![]() |
وين التكملة |
فبيت بو راشد: راشد:يالله اتأخرنا حمدو:يالله يالله نزلت((كانت ترمس وهي تنزل من الدري)) راشد:حشى عروس تجهز ,ويا ليت اتحط شي فويها لا بس جحال وها شو تسمونه روج حمدو:هههههه روج فويهك يسمونة قلووس ,,قلووس راشد:انزين انا شو يعرفني اتشوفيني بنت ..؟ حمدو:يلا طووف راشد:وين سلموو حمدو:فوق راشد:سلمووووو سلموو وريل مايشوف وجان سلمو تنزل تحت سلمو:شو تبا يالس اتصارخ..؟ راشد:يلا امأخرتنا سلمو: اووه انزين خلني اتكشخ راشد:شوفو البنت الصغيرة اتحط هال خرابيط وفويها والكبيرة ماتحطي لازم العكس حمدو:والله انا جمالي جمال رباني سلمو:جب جب راشد:فديت الي جمالها جمال رباني انا حمدو:اي ريلي يغار راشد:منو ها سعيد الحظ؟؟ حمدو:حبيبي سلمو:اقو ل يلا طوفو ابوي صمخنا راشد:يلا وراحو سيارة ابوهم كلهم كانو راكبين ويا بوهم جدام بو راشد وام راشد وورا راشد يالس ورا امه وعقب حمدو وعقب سلموو عند عبود: رن تلفون عبود وكان فهد: ترن ترن ترن عبود:الو فهد:الو عبود:هلا فهد:اهلين ,اقولك اذا وصلتو عند الشيشة((قصدة محطة البترول)) وقفو نحن بني لانا بنتبادل عبود:كيف بنتبادل..؟ فهد:خلى ميرا اتي ويايه عبود:لاو الله ليش يعني..؟ فهد:اوه حرمتي عبود:بعدها ماصرات ملكك فهد:انزين بتصير عبود:مادري اسألها اذا وافقت فهد:بتوافق عطني ياها عبود: ميرا هاج فهد يباج ميرا قفطت:عطني الفون,هلا فهد:اهلين,اقول ميرا ميرا:هلا.؟ فهد:بتين ويايه..؟ ميرا:وين..؟ فهد:معاية فسيارة ميرا:همم عادي اي مكان بسير فهد:انزين تعالي ويايه ميرا:كيف..؟ فهد:احين عبود بيوقف عند المحطة وانتي نزلي وتعالي وحمود بيسير عندكم ميرا:اوكي خلاص ,, ونحن وصلنا المحطة فهد:وينكم ماشوفكم..؟ ميرا:انا شفت سيارتك فهد:هي هي شفتكم يالله باي ميرا:باي وسكرو الخط سارة:شو .. في..؟ ميرا:بروح ويا فهد شعول:ليش يعني ..؟ ميرأ:هو قالي تعالي ويايه شعول:زين وفرتي مكاان ميرا:هههه بي اخوي حموود عبود:هي زين يابو ولد محسن:ليش ا نا مب تارس عينك..؟ عبود:عيل اتحطي لي اغاني سبي ستون محسن:والله اعيش طفوولتي عبود:ههه عيشها مع عمرك مب معاية جان يبطل حمود الباب حمود:محسن يالله روح وراه محسن:ويا ويهك وراح ورا ويلسو البنات فنص حمود:ميرا يلا نزلي ميرا:محسن تعال وصلني وعقب رد محسن:اشتغل عند ريلج؟؟؟ ميرا:سخييف عبود:تعالي بوصلج ميرا:فديتك والله اخوي عبود:هههه عبود وميرا نزلو وراحو صوب سيارة فهد وفهد نزل عبود:ها يبتها ارتحت فهد:هه لا بعدني عبود:مالت عليك وجان ميرا تركب وراه وعقب فهد ركب السيارة وعبود رد سيارتة عند عبود: عبود:ماتبون شي من المحطة..؟ سارة:لا في محطة اكبر بنسيرها عبود:ترا انا مابوقف بعد ابي اصول سارة:عبوود لا عبود:يلا يلا مب متفيج لج ,,تبين تنزلين انزلي ماتبين مابوقف بعد ,ولي بسير الحماام يسير احين ترا مابوقف بعدين بخليكم اتسونها فرمل شعول:عبود لا خلنا ننزل محطة العودة عبود ابتسم:خلاص مادام الشيخة مشاعل أمرت اقولها تم مشاعل ابتسم:ههههه فديتني شيخة عبود فخاطرة:فديتج والله سارة:يعني ليش يوم مشاعل قالت لك وافقت وحقي ماتوافق..؟ عبود:هاي شيختج شعول:احم سارة:خسي حمود:بحط لكم اغنية حلوة مالت ميامي محسن:همم شباب وبنات صح..؟\ حمود:صح محسن:ههه هاي الاغنية حق الخبايل حطها وايد حلوه حمود:يلا الشباب ويا بعض والبنات ويا بعض الاولاد: (( يا شباب يلا,,, اي نحن اعلى)) البنات: ((يا بنات يلا .. اي نحن احلى )) الشباب: ((اليوم اليوم نحن مختلفين .هذا الميدان يا مشعل الحين )) البنات: (( اليوم اليوم نحن مختلفين.هذا الميدان يا خالد احين)) سارة:هههه شعول فديتج ناوليني الشنطة الي وراج شعول:هاج سارة:ثانكس شعول:ولكم وسارة تمت اتصورهم واتصور عمرها صج الجو كان حلو وعقب بطلو الجامات وكانو وااايد مستاانسين عند فهد: ميرا:همم ليش ساكتين.. بس اغاني سولفو قولو شي عواش:انتو اهناك شو تسون؟ ميرا:انحط اغاني ونسولف ونصور عمارنا كشخة لحظة براويكم الفيديو الي صورته وراوتهم يوم كانو يغنون اغنية ((يعشقني ليوسف العماني)) صالح:ههه خبايل ميرا:فالبيت سارة بتراويكم شو محسن كان حاط لنا عليا:شو حاط..؟ ميرا:اغاني سبيستون فهد:ههههه اهبل ميرا:اونه حاط لنا اغنية همتاااروو صالح:هه استخف عواش:انزين فهد حط لنا اغنية انجليزية فهد:ماطلبتي وحط لهم اغنية ))fast&feyorios)) صالح:اقول عطى ريس عليا:لا لا عواش:لا فهد ميرأ:بذبحك والله فهد:اتمسكو وسرع وحتى طاف كلهم وعبود يوم شافه سرع قام وسرع وعقب هم الاثنين نزلوا لجامه وقالوا انهم بيتسابقون وفسيارتبين صريخ وازعاج عقب مايد شافهم وترايس وياهم عند مايد: مريوم خلاص شوية وبتدخل فحسن وحسن مستانس يقول حق مايد اسرع اكثر ومريوم تقرصة حسن:اخخ حماارة والله مريوم:خالو قوليله يخفف ام عبدالله:مايد اميه خفف مايد:خالو شوي شوي احمد:امي الحياه حلوة ونزلو الجامهة وتمو يترايسون لين ماوصلو بوظبي وعقب خففو وراحو بيت يدهم سلطاان يوم وصلو الفريج الي فيه بيت يدهم تمو يظربون هرن اتقلولون مسيرة وتمو يظربون لين ما دلخو داخل البت فالبيت: سهيله:شو في ..؟ ام جاسم:مادري والله سهيله:سلوم امي سير شو ف شو صاير سالم:ان شالله اول مافتح سالم الباب شاف كلهم عند الباب سالم:اووه هلا والله سالم وفهد يتخاشمون فهد:اهلين وعقب عبود اتخاشم ويا سالم وبعدنين احمد ومايد وعقب دخلو وكلهم راحو وباسو يدهتم على راسها وسلمو على البقية وعقب يلسو ام جاسم:عيل وين البقية..؟ فهد:والله فالدرب ام جاسم:ليش انتو ماطلعتو مع بعض احين هم مايعرفون شو يقولون لان اذا عرفت انهم سارعين بتخبر عليهم يدهم وبيلعن خيرهم وسارة يت فبالها فكرة او بالتحديد جذبة سارة:تراهم نزلو المحطة ونحن مانزلنا عشان جي نحن سبقناهم ام جاسم:اها ,عيل انا بسير اشوف الغدا وراحت ام سالم :واقفين عند المحطة ولا سارعين احمد:اووص خالو اذا يدوتي عرفت بنرووح فيها ام سالم:ههه سركم فلبير ام عبدالله:تدرين سهيله وانا فالدرب يالسة اتشهد قلت اكيد بيجلبونا ام سالم:وميود قبل ماكان جي احين استخف مادري شوصار له..؟ ام عبدالله:انا قلت بركب ويا مايد لان هو مايسرع بس اكتشفت العكس مايد:هههههه لاتخاف من الزمان الزمن ماله امان سارة:هههه بعد ربع ساعة وصلو الباجين وسلمو على بعض وبومانع وحرمتة وعياله يو وكلهم كانو يالسين فصاله بو فهد:احم بغيت اقولكم شي بومانع..:خير..؟ بوفهد:كل خير إن شاء الله.,بس بغيت اقولكم ان فهد خطب ميرا وهني ميرا ويها صار طماطم وفهد شاق الحلج ام جاسم:ميرروك فديتكم فهد:الله يبارك فيج بو جاسم:متى المجلة..؟ بو فهد:يوم الاربعاء ان شالله ام جاسم:ان شالله ,بس شكلكم وايد مستعيلين ميرا:مب انا هو فهد:هي ردي عليه ميرا:عن الخرط انت الي حددت كل شي وبدون ماتقولي بعد الناس عرفو وانا ماعرفت حلوة هاي فهد:هي اذا شاورتج بتخلين المجلية بعد شنة ميرأ:ليش ..؟ فهد:بعد لانكم انتو البنات تبون كل شي بهداوه ميرا:عيل شو تبا كل شي بسرعة بسرعة والمجلة اتصير بايخة فهد:الاهي ملجة حق العرس سوي الي تبين اتسوينة ميرا:لا والله فهد:هي والله بو عبدالله: اووص انتو الاثنين من احين بديتو فهد ظحك ميرا:شو يظحك ..الظحك من غير سبب من قلة الادب فهد:محد رمسج ميرا:جب جب سخييف والله فهد:حق عمري ميرا:سير لا الغبي الي يرمس معاك فهد:اونتي الحمار الي يكلمج ميرا:جب جب اكرمنا بسكوتك فهد:طلعو هاي بو جاسم:بعدكم ماملجتو وتظاربون ج يعيل اذا اتزوجتو شو بتسون بتتكافخون..؟ فهد:هههه بو فهد:فهد !! بلاك يدك قال شي يظحك فهد قفط:ها لا اسف وميرا قامت ام عبدالله:وين سايرة..؟ ميرا:بطلع برع اشم جو ابرك من شوفه هال ويه((اتأشر على فهد)) وراحت فهد:خالوو والله بظرب بنتج ام عبدالله:ههه الله يعطيكم العقل وفهد طلع برع فالحوش كانت ميرا حاطة سماعات فأذنها ومعلية على الصوت وتسمع اغنية ميحد ((لاتتصلي)) ((لاتتصلي ولاترسلي حرووفك.....عقب الخيانة تجيني تشرح الظرووفك ,,انت الذي حبنا تحت الجدم دسته)) كانت اتغني بصوت ينسمع وفهد كان وراها ويسمعها ويوم خلصت الاغنية حست ان في حد وراها يوم صدت جان اتشوف فهد واتمت واقفة مكانها وفخاطرها تصفعه طرااق وعقب ميرا بغت اتروح جان فهد اي جدامها يوم اتروح يمين يروح يمين ويوم اتروح يسار يروح يسار ميرا:افف اش تبي..؟ فهد:اباج ميرا:فهد بلا قله ادب ,,خلني اسير فهد:زعلانة..؟ ميرا:ليشي يهمك اني زعلانة ولا..؟ فهد:اكيد يهمني مو انتي ام عيالي ميرا قفطت:..... فهد:ميارة والله احبج ميرا خلاص مستحية مووت وذاابت يوم قال ميارة يابها بطريقة حلوة فهد:انا قلبي يبيك و عقلي يبيك وروحي تبيك مد ايدينك وانا اجيك>>>اغنية ميامي ميرا:.............. فهد:زعلانة ميرا هزت راسها يعني لا فهد:ليش ساكتة هي كانت امنزلة راسها جان يرع راسها وهي خلاص ماتروم تستحمل ويها احممر وشوي ترتجف من كثر ماهي مستحية فهد:مياارة ميرا:هلا.؟ فهد:زعلانة..؟ ميرا:لا فهد:شو دليل ميرا:ماعندي دليل فهد: اذا قلتي لي احبك يعني مو زعلانة ميرا قفطت:لا لا انا زعلانة فهد:ياحبيبي ليش تتغلى وانت عندي عارف غلاتك .. ميرا:انزين انا موزعلانه والكمله مابي اقولها فهد:انزين يوم بنتزوج بتقولينها ميرا :ما ما ااا ماعرف فهد:لا بتقولينها وبتقولين واايد كلمات وشوي شوي يتجرب منها ميرا:فهد لاتجرب فهد:اووه حرمتي وجان ميرا تشرد وتدخل داخل وهو تم برع فهد:براويها داخل ام عبدالله:بلاج..؟ ميرا:حشرة ...>>خرط ام عبدالله:انا حين قلت شي ميرا:شعول سارو عواش وعليو هنود كلكم تعالو فوق وعقب فهد دخل وهو يظحك ام فهد:بلاك..؟ فهد:ماشي اقول منو بيسير وياي مارينا..؟ احمد:انا فهد:شوفو الي يبي اي خلى يتلبس لان بعد نص ساعة بنسير وهور رايح فوق شاف البنات يالسات فصاله وشاف ميرا وخلى عيونه على ميرا وهي نزلت راسها وكل حد يشوفهم ومستغرب فهد:مييرا ميرا:..همم فهد:روحي تلبسي ميرا :ليشش؟. فهد:مابتين وياي مرينا ميرا:لا فهد:اويه مو على كيفج بتين جي ولا بتتلبسين ميرا:لا جي ولاجي انا مابي اي وياك فهد :ههه ميرو يلا عاد عن الدلع ميرا تشوفه وهي رافعة حياتها وكلهم يظحكون ميرا:ميروو فعينيك فهد:عيل شو تبيني اقولك جرمتي ميرا قفطت:اف خلاص فهد انا مابي فهد:براحتج ,انزين بنات من ويب ياي سارة ومشاعل وعواش ومريوم وهنادي :كلنا فهد:ميرا بتمين بروحج فالبيت ميرا :لا طبعاً فهد:يعني بتين ميرا:لا طبعاً فهد:عيل شو بتسوي..؟ ميرا:اوييه انت شو يخصك فهد:المهم بنات الي يبي يتكشخ ويتعدل عنده نص ساعة بعد نص ساعة اذا ماشفتكم فسيارة بودركم بخليكم تيلسون ويا حرمتي ودخل غرفة محسن يلعب بلستيشن ميرا:اف اف يقهر سارة:....... هنادي:انتتو بتنامون اهني ولا فبيتكم ...>>بيتهم الثاني الي في بوظبي سارة:لا فبيتنا اصلا ملابسنا اهناك هنادي:نحن هني ميرا:نحن ويا قوم سارة سارة:انزين تعالو نامو بيتنا وخلو الاولاد هني هنادي:لا انا ابي اتم اهني ويا خالو سهيله ويدوتي كشخة سوالفهم مشاعل:وانا بتم هني سارة:براحتكم انزين قومو نعددعل ودخلو غرفة الظيوف هي غرفة اي حد اي بيتهم ينام فيها اصلا هم عندهم فوق 4 غرف حق الظيوف فدخلو غرفة الي هنادي ومشاعل بينامون فيها وتمو يتعدلون وعواش شافت ميرا تتعدل: عواش:ها عيل بتين ميرا:عيل شو تبيني اتم بروحي فالبيت هنادي:هي ويمكن تلقين لج اهناك شي حق الملجه ميرا:لاتذكروني فالملجة سارة:ليش..؟ ميرا:اف لاني بكون حق هال حماار سارة شوي هني انقهرت من اسلوب ميرا سارة:ميرا اذا ماتبين اخوي ترا هو مب ميت عليج وطلعت وراحت عند فهد هني كلهم امبطلين عيونهم ميرا:انا شوقلت احين,,.؟ مشاعل:الصراحة ميرا انتي مصختيها كل شوي اطيحين فالولد ميرا :اقولكم انا مابي وياكم وخلو هذا حقكم انزين ماباه وطلعت برع وراحت غرفة التلفزيون وعقب سارة دشت سارة:وين راحت..؟ مشاعل:خليها اتولي سارة:اف قهرتني انا ماحب حد جي يرمس عن اخوي ......صح اني احرجتها بس والله مو بيدي انا بعد شوي بروح اتأسف لها مايهون عليه اشوفها جي يوم كانت اتقول جي ميرا كنت عند الباب كانت تبي ادش بس سمعت سارة شو اتقول فتمت عند الباب تسمع شو اتقول وعقب بطلت الباب وراحت فحظن سارة سارة:مييارة انا اسفة والله مو قصدي ميرا:عادي انا الغلطانه واحين بروح اعتذر منه وراحت ولبست شيلتها ودخلت غرفة محسن فهد كان امسكر الليتات بس امبطل التلفزيون يعني الغرفة كانت شبه ظلام ميرا يوم دخلت بطلت الليتات وصد فهد ورا وشافاها فهد:بندي اليتات ميرا:مب زين حق عيونك فهد:ليش اتخافين عليه ميرا:يعني اذا ماخفت عليك بخاف على منو..؟ فهد انصدم من كلام ميرا فقام وراحن عندها وسكر اليت وبند الباب ميرا:ليش سكرت الباب اذا احين حد دخل وشافنا فهد:اويه عادي ريلج ميرا:لا انت خطيبي فهد:انزين زعلانة؟ ميرا:لا انت زعلان..؟ فهد:انا مستحيل ازعل عنج ميرا ابتسمت فهد:ميرا طبلتج قولي تم ميرا:تم.. فهد:قوليلي احبك ميرا بصوت خفيف وناعم:احبك فهد:فديتج والله ميرا:انزين انا بروح اكمل كشختي فهد:لاتتكشخين واايد ميرا:ليش.؟ فهد:اغار ميرا احمرت:اوكي وطلعت وراحت عند البنات مشاعل:ها شو صار..؟ ميرا:راظيته سارة:ههههه وكملو لبسهم وعقب كلهم نلزلو فصاله: سارة طرشت مسج حق مريوم سارة: مريوم قولي حق ابوية يععطينا فلوس مريوم طرشت لها: ليش يعني انا سارة طرشت: لانج دلوعتة بابا مريوم طرشت: اف انزين وعقب راحت عند اوبها مريوم:ابوية بو فهد:"هلا.؟ مريوم:انا وخواتي بنطلع ويا فهد بو فهد عرف قصدها بوفهد:انزين ((وبطل محفظته وعطى عق مريوم 1000 وعواش 1000 وسارة1000 )) بو سعود:شعول ماتبين فلوس..؟ شعول:مااقول لا بوسعود:هاج ((عطاها 1500-,هنود عندج هنادي:هي عندي بو عبدالله:عليو وميرا هاكم وعطاهم 1000 فهد:عمي لاتعطي ميرا انا بعطيها ميرا شافته وهي ابطله علينها بو عبدالله:ها شوتبين بعد من احين يدلعج ميرا سكتت ماقالت شي فهد:ها خلصتو؟ سارة:هي بس تعال نحن بنسير سيارتين صح..؟ فهد:اكيد سارة:انا بي وياك فهد:هههه,ميود شل نصهم عندك ميود:الي يبا اي معاية يركب سيارتي بسرعة ((عواش +صالح+عليا+مريوم+حسن+حمد+مايد)) ((فهد+ساره+ميرا+مشاعل+هنادي+احمد+عبود+محسن)) فسيارة فهد عبود كان يالس جدام والبقية وراه سارة:اقول بنات شورايكم نشتري بدله حق باجر جي كلنا انطقم شعول:هي والله شورايكم ميرا:هممم اوكي هنادي:بس شو بنشتري..؟ سارة:تنورة وقميص وو نعال واذا لقينا اكسسوارات حلوة بنشتري هنادي:اوكي ,,وشوفو باجر الكل بي حط مكياج بس خفيف طبعاً مو تقولون لا مبي وجي انا بحطيلكم مشاعل:انا ماعندي مشكلة سارة:مي تو ميرا:انا عادي عندي هنادي:عيل اوكي اول شي انسير انشوف لنا بدله حلوة وعقب نشتري نعال وبعدين اكسسوارت وعقب همممم هي بروح اشتري مكياج سارة:اوكي وبقول حق عواش و مريوم وعليو وتصلت حق مريوم مريوم:الو سارة:هلا مريوم:اهلين سارة:اقول مريوم مريوم:هلا..؟ سارة:شو فو نحن قررنا ان باجر انطقم...........................اوكي.؟ مريوم:اوكي ,بس ويت بسأل هاذيلا العندي سارة:انزين شوفي انتي قوليلهم ويوم بنوصل اهناك قولو تبون ولا..؟ مريوم:انا ابي سارة:اوكي يالله جااو مريوم:جاااو ومريوم قالت حق عواش وعليو عواش:الله كشخة انا موافقه عليو:مي تو حسن:اقول شباب نحن بعد باجر بنطقم شورايكم..؟ صالح:اوكي مايد:شوفو باجر بنلبس قميص وبنطلون حسن:اعرف محل فمرينا يبيع قمصان وبوانطلين حلوة مايد:خلاص يوم بنروح اهناك بنشوف البقية شو بيقولون وبعد دقايق وصلو المرينا فالباركنات مشاعل:انا ابي اسير الحمام سارة:اي جب فظحتينا مشاعل:احس شكلي غلط سارة:انزين احين بنسير ويت وعقب دخلو البنات سارو الحمامات اتعدلو بعدين ظهرو راحو صوب الاولاد فهد:شوفو نحن بنروح نشترى انزين وانتو روحو بروحكم هنادي:انزين مايد:شوفو مب اي حد اي اتسوله دعاية سقنل .>>>>قصدة مب اي حد يقولهم شي يظحكون فويها ميرا:فهذا لا توصي موول فهد:ميرو ياويلج اذا شفتج ام سوية شي او مرمسة حد ((شوفو ترة ميرا لسانها طويل اي حد اي يرمسهم اترد عليهم )) ميرا:ان شالله عمي فهد:عمي فراسج ميرا:هههه هنادي:انزين يالله بنات بنسير مشاعل:يالله وعقب البنات سارو يدورون لهم بدله والاولاد سارو محل الي قال عنه حسن محسن:هي هال محل يبيع اشياء فنانه طروق:مرة اشتريت منه برموده والله يا ولد قالي يلعن شكل الي صانعه خطييرة والله ماقص عليكم اول مارح البرموده انطرت احمد:هههههه علي:منو ها..؟ طارق:فيصل ابراهيم علي:هههه ها عيونه حااره مانع:منو ها..؟ علي:اتشوف سلمان ابراهيم..؟ مانع:هي المغازلجي العوود علي:ايوا هذا اخوه مانع:ههه طروق انت من وين اتعرفت عليه طارق:فالصف وياي فهد:ليكون قصدكم سلمان ابراهيم الي اخوه ظاع ولين احين مالقوه مانع:هي هذا هو عبود:منو هذا..؟ فهد:الله يسلمك هذا اخوه يوم كان عمره 7 سنوات كانو رايحن القريه فهم بغول يلعبون لعة هو مايروم يلعبها لان صغير فقالوله تم لاتتحرك قال انزين فيوم طلعو من العبة ماحصلو لفو القرة بكبرها بعد مالقوه مايد:بعظهم يقولون ان شافو ميت عن الباركنات مانع:وفي ناس يقولون انه دعمته سياره فهد:وكل حد تم يطلع اشاعة عن بس صج لين احين مايدرون وينه احمد:حليله والله حسن:بلا هذربه زيادة ويالله قولو شو نشتري..؟ فهد:شوفو بنشتري بنطلون جنز وقميص بنشوف احمد:كل حد يختار قميص وبنطلون بنشوف منو احلى شي اختار مايد:لا احسن حد يختار قميص وحد بنطلون احمد:اوكي كلهم:اوكي وتمو يدورون فالمحل ويختارون قمصان وبوانطلينو بعد ماخلوصو اتجمعو عند الي يقايسون عبود:همم اشوف حسن القميص شوفو شو اختارو ((حسن اختار قميص ومحسن اختار بعد قميص احمد قميص وحمد قميص وفهد قميص وسالم قميص اما مانع ومايد وعبود وعلي اختارو بنطلون و طارق اختار برمودة)) فهد:طرووق انت لي شجي معوق طارق:بلاك عبود:ليش مختار برمودة طارق:اشدراني شفت شكلها حلو قلت خلني اختارها فهد:وياو يهك سير ردها طارق:لا بشتريها محسن:انا بعد بشتريها حسن:مي تو فهد:انزين انا اشوف البنطولن الي اختاراه عبود وايد حلو مايد:هي وايد حلو شكله عبود:احم احم ميرسي ادري ذوقي حلو مايد:والقميص الي اختاراه حسن بعد حلو احمد:حتى قميص محسن حلو علي:انزين احين شو نختار...؟ فهد:همم قميص حسن لان اوكي حق البرد والحر اما قميص محسن حق البرد الاولاد:اوكي احمد:يالله قومو ناخذ قياسنه وكل حد راح ياخذ قياسه وعقب قايسو وعقب اشتروه وطلعو وراحو محل جواتي في المحل فهد:شوفو هال جوتي خطيير سالم:شكله كوول فهد:انا ابغيه سالم:انا بعد مايد:خلاص كانا بنشتريه واشترو الجودي بس مالقو قياس طاارق فشترى هو جوتي ثاني بس تقريباً نفس الموديل مانع:وين انسير احين..؟ مايد:همم خلاص بنحوط يمكن نلقة شي فهد:نشرتي كابات ولا..؟ علي:هي هي فهد:اوكي وراحو محل كابات واشترو كابات اشترو نفس الشكل ونفس الون وعقب طلعو راحو يتحوطون صوب البنات ((نفس الوقت يوم كان وجي يسون البنات جي كانو يسون)) راحو محل تمو يحوطون بس مالقو شي فراحو محل ثاني لقو بدل حلوة هنادي:اقول شوفو هال تنورة حلوة سارة:هي حلوة مشاعل:بس قميصها مب حلو سارة:همم بنركب عليه قميص هنادي:شوفي سارة روحي دوري له قميص وانا ونحن بندور قياسنه سارة:اوكي تعالي شعول وخذو تنوة وتمو يدورون فالمحل جان يلقون قميص حلو يليق عليه وخذو وردو عن البنات سارة:ها شرايكم ميرا:حلو سارة:انزين خذتو تنانير..؟ عواش:هي سارة:ويتب اخذ حقي وتمت ادور قياسها جان تلقى ومشاعل بعد خذت وعقب سارو صوب القميص وكل حد تم يدور قياسه لين ماحصل وراحو غرفة تبديل الملابس سارة:شوفو الشاك ان البده مو اوكي عليه يقايس عواش:انا شاكة مريوم:انا بعد عليا:انا بقايس احسن ميرا:انا اكيد بقايس سارة:اقولكم كلكم قايسو كلهم:هههههه وعقب راحو يقايسون وطلعت البدلة عليهم حلوة وعقب راحو يحاسبون جان يظهرون وراحو محل آلدو ولقو نعل خبال سارة:الله هال نعال حلو هنادي:هي واحس نفس التنورة عليا:هي والله كأنه امسوينه عشان هال بدله عواش:هي والله سارة:انزين بناخذة شو رايكم هنادي:اوكي مشاعل:انا باخذ منه اثنين سارة:مريوم سيري نادي الحرمة مريوم:اوكي ومريوم راحت ونادت الحرمة وكل حد خذ النعال وماشاعل خذت منه اثين وعقب طلعو من المحل راحو كليرز هنادي:عليا تعالي ويايه عليا:اوكي هنادي:سارة خذيلي وخذي حق عليا نحن بنروح نشتري مكياج سارة:اوكي وهناديو عليا راحو مكياجي واشترو مكياج بس مو وايد وقوم سارة اشترو اكسسوارات وعقب اتلاقو صوب محل عطوور ودخلو واشترو عطوور وطلعو هنادي:احين وين الاولاد عواش:بتصل فمايد واتصلت فمايد مايد:هلا عواش:اهلين وينكم..؟ مايد:اقول تعالو صوب المطاعم عواش:اوكي مايد:باي عواش:باي وراحو صوب المطاعم ولقو الولاد احمد:ها شو اشتريتو..؟ عليا:باجر بتشوفون سارة:انا ابي ملك شيك ميرا:انا بعد سارة:انا بروح اخذلي منو يبي..؟ كلهم:انا سارة:ههه انزين قومي نسير باسكن وراحو باسكن واشترو ملك شيك وعقب ردو البيت ماتعشو لان يدتهم اتصلت وقالت انهم مايتعشون برع هي مسوية عشا فالبيت: البنات كلو فوق فغرفة التلفزيون والاولاد فالميلس وبعد ماخلصو بوفهد وبوعبدالله وحريمهم وعيالهم ردو البيت ((طبعاً الي فبوظبي هب الي في دبي)) وبو مانع وحرمته وعيالها ردو بيتهم اما بو سعود نامو بيت يدهم سلطان يوم الجمعة ساعة 10 ونص فبيت بوفهد ام فهد وام عبدالله وميرا وسارة بس واعين والبقية رقود حتى الاولاد وهم كانو يالسين فصاله ام عبدالله:هي صح نسيت اخبركم ام فهد:خير ام عبدالله:احمد يبي يتزوج ام فهد:زين والله بس بياخذ منو..؟ ميرا:امي بياخذ منو..؟ ام عبدالله:حمده اخت راشد رفيج فهد ميرا:يسس سارة:ههه بروح اخبرها ام عبدالله:بلاكم..؟ ميرا:ها لا ماشي وجان ينزل احمد ام فهد:حي الله المعرس احمد رافع حياته: همم انا..؟ ميرا:لا انا احمد:ليش متى عرست ميرا:شو تبي تخطب احمد:امي قلتليلهم ام عبدالله:هي احمد:اها انزين اتصلي فيهم وقوليلهم متى انرووح ام عبدالله:انزين,سارة فديتج حافظة رقم بيتهم سارة:هي ويت ففوني وطلعت رقم وام عبدالله اتصلت ترن ترن ترن راشد رد راشد:الو سارة فخاطرها:الله وابويا ها شوخلاه يرد :: هلا راشد:اهلين من..؟ سارة:انا سارة اكيد انت راشد صح..؟ راشد فرح:هي شحالج..؟ سارة:تمام ,اقول امك موجودة راشد:هي لحظة وراح عند امه راشد:اميي حرمتي على الخط يالله بسرعة روحي لها شو فيها شو تبي ام راشد:هه الحمدالله وشكر انزين وراحت وخذت السماعة ام راشد:الو سارة:هلا خالو شحالج..؟ ام راشد:تمام ,شحالج انتي فديتج سارة:والله انا بخير ,خالو خالتي بدرية تباج ام راشد:عطيني ياها بدرية:الو ليلى:هلا بدرية بدرية:اهلين شحالج فديتج ليلى:والله بخير ومن صوبج بدرية:تمام,فديتج بغيتج فسالفة ليلى:خير بدرية:كل خير بس بغيت اقول ان ((يوم قالت ان احمد حط ايدة على اذونه وسكر عينه))نحن طالبين القرب منكم ليلى فرحت:"هاذي الساعة المباركه بدرية:بغيت منج موعد اني لكم عشان نخطب حمدة حق ولدنا احمد ليلى:حياكم فأي وقت بدرية:بوم الاحد زين,,.؟؟ ليلى اتذكرت ان راشد يبي سارة فقالت يت الفرصة ليلى:على خير ,فديتج فاطمة عندج..؟ بدرية"هي لحظة فاطمة:هلا ليلى ليلى:اهلين:فاطمة بغيتج بسالفة فاطمة:خير..؟ ليلى:ترة ولدي ذبحني ((يوم قالت جي راشد بطل عيونه وشاق الحلج )) فاطمة:راشد ,,بلاه..؟ ليلى:من قبل الامتحانت يقولي سيري اخطبلي سار ه وانا اقولة اترية ومسات ياي عندي وقالي خلاص ماروم استحمل اخطبيلي ياها فاطمه:ههه وحليله ,وراشد ريال ماعليه كلام وماظن ان هي ما بتلقة احسن عنه يوم كانت اتقول جي سارة كانت امبطله عيونها واتشوف امها وميرا اتشوف سارة فاطمه:اي وقت بتون حياكم ليلى:الله يحيج ,عيل خلاص خطبه حمده وسارة مع بعض فاطمة:خلاص اوكي ليلى:يالله فديتج تامريني بشي,,؟ فاطمه:سلامتج ليلى فداعه الله فاطمه:فداعه الرحمن |
تسلمين ع الباااااااارت ونتريا الزوود منج |
مشكوره.....................و نترياااا البقيه |
يسلموووووووووووووو ع البارت |
الساعة الآن 04:54 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir