|
يسلموووووووو ع البارت ونترقب الباقي |
الحمد الله على السلامه حبووبه ما تشوفين شر |
matshofeeen shr ya el'3ala enshallah etnsheeen besalamh |
. . *~ .. الفصــــل الثــــــآمن .. ~* في مستشفى توام محمد يالس برا الغرفه على نار و يهازب عبد الحميد محمد ماسك عبد الحميد من رقبته : ارمس قوول شوووو سويتبها عبد الحميد خااايف و يهز رااسه : و الله و الله بابا انا مافي سوي شي و الله محمد : و قسم بالله ان ما تكلمت الحين بووديك الشرطه تتفاهم معاك عبد الحميد من سمع طاري الشرطه تم يصيح و يصيح و يحلف بالله انه ما سوى شي الكتور و هو يطلع : خوويه هدي هدي بلاك عالريال محمد معصب : و الله ما اخلييه هالخسيس هنيه طلعو السستراااات و تمو يفككون عبد الحميد من محمد الدكتور : شلوووو هالهندي بعيد محمد يصاارخ : ردووووووه هدووني عليه الدكتور و هو يمسك محمد من كتفه : يا ريااال علطول استنتجت هالشي الله يهديك محمد و هو يلف بعصبيه على الدكتور : شوفيها عويش ؟؟؟ الدكتور : مافيها شي يا ولد النااس الظااهر البنت اغمى عليها بسبب صدمه او شي جي محمد و هو يفكر : بس هي كااانت فالسياره من شو بتنصدم الدكتوور مبتسم : ما عليك انته هي الحين بتقوووم و اعرف منها كل شي محمد : يصير خير ... عند مريم و ربيعتها عذبه : هااا شو سويتي مع سلوم امس مريم و هي تسوي عمرها متلووعه : ووووووووع لا تذكريني عذبه : هههههه ليش مريم : يع يع يع مصدق عمره اني احبه هذا عذبه : المهم خذتي منه شي مريم : الا قووولي شو اللي ما خذته منه عذبه : و الله مريم بغيااض : و الله امس رديت البيت و فييدي اكيااس واايد و كلهن ماااركات عذبه بحسره يا حظج مريم : بس تصدقين اححس عمريه ملييييت منه عذبه : مااالت عليج لييييش مريم : اوووف احس بلووعه كل ما يقوولي احبج اقوولج ما اطيييقه عذبه : هههههههه انتي تحمليه هالايام لين تحصليلج واحدثاني عنده فلووس اكثر منه عقب طبييه مريم : هي و الله صدقج الفلووس بتصبرني عليه بس ... في أمريييييييكـآ سيف كان يدور فالغرفه بلا هدى سلطان : بس اووووووف لا توترني ابا اكمل البرووجكت بعدين سو اللي تباه سيف : ما اقدر ما اقدر افكـر بدون لا امشي سلطـآن بترجي : سيف سف يالحمار هذا البرووجكت النهاائي اللي بيحدد بانجح و لا لا فبلييييييز انقلع سيف : أووووووف و طلع من الغرفه " شسوي الحين اممم من وين اييب رقمها انا لازم ارمسها لااااااازم " تم يتمشى فالشاارع بدون تفكير الين ما نقز مره وحده " لقيييييييتها " مشى و مشى الين ما يلس في الكوفي اللي عدال الجامعه " اكييد بتطلع الحين لان أمس خلصت محاضرتها 4 العصر " و بالفعل طلعت عقب ربع ساعه و ابتسم سيف ابتسااممه عريضه و قرب منها سيف و هو يحط يده على شعره من التوتر و الارتبااك : هلا مها نزلت رااسها بعد ما تذكرت انه يعرف سالفه مطر : اهلين سيف : أمممممممممم سيف استجمع قوته و قال بحزم : عطيني رقم مطر مها رفعت راسها بصدمه : هاااااااااه سيف : اللي سمعتيه ابا رقم مطر مها بحزم : لا سيف : هي مها : مستحييل اعطيك رقمه مستحييل و رووحت و هي تبا تبعد عنه سيف مسك يدها بدون قصد عشان لا ترووح سيف : لييش ؟؟ مها طالعت يدها و طالعته هني سيف انتبه و خوز يده باحراج سيف : لييش ما تبين تعطيني رقمه مها : بس جذي سيف : مها مها مها بلييز و الله من زمان اترياج عشان تعطيني رقمه مها : شو تبابه سيف : مما بقووولج بس عطيني مها لفت ويها و قالت بحروف متقطعه : مـ .. آآآ... أأأ .. با ... مآآآ ... باآ فهمت سيف : اووكي قوليلي ليش اول شي بعدين بودرج مها بعين مدمعه طالعته : انا ماباه يخربك سيف انت ما تعرف شو يشرب من يراابع ااااانننت اوول واااحد عرفته كان طييب معاايه و محتترم سيف طالع مها بعطف و حب : اووعدج انه ما بيخربني اووووعدج بس انتي عطيني مهاا بترجي : وعد سيف و هو يبتسم : وعد مهاا : اوووك اندووك رقمه ####### سيف بامتنان : شكرا عالثقه مها : العفو بس اتمنى انك ما تخلف بووعدك سيف : اكييييد ... نروح لعند شمااا قاعدة في غرفتهاا وسرحاانه سمعت دق ع الباب جان اتطنش ولا ردت .. شوي وينفتح الباب وتحدر سااره سااره وهي تيلس مجابل اختها: شمووه بقولج شئ س لاتزعلين شماا ماردت عليها بس يلست تشوفهاا ساره تنهدت وقاالت : شموووه بلااج !! .. شو مستوي بج انتي واايد متغيرة شعنه ماتيلسن وياناا ولاتتخبرين عناا دوم يالسة في غرفتج ولا تتكلمين ،، اماية وابويه متشرهين عليج حراام إللي تسوينه بعمرج شماا بعدها تشوف اختها بس من سمعت هالكلام لفت الصوب الثاني بما معني لاتكملين بس سارة كملت وهيه تدمع: شمووه تحيدين قبل كيف انا وانتي مانفترق عن بعض كل اسرارج عندي وكل اسراري عندج بس الحين شو إلي جلبج عليه ماحيدني زعلتج بشئ ولا سويت شئ يضايقبج .. سارة وهيه تمسك إيد شماا وتضغط عليهاا : شمووه ردي عليه لا تسكتين شماا للحين ماتكلمت بس سرحت في كلاام ساره .. هههـ متشرهين عليه !! لو متشرهين عليه جان حدروا عليه الغرفة ولا ع الاقل حد منهم سأل عني هب انتي يا سااره .. بس انا ليش تغيرت شو إللي خلااني اتغير ع اهلي كله من عويش هيه كله منهااا هيه إلي خربتني هيه إلي خلتني في هالحالة هيه إلي دمرت مستقبلي انا ماكنت جي من قبل >> واتنهدت وقالت: فديتج ياسااره ما تدرين اني اشتااق لذيج الاياام اكثر عنج .. وساره تعبت وخلاص فقدت الامل وظهرت من الغرفة وهيه خايبة بس ماتدري انها تركت وحدة تتعذب في الغرفة ... في امريــــكـا في الكوفي يالس مطر ويا ربعه شوي وفونه يرن رنه وحده ويسكر استغرب من هالشئ .. قال في خاطرة نااس فاظية .. ويقطع عليه حبل افكاارةه رنه فونه مرة ثانية ويسكر .. اوووووووووف منو المتفيج إلي يدق لي رنه وحدة بس خلي ادق واشووف شل فونه واتصل ع الرقم بس الغريب انه محد يشلة .. حاول مرة ثانية ونفس الشئ محد يشله .. اوووه انا ليش مضيع وقتي بعدين إذا اتصلوا مرة ثانية بدق لهم ::: ومن صوب ثااني في الكوفي سيف قااعد ينتظر سلطان ويضحك ع إلي يستويه في مطر وشوي ويحدر ربيعه سلطان: لاا بالله الرياال تخبل .. حووه سيف سيف بلااك يااخي ضحكني وياااك سيف وهو يضحك زوود ع تعليق سلطان : لا سلاامتك ماشئ ذكرت موقف سلطان وهو هب مصدق : اخرط ع حد غيري .. شكلها السالفة فيهاا مهاا سيف في خاطرة اقوله ولا لا اقوله ولا لا .. لامابخبره .. سلطان وهو يأسر بإيدة ع عيون سيف : حوووه حوووه انا الغلطان يوم ضويت صوبك لو مخلني اتمشى هب احسن سلطان يتكلم ويتكلم وسيف سرحاان يفكر في مطر ومهاا .. جان يقول بخاطره: ماعليه انا اروايك من مساعو وانا اتكلم وانت سرحاان .. سيف وهو سرحاان ومطنش سلطان وشوي يحس بشئ باارد ينجب عليه وقفز سيف وهو متفاجأ بالكوفي البارد إلي انجب عليه ويتكلم وهو معصب وشال الدنيا بصوته : عنلاات صدااك يالخاام .. بلاااك عليه الحين كيف بروح الشقة وانا جذه مبهدل غربلاات بليسك ..وشوي استوعب انه يصارغ والنااس تشوفه جان يصخ سلطاان وهو بيمووت من الضحك ع شكل سيف: هههههههههههههههههههههههههه وربي يا سيف ان شكلك طرر يبالي اصورك وانشر الصور وبالتحديد لحبيبه القلب ^.* << وهو بعدة يضحك ع ربيعه سيف وهو يالس ينطف الكوفي إلي انجب عليه ومتحلف ع سلطان وان بيرد عليه الحركة بس هب اليوم ........................ نرجع الإمارات ونروح لمحمد محمد في خاطرة ولهاان ياانااس حسوا فيه شوي ويخطر في باله شئ .. همم اتصل بهاا ولا اتصل ولا اممم .. خلاص بتصل وامري لله محمد يشل فونه و يتصل ومحد شله اووف وينهاا شعنه ماترد .. اتصل مرة ثانية وشوي يسمع صووتها سلاامي : الووو محمد وافديتهااا والله: --------- سلاامي: الووووو محمد بعده سااكت ومايريد يتكلم يريد يسبع من صوتهاا ^.* سلااامي: اوووف نااس فاظية .. تسكر ع ويهه جان يرد محمد يتصل ابها سلاامي وترد بدلع : الووو محمد تخبل ع دلعهاا وتم يتفداها في خاطرة << يحليله متخشع الريااال هع ^^ سلاامي وهي معصبة : ماتردوون ياجليلين الحيااا اوووووف ناس فاظية .. وطراااخ ع ويهه محمد محمد وهو يضحك عليها ومستانس ان سمع صوتها ...................... نرد للمستشفى عواش فجت عيونها واستغربت من المكان إلي هيه فيه وبعدين ذكرت انها اغمى عليهااا بس ليش ؟! .. ماتدري وشوي تسمع خطوات عند الباب جان ترجع وتغمض عيونها .. وحست ان حد يبوسها ع راسهاا امها وهيه تدمع ع حال بنتها وتحبها ع راسها : فديتج يا امااية قومي بلااج !!.. شصااربج ؟.. منو سوابج جي عواش وهيه تشوف امها وبعدين ويهت صوب الجامة وسرحت ودموعها ع خدها ماوقفت وسااكته ماتتكلم : ..... شوي ودخل محمد وتخبر امه عن حالهاا : هاا اماية شحالها الحينه امها وبأسف وتهز راسها: ع شوفه عينك من قامت وهيه جذي ماتكلمت ولاشياته محمد وهو يسير صوبهاا: عوااش عوااااش تكلمي .. شصابج يالغالية !!.. عواااش للحين ساكته بس دموعها هيه إلي للحين ماوقفت: --------- محمد ويقولها بأسف: لاحول ولاقوه إلا بالله .. وراح ييلس حذال امـه ومنزل راسه ويفكر بحال اخته ومن صوب ثاني امه تصيح ع بنتها عوااش وفجأة يلست ع السرير ورفعت ريلها وحطت راسها بين ريولها وانهااارت وتمت تصيح بصووت عاالي حتى امها واخوها خافوا عليهااا وامها يت تحضنها بس عوااش مصلبه عمرها وهب راضية تتحرك من مكانهاا وكل ماسئلوهاا تزيد في الصيااح وهم هب عارفين شفيهاا عواش وهيه تصيح بصوت عالي لدرجة انها ترجف وهيه تصيح في خاطرهاا: ااااااااااااااااااه يا امااية ماتدرين عن شئ ماتدرين ليتج تحسين بإلي احسه ليتج تحسين بنص إلي احسبه ااااااااااااااااااااااااااخ يالدنيااا .. كل إلي سويته انقلب عليه .. ربي يسامحني على الي سويته .. كيف قدرت اسوي بـ ميااري جي وربي ماتستاهل هيه مالها خص انا ساس البلا في كل هذا بس انا احب زاايد واريده .. يا عوااش اصحي هو مايريدج انتي ليش تريدينه !! انزين انا احبه عسب جي اريده .. جذاابه انتي ماتحبينه .. لا لا احبه .. لو تحبينه ليش تخربين حيااته ليش ما تتمنين له السعادة مع البنت إلي اختارهاا .. مقدر مـــــــــقدر اشوفه مع بنت غيري .. انزين هو لعااب درجة اولى ويقص ع البناات وتعرفين انه مغازلجي فكيف ماتبين تشوفينه مع وحده ثانية .. ادري ادري بكل هذا بس ما استحمل اتكون وحده غيري حرمته .. بس بس ياعوااش اصحي من هالحلم .. اااااااااااااااااخ كيف كيف اصحى منه وانا الحين في مشكله مع علي .. علي !! علي لاااااااااااااااا بيفضحني لااا لاااا ما اقدر استحمل خلااص تعبت تعبت .. انا لازم اعترف بكل شئ بكــل شئ قبل مايفضحني علي بس كييف ؟؟ كيــــــف ؟! اااااااااااااااهـ يااربي عسااني امووت ولا اعيش هالعيشه .. لا لا تتخبلين ياعوااش هب انتي إلي تستسلم لازم تقومين وتوقفين ع ريولج مرة ثامية وتواجهينهم كلهم .. بس كييف ماتقولون لي كييف .. وربي ندماانه مادري كيف سويت إلي سويته يااارب سامحني على فعلتي ااااااااااااااااهـ وشوي حست انها تعبانه بالحيل وخلااص ما تقدر تتحمل قعدت تتنافض في مكانها وأول مانتبه لها محمد على طوول ظهر من الغرفة عسب يزقر الدكتوور لأن حاله اخته هب طبيعيه اول مرة يشوف عوااش تصيح وبهالطريقة بعد يا الدكتوور ركييض وقال لهم يظهرون برع وفحصها .. فقال للممرضة اعطيها ابراه مهدئ عسب تنام .. وظهر من الغرفة محمد وهو يربع جداا الدكتوور : هاا دكتوور طمني بلااها ختيه الدكتوور وبأسف : والله مادري شو اقولك بس جايستنها صدمه قوية وسببلها انهيار عصبي .. حاولوا على قد ماتقدرون تبعدونها عن الانفعالات لأن خطر عليهاا وبيزيد حالتهاا محمد وهو متضايق بسبب اخته : ان شاء الله دكتوور بس ماقلت لي متى بترخصهاا الدكتور : والله ياخويه يبالها ع الاقل يومين عسب تتحسن حالتهاا .. يالله بالاذن عندي حالات اتابعها راح الدكتور ومحمد واقف مكانه ويفكر شو إلي خلا اخته تنهاار بالهطريقة قطع عليه تفكيرة صوت امه المتقطع: هاا يا محمد شو قالك الدكتوور طمني .. بلاهاا بنتي شو صابهاا محمد وهب عارف شو يقوللها: لا اماية مابها إلا كل خير هيه تعبانه شوي وتعرضت لصدمة وخلال يومين بتظهر ام محمد ودموعها ع خدها: لاحول ولاقوه إلا بالله .. ان شاء الله خير .. يالله يامااية خلنا نطمن ع اختك حدروا الغرفة لقوا عواش رااقدة عقب ما ظربوها ابره مهدئ .. قربت امهاا ويلست تقرا عليها قرآن ................. في فرنســــاا زايد توه حادر ويفكر في مياااري وانتبه انها هب موجوده في الصالة راح يدور ع ميااري بس مالقاها فزقرها ماسمع رد حدر غرفتها وبعد مالقاها .. في خاطرة يقوول وين إلتعنت هااي بعد ناقص تظيع في هالبلااد ويتوعدلها بس فجأه حدر البلكوه لقاها يالسة والمجله في حظنها وهيه راقدة وشكلهاا سوو كيوووت مع شعرهاا المفتووح .. قرب جداهاا ويلس حذالهاا وسرح في ملامحهاا زاايد في خاطرة: غربلااتها محلااتهااا ومحلا شعرهاا اسميهاا عذاااب ولا عيونهاا الذباحية بصوب ثااني.. إيه ايه انا في شوه افكر هااي خااينه وماتستاهل ذرة احترام بس خلاص انا تعبت ماقدر اصبر اكثر من جذة لازم اكلم ربيعي عسب سالفة الرقم ولازم اتأكد بس هب الحين لأني هب فاايج .. وهو تايه في افكارة انتبهت ميااري وقعدت تطالعه ا ميااري وهي تضحك بداخلها ع شكل زاايد خخخخخ : احيم .. زاايد زاايد .. وتأشر بإيدها يدام عينه : حووه زااايد وهو قافز : هاااا هيه هممم ميااري وهو مستغربه منه وع راسها علامات تعجب واستفهاام : -------- زاايد بتردد: هممم ميرة تبين تظهرين ميااري عيونها شوي وبتظهر من مكانهاا: هاااا زايد ضحك ع ردة فعلها بس مابين لها : اقوولج في خاطرج تظهرين .. ولا اقوول خلاص غيرت رأأي مابظهرج ميااااري بترجي: حراام عليك لاتغير رأيك انا ماصدقت اني بظهر من هالسجن وبشم هوااء زاايد لاحوول بتبدأ الحنه الحين: اوكيك خلاص عندج ربع ساعة إذا مازهبتي بروح عنج مياااي وهيه توقف: اوكيك ربع ساعة وبكون زاهبة لاتحااتي زاايد في خاطرة هااي واايد مصدقة عمرهااا .. خل تصدق عمرهااا ترااهاا طررر وين بعد مابتصدق عمرهاا داام انهاا حلووه وغرااام .. >> وهو يضرب يبهته بإيده: اوووووووووووف انا شفيه افكر ابهاا جذه وعقب 5 دقايق فز طوله وراح عسب يبدل ثيابه مياااري في خاطرها مدري من وين ظاهرة الشمس زاايد فديته بيظهرني اناا !! هههههههه والله هالانسان عجييب كل دقيقة يغيير راييه خلني اخلص بسرعه عن ياكلني بلساانه ميااري وهيه محتارة شو تلبس: امم هذاا ولا هذاا احلى ولا اقوول هذا احلى .. آخر شئ استقرت ع ((مكسي ابيض حرير ومكسر ومن تحت الصدر و ع الحمالات كريستالات حمرا ولبست بدي احمر هاي نك )) وتجحلت بس هالمرة زيدت الجحال وبينت عيونها وسااع وذباحيااات وحطت قلوس احمر خفيف وتشوف عمرها في المنظره وتكلم عمرها: اسميني غراااااام .. وتعطرت ولبست نعالها الاحمر عزكم الله وشلت شيلتها البيضا بالاحمر وظهرت تنتظر زااايد ولست شيلتها ع الكرسي .. وشوي وتذكر انها نسيت ساعتها وحدرت الغفرفة بسرعة وراحت تلبس ساعتها وظهرت تنتظر زاايد في الصالة بس عقب قالت اوووه هذا شكلة بيتأخر خلني اروح البلكونه احسن لي وزااايد يلبس وهو يفكر بمياااااري لبس: بنطلون جنز ازرق فاتح شوئ مع بدي هاي نك إيده طويله ابيض وفيه شخابيط وكلمات بالاحمر .. ولبس كااب ابيض وفيه كلمة بالأحمر .. وتعطر ولبس جوتيه السبورت الابيض وشل فونها وظهر من الغرفة حدر الصالة مالقاها .. وفي خاطرة يقوول : لاحوول وانا اقوول مابتخلص بسرعة .. وحدر غرفتها بس مالقاها .. وهو يفكر ماشئ غير البلكوونه .. ويوم حدر البلكونه لقاهاا واقفه والمهب يظرب شعرهاا ويطيره .. زايد في خاطره: يــااناااس ياعاالم هذي إلي بتخبل بي اسميهااا غراااام عذاااااااااااب ويقول بصوت خفيف: فديتهاااا والله محلااهااا ميااري انتبهت لصوت خفيف بس ماسمعت .. لفت صوبه وشعرهاا تحرك معاهااا وشكلها كاان سوو كيووووت .. وخاصة ان كان مهب خفيف زايد جرب جداهاا ووقف يدامهاا وسرح فيهااا في عيونها الذباحيه مياااري احمر ويهها واستحت .. فصدت عنه الصوب الثاني وقالت بخاطرهاا: واافديتك ياا زااايد محلااك .. بس لو تغير طبعك وتـقـتـنع اني بريئة جان نحن الحين عايشين شراات النااس .. ههههـ انا شو اقوول بالاساس زاايد مستحيل يتغير ومستحيل يغير نظرته عني ااااااااه ربي يعيني وتنهدت بصوت عاالي ونزلت دمعه من عيونها .. فانتبه لها زاايد وقرب منها ومسح دمعتها وقال بصوت هادئ: يالله خلينا نظهر بعدين بنتأخر .. وابتعد عنهاا وتجدمها سرح جدا الباب مياااري واقفه مصدومة من حركة زاايد وعقب ما استوعبت سارت جدااه ولبست شيلتها وظهروا وهم نازلين في اللفت ( المصعد ) انتبه زاايد انها مطقمة ويااه ابتسم بس ماعلق ونفس الشئ ميااري انتبهت لزايد يوم يشوف ثيابها ويشوف ثيابه فابتسمت .................... نروح عند سالم .. قااعد فالبر روحه ،، يناظر البر الواااسع . ، هبات النسيم تذكره بمحبوبته ،، اللي خذت قلبه وتملكته ،، بس للأسف كان حبها له مجرد كلام لجل تاخذ كل ما يملك ،، وكل اللي في خاطرها وما يحلا لها ،، تعيش من خيره ،، وهو ما يبخل عليها في شي ،، بس هي كانت تعلب عليييييه ،، مجرد لعب ،، والمسكين ما كان يعرف عن شي ،، ع نياته عطاها قلبه وكل ما يملك غدا لها حلال ،، ولجل خاطرها كل شي يهون ،، حبها من كل قلبه ،، ويدعي ربه يصونها وين ما كانت سرح وقعد يفكر بها . . بدون احساس منه قام ويشل شلة ،، قال فيهاا هب النسيم وياب ريحان الاحبـاب واترنحت اغصان قلبـي بتطريـب واحيا هشيم القلب من عقـب مـا شـاب مـن كثـر مـا تمـرح علـيـه اللواهـيـب قمـت اتنشـق ريحتـه بيـن الاطـيـاب وانشـق شــذا وردن بـعـرف الهباهـيـب لـمـا تحققـتـه الا نفـحـت اســلاب صافـي الثنايـا سـيـد جـمـل الرعابـيـب ختله نقـا عشـب عليـه الحيـا فـاض أو عطـر شامـي مـن مضانـي الهجـيـب او مـا بردلـه يـوم هـب الهـوا هـاب وتدارجـت الافـاق مــن ريحـتـه طـيـب طيب و لـو شمـه زجيـم الهـوا طـاب واستقرحـت مـنـه القـلـوب المصـوايـب لي من جلست ويـاه بشـر هـوى تـااب يفتـي بـه القـاضـي وجـاهـل وكـذيـب لا هـوب سالـي عـن ودادي ولا نـاب سـالــي وداده والمـحـبـه تـعـذيــب ان غاب شخصه عن نظيري فلا غاب عن خاطري حقه وانا عنه ما اغيب سالم في خاااطره . ، آآآآآه يآ مريم ،، ليتج تعرفين بحالي وتقدرين حبي لج ليتج الحينه معايه ،، تحسين باللي انا احسه ،، وتبادليني نفس الشعور آآآآآه ،، وينج ، وينج ،، وييييينج ؟! . . .................... في غرفة رااشد ( نفس يوم الخطبة ) في الغرفة راشد ظهر من الحمام عزكم الله وشاف في ويهه نوره جان ينزل راسه وكمل طريقة ولبس ثيابه وظهر من الغرفة .. ونورة بعد كملت طريجها وراحت الحمام تاخذ شاور وهيه تدمع وفي خاطرها تقوول: اااااااااه يارااشد مابلوومك لانه ادرى ان هذا كله من عمووه .. خلاص تعبت مابصيح مابصيح لازم اتماسك خلصت من الحمام ..عزكم الله .. وتفاجأت براشد في الغرفة .. طنشته وراحت جدا المنظرة وتسحي شعرهاا .. وتقول في خاطرهاا: مابكلمك عسب ما اصيح راشد منزل راسه وهب عارف شو يقوول وشو يسوي لأنه يدري ان نورة بتنهار لو كلمهاا سرح جداهاا : النووري نورة ساكته هب راضية تتكلم: ------ راشد وهو كارهه عمره بسبه إلي بيصير فليل .. راح جداهاا ومسكها من جتفها وخلاهاا تشوفه : النووري تدرين ان هالشئ غصب عني وانتي ادرى بامايه هب لازم اخبرج .. بس اتأكدي لو شو يصير ولو اتزوج عقبج ثلاث اعرفي انج انتي الوحيده إلي سكنتي قلبي ومستحيل حد ياخذ مكانج اي احد .. نورة للحين ساكته وهب راضية تتكلم : -------- راشد وهو يضغط ع جتفهاا : النوووري ردي عليه لاتسكتين نورة هنيه خلاص ماتحملت طاحت في حظنه وتمت تصيح .. وراشد لوا عليها وقعد يهديهااا واقنعها تكون عاديه وتستحمل اي كلمة توصلها اليووم وان شاء الله هذا الزواج مابيتم ::::: عقب صلاه اللعشاا سرحوا راشد وامه بيت خالته عسب يخطبون وكان شكله متضايق حدة جنه رايح عزا هب خطبة حتى الكل لاحظوا عليه بس فكروا ان تعباان شوي عقب ما اتفقوا الرياييل والحريم اعلنوا موافقه حمدة حمده في خاطرهاا: وياا اليوم إلي احلم به من زمااان وكسرت رااسج يا نويير .. ههههاااااااي الحين صيحي دم بدل الدمع يانويير ههههههه ام راشد وفي خاطرها: ياليووم إلي افرح فيه يا رااشد واشوف فيه عياالك راااشد في خااطره: اوووف خلااص احس اني بختنق بموووت ربي يصبري ان شااء الله ام راشد طلبت من اختها ان راشد يريد يشووف حمده << بالاساس راشد مارضى في البداية بس بعدين واافق عسب مايحرج امه يدامهم حمدة كانت كاشخه بالمغربية البيضااء وكانت موردة بألوان مختلفة ومحطية مكيااج بالالوان النارية .. كاانت حلووه بس ما تي من صووب النووري من قالوا لها حدرت غرفتها وخذت لها شيلة بنفس الالوان وظهرت لهم بمعني انها زاهبة وودوني من شافتها امها قامت من مكانها وسارت جداها وقالت لها : يالله يا ماية راشد يريد يشوفج حمدة وبتردد: امايه منو بيكون وياينا في الميلس ام حمده: يامايه انا بوصلج وبظهر يمكن يريد يقولج شئ ولا تنسين انه هو ولد خالتج فعاادي وبعد لاتنسين ان عقب جم اسبوع ملجتج يعني عاادي حمدة وهيه بتطير من الفرح انها بتكون وياه بروحهاا: هيه صح صح امايه يمكن بيقولي شئ << هههه ماتدرين شو بيصير بج دااخل جان ماقلتي جي ^.^ سرحت حمدة وامها جدا الميلس .. ودخلت حمده بروحها وهيه بتموت من الفرح: السلام عليك راشد كان يالس ومنزل راسه من دخلت وهو مارفع راسه بس قال من ورا خاطره وبصوت خفيف : وعليج السلام .. لدرجة ان حمده ماسمعته يوم يرد عليهاا حمده : ---------- راشد: ------------ حمده في خاطرها بلااه هذا شعنه مايتكلم رااشد وهو يرفع عيونه وقال في خاطره صح انها حلووه بس النوري ما اتي شئ يدامهاا حمده همم ليش ما انا ابدا واتكلم .. بصوت خفيف وهادئ : همم راشد شحاالك راشد ااااااااااااااه تسأل عن حاالي وهيه تدريبه بس ماعليه انا اراويهاا ولا برد عليهاا حمده في خاطرهاا بلااه هذا ليش مايريد يتكلم معايه ماحيدني سويت شئ يضايقبه .. وتمت محتاارة هب عاارفة كيف تتصرف .. بعدين فكرت انه مستحي او انه ما سمعها فقالت انا بتكلم وبسولف واكيد هو بيسولف ويايه حمده يالله بسم الله .. سارت تقريت صوبة ويلست في الغنفه إلي حذاله .. راشد حس بحركة حط في باله انها بتظهر من الميلس بس انها اتي وتيلس حذاله ما اتوقع في خاطره: اسميها هب هينه هالحمده حمده وهيه تتكلم وتتكلم وتسولف .. بس رااشد عاطنهاا طاااف وهب مسولها سالفة وطول ماهيه تتكلم هو يذكر النووري وسرحاان فيهاا وفي النهايه قالت بتتخبرعن نورة: إلا ماقلتلي رااشد شحاال نوورة ؟؟ راشد اتوقع اي سؤال بس هذا الشي إلي ابد ما اتوقعة صدق انها وقحه .. رفع راسة رد عليها : الحمدلله بخير .. حمده هيه يوم سئلته عنها رد عليه: وانت شخباارك ؟؟! راشد بغياض : دام حبيبه قلبي بخير فأكيد بكون انا بخير حمده وهيه منصدمة منه وفاجة عيونهاا ع اخرهن: شووووه ::::: نروح بعيد شوي عند النووري يالسة في زاوية في الغرفة ومتكورة ع عمرهاا وتصيح صياااح من الخاااطر " ااااااااااااااااااااااااااه يااربي انا شو سويت انا شو سويت عسب يستوي بي كل هذااا .. اااااااااااااااااااااه يااربي كله من عمووه كله من عموووه هيه إلي مصره ع رااشد .. لو ساكنين انا وراشد في بيت بروحناا جان ما استوت لنا كل هالمشاااكل وجان كنا عايشيش بسلاام .. بس شو ذنب راشد عسب احرمه من العيااال .. وربي هب عاارفة بشو افكر بس كل إلي اريده ان هالزواج مايتم ..... << كل هذا يدور في راسها واتحس ان افكارها هب مرتبه ولا قادرة تتوصل لقرار " عقب ما حست انها هدت شوي قامت تيددت وفرشت سيادتها وقعدت تصلي ركعتين وتدعي ربهاا ان يرزقهاا بعياال .. وعقب ماخلصت شلت لها القران ويلست تقرااا ::::: نرجع لحمده مع صدمتهااا << خخخخ تستااهل حمده وهيه منصدمة منه وفاجة عيونهاا ع اخرهن: شووووه رااشد وبضحكة استهزاء: هههههههههه بلااج ماحيدني قلت شئ غلط حمده بعدها مصدومة من كلامة بس عيونها تدمع : ------ راشد وبصوت مستهزئ : انتي شو عباالج انا خطبتج عسب اني احبج لاا فديتج لاا انا خذتج بس عسب اماايه عرفتي شو يعني بس عسب امــاااااااايه وعسب اراضيهاا ولا انـااا ماريدج .. ولا في يوم حبيتج .. انا إلي حبيتها هيه النووري وبتم حبيبتي لين ما امووت .. وانتي ولا شئ حمده وهيه تشهق من كثر الصياح: عيل ليش خذتني ؟؟ لييش؟! ليييش !! عسب تعذبني ؟؟ راشد طنشها ظهر من الميلس .. ركب سيارته وهو متضايق رااشد في خاطره: خلاااص بمووت من القهر لأني هب قاادر اسوي شئ .. كله من امي كله منهااا .. ماريد عياال يا ناااااس افهموا ماريد .. النوووري ااااااااهـ يالنوووري وافديتج يالنوري محد يسواااج والله محد يسوااج .. انتي اول حب ومستحيل احب غيرج وهذا الزااوج مستحيل يتم بس ماعليه ان ماراويتج نيووم الظهر فعز القايلة ياحمدووه بخليج تندمين ع قد شعر رااسج على انج وافقتي عليه ......... نبعد شوي خااري لبلاااد فـرنسـااا ميـاااااري " اسميني مستاانسه بالحيل اول مرة اشووف زاايد جيه .. اكييد عرف اني بريئه وانا مايخصني في هالمسجاات .. ولا ما بيظهرني مكااان دام اني صايعه ع قوولته .. اعووذ بالله من هالكلمة اسميني مادانيهاا ولا اواطنهاا تحسسني ان هب مربايه " زاااايد " محلااتهاا ومحلاا كلامهااا .. آآآآآآآآآآآآآآآآآآخ هالانساانه عذبتني ليكون لا لا .. إييه انا في شو افكر اووف اوووف هااي وحدة صايعة بس ليش عيونها تقول كلاام ثااني .. اووووه انا ليش مضايج بعمري خلني اتصل بوحده من إلي عندي واتسلاا شوي" << يوم اقوولكم هذا مابيتووب زاايد وهو يظهر فونه من جيب البنطلون ويدور اسم في اللسته ويدق عليه بس محد رد .. تأف بصووت عاالي انتبهت له مياااري .. بدون قصد قالت: تتصل في منوو !! زاايد صد صوبهاا وجاوبهاا بحزم: مايخصج ميااري اووف انا ليش قلت جي الحين بيجلب عليه اووووووووف وشوئ وتسمع زاايد يتكلم في الفوون بس إلي لاحظته ان زايد يوم تكلم ابتعد عنهاا شوي .. بخاطرهاا : ليكوون يكلم وحده من هالصايعاات .. خلني اجرب شوي زاايد وهو مبتسم: هلاا فديتج .. لا لا وياااج --- : وين ويايه وانا اكلمك من مسااعة وانته مطنشني زاايد : لا حوول بلاج انتي بس لان حد من الاهل كان حذاالي عسب جي تأخرت --- : هيه مسمووح الغالي .. إلا ماقلتلي شخباارك زاايد : دام قلبي بخير فأكيد بكوون بخير --- : دام نبض قلبك ياقلبي زاايد وربي ان البناات مقصه خخخ: احيم تسلمين حيااتي وهنيه ميااري سارت صووبه وسمعت اخر كلمة وانصدمت وعصبت منه .. ميااري ماتحملت فحاولت تسرع بخطواتها عسب ترجع الفندق بسرعة .. وهنيه زاايد انتبه لها وسكر الفون ع وييه إلي يكلمهاا ميااري وهيه تصيح ع حاالها .. زاايد وهو يلحقهاا زاايد: ميرة مير اصبري شوي !! مييييـرة انتظريني ميااري من سمعت صوته شهقت بصوت عاالي من كثر الصيااح زاايد في هاللحظة كسرت خااطرة وتم متلووم فيهاا: ميااري اصبري وهيه مسوتله طاااف لين ماوصلت للفندق كـــــــــــــــــــــــــــــــــــــت هع هع شريرة صح !! ^_^ توقعااتكم للباارت الياااي زاايد وميااااري شو بيصير من بينهم ؟! .. عواش بتعترف بكل شئ ولا .. وعلي بينفذ تهديداته ولا لا ؟!.. والثناائي الحلوو محمد وسلاامي شو بيصير من بينهم؟! .. رااشد ونورة شو بتكون حيااتهم عقب إلي صاار ؟!.. حمده شو بتسوي عقب إلي صار بينها وبين رااشد ؟!.. وساالم بيعرف ان مريم تلعب عليه ولا لا ؟! .. شمااا بتعتدل وبتستوي شراات قبل ؟! .. ..................... همسه اخيره: حبيت اشكر شموووخي ذبحني واايد لانها سااعدتني واايد فهالبارت . . |
السلام عليكم ورحمة الله وبركاته كـــــــــــــــــــــــــــــــــــــت>>>>> افف ما احب هالكلمة هع هع شريرة صح !! ^_^ خخخخخخخخخخخخ توقعااتكم للباارت الياااي زاايد وميااااري شو بيصير من بينهم ؟! .. هئ هئ ..تكسر الخاطر مياري ..الله يعينج على زاايد ليش جي يكابر حبه لمياري .. اتوقع انهم بيعيشون حياة سعيده بعد الموقف اللي صار عواش بتعترف بكل شئ ولا .. وعلي بينفذ تهديداته ولا لا ؟!.. هيه بتعترف .. ان شالله ما ينفذ تهديده والثناائي الحلوو محمد وسلاامي شو بيصير من بينهم؟! .. ما اعرف رااشد ونورة شو بتكون حيااتهم عقب إلي صاار ؟!.. ام راشد تقهر .. شو هذي ما تحس الله يعيينج يا نورة .. بانا اتوقع ان راشد بيعذب حمده و بعدين بيطلقها .. احسن هع هع حمده شو بتسوي عقب إلي صار بينها وبين رااشد ؟!.. بتطلب الطلاق و بتحس في نورة وساالم بيعرف ان مريم تلعب عليه ولا لا ؟! .. هيه بيعرف شمااا بتعتدل وبتستوي شراات قبل ؟! .. هيه ان شاء الله يسلمووووووو ع البارت الغاوي وبانتظار البارت على احر من اليمر .. تقبلي مروري ... الجوري..~ |
تسلمين دبووه ع البارت ..~ وتوقعاتي فالبارت الياي ..~ ننتظر البارت الياي ..~ |
يسلمو ــا عــــ* الباراتــ^^ ** |
awL shay slamat 5ytOo ma tshOoFeen shr tw83aty ..,, زاايد وميااااري شو بيصير من بينهم ؟! .. by3rf enha bre2aa w bystsm7 mnha عواش بتعترف بكل شئ ولا .. وعلي بينفذ تهديداته ولا لا ؟!.. haih bss 38b tkfee5 lol ,, la ma bynfd lnha bt3trf والثناائي الحلوو محمد وسلاامي شو بيصير من بينهم؟! .. mwa8f 7lwaa ^^ رااشد ونورة شو بتكون حيااتهم عقب إلي صاار ؟!.. ma a3rf bss allah y3eenhm حمده شو بتسوي عقب إلي صار بينها وبين رااشد ؟!.. hhhh akeed btlz8 feeh وساالم بيعرف ان مريم تلعب عليه ولا لا ؟! .. akeed by3rf lnha ma tstahlah شمااا بتعتدل وبتستوي شراات قبل ؟! .. haih enshallah lna 3wash bdt t3tdl mn 38b al9dma >> bss al9ra7a tstahl niCe part 5ytOo 5thi w8tch bss la tnseena :p |
تسلمييين الغلا يالله البارت الثاني بعد اذنج يعني |
يلا نتريا البارت حبوووبه ^^ |
يعطيج العافيه ونتريا البارت اليآي |
واااااااااي قلبي البااارت حلوو زيدي من موااقف ميااري وزاايد احب الرومنسيه هههههه بقولج توقعااتي زاايد وميااااري شو بيصير من بينهم ؟! .. اممممم بيرووح زاايد يصالح ميااري اممم وبيعرف انها مظلوومه عواش بتعترف بكل شئ ولا .. وعلي بينفذ تهديداته ولا لا ؟!.. عواااش اظني انها بتووب وبتعترف اماا علي اظني يخرط عليها بس عشاان يزيغهااا والثناائي الحلوو محمد وسلاامي شو بيصير من بينهم؟! .. اممم محمد اكيد مابيصبر عن سلامي وبيخطبها رااشد ونورة شو بتكون حيااتهم عقب إلي صاار ؟!.. ماظني ياخذ اساحره حمدووه ويمكن ربي يرزق نوااري بيااهل حمده شو بتسوي عقب إلي صار بينها وبين رااشد ؟!.. يمكن تفك وتراجع نفسها تنسحب من حيااتهم وساالم بيعرف ان مريم تلعب عليه ولا لا ؟! .. اممممم مرده بيعرف وبينصدم ومريم الخسراانه شمااا بتعتدل وبتستوي شراات قبل ؟! .. اللحين هي تفكر ويمكن ظميرها يعوورها بتعتدل وبتوووب عن حركااتها شوو رايج بتوقعااتي لا تبطييين عليناااا نبي الاحداااث جييه حاار حاار تسلمييييييين |
زاايد وميااااري شو بيصير من بينهم ؟! .. يمكن عواش تعترف لزايد عواش بتعترف بكل شئ ولا .. وعلي بينفذ تهديداته ولا لا ؟!.. هيه . . وعلي يمكن يفضحها والثناائي الحلوو محمد وسلاامي شو بيصير من بينهم؟! .. يا ويل حالي انا خخخخخخخخ < هبله الله يعطيني العقل بعد شو بيصير بيعرسون خخخخ رااشد ونورة شو بتكون حيااتهم عقب إلي صاار ؟!.. حمده بترد راشد و نوره بتحمل وجييي حمده شو بتسوي عقب إلي صار بينها وبين رااشد ؟!.. ما بتاخذ رشوود و بتسوي فلم هندي وكان اللهم غفورا رحيما وساالم بيعرف ان مريم تلعب عليه ولا لا ؟! .. بيعرف و بيكره شي اسمها بنوتات < تقهر مريم الود ودي اضبحها هيهيهي شمااا بتعتدل وبتستوي شراات قبل ؟! .. ايوا . , و مشكووووره نبض البداوه ع البارت واتريا الي بعده وحبيت اقول لج . , انا هب سارقه قصتج انا نقلتها و كتبت اسمج ( نبض البداوه ) لأنج قلتي اسمح للكل ان ينقل القصه والسموحه منج |
طرررررررررر طررررررررر نتريا البارت اليديد |
أولا: الحمدلله ع سلامتج وماتشوفين شر حبيبتي ثانيا: الباااااارت روووووعه ومثل ما قالت أختي غاايه زيدي مواقف بين زايد وميره |
yeslamoooo wayeeeeeeeeeed 3ala el part kan wayed 7elw |
زاايد وميااااري شو بيصير من بينهم ؟! .. انهم بيترااظوون وزاايد بيودر البناات و بييعيشووون سعدااءعواش بتعترف بكل شئ ولا .. وعلي بينفذ تهديداته ولا لا ؟!.. هييه بتعترف.... و علي لا ما بيينفذ والثناائي الحلوو محمد وسلاامي شو بيصير من بينهم؟! .. بيحبوون بعض و بييتلااقوون وجييه رااشد ونورة شو بتكون حيااتهم عقب إلي صاار ؟!.. حمده بتطلب من امها انها تلغي الزوااج و نووره يمكن بتحمل ف ام رااشد ما بتفكر انه رااشد يتزووج حمده شو بتسوي عقب إلي صار بينها وبين رااشد ؟!.. بتلغي الزواااج وساالم بيعرف ان مريم تلعب عليه ولا لا ؟! .. هيييه بيعرف و بيخلي مريووم اتحبه صدق شمااا بتعتدل وبتستوي شراات قبل ؟! .. هيي بتعتدل و بترد ويا اختها و جييه ثآنكي البااارت رووووعه ونتريااا الباارت الياااي..~ |
امممم نتريا لبارت اليييدييييد |
يلــأ عااد "نبض البدااوه" لا تبطيين....:GIF_13.gif: :30: |
*** نتريا البارت الياي لا تتأخرين*** ****** ******** بلييييييييييييييييييييييز************ |
اختي وآآآآآآآيد بطييتي يلــا عاد وآآيد متحمسيين نحن..~ |
ربي يعطيييج العآآفية |
ثانكس ع البارت |
لا تبطين علينا بليز بدينا ننسي الاحداث |
ربي يعطيج العافيه ع القصه الروعه بس وايد بطيتي علينا :( وااايد متحمسه انا بلييييييز نزلي البارت =) |
[grade="ff1493 000000 ff1493 000000 ff1493"]السلام عليكم و الرحمة الله و بركاتهـ .. تســلميييين غ‘ـلآي ع‘ـآلبـــآآرت ـآلروـوـوع‘ـهـ .. توقع‘ـآأآأآتـــي \\..~ زاايد وميااااري شو بيصير من بينهم ؟! .. ..*~مــوـآآقـف حـلــوـؤـوـؤهـ<كثر منهـآ ^-* ~ـآلله يعينج يـآمـيـآآري ع زـآيــد ~*.. عواش بتعترف بكل شئ ولا .. وعلي بينفذ تهديداته ولا لا ؟!.. ..*~هيـهـ بتعترف ان شـآآ الله ~آظــن هيهـ بينفذهـ *.. والثناائي الحلوو محمد وسلاامي شو بيصير من بينهم؟! .. ..*~مــوآآقف رووووووووعهـ *-^~*.. رااشد ونورة شو بتكون حيااتهم عقب إلي صاار ؟!.. ..*~يحلييييلج يـآنوورهـ الله يعينج ع‘ـ هـآ العمـهـ الـآ حـآطهـ دوبهـآ من دوبـج ~آممـ مـدري ـآلله يعينهمـ~*.. حمده شو بتسوي عقب إلي صار بينها وبين رااشد ؟!.. ..*~آمـمـمـمـ مـدري وـآلله~*.. وساالم بيعرف ان مريم تلعب عليه ولا لا ؟! .. ..*~هيـــهـ بيع‘ـــــرفـ~*.. شمااا بتعتدل وبتستوي شراات قبل ؟! .. ..*~هيــهـ بتعـتدل~*.. ونــرقـب ـآلبـــآآآرت ـآليــآآي ع‘ـ ـآحــر مـن ـآليـــمـر ..~ ـؤـآلســــمــوـؤـوـؤـحـــهـ .. ~[/grade] |
احم احم .. تسلمين ختيه ع القصه .. و تسلم ايدج .. و صراحه القصه طرطرييشن .. و توقعاتي شراات رهيفة القلوووب .. ويلا لا تبطين علينا |
مرحبا الساع ولا يسدن في ذمتيه وان زادن فلا باس ..، تسلمين الغلا ع القصه الطررررررررررررر ..، بصراحه غرمت بي من الخااااااااااااااااااااااطر ..، وتوقعاتي ..> زاايد وميااااري شو بيصير من بينهم ؟! .. .. ممممم اتوقع انه زايد بيعرف الصدق .. بحكم انه سأل عن الرقم ..، عواش بتعترف بكل شئ ولا .. وعلي بينفذ تهديداته ولا لا ؟!.. ممم بصراحه ماظن انها تعترف لانها راح تخاف .. اما علي اذا العاش استسلمت له راح تسلم .. لكن ان عاندت فـ الله يكون في عونها ..، والثناائي الحلوو محمد وسلاامي شو بيصير من بينهم؟! .. .. أوووب هاييييل خليهم بصوووب .. هههه ثناااائي طررر .. واعتقد الامور راح تطور بينهم ..، رااشد ونورة شو بتكون حيااتهم عقب إلي صاار ؟!.. .. =( الله يعين بصرااااااحه .. حياتهم تحولت لجحيم من عقب هالخطبه ..، حمده شو بتسوي عقب إلي صار بينها وبين رااشد ؟!.. .. ما راح تسوي شي لانها تحبه فـ بتبين للكل انه يحبها ومن هالاسلوب ..، وساالم بيعرف ان مريم تلعب عليه ولا لا ؟! .. .. عاجلا أم آجلا راح يعرف ..، شمااا بتعتدل وبتستوي شراات قبل ؟! .. .. اتوقــع انهــا رآح تعتدل ..، والسمــوحـــه ..، نرقب البآآآآآرت اليآي ع احر من الجمر ..، خويتج =) |
السلاااام عليييكم اشحاالكم كلن بحالهـ ؟؟ اشتقتلكم واايد السموحه عالتاخير اللي ماكان بييدي ^ـ* و اذا ما رديت عليكم هذا مب معناااته اني مطنشتنكم انا ادوور اي فرصه بس عشاان ادش و اشيك عالعمووم اشكركم كلكم على صبركم عليه و تفااعلكم و الباارت ان شاااء الله قريب يعني خلال هالايااام :) |
ربي يعطيج العافيه ع القصه الطــر ونتريا البارت |
*~.. الفصل التــآآسع .. ~* دخلت السويت مالهم و سكرت الباب و هي معصبه ودموعها تنزل تلقاائي .. لييش انا لييييش حتى فاللحظات اللي فرحت فيها و حسيت عمريه انساانه ما خلاني اتهنى فيها .. فجت شيلتها و عباتهاا و كانت بترووح غرفتها بس وقفها صووت زايد المعصب زآيد بعصبيه و بصووت عاالي : وقفــــــــي خوفتها نبره صوته بس طنشته و كملت للغرفه زـآآيد و هو كاتم عصبيته : ميروووه وقفي دام النفس عليج طيبه طنشته و كتمت دموعها و شهقااتها و اول ما وصلت للباب تبا تفتحه ما حست الا بيد زاايد العملاقه بدفااشه زآآيد و الشرار يطلع من عيوونه قال بصوت عالي : قلتلج وققققفي ما تسمعين ميرووه تنفست بقووه تحااول تكتم غضبها و قالت بصووت هادي : نعــــم !! صدمها صووت الكف الللي وصل لخدها و تم يتردد صدااه على مسمعها طالعته بصدمه و هي تحاااول تستوعب الوضع !!!!!!!!!!!!!!!!!! نرد للاماررااات و عند شموه بالاخص .. أوووف شو هالملل شو هالحيااه اللارف و المشكله من امس و انا احااول ادق حق عوييش بس يعطيني مغلق اخاااااف صابها شي الله لا يقووله .. طلعت برا الغرفه و هي تحاااول تتخلص من الملل و يلست فالصااله و لقت ابووها يالس فيهاا سللمت بدون نفس : السلام عليكم قربت صوب التلفزيوون و فتحته و تمت تطاالع الفلم ابوو شما : و عليكم السلام و الرحمه وييينج ما تنشااافين يا بنتي ؟؟؟ شماني بملل : وين بعد هني فهالدنيا ابووها طالعها بيااس و قال بصووت حنون : تغيرتي يا بنتي تغيييرتي تلاحقي عمرج قبل لا يفووت الفووت صدقييني بيي اليوم الللي بتتمنين فيه ان هاللحظات تنعاد شما بعدم اهتمام : يصير خير دخلت عليهم ساارووه و هي فرحاانه و بشووشه كالعاده ساارووه بمرح : سلاااام علييكم و نقززت عدااال ابوووها فالكرسي ساارووه : و علووووووومك ابوويه ؟؟ ابو حمد : هههه و الله انج ترديلي الرووح يا بنتي ما شي علووم و الله ساارووه و هي تطاالع الكييس اللي عدااله بفضوول و تمطها بطفووليه : نيييهانييها وو شوو هالكييس اكيد حقي صح ابو حمد : هههه مادري فيج تراااج شليتيه بدون استئذان حتى ساارووه و هي تضربه بالخفيف بكف يدها : مافي بيني و بينك استئذاان صح يا بو الشباب أبو حمد : ههههههههههههههههههه الله لا يحرمني منج ساره و هي تلعب بعيوونها بدلع : و لا منك و شهقت بقووه اوول ما شافت اللي فالكييس : وااااااااااااااااااااااااااو يبتلي الكييمرا اللي خااطري فيها ما اصدق ابوو حمد : اكييد و انا اخلي شي فخااطر بنتي حبيبتي ساارووه و هي مستانسه :رووووووووووعه واايد تسلم ابوويه ما تقصر لاخليت منك شما فهاللحظات خانقتنها العبره و هي تسمع اصواتهم مستانسين و عايله جد بلعت ريجها و فرت الجهااز و قاامت .. قالت بصووت خانقتنه العبره : أنا رايحه ارقد أبوو حمد : تعاالي يابنتي و انتي بعد انا يايبلج شي شما : شكرا ابوويه عطه سارووه يمكن تحتاجه اكثر ساارووه هني حست بابووها و قالت بصوت خفيف لها : يلا عاد خذيه من ابويه شما بعد تفكير : خلاص بااخذه .. و قربت و خذته ثم قالت : تسلم ابويه أبوو حمد ابتسم لها بحنان و رووحت عنه ^ــ ففرنسا و الجو متوتر ــ^ بعد ما صفعها بقووه قال بعصبيه : مب انا اللي بربع وراج فالشارع فاااهمه من الصبح اناديج و تعطيني طااف .. مب علي هالتصرفااات شكلج بعدج ما عرفتي من هو زايد لاكن ان عدتي هالحركه يا ميره ما بتشوفين خيرصدقيني طاالعته بقووه و قلبها مكسوور من دااخل و ما قالت و لا كلمه عصب زياده من قوات عينها و انها ما تاثرت مسكها من ذقنها وقال : انا يوم ارمسج تنزلين عينج فاهمه ما قدرت تكتم شهقتها و اللي طلعت بقووه و تبعتها دموع اربع اربع ما تحملت قفت عنه صوب حجرتها و قفلت الباب بسرعه تكورت على عمرها و تمت تصيح بصووت عالي .. انا مستحيل اعييش معاااه هالعيييشه مستحيييييل .. شوو ذنبي شووو ذنبي يسويبي جذييه ذنبي اني حبييييته اهييء اهيء لييش جذي .. بس و اللله ما اتم وياااه ثانيه وحده .. و قااامت صووب الكبت و فتحته بقووه و دمووعهاا تطيييح اربع اربع فجت شنطتها و تمت تفر الثياب اللي ما مدالها تلبسهن بااااهماال في نفس المكان لاكن في الصاله اللي عدالها تنفس بقووه من سمع صووت صيااحها و غمض عيوونه و طااح عالكرسي بهدووء .. يالله انااا شو سويت خربت كل شي مب مني من عصبيتي الزاايده و اللي مالها دااعي بس شو اسوي نرفزتني يعني قااعده اركض وراها طوول الدرب و لا اخر شي ترقع الباب فويييهي .. بس انت السبب يعني ما تقدر تاجل مكالمتك لبعدين .. اوووف شسوي الحين ارووحلها و لا ما اروووحلها لا لا شووو هي اللي لازم تعتذر مب انا .. هي صح هي اللي تعتذر .. قطع تفكيره صوت الباب لف بصدمه وشاافها يايه بتطلع من غرفتها .. معقوله ياايه تعتذر !!! فتح عيوووونه بصدمه اول ماشااف الللي وراها كانت شنطه سفرها !! شووووووووووووه !! بدون ما يحس وقف .. و هي قربت منه و هي تشااهق و دموعها تنزل جمعت انفاااسها .. طااالعته و قالت بصوت هادي " هدوء ما قبل العواصف " : ردني الامارات طالعها و تنح بعد كلمتها : شووه ؟؟ ميره نزلت راسها : اللي سمعته زايد لف راسه و قال بعناد : مستحيييييييييييييييل ... عند حمده و ربيعتها حمده تصييييح : قهرني قهرني يااشمووس كيف قدر يقووولها لي في يوم خطبتي كييف !! شموس بخبث : بس بس يا حيااتي لا تصيحين حمده : الله ياخذها لاعبه بعقله صدق انها ساااحره ما تييب عياال و ميت عليها شموس بخبث عجيب : و بتخلينها تغلبج !! حمده بكرامه : لا طبعا بس مااا اعرف شسوي شموووس : تبييينه صدق حمده : أكيييييد شموس : خلاص عيل خليها علي حمده مسكتها بحماس و خوف : شو بتسوين ؟؟ شموس : انتي واثقه فيني و لا لا حمده : أكيييد وااثقه فيج شموووس : خلاص عيل بس ييبيلي أي شي يخصه فاانيلته او أي شي حمده و كانها استوعبت شموس شو بتسوي نقزت بخوف و قالت : لا لا لا الا السحر مستحيل للا لا خلاص مابا شي مابا اسحر رااشد شموس : خلاص كييفج بس اعرفي أي وقت تحتاااجيني فيه بكون موجوده حمده بامتنان : تسلمين و الله شموس : يلا عيل انا بخليج الحين و تيك كير حمده : أووك بووصلج لين الباااب شموس : لا لا ما يحتااي حمده مطتها من يدها : يلابلا دلع و قبل لا تطلع شموس طالعت حمده ببراءه و قالت : أي وقت تبين تسحرين راشد و تخلينه يحبج فاتاكدي اني انا موجوده " و غمزتلها " حمده خاافت من الفكره بس قالتلها : أووك فداعه الله شموس : مع السلامه حوبي ودعتها و هي تبتسم مادرت بالعيون اللي كانت تطالعهم و الاذن اللي كانت تسمعهم .. الله يستر .. ... عند ميثاني " ربييعه مهااري و ميااري للي نسوها .. اللي وصلتهم قبل ويا اخووها ^ــ* " ميثوه قربت صوب اخوها عبد الله و قالت بدلع : عبوووودي طالعها بملل و قال : نعم من الاخر شو تبييييين ؟؟ ميثووه بمكر : انا احبك تدري عبد الله : سبحااااااااااااااااااااان الله مب كنج امس قلتيلي انج تكرهيني ميثووه : أوه هذاك قبل كنت معصبه عبد الله : شو تبين ؟؟ ميثوه : امممممـ ابا اطلع اتمشى عبد الله : لا ميثوووه : لييييش ؟؟ ميثووه بووزت : خلاص مابا منك شي مشكوور عبد الله ابتسم : اوونه زعلتي ميثووه لفت ويهها و قالت بزعل : عيل شو تشووف انت متى اخر مره مشيتني من زمااااان و لا كنك اخووي و و .. اللي بقيتلي فهالدنياا عبد الله حزن لحاالها فقالها : خلاص خلاص لا تسوين لي مااسااه الحين خلااص رووحي و جهزي ثييييابج و يلا بنرووح ميثووه نقزت بفرحه : صدق عبدالله هز راسه بمعني هيه ميثووه لوت عليه : يااي شكرا شكراااا و الله من زمان ما ظهر عبد الله بنذااله : يلا عاد خمس دقاايق و لا برووح عنج ميثووه خوزت عنه و بوووزت : بداا شغل النذاله عبد الله : ههه اسووولف بسرعه تزعلين انتي ميثووه رااحت تركض عشان تتجهز بسرعه : كييفي اننه عبد الله :ههههههه ... في بااغيس " باريس هع " بعد كلمته انفجرت و قالت بصووت عالي : مستحيييييل تقوول مستحيل عيشتي عااك اللي هي مستحيل مسحت دموعها و قالت بصووت مبحوح : حبيتكـ هي نعم حبيتك من كل قلبي لاكن بشو جازيتني اتهاااااامك لي فشرفي و وو .. تكلم صاايعات قدامي بعدين تي و تعلل هذا بانك تبا تعيش حياااتك .. عيش حياتك عيشها .. انا عنك و بشل عنك همي و تقدر تعييش حياتك مثل ما تبا أووكـ لاقــل ودك يفعــل الله ماشاء كانك نويت البعد يكفي احترامك عادي يموت الحس في قلوب الأحياء وعادي بعادك مايغير مقامك دخلت قلبي واستحليت الأجواء وانثرت في درب المولع هيامك قبل الظهور وقبل تسليط الأضواء كنت الصباح اللي يعيش بظلامك تخطي وأنا ماشوف بأخطاءك أخطاء وأقهر ظروفي لجل أحقق مرامك اهديت لك قلبي وارخصت الأهداء ومع مرور الوقت قل اهتمامك تركت لي في مسمعي حلو الأصداء واحرمتني شوفك وحلو ابتسامك لا نويت تبعد خل للي بعض الأشياء ذكرى جميله من بقايا غرامك .. تحبني ميره تحبني يالله ما اقدر اصدق و انا ويني ما انتبهت .. ما يدري ليش تم يرفض كلامها اللي عقب لا لا لا ترووووحين .. لاااااااا .. زايد بحزم : ما بنرد البلاد الين مايخلص الشهر ميروه بصراخ : مبعلى كيييفك انا تعبت منك و من انانيييتك و تسلطك تعبببببت ياخي فكني من شرك زايد بلع ريقهـ بس تم يطالعها بكبرياء عكس انكساره اللي فداااخلله طااالعته بيااس و قالت ماشي غير هالطريقه شلت فوونها و دقت على ارقااام عزوتها و اخوها ســالم تم يطالعها بفضوول و ترقب .. شو قاعده تسوي هالخبله ؟؟؟ سالم : هلااا هلا و الله بحبيبه قلبي ارتاااحت من سمعت صووته الهاادي قالت بهدووء : اهليين يا رووح و قلب ميرووه .. امسك عمرك يا زايد لا تتتهور لا تتهور .. سالم : علني ما خلا من هالمنطوق انا شحالج فديتج ؟؟ ميروه بعد ما تنهدت : آآه بخير و من صووبكم ؟؟ قرب صووبهاا بتهور و مط التلفوون منها و هو يسمع صوت سالم يقول : و الله كلنا بخير ننتريا رجعتكم البلاد الا علووم زايد لا يكون ملعوزبج بذبحه طالعته بعصبيه و نص عين خلاااااص فقدت الامل منه و قرار رجعتها البلاد مستحيل حد يردها عنه بعد هالتصرف طالعها بندم كانه يااهل مسوي غلط و عطااها التلفوون و هو واقف مكان قالت بصوت خفيف : ارتحت و ردت لسالم : هلا سالم انا معاااك سالم : اشك ههههههه ماردت عليه و هذا اللي خلاه يخاف عليها : ميرووه بلاج شكلج مب طبيعيه فيج شي ؟؟ ميره بصوت هادي وبحزم : سالم ابا ارد البلاد سالم و زايد فنفس الوقت : هااااااااااااه زايد .. مستحيل مستحيييل تقوول حق سالم يردها هااي تخبلت لا لا هااي مب ميرووه اللي اعرفها مب هي .. سالم باستغرااب : لييش ؟؟؟ ميراااني بترجي : ساااالم بليييز قوووله يرجعني البلاد و لا و الله ارد برووحيه و ما عليه منكم هني زايد فج عيونه على كبرهن : !!!!!!! سالم : اووك بقووله بس لييش ؟؟ ميرووه : بليييز انت قوله و انا عقب من ارد بفهمك الساالفه كلها بليييز >...< سالم : خلاص خلاص اووك انتي عطيني زايد ميرووك : اندووك و مدت التلفوون لزايد اللي كان فاج عيونه من الاستغراب : !!! زايد : هلا سالم سالم : اهلييين .. زاايد انت شو مسوي بميره ؟؟ زايد : يا سالم هذا شي بيني و بينها ليش تدخلك انته فالسالفه سالم فكر انه السالفه ما تحتاي و ميرووه اللي كبرتها : اووك ردها البلاد شكلها ملت من اليلسه هناااك زايد بعناد : لا سالم : يا رياال البنت لايعه كبدها و عايفه البلاد لييش تزيد فمصااريفك فشي ماله دااعي زايد : .... سالم : و بعدين انت بتكون هني بين هلك و ناسك و بترتاحون اكثر خلاص البنت عافتها البلاد و بيني و بينك احس انها زعلانه منك زآيد : ... سالم : بلاااك ليش ما ترمس لا يكوون مسوولها شي كبير ترا كل شي الا خواتي بدوووس فبطنك ان سويتبها شي زايد : لا اله الا الله سالم : شو تباني اييكم لين هناك و ارجعها و لا زايد : لا لا يا ريال خلاااص بنرد البلاد شنسوي بعد سالم : هههه خلاص عيل نتريااكم زايد : مع السلامه سالم : فحفظ الرحمن لف عليها و لقااها واقفه تستناه يقول شي قاال ببرود : بنرد البلاد خلاص بس اتريي لين القى حجز قفت عنه ببروود اكبر و راحت حجرتها و سكرت الباب ... في مستشفى توام و عند عويش بالاخص حالتها زفت × زفت لا تاكل و لا تشرب بس يالسه فزاويه من زوايا الغرفه و لامه عمرها و تصيح دم .. معقووووله كل هذا يصير لي الله يا الدنيييا يالدنياا شسوي الحين .. آآآه و الله اني ندمانه قد شعر راسي ... آآآه يا عليي يالنذل كل هذا يطلع منك اممممي شسوي الحين يا ربي ارحمني ... ويينج يا امي ويينج آنا اسفه و الله اني اسفه على كل شي سويته فيج امي سااامحيني ساااااااااااامحيني دخلت عيها امها اللي كانت مااازرتنها طول اليوم اللي طاف و اليوم بعد قربت صووبها و يلست عدااالها طالعت شكلها اللي كان غريـــب غريـــب واايد مب هي عايشه الاوليه كحــآلها كان سااايح على ويهها من كثر الصيااح و شيلتها طاايحه على كتفها و مبينه شعرها اللي كان مفتوووح كامل و طاايح على كتوووفها باااهماال و عباااتها مثل ماهي من امس كل شي كان غلط فيها بس منو يهتم الحين .. لا شكلها نفعها و لا تصرفاتها نفعتها ... مسكتها بهدووء على يدها بس عايشه ردت تصيح مثل قبل و اكثر من لمستها مجرد شووفتها لامها تخليها تصيح اكثر و اكثر كل ما تتذكر انها خانت ثقه امها و سوت اللي سوته في حيااتها تصييح زود أم محمد بحنان : بلااج يا بنتي شو فيج تغيرتي ؟؟؟ خبريني انا امج ؟؟ فضفضيلي يابنتي هالكلام بالذات خلاها تصيح اكثر و اكثر .. شقوول و لا شقول يا اماايه يالغاليه اقوول اني وطيت راسكم فالتراب اقوول اني سودت ويووهكم بافعالي الشينه شقووول و شو اخلي يا امي طااحت فحظنها و هي تكمل نووبه صياااحها ... في أمريـــــكــآ عند سيف .. سيف .. اممممممـ الحيـــن بدقله و بشووف اخرتها معاه .. تنحنح و دق مطر من فضوله علطول رد سيف : ألووو مطر : مرحبا و اخييراا سيف : ههههههه شحالك الشيخ ؟؟ مطر : يسرك حالي و من صوبكم ؟؟ سيف : بخير الحمد الله مطر بدفاشه : بتخبرك الشيخ انت بلااك تدق رنه و تسكر من امس سيف كتم ضحكته : ما عنديه رصيد مطر بعدم تصديق : لا و الله سيف : هههه خل عنك احينه ابا اتلاقا ويااك وين اشووفك؟؟ مطر : أمممـ في شارع ....... أووك سيف : تم .. يلا عيل مع السلامه مطر : بااي سكر عنه و راح صووب سلطان الرااقد و مط عنه اللحااف و سكر المكيف سلطـآآن : آمممممممـ سيف تم يضحك على شكله ريل يمين و ريل فووق هع الله يعين حرمتك بس و تذكر يووم رش عليه الماي امس و يته فكره جهنميه يااااب كوبين ماي باااااارد و حط فيهم ثلج و راح عنده :: طرااااااااااااااااااااااااش فهاللحظه نقز سلطان : آآآآآي آآي أأي ايي احححح يا ربي:\ شو هالثلج سيف نقع ضحك منه : هههههههه احسن اسبحك قبل لا تاخررنا سلطان طالعه بكره : انا براااويك و هجم عليه تم يمط شععره الطويل نوعا ما << هع نوعا ما الين ما كبرت الضرابه و استوعت بالمخاد و الماي سيف كنه تذكر شي طالع ساعته و ضرب يبهته : اوووووووووووووف سلطان عايش الجو بعده : بلاااك سيف قرب منه و مطه من قمييصه : بسرررعه بسررعه سير اتلبس يلا شي ضرووري سلطان بعبط : شووو ؟؟ سيف : مااااايخصك اوولشي اتلبس و عقب بقوولك سلطاان : اووف سيف : منك ... عند نوره و رااااشد فالغرفه دخل الغرفه بهدووء و هو بنزله سفرته و عقاله : السلااام عليكم نوره بصوت خفيف : و عليكم السلام راشد : شحاالج حبي ؟؟ نوره لفت ويهها عنه و قالت : بخير راشد بضحكه : و انا بخير داامج بخير ماضحكت و لا طرت عليها أي رده فعل قالت بصوت هادي و هي منزله راسها : عرسك عقب كم يوم صح راشد و كانه مل من هالسالفه : رديينا عالطير ياللي نوره : ماقدر ماقدر اتحمل اشووفكم و يا بعض بلييز طلقني طلقني يا راااااشد راشد : لا لا لا انتي ما تفهمين ياب كرسي و يلس مقاابلها عالشبره .. مسكها من ذقنها و قال : طاالعيني رفعت راسها ببطئ: نعم راشد : انا احبج اعشقج اعشق التراب اللي تمشين عليه هذا ما يكفيج .. و مستحيييييييل مستحييل حد يفرق بينا حطي هالكله فعقلج و ودرها و طلع .. عند عوييش الغرفه كانت فاضيه و محد فيها غيرها دق التلفوون و سمعت الرنه اللي تكرهها و اللي حاطتنها لاكثر انساان تكرهه فالوجود ربعت صوب التلفون بخوف و شلته جمعت انفااسها و قوتها اللي بقت و قالت : الوووه علي : هلا و الله هلا باللي له القلب يشتااق تصدقين اشتقت لغرورج و كبرياائج اللي تتصنعينه ههههههه حاولت تحافظ على هدووءهاا : نععم علي : الله ينعم بحالج هاا شو قلتي تراني مستعيل عالفضيحه غمضت عيونها بقووووه و نزلت دمعه حاره على خدها هاذي نهايتها تتهدد على ايد وااحد حثااله مثل علي قالت : اسمعني يا علي يالخااام انا عاايشه و مستحيييل اخضع لوااحد مثلك فاااااهم مستحيل اييلك برييلي انااا اكرررررررررهك و اكره اليوم اللي عرفتك فيه تعرف شو الشي الوحيد اللي اتمنا في حياتي اسمع خبر وفاااتك مووتك وافتك منك اكرهك اككرررهك كانت تتكلم بهستيريا مب طبيعيه تطلع غضبها اللي كتمته طول هاليووومين علي ببروود : هاهاا ها يا حبي تراني تعودت على هالكلام من كل بنت من امثالج يالصااايعه و كانج تبين شي يخوووفج اكثر فااانااا فالخدمه بطرشلج صووره من الصور و لا تبيني اطرشه لخووج احسن عويش و هي تصيح و تصارخ : كريييييه نذل نذل اكرررررررررهك اكرهكككك تفهم فهاللحظه دخلوو عليها الممرضاات و تمو يهدوونها و عطووها مهدي و طبعا غلقوو التلفوون و حاولوو فيها لين رقدت و هي تصارخ بااااكرهك و تصييييح ... في المول عند سالم و ربيعه بطي بطي : حشى بلاك سااكت من الصبح و انا ارمسك و انت و لا عالبااال سالم بدون نفس : اسكت عنيه دخيلك بطي : لاحوول .. طاااااااالع طاالع هالبنت اسميها غراام سالم طالعها من ظهرررها لانها كانت لافه ويها : ما امتحنت منها .. و فخاطره يقوول ما بتوووصل مستوااج يا مريم بطي : رووح لاااه شووف الدلع و الرقه ياا ويييل حالي انا سالم : تعرف انك واحد فاضي بطي ضحك : ههه من زمااااان و بعد ثواني قال : تعال تعال بترووح تعال بنلحقها الا اييب راسها هالبنت سالم رووح انته انا مب متفيق لهالسوالف احينه انا بيلس فالكوفي اللي مجابلنكم بطي بدون اهتمام : اوووك كييييفك و راح بسرعه بيلحق البنت على قوولته بطي : يالحلووو نظره نظره بس لفت عليه بدلع و طالعته بغنج و لفت عنه بطي : و يل حالي من العيوون الذباحه كم بعيش كم بعيش انا طالعهم سالم و قال فخاطره : شهالهبل ما عندهم غير مغاازل و ترقيم وطالع البنت بعدم اهتمام بس زاد هالاهتمااام شوي شوي لا لا مستحيييل و كل ما تلف ويهها زياده كل ما يبين من هي !! هاااااااااااااااااه هاي ...... لااا مب معقوول بدون احساس قاام بعصبيه و هو يسمع كلمات الغزل من بطي ما حس بعمره الا و هو ظاربنه بكس على ويييهه الثنينه التفتووو بصدمه !!!!!!!!!!!!!!!! كــــــــــــــــــــــــــــــت من تتوقعون هالبنت ؟؟؟ شو تتوقعوون يستوي فالمول عند ميثووه و عبد الله ؟؟ عويش بتنفضح أو بتسمع كلام علي " النذل " حيــآه ميروووه و زاايد كيف بتكون اذا ردوو و هل بيفترقوون ؟؟؟ حمده فالنهااايه بتسحر زايد و لا بتخاااف ربهاا و السموحه عالقصووور ادري ان البارت قصير بس ساامحونيه هالمره و ان شاء الله بتلقوون اللي يرضي غروركم فالمرات اليايه ..! مع السلااامه |
من تتوقعون هالبنت ؟؟؟ امم مريرم اللي ساالم يحبها شو تتوقعوون يستوي فالمول عند ميثووه و عبد الله ؟؟ ممم يمكن تقوول له انها سمعت حمدو ورفيجتها يبوون يسحروون راشد عويش بتنفضح أو بتسمع كلام علي " النذل " بتنفضح ولا حد بسـآآعدها حيــآه ميروووه و زاايد كيف بتكون اذا ردوو و هل بيفترقوون ؟؟؟ ا ممم لا يمكن عويـش بتعترف باللي سـوتـه ترـآآ عـويش{ مـآآتدري كمـآآ تدين تدـآآن} حمده فالنهااايه بتسحر زايد و لا بتخاااف ربهاا ـأممم بتخـآآف ربهـآآ~ْ تسلمين عنوني ع التكمللة ونترقب البـآآرت نيـوو حـووبي~ |
ممم خيتـوو إذـآآ مـآآعليج امر نزلي لنا بـآآرت اووكـ عنـوني~ْ |
yeslamoooooooooo ya el'3ala 3ala el part el new |
من تتوقعون هالبنت ؟؟؟ آختتته شو تتوقعوون يستوي فالمول عند ميثووه و عبد الله ؟؟ مادري >< عويش بتنفضح أو بتسمع كلام علي " النذل " تسمع كلامه او بتعترف حيــآه ميروووه و زاايد كيف بتكون اذا ردوو و هل بيفترقوون ؟؟؟ امممممممم يوم يوميين عقب بيردون لبعض حمده فالنهااايه بتسحر زايد و لا بتخاااف ربهاا 100% بتسحره بنتظار البارت ^^ |
من تتوقعون هالبنت ؟؟؟ مريــــــــــــــــــــــــم شو تتوقعوون يستوي فالمول عند ميثووه و عبد الله ؟؟ بيشوفون حد يعرفوونه << حلفي انتي بس لالا لا امزح الصدق مادري شو بيستوي عويش بتنفضح أو بتسمع كلام علي " النذل " امممم مشكلتها مشكله هي بعد اتوقع بتسمع كلامه لانها بتخاف من الفضيحه بس ان شاء الله لا حيــآه ميروووه و زاايد كيف بتكون اذا ردوو و هل بيفترقوون ؟؟؟ ميروووه بتكرهه شوفته وطاريه وزايد العكس بيتاكد من براءتها وبيتعلق زود فيها حمده فالنهااايه بتسحر زايد و لا بتخاااف ربهاا لا لا بتخاف ربها i hope that ^^ و السموحه عالقصووور ادري ان البارت قصير بس ساامحونيه هالمره و ان شاء الله بتلقوون اللي يرضي غروركم فالمرات اليايه ..! لا بالحل الغاليه اكيد كانت لج ظروووف تمنعج من بارت اطول عن جي ونتريا ابداعاتج دومز |
تسلمين .. و توقعاتي شرات ميث المناصير .. ويلا لا تبطيين علينا واايد خيتوو .. !!ّ!! |
يسلموووووووووووووووووو |
طررررررررررررررررر يسلموووووووووووووووووو |
القصه طرررررر ماعليها كلام من تتوقعون هالبنت ؟؟؟ اتوقع انها مريم وسالم بينصدم منها بس الصراحه المفروض يصفعها هي هب ربيعه شو تتوقعوون يستوي فالمول عند ميثووه و عبد الله ؟؟ امممم اتوقع انهم بيشوفون مهاري في المول والميث بتسير صوبها عويش بتنفضح أو بتسمع كلام علي " النذل " اتوقع انها بتسمع رمسته محد يدري حيــآه ميروووه و زاايد كيف بتكون اذا ردوو و هل بيفترقوون ؟؟؟ يمكن اذا ردوا الامارات حياتهم تتغير بس للاحسن لانه زايد بيكشف رقم علي حمده فالنهااايه بتسحر زايد و لا بتخاااف ربهاا اممممم كل شي جايز يمكن تسحره ويمكن لا بس الله يصبر نواري هذا اول رد لي في قصتج وتفاعلي معاج نتريا الباااااااااااارت اليااااااااااااااااااي وتسلمين الغاليه |
| الساعة الآن 06:22 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir