منتدى استراحات زايد - ليشّ تتعّمـد تعّـذبنّي ؟..}~* ..

السموحه عـ التأخير ..
كنتـ فيـ العين منـ يومينـ ..
واخويـ ميود عنده امتحانات حسب جي محد فينهـ نزل البارتااات ..
وسموحهـ مره ثانيهـ....

البارت الساابع والعشرين

عقب ماسلطان ظهر سار عند يدته
اليده موزه : ها ولدي رمستوا ساره ؟
سلطان رفع حياته : رمستوا ؟!
اليده موزه : هيه انت ومايد
سلطان : استغرب زياده : اي مايد ؟
اليده موزه : بلاااك مشفــر مايد ولد عمتك مريم
سلطان : جي هو هنييه ؟
اليده موزه : هيه
جان يحدر مايد
مايد : يدوه وين المطبخ انا ظيعت <~ اونه مايدري شي
اووه سلطان شحالك ؟!
تموا يسلمون على بعض

سلطان : انت وين سرت ؟
مايد : انا اشدراني يدوه قالتلي اسير وارمس ساره
بس ماحصلتهاا
سلطان : ايــواا
مايد : يالله عيل انا اترخص الحين ، تامريني ع شي يالغاليه ؟
اليده موزه : سلامتك فديــت روحــك
مايد : الله يسلمج ، يالله فمان الله
اليده موزه + سلطان : فمان الكريم
عقب حرك مايد وسار السياره
وتم يفكــر (يعني معقوله سلطان وساره يحبون بعض
هيه ليش لاا عيل عسب جي دوم كان يحرج عليه
بس اشقاايل جي انــاا رمست اميــه وقالت اليوم بتي وتحدد موعد الملجه آآخ بــس آآخ ماتوقعت ساره جي
انــاا لاازم ارمسها لااازم بس متى الحين سلطان موجود
خلاص انا مابحرك بترياا سلطان يظهر عقب بحدر على اساس اني ناسي شي وبرمسهاا )
تم مايد واقف يتريا سلطان يظهر بس شافه طول
قال بيرمس امه عسب تلغي كل شي اليوم
ويأجلون على اساس ان ساره امتحاناتها الاسبوع الياي
عقب حرك مايد وتوجه لداره العين
اما سلطان الي كان يالس ويا يدته وخبرها عن سالفه المرض والسفر
اليده موزه : ههههههههه هيه قالي راشد
سلطان : ها رشود امفظحنا ماخل حد ماقاله
اليده موزه : دواااك اتخش علينا هااه
سلطان : شو اسوي ماكنت ابا اكدركم
اليده موزه : فديتــك والله تولهت عليك
جان يسمعون حس واحد
..... : صبــــــاااح الخيــر
سلطان وهو يطالع ساعته : اي صباح الساعه 12 الظهر الحين
اليده موزه : انـت ماداومت اليوم ؟
سيف : لا كنت تعبان البارحه ياي من السفـر
اليده موزه : يالله عـ دلع
سيف : هيه وسلطان من الصبح ماتقولين له شي اول مايت طحتي فيه
سلطان : مشكلــه الي يغــارون
الكل : هههههههههههههههه
اليده موزه : ويها اختـك ؟
سيف : حليلها تذااكر اشوفها صايره زلمه
اليده موزه : قول مشالله تحسد البنت عليها
سيف : مشالله تف تف تف
سلطان : خلاااص خيستنــااا
الكل : هههههههههههههه
عقب تموا يسولفون

فالعين دار الزين
كانت فاطمه توها راده من الكليه لأنها كانت تعبانه شوي
شافت مايد يالس فالصاله سرحــاان
فاطمه : السلام عليكم
مايد : .....
فاطمه : حــوو انا اسلم
مايد وهو توه ينتبه : وعليكم السلام والرحمه
فاطمه : إلي ماخذه عقلك تتهنا به
مايد : هههههههههههههه لا بس كنت افكر شوي
فاطمه : زيين وين اماايه ؟
مايد : فالمطبخ
فاطمه : سمعت ان اليوم امايه بتسير دبي تحدد موعد الملجه
مايد : لاا توني مرمسنها عسب تأجــل
فاطمه استغربت : غريبــــه ميود يأجل شالطاري ؟
مايد : ماشي بس البنت عندها امتحانات خل تركز فـ امتحاناتها احســن
فاطمه : هيه والله فهاي صدقت ، يالله عيل انا بسير
مايد : اشعنه يايه من وقت ؟
فاطمه : خلصت كلاساتي وراسي يعورني
مايد : ايــواا
عقب سارت فاطمه حجرتها بدلت وعقت عمرها عالشبريه ورقدت مانشت الا عـ صوت خميس
خميس : فطيـــم نشي بسج رقااد حشى مب رقاد هااه
فاطمه :.......
خميس : فطيــــــم
نشت فاطمه : اففف شو تبا ماتخلي الواحد يرقد ؟
خميس : طاعي الساعه كم انتي بــس
تمت فاطمه اتدور عالساعه لما شافت الساعه شهقت
فاطمه : الساعه 4 ونص !!!
خميس : هيه توه الناس لا كملي رقادج
نشت فاطمه على طول ربعت للحمام
تم خميس يالس ويظحـك ع شكلها
هيه شهقت لأن راشد اليوم بيظهر معاها والاخت راقده ونســت السالفه

صوب بيت حميد
عبيد كان يالس فالصاله ويا يدته
عبيد : يدووه تدرين ان خالي سيف بيخطب ؟
ام احمد : هيه سمعــت بس بيخطب منوو ؟
عبيد : وحده اسمها حمده
ام احمد : يالله الله يتمملهم على خيــر يارب
سلطان : منوو ها الي الله يتمملهم على خير ليكون خطبتيلي وانا مادري
عبيد : انت تباها من الله
ام احمد : هههههههههههههههههه صدقه عبيد
سلطان رفع حياته : لاا والله
عقب سوو عمره محرج وتم يلحق عبيد إلين مامسكه ورفعه فووق
سلطان : منوو الي يباها من الله
عبيد : محد محد
سلطان : ههههههه هيه خلك جي ريااال
عبيد : اصلا انا من يومي رياال
حدرت عليهم ميره
ميره : بلاااكم انتو 24 تضاربون ماتخلون الواحد يذاكر
سلطان : سبحاان الله ، اماايه تدرين انا حــااس ان بنتج هــااي ( وهو يأشر على ميره ) راح تاخذ منصــب عووود فـ المطبخ
الكل ظحك ماعدى ميره
ميره حرجـت : لا والله تنكت حضرتك ؟
سلطان : لا احــاااول
عبيد : وين ماما وبابا ؟
ام احمد : ساروا العياده فديتك يطمنون عالبيبي الي فـ بطن امك
عبيد : انــاا مابا بيبي
سلطان : عادي انا باخذه عنكم
عبيد : لااااااااا عقوا البيبي فالزباله
ميره : هههههههههههه احلف انت بــس
عبيد : اذا ظهر البيبي انا كل يوم بظربه مااباااه
ام احمد : لا فديتك بعدين بيصير عندك اخو وربيـع تلعب معاه
عبيد : مــــاااباااه
سلطان : ليش انت الي بتربيه معلق على مابااه ويا فيسك
ميره : ههههههه شكله جيي
سلطان : عبيداني بسير المول بتي ؟
عبيد : هيه هيه
ميره : خييبه ماصدق ، سلطون انا بعــد بي وياكم
سلطان : يالله يالله انتي خلج فـ مستعمرتج سيري ذاكري
الكل : ههههههههههههههههههههههههه
ميره : ماعليييه ماعلييييه
سلطان : انشالله اول ماتخلصين امتحاناتج وعد اطلعج
ميره : صـــدق ؟
سلطان : هيه
عقب سارت ميره حجرتها تكمل دراستها وشل سلطان عبيد ووداه عند إليسا عسب تلبسه ويسيرون المول

مر الاسبوع على خيــر والكل امتحن وخلص والامتحانات كانت زينه بس الامتحان الي كان صعب هو امتحان الكيميا
المهم آخر يوم كان عليهم فيزياا
ساره عقب ماظهرت من اللجنه : يــــآآي جنه يقولون ان اليوم آخر يوم إلنــاا ؟
جوري : يقولون بسير اتأكــد وبي
الكل : هههههههههههههههههههه
ساره : والله بتوله عليكم
مزون : هيه وبنتوله على ابله رائده وتنقيعاتها
الكل : ههههههههههههههههههههههه
ميره : سااروه دريولكم واقف دخيلج خل يسير تعالي اليوم وياااي ؟
ساره : سوري فديتج انتي تعالي معاي
ميره : اليوم احمد بيمر علي عن النذااله دخييلج
بثينه : شرايكم بنات اليوم نسير المول ؟
مزون : سيري روحج محد بيوديني
ميره : اناا بي لان اخوي واعدني ايوديني المول عقب ما اخلص من الامتحانات
جوري : انــاا مابيخلوني
بثينه : افـــااا ، ساروه وانتي ؟
ساره : لاازم ارمس اخوي عسب اشوفه بيوافق ولاا ؟
مزون : لااا طاعوا دريولناا وصل ، يلا بنات الودااع الاخير
دخيلكم محد يصيــح عشاني
بثينه : ههههههههههه واايد مصدقه عمرج
مزون : اباا اسلم على ابله رائده احس اني بصيــح
ساره : اويييه مزون ليكون تحبينها
الكل : اوووب اووووب
مزون : انجبــواا فظحتوني لا والله بس حصصها كشخه
الكل سلم على مزون عقب سارت
ساره : يالله عيل انا بعــد بسير
ميره : والله ماتسيرين اتين معاي يعني اتين معااي
ساره : ميرووه اشعنه حلفتي ويا فيسج
ميره : اباا اراضيج نسيتي هذيك السالفه ؟
ساره : ههههههه انا نسيتهاا فديتج وانا اروم ازعل منج انتي شرات اختييه
بثينه : تيرااراارااراارااراااااااا
جوري : دم دم دم دم دم
ميره : ههههههههههههههههههه ها لحن الحين مالت ماتنفعون اتلحنون
الكل : هههههههههههههههههههههههههههه
ميره : يالله ساروووه
ساره : اوكي خلاص بخليه يسير
سارت ساره ورمست دريولهم وقالتله انها بتسير ويا ميره
عقب 10 دقايق من سار الدريول شافت ميره السياره
ميره : هااذوه احمد وصل
ساره : هيه هاذي سيارته
ميره : يلا بناات والله بشتاقلكم حدروا المسن عسب نتواصل وعندكم رقميه صح ؟
الكل : هييه
ميره : اهئ اهئ
بثينه : واااع وااااع
جوري : الحمدالله والشكر تخبلوا ويلسوا
ساره : ههههههههههههههه
سلموا البنات عـ بعض وسارن ميره وساره صوب السياره
ركبت ساره السياره
ساره : السلاام عليكم شحالك احمد ؟ عساك تم تم ؟
.... : ههههههه تم تم دامج انتي تم تم
ساره انصدمت من الصوت الي سمعته معقوله صوت احمد جي بيتغير لالالا مستحييل كانت تبا ترفع راسها وتتأكد من الشكل بس خايفه تتأكد من الي يكون فـ بالها
واخيرا اتشجعت ورفعت راسها واتأكـــدت ظهر هو الي فـ بالهااا ..
سلطان ابتسملهاا وهيه على طول صدت صوب ميره الي روحها انصدمت من وجود سلطان فـ سياره احمد
سلطان : شرااايكم بالمفاجأه ؟
ميره : شراات ويهك انزيين
سلطان : يعني غاويه لأني متأكد ويهي غاوي
ميره : مـــــااالت اقلك حرك حرك
ساره : شو يحرك انا بنزل
ميره : والله ماتنزليين
ساره : ميـــرووه عن العبط
نزلت ميره وسارت ركبت ورى حذال ساره عسب تهديها تدريبها مفوووله ألحين
سلطان : شو دريولكم انــأا ؟
ميره : افففف سلطوون دخيلك صخ شوي
ساره وهيه تهمس لميره : احمد هااه ؟
ميره : وربي ماكنت ادري ان هو الي ياي
ساره : انا الخبله الي خليت الدريول يسير
ميره : ساروه وبعدين خلاص انسي
ساره : انسى شو ولا شو ؟
انسى اني كنت لعبه انسى انه كان بيب راسي ويابه ؟
ميره : هو ماقالج ليش جي سوى ؟
ساره : قــاال
ميره : انزيين خلاص عرفتي السبب الي خلاه جي يسوي
ساره : بس عقب يومين عمو مريم يايه تحدد موعد ملجتي من مايد
ميره : صخي الحين برمسج فبيتناا مافينا هالخبله يسمعناا
سلطان : لا يتناجا اثنان دون الثالث
بلاكن تتصاصرن ؟
ميره : ههههههه ماشي ماشي
سلطان : مبــروووك واخيرا خلصتوا السكول افتكيتوا
ميره : هييه والله
سلطان : عاد اليوم سيفوو ساير يخطب رسمي ياحييه والله الله يتمملهم على خيــر
وقف سلطان صوب ستار بكس
سلطان : يلا نزلن انا عازمنكم
ساره : نزلي روحج انا مااباا
سلطان : افـــاا والله ترديني ؟
ساره : جي انت منو عسب ما اردك
سكت سلطان بعدين رمس
سلطان : يالله ترى بطوفج العزيمه سلطان مايعزم كل مره
ميره : ههههههه هيه صدقه يالله نزلي
ساره : مــــاااباااا
ميره : براايج انــاا نازله
نزلت ميره وحدرت ستار بكس
تمن فالسياره سلطان مع ساره
ساره كانت زايغه وقلبها يدق طبــوول
سلطان صــد صوبها : لين الحين حاطه فخاطرج ؟
ساره : مابيني وبينك شي عسب احط فـ خاطريه
سلطان : ساره شو تبيني اسوي عسب تراضيني حاولت وايد وشرحتلج ظروفي والي خلاني جي اسوي بس انتي مب طايعه ترضين انت آمري شو تبيني اسوي ؟
ساره : ابعـد وخليني مافيني يكفيني
سلطان : مـــاااروم الا هالشي والله مـــااروم
ساره انـــا احـــ....
ساره قاطعته : سلطــااان خلااااص ( وتمت تصيح ) انا حبيتك من خاطريه بس انت الي سويته فيه هب شوي
انت دوم تتعمد تعذبني دوووم دوووم
سلطان : ساره خلااص انسي كل الي صار انسي
ربج ينسى ويسامح انتي ماتنسين وتسامحين ؟
ساره : حتى لو نسيت وسامحت شو الفايده ؟
مايد عقب يومين ياي هو واهله يحددون موعد الملجه
سلطان : ارفضــي قوليلهم انج غيرتي رايج
ساره : اسمحلي مايد عمره ماضرني عمره ماجرحني عمــره
سلطان : انتي ناويه تذبحيينيي ؟
ساره : ذوق شوي من الي انا ذقته
سلطان انصدم من رمستها : معقــووله انتي ساره الي انا حبيتهااا
ساره : هههه دوام الحال من المحال مب كل شي يتم شرات ما هوو
سلطان : وحبنــاا ؟
ساره : مصيره النسياان
سلطان : بهالسهوله ؟
ساره : مثــل ماودرتني بسهوله عسب المرض
سلطان : بـــس
ساره : سلطان خلاااص ودني البيت
سلطان : ماني محرك الا لما تنزليين
ساره : عيل بسير بتاكسي
سلطان حرج : ســــااااره
صدت ساره صوبه وطاحت عينها بعينه على طول نزلت راسها خافت تضعــف مره وحده
سلطان : ساره فكري لاتضيعين عمرج
ساره : فكرت وايد وايد وايد
يت ميره صوبهم وبطلت باب السياره
ميره : شو امطوليين ؟
سلطان : قولي حق بنت عمج هب راضيه تنزل
ميره : سااارووه يالخبله لاتفوتين العزيمه يالله نزلي
ساره : مــــااباا
سلطان : عنييده راسها يابس مادري ظاهره على منوو
ساره : دخيـــلك
ميره : شو الحين بتضاربون انا يوعاانه
ساره : سيري كلي وتعالي انا بتريا فالسياره
سلطان : انا مابنزل الا لما ساره تنزل
ميره : اففف منكم خلاص ماباا انزيين
سلطان وهو يرمس ساره : ليش تعذبين اختي ؟
مب حراام عليج يلاا نزلي
ساره : مــــاابااا
ميره : قلتلكم مااباا خلاص يلاا حـــرك
ساره : ميره لو تـ ..
ميره : مابا مابا سلطان حرك
سلطان : ولللل فولت السوده
ميره : حرمتك السوده
ساره : خلاص بنزل عشان ميره
سلطان : افــاا هب عشاني بعـد
ساره اطالعت سلطان بنظره تم يظحــك
ساره : يلاا نزلي
ميره : سيري روحج ماباا خلاص
سلطان : ههههههههههه بلاكم اليوم ؟
ساره : يالله ميروه ترى والله ازعل
ميره : وانتي صدقتي اني مابنزل اصلا ماصدقت
ساره : هههههههههههه
نزلت ميره وحدروا سلطان وساره وميره ستار بكس وساروا وطلبوا ويلسوا عالطاوله

صوب العين
خميس كان يالس ويا امه فالصاله
خميس : امييه ابا ارمسج فـ موضوع
مريم : آمــر حبيبي
خميس : امييه اباج تخطبين لي ظبيه بنت سالم
مريم : زين ما اخترت ياولدي ظبيه مشالله عليها بنت والنعم فيها بس تتوقع راح توافق
خميس : انشالله ليش لاا انتي رمسيهم وبنشوف
مريم : انشالله خل نخلص من سالفه مايد عقب نخطبلك
مشالله كبرتوا ياعيالي وقمت اخطبلكم
ميثا : هيه والله كبروا
خميس : بسم الله من وين ظهرتي ؟
ميثا : توني يايه باركولناا خلصنــاا
خميس + مريم : مبـــروووك
عقب سارت ميثا حجرتها وتموا خميس ومريم يسولفون إلين ماحدر مايد عليهم
خميس : ميود انت شي فيك هالفتره مووول مب طبيعي
مايد : لااا عادي ، يالله انا استأذنكم بسير ابدل عسب اظهر
عقب سار وبدل وظهر من البيت

فـ دبي دار الحي
عقب ماكلوا ميره وساره وسلطان سار بيتهم
ميره تمت ترمس ساره وتسألها لو هيه لين الحين تحب سلطان وليش جي تسوي خلاص سلطان شرحلها كل شي
ساره : ميــرووه فهميني خلاص مايد عقب يومين بنحدد كل شي يعني بصير عذمه ريااال انا مو من طبعي اخون
ميره : سااروه فكري عــدل هاي حياتج
ساره : يصير خير انشالله
ميره : رقدي اليوم عندناا
ساره : مينونه انتي اصلا بتصل فـ عبدالكريم اي وياخذني الحين
ميره : اشحقى عبدالكريم سلطان موجود
ساره : دخيـــــــلج
ميره : لهالدرجه انتي متعقده منه
ساره : هييه هييه
عقب اتصلت ساره بـ عبدالكريم وبعد 10 دقايق بالضبط ياها عبدالكريم وسلمت على ميره وسارت اول ماوصلت ساره البيت نزلت من السياره وقبل لا تحدر الصاله سحبتها ايد بقــوووه ماتوقعتهااا ساره بغت اتصارخ بس مارامت لأن الايد الثانيه انحطت على ثمهااا زاغت ساره من خــاااطر وماعرفت شو تسوي غير انها تحاول تعرف منو صاحب عالايد وتخلص عمرها وطبعا دموعها كانت تنزل من الخــوووف
تمت تسحبها إلين ماوصلت ورى البيت وشل صاحب الايد ايده عن ثمها وهيه تمــــت مصدومه وبغت ترمس
.... : دخييلج لاتصارخين ولا ترمسين عقب ما ارمس
ساره : انــت مينون هب صاحي ؟
ليش جي تسوي فيني
..... : قلتلج مابا اسمع ولا همس الا عقب ما اخلص رمستي
ساره : تفضل يا الشيخ مــاايد قول شو عندك
مايد : لا تتحريني كل هالمده اني غبي ترى اعرف كل شي بينج وبين سلطان
ساره : بــس أنـ ...
مايد : ششششش قلتلج خليني اخلص رمستي عقب ارمسي ، انـــاا عرفت كل شي وسمعت كل شي هذاك اليوم بس طنشت قلت افكــر واتخذت القراار سامحيني يابنت عمي انــاا ماروم اعيش مع وحده خاينه
ساره : مــــااايد لااا والله لااا افهمني
مايد : انتي قلتي اتوافقين عليه عسب تنسينه جي انــاا لعبه بين اديج ، جان قلتيلي من البدايه انج تحبينه جان ودرتكم لبعض بس للاسف مادريت
ساره انتي تحبينه ؟
ساره : .......
مايد : انتي لين الحين تحبينه ؟
ساره وهيه تصييح : ماروم اقص عليك هيه احبه احبه وياليتني ماحبيته
مايد : يمكن تحبينه شرات ما انــاا حبيتج ويمكن اكثــر بعد بس يقولون الي يحب لازم يخلي الي يحبه مستانس
وانا ادري انج ماراح تستانسين الا اذا افتكيتي مني
خلاص يا ساره انسي اني تقدمتلج وكل شي والله يهينج انتي وسلطــان وصدقيني بكون فرحان كل ما اشوفج فرحانه معــااه ، والسموحه لو صار شي مني وضايجج
وسار مايد وودر ساره الي ماتدري شو تسوي ولا شو تقرر عقب ماسمعت رمسه مايد تمت منهااره تصيــح مستحييل تخسر كل الي حبوها وهيه يمكن حبتهم مستحيـــل

عقب يا سيف وسمع صوت صياح تم يربع للمكان شاف ساره طايحه وتصيـــح
سيف : ساره بلااج ؟
ساره : خلااااص انا تعبت تعبت من هالدنيااا تعبت
سيف : نشي نشي
قومها سيف وحدروا الصاله ووداها حجرتها ورقدها عالشبريه ولحفها وتم يالس حذالهاا ويهدييها وهيه مب طايعه تهدى

صوب مايد إلي ظهر من عقب مارمس ساره وهو هب طبيعي هب رايم يركز ماتوقع ان الحب الوحيد الي فحياته انتهى خلاص وللابد تنهد تنهيده عميقه وتمنى لساره وسلطان حياه حلوه

اما صوب سلطان الي كان يالس يسولف لميره يشكيلها عن حاله
سلطان : ميره حاولي وياها والله تعبت
ميره : حاولت والله حاولت ساره وااايد تغيرت وااايد
مب شرات قبل كل منك كل منك
سلطان : ياختي الي فيني يكفيني لاتزيديني روحي تعبــاان
ميره : ع قولتها يصيـــرر خير
سلطان : بعد يومين بيحددون ملجتها وكل شي شو تقولين انتي
ميره حرجت : سلطان اسمع الزواج قسمة ونصيب ومابيصير الا الي الله كاتبه