|
حارب وهو يطالعها بنظرات ما فهمتها سارة... ":،‘,’يا ظالمة زينك بشين السواياا..من وين لك قلب ع طول جاير..مبغى الدوىلا صار جرحك دوايا..باكر ع الظالم تدور الدواير’,؛:" سارة وهي مرتبكة.. ما تحب أحد يطالعها جذه.. وخاصة نظرات حارب اللي تذبحها.. سارة: خير..؟؟ حارب: خير؟؟ وين بيينا الخير وأنتي للحين هب راضية تفهمين إنج صرتي زوجتي... تعرفين شو يعني زوجتي.. سارة: وشو مناسبة هالرمسة الحينة؟ تنهد حارب : خليها على الله بس وعلى طول رجعوا الفندق.. بعد ما نزل حارب الجمعية واشترى بعض العصاير والحلويات وبعض المواد الغذائية.. ........................................... سارة قاعدة في الحجرة وقافلة عليها الباب.. أما حارب فقاعد في الصالة لحاله يطالع فلم أكشن.. سارة هب ياينها رقاد، كانت تسمع صوت التلفزيون وخاطرها تقعد ويا حارب ويتابعون الفلم سوا.. لكن بعد اللي صار اليوم حست أنها ما لها ويه ترمسه أو حتى تشوفه.. يا ربي أنا شو هذا اللي سويته..أفففففففف بس والله يستاهل.. وبعدين أنا هب مغصوبة أجامله.. ما أطيقه .. وبعدين يعني؟؟؟؟؟؟؟؟؟ اممممممممممممم يا ربي بموت من الملل... من ساعتين وأنا حاقرة روحي في الحجرة وحضرته مستانس ويطالع فلم... ياربي.. أكشن بعد.. أموت بالأكشن.. شو أسوي؟؟؟؟؟؟؟؟؟؟؟؟؟؟ أوهــــــــــــــــــــــــــو.. وأنا شلي منه.. بسير بطالع الفلم.. شفيها يعني... وقعدت سارة تشجع نفسها... ألين ما قررت أنها تظهر وتطالع الفلم.. فتحت الباب شوي شوي.. تخيلوا شو كان حارب مسوي؟؟؟ حضرته مسكر كل الأنوار.. مقرب القنفات من بعضها ومنسدح عليها... هذا من غير الحب والبوب كورن اللي ع الطاولة.. ياحليله مصدق عمره في سينيما.. حارب اللي توه ينتبه حق سارة اللي كانت واقفة عند طرف الصالة.. بس ما سوالها سالفة.. وطنشها أونه مندمج في الفيلم.. سارة انقهرت منه.. لأن ماخذ كل القنفات ومنسدح عليها.. يا ربي يعني وين أقعد؟ حارب كان وده يضحك على سارة لأن منظرها كان يغمض وهي واقفة.. سارة وهي تتحرطم.. أففففف عنلاته.. يستهبل يعني.... مالت عليك وعلى الفلم مالك.. وقبل لا تظهر من الصالة.. حارب: سارة؟ لفت سارة صوبه.. حارب: ممكن تيبين لي ماي؟ وقبل لا تروح.. زقرها مرة ثانية: أقول.. يا ليت يكون بارد.. على طول سارت المطبخ من غير ما ترد عليه وقعدت تتحرطم.. وهي تقلد صوته... ممكن تيبين لي ماي؟.. لا وحضرته الحبيب يتشرط بعد.. بارد أونه أففففففف بموت من القهر.. سارو وهي تناوله الماي.. وحارب في هالوقت كانت في لقطة خطيرة في الفلم مد إيده وعيونه على الفلم.. حتى سارة اندمجت وماحست بعمرها ألا والماي 2 من ايدها وانجب على حارب حارب اللي تيبس من زود الماي ما كان بارد.. ياحليلها سارة حطت له ثلج بعد... |
حارب وهو ميت وقعد يصارخ على سارة : بلاج؟ ما تشوفين؟.. أففففففففف سارة: وأنا شدراني.. إنت بروحك ما يودته عدل حارب وهو يطالعها بنص عين.. سارة: والله أنا ما سويت شي غلط حارب: أفففف.. سيري سيري هاتي كلينكس... وبعد ما يابت له الكلينكس.. نشعه من ايدها وقعد ينشف الماي.. انقهرت سارة من حركاته.. سارة: انزين بلاك معصب عليه؟ حارب وهو مطنشها رد وانسدح وقعد يطالع الفلم مرة ثانية... فولت سارة.. وبحركة لا إرادية سارت وسكرت الفلم.. حارب: ليش صكيتيه؟ سارة: كيفي.. أبي أرقد.. حارب: سيري انخمدي.. .وانا شلي؟ وغمز..والا يعني تخافين ترقدين بروحج وتبيني أرقد وياج سارة: أنا أخاف.. ههههه ضحكتني والله..الصوت عالي..ما أروم ابتسم حارب باستهزاء.. وقعد يطالع سارة مرة ثانية .. ....اففففف الله يخسك ويخس هالنظرات.... حارب وقف وسار صوبها: جبيتي علي ماي وقلنا ما علي... الماي ثلج... وطوفناها لكن إنج تسكرين التلفزيون.. ويفوتني الفلم... لاااااااا حبيبتي.. لاااااااا.. ما رح اعديها سارة وهي تبتسم باستهزاء: وشو بتسوي يعني؟ حارب وهو يحك شعره: والله أنا اليوم ما أبي أرقد.. خاطري أخلي الليلة صباحي..شرايج؟ وقبل لا ترد سارة.. حارب: طبعـــــــــــــــــــــا موافقة.. سارة وهي تصارخ: شــو؟ هب كيفكــ.... حارب ويحط صبعه على حلجها: أصصصص وفري طاقتج.. الليل جدامنا بطوله.. ترى بنلعب وبنستانســـ..و...و.... انقهرت منه سارة ودزت ايده بسرعة.. سارة: أنا هب متعودة أسهر.. وبعدين أنـ... قاطعها حارب مرة ثانية: بس اليوم بتسهرين يعني بتسهرين... ياحليلها سارة حاولت أنها تتهرب بس حارب حطها في راسه وألا تسهر وياه الليلة.. الله يعدي الليلة على خير.. سارة وهي قاعدة ريل على ريل وتطالع الساعة.. الساعة 2,23... أففففففففف هذا يستهبل وألا شو..؟؟؟ حضرته قاعد يكمل الفلم.. انزين أنا شو مقعدني؟؟؟؟؟ |
وبعد نص ساعة تقريبا.. خلص الفلم.. حارب وهو يصد صوب سارة: حلوة النهاية صـ... وقبل لا يكمل رمسته انتبه حق سارة اللي كانت في سابع نومة.. حارب وهو يجرب منها.. حارب وهو يهمس: سارة.. ساروه.. سويرة.. سوسو سارة: امممممم حارب: نشي.. سارة وهي تفتح عيونها بصعوبة: شو خلص الفلم؟ حارب: هي خلص.. بس سهرتنا الحين بتبدي سارة: أنت شو تستهبل؟ ما تعرف كم الساعة الحينة؟ حارب: أعتقد 3,7..بعده توا الناس سارة: يا سلام.. توا الناس ها..أنا بسير أرقد هب فايجة لك وقبل لا تنش مسكها حارب: لا حبيبي.. اليوم بتسهرين ويايه سارة: حرام عليك.. وبعدين كفاية قعدت وياك ألين ما خلص الفلم.. حارب: هي صح.. ما ادري منو اللي كان يشاخر؟؟ سارة وهي معصبة: أنا كنت أشاخر.. تخسي حارب: هي صح.. ما ادري منو اللي كان يشاخر؟؟ سارة وهي معصبة: أنا كنت أشاخر.. تخسي حارب: هي صح.. حتى الفلم ما تابعته زين فولت سارة ما تحب أحد يقولها جذه: يالجــــــــــــــــذاب.. أصلا أنا مستحيل أصدقك حارب وهو يستهبل زيادة: خلاص ما علي مرة ثانية بسجل صوتج وإنتي تشاخرين سارة: بس عاد لا تمصخها....المهم الحينة شو؟ حارب ويحط ايده على بطنه: تصدقين يوعان؟ شرايج نسير المطبخ ونسويلنا وجبة خفيفة؟ سارة وهي منصدمة: يوعان؟؟؟؟؟؟؟؟ وكل هالأكل اللي كلته توك وأنت تطالع الفلم وين سار؟ حارب: ما أدري؟ يمكن تبخر سارة: لا لا أنا هب متعودة آكل في الليل.. وين تبى؟ حارب ويرها من ايدها صوب المطبخ: بس اليوم غير.. اليوم بتاكلين وما ترك فرصة لسارة أنها ترد عليه في المطبخ... حارب: اليوم شكلي كنت حاس أن بنسهر عسب جذه اشتريت أغراض من الجمعية.. قعدت سارة تطالعه بنص عين.. حارب: لا تقعدين تبحلقين في جذه.. وفكري شو نسوي؟ سارة وهي تستهبل: أنا أقول شرايك بغوزي؟ حارب: والله أنا ودي..بس أنا أقول لو نسوي هريس أسرع.. سارة: تتمصخر حضرتك؟ حارب: ما ادري عنج.. شوفي أنا أقول نسوي عيش.. تراني يايب عيش من الجمعية سارة: عيش الساعة 3.. وين تبى؟ أنت صاحي؟ حارب: وبكامل قواي العقلية.. ويلا الحين جدامي..ما شي وقت ساعتين وبأذن اتحرت سارة أنه قاعد يستهبل وبعد ما شافته يطلع الأغراص وقعد يشتغل تأكدت..أنه جاد حارب: ساروه.. سيري قطعي طمام..بسرعة سارة وبعد ما فقدت الأمل بأنها ترقد حست أن الفكرة حلوة بأنهم يقعدون يطبخون.. وسارت سارة صوب الثلاجة.. سارة: حارب..؟ حارب: هلأ سارة: جم طماطة أطلع؟ حارب: عشر.. بذمتج يعني كم؟ 2 والا 3.. |
ابتسمت سارة وطلعت طماطين.. وعدت تقصصهم.. حارب: اسميه بكون زقرت.. عيش مع طماط وبطاط وبس سارة: ما ادري عنك.. حارب اللي وحط الجدر عالنار عسب يغلي الماي وسارة قعدت تقص البطاط.. سارة: أنا بسوي الصلصة عسب ناكلها ويا العيش حارب أشرف على العيش وسارة ع الصلصة.. سارة وهي تضحك على حارب اللي ما خلى شي وما حطاه في الصلصة.. سارة: هههه حارب شو ها؟ تخبلت.. منو يحط آجار في الصلصة؟ههههههه حارب: هذي خلطة يدية.. حارب: ها شو خلصتي..؟ سارة: ثواني وبخلص.. انت انجب العيش وأنا بكون جاهزة.. وبعد ما صارت السفرة جاهزة.. قعدوا ع الطاولة.. سارة وكل وشوي تضحك على حارب وبيجامته اللي ملطخة بالكامل طمام وصلصة.. حارب: بتسكتين والا ...؟؟ سارة: هههه خلاص..خلاص.. بسكت حارب: سمي.. سارة وهي ناقعة ضحك بس تحاول تمسك روحها: قلت لك ما آكل في الليل.. حارب وهو ياكل أول لقمه: ششششششتتتتتتتت الصلصة نــــــــار سارة: ههههههههه كله منك.. أنا ما يخصني.. انت اللي حطيت فيها كل شي حارب: شليها شليها.. باكل عيش بس وقعد ياكل وسارة تطالعه.. حارب: بلاج تطالعني جذه؟ سارة توها تنتبه وتصد الصوب الثاني.. وبعد ما خلص.. مع أنه ما أكل وايد.. رتبوا المطبخ وسارة كل دقيقة تثاوب.. وعقب ما خلصوا.. سارة كانت تبي تقول أنها تبي تروح ترقد بس كيف بتقول حق حارب.. يا ربي ....... ما أبي أرقد أنا وهو في نفس الحجرة.. حارب وهو يطالع سارة: بلاج؟ شكلج تبين تقولين شي؟؟ سارة: هـــا؟ أبي أرقد حارب وتجدم منها: سارة..ممكن تجاوبيني على سؤالي؟؟ سارة نزلت راسها وشكلها فهمت شو بقول لها.. حارب: يعني ألين متى بنظل على هالحال.. ما تقولين لي؟؟ سارة وتصد ويهها الصوب الثاني: ما ادري حارب ويلف ويهها صوبه: يوم أرمسج لا تصدين الصوب الثاني.. سارة وتبعد ايده عنها: خوز ايدك عني.. عورتني حارب: إنتي ليش تكرهيني؟ سارة: وأنت ممكن تقولي شو اللي حادني أحبك؟ حارب: يمكن لأنج الحينة صرتي حرمتيه.. سارة: عادي.. بالاسم بس.. بس قلبي وهي تأشر حق قلبها.. هذا هب ملكك فول حارب من رمستها وما قدر أنه يتحمل.. وعطاها طراق حرق ويهها حارب: عسب مرة ثانية تعرفين كيف ترمسين عدل ويا ريلج من قوة الصفعة سارة ما استحملتها وطاحت ع الأرض .................................................. ...... شو بيكون شعورج يوم ريلج يعطيج طراق في اول يوم زواجكم؟؟ وشو بتكوون ردة فعل سارة من حارب؟؟ ولين متى بيظلون على هذي الحال؟؟ وشو رايكم في البارت؟؟ |
حراااااااام ليش يصفعها :0088: :0088: تسلمين ع البااارت ونترقب البااارت الياااي |
| الساعة الآن 11:20 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir