|
آلبآرت العآشر .. مليت , وآلله مليت يمكن الاكشن اللي صار بس ان ربيع سهيل سوآ مشكله وضرآبه والله يستر من السبب ؟ مآيهمني تبون الصدق اهم شي آن الشي خلاص آنتهى قبل لآ آي عمي ومرته وتكبر هالمشكله , يودت فوني , آنحبببطت وآيد وآيد وآيد لمآ جفت ذيآب مب مطرش لي شي ولآ حتى رآد علي ؟ يآلله كيف هنت عليهه لو مآرد علي اليوم بنكمل 3 ايام مآدري 4 , الشي صعب علي وآيد كيف هنت عليه .. : آقول انا بروح بيتنآ آنزين غايه : كيف تروحين بروحج ! : الله حآفظ , وبعدين بيتنآ مب بعيد يعني عادي بمشي .. لطيفة : ليش شي كدر خآطرج ؟ : لا سلآمتكم " شليت فوني ونزلت تحت " خآلد : على وين بنت عمي ! : على البيت خآلد جآف ويهي وقال : شي مكدرنج ؟ : لآ " وطفت وطلعت من البيت ولحقني " شو تبآ ليش تلحقني ؟ خآلد : بوصلج منقود تمشين بروحج بالشارع : آنزين مشكور وصلني لين مآدخلت البيت عقب هو روح سيده وآنآ صعدت فوق , حتى روضة مآسآلت شفيني .. هه عسآس لو سآلت بجآوبهآ يعني من الله الجوآب معروف , دآيمآ آسكت , آحس آني في مرة بنفجر في وقت غلط , تنهدت بضيج وقعدت فآلصآله افكر ليش ذيآب يعآملني جي , ليش قاعد يسوي كل هذا فيني معقوله يلعب ولآ كآن يتسلى ولا ظروفه اللي منعته , رن تلفوني ورديت .. : آلو ؟ ذيآب : وينج ! وكآنه ردت لي الروح ونسيت كل شي سوآه فيني وقلت : آنآ بالبيت ذيآب : ليش روحتي ؟ : بس مليت وبعدين تضايجت انت وآيد مهملني ولآ تسال والله خفت شي صابك ذيآب : آلرب حآفظ مآعلي خوف : زين , الله يحفظك .. ذيآب : آممم خلآص مآبتين ؟ : لآ .. مآلي خآطر آرجع ذيآب : آيوآ : على العموم دير بآلك على حآلك مآمآتي ذيآب ابتسم : آن شاء الله آميه حمدآن : يآ ويلي على حنآن آمك آنآ مآرومم ذيآب مآبين توتره ولآ شي : آنزين الوآلده توصين ب شي : ههههه الوآلده هآ , بس لآن ربيعك ويآك جي قلت , على العموم مابا شي " خففت صوتي " سلآمت قلبك ذيآب : ربي يسلمج , يلآ مع السلآمة : مع السلآمة " بندت وفريت الفون " . . برع البلآد .. عذآري تقلب ف الملفآت وتطآلع الحآلآت وهي مطفره خآطرهآ تغير روتين شغلهآ وكل شي في حيآتهآ رفعت عينهآ بهدوء لمآ سمعت خطوآت خفيفة .. وابتسمت من قلب وقآلت عذآري : آهلين نوف نوف : ممكن اقعد ؟ عذآري : هي نوف : آممم دكتورة في ريال ياذيني وانا وايد استحي منه عذآري ابتسمت : آممم نوف هذآ ريلج .. نوف مصدومه : لآ مستححيل هذا مب ريلي عذآري : بلا ريلج والولد اللي كآن معآه هذآ ولدج ! نوف ابتسمت بخجل وقالت : انا ماعندي يهال وانا مب متزوجه دكتورة عذآري : نوف نوف غطت ويهآ وصآحت : انا منو , ؟ عذآري فرت الملفآت ورآحت وقعدت مجآبل نوف وقآلت : انتي نوف , وانا دكتورتج واسمي عذاري نوف تصيح : انا ماتذكر حد , انا تعبتت ابا ابا اهلي وينهم ليش ماحد منهم وياي ؟ انا عندي اهل اصلا عذآري تنهدت : هي عندج آهل ويزورونج كل يوم لكن انتي ماتتذكرينهم نوف مسحت دموعها : انا بروح .. " وسيدة طلعت ركض من الحجره " عذآري تنهدت ورآحت وآتصلت لحمد : حمد حمد : هلآ حيآتي عذآري : مليت خلنآ نروح مكان اليوم حمد : هههههه شو طرى على بالج بسم الله !!! عذآري بضيج : حمد مآتمصخر حمد حس فيها : شو مكدر خآطرج ؟ عذآري نزلت دمعتهآ : آحس اني مخنوقة , وحآله المريضه اللي اسمها نوف معورة قلبي وآيد يآ حمد , مآتتذكر لآ ريلها ولآ ولدهآ كله تصيح كله تهآذي بآمور مش موجوده , آخآف آني مآكون قد مسوؤليه هالمريضه .. حمد : آتعرفين منو احسن دكتوره هني تقدرين تودينهآ لها ؟ عذآري بيآس : لآ حمد : آنتي , بنظري كل آلدكآترة وآنج الحنونه وآلطيبه وانا متاكده ان هالبنت ان شاء الله من ايدج بتطلع من هالحآله اللي فيها لآ تيآسين وخلي آملج بربج كبير وانا لو مآعرفج جآن قلت لج آنج مب قدهآ لكن انتي قدهآ حبيبتي عذآري وكآن بث فيها الآمل من آول ويديد : آنزين خلآص شكرآ , آمممم شو عن الطلعه ؟ ههههه ترى ماكنت اتمصخر حمد : عييينييي توصلجج , كم عذآري عندي بس قولي ؟ الا هي وحده راس المآل , بنطلع خلآص بنتغدى وبنتمشى عقب بنرد عذآري : فدييتك وآلله , علني مآخليت , ربي لآ يحرمني منك حمد : ولآ منج , يلآ عيل روحي كملي اللي ف ايدج وشغلج ويوم بتخلصين كلميني وانا الحين بمر على الشركه بشوف الوضع عذآري : آوكي دير بالك على نفسك حمد : آن شاء الله وآنتي بعد .. عذآري : آوكيه . . لآول مرة يكون حظي حلو لهالدرجه , دقيت لآمي وعرفت انها بالمزرعه وخليتها تيب سلحفآتي معآهآ , وبعد مآبندت قعدت افكر في يدي , و بحرممآن ! , يدي ليش جي سمآهآ , يعني شو هالحكمه اللي بتطلع من هالاسم , لما فكرت فيها عدلت تضايججت وآيد , اخاف يدي يقصد فيها اني بنحرم من شخص بالمستقبل , لآلآ يدي مب قصده جي انا لازم بعد فترة اسال يدي وافهم منه السبب , ابا اعرف هو ليش جي يسوي فينآ .. مليت فالبيت وآيد فنزلت تحت وشغلت لي فلم وقعدت آطآلعه , مع اني جفته كذا مرة لكن الملل وشو يسوي .. شوي ودخلوآ البنآت البيت انصدمت ليش ياييين مع انهم كانوا متجمعين ف بيت عمي , قوم غآيه ؟ غايه : حووه لآيكون مفكرة بخليجج مثآيل تتلفت : هممم مآحد بالبيت ؟ : لآ مآحد لطيفة : حححلو بنفلهآ عيييل مشآعل : وين بتفليها وانتي ساحبه ويانا هالياهل لطيفة : حرآآآممم شو افره يعني ؟! عوآش : تتوقعوآ شو كآنوآ يرمسون البآرح قوم مهره ومحمد ؟ مثآيل : شتبين فيهم خليهم ف حالهم ايمآن : بدينآ بسوآلف حرمه اخوي هااا مثآيل : هههههههههه لآ وآلله غآية آنسدحت على الكرسي : هبيبي تعالي اجلس مني بيشوف هدا فلم آيمآن غنت : انا يجججييي من بنقآآآآآآآآآآآل عوآش : عآششششوووو بشآير : ههههههههههههه استغفر الله من صبآيح الله خير عاد لطيفة قعدت وف حضنهآ آليآهل وتمت تتآمله : نونا اليآهل جميل ولا انا اتوهم قعدت حذآلهآ : بلآ فيه جمآل , الله يخليه لاهله .. لطيفة يلست تمسح عليه وتلآعبه لين مآنآم وخلته حذآلهآ عقب قعدت تسولف ويآنآ , تخيلت آن لطوف عندهآ يآهل بيكون الشي وآيد جميل ويحمس وآلله ! لطيفة : في شو تفكرين حووهه ! : آفكر لو هآ ولدج بالحقيقة بيكون جممميل يخرب بيته بحجزه لبنتي لطيفه : هههههههههههههههههههه بخصوصج !! غايه تحس بصدآع فضيع : انا بطلع شوي برع آوكيه " وطلعت " : شفيهآ غآيوهه ؟ مشآعل : مآنعرف توهآ بخير غايه رآحت الخيمة اللي برع ودخلتها بسرعه وهي ميوده راسها تمت تدور بسرعه عن البندول تحس انها مب قادره تستحمل واصلا البنات لو عرفوآ عن البندول بيهزبونهآ يعرفوآ آنهآ وآيد تبآلغ في شربه .. غايه : يآربي وين رآحح وين رآحح آنآ بروح البيت لآزم الاقي وآحد " وركضت لبيتهم ودخلت الخيمة بسرعه بدون لآ تنتبه له " آلله يآخذه من بندول " ونكلت الدنيآ وهي تدوره وبدت دموعهآ تنزل بقوه " وينههه , آآه رآسسسي ! خآلد بصدمه : غآيه !!! غايهه تصيح : وين البندول طلع لي بسررررعه خآلد رآح ومد لهآ وطلعت كذآ حبه وشربتهم وخالد مصدوم وعصب : تستهبلييييين غايه تشآهق : آنآ " يودت راسها " آنآ تعبآنة بروح آنآمممم خآلد يودهآ بقوه من ايدهآ : غايوه كلمييني شو يعووورججج !!!!! غايه : رآسيي " تشآهق وتآخذ نفس " آسنآنسي , انا مب قادره اشل بعمري انا بروح انام خآلد : بوديج المستشفى تعآلي غايه : بروح البس عبايتي خآلد : بنمر بيت عمي وبنيب لج من هنآك ريايل داخل يلا تعآلي غايه تصيح وكل مآلهآ تمسح دموعهآ تبآ توقف من الصيآح لكن مب قآدره من كثر الالم اللي تحس فيه , رآحوآ بيت الهنوف ودق على رقم وردت روضة .. روضة : آلو خآلد بصرآمه : نزلوآ عبايه لغايه ضروري ويآليت حد آي معاها بنوديهآ المستشفى روضة بخوف : شفيهآ !! خآلد : مب وقته تعآلي برع يلآ .. روضة بخوف رآحت فوق تركض ويابت لها عبايه ولبستها على السريع وشلت عبايه لغايه ونست تشل فونهآ وسيدة نزلت تحت وركضت للسيآرة وركبت ورى وهي تطالع غايه تصيح .. روضة بخوف : غايه !! " تضرب ويهآ على الخفيف " غايه !! غايه تصيح ولافه الصوب الثاني مب قادره تتكلم خآلد تحرك وسرع للمستشفى وودوهآ وهي دخلت عند دكتور الآشعه , وقالهم ان هي سليمه ومافيها شي بس يمكن من قله الرقاد وانها تفكر وتجهد نفسها في اشياء مالها داعي عقب ودوهآ دكتور الاسنآن وهي دخلت وتم خالد وروضة برع يتريونهآ .. روضة تدور يمين ويسار وتنهدت لمآ جآفت انها مايآبت فونهآ رآحت صوب خآلد وقالت له : خآلد ممكن تلفونك خآلد طلع تلفونه بدون لآ يشوفها وعطآهآ بدون لآ يسآلهآ حتى ليش .. روضة دقت للهنوف رن رنتين وردت : آلو آنآ مستغربه : انتي وينج لآيكون طآلعه مع خلود روضة : هي نحن بالمستشفى خفففت : شو صآير روضة : غايه وآيد تعبت علينا واتنازع عليها الدكتور شوي عسب كثره البندول وقال ان هي سليمه والحين يايبنها عند دكتور الاسنان من نرد بنيكم البيت اوكي بس حبيت اطمنج بكلمج عقب تضايجت : حبيبتي غايه , اوكي يلآ وطمنيني بعد مآتطلع من عند دكتور الاسنآن روضة : آوكي , مع السلآمة .. : مع السلآمة " بندت " روضة رآحت صوب خآلد ومدت آيدهآ : آمم شكرآ خآلد سحب الفون : عفوآ روضة رآحت وقعدت صوب قاعه انتظآر البنآت وتمت تفكر ليش جي خالد يعآملهآ لكن بنفس الوقت مآلآمته لانها جرحته ومارضت فيه تنهدت وهي تحس بضيج فضييع .. غايه طلعت وكانت شاله ورقة معاها على طول طلعت بدون لآ ترمس ولآ تقول شو صار معاها وشو قال الدكتور , رآحت الصيدلية وخذوآ آلآدوية وطلعوآ مع بعض , بالوقت اللي هم كآنوآ فيه بالصيدلية غايه وخالد سبقوآ وتحروآ آنهآ ورآهم لكن آنصدموآ آنهآ مآحد .. خآلد : خلج هني اكيد ضاعت بسير ادورها وياي على طول غايه ابتسمت بتعب تعرف انه خايف عليها بس مايبين راحت وقعدت عند الكرآسي الجريبه من البوآبة الرئيسيه اللي يدخلون ويطلعون فيها النآس من المستشفى .. روضة بخوف تشوف الهندي اللي يمسح يطآلعهآ عقب قرب منهآ وتم يهآذي ويقول ان روضة جميلة وهي خيفآنه تمشي بسرعه ولآ تعرف وين تروح , اصلآ هي ماتطلع من البيت وآيد ومآتروح المستشفيآت من جي مآكآنت تعرف هالمستشفى وبالنسبه لها كان هالمستشفى يديد وبالغلط دعمت وآحد ويوم رفعت عينهآ كآنت بتصيح بس لمآ جآفت خآلد ارتآحت وسيدة انخشت وراه وهي حآقده على الهندي اللي كآن يطآلعهآ .. خآلد بخوف وآضح : شي فيج ؟ روضة بخوف : آفف هذآ خوفني كل ساعه يقرب مني ويقعد يقول اني جميله واني مادري شو خفت انه شي يسويلي خآلد عصب وكآن بيروح له بس روضة يودت ايده بدون لآ تحس وقالت .. روضة : حلفت عليك خآلد تخليه خلآص خله اكيد هو مسكين وفقير بس مآفيه مذهب يلآ خل نروح خآلد يطآلع ايدهآ , حس حوآسه كلهآ مب ويآه وقت مآهي تتكلم روضة وقفت بخوف جدآمه وتطآلعه : خآلد شفيك ! خآلد آنتبهه على عمره : ولآ شي خلينآ نروح , طوفي جدآمي روضة مآعآرضته ومشت جدآمه وهو كآن يمشي ورآهآ عقب هي شافت غايه سيده راحت صوبهآ : ويه غايه سآمحيني ضعت غايه تطآلع خآلد اللي كآن منزل رآسه : آمم روضة حضنتها : نسيت آنج مآتقدرين تتكلمين , حمدآلله على السلآمة يلآ قومي نروح " وسآعدتهآ ورآحوآ " الهنوف مآقدرت تتنظر اتصال روضة ف اتصلت وخآلد رد عليهآ خآلد : آلو : وينكممم ؟ وينهآ غايه شخبارها ؟ خآلد : غايه بخير بس مآتقدر تتكلم تعبآنة شوي من تقوم من النوم وتصحصح بنيبها صوبكم نحن الحين رايحين البيت : يبها بيتنآ اهني اريح لها بما ان الريايل في بيتكم وعقب من يروحون بنروح بيتكم اوكي ؟ خآلد : خلآص تمآم .. بكلمج من نوصل , مع السلآمة " بند " وصلهم خآلد بيت عمه وساعد غايه ودخلها داخل وسدحها وقعد وياها شوي عقب روح عنهآ , وتموآ البنآت بروحهم وقعدوآ يسولفوآ بصوت خفيف عسب لآ يزعجون غايه وبين فترة وفترة تمر روضة تطمن عليهآ لين رن تلفون البيت وليته هاك الوقت مآ رن ! : آنآ برد " رحت ورديت وطلع ابويه اللي متصل " هلآ الغالي ابوي مستعيل : حبيبتي خلي الخدم يسون غدا طيب وسوي سويتات ياينآ آهل قطر اليوم : ليش منو هذيل يعني ابوي ؟ آبوي : مآدريبهم بس شكلهم نآوين يخطبون من عندنا يعني يا انتي يآ آختتتج بلعت ريجي : هآآآآآآآآآآآآآآ آبوي : لا تفهيييين , يلآ روحي خبري الخدممم , انا مستعيل مع السلآمة " بند " تميت ميودة السمآعه مب قادره استوعب شو اللي قاعد يصير , عقب بندت ورحت خبرت الخدم وانا احس بكتمه , مآعرف شسوي ؟ انا مابا هذا اللي ياي وهاي روضة قلبها عند يوسف وخآلد يحبهآ , آفففففففففف يآرب سآعدنآآآ !!!! روضة : منو متصل ؟ بضيج الدنيآ قلت : آبوي يآينآ خطآر اليوم ! روضة : منو بعد بي : خلآص فكيني روضة فكيني , بيون عرب من قطر لابوي خلاص بروح انا غرفتي عن غايه " ركضت فوق وقفلت الباب ورحت بخوف ودقيت لذيآب لكن مآرد بغيت اصيح ذياب ليش يزيدني ليييش !! " ذيآب دق لي آقين وسيدة رديت : آلو من سمعت حسه صحت , صحت من قلب بعد مآتخيلت آنه مآيكون لي عقب هالعمر كله وقلت بصوت يملآه التعب ويبين آني اصيح : ذيآب ذيآب خآف : شفيجج ! بندت ف ويهه مآقدرت آكلمه وانهديت صيآح فالحجره بروحي , انا ماقدر اضحي ف روضة اكيد هم بيختآرون الاكبر , وحتى لو اختاروا الاصغر انا مستحيل اخليهم ياخذون روضة لان بعدهآ صغيرة وباقي لها سنتين بالمدرسة !!! غايه قامت بخوف وهي تطالعني بصدمه قامت وحضنتني كانت تعبانة وماقادره تترمس بس حضنتني وصحت في حضنها اكثر , مآقدرت اقولها ان اللي بيون اليوم بيخطبونآ يآ انا يا روضة وحده منآ , مآقدرت اقولها آن آحلآمي بقرب ذيآب كلهآ بتختفي اليوم مآقدرت اقولها , ليش انا مب جريىه هالكثر مثل غايه لييش , صحت اكثر وهي رصت ف حضنهآ .. غايه تمسح على راسي بهدوء وساعدتني اقوم ورقدت معاها بالشبريه ونمنآ , مآحسيت بالوقت , نسيت اخليهم يسون سويت اكيد الشغاله تعرف دام ياينا ناس خلاص برايها , نمت والله من التعب ومن الهموم ومن كل شي يصير لي وفوني نقع لين مآقآل بس من اتصالات ذيآب , مآتوقعته هالكثر بيتصل تصدقون ؟ من التعب ماقدرت حتى ارد عليه قمت انا وغايه قريب المغرب وانصدمنا كيف الوقت مر سرعه ووين البنآت رآحوآ , قمنا وتغسلنآ وبطلت الثلآججه وسحبت لي عصير غايه مارضت تشرب شفت ورقة صوبها ولما سحبتها انتبهت انها ورقة ادوية لازم تيبها من الصيدلية لكنها للحين مايابتها وقلت بطرش عقب حد ايبها .. غايه بتعب : انا بروح مآحبيت اعارضها لان مب شي بعد تسمع الكلآم اللي بيصير على جدآم يكفي انا بموت مرة مابيها تموت ويعورها قلبها علي انا مابيها تحس بالذنب لاني ماراح اكون لذياب رغم كل السوالف اللي تعرفها غايه , لبست عبايتها وشيلتها وخذت الورقة وسلمت علي ونزلت وسيده روحت بيتهم اما انا سيده نزلت تحت شفت امي ادخن الميلس وابوي كاشخ وريحته شاله الدنيآ , شفت روضة وراي بعد كآنت كآشخه , يآ ويلي علييج يآ رويض لو تعرفين هالعرب ليش ياين !! , كاشخه لهم عز الله اختآروج , كنت يايه بروح بس سمعت ابوي يقول .. آبوي : آجهزي ترآج بتنزلين مع امج عند الحريم وقعدي انتي وروضه مع امكم وعاونوهآ مآقدرت ارده ف قلت : آن شاء الله .. صعدت فوق وقفلت الباب يودت فوني جفت المكآلمآت 44 وكلهآ من ذيآب + مسجين كآن كآتب بالاول ( دخيلج ردي لآ تسوين فيني جي ؟ ) وآلمسج آلثآني ( هنوفتي ويينننج , وربي قلبي مب مطمن على الاقل خبريني انج بخير لآ تخليني جي اقعد آحآتيج ) ابتسمت , ذيآب مآيحآتيني الا يوم اسمعني اصيح يعني ؟ شلت هالافكار من بالي وطرشت له مسج ( انا مشغولة شوي مع الآهل والسموحه على مساعه ترى كنت تعبانة شوي ) , نزلت دمعتي ومسحتها تعبت من كثر الصيآح والله , طلعت لي مغربيه كحليه وفيها رسومآت بالذهبي ودخلت اتسبح عقب طلعت ولبستها ماسويت اي شي ف ويهي بس جففت شعري بالسشوآر ولميته وحطيت علي الشمد عقب تعطرت وحطيت دهن عود ولبست فلآت عآدي خفيف اقدر اتحرك فيه ونزلت تحت ويوم جافني ابوي ابتسم , ابتسمت له مآحبيت احطمه تمينآ قاعدين وعقبهآ بربع ساعه يوآ العرب وسلمنآ عليهم وقعدوآ يسولفون وسولفنآ مع بنآتهم انا وروضة .. كانوا حبوبات لكن انا مب قادره اتقبل فكره اني بعيش معاهم !!! , تموآ وتعشوآ عقب هم روحوآ وابوي يا الصآلة وقعد يطآلعهم .. آمي : بصرآحه ربعك يدشون القلب جي حبوبين والله ابوي : بصرآحه يا ام مايد انا حاب افتح الموضوع جدامج انتي وبناتج هالخطآر زيآرتهم مب خطآفي , ترآهم يبون وحده من بنآتج آمي ابتسمت : وآلله وكبروآ بنآتي روضة تطآلعني بصدمه وانا ببرود اطالع ابوي المستآنس لنا ومايعرف ان في قلب كل بنت من بنآته شخص تعشقه وماتقدر تستغنى عنه .. آمي : مآخبروك منو يبون ! آبوي : لآ يتريون حرمته شو تقول روضة من الضيج سيده صعدت فوق وعقبها انا لحقتها وخليتها ورحت لهآ الحجره روضة تصيح : لو كنت انا بموتت يا الهنوف بموووت , مآ آبيه حتى لو اختاروني دخيلج مابيه حضنتها وتميت سآكته روضة تصييييح : مستعده اقبل بيوسف وظلمه او حب خالد لي رغم اني ماحبه بس مابييييه هذا القطري ماباه حتى لو كآن ملك جمآل العآلم دخخخيييلج : آششش " بست راسها " كل شي بيكون مثل مآتبين بس لآ تصيحين ولآ تبينين لهم شي ! روضة بصيآح : آوو..كك..يي تميت اهديهآ وآحآول آمدهآ بآلآمل رغم اني انا اللي تعبآنة آكثر عنهآ ’( . . فالميلس عند الشباب رن تلفون عبدآلله ورد عليه وكآنت آمه اللي متصله .. عبدآلله : هلآ بالغوي آمي : يوز عن حركآتك ورد البيت في موضوع صار ولازم تعرفه انت وايد عبدالله بخوف : شو صار بعد ! آمي : يونا خطار اليوم بيخطبون وحده من خوآتك عبدالله عصب : شوووووووووووهه !!!!! كلهم لفوآ صوبه يطآلعوه بصدمه آمي خافت : عبدالله هدي اعصابك البنآت كبرن عبدآلله : آي بنآت تتكلمين عنهم ؟ الهنوف ولآ روضة اللي ماخلصت مدرسة ! آمي : والله ابوك جي قال تفهم ولآلآ لا تقعد تعور لي براسي , اسمعني زين ها قرار ابوك ثم قرار خواتك عبدالله بعصبيه ونرفزه : منو آختآروآ بعد ! امي : بآجر بيدقون لنآ وبيقولولنآ .. عبدالله : زين آمي يلآ مع السلآمة " وبند " ذيآب وخآلد عينهم مآخآزت عن عبدالله على امل انه يرمس ويريح قلوبهم لكنه مآرمس وتم معصب وسآكت .. مآيد دخل الميلس : السلآم عليكم آلكل : وعليكم السلآم ورحمة الله وبركآته مآيد يطآلع عبدالله : ول ول بلآه معصب عبدالله : جببب هذا مب وقت مصخره انزين خالد وذياب يطالعونه بتآمل يبونه يتنطق مآيد قعد حذال اخوه : هدي اعصابك واحترمني ياخي انا اكبر عنك , المهم خبرني شو مضيج بك ؟ عبدالله بضيج : آمك منو غيرهآ مآيد : هههههههههههههههههه ع اساس امنا مب وحده انزين كمل عبدالله لف : اليوم خطآر يآين عندنآ ويبون يخطبون وحده وبتكون يا الهنوف " لف صوب مآيد ورص وقال " يآ روضة ! مآيد مصدوم ويطآلع ف عبدالله : من صدقك !!! ذياب تنهد بضيج ( انا غبي ليش للحين مآتقدمت لهآ ؟ عسب جي كانت تصيح وماكانت قادره تخبرني ) خآلد ( خلاص يعني روضة معقولة انها مب من نصيبي ؟ وبتروحح ل غيري !!!!! ) قآم مآيد وقام وراه عبدالله وطلعوآ من الميلس ورجعوآ بيتهم يتفآهمون لكن للاسف ابوهم مآعطآهم مجآل للكلآم وعلى طول رآح ينآم فوق عنهم .. . . مآيد دخل حجرته وهو معصب وبععده بشوي يات موزة .. مآيد يطآلعهآ : وين كنتي ! موزة : مهره دقت لي ورحت قعدت معاها بعد مآرجعنآ .. مآيد لف الصوب الثآني مآكآن متفيج يقول اي شي متكدر من سالفه هالخطآر اللي ياينهم ! موزة يودت ايده : شو مكدر خآطرك خبرني ؟ مآيد بضيج : يعني معقوله مآعرفتي اللي صار موزة باستغراب : بسم الله تتراك تخوفني ارمس ! مآيد : يونا ناس من قطر اليوم ربع ابوي وقالوا بيخطبون من عندنا يا الهنوف يا روضة وابوي معند وراضي بالبنت اللي يختآرونهآ أنتي متخيييلهه !!! موزة تمسح على ايده : عمي مب جي يمكن يغير رايه , وبعدين يدي لو عرف مستحيل يغصبهم بس بعد الدنيآ نصيب وانت لا تعارض اللي ياي اللي كاتبنه ربك بيصير , لآ تضيج بعمرك .. مآيد بضيج : يصير خير .. موزة يودت آيده وحطته على بطنهآ : البيبي هادي اليوم شكله متضايج عشان ابوه متضايج مآيد ابتسم : احس انها بنت موزة : آمممممممم انا احس انه ولد بس يلآ اللي اي من الله حياه الله مآيد شل ايده عن بطنهآ وبآس ايدهآ وقال : الله يحرمني منج موزة نآمت على كتفه وهي مغمضه عينهآ وتحس بالرآحه بقربه منه .. ! . . |
برع البلآد .. ترفه : هههههههههه خلآص خلآصص مآقآدره آتوآزنننن عليآ : هههههههههههههههههههههه شكل ويهههججج يموووت من الضضضضضضضضحك ميثآ : ترفه انتي هههههههههههههه انتي تحففففففهه ترفه بوزت : جب جب يلآ نآخذ لنا ايس كريم ميثآ : يلآ ورآحوآ وهم يسولفون وييضحكون .. عليآ : تبون نرجع نلعب ولآ خلآص نروح ترفه : لآلآلآ بليز نروح فليل خلونا نلعببب خلاص مآتم شي ونرجع البلآد دخخخيلكككم رآحوآ شروآ ايس كريم وعليا وميثا رجعوآ يلعبوا بس ترفه منزله راسها وهي ميوده الايس كريم ولما دعمت الشخص اللي جدامها دعمته فالصدر وتوصخ قميصه كآمل بآيس كريمهآ رفعت راسها على طول وهي محمرررة ويوم طالعته انصدمت لفت تشوف الشخص اللي حذاله ويتها الصيحة .. ترفه بآحرآج ودموعهآ ف عينهآ : سآمحوني والله مب بقصد .. فارس يمسح قميصه وكان ساكت فآطمه : مآعليه حبيبتي حصل خير ترفه تمت منزله راسها ومن كثر مانحرجت صاحت وراحت عنهم بعيد ماتحب تنحط بهالنوع من الموآقف فآطمه : الله يهديك لآيكون عصبت ؟ فارس ابتسم : لآ عادي اوردي نحن بنلعب وبنرد البيت فوآغي : فلوسي يلا نلوح نلعب فارس شلهآ ورآحوآ يلعبون .. ترفه فالحمام تغسل ويههآ ويوم طلعت راحت صوب اللعبه وين واقفين ميثا وعليا يتريونها ولما جافوها محمره جي تموا ساكتين ولما لفت طاحت عينها بعين فارس على طول نزلت راسها من المستحى وعلى الموقف اللي صار .. ترفه بضيج : خلونا نروح من هني انا مابا اتم عليآ : تروف الله يخليج خلينآ نلعب شفيج انتي ! ميثآ : شفيج تصيحي ؟ ترفه خبرتهم : وآلله فشششششششششششششلة " آحمرت " تخيلوا موقفي البنت اعرفها ووصخت قميص اخوها من كثر دفاشتي فآطمه قربت بمستحى : مرحبآ بنآت ترفه لفت ميثا وعليا سلموا عليها وقعدوا يسولفون وياها فآطمه : ترفه ترا خلاص لا تمي متضايجه ماصار شي ترفه منزله راسها : فشلآلآلآلآلآلآلآلآلآه ليش مآتحسوآ بموقفي انتوا " آطآلعتهم " انا بتمشى لآ حد يلحقني " ورآحت " فآطمه كانت بتلحقها يودتها عليآ : خليها بترجع الحين ميثا ابتسمت : هي جي دوم ماتحب تقعد عند لما متضايجه الحين بتشوفينها راده وخبله اكثر عن قبل ! فآطمه تنهدت : والله حرآم ماتوقعتها بتصيح عليآ : آهم شي اخوج ماعصب فاطمه : لآلآ لآ عصب ولآ شي آطمنوآ ميثآ : زين خلينآ نلعب تعالي معانا فآطمه : بقوله ويايه " رآحت وخبرت فارس عقب رآحت وتمت تلعب وياهم " ترفه ردت وفايدهآ غزل البنآت وتآكله ومبتسمه ابتسآمه بريىه ولمآ ردت راحت وتلعب معاهم فاطمه استآنست فوآغي ركضت صوب ترفه : ابااا ترفه عطتها وسحبتها لها تاكل معاها : يمممي بنات لآيفوتكم ! فوآغي : حيلووو " ويلست تآكككل " قعدوآ يلعبوآ مطولآ عقب فآطمه وفوآغي روحوآ مع فآرس وترفه والبنات ميثا وعليا ردوا سكن المدرسة وبدوا يرتبون اغراضهم عسب يطلعون من هآلمدرسة آلدآخليه اللي كانوا قاعدين فيهآ .. . . لطيفة رآقده وحذالهآ اليآهل وفزت على فتحت البآب وقالت بتعب : سهيل .. سهيل : ليش ماخبرتينا ان الياهل عندج عيزنآ ونحن ندوره الله يهديج لطيفة تمسح على عيونهآ : كآن يصيح سويت له حليب ونام ماحبيت اخليه بروحه لانك مع الريايل واكيد مآحد بيهتم له سهيل ابتسم لهآ : اشله ؟ لطيفة تطآلعه : آممم براحتك ! سهيل شله وطلع عنهآ ونزل وراح الملحق وعطاه لظآهر وحضنه واستغرب سهيل : ظهور لآيكون تعلقت بهالياهل !!! ظآهر سوآ طآف ودخل الغرفه : انا بنام تعالني باجر سهيل : قليل آلآدب ! ظآهر : هههههههههههههه تعبآآآآآآآآآآآآآن سهيل : خلآص مب مشكله آنآ برد دآخل آوكي عند الشباب ظآهر : آوكيه .. سهيل رآح عنه وظآهر بدل للياهل لبسه لبسه بس فانيله بيضه وحط له ف حلجه اللهايه وهو لبس فآنيلته البيضه ولبس بنطلون بجآمه اسود ونآمم وحط الياهل على صدره ونآم وهو حآضننه .. . . حمدآن : امممم عزكم الله وين الحمام ابي اغسل ايدي ؟ خآلد : حمام الميلس مب غاسلينه اطلع بتلآقي الحمام على يمينك حمدآن : آمم درب ؟ خآلد : مآحد تحت تقدر تروحح .. حمدآن رآح وهو طآلع سمع ف الصآله صوت عالي وكآنت بس الكلمه : آآآآآآآآه خآف شي صاير , ف تقرب من باب الصاله وهو يجوف جاف وحده متغطيه كآمل ومتكورة على نفسها وبس هالاصوات اللي تطلع منها تمم مدقق فيها وعرف انها راقده واكيد شي يعورها او انها تحلم ماحب يماطل عسب لا يخون ثقه ذياب اكثر ف راح غسل ايدهه وويهه ورجع عندهم الميلس .. . . تكورت على نفسي , عقب اندق الباب وفتحت الباب كانت امي كنت ماكلمهآ ولآ آكلم ابوي مافيهم يعصبون علي يكفي اني متضايجه جفت ايدها شاله حرمآن سحبته وشليت كيسه اكل , ورجعت على سريري لما جفتها راحت وماتكلمت رحت وسكرت باب الغرفه وقفلتها وانسدحت وانا اطالع حرمآن , تنهدت بضيج , لو آختآروني ؟ .. آآه يآ حيآتي ليش انا جي يصير لي حلمني وبيمعوني عنه اني اسافر برع , والحين بيزوجوني وانا بهالعمر , انا احبب ياععععآلمممم قلبي عند شخص يحبني بعد ليش جي تسون فيني , نزلت دمعه من عيني وتلتها شلآلآت دموع , آحس اني مظلومه , آني اضحي عشانهم بس ماحد منهم فكر لو مرة يضحي عشآني .. من التعب نمت ماكنت قآدره افكر اكثر .. . . ذياب : انا بسترخص بروح ! خآلد يطآلعه : على وين ؟ سهيل : بدريي سيف : لآ تآخر الوقت مب حلوة نتم خالوه بتتاذى منا خلونا نشوفكم مرة ثانية حمدآن : تشرفنآ فيكم وآلله سلموآ عليهم وطلعوآ حمدآن وسيف وذياب , ذياب وصلهم الفندق ورجع البيت ومن اول ماوصل قفل عليه الباب وتم يدق لي بس انا مارديت ولآ آنتبهت لفوني .. ذيآب : آفففف وينج الله يهديج يآ الهنووفففف رد دق ومادري ليش سحبت الفون وجفت حد يتصل رديت بدون مآعرف وقلت بصوت مليآن رقآد ويبين اني كنت اصيح : آلو ذيآب : ويننننننج ؟ شي يعععععورجج ! من قال شي يعورج رديت اصيح بس مآبينت كنت عآضه شفآتي : مآشي يعورني ذيآب : متآكده انج ماتبين تقوليلي شي ؟ قلت بصوت تعب : انا ابا انام كنت اول مرة اسويهآ , ماقادره احس مابي اكلمه مابي مشاعري تخوننني جداممممه مابي تعببببت , ليش هو مآيحس بروحهه ؟ ذيآب بضيج : ترا انا اعرف عن اللي صار اعرف ودوم بتم اعرف عنج كل شي حتى لو خبيتي وكابرتي صحححت : ذيآب انا مابااااه ليش ماحد يسويلي الشي اللي انا اباه ليش كل شي يصير ضد اللي انا اباه ذيآب : آنزين يمكن مآيختآرونج يمكن يختآرون روضة !! مسحت دموعي واعتدلت فالقعده وقلت : انت تتوقع اني بخليهم يختآرون روضة ؟ مستحيل ذياب روضه بعدهآ صغيره مابخليها تتالم ذيآب عصب : يعني بتتخلين عن كل شي عشانهآ ! حتى عن حبنآآآ صحت : ذيآب قدررر .. ذيآب قال بضيج : حسآفه جد , بدل لا تقولين بدور حل ان مايخذوني لا انا ولا هي جي تقولين ؟ " بند ف ويههآ " صحت زيآدة وتكورت على نفسي : ليييييش ليييييييييييييييييييييييش " صرررخخخت " حرآمممممم علييييييييييييييييييييكم امي يات تركض ودقت الباب : الهنوف بطليييي قعدت ارافس كل شي جدآمي : كله بسبببببكم , كلههه مننننننننكم روضة خآفت وامتلت عينهآ دموع وهي واقفه تطالع امي تدق علي الباب وانا مارد عليها عقبها بشوي يا ابوي ومايد وعبدالله كلهم صوب الباب ويدقون الباب .. مآيد بحنيه : الهنوف صرخخخخت وصوتي يملآه التعب والصيآححح : روحوووآ مابا اشوفففففففففكمممممم امي : حسبي الله على ابليس , بطلي الباب شفيييج يا بنتي بطططليي ابوي عصب : الهنوووففففففف وقفت صوب الباب ونزلت تحت وتكورت على نفسي وانا اقولهم : لوووووووو يددددييي هني انتوا مابتسوا فيييينآ جججيي , يدي عايش وآنتتتتوآ تجبروووونننآ ع اشياء مانباها كككككييييف اذا يدي رآححح " صرخت باقوى " كييييييييييييييف ؟ امي خافت : بسم الله من متى جي تقولييين عن يدج صحت : انا بموت بعد يدي اصلا بس الله يطول بعمرهه .. عبدالله دق بقوه : الهنوف بطلييييييييييييي قمت ويودت الابجورة اللي عند شبريتي ويودتها بقوه كنت ابا اكسرهآ وتنجرح ايدي لكن مآنكسرت يودتها بايدي الثنتين ورشتها بقوووه على الجآمه وانكسرت الجآمه مآل غرفتي " جآمه البلكونه " .. ابوي بخوفففف : الهنوففففففففف قعدت كل ساعه افر شي من الفتحه اللي سويتها بالبلكونه , كآن خآطري بالمرة افر عمري ويا الاغراض اللي قاعده افرها ابوي راح غرفته وياب المفآتيح السبير حآول يفتح الباب بس ماقدر لاني مخليه مفتاح غرفتي ف القفل نفسه فمايستوي نفتح قفلين ف وقت وآحد ف عبدالله رآح ويآب شي ماكنت اعرف شو ياب بس كسر قفل بابي وفتح لهم الباب وجافوني واقفه وانا عاطيه ظهري للباب آمي يات وحضنتني : يآ بنتي " دمعت عينهآ " شو اللي قاعده تسوينه في نفسج صحت بصوت عالي : حرآم عليكم يا اميه والله حرآمممم آمي قآمت عني وراحت وقفت عند ابوي عبدالله رآح ويودني بقوه حوط ايده بخآصرتي ورفعني وانا اصارخ وارفسه عبدالله : ماعليه انا اعرف اتصرف معاها انتوا روحوا ريحوآ .. انا اصارخ : نزلنننني يآ حححححيووووآآآآنننننن نززززززززززلنننننننننننننننننننننننننننننننننننننن ننننننننننني " صحححت " حرآمممممم عليييييييييييييييييييييييك عبدآلله : جججججججججججب ! : عببببببببببببببببببببببببببببببببببببببببببببببببب بود " ارفسه مآشي فآيده لين يآست وطحت كآن راسي على ظهره جآلبني كاني ياهله يبا يخطفهآآ وغمضت عيني بهدوء وعيني تنزل دموعهآ عقب فجآه يتني قوه ويلست اضربه بايدي على ظهره " عبدالله نزلنننني والله اني تعبآآننننننننه .. مآيد كآتم ضحكته : عبود شو تسوي ؟ عبدالله قعدني على كرسي وربطني وانا اصارخخ والكلب قاعد يضحك عقب سكر حلجي : ممكن تسكتي وتسمعينآ روضة : آويييه عبدالله شو تسوي آنآ آطآلع عبود والشر بيطلع من عيوني آمي خيفآنه : عبدالله بويه تخبلت هذي اختك مش وحده خاطفنهآ عبدالله : اذا تميتي تصيحي وتضاربي ماببطل عنج شي وبخليج تخيسين يومين هني بالصاله ويشوفونج الرايح والراد ابوي عصب : عبدآلله عبدآلله يطآلع عيوني : ارمسي بالهدآوه عسب نعرف شو تبي هزيت راسي ب اوك وبطل اللي حآطنه على حلجي : آلله ياخذك يالحيوآن عبدآلله ضحك : ههههههههههههههههههههههههههههه اصلا لو صابني شي مابتقدرين تعيشين بدوني موزة : شفيج هنوف ؟ خبرينآ .. نزلت راسي : لآ تزوجونآ لآ انا ولا روضة نحن صغار حرام عليكم ابوي قال بصرآمه : هالموضوع مآيخصج فيه , وبعدين انتي مابنزوجج لان ابوي حالف علي ماعطيج لاي حد , روضة اللي بيآخذونهآ .. روضة تيبست وهي تطآلعني بعيون مليآنه دموع وخوف : آبوي ماباه ابويه عصب وقال : خخخآلد ولد عمممج كآن بيحطج ف عيونه لكن رفضتيه والحين هذا بترفضينه شو تبين النآس تقول عننننننآآآآ روضة صآحت : ودرآستي عبدآلله بطلني وقعدت آطآلعه وانخشيت وراه مابا اسمع كلآم ابوي , مابا اسمع اي شي .. امي : يا بنتي هو مآبيحرمج من الدراسه وبتدرسين وبتكملين هو الحين بيبني لج البيت صرخت من ورى عبدالله : بخبر عليكم يدي ابوي يآ صوبي ويود ايدي بقوه : لو فكرتي تخبرين ابويه قبل لا يصير الشي رسمي مآتلومين الا نفسج !! صحت : بخبره بخبره مايخصني سوا اللي بتسويه بس ماياخذون روضة ابويه دزني وقال : هي اللي يابت لعمرها كنا راضين بخالد بس هي ماتباه خل ترضى ب اللي ياينها لانه ريال مافيه منه وابويه يعرف بعد وماظن يرفضه روضة صآحت : مابآآآهه ماباااااااااااااااااه آمي عصبت : عيل منو تبيييين ؟ روضة تصيح : آمآية هذا بيسفرنننني قطر مآبيخليني معاااكم انتي ليش ماتفهممميييننن انا ماباااااا امي : حسبي الله ونعم وكيل انتي منو تبين تآخذين فهميني تبين الناس ترمس عنآآآ روضة مسحت دموعهآ وطآفت عنهم ورآحت الحديقه تمت قآعده وتحجبت عدل وتحس ببرآد الجو ودموعهآ تنزل , يوم جآفت مآحد من بيتهم طآلع طلعت تمشي برع بيتهم وهي حآفيه كآنت تبا تروح بيت يدي , بيت يدي وآيد بعيد عن بيتنآ بس كآنت تمشي وهي حافيه بس عسب تكلم يدي ويدوه حتى لو مب عن هالموضوع بس تباهم يخففون عنهآ اللي قآعد يصييير .. تآخر الوقت وروضة مآردت ونحن تحرينآهآ برع لكن يوم طلعنآ مالقينآهآ ابوي وآيد خآف عليهآ لا يكون صار لها شي , ابوي رغم انه آحيآنآ يكون عصبي الا انه نحن نظر عينه وبدونا يفقد نظره ويتعب وآيد ويتضايج من نفسه , وفعلآ اتضايج من نفسه لانه بيغصبها على هالشي بس عشان مآيرد ربيعه ولان يعرفونهم , تم يدورون عليهآ وخبروآ الكل وكلهم طلعوآ الشباب يدورون عليها حتى مهره ركبت سيارتها ومرت علي انا وغايه ومثايل كانت معانا وندورهآ كنت اصيح وساكته وغايه بتعب تمسح على ظهري .. يوسف طآلع من الدكآن ويجوف بنت تتمشى مآعرفها منو وكآن يمشي لما شاف ويهآ آنصدم وقآل : روضةةة !!!! روضة رفعت راسها وانصدم من شكلهآ كيف تصيح وتمشي حآفيه بدون نعآل ولفت عنه وكملت دربهآآ يوسف : روضضضضضة روضة : كله منك كلههه منننننننننننك يوسف مستغرب : شو صصصصصآآآييير !! روضة طآفت عنه وهو يمشي وراها وقال لها بصرآمه .. يوسف : انا ماظن قلت لج اني احبج واكتشفتي اني العب عليج انتي تعرفين من البدآية آني مآحبج روضة آنفجرت صيآح ولفت وتمت تضرب صدره وتقول : يآلحححقيييير , يآلحييووووآآآآآنننن كله مننننننننننك " وركضت عنه " يوسف يطآلعهآ ومصدوم مآكآن يعرف ليش تصيح ورن تلفونهه ورد كآن سهيل سهيل : يسسسوف جفت روضضضهه !!! يوسف بعده تحت الصدمه : شو صاييييييير ؟ سهيل بملل : أنت جفتها ولآلآ ! يوسف : توهآ كآنت هني تمشي لكن اختفت من جدآمي سهيل عصب : يالغغغغببببي تراها شارده من البيت مادري وين تبا تروح وعمي تعبان يدورهههآآآ يوسف : خلاص بند الحين بلحقها بجوفها وين اختفت بندوا عن بعض , كلنآ كنا ندور عليها وخيفآنين طبعآ مآخبرنآ لا يدي ولا يدوه باللي قاعد يصير عن تعصب على ابوي وتستوي مشاكل وضرآبه ف تمينآ سآكتتيييين .. خآلد كآن يمشي بسيآرته ورآح صوب المكآن اللي وداها قبل لما تكلموآ , مكآن جي على الزآويه ماحد يقدر يجوفهم وفعلآ لقاها متكورة على نفسها وتصيح وقاعده بين الحصى وهي ححآفيه كآنت لآبسه كندورة مخورة وشيله شمد سآترة عمرهآ فيهآ نزل من السيارة بسرعه ورآح صوبها خآلد خوز ايدها من صوب ويهها : روووضضه " رفع راسها " رووضض.. قبل لا يكمل انصدمم من شكلهآ وكيف عينهآ منتفخه من الصيآح وخشمهآ المحمر وعينها المليآنه دموع بعدهآ .. نزلت راسها وقالت : انا ماكنت بشرد انا كنت يايه عند يدي انا ابا اكلم يدي خآلد يود ايدهآ وقومهآ : قومي بوديج عند يدي روضة تمت تطآلعه وهي ساكته سحبت ايدهآ وقالت : انا مابا اروح عند يدي خلاص خآلد مستغرب : ليش ! روضة : لان هناك كلهم بيدوروني , ابي احرق قلبهم مثل ماحرقوآ قلبي خآلد تم سآكت روضة صآحت : بيزوجوني خلاص , آختآروني انا " يآيه بتصرخخ خآلد حط ايدهه على حلجهآ " خآلد : مثل ماتتالمين ترى انا اتآلم , لآ تعورين قلبي اكثثر " لف عنهآ مايباها تشوف عيونهه اللي يبين عليها الضيج " يلآ نروح روضة مسحت دموعهآ وهي تشوف صدق خخخآلد وحبه لهآ وكيف كانت غبيهه لمآ اختآرت يوسف .. : خآلد " صآحت " انا اسفه خآلد : تعالي يلآ خل نروح الكل يحآتيييج روضة تمسح دموعهآ : انا اذا خذاني ترى مآبرد الامآرآت بروح قطر خلاص , فسآمحني عن كل الم سببته لك .. خآلد يتآلم : روضة تعآلي ! روضة رآحت وركضت جدآم ولافه صوب الجآمه وهو ركب وساق بهدوء لين وصلهآ للبيت وهي نزلت وهو روح رآح البحر فليل عسب يفضي كل اللي في خآطرهه .. كلنا كنا نترياها بالصآله ولمآ دخلت قالت .. روضة : انا موآفقه , خبروهه اني موآفقه عليه " ورآحت غرفتها فوق " كلنآ مصدومييييننننن روضضضه شووو تخررربطططط آمي : لآ حد يلحقني انا بكلمهآ .. طبعآ نحن بعد مآردينآآ من الحوآطه مع مهره يوم كنآ ندور عليها نزلوني البيت وهم مآعرف وين رآحوآ عسب جي كنت موجوده بآلصآله قبل لا ترجع روضة , آمي صعدت عندهآ فوق وسكرت الباب وقعدت حذآلهآ .. آمي : متآكده آنج تبينه ؟ روضة هزت راسها بهيه : الدنيآ نصيب آمي حضنتها وصاحت : مبروك روضة تحاول تبين انها بخير لكنها تتقطع من داخل : الله يبآرك فيج .. آمي نزلت تحت وخبرت ابوي انهم موآفقين على الريآل بس ابوي قال بعد يومين بيرمسهم وبيقولهم ان موافقين مب حلوة نرد عليهم من آول يوم .. كنت سآكته آعرف ان روضة تتآلم وانا اتالم اكثر عنهآ ويمكن بعد آخوآني الاولآد حآسين في معآنآتنآ والشي اللي كانوا خيفانين منه انه اذا بدت الدراسه روضة تهمل دراستها بحكم انها خلاص بعد الدراسه بتروح قطر مع ريلهآ , سبحآن الله كيف القدر , كآنت تحب يوسف , بس هو مآيبآدلهآ نفس المشآعر والغريب ان خآلد يحبهآ بس هي ماتباه ولا تحبه لان قلبها عن اللي عذبها , والنهآية بيآخذههآ وآحد من برع العآيلة !! , الشي وآيد مضآيجني وآلله مآقول غير الله يصبر رويض على هالمصيبه اللي طاحت على راسها .. . . ذيآب يتجلب على الفراش وهو متضايج وكل ساعه يمسح على ويه ويستغفر ربه عل وعسى الشي يروح من باله عقب رقد على ظهره وهو يطآلع السقف وتم يتذكر كل لحظظه حلوة ومرة كانت مع الهنوف كيف كانوا يتضآربون كيف قصه حبهم بدت , كيف اول يوم كان لهم بالمزرعه .. رغم كل شي الا انها تحبه وهو يعرف هالشي مب بس يعرف الا واثق بعد , وهو يعشق الارض اللي توطي عليها الهنوف , لكن .. !!!! قآم من سريره ورآح لقى آمه ف الصاله تقرى قرآن ويوم جافته قالت " صدق الله العظيم " وسكرت كتاب الله وحطته حذالها واشربت حذالهآ .. آم ذيآب : تعآل هني ذيآب رآح وقعد حذآله وهو لاف الصوب الثاني : آميه ولدج مخنوق مب قادر ينآم ام ذياب يودت ايده وقعدت تمسح على ظهره : بسم الله على قلب وليدي الله لا ايب له الضيق خبرني شو مكدر خاطرك ؟ ذيآب طآلع عيونهآ وقالهآ : آمآية انا احب واباها صدقيني ماكنت العب عليها ام ذياب بهدوء تطالع عيون ولدهآ : منو هاي اللي رمستها ؟ ذياب عسب لا يتعمق اكثر : انا ماكلمها بس انا احبها ! ام ذياب : وين جفتها ؟ ذيآب لف : آلهنوف بنت عمي علي اباها هاي اللي قلبي حببها ام ذياب استآنست : فديتك وآلله زين مآحب قلبك البنت آخلآق وجمآل واهلهم متفتحين وانت دوم وياهم ذياب متضايج : آمييه سمعت ان ناس يو يخطبونهم عسب جي انا متضايج , آخآف الانسانه اللي حبيتها تروح من بين ايدي آم ذيآب يودت قلبهآ : لآ بسم الله عليك وعليها ماعليه انا بحيرها لك عسب تكمل دراستها وانت تشتغل وتكمل وتكون نفسك عقب بخليك تملج عليهآ صدقني مابخليها ف خاطرك الحين بقوم اتصل لهم ذياب يطالع ساعته ويود ايد امه : آميه تخبلتي شوفي الساعه كم ! آم ذيآب : ويييه شعنه تخبلت كل شي عشان عيالي يهون ذياب قام وباس راس امه : فديتج اماية والله اني متضايج بس الحين مرتآح ام ذياب حضنته : خلك دوم مرتآح حبيبي وانا دوم ويآك واحسن شي سويته انك مآخبيت عني هالشي " دمعت عينهآ " كبرتوآ ياعيال وكل واحد منكم عرس وخليتوني استوي عيوز .. بوذياب : ذياب شعنه حآضن مرتي ! ام ذياب استحت : هذا ولدي جيه ماحضنه .. ذيآب ابتسم : يلآ تصبحين على خير يالغاليه , انا رايح انام " صعد فوق وباس راس ابوه " تصبح على خير يالغالي " ورآح غرفته " بوذياب : شفيه ولدج واعي للحين ؟ ام ذياب تنهدت : فديت وليدي نبضه , عشقآن ولدك بوذيآب فآج عينه : انتي شتخربطين آم ذيآب : ويييه شفيك , ولدك يبا يعرسس ويبا بنت علي الـ**** يبا بنتهم الهنوف يحبها يقول بوذياب : آشوآ آنه بنت علي ولا بنت ثانية يكلمها مانعرف اصلها من فصلها ام ذياب صعدت عند ريلهآ : هي والله هالبنت جميله وزين مآختآر ولدك باجر بكلمهم ذكرني بوذيآب : آن شاء الله يلآ تعالي بنام آم ذيآب : يلآ ورآحوآ مع بعض ودخلوآ ينآموآ .. . . شمسه : سعيد .. سعييييد سعيد لف صوبها وبتعب بطل عينه : آنتي بومه ؟ شمسه بعد مآستوعبت : هههههههههههههههههههههههههههههههههههههههههههههههههه هههههههههههههههههه سعيد بطل عينه : آيييه تخبلتتتتي شمسه تحط ايدها على حلجهآآآآ : سعييييييييييد انت مينوووووون سعيد : محد مينون غيرج " لف عنهآ وعطآهآ ظهرهآ " نآمي انخمممممممممممدي شوفي الوقت كم خسج الله من حرمه شمسه : هههههههه ياخي قوم والله ملآنه ماحد وياي اوفف لو خالوه يايبه بنت جان سهرت معاها الحين حتى لو كآنت ياهله جآن مشطت شعرها واستآنست سعيد : يآربييه من هالحرمممه انا باخذ عليج ثانية صبري علي شمسه شهقت : هئئئئئئئئئئئئ سعوووووووووووووووود سعيد : صدقيني ماتمصخر وبتشوفين بعد , يلآ سكتي ونآمممي ! شمسه عطته ظهرهآ ولفت ونزلت دموعهآ بقهر , هي كانت تتمصخر معآه عسب هي اصلا سمعته يتكلم وهو راقد من جي ضحكت .. سعيد حضنهآ من ورى وقال .. سعيد : لآ تصيحين ترى اتمصخر .. شمسه غطت ويهآ : خلاص خلني ابا انام " بصوت ضيج " تصبح على خير سعيد تقرب منها اكثر وجلبها صوبه وخوز آيدهآ عن ويههآ : حبيبي يلآ عآد مآبآخذ عليج ثانية انتي شيخه الححريممم كنت ابا اغصص فيج مثل ماغصصتي فيني شمسه بضيج : لآ وآلله وجي يعني تسوي فيني , اذا متتتت وقتها شو بتسوييي ! سعيد تغصص وسكر على حلجهآ : بس سكتتتتتي مآتعرفين ترمسين بشي خير لازم تطرين موت " قآم من على السرير ورآح الحمام تغسل وطلع " انا رايح لا تطلعين من الغرفه وقفلي الباب لاني مابرد شمسه قامت وركضت ووقفت مجابل الباب : لآ تروح سعيد : خوزي ! شمسه : الله يخليك سعيد ترى والله ماقصد .. سعيد : مآبتعيدينهآ شمسه : لآ وآلله وآلله مآبعيدهآ , بس دخيلك لآ ترووحح سعيد تنهد : آنزين مآبروحح شمسه حضنته : آنآ آسفه " سعيد تم سآكت ومآرد عليهآ فقالت " سآمحني مآبعيدهآ خلآص .. سعيد بآسهآ على راسها وحضنهآ : مسموحه يالغاليه بس لو تعزيني صدق لا تعيدين هالكلآم مرة ثانية شمسه : آن شاء الله عقب فجآه رن تلفون شمسه واستغربت وايد منو بيتصل لهآ فهالوقت !! رآحت وسعيد بعده واقف صوب الباب عقب لف يطآلعهآ منو تكلم .. شمسه : آلو " كآنت تسمع بهدوء لين بدت ترتجف بالكآمل وطآح التلفون من ايدهآ ودموع بدت تنزل بالهدآوه على ويههآ " . . |
Mshkoorh 7bebty ench nzlty w al7een enshallah bgra ❤❤❤ |
آلسلآم عليكم ورحمةة الله وبركآتهه * شخبآركم قرآئي ؟ آتمنى تكونون بالف صحة وسلآمة طبعآ نزلت البآرت العاشر وآتمنى من قلب آني آلآقي تفآعل عليهه , صحيح آني تآخرت عليه بس آنجآز بالنسبه لي آن الافكآر تدفقت وخلصت البارت بيوم وآحد !!! & السموحه على آني مآدققت بالبآرت وبآلآخطآء آلآملآئية اللي فيه بس آنآ وآيد مشغولهه حآليآ , آتمنى آنه يكون مفهوم للجميع :) آنآ نزلت لكم البآرت وآنآ مب دآرسهه ف ياليت اللي بيمر يفرحني لو بكلمه " شكرآ " ! آلبآرت الياي مآقدر احدده لان الشي اللي يحدده هو تفآعلكم مآحب اتآخر عليكم وجي لكن السموحه هآلمرة تآخرت بسبب انشغالي وحبيت اقولكم آن لو كذآ مرة يعني تآخرت في تنزيل البارتات لآ تلوموني لآني جد جد جد مضغوطه بشكل فضضضيييع ’( ف انا اول ماكتب آلبآرت على طول ببنززلهه لكم لو لقيت ردود تفرح القلب وبس هذا كل اللي عندي , آترك المسآحه لكم ولآقلآمكم . . . متآبعه بصمت + السموحهه من الجميع لكم وديي ♡♡♡ .. |
اقتباس:
آلعفو ولو , بآنتظآر ردج + قرآءهه ممتعه ~ |
| الساعة الآن 05:20 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir