منتدى استراحات زايد - صدفهـ لقيته اللي هويتهـ محلى عيونه واااي فديـتهـ

وعقب سكرو الخط
سارة:شو راشد بيتزوج..؟
ام فهد:هي ان شاالله يوم الاحد بيخطب البنت
ميرا:كيف ويوم الاحد خطبه احمد وحمدووه
ام فهد:بيسون الخطبه راشد واحمد مع بعض
سارة خلاص الدموع فعيونها شويه وبتصيح :بياخذ منو إن شاء الله..؟
ام فهد:سارة بلاج..؟
سارة:ماشي انا بسير غرفتي
وعلى طول سارت الغرفة وتمت اتصيح وعقب دشت ميرا
ميرا:سارونه حبيبتي ليش اتصيحين..؟
سارة:قص عليه خلاني اتعلق فيه واخر شي طلع يلعب عليه,,ميرا انا شوسويت ,,شفتيني سويت شي غلط حراام والله حراااام
ميرا ودموع فعيونها:بس فديتج خلاص خلى يولي اصلاً الشباب كلهم نفس بعض يلعبون ويقصون على البنات
وعقب سمعو حد يدق الباب وسارة على طول مسحت دموعها ودخلت الحمام وعقب ميرا بطلت الباب وكانت ام فهد
ام فهد:وين سارة
ميرا:فالحمام
فالحمام سارة سمعت صوت امها فمسحت دموعها وعقب طلعت
ام فهد:سارونه تعالي غرفتي اباج
سارة:ان شالله
وعقب راحت ويا امها غرفه امها ويلسو على السرير
ام فهد:سارونه انتي احين كبرتي ومن حقج انج اتحبين وتزوجين
سارة اتحسبت ان امها عرفت ان هي تحب راشد
سارة:..........
ام فهد:فأنا بغيت اقولج ان راشد ولد خالتج ليلى تقدم لج
سارة هني امبطله عيونها ودموع اربع اربع على خدودها
ام فهد:سارة بلاج اتصيحين..؟
سارة:اا اميه ر راشد خطببني اانا...؟
ام فهد:لا انا,,انتي بعد منو
سارة:...........
ام فهد:بلاج سارة ..؟
سارة ابتسمت:لا مافيه شي بس انصدمت
ام فهد:ههه فديتج, انزين شو قلتي..؟
سارة:امي درااستي ..؟
ام فهد:انزين مب لازم تزوجين احين اتزوجي فالصيف
سارة:امي انا لازم افكر ,لان هذا زواج هب لعبة
ام فهد:انزين فكري بس لاتطولين
سارة:لا إن شاء الله برد عليج خبر في اقرب وقت
وطلعت سارة وراحت عند ميرا
ميرا:ها بلاج طاره الحلج توج امسوية عزه
سارة:احم احم فديته ريلي اا اقصد خطيبي
ميرا:بلاج سارة ,,مريضة فديتج..؟
سارة:ميرا راشد خطبني
ميرا:سارة استخفيتي..؟
سارة:والله العظيم توة امي قالت لي والله مو مصدقة فديته والله
ميرا:بتوافقين..؟
سارة:همم مادري,انا ابي ارمس خالتي سهيله
ميرا:انزين يوم بنروح بيت خالي سعيد رمسيها
سارة:اوكي ,انزين قومي نتجهز
ميرا:يلا
احين بقولكم شو كانو شارين
((كانو شارين تنورة لونها بطيخي ووردي فاتح وابيض كان لونه واايد هادي وبنوتي وكانت النتورة من قماش اعلى تورة في نفس حزام بس حق الدلع وعليه فيونكه بس هال حـزام واايد خفيف من شريطه والتنورة تحت اخر شي فيها خبوق صغار والقميص كت لونه بطيخي وابيظ فوقه جاكيت لين الصدر لونه وردي الجاكيت تقريباً قطعته نفس التنورة والجاكيت فيه كل خبوق صغار وكبار بس مو وايد كبار واكسسوارات لونهم وردي فاتح ياين مثل الكور الصغا ر وحلق((تراجي)) ونعال الي يغطي بس الاصابع همم ماعرف اشرح النعال بس ان شالله اتكونون فهمتو المهم وفوق النعال مثل قطعت التورة وعلى ينب النعال فيونكه بلون البطيخي ))
سارة:انا مابحط شي فويهي هنود بتح لنا
ميرا:انا بعد حتى جحال مابحطي
سارة:انا بلبس شيله سودة ,وانتي..؟
ميرا:انا لا اسكارف
سارة:لوولز
ميرا:انزين قومي نسير انشوف خواتج واختي خلصو ولا..؟
سارة:يلا امشي
وراحو عند عواش وعليوه ومريوم
ميرا:ها خلصتو
عواش:هي
ميرا:انزين يلا لبسو عبيكم وتعالو تحت
عواش:اوكي
لبسو عبيهم ونزلو تحت وراحو بيت بو مانع اول ماسارو على طول راحو فوق وماسلو على ولا حد
راحو غرفة حسن وتمت هنادي اتحط لهم مكياج بس مووايد وعقب اتعطرو ونزلو تحت
وراحو وسلمو على كلهم
بو جاسم:ها اشوفكم كاشخات
سارة:احم
ام جاسم:عيل وين الاولاد..؟
ام فهد:فغرفة علي يالسين يتكشخون
ميرا:واااي يغارون
عواش:هههه
عند الاولاد فغرفة علي:
كانو لابسين بنطلون جنز وقميص لونه اسود وازرق بيبي بلو
وعلى القميص رسومات وحركات كشخة والي شعره طويل كان لابس كاب ولي مب طويل كان حاط جل بس الكاب كان فأيدهم وجوتيهم سبوورت لونه ازرق واسود
فهد:يلا بنننزل
مانع:يلا
وعقب نزلو تحت
عواش:ههه قلادين
فهد:جب
سارة:تقليد اعمى
عبود:جب يلا
سارة:ويا ويهك
ويسلو فصاله:
ام مانع:عيل انا بسير اشوف الغدا
ام فهد:بسير وياج
ام مانع:لا فديتج تمي
ام فهد:عادي والله
وام فهد وام مانع راحو المطبخ يشوفون الاكل
وعقب قالو حق الخدماات يحطون الغدا فالميلس وفي غرفة الطعام
فالميلس حق الريايل وغرفة الطعام حق الحريم
وبعدين راحو يتغدون
عند البنات:
ام عبدالله:نسيت اخبركم يوم الاحد بنسير نخطب حق احمد
ام جاسم:مبرووك بياخذ منو ..؟
ام عبدالله:حمدة بنت ليلى
ام جاسم:زين ماختار والبنية زينه وماعليها كلام
ام فهد:و راشد ولدهم خطب ساره
سارة هني خلاص محمرة
ام جاسم: كككلللووش مبروك فديتج
سارة:الله يبارك فيج ,بس بعدة ماصار شي
ام جاسم: ان شالله بيصير
وعقب خلصو غدا ويلسو فصاله
سارة:خالو سهيله تعالي فوق شوي براويج شي
سهيله:ان شالله
وراحت ويا سارة فوق
فغغرفة التلفزيون:
سارة:خالو انتي احين عرفتي اني انخطبت صح ..؟
سهيله:هي فديتج
سارة:انزين خالو انا خايفة..؟
سهليه:ليش فديتج
سارة:انا ماعرف الولد عدل
سهيله:كل بنت فالموقف بتخاف بس شوفي فديتج انتي روحي البيت قبل لاتنامين صلي صلاه استخارة لمدة سبع تيام
سارة:يعني كل يوم قبل لانام اصلي صلاه الستخارة لمدة سبع تيام..؟
سهيله:هي ,,وان شالله كل خير
سارة:مشكوورة خالو
سهليه:العفو حبيبتي,,يلا قومي انرد عندهم
سارة:يلا
وردو تحت وعقب الاولاد يو عندهم
والاولاد عرفو ان احمد خطب وسارة انخطبت
وفهد علطول اتصل حق راشد
ترن ترن ترن
فهد:الو
راشد":هلا بو سنيده
فهد:افا والله رشود ماهقيتها منك
راشد:شووفيي..؟
فهد:تخطب وانا اخر من يعلم لا وبعد اختي
راشد:والله يت صدفه
فهد:ماعليه المهم مبرووك
راشد:الله يبارك فيك
فهد:انزين يالدب انا بخليك وعقب برمسك
راشد"اوكيك تيك كير
فهد:يوتو
وسكرو الخط
ام مانع:ها شورايكم فالغدى
ام فهد:ماعليه كلام
ميرا:تسلم ايدينج
سارة:مشكوورة
ام مانع:العفو
احمد:انزين بنتم جي مابنطلع..؟
بو عبدالله:وين تبي اتسير ..؟
احمد:همم خاطري اسوق بطابط
علي:شو بطابط..؟؟؟
مايد:ههه يعني دراجات
علي:ايوا
بو جاسم:خلاص بنسير البر
سارة:هي كشخة وبنتم لين الفليل
فهد:لا شو بر ,روحو تجهزو حق ملجتي
ميرا:تدرون اني نسيت السالفه
فهد:يافرحتي فيج , انااخاف يوم بتزوجيني تنسين اني ريلج ..؟!!
ميرا :هههه
فهد:ويا ويهج
ميرا:احلى عن ويهك
فهد:المهم امي متى بتسيرون تشرون اغارض حق الملجة..؟
ام فهد: بنسير العصر نشتري حق ميرا فستان وحقنا وو وبنشوف شو بنشتري بعد
فهد:انزين امي انتي بتاخذين منو وياج..؟
ام فهد:الي يبي اي حياه
فهد:انزين سارة ومشاهل تعالو ويانه
هنادي:ليش انا ماي..؟
فهد:تبين اتين حياج
هنادي:هه لاانا بسير ويا خالو يمكن القى لي فستان
سارة:انزين فهد وين بنسير..؟
فهد:مادري المهم انا انا بروح فوق سارة تعالي ويايه
سارة:انزين
وراحت سارة فوق ويا فهد
فوق فصاله
سارة:ها شوتبي..؟
فهد:بنسير نشتري شبكة حق ميرا وابيج انتي ومشاعل اتون عشان تختارون ويايه
سارة:انزين
فهد:بنسر احين عشان بعدين انزلكم عندهم عشان انتو بعد تشترون فستان
سارة:اوكي بروح انادي مشاعل
وراحت سارة تحت
سارة :شعول تعالي فوق بسرعة
مشاعل :اوكي
وراحت مشاعل فوق ويا سارة
سارة:يلا البسي عباتج.
مشاعل:ليش..؟
سارة:عشان بنسير نشتري شبكة حق ميرا
مشاعل:اها اوكي
سارة ومشاعل لبسو عبيهم ونزلو تحت
فهد طرش حق امه مسج انه يروحون يشترون حق ميرا شبكه
وهم نازلينمن الدري
ام جاسم:وين رايحن..؟
فهد:عنا كم شغلة بنخلصها وعقب بنرجع
ام جاسم:الله وياكم
فهد:انزين في حد يبي اي ويايه ..؟
احمد:هي انا ابغي اي
فهد:انزين يلا
وعقب طلعو وركبو السياره
عند سعود :
كان يالس ويا هم فصاله جان يرن مبايله وكان عمر
فطله برع ورمس
سعود:الو
عمر:الو
سعود:شوتبي..؟
عمر:الناس اول شي يسلمون
سعود:انت السلام على ويهك حراام
عمر:شو ف انا ارمسك بحترام لاتخليني ارمسك بسلوب مايعيبك
سعود:شو قصدك..؟
عمر:قصدي واظح المهم انت وين
سعود:انت شو يخصك
عمر:لان يو م الاحد ورقة طلاق اختك بتولصها
سعود:زين مابغيت اتطلقها
عمر:فاباك تاخذ ورقة طلاقها
سعود:خلاص يوم الاحد مر عليه الدوام
عمر:انزين يلا باي
سعود :باي
وسكرو الخط ودخل داخل
كان داخل واهو مستانس
بو سعود :بلاك جي مستانس
سعود صاصر ابوه:ابوية يوم الاحد عمر بيطلق شعول
بو سعود:صدق
سعود:هي توة رمسني
بو سعود احين يرمس كلهم:احم انا بغيت اخبركم بشي
بو جاسم:خير خالد شوفي..؟
بو سعود: صغاريه يلا فوق
محسن:لحظة لحظة ,محد صغير اهني غير لطيفه
بو سعود:لا والله وانت شو ان شالله..؟
محسن:انا ريال
بو سعود:انزين سير فوق
محسن:مابي
بو جاسم:خله خله
بو سعود:مشكله الي يدلعون هال اشكال
محسن:لو سمحت عن الغلط
بو سعود: انزين خلنا انرد لموضوعنا ,,مثل ماتعرفون ان مشاعل متزوجه عمر بس ((وجان يسكت))
بو جاسم:بس شوو
سعود كمل:مافي نصيب
ام جاسم:شقصدك ..؟
سعود:امي امسات كانت امشاعل فالغرفة ويا هنود جان تتصلها وحدة وقالت لها .................................وعقب راحو ويا شهاب المكان ........................وشافو عمر وياليتهم ماشافوه ........................وردو البيت..................وطلبنا الطلاق احين ويوم الاحد بيطلقها قال
ام جاسم ودموع فعيونها:فديتها والله ماتستاهل
وعبود يت له الفرصة ان يرمس امه
بو جاسم:هال كلب من وطلع لنا
بو سعود:والله مادري ,,بس الله كاتب هال شي ,وزين نحن عرفنا قبل لايستوي اي شي
بو فهد:انزين انتو احين لاتيبون لها سيره ابداً ,,كأنكم ماتعرفون شي ولاتيبون طاري هال كلب
ام فهد:انزين مايد ابيك اتودينا نشتري اغراظ حق مجله ميرا
مايد:ان شالله..بس متى تبون>>>جدام ابوه ويده وعمامه جي بس من وارهم امي ماروم ويطلع العذر من تحت الارض
ام فهد:احين
مايد:انزين
ام فهد:يلا بنات روحو لبسو عبيكم
البنات:ان شالله
وراحو البنات والحريم يلبسون عبيهم
وهم طاعلين
مايد:خيبه اتخيب العدو كلكم ويايه
ام فهد:هي
مايد:امي السياره مابتكفي
ام عبدالله:عبدالله خذ نصهم عندك
عبدالله:انا مابي
بو عبدالله:يلا عن الحركات ودهم
عبدالله:انزين ركبو السياره
نصهم ركبو عند عبود ونصهم عند مايد
عند مايد:
ام فهد:روح المحل الي سرناه حق ملجة هنادي
مايد:اوكي
وراحو المحل
ونزلو
وشافو فساتين حلوه وميرا خذت لها فستان لونه:
((ازرق فاتح وغامج وكان من فوق مرسوم على الجسم بس من تحت الركب منفوش وفي صوب المنفوش في نفس قطع نزلة بلون الازرق الغامج والفاتح وفوق في خرز وفولك وكرستال نازل منه وهال سوالف والقميص من فوق ينربط على الرقبه وفيه معاه نفس شي حق الشعر ))
والبقية خذو من هال محل وبعظهم من محل ثاني
عند فهد:
كانو طالعين من محل واشترو شبكه حلوة حق ميرا وفهد اشترالها هديه عقد الماس وعقب ركبو السيارة:
فهداتصل فمايد:
ترن ترن ترن
فهد:الو
مايد:هلا
فهد:وينكم..؟
مايد:عند محل ****
فهد:وين ها بعد
مايد:قول حق سارة بتعرفه
فهد:سارة تعرفين محل ****
سارة:هي هي
فهد:تندلينه عدل
سارة:لا لوول
فهد:مانج فايدة
مشاعل:انا اندلاه عدل
فهد:انزين خلاص دليني ياه
مايد:انزين يلا تعالو
فهد:يلا باي
مايد:باي
فهد:وين انسير
مشاعل:سير اهني وعقب لف........((وتمت ادليه لين ماوصلو))
وعقب نلزو
مشاعل:سلام عليكم
الكل:وعليكم السلام
((كانو كلهم فالمحل حتى الاولاد...>>رازين ويهوم.... ))
فهد:ها اشتريتو..؟
ام فهد:مب كلهم
فهد:منو باقي::..
ام سالم:باجي مريم وسارة ومشاعل
فهد:يلا اشتروا نزين
مريوم:انزين يالسه ادور
سارة:شعول تعالي نشوف الفساتين
وتمو يدورون مريوم حصلت ومشاعل حصلت بس سارة ماحصلت
فهد:اونتي يا اخت سارة من وين تبين تشترين ..؟
سارة:همم من دبي
فهد:والله ماوديج
سارة:انزين بروح مع دريول
فهد:يلا مناك متااتروحين ويا دريول
سارة:انزين عيل ودني
فهد:متفيج لج خلي ريلج يوديج
سارة:جب جب

فهد"انزين خلصتو
كلهم:هي
فهد:يلابنسير
وركبو السيارات:
فــدبـي..دار الحــي

فبيت بو راشد
ام راشد خبرت بو راشد ان حمده خطبوها وخربته بعد انهم خطبو راشد ل سارة
وبوراشد فرح وايد لعياله
وقال حياهم فاي وقت
فغرفة حمدو:
دق دق دق
حمدو:ادخل
دخلت ام راشد
ام راشد:شتسوي الحلوة..؟
حمده:ماشي ارسم ,,واسمع اغاني
ام راشد:انزين حمدووه ابيج بسالفة ((واجن تيلس على السرير))
حمدو:خير..؟
ام راشد:انتي احين كبرتي ,صح انج تدرسين بعدج بس انتي احين كبيرة واي واحد يتمناج
حمدوه:انزين
ام راشد:فخالتج ام ميرا بغتج حق ولدها احمد
حمدو اهني محمرة ومنزله راسها
ام راشد:والريال ماعليه كلام والكل يمدح فيه ,,فشوقلتي ..؟
حمده:الي تشوفينه امي
ام راشد:انا اقول فكري وعقب رديلي خبر ويوم الاحد بيون يخطبونج رسمي
حمدوه:ان شالله
ام راشد:واخوج راشد خطب سارة
حمدو:صج..؟!!
ام راشد:هي
حمدو:متى..؟
ام راشد:اليوم الصبح رمسته فاطمه ويوم الاحد بتكون خطبتج وخطبت سارة
حمدو:الله كشخة
وعقب ام راشد طلعت وحمدو اتصلت فسارة
ترن ترن ترن
سارة:هلا والله بالقاطعه
حمدو:اهلين مبروووووووك سارووة
سارة:هههه الله يبارك فيج
حمدو:شحالج ..؟
سارة:تمام
حمدو:انتي طالعة صح ..؟
سارة:هي رايحين نشتري اغراظ حق ملجه فهد وميرا
حمدو:اوييه انا لين احين ماشتريت شي
سارة:انا بعد ,انزين شو رايج يوم اي دبي انا وانتي نشتري نفس الشي
حمدوه:اوكي
سارة:انزين انا احين بخليج وعقب برمسج
حمدو:اوكي يلا باي
سارة:باي
وسكرو الخط وحمدو راحت اتخبر سلمو
سلمى:صج
حمدوه:هي
سلمى راحت وحظنتها :مبروووك
حمدوه:الله يبارك فيج
سملى:وافقتي ولا بعدج..؟
حمدوه:لا بعدني يالسه افكر
سلمى:همم شو بتوافقين ولا..؟
حمدوه:بفكر وبعدين بقرر
سلمى:الله يعطيج على حسن نيتج
حمدو:وهي راشد خطب يوم الاحد خطبتي وخطبته
سلمى:اكيد ساارة
حمدوه:هي
سلمى:الله كشخة ,,اي بقرى المعوذات اخاف يسكونه بعين تف تف تف
حمدوه:هههههه
سلمى:تعالي انسير الحوش الجو حلو
حمدوه:يلا
وراحو تحت فالحوش جان يشوفون راشد يرمس فالتلفون وعقب راحو عنده جان يسكر
حمدو:ها ها اتغازل منو ..؟
راشد:ههه ارمس مال كيك وفطاير وهال خرابيط حق يوم الاحد
حمدوه:اها زين
راشد:هي تعالو انتو شو بتلبسون حق ملجة فهد..؟
حمدو:انا وسارة بنلبس نفس الشي
راشد:ليش اتقلدين حرمتي..؟
حمدو:والله هي قالت لي لبسي نفسي وانت شو يخصك ويا ويهك
راشد:او يخصني مو حرمتي
حمدو:لا خطيبتك
راشد:الله كشخة بشوفها يوم الاحد
حمدو:ويا ويهك
راشد:انزين منو بيوديكم .؟
حمدو:مادري اقول لاتسأل وايد
راشد:حمدو
حمدو:ها
راشد:عيل اسم ريلج احمدوو ها ..ويغمز لها
حمدو استحت:اف انت شو يخصك
راشد:اووه شقايل شو يصخني نسيبي
حمدو:اوهو اف انا بروح فوق
راشد:هههه تعالي اتغشمر وياج
حمدو:ويا ويهك
راشد:احلى عن ويه احمدوو
حمدو:خسي والله احلى عنك
راشد:طاعو هاي اتغازله وبعده ماصار ريلها ,,ا ياي عييب
حمدو:جب جب
راشد:احمدوو هاا ..ويغمز لها
وحمدو خلاص انفجرت
حمدو:شوف راشد والله هب متفيجة لك
راشد:ههههه خلاص خلاص سوري
حمدو:اف
راشد:زعلتي
حمدو:هي
راشد:وغلات احمدو تظحكين
حمدو:ههه سخييييف
راشد:طالع على احمدوو
حمدو:ليش حاط دوبك فدوب الولد ,,سوالك شي ..؟
راشد:لا بس ريل اختي
حمدو:شكلها السالفة مابتستوي على خير
راشد:اي لا لا لا خلاص بسكت ,,,سلمو
سلمى:ها ,,احين بيحط دوبه فدوبي
راشد:ههههه سلمو
سلمى:هااا
راشد:الحمار يقول هااا
سلمى:سخييف والله الله يعين سارة
راشد:وااااي فديت سارة وفديت طاريها انا
سلمى:خف علينا يالعاشق
راشد:اقول شو رايكم انسير البر نلعب دراجات
حمدوه:هي يلا
راشد:انتي لا انتي حاامل اقصد مخطوبه
حمدو ظربته على ايدة:خاايس انزين
راشد:ههه انزين بروح اقول حق ابويه
وراح عند اويه
راشد:ابويه
بو راشد:ها راشد شو عندك..؟
راشد:احم انا وخواتي نبي انسير البر نلعب دراجت عادي
بوراشد:انزين خلاص انا وامك بني وياكم بس شوف ا ذا زحمة مابيلعبون خواتك
راشد:لا ان شالله بدور لهم مكان هب زحمه عشان يلعبون
بو راشد:انزين يلا سير قول حق خواتك يتجهزون
راشد:ان شالله
وطله وراح عند خواته
راشد:روحو تجهزو بسرعة وشوفو لاتحطون هال خرابيط فويهم بس جحال يكفي
حمدو:منو قال اني احطي خرابيط
سلمى:يقصدني
راشد:المهم ولبسو بنطلون مب تنورة
حمدو :اكيد بنلبس بنطلون
راشد:يلا سيرو اتجهزو
وراحو فوق
حمدو لبست بنطلون احمر وتيشيرت ابيض عليه فالنص قلب بالفصوص لون الفصوص احمر وحطت جحال ومرطب مال الشفايف ولبست عباية مفتوحة تسكر من على الينب ونعال السبورت

وسلمو لبست بنطلون اصفر ليموني فاتح لونه هادي وحلو وبست فوق قميص بلون الاخضر الفاتح والاصفر اليموني الفاتح وعليه رسمه على الين من فوق رسمه صغيرة جي دبدوب ماسك ورقة الرسمه واااسد صغيرة وحطت جحال ومرطب حق الشفايف ونعال السبورت وعبايه مفتوحة تسكرن من الينب مثل حمدووه
وهي صح لبسو نظارات
ونزلو وراحو تحت
راشد:زين خلصتو بسرعة
حمدو:ههههه
راشد كان لابس بنطلون جنز وقميص ونظارة
سلمى:يلا انسير