منتدى استراحات زايد - لي حبيبن حبيته وماضني بقدر أحب حدن شرواه

البنت وهي منسدحة على سريرهاا وتفكر : الحين تحدد موعد السفر بعد أسبوعيــن ياربي شسوي ؟؟ أمممم
وهي يالسه تفكر مالقت أي حل فقررت أنها تحط له هديه مثل كل مره بس هالمره هدية وداااع
البنت وهي تعتدل في يلستها : بس لازم أرووح السوق وأشتري له هديه تليق به .
قامت من فراشهاا وراحت تبدل ملابسها ولبست لها قميص وردي عليه كتابات ورسومات ورد وبنطلون جينز ولبست عبايتها وأخذة شنطتها ونزلت تحت وحصلت أمها في الصاله وسلمت عليها ويات تبي تطلع وتناديها أمها :
أم البنت : وين رايحه بهالوقت ؟؟!
البنت : ماامي بروح السوق ؟أبي أشتري شغلة نسيتها .
أم البنت : أوكي حبيبتي روحي بس لا تتأخرين
البنت : أوكي مامـي .
في المول وفي محل لبيع الهدايه الرجالية متنوعه دارت ودارت وتعبت وهي ادور على هديه مناسبه
بس ماحصلت شي يعجبهاا .
البنت وهي تكلم البائع : مافي عندكم هدايا أخلى ؟؟!!!
البائع : شو نوع الهدية اللي تبينهااا ؟
البنت : ما أدري أبي شي حلووو
البائع : أنزين شو المناسبة أللي تبين الهديه حقها ؟؟
البنت نزلت راسهاا وبنبرة صوت فيها حزن : و ... و ... وداع
البائع وهو مستغرب : وداع ؟؟!!
البنت شويوتبكي : هيه هدية ودااع أبيهاا تكون ذكــــرى ذكـرى حلوه
البائع وهو يبتسم : تبينها حق حبيبج ؟!
البنت بسرعه رفعت راسها وبأستغراب : هية شو درااك ؟!!!!
البائع وهو يتبسم : باين عليج ... المهم عندي هديه مناسبه لو أنها بسيطه بس تناسب للذكرى .
البنت وهي فرحانه : شوو شوو هـــي ؟؟؟!!!
راح البائع ودور لها ميداليه لونها فضي وشكلها شبه مدور وفيها حركات حلووه
البائع وهو يتبسم : شو رايج بميداليه لسويج سياره وفيهاا بالوسط مساحـــه فاضــة للكتابه عليهاا .
البنت وهي منبهره من فخامة الميداليه واناقتهاا : وااااوو
البائع : هااا شو الكلام أللي تبيني أحفره لج بالميدالية ؟؟؟!!
البنت وهي حايره وتفكر شو أللي تكتبه : أممممممم صبر شوي بفكر .
البائع : أوكي خذي راحتج .
البنت وبعد تفكير قالت : أكتب عليها (-------------------) .
البائع وهو يتبسم : أوكي تأمرين أمر ثوانـــي بس .
البنت وهي تقول في خاطرهاا : أن شاء الله الهدية تعجب منصورر
**************************************

:

:

:

:

:
يتبـــــــ^-^ـــــــع