس: بابا انا مافي يسوي شي هرام بوعلي: شبلاها تصيح ؟؟ ام علي: اليوم تتكنسل ويزتها بوعلي: خلاص فالج طيب بس انتي هيدي ميرة: اليسوو تعالي افركيلي احمد: ههههه حليلها والله عزووز: اليسوو مع السلامه للاسف مابتحظرين ملجتي هع اليس: انت في سوي زلم حق انا عزووز: ههههههههههه بالباجر .. يوم الملجه الجماعيه .. الكل كان مرتبش ومتحفز والبنات شادات حيلهن ف الكشخه .. ف بيت اليد .. ف غرفة البنوتات .. سارة: امايه كلنا بنحدر مره وحده ام سيف: لا .. كل وحده من توقع تحدر الخيمه و .............. تق تق ام سيف فتحت الباب .. اليده(سلامه): هذا الكتاب وخل ميرة توقع البنات: اشعنه ميرة اول؟؟ اليده(سلامه): بلاكن مستعيلات ؟؟ ياي دوركن الكل: خخخخخخخخ وقعت ميرة وبعد 5دقايق حدرت الخيمه والخيمه كانت ممزووره حريم وماشاءالله عليها كانت متغيرة ومحلوه وبعدها حدر عبدالله وبوعلي واليد .. سلموو ع ميرة وظهروو .. وبعدها سارو الميالس .. حدرت مها وبعدها عليا وبعدها سارة .. ومن وصل الدور ع شوق ...... شوق تصيح: اهىء اهىء ام محمد: شوق فديتج اشعنه تصيحين؟؟ شوق: ............... نسرين: لك خربتي الميك اب لك شوبنا؟؟ ام محمد: امايه شوق شوفيج؟ اليده(سلامه): شوق فديتج يلا وقعي.. شوق:.............. ام محمد: اذا ماتبين محمد خلاص هب لازم شوق: لا ام محمد عيل يلا وقعي .. عند الشباب .. محمد:شبلاهم اتاخروو؟؟ سعيد: شوق بعدها ماوقعت محمد (ف خاطره ): معقووله ماتبااني لهدرجه كارهتني .. آآه يارب ساعدني.. سالم: افا يابوجسيم شو الي مضايجبك؟؟ محمد:ماشي سعيد: يلا بوجسيم اتزهب ثرك بتحدر الحين محمد فرح: صدق!! سالم: هههههههههه.. ف الميالس .. عند ميرة وعبدالله ميرة: ............ عبدالله: ميرة ميرة: لبيه (وعيونها ع الارض) عبدالله: لباج قلبي .. احبج ميرة ذابت .. عبدالله : وانتي؟؟ ميرة: أ...مـ...مووت فيك عبدالله: ياويل حاالي عند عزووز وساره .. عزووز: فديت سارونه والله .. آآه متى العرس عسب ارتاح ساره: جيه انت مب مرتاح ؟؟ عزووز: لا ساره: اشعنه ؟؟ عزووز: لين مااسوي الي ف بالي(وغمزلها) سارة احمررت: ماصخ عزووز: ساروه انا ابى بنت تشبهج ساره قفطت: عزووز بس عاد عزووز: هههههه عند مها وسيف ... سيف: اشحال خشمج الحينه مها قفطت: احم بخيير سيف: خخخخ مها: أ..أ.. سيف سيف: روحه وقلبه مها: تحبني؟؟ سيف: امووووووووت فيييج مها استحت: ............ عند عليا واحمد ... احمد: عليوووو عليا: لبيه احمد: علياا عليا: هلا احمد: علوويتي عليا: نعم احمد: حبيت ايرب صووتي عليا(ف خاطرها): سخييييف احمد تقرب منها: احبج عليا احمرت من الخاطر: ........................... عند شوق ومحمد .. محمد زاخ ايدها: شوق سووري ماكان قصدي ازعلج واضايج شوق: ........ محمد: فزي شوق: اشعنه؟؟ محمد: سيري البسي عباتج واحدري بسررعه شوق: اشعنه وين سايرين؟؟ محمد: يلا بسررعه شوق لبست عباتها وشيلتها وركبت الموتر فيا محمد وسااروو جدى البحر شوق: مـ..محمد اشعنه يينا اهنه (الجوو كان باارد والمكاان ظلمه) محمد: ............... .. ونزلها من الموتر وزخ ايدها ووقف قريب البحر شوق: محمد الجوو بارد والمكاان يخوف قم خلنا نرد محمد: انتي مب مسامحتني (هد ايدها وتقرب من البحر)تبيني اعق بعمري وافتك عسب ترتاحين منيه شوق تيمعن الدموع ف عينها: محمد تعال اهنه محمد: مب ياي وانا خلاص (يتكلم وهو يمشى صوب البحر) اذا انتي ماتحبيني مالي حياه اعيش ف هالدنيا شوق بغمت: محمد (وربعت عنده )محمد الله يخليك لا تسير محمد محمد: .................. شوق: محمد والله اني مسامحتنك خلاص تعال والله اني احبك محمد محمد ربع جداها وشلها: فديتج والله (وباسها ع خدها) شوق قفطت واحمرت من الخاطر : ماصخ محمد: هههههههه فديتج والله وانا بعد احبج >> وهذآآ حاال العشاااااق .. مرن 3 شهووور من الملجه .. علي وهند ردوو من السفر ..والعرساان شوق ومحمد ردت علاقتهم شرات قبل واحسن .. وساره وعزووز يوم يتصالحون وعشر يضاربون .. ومها بدت تتعلق بسيف اكثر واكثر وميرة ذايبه ف عبدالله وعليا مستانسه من احمد واحمد متخبل عليها .. ف بيت بوعلي .. هند تسوي عمرها تصيح: علي بمووت اهىء علي زاغ: هنوده حبيبي شو فيج ؟؟ هند: بموت بموت علي: جب لاتيبين طاري الموت ع لسانج يعل يومي قبل يومج .. واذا سمعت هالرمسه مره ثانيه بزوالج هند تقربت منه: علي انا بموووت خلاص علي بدى يتوتر ويعصب: حبيبي تعبانه ؟؟ فيج شي؟؟ هند: بمووت من حبك خلاص بنفجر احبك علي احبك ههههههههههه علي عصب ودزها وهي طاحت ع الشبريه .. هند:آآخ .. زين جذه عورت البيبي علي انصدم وصد جداها: شوووو؟؟ هند: لا ترمسني انا زعلانه علي: فديت الزعلانييين (ويتقرب منها): هندوو فيج بيبي هند: يب يب علي: اموواااااح (وطبع بوسه ع خدها) هند: عيب عيب بتخربه مافينا علي: خخخخخخخ ف الموول .. مها: هههههه والله عجييب الفلم ساره: الا خبااال هههههههه سيف: صخوو فضحتوونا خسكن الله مها وساره: هههههه سيف: لا حول أ..... (طآآخ) سيف: السمووحه الشيخه البنت: لا عادي(وابتسمت ووخت عسب تيمع غريضاتها ) سيف: عنج عنج (و وخى عسب يساعدها) .. ومها شوي وبتكفخهم .. البنت ابتسمت: مشكوووور السيف: العفوو^^ مها: ممكن نظهر ساره: وابويه شبلاج جلبتي؟؟ مها: ماشي سيف: افا شبلاها حبيبتي زعلانه (وتقرب منها) مها: قم عني سيف: افا اشعنه ؟؟ مها: ماشي ممكن نرووح سيف وبجديه: مها شوفيج ؟؟ مها: ماشي اففففف .. وتجدمت ساره: اوييه بلاها؟؟؟ بالباجر .. ف بيت اليد .. اليده(سلامه): ومتى ناويين تعرسوون ؟؟ عزووز: باجر هع اليد(سلطان): ههههه متخشع الرياال عزووز: متخشع وبس آآه بس آآه (وغمز لـ ساره) الكل: ههههههههه .. وساره قافطه بوعلي: دام جذه عيل العرس عقب اسبوع شوالراي؟؟ البنات: لا لا واايد قريب اليده(سلامه): يالله بالستر .. عيل متى ناويات تعرسن يوم بيبيض الديج!! عليا: هههه لا يدووه بس وايد جريب ع الاقل عقب شهر الشبااب: شووو ؟؟ شهر!! عبدالله: قاالو شهر .. يلا منااك عندكن اسبوع ولا اسبوع وايد عندكن يومين هآآع الكل عدا البنات: خخخخخخ البنات: افففففففف ,, (وتحدد العرس بعد اسبووع .. والعرس بيكوون يوم السبت عليا واحمد .. والاثنين عزووز وسارة .. والاربعا ميرة وعبدالله مها وسيف واليمعه شوق ومحمد .. وشهر العسل بيكوون جماعي^^) علي: احم احم الرجاء الانتبااه الكل صد عليه .. ميرة: افتي يا شيخ علي علي: خخخ احم .. مثل ماتعرفوون ان الزواج سنة الحياه وكل واحد من يعرس........ قاطعوووه: الزبـــــــــــده علي: وابويه اصبروو بلاكم مستعيلين؟؟ .. المهم وين وصلنا .. هي فـ......... عبدالله: خلصناا ياخي علي: خخخخ حشى كلتني .. احم احم انا حامل الكل: شووووووووو!! علي: وابويه خبلتوبي .. خخخ قصدي حرمتيه حامل الكل: ههههههههه مبروووك .. وكلن سار وباركلهم .. وبجذه تحدد العرس والكل مرتبش .. واكثر اثنين احمد وعليا يوم السبت .. الليله المنتظرة عند علياا واحمد .. عليا: شوق خايفة؟؟ شوق: خلج ريلاكس ولا تخافين .. يلا تزهبي الحين بتحدرين .. عليا: اووكيه ... احدري فياي شوق: افا عليج جان تبين بحدر قبلج هع مها: الاخت مستعيله تبى تعرس شوق: خخخخ الوحيده الفاهمتني الكل: هههههههههه ام سيف: يلا امايه عليا الحين بتحدرين .. ميرة: بتخبركم ؟؟ الكل: شووو ؟؟ ميرة: توني افووكس انه خواني ماخذين خوات لووول الكل: ههههههههههههههههههههههه حدرت عليا القاعه و العيون عليها .. الي تمدح ف جمالها والي تسمي .. ماشاءالله عليها ظاهرة قمر ومتغيره ومحلوه وايد .. من حدرت وهي ترتقل من الزيااغ .. وشوق تهديبها عليا: وابويه اشعنه يطالعوني جذه اكيد فيني شي غلط شوق: مابج شي وعن البزى يلا طووفي عليا: لو انتي حميتي مدري شو بيستويبي شوق: لووووووول .. وصلت علياا الكووشه وتصورت كمن صورة فيا البنات .. وع الساعه 11:30 حدر احمد وفياه بوعلي وسيف .. وصل الكوشه وسلم عليها وحبها ع يبتها وتصور فياها .. وسيف وعمها تصووروو فياهم وظهروو .. احمد: مبرووك عليج انا عليا تهمس: الله يبارك ف حياتك ^^ احمد: فديتج محلوه ياويل حالي شكلي ماببات اليوم عليا احمرت من الخاطر وقفطت .. ع الساعه 2 ظهروو وراحوو غرفتهم .. والبنات ماقصرن لحوقهم ولعوزوبهم لين مااحمد طفر وطردهم (والعرسان بيسكنون ف احد فنادق دبي) .. مر يوم الاحد ع خير وعزووز متحرقص ف بقعته الا يرمس ساره وهي هب راضيه .. يوم الاثنين .. ليلة عرس سارة وعزوز .. ساره: مب حلوه التسريحه غيريها نسرين: ليه دي كتير حلويه بتجنن عليكي ساره: مب حلوه شو مسوتلي برج العرب ع راسي ومنقعه فيه شلق روضة: خخخخخ أي شلق الله يهداج نسرين: شو عم بتؤؤلي؟؟ ساره: غيري التسريحه فاطمه: حرام عليج ساروه الحرمه عيزت من كثر ماتفتح وتسوي ف شعرج .. ارحمي حالها ساره: يعني تبيني احدر وانا بهالكشه الي مسويتنها روضة: ههههه .. نسرين غيريلها التسرحه و آآي ... فاطمه: بسم الله شبلاج؟؟ روضة: الي ف بطني يراافس وانا ميته من الوحام .. اففف .. امسات طارده سعيد من الغرفة حليله رقد ف الصاله ساره: خخ مسكين حاله ..ووحامج مره خاايس ..امفف عليج عيل شي حرمه تطرد ريلها فاطمه: عااشت ساارووه تعلمي تعلمي خخخ ساره: احم احم .. حدرت ساره .. وكل العيون عليها كانت ظاهرة قمر واحلى عنه .. ماشاءالله عليها بشرتها الناعمه وملامحها الطفوليه محلتنها زياده .. عليا: ويافيسج محلوه ساره:صدق!! شوق: مب بس محلوه الا تعق مرره ام سيف: بسم الله ماشاءالله عليج فديتج محلوه ساره بحيا: عيونج الحلوه فديتج .. ع الساعه 11:30 حدر عزووز وفياه ابوه وسيف .. وتصورو كمن صورة وباركولها وظهروو .. عزووز: ياوييل حااالي ع القمر الي عندي ياخي ذبت ذبت ساره مستحيه وموخيه راسها.. عزووز: مبرووك فديتج (وباسها ع يبتها) سارة وبصوت خفيف: الله يبارك ف حياتك .. وبعد ماتصورو وباركولهم ظهروو من القاعه وسارو الغرفة .. ومن حدروو الغرفة المصورة بدت تصورهم وعزووز يسوي حركات وساروه غاديه طماطه من المستحى .. والعرسان بيسكنون ف احد فنادق بوظبي .. مر يوم الثلاثاء ع خير .. وعبدالله وميرة مرتبشين وسيف ومها متحمسين ^^ يوم الاربعاء الليله المنتظره عند العرساان .. الكل كان مرتبش واكثر اثنين عبدالله وسيف سيف: ياخي مب مصدق بعرس سعيد: الحمدالله ع نعمة العقل عبدالله: لازم بتقول جذه لانك ميرب ومخلص وحرمتك حامل سعيد: يابوك كلتني حشى ههه الكل: ههههه حدرن مها وميرة وكل وحده فيهن آيه من الجمال .. ومن وصلوو ع الكوشه اتصورن كمن صورة فيا البنات .. ويو المعازيم وباركولهن .. ع الساعه 11:30 حدر عبدالله وفيا عزوز واحمد وعلي وسعيد وبوسعيد .. وسلم ع ميرة وحب راسها .. عبدالله: مبروووك ميرة بحيا: الله يبارك ف حياتك عبدالله: ياويل حاالي .. اتصورو كمن صورة وباركولهم وظهروو .. وتغطت ميرة وحدر سيف وفياه محمد وابوه .. سيف: مبرووك فديتج مها موخيه راسها: الله يبارك ف حياتك (وهمست ):حبيبي سيف: ياويل حااالي (وهمس): سمعتج مها قفطت .. واتصووروو كمن صورة وباركولهم وظهروو .. ومن خلصووو راحوو غرفهم .. وبيسيرون يباتون ف برج العرب .. مروو يومين ع خير .. يوم اليمعه .. محمد طلب يشووف شوق وهي رفضت وهو اصر وبعد محاولات قدر انه يقنعها .. شوق: يلا انا بسير محمد: افا .. اشعنه توج حادره شوق: باجر بتشبع منيه محمد: وانا ارووم .. حتى لو كنتي ف حظني مابشبع شوق استحت: مااصخ .. يلا انا مرووحه محمد: والله بعاادك يقتل الروووح ... كـــــــــــــــــــــــــــــــــــــــــــــــــ ــــت .. >> توقعــآآتكم << ( اسمحولي دمجت الاحداث ورى بعض ف هالبارت) وحبيت اخبركمـ ان النهــآآيهـ قربـــــــت .. والسمووووحهـ .. |
اللهـ يسلمجـ ع القصة |
تسلميييييييييييييين غناتي ع الباااااااااااااااااااااااااارت الحلوووووو ما عليه كلااااااااااام وربي :861: و نتظر النهاااااية بفارغ الصبر و ربي لا هانج شيختي :13::13::13: |
روعه البارت |
تسليمن حبووبهـ عالبآرت النآيس ونرقب البآرت اليآآي لا تبطيين :24: |
الســـلــام عليــكم ورحمهـ الله و بركاتهــ .. شحــالج حنـــطاويهــ .. ؟ نـــاايس وايـــد واـــيد البـــارت مــواقف و اكــشناات So Nice .. و طوــيل بعــد يعــني ما عليــه رمـــسهـ .. تســـلمنيــ غــلــايـه عالـــبارت .. و بنتـــظار التكمــلهــ .. لا اطولين .. |
اقتباس:
ويسلمكـ .. تسلمـ ع الطلهـ الحلوهـ .. منور :13: |
اقتباس:
اللهـ يسلمجـ .. وتسلمين ع المروور والطلهـ الحلوهـ .. منورهـ .. :13: |
اقتباس:
منورهـ .. :13: |
اقتباس:
اللهـ يسلمجـ .. تسلمين ع الطلهـ الحلوهـ .. منورهـ .. :13: |
اقتباس:
وعليكمـ السلامـ والرحمهـ .. يسرجـ حــآآلــي .. اللهـ يسلمجـ .. وتسلمين ع الطلهـ الحلوهـ .. منورهـ غلايهـ .. :13: |
يسلموووووووووونيشن ع القصه الغاوووووويه جاااااااااااااااااااري انتظار التكمله |
آبدعتـي الصرآحهـ وتسلمين ع البـآآرت الغـآآآآآآوي ..!~ افـآآآآآآآي جربت تخلص ان ازعل المهم نرتقب البارت بصرعه ..!~ |
مشكوره الغاليه على البارت وبانتظار البارت الياي |
اقتباس:
اللهـ [mark=#3399cc]يسلمجـ [/mark].. منورهـ [mark=#3399cc]غلايهـ [/mark].. |
| الساعة الآن 05:47 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir