|
. . . البارت الـ 133 . . . سلطان : وينج ؟ ما دقيتي اليوم . . عذاري : واذا انا ما دقيت يعني انت ما بدق؟ منو الي يمر بظروف ؟ سلطان : . . عذاري : ممم انا ببند حبيبي ابغي ارقد . . احس بتعب فظيع سلطان : من شو ! عذاري : كيف من شو ؟ انا من 3 ايام من الصبح لين فليل بس فالمستشفى ومارقد عدل . . شوي على سيف وشوي على مهره . . ماتعرف يعني ؟ سلطان : شفيج ترمسيني بانفعال !! ارمسي شوي شوي عذاري : ان شاء الله . . انا اسفه . . سلطان : ابغي اشوفج عذاري : تعال اي وقت . . سلطان :الحين . . عذاري تشوف الساعه تشير للـ 10 . . : مش وقته الحين . . حزت رقاد ومحد فالبيت نصهم عند مهور ونصهم رقود اهني . . سلطان : ششو يخصني فالكل . . ابغي اشوفج انتي عذاري : باجر ان شاء الله سلطان يركب السياره : الحين بيييج . . عذاري : . . سلطان : لازم اشوفج . . عذاري تتنهد : بترياك . . سلطان : خلج معايه ع الخط . . لاتبندين . . عذاري : ان شاء الله . . عقب دقايق بسيطه . . سلطان : انا برا . . عذاري تطلع من غرفتها : الحيين بييك . . خلت السماعه فاذنها وبعدهم ما بندو . . بطلت له الباب ودشو الميلس . . سلطان يرمس بالسماعه : ما بتسلمين علي .. عذاري بعد ترد عليه بالفون : امبلا . . مدت ايدها ومد ايده وسلمو ع بعض . . سلطان كان ماسك ايدها بحنيه . . عذاري تبتسم بمجامله : تفضل ايلس . . وقعدت شوي بعيد عنه . . سلطان بعده يرمس بالسماعه وبصوت واطي : زعلانه مني . . عذاري تصد الصوب الثاني : لا ليش ازعل . . افا عليك إلي يحلالك سوه . . تطمممن حبيبي قلبي ما يزعل عليك . . سلطان : صدي وطالعيني . عذاري تمسح دمعتها وبعدين تصد له . . سلطان : تعالي ايلسي حذالي . . يصير جي ؟ انتي بعيد وانا بعيد ونرمس بالفون ؟ عذاري : يالله خلاص بند من اهني . . سلطان :اول تعالي حذالي عقب بببند . . عذاري : ان شاء الله . . باي . . وبندت من الفون ومشت بتسير صوبه . . واول ما مشت يا صوبها ومسك ايدها وسحبها لصدره . . > < < تفاجئئئئت حيل من حركته . . ماتوقعت . . تمت بذهول . .حظنها باقوى ما عنده لكنها ما سايرته بالحظن . . عقب ثواني بسيطه فج عنها وقعدها حذاله ومسك ايدها وباسها . . عذاري تطالعه : تكفر عن غلطتك . . سلطان : انا غلطت صح ؟ عذاري تنزل راسها . . سسلطان يرفع راسها : عادي قولي . . عذاري : ماتوقعت انك انت اتعرف تضرب او تعرف اتمد ايدك . . سلطان يتنهد : ولاا انا توقعت هالشي . . اول مره اكتشف هالشي فيني . . بس انتي استفزيتيني ترى عذاري تنزل راسها :ح ـتى لو . . تعطيني طراق عاد ! طرااق . . " تطالعه عين بعين " هنت عليك . . سلطان يغمض عينه : والله ما هنتي علي والله . . حسيت بخنجر يطعن يوفيه والله عذاري تطالعه : لكن ما قلت هالكلام . .ولا اتصلت تشرح لي وتجبر بخاطري بهالرمسه . . تام تكابر وتخش الكلام الحلو عني . . سلطان : انا وايد اسسف . . عذاري تمسك ايده : لا حبيبي لا تتاسف . . سلطان : سكتي خليني اكمل . . عذاري : . . سلطان : انا اسف لاني ساحبنج بطريقتي . . وابيج تمشين مثل ما انا افكر وابا . . ما انكر ماعطيتج الي تبينه ولا خليتج تسوين الي تبينه وخليتج تمشين مغصوبه واطاوعيني بس . . فكرت بنفسي ما فكرت فيج . . كنت ماخذنها عاده . . " يطالعها " وع فكره انتي عودتيني اي شي اقوله يتنفذ على طول بدون نقاش . . كان في اشياء صغيره وبعدين كل شي كببر اكثر واكثر . . وكلامج ذاك اليوم استفزني . . طلعني عن طوري . . انتي فاجئتيني فيج اصصصصصلا . . عمري ما شفتج تعلين صوتج وتراددين وحالتج حاله . . فـ صار الي صار . . وانا من ذاك اليوم عيني ما تتهنى برقاد . . نفسيتي تعبت وايد والله يالغاليه عذاري تبتسم :فديت صوتك . . سلطان يطالعها : شوه عذاري : فديت صوتك وايد غاوي . . سلطان : تبين بكس ؟ عذاري تبتسم : تونا شو نقول . . سلطان : احين اانا ارمسج في شي وتقولين لي صوتك حلو عذاري تطالع عيونه وتفاعل ويهه وهو يرمس وتبتسم . . سلطان : شفيج . . هبله انتي ؟ عذاري : وين كنت اليوم ؟ سلطان : ولا مكان . . عذاري : مول مول ما رحت مكان ؟ سلطان يتذكر : لاء . . " باهتمام " ليش ؟ عذاري تحط ايدها ع قلبها : الحمدلله . . سلطان : ليش انزين عذاري : عشان ما اذبحك وحد شايفنك وانت جي . . سلطان : كيف جي عذاري تقرص خده : بهالحلاه . . سلطان ابتسم :لا والله ؟ خبله خبله عذاري : يصير ألبسك نقآب ؟ سلطان : شرايج تلبسينه انتي قبلي . . عذاري : لالالالا . . اسكت خلاص . . سلطان : هيه اعتدلي احسن . . عذاري : ما بغي حد يشوفك . . " تبوز" سلطان يبتسم : خلي يشوفون . . اهم شي انا منو اشوف . . عذاري : يعني سلطان معقوله عينك ما تسير مني مني . . سلطان : اول خلج من ها كله وخلينا فموضوعنا عذاري تمسك ايده : لا مابي والله تقول سلطان يتنهد : يا غناتي ودري عنج هالرمسه الي مالها طعم عذاري : قووووووووووول لي عاد . . سلطان: شقولج يا بنت الحلال عذاري : انت عينك ماتي بالغلط ع حد منننننني مناك . . قول قول عادي سلطان قابض ضحكته : بالغلط امبلا تستوي . . عذاري ملامحها تتغير : احلف . . سلطان : شفيج قاعد اقولج بالغلط ترى . . عذاري تصد الصوب الثاني : خايسسسسسسسسسسسسسس . . سلطان فاج عينه : خييييييبببه ليش . . عذاري : بس جي لا ترمسني . . سلطان : ليش انزين شو سويت انا . . تراج سألتي وقلتي بالغلط . . عذاري : كيف بالغلط تطالع . ؟؟ سلطان مبتسم : . . عذاري : شوه فيك تضضضضضضضحك سلطان : تغارين . . عذاري : ما ااغارررررر اصلا . . سلطان : زين يوم ماتغارين عشان اقولج اني رحت المول وان وحده تمت تطالعنيي ووو عذاري فاجه عينها وتسمع سلطان : ووو اقص عليج . . عذاري : سسسسلطان !!!!!!!!!!!!!!!!! لا تستفززززززززني سلطان : ما استفزج " يبتسم " قولي انج تغارين وخلاص عذاري: اغار . . سلطان يبتسم : فديته انا . . عذاري تبتسم : . . سلطان : خلينا نرد لموضوعنا . . عذاري : لا ترد له . . انا كنت محتاجه بس اسمع هالكلام . . انك اقل شي حاس بتأنيب الضمير على الي سويته . . لانه بدون هالاحساس بتم تعاملني وتسوي كل الي سويته ذاك اليوم . . وانا واثقه فيك واعرف انك ما بترد تمد ايدك او تخليني اتنرفز واوصل لذيج الحاله واعلي صوتي . . سلطان : احبج عذاري تفاجئت وبلعت ريجها وهيه تطالعه . . سلطان : هههههههه غبيه عذاري تدق جتفه : الف مره قلتلك لا تقولي غبيه ماحب . . سلطان : غبيه ونص عذاري اطلع لسانها . . : عادي سلطان فاج عينه : عذور شسويتي عذاري : بسم الله شوو سلطان : طلعتي لسانج ! عذاري : هيه ليش بسم الله سلطان : ماتستحين ؟ ياهل انتي ياهل ؟ ليكون اتسوينها يدام خلق الله عذاري : لااااااااااء ما سوي شي عفويه طلعت توا سلطان : ليكون عفويه تطلع دووووووم ؟؟؟؟؟؟ عذاري : لااااااا قلتلك . . " تفكر " ولا اقولك . . مرات يوووووم اكون فالموول سلطان يقاطعها : صخي صخي . . تبي تردها اونه . . غبيه عذاري : غبيه تعرف امنوه . . سلطان مبتسم : امنوه ؟ قولي قولي . . عذاري : محد . . سلطان :لا عادي سبي سبي امي . . سبيتيها هاك اليوم ما بتسبينها الحين عذاري : بل انت للحين تذكر . . سلطان مبتسم . . عذاري : بروح اييب لك شي تشربه . . سلطان يمسك ايدها : لا لا خلاص . . انا ياي اراضي الحلو بس وبروح . . " يقوم " باجر دوام . . عذاري : توا الناس . . سلطان : توا الناس هاه . . عذاري تبتسم . . سلطان : يالله متى يخطفون الشهور وتكونين عندي . ."يبتسم " ما برحمج . . عذاري شاقه الحلج : الله متى . . سلطان : هههههههههه غبيه . . عذاري : سلطان عااااااد سلطان : عيون سلطان انتي وقلبه . . عذاري ماتت من الحيا ونزلت راسها . . سلطان : لا وتتحرطم تقول لي انت ما تقول كلام حلو . . ياخي لا تستحين . . عذاري : ياخي غصصب انحرج مش بيدي . . سلطان يبتسم :فديتج انا . . عذاري ردت له الابتسامه . . سلطان : هاه ؟ اقدر اروح الحين . . عذاري : مع ان قلبي ما يباك تروح بس عشان الدوام برخصك. . سلطان يبوس راسها : مسكي الفون يلا بدقلج . . عذاري : ان شاء الله . . سلطان : ما بتبوسين ريلج ؟ عذاري تقربت منه بتبوسه ع خده ، لكنه اول ما قربت صوبه سبقها وباسها ع خدها . . سلطان : يالله بوسسسسيني خليني اروح !! عذاري بحيا باسته ونزلت رراسها ع طول . . سلطان يبوس راسها : متى بس متى . . عذاري : قريب ان شاء الله . . سلطان : ان شاء الله . . عذاري: شوي شوي فالدرب انزين . . سلطان : من عيوني . . يالله اول ما اركب السياره بدقلج . . وعقب بشلج بحظني وبنرقد سوى . . انزين ؟ عذاري : ان شاء الله . . ووصلته لين الباب . . . . . |
. . . البارت الـ 134 محمد : يعني ما بتركبين ويايه السياره ! عنود : ماقدر اركب معاك حمود . . " تسكر خشمها " والله ريحه ماقادره اتحمل . . محمد بضيج : انزين . . ويا هالريحه الي تطلع لج . . عنود مبوزه : ابا اي معاك لكن . . محمد : اااااااااااه . . عشان حمد نتحمممممل شوه نسوي بعد . . يالله نتلاقى فالبيت . . عنود ابتسمت له وركبت ويا ابوها وامها . . سرح محمد بافكاره . . يحس بضيج واكتئاب من حال عنود . . يراعيها قد ما يقدر ويقول ماعليه ماتتحمل ومش بإيدها الحرمه حامل واول حمل لها والوحام متعبنها وايد وعلى حظه ياه الوحام عليه . . على كثر ما يقدر على كثر ما يتضايج ف كل مره تصده . . في كل مره تنفر منه وتبتعد . . في كل مره تشوفه وتشمئز منه وتتعب . . على هالافكار . . طرااااااخخخخخخخخخخخخخخخخخخخخخخ . . على طول نزل من السياره والي فالسياره الي جدامه نزلت بعد . . :: انتي عمي ما تششششششششششوف . . محمد : اسمحيلي اختي . . والله مخي مش وياي :: لا والله ؟؟؟؟؟ مخك مش وياك على حسسسسسابي . !!!!!!! محمد : يا بنت الناس والله ماقصد . . :: عاد شـ تفيدني الـ ما قصد ؟ شوف شسويت فسيارتي . . محمد : ماعليج انا بتكفل فيها . . فرت السويج عليه : اندوك اتكفل فيها . . محمد انصدم : هاه . . :: شو هاه بعد ؟؟ تكفل فيها وهاتها . . محمد يعطيها السويج : اذكري الله . . انتي فيج شي ؟ :: بعد تفاول علي ؟؟ تبغي يكون فيني شي . . محمد : اعوذ بالله . . عزرائيل فالبيت وعزرائيل فالشارع بعد . . يا بنت الناس شوه فيج بالعه جبريت انتي . . :: انت شو يخصك فيني بالعه ان شا ءالله بترول بعد . . تعرفني اعرفك عشان تسولف وياي محمد : انتي شو فيج متحمسه . . طاع ويهج . . تعرفني اونه . . اقولج انا انسان متزوج :: لا الله يخليك ابغي اتعرف عليك يعني ؟؟؟ محمد : هاي الي بسدحها اهني وبصمها في بكسات الحين . . :: شوف سيارتي تتعدل تتعدل سمعتني ولا لاء .. ! محمد : انزين انزين فكينا . . " يسير السياره وتلحقه " :: تبغي تششششششششششرد هاه . . محمد يته ضحكه : انتي مينونه ولا مش صاحيه ولا مافيج عقل ؟ شو اشرد . . وين يالسين نحن في سيرلنكا ؟ كنت بي بكتبلج رقمي :: بعد !!!!!!!!!!!!!! بترقمممممممممممممممممني فالشارع محمد : ياربيه . . انتي بالعه راديو . . عطي الواحد مجال يتكلم . . :: ارمس قول . . محمد : يا اختت . . شو اسمج "؟ :: وانت شو يخصك فاسمي ان شاء الله ؟؟؟؟؟؟؟؟؟؟ محمد : يا بنت الناس عشان اقدر اتفاهم وياج . . قلتلج بعدل لج السياره خلاص . . وانا انسان سيده ماعندي خرابيط . . دخل السياره وكتب لها رقمه ع كلينكس : اندوج . . وديها اي كراج واتصلي فيني انا بدفع . . :: شوف يوم بتصل فيك . . بقولك انا تناهيد وتعال الكراج الفلاني وتي على طول . . ورقم سيارتك حفظته . . . والحين اصبر محمد عاقد حياته : تناهييييييد ؟ اعنبوه اسم بنت تناهيد . . تناهيد : شوه فيك هذا النك نيم . . يعني تبغيني اعطيك اسمي الحقيقي . .صدق انك ما تستحي . . تروح عنه . . شوي وترجع له : وحاسب مره ثانية . . سخيف . . وسارت . . محمد : ههههههههه . . شو هالمش صاحيه . . الحمدلله والشكر .. وحرك السياره . . . . . . حمد يفتح المسج " شو صحتها اليوم ؟" "الحمدلله احسن .. انا ما شفتها طبعا بس خواتي يطرون انها نشت .. ليش ما ييتي لها ؟" " كان ودي بس من حظي ريلي اهني ما راح عند عياله وماقدر اخليه بروحه لين يروحلهم " "ايوا" " انت شو ايدك الحين ؟ احسن " "هيه الحمدلله .. تصدقين محد سأل عن ايدي غيرج " " لا تلومهم البال كله عند مهره وسيف الله يقومهم بالسلامه " "اميين" " حمد بسالك سؤال . . عادي ؟ " "اكيد عادي اسالي " " غيرت رايي بسألك سؤالين " " اسالي " " الاول . . ليش تتاخر فالرد ؟ " " هههه لاني اكتب بإيد وحده . .الثانيه مجبسه " " هيييييييه صح نسيت . . سوري " " لا عادي " " مممممممممم " " يالله كملي السؤال الثاني " " لا حرام مابي اتعبك واخليك تكتب " " شرايج ادقلج " " مادري " " ترانا جي جي يالسين نسولف . . لكن بدال المسجات بنخليها بالصوت . . اذا يضايقج ترى عادي ماوراي شي بكتبلج " " خلنا نسولف مسجات لين يرقد ريلي عقب بدقلك " مارد عليها .. وعقب دقايق بسيطه دقت له . . شوق تكح كح . . حمد يطيح ع السرير : صحه . . شوق :ع قلبك . . حمد : السلام عليكم . . شوق : وعليكم السلام . . حمد : شحالج شوق : تمام . .انت شحالك .؟ حمد : الحمدلله يسرج الحال . . اف جي وايد اريح شوق : هههههههه . . حمد يبتسم : اسمحيلي عاد جان تقاطعه شوق : لا عادي عادي . . انت اسمحلي مخلتنك تكتب مسجات واتعب روحك . . حمد : ع الاقل معبرتني . .ححد عاطني ويه . . شوق : لا تشيل عليهم الكل لاهي . . حمد : وانا . . مالي فالدنيا نصيب " يبتسم " الله كريم ياشوق . . شوق : لا تكدر روحك . . حمد : ماعليج . .انا من فتره طويله على هالحاله . . شوق : اعرف والله . . حمد : ماشاء الله عليج كل شي تعرفين . . شوق : هيه شو تتحرى .. الاخبار توصلني اول بأول . . حمد يبتسم : شو السوال الي كنتي بتسألينه ؟ شوق : بل على طول جي . . اتريا شويه حمد : ههههههههه هيه خلاص اوكي. . اسمحيلي بس يعني تحريتج مستعيله . . شوق : لا لا انت مستعيل وراك دوام . . حمد : وين دوام الله يهديج . . انا عاطيني الدوام من نفسهم اسبوع اجازه عشان الحادث . . شوق : اوونه حمد : هيه . . يعني السهره صباحي .. شوق : ههه لا ما يصير . . لازم ترقد بعد . . حمد يبتسم : يحليلج يا شوق . . شوق تبتسم : انزين اسال الحين حمد : اسألي .. شوق : تجاوبني بصراحه حمد : بجاوبج بصراحه . . شوق : انت تعمدت الحادث . . حمد : . . . . . شوق : سوري . . حمد : . . شوق : والله اسفه ادري تجاوزت حدي . . حمد : متعمد شوق : والله ؟ حمد يتنهد : شبه متعمد . . شوق : كيف يعني . . حمد : عيني كانت وياهم . . ما فارجتهم وصار الي صار . . شوق : يعني انت مش متعمد حمد : بلا .. شوق : انت تعمدت تخليهم يتنومون بالمستشفى وتوصل الحاله جذي ؟ حمد :لا حشششششششى . . شوق : عيل كيف تقول متعمد حمد : دام عيني كانت معاهم اكيد قلبي تعمد شوق : لا لا لا تقول جي . . انت مستحيل تسويها حمد : اتصدقين . . استحقرت نفسي . . كيف اسوي جي شوق : لا تعق اللوم عليك وتوهم نفسك بأنك الغلطان . . الي صار قدر ومكتوب . . حمد : لا تقصين علي بهالكلام . . شوق : استغفر الله كيف اقص عليك بعد . . حمد : تقولين لي اللوم مش عليك واللوم بكبره علي . . شوق :في حد فالبيت حسسك بهالشي حمد : لا شوق : سيف ؟ مهره ؟ حمد : ماشفتهم للحين اصلا شوق : ومن اهلك واهلها ؟ حمد : محد . . شوق : خلنا نشوف لو مهره ولا سيف قالولك شي يعني انت متعمد ولو ما طرو . . حمد يقاطعها : يعني مش متعمد شوق :اتفقنا حمد يبتسم : اتفقنا .. شوق : . . حمد : عاد مش تسيرين من ورايه وترمسين مهور وتقولين لها لا تقولين لحمد . . شوق : هههههههه لا ها غشش وانا ما اغش . . حمد : هيه اتحرا . . . . . محمد يدق الباب : عادي ادش . . عنود : دش . . محمد يدخل بحماس : اتحمديييييييييلي بالسلامه كنت . . . عنود اول ما يا صوبها ابتعدت : حمود لاتتتتتتتتتتتتتتتتتقرب . . محمد : اسف اسف . . عنود : اف كم مره اقولك يعني . . محمد :اسف حبيبي واللله اسف . . عنود تقعد ع السرير وتمت ادمع . . محمد بصدمه يروحلها : شفيج حبيبي . . ليش تصييحين . . عنود : ماحابه هالحال انا . . ماحب الي اسويه فيك . . " تطالعه " خلني اعق الياهل محمد : تبيني اذبحج . . شو هالكلام بعد عنود : اخاف اخسسرك . . محمد : ليش تخسريني . . عنود : بتطفر من تصرفاتي ومن الي اسويه محمد : ما بطفر منج ياحماره . . ليكون متعمده عنود تبتسم : مش وقت مزحك . . محمد : فديتج والله . . سوي الي تبينه حبيبي . .خذي راحتج . . والي فيج مؤقت وبيخوز ان شاء الله عنود : تقول يعني . . محمد : هيييييه . . " يبتسم " يعني برقد الليله اهني . . عنود تقوم : لا طبعا . . عند حمد . . تبغيني اموت محمد : يارب عفوك . . لا فديتج انا الي بموت . . ينش ويشل لحافه والمخده : تصبحين ع خير عنود : اتريا وين بتروح ابغي اسولف معاك . . محمد : هيه بتسولفين وياي دقيقه وعقب بتشوتيني برا وبتقولين ريحه وريحه . . بسير بكرامتي احسن . . > < < حمد : ههههههههههههههههههه . . ضحكتيني وانا الي من زمان ما ضحكت شوق : ليش انت ما تدري بهالسالفه ههههههههههه حمد : لا والله مادري . . شوق : ترا احنا جي تعرفنا ع بعض . . حمد : والله فاجئتيني . .عاد مهور اكيد كانت قافطه وجي . . شوق : لا حرام انا ما لاحظت اصلا . . يعني شفتها مبتله بكبرها بماي ومسكينه تكسر الخاطر ما يا في بالي شي .. لكن يوم بدينا انا ومهور نتعرف اكثر قالتلي انها طاحت فالحوض بالغلط . . وعقب نقعت ضحك . . حمد يبتسم : عاد كله ولا البرستيج . . ضاع امه . . شوق : امه وبس . . ضاعو اهله كلهم . . محمد يدق الباب ويدش . . حمد : لحظه شوي . . " يطالع محمد " انت شو حرمتي وانا مادري . . محمد : جب جب . . لز مناااك . . حمد : اسمحيلي عاد . . يا الدعله . . محمد : شوق شحالج . . حمد عاقد حياته : وانت شدراك . . محمد يسويله مالت . . حمد : ليش مالت ؟ محمد : صخ عني لا اطلعك برا . . انت اجازه روح سولف اهناك . . انا ورايه دوام وابغي انام . . حمد : بعد حجرتي ويتشرط . . محمد : مابغي اسمع صوتك . . حمد :انزين اسكت فكني . . " يرمس بصوت واطي " الوو . . محمد : بعدني اسمع حمد : وش ذي البليه ياربي . . محمد : اسكت لين ارقد شوي عقب سولف . .رقادي ثجيل ما بحس . . شوق : خلاص برايه حمد بكلمك باجر . . حمد : لا لا . . خلينا مسجات لين ينام الدعله عقب برد اكلمج . . شوق : اوكي . . حمد مبتسم : مع السلامه . . شوق : فمان الله . . محمد يطالعه : لين متى يعني . . وين ناويين توصلون انتوو . . حمد : شوه فيك . . سوالف عاديه . . محمد : ترى بدايتها سوالف عاديه . . عقب بتتحول . . حمد : لا ما بيتحول شي . .انت تعرف قلبي مملوك لوحده وبس . . محمد : ياخي بذكرك . . حمد : انا الي بذكرك . . محمد : اسكت اسكت . . مول ما عرفك انا . . خلني ارقد احسن . . حمد : ارقد . . وصله مسج " انا بعد ياني رقاد والله بس استحيت اقولك . . برقد وبكلمك باجر ان شاء الله " " تستحين ؟ افا ليش . . ما بينا حيا . . عادي لو قلتي جان خليتج ترقدين . . ع العموم . . قود نايت " " وانت ما بتنام ؟ " " بلا . . دامج بتنامين ما عندي شي اسويه " " احسن . . تصبح ع خير " " وانتي من اهله " . . . |
. البارت الـ 135 . . . فهد : رواضتي نايمه روضه بصوت تعبان : هيه . . رقدتهم توني ورقدت معاهم . . فهد : خلاص خلج راقده بس حبيت اطمن عليج . . لانج ما طمنتيني . . قلتي بتتعشين وبدقين . . روضة : لان كنتتت فهد يقاطعها : اششششششش . . خلاص كملي رقادج . . روضة : ان شاء الله فهد : بسج مصختيها ترى . . ولهت عليكم والله مستوحشنكم . . 3 ايام ما شفتكم . . روضة : انت تراك ما تسمع الرمسه . . قلتلك تم عندنا مافيها شي . . تميت يوم واحد بس وعقب رحت فهد : اتلوم فديتج مهما كان . . لو ماعندكم حد فالبيت بنقول . . بس عذاري بعدها تبغي تاخذ راحتها روضة : وانت ما تسوي شي تراك قاعد وياي فوق . . عذاري يا تحت يا فغرفتها . . يلا عاد تعال لنا . . فهد :انتي ليش صحصحتي . . توج مدوخه روضة : ترا انت خليتني اسولف جان اصحصح . . فهد مبتسم : يالله ردي نامي .. ومن باجر انا بي بشلكم . . بييبكم اهني لين بشبع منكم . . روضة : الي تشوفه . . فهد : تصبحين ع خير . . روضة : وانت من اهله . . فهد : لا تنسين تواعيني الصبح . روضه : من غير ما تقول ما انسى . . . . . سيف كان قاعد ع الكرسي حذالها بالضبط وماد ايدينه يمسح ع شعرها . . فتحت عيونها وهيه تحس بإيد تلعب بشعرها . . مهره : حياتي انت اهني " تثاوب " سيف : اهني وبتم اهني . . مهره : شو صحتك الحين سيف : انتي خبريني شو صحتج . . شلي تحسينه ؟؟ طمنيني عنج مهره : احس الحين صرت وايد زينه . . " تطالع المغذي " هذا خلص . . سيف : هيه حطولج اثنين وخلصو . . وعطوج كم ابره تسكن الالم . . مهره : احس اني رقدت وايد . . سيف عينه تمتزر دموع . . مهره : ليش حبيبي . . ليش تصيح. . سيف : عشت بعذاب ما تتخيلينه . . مهره : بسم الله عليك من العذاب . . من شو . . " تمسك ايده بايدينها الهنتين " سيف : خبروج انه ياني انهيار عصبي . . مهره تشهق : ليشششششش سيف : من عقب الحادث وانا احلم فيج . . اعوذ بالله . . كابوس مش حلم . . مهره تطالعه : انا بخير انزين مافيني شي حياتي سيف : انتي الحين مافيج شي . . بس حزتها كنتي محد . .مش فالدنيا مهاري متخيله . . اخخ كيف الشي عشته بأدق تفاصيله . . بأدق العذاب بأدق الذكريات . . جنه الحلم كان سنه . .سنتين . . واللله خطفن عليه بالمووووووت . . " تنزل دمعته " انا ماقدر اعيش بدونج . . لا تخليني بروحي . . مهره تدمع : اييه لا تصيحني . . سيف : الله لا يذوقني حزنج ف يوم يارب مهره : امييين . . وربي ما يذوقني حزنك يالغالي . . سيف يبوس ايدها :شدي حيلج وقومي بالسلامه نبغي نسافر . . مهره تبتسم : وقت طاري السفر الحين سيف: وقت ابو الي خلفوه بعد . . مهره : هههههه سيف مبتسم : يعلني ما انحرم من هالضحكه . . مهره تدز ويهه : بس عاد . . سيف : شو بس عاد . . مهره : مش وقت غزززلك . . سيف : مش وقت سفر . . مش وقت غزل . . وقت لـ شو ان شاء الله . . مهره : سيفوه بصفعك . . سيف : سيفوه يروح لج فدوه اصلا . . مهره تبتسم : بدق الفص بخلي النيرسات يون يطلعونك برا . . سيف : ترومين تسوينها . . ؟ سوويها مهره تحط ايدها ع ويهه بحنان : ماروم . . سيف :ادري . . مهره : يعورك شي حبيبي . . سيف يغمض عينه يتلذذ بلمسه ايدها ع ويهه . . : لاح ـياتي . . دامني معاج ما حس بأي عوق . . مهره : لا تخبي علي . . قول لي الصدق سيف : والله ما يعورني اي شي . . مهره : متى بنطلع من اهني سيف : اول ما تصيرين زينه مهره : شوفني ! صرت زينه والله . . سيف : لالالالالا ما بخليج تطلعين الا وانا بروحي اعرف ومطمن انه مافيج شي . . مهره تبوز . . سيف : لا تمديلي بوز ما بتقنعيني . . مهره تبوز اكثر . . سيف يقرص خدها : تعرف الهرمه اني ماروم اردها . . مهره تبتسم : يعني بطلعني . . سيف : بطلعج شسوي فيج بعد . . مهره : فديت الي ما يردلي طلب . . سيف يبتسم : عيااااره .. مهره : متى بطلعني . . سيف : مش الحين حبيبي . مهره : ليييش . . ما يصير ؟ سيف : لا فديتج ما يصيير. . من باجر ان شاء الله بنترخص انا وانتي . . مهره : ان شاء الله . . سيف : تبين اتمين في بيتنا ولا في بيت امج ولا نروح دبي حبيبي ؟ مهره : لا وين نروح دبي ! لازم نريح اهني سيف : لييش . . ؟ اريد اتم معاج رواحنا . . مهره : بنتم رواحنا وايد . . بس مش الحين . . لازم نرتااح فديتك . . ع الاقل اهني حد يدارينا ويسويلنا الاكل الصحي عشان نطيب بسرعه . . سيف : شفتي يعني بعده شي يعورج مهره : لا والله ما يعورني شي . . بس بعد يعني . . لازم حد يهتم فينا كم يوم . . سيف : الي تبينه فديتج . . مهره : في بيتنا ترى . . سيف : في بيتكم حبيبي . . مهره : وانت معاي . . سيف : وانا معاج . . مهره : ما راح تودرني . . سيف : ماراح اودرج . . مهره تبتسم : انت حمار . . سيف : انا حمار . . مهره : ههههههه .. سيف يبوس راسها : كفايا انج معاي . . وين ما تبينا نروح بنروح . . مهره : لهالدرجه حابني بزياده سيف : مجرد ما عشت وتخيلت بعدج كيف . . عرفت قيمتج وعرفت كيف انا ماستغني عنج . . مهره : الله لا يحرمني منك ومن دلالك ومن حنانك . . سيف : ولا يحرمني منج ومن وجودج ومن دلعج ومن نصخج الي انا اعيش عليه . . مهره تثاوب : مع اني توني صحصحت . . ليش اتثاوب . . سيف يتثاوب : لان عاطينج منوم وانا على فكره عاطيني بعد . . مهره تبوز : بتروح تنام فغرفتك . . سيف : انا طول الوقت نايم عندج . . ما سويت لهم سالفه . . مهره : حسيت فيك والله . . كنت افتح عيوني اشوف راسك ع السرير . . هميتني . . رقبتك بتعورك . . ما يصير تيلس ع الكرسي وراسك ع السرير . . سيف : انا مرتاح جي . . اهم شي اكون معاج مهره : روح نام الحين في سريرك ومن الصبح ان شاء الله راح نطلع من اهني ونكون مع بعض سيف : والله ما راح اتحرك من اهني ولا راح اخليج دقيقه . . ! مهره : يلا عاد . . سيف : اشش . . غمضي عيونج وخليني معاج . . انا ماصدقت اشوفج واكلمج . . تقولين لي اروح ؟ والله مش صاحيه . . مهره تبتسم : احبك . . سيف يغمض عينه : وانا اعشقج . . . . . |
ضحية حبيبي هذا بارت جديم دخليج نزلي يديد وتسلم ايدج ع القصه الحلوه مثلج |
السلااام عليكم .. ضحية حبيبي هذه البارتات الجديمة ... نزلي لناا البارتات اليديدة .. الله يعطيج العافية ... |
| الساعة الآن 09:11 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir