روعه x روعه

تسلمين حبوبه عالبارت

اتريا البارت الياي ^^

سلام**شحآلڪوو يآ بنآت آلمدآآرس و آخبآآر آلدوآآم آن شآلله آستآنستوو>>ههه**يآ حلات التشميت<<خخخ لآتاخذن بخطركن آمزح

هذآ آلبآرآت آهدآء حق آلبنآت آلي غآبن و ضربنهآ رآقده لين آلسآعه 6 آلمغرب^^


~|~الجــــ 20 ــــزء~|~


يزوي كانت متنحه ف عيونه الذبوحيه حتى انها تثاوبت و ماحست بعمرها الي وهي رافعه يدها و حاطتنها ع شفايفها**حمدان من شاف حركتها هذي نسى الدرب وابو الدرب و ذاب ف حركتها اتمني انه يمسك ايديها ولو اخر مره**بس ماشى وعاه من سرحانه الا صرخة خالد

خالد:حــــــمــــــدان انـــــــتــــــبــــــه!!

حمدان رفع نظره لشارع بخوف و شاف سياره يايه ف ويهه لف بأقوى ماعنده و تجاوز السياره و الحمدلله كملو الدرب

خالد بخوف:يوم اقولك خلنا نروح ف تاكسي ولا نتعبك قلت لا انا مش تعبان و ين هب تعبان يوم بغيت تنفدنا
حمدان وين تباني اتعب ولا اركز ف الشارع و ختك معايه:خخخ**اسمحليه بس غفت عينيه
خالد:ههه**الحمدلله انها يت سليمه و ماستوى شي

وصولوا السكن و خالد نزل بسرعه لانه مايشوف شي من التعب ام يزوي علق الكرسي و مارامت تفتحه بس يا حمدان وفتحه و نزلت

حمدان مارام يقاوم رغبته بانه يمسك يديها مد يده و هو يرجف و مسك يدها الي كانت حرير بالنسبه ليده **صدت يزوي عليه ولمحة شي ف عيونه شي لو تم من اليوم لين باجر توصفه ماوفته حقه تمو فتره يطالعون بعض و كل واحد يحاول يعرف الي ف خاطر الثاني

حمدان و هو يقرب منها:يزوي
يزوي الي من شافته يقرب ردت ورى لين ماضربت ف السياره
حمدان حصلها فرصه ماتتعوض حجزها بين يديه و قرب منها وقرب شفايفه من خدها وقال:ماتوقعت ان بي يوم وبحب فيه
يزوي رفعة عيونها لعيونه بخوف من ان حد ينزل ويشوفها معاه
حمدان يوم ماسمع منها رد رفع يدها الي مافارقة يده و حطها ع صدره
حمدان:تسمعين دقاته؟
يزوي حركة راسها بمعنى هيه
حمدان:ترى ما دق الا الج و فليوم الي بتفارقيني فيه اشك انه بيرد ينبض مره ثانيه

يزوي شلت يدها من ع صدره و لزت عنه وراحت فوق بسرعه و هي تفكر فلي ستوى و ف عترافه الها
دخلت غرفتها و هي ماتعرف الشرق من الغرب صح انها متعوده ع السهر بس اليوم تعبت وبذلت جهد غفت عينها و اخيرا بس وعاها صوت مسج مسكت التلفون و فتحة المسج بكسل:

{..تصبح علـے خير يليے منڪ مآمليـے
يليـے وصوفڪ تعذب قلب هآونڪ..~

اخخخ ياقلبي يا حمدان حتى انا ماروم ع فراقك مادري شو بيصير عليه يوم برد البلاد **تمت
تفكر و من كثر مافكرت ماحست بعمرها الا و هي راقده


بعد خمسة ايام**

مريوم:تدرون ماصدق ان بنرد البلاد
نورة:اففف**قصدج الملل
يزوي:ههه**والله انج**حد يقولوله بترد البلاد يقول اففف
نورة:هنااك ملل من الخااطر
مريوم:وين ملل الله يهديج يوم انتي 24 ساعه مطيحه ف المارينا
نورة:خخخ**بس خلاص لاعة جبدي من المارينا**بعد ماشفة مولاتهم**تعالو نحن طيارتنا باجر انا ماريد اقعد ف السكن دقيقه قمو نتحوط
مريوم:هو تم مول مارحناله؟
يزوي تفكر:امم**اظن في مول مارحناله كنا متفقين نخليه لاخر يوم
نورة:الحمدلله ريحتيني
يزوي:ماوصيكن اريد احوط المول محل محل و بخسر كل الفلوس الي عندي
نورة بخبث:هههه لا تشلين هم الحواطه
يزوي و هي اطلع ساعتها:قومن نصلي الظهر و نروح
نورة و مريوم:اوكي

صلن الظهر و خبرت يزوي ابوها و قال روحن بروحكن لان الشباب ماكانو فاضين الهم**و قفن تاكسي وراحن صوب المول

عند سيف**

سيف:هلا و الله
منى:اهلين**شحالك؟
سيف:آآآه مهب بخير
منى اونها متروعه:ليش؟
سيف:تولهت عليج و اريد اشوفج قبل لرد
منى بكذب:الله يهديك روعتنيه
سيف:صدق اريد اشوفج
منى بتفكير:اممممم**انزين تعرف شارع (......)
سيف:هييه
منى:تعال اليوم الساعه 9 و بتحصلنيه هناك ارقبك قدام محل اسمه(.....)
سيف:خلاص عيل انا بخليج الشباب ينادونيه

قدام المول**

نورة و هي تفرك يدينها ف بعض و تبتسم بخبث:ماااكبره انا مش ظاهره الا الساعه 12 ف الليل
يزوي:ههههه**حظج ابويه ماقالي متى نرد يعني بالعربي خذو راحتكم
نورة:وااافرحتااااه
مريوم:ههه**تراج ع ايشه الجو
نورة و هي اطالع فوق:ههه**اقول ظنكو المول كم طابق؟
يزوي:امممم**اظن اظن مش متأكده انه 6 طوابق
نورة:الله كأنه هـ المول مبناي حقي؟
مريوم:خلن عنكن الرمسه و خلنا نتحوط

دخلن المحلات محل محل و ما طوفن شي و خلصن الطابق الأول و قعدن فـ كوفي

يزوي:اخخخخ**تعبت هذا اول طابق و كذي مادري كيف بنكمل الخمسه الباقين
نورة و هي تعق كعبها:اهئ اهئ مادري شو الي خلاني البس كعب اليوم
مريوم:خلنا نرد البيت احس اني بطيح اذا كملت
نورة:لالالا دخيلكن توها الساعه خمس
يزوي:خييييبهه ماحسينا بالوقت**ههههه**طابق واحد و خذ منا اربع ساعات
مريوم:الله يعين ع الباقي

راحن الدور الثاني بس كان اصغر عن الدور الأول و خلصنه ف ساعه و كل ماراحن فوق صغرن الطوابق و خلصن المول كامل ع الساعه 10

نورة:تصدقن لين الحين ماشبعة
مريوم:وانتي من متى تشبعين من الحواطه؟
يزوي و هي تفتح بوكها:باقي عندي خمسة الاف قومن بنخسرها ف شي
نوره:هييه ماريد ارد البيت توها الساعه 10
يزوي:قومن نتحوط بره المول شفت كم محل حلو و بعدين بنتعشى و بروح
مريوم:يلا

الساعه 9 عند سيف**

سيف:الو هلا غناتي انتي وين؟
منى:اممم**في محل اسمه(....) بتحصله فـ نهاية الشارع تعال هناك
سيف:اوكي لا تسكرين خلج ع الخط لين ماحصلج
منى:اوكي

وبعد دقايق**

سيف:امم**انتي الي وافقه عند الكرسي
منى:هيه
سيف وهو رايح صوبها:خلاص عيل حصلتج
منى و هي تمد يدها:هلا والله
سيف مسك يدها ويرها له و حبها ع خدها
منى انصدمت منه و من جرائته و لا حد سوى معاها كذي بس حسة بقلبها يدق بقو حسة ان كل الي حولها سمعو دقات قلبها
سيف:شحالج؟
منى و هي تحاول تخفف من نبضات قلبها:بخير شحالك انته؟
سيف و هي يطالعها:استويت بخير
منى:يلا خلنا ندخل

دخل سيف المحل و انصدم كان بار و كان في ريايل و حريم اجانب سكارى و يرقصون ف النص و حالتهم حاله

سيف و هو يطالع منى:شو هذا؟
منى و هي تمسك يده و تقول بدلع:اممم عشان ناخذ راحتنا و ماحد يخرب علينا**وبعدين مني البارو و هذاكي المطعم
سيف هز راسه بستسلام و حط فكره في راسه انه مستحيل يشرب شي صح انه هو راعي بنات بس مهب راعي شرب
منى و هي تأشر ع طاوله:اقول سيف انا بدخل الحمام انته روح هناك و ارقبنيه
سيف:اوكي
بعد ثواني وقفة واحده قدام الطاوله و هي لابسه فستان احمر قصير يوصل لين فوق الركبه و تحت الصدر شرات الحزام اسود و كله كرستالات حمر رفع سيف عيونه بفضول لراعية الجسم الجذاب


عند البنات**

مريوم و هي تقعد ع كرسي:خلالالاص والله تعبت مارووم اوقف
نورة:اوكي اوكي بس هذاك المحل ستايله مغري خلينا ندخله
مريوم:تبن انتن روحن اما انا بقعد هني و برقبكن
يزوي:اوكي بس لا تروحين مكان
مريوم: انزين بس ردن بسرعه

راحن نورة و يزوي و خلن مريوم قاعده ع الكرسي ظهرت تلفونها و ركبة سماعات التلفون و اشتغلت ع غنية راشد الماجد//وش جاه

عند يزوي و نورة دخلن المحل و انصدمن توقعن انه كوفي شوب اوا محل ملابس بس مش بآآآآآر

يزوي:الله يغربل بليسج
نورة:ههههه**تصدقين اني اول مره اشوف هالمشهد صدق**كنت دوم اشوفه في الأفلام
يزوي و هي تأشر ع واحد يرقص و معطنها ظهره:ههههه**طاعي هاكي يخرب بيته عايش الجو

كان الريال حاط يدينه ع خصر الي معاه و مقربنها منه و عينه ف عيونها و كانو داخلين جوو بروحهم ماكان شي مبين من ملامح ويوهم لان المحل مظلم بس ف ليت عود يمر فوق الناس بشكل عشوائي

نورة و هي ترص ع عيونها:يزوي شوفي البنت الي معاه**مش غريبه
يزوي و هي تحاول تركز ف البنت:امم اي واحده ام احمر؟
نورة:هييه

يزوي و نورة شهقن مره واحده و تمت كل واحده اطالع البنيه بصدمه ولا حد انتبه لريال الي كان معاها

مآآآريد آشووف ردوود سطحيه:خ9:

تسلمين خيتووو يعطيج العاااافية
بس الباااارت قصير
ثااااااااااانكس ثااااانكس

الله يسلمج

وتسلمييين ع المروور

وربي يوفقج ف دراسج