منتدى استراحات زايد - ليشّ تتعّمـد تعّـذبنّي ؟..}~* ..

رد وطرشلها
( I miss u 8lboo )

ردت وطرشتله
( والله انا اكثـــر
اليوم كنا فبيتكم )

رد وطرشلها
( صدق !! متى ؟
اشعنه ماخبرتيني ؟
وشو سويتوا ؟ )

ردت وطرشتله
( ههههه شوي شوي عليه
اميه كانت سايره تخطب ساره اختك لمايد
وخذتني وياهاا ، سوري فديتك لاني ماخبرتك )

رد وطرشلهاا
( خلاص براايه فديتج )

عقب نزلت تحت شافتهم يالسين يتوجهون للسياره وهيه لحقتهم

فبيت حميد
كانت ميره يالسه تحت ويا امها وابوها
ميره : وين احمد وحصه وعبيد ؟
حميد : اظني ساروا المول
ام احمد : ميره بلااه ويهج جي غادي احمر
حطت ميره ايدها ع خدهاا
ميره : مـــادري
حميد : شو عشانا اليوم
ام احمد : لين الحين ماسوينا عشاا
حميد : شرايكم نسير مطعم من هالمطاعم
ميره : هيه هيه
حميد : امممم بس وينه اخوج مابي وياناا ؟
ميره تغيرت ملامح ويهاا : مـــادري
حميد : سلطان اليوم هب طبيعي فيه شي لاياكل ويا يظهر او يتم فحجرته موول مايلس ويانا شراات قبل
ام احمد : هيه والله
ميره : يلاا انا بسير اتلبس بسرعه انتوا بعد اتلبسوا لاتتأخرون
حميد : ههههههههههههههههههه انزين انزيين
سارت ميره حجرتها وبدلت ولبست تنوره بيجيه وتوب عنابي ولبست شحاطه بيجيه و لبست عباتها وشيلتها وتجحلت وتعطرت ونزلت تحت شافت امها وابوها فالسياره يتريونها قبل لا تركب السيااره
ميره : اووووبس نسيت تلفوني
حميد : سيري هااتيه بسرعه
ميره : انشالله
ربعت ميره فوق فحجرتها وسارت ويابت فونها وردت تربع عالدري عسب تسير صوب السياره جان مره وحده تدعم سلطان واطييح بس سلطان يودها فماطاحت طيحه قويه
ميره : سووري ماشفتك
سلطان : لاعاادي ، وين سايره
ميره : مايخصك
دزته عسب تمر بس رد ووقف جدامها
ميره : اففففف هب متفيجتلك والله ترى ان بغيت تظربني بعدين هب الحين امايه وابويه يتريوني فالسياره
سحب سلطان الفون عن ميره واتصل فابوه وقاله وين بيسيرون وجيي وقاله خل هم يسيرون عقب هو وميره بيلحقونهم وسكر عنه
ميره : عكييفك هووه اصلا انا ما اتنزل اركب ويااك
سلطان : ابا ارمسج ممكن ؟! بس لو سمحتي بدون لاتقاطعيني ، اباج تسمعين كل الي اقوله بعدين تحكمين عليه
ميره : تفضــــل
سلطان : بس دخيلج الي بقلج ايااه محد يدريبه الا سيف يعني ماباج تشتغلين سي ان ان
ميره : اففففف قلتلك ارمس
سلطان خبرها السالفه كلها انه فيه السرطان وانه بيسافر يوم السبت للعلاج وان هو سوى جي بساره عسب تنساه وماتتعذب عقب مايموت لان امل انه يتعالج هب اكيــد وانه هو هالفتره متغير لهالسبب
ميره لما عرفت عن كل ها انصدمت وعيونها دمعت وماصدقت ان اخوها فيه السرطان
ميره : لاتخرط وااايد انزيين
سلطان : جااان زين لو كنت اخرط بس والله هاي الحقيقه
ميره صاحت : يعني انت فيك السرطان ؟ لااا مستحيييييل
سلطان حظن ميره وتمت عيونه اتدمع : خلااص فديتج لاتصيحين
ميره : ليش ماخبرت ابويه واماايه ؟
سلطان : مافيه اخليهم يزعلون ويتكدرون
ميره : بس انت ولدهم
سلطان : حتى لوو ، ميرووه سامحيني على الي سويتلج اياه اليوم والله روحي ماكنت حااس بعمري
ميره : مسموح يا خوي مسموح
سلطان : يالله بس مسحي دموعج خل اسير وابدل واوصلج عند قوم امايه
ميره : ماابااا ابا اتم وياااك اخااف تسير عني سلطان لاتودرني روحي
سلطان : فديتــج ها بيد الله والي الله كاتبه بيصيير
لوت ميره على سلطان وتمت تصيييح : والله انــاا احبك سامحني لو غلطت فحقك
هنيه سلطان ما استحمل هو الثاني لوى عليها وتمت دموعه تنزل لا إراديا

عقب ماعرفت ميره عن سلطان صارت واايد وياه اكثر عن قبل ، وسلطان وسيف كانوا يظهرون ويا بعض يسيرون المول عسب يتشرون ثياب للسفر ، اما ظبيه كانت عاديه بالفتره الاخيره تقريبا ردت شوي شرات قبل ، اما عبدالله الي حبه لميره كل يوم عن يوم يزييد وتعلق ابها زيااده ومايد الي حاشر امه ردت عليها ساره ولاا وهزاع الي يلمح لامه انه يبا يخطب بس امه فبالها ساره بنت عمته ..
يوم اليمعه
تحديدا فبيت محمد الساعه 7 نشت ساره من الرقاد وتمت مستغربه من المكان الي هيه فيه عقب ماتذكرت انها فحجرة يدتها والي صار البارحه اتضايجت تمت اتدور فالحجرة على يدتها بس ماحصلتهاا سارت الحمام وغسلت ويهاا واتوضت عسب تصلي الصبح ، صلت وخلصت لبست شيلتها وبطلت الباب تمت سرحاانه وهيه تمشي جان مره وحده تسمع صوت سلطان وجنه يرمس حد وقفت فمكانها تبا تكمل الي سمعته
سلطان : يدوووه ان مت بتحزنون عليه بتزعلون ؟
اليده موزه : يعل يومي قبل يومك ياولدي ،اكيــد الكل بيزعل انت الغالي ولد الغالي ، وبعدين ليش تقول هالرمسه ؟
سلطان : يدووه يمكن فـاي وقت اموووت سامحني ع كل شي والله اني احبكم كلكم
ساره استغرب تمت تقول فخاطرها : (بلااه ها اليوم عالموت ليكون الولد فيه شي لالا بسم الله علييه عيل ليش جيه حاله متغيير ، خل يلتعن ترااه مايحبني ويلعب علييه خلاص انا من اليوم ورايح بحاول انسااه)
اليده موزه : نســــاااك الموت ياولدي وبعديين طب هالسيره حشرتني من يلسنا تحبيني وان مت شوبتسوين بلااك سلطان والله انا قلبي ناغزني احس فيك شيي
سلطان كان منسدح على ريل يدته ، واليده يالسه ترمسه وتلعب بشعره
سلطان تنهد : آآآآآآآآآآه مااشي
حدرت ساره عسب تمر وتسير حجرتها
ساره بدون نفس : صبااح الخير
سلطان من شافها تخبل وتم يرمس فخاطره : ( فدييييتج والله حتى وانتي زعلااانه مني اموووت فيج ، جان مره وحده يذكر مرضه ، آآآه من هالمرض ها الي يخليني ابتعد عنج سامحيني الغلاا على كل الي سويته فيج سامحيني )
ساره وهيه ترمس فخاطرهاا : ( بلااه ها جي يطالع شو اول مره يطالعني ترااه البارحه يقول انه مايباني وانه كان يلعب علييه ويقلي وافقي على مايد ، خلااص انت ماتهمني ياسلطان انت كنت ذكرى وانشالله قرييب وبمحي هالذكرى )
اليده موزه : حوووووووووه بلاااكم ؟
ساره + سلطان : مـــااشي
اليده موزه : هههههههههههههههه شحالج ياساره انشالله احسن عن قبل
ساره : بواااااايــــد بعد
اليده موزه : انشالله دوووم ، ترى اليوم قوم عمتج مريم يايين يعني خطيبج ياي
ساره فخاطرها : ( اوووه ها بعد بي اليوم بس لازم اغايض سلطان لااازم )
ساره وهيه تسوي عمرها مستحييه وبدلع مصطنع : يدوووووه
سلطان فخاطره : (اوييه هاي بلااهااا ليكون صدق خلاص بتوافق علييه ، لاا يا سااره لااا دخييلج لاتعذبيني خليني اموت بعدين حبيه وخذييه )
اليده موزه : هههههههههههههههههه الله ومنكر البناات
ساره : بـــس عااد انا بسير تامريني بشي ؟
اليده موزه : سلامتج فديتج
عقب اطالعت ساره سلطان وكان يالس يطالعهاا طنشته وسارت ركبت الدري
اليده موزه : اقلك وين سيفاني ؟
سلطان :....
اليده موزه : سلطوون
سلطان :....
اليده موزه : حوووووووه
سلطان وهو توه ينتبه : شــــووو
اليده موزه : الي ماخذ عقلك يتهنا به
سلطان : هههههههههههههه اووب مانرووم عالعيوز والله دوم اكتشف فيج اشياا كوول الصرااحه
اليده موزه : هههههههههه عيز حيلك يالاسود
سلطان : حرااام علييج والله عقدتيني اسود واسود
اليده موزه : اتمصخر معاك فديتك ، انزيين شو كنت اقلك
سلطان : اشدرااني
اليده موزه : انت اليوم هب طبيعي فيك شي
سلطان : لاا جوفي حتى مافيني شيي
اليده موزه : ههههههه انزيين ماقلتلي وينه سيفاني ؟
سلطان : تتحرين سيف واعي هالحزه اتحصلينه بااخ رقااد من خاطر
اليده موزه : صدقك والله

فالعين تحديدا فبيت مريم
مريم : خميس يلا نـــش بسك رقاد اليوم بنسير دبي صوب قوم خوالك
خميس :........
مريم : خميس وصمخ نــــــش
خميس :.......
مريم : خمـــوووس وبعديــــن نش بسك رقااد
جان تحدر فاطمه وهيه ناقعه من الظحك
مريم : بلااج ناشه من صباح الله خير ويالسه تظحكيين ؟
فاطمه : هههههههههه اظحك عليكم انتي يالسه تصارخين على خموس من الصبح وهو موول هب مسويلج سالفه
مريم : وهاا يظحك يعني ؟!!!
فاطمه : لا مب جيي حتى ميثو معوره راسهاا ويا ميود وهو الثاني مسويلها طــأااف تدرين شوو صبي عليه ماي بارد بينش
مريم : شكلي جي بسوي ، يبيلي كوب ماي بارد
فاطمه : هههههههههههههه من عيوني
سارت فاطمه ويابت كوب ماي بارد
مريم : خمووس بتنش ولا اصب عليك
خميس بكسل : شوووو ماتخلون الواحد يرقد
فاطمه : ههههههههههههههه بسك رقااد
خميس : حراام عليكم البارحه راقد الساعه 3
مريم : حد قالك تسهر ؟! يلاا نش
خميس : انشالله انشالله
مريم : يلاااا انزيــــن
نش خميس وتوجه للحمام وتغسل عقب ظهر ولبس كندوره بيضه وتعصم بتعصيمه بيضه
ومايد هو الثاني بعد نش وتغسل ولبس كندوره بيجيه وتسفر بسفره حمره
وعالساعه 8ونص ظهروا هل العين وتوجهوا لدبي وعالساعه 9 ونص وصلوا دبي وتوجهوا لبيت محمد

فبيت محمد
نش سيف ونزل تحت وتريق ويلس ويا راشد وسلطان واحمد وهزاع وعبدالرحمن وعبدالله الي كانوا يالسين ويا اليده موزه ..
وصلوا هل العين بيت محمد ونزلوا وسلموا عالكل ويلسوا الشباب كلهم ويا اليده تموا يسولفون وياهاا ومريم سارت اتساعد عوشه فالمطبخ والبنات ساروا فوق عند ساره
فاطمه : احم احم هلا بخطيبه اخوي
ساره : خخخخ ويا راسج اهليين
فاطمه : شحالج ؟
ساره : الحمدالله بخير ، شحالج ميثوه ؟
ميثا : اووه سوري نسيت اسلم .. هيهيهي .. الحمدالله شحالج انتي ؟
ساره : هههه لا عادي تمام والله
فاطمه : شفت رشود فديييييته يخبل مشالله علييه
ساره : لاااازم لانه يشبهني
فاطمه : مااالت لالا رشودي احلى عنج
ساره رفعت حياتها : لا والله
ميثه + فاطمه : هههههههههههههههههههه
جان ساره تسمع مبايلها يرن ربعت صوبه وشافت المتصل : توأم روحي
ساره : ميييييرووووه
وجان ترد
ساره : هلا والله
ميره : اهلييين ، شحالج ؟
ساره : بخير ، شحالج انتي ؟
ميره : الحمدالله تمام
ساره : اشعنه مايتي لين الحيين ؟
ميره : اترياا حصه وامييه لين مايتزهبون ترى بي وياهم
ساره : ايــواا
ميره : اقلج ظبيه اتصلت فيه وهيه تصييح تقول ماتبا اتي بيتكم اقلها ليش اتقول ماتبا تحتك ويا حد بلييز ساروه اتصلي فيها وحاولي وياها هالبنت اخر شي بتين لين متى جي بتم ؟
ساره : هااااي البنت شكلي بذبحهااا وبعدين ويااهاا يعني
ميره : بليييز حاولي وياهاا
ساره : اوكي وانتي بعد تعاالي ترى فطيم وميثوه يوو هم عندي الحين
ميره : هههههه اووب والحبيب تحت ؟
ساره : التعني انزيين انتي تدرين بكل شي لاتستهبلين
ميره : هههههههههههههههههههههه انزين يلا جلبي ويهج
ساره : باي
ميره : باي
سكرت ساره عن ميره واتصلت بظبيه
ظبيه : ألوو
ساره : هلا بالقاطعه
ظبيه : خخخ اهلين
ساره : شو ماتبين اتين بيتناا ؟
ظبيه : مسرع ماوصلج الخبر !!
ساره : ترى عندي جواسيس ، المهم ظبوي حراام عليج والله تعالي كل البنات هنيه بنستانس كلنا ويا بعض
ظبيه : ماابااا
ساره : ليش ماتبين يعني لين متى جي بتميين فالبيت حاكره عمرج ، ظبوي خلاص عيشي حياتج
ظبيه حرجت : قلتلج مااابااا مـــــاابااااااا
ساره : اوكي اوكي براايج ( وسكرت الفون فويهها)
فاطمه : ظبوي بعدها على نفس الحال ؟
ساره : عذبتنا هالبنت ماندري اشقايل نرضيهاا
ميثا : اتبعوا سياسه الطــــاااف
ساره : اي طاف الطاف ماينفع ويااهاا اخاف اخر شي تسوي شي بعمرهاا هاي مينونه
فاطمه : حليلها والله ، الله يكون بعونها ويصبرهاا
ميثا : افففف تعالوا ننزل ترى والله ملل
فاطمه : هيه يلاا خل ننزل
ساره : يـــــــلااا
نزلوا البنات تحت كانوا الشباب كلهم يالسين سلطان ومايد عيونهم كانت ع ساره سلطان كان يراقب ساره ومايد ، وراشد فعالم هو وفطيم
اليده موزه : زين يوم نزلتوا وماتميتوا فالبيات الشتوي
الشباب : ههههههههههههههههههههههههههه
سيف : تتحدون يدتي مطوره منو قدي
مايد : لا والله ، انــاا اغاار ابا يده شرات يدتكم
اليده موزه : هههههههههههه فديتني قاموا يتضاربون عليه
سيف : واابويه صدفت عمرها العيوز
اليده موزه صارخت : عيز حيلك بعدي شبااب شووف
الكل : ههههههههههههههههههههههههههه
مايد : شحالكن بنات ؟
اليده موزه : يعني اي بنات الا هن فطيم وميثا وهذيله خواتك اختصر وقول شحالج ساره ؟ ، ترى كلنا ندري
سيف : والله انج هب هينه اتعارفين كل شي
راشد : تتحدى ؟
سيف : لاا والله
مايد : ههههههههههه وجان تكشفني ، شحالج ساره ؟
ساره : ههههه الحمدالله تمام ، شحالك انت ؟
مايد : الحمدالله بخير يوم شفتج
سلطان انقهــــرر بس طنش لانه هو يبا ساره هالفتره تتعلق بمايد عسب تنساه
اليده موزه : الا وينها ميره ؟ سلطان مايبتهاا ؟
سلطان : لا والله يوم ييتج هيه كانت راقده
اليده موزه : اهـــاااا
احمد : يلاا انا بسير ايب اميه وحرمتيه وميروه
اليده موزه : الله ويااك
احمد : فمان الله
الكل : فمان الكريم
ظهر احمد وركب سيارته وتوجه صوب بيتهم
...
عالساعه الساعه 2 الكل كان فبيت محمد حتى ظبيه الي ماكانت طايعه اتي عقب مارمستها ساره مره ثانيه ورمستها ميره ورمسها اخوها عبدالله و امها اقتنعت ويت عسب تغير جوو شوي وتيلس ويا البنات
تغدوا كلهم وعقب الغدا الحريم ساروا الصاله ويلسوا كلهم ويا بعض والريايل ساروا الميلس والشباب ظهروا فالحوي عقولتهم الجو كان فنتوكي والبنات كانن فوق فحجرة ساره
فاطمة كانت واقفه صوب الدريشه تطالع الشباب الي يالسين تحت يسولفون ويظحكون
ميثا : افففف بســج شو طالعين كل هااا
فاطمه : ههههههه مايخصــج مشكله الي يغارون
ميثا : ما اغااار انزيــــــن
ساره : بدينـــــااا بس يالحشره سكتوا ، بنات رقدوا فبيتنا اليوم حرااام احس من زمـــــاان مارقدتوا عندي بنسهر ونسولف كشخــــه
ميثا : هيييه اتحيدون لما شفنا الفلم الرعب عقب راشد دق الباب ملااك اشقايل زاغت
ميره : متى هااه
ميثا : عقب ماردينا من ملجه ظبيه و .......... (وجان تسكت )
الكل اطالعها بنظـــره لأنهم يبون ينسون ظبيه هيه ردت وفتحت الموضوع
نشت ظبيه من مكانها وبطلت الباب ونزلت تحت
فاطمه وهيه محرجه : انتي ماترومين تيودين لسانج شوي
ميثا وهيه شوي وبتصيح : والله بالغلط نسيــــت
فاطمه : مالت عليج دومج جي تقهرين
ميثا صاحت : بالغلـــــط انزين
ميره : خلاااص هدوا
ساره : انتو خلكم هني بسير الحقها
وسارت ساره وراهاا
نزلت ظبيه وظهرت خاري شافوها الشباب كلهم استغربوا لانها كانت متغشيه ساره كانت وراها يودتها ساره وسحبتها وودتها ورا البيت

صوب الشباب
سيف : شو السالفه ؟ منو هاي المتغشيه وليش ساروه سحبتها وودتها ورا البيت
خميس : خخخ يمكن يلعبون
مايد : اتنكت حظرتك ؟
خميس : لا احااول
راشد : ماعليينا يمكن عندهم سالفه اتعارف البنات وسوالفهم
سيف : يمكن بعد

صوب ساره وظبيه
ويلسوا رواحهم وشلت ساره الشيله من على ويه ظبيه
ساره : خلاص فديتج لاتصيحين
ظبيه كانت تصيح من خاطر عيونها محمــــــره ، ساره ما استحملت تشوف ظبيه جي حضنتها ودمعت عينها
ساره : فديتج ظبوي خلاص هدي مايصير كل مايذكرونه تصيحين ولا تضايجين ادعيله بالله يغفرله
ظبيه وهيه تصيح : مــ مـ ـ ـااروم والله ماروم انتي ماتعرفين غلاته ومعزته فقلبي هو كان كل شي بنسبالي وفـ لحظه كل شي راااح ( وجان تصارخ ) راااااااااااااااح
تمت ساره تحاول تهدي ظبيه عقب ماحست ان ظبيه هدت شوي
ساره : بسير اسويلج عصير ليمون بالنعناع فنتوكي
ظبيه بحزن : هههههه بس ابيه من ايدج
ساره : افـــااا عليج كم ظبيه عندناا ؟ ، يلا نشي تعالي وياي المطبخ
ظبيه : انا بيلس هنيه سويلي ويبيلي ايااه
ساره : تتأمر بعد ويا راسج
ظبيه : خلاص مااباا
ساره : والله اتمصخر من عيوني الحين بسيير
نشت ساره وسارت المطبخ عسب تسوي العصير فـ هاللحظه سلطان كان فالمطبخ راح يشرب ماي شاف ساره يايه صوب المطبخ قرر انه يشل فونه ويمثل انه يرمس وحده عسب ساره هالمره صدق تكرهه وتشيله من بالها ، على طول سلطان ظهر مبايله وتم يظحك اونه يسولف ويا وحده ، ساره وصلت المطبخ وقبل لا ادش سمعت
سلطان : فديتج عيون سلطان قلب سلطان شو بغيتي ؟ ..... قلتلج انتي لي وحدي اشقايل تبيني اثبتلج بعد ؟ ........ اي ساره ؟! ...... هههههههههه دخيلج لاتظحكيني ساره بنت عمي هيه بس بنت عمي واعتبرها شرات اختيه مب اكثر ولا اقل ........ ياحياتي افهمي كم مره بقلج اتحدوني اييب راسها ويبته بس هاي السالفه هب لازم كل مره اعيدهاا
ساره من سمعت الجمله اتحدوني اييب راسها ويبته شي صار بقلبها وهيه من اول ماسمعت الرمسه وعيونها تدمع بدون لاتحس وكــاانت مصدومه من خاطر جنه حد صافعنهاا ماتوقعت الانسان الوحيد الي حبته يظهر جي نذل ويقص عليها ، وتمت تقول فخاطرها : (يعني رمسته ويا ميروه صدق ؟!!! )
جان تصارخ : يا الخــــــاااين اكرهك اكرهـــك
وجان تربع وهيه تصيييييييييييح من خاطر جان مره وحده تدعم مايد الي كان ياي يزقر سلطان عسب يسيرون صوب الشباب
مايد انصدم من شكل ساره اول مره يشوفها جي تصيييح
مايد : ساااره بلاج
ساره : مــ مـ ـ ـااايـ ـ ـد ودرني
مايد سحبها وسلطان قلبه تم يتقطع مليون مره على حال ساره بس مو بيده عقولته المرض اقوى من حبهم لبعض
عقب ما مايد وداها مكان بعيد شوي عنهم
مايد : خلاص هدي
ساره كانت تصيح مب رايمه ترمس حتى
مايد : انزين عالاقل قوليلي بلااج منو ال**** الي جي مسويبج ؟
عقب ما مايد تم يحاول وياها وايد بس شاف ان ماشي فايده وياها سكت عنها بس تم يطالعها الين ماحس انها هدت شوي
مايد : ممكن تقولين لي بلاج ؟
ساره : مضايجه شوي ، مــاايد
مايد : لبيــه ، عيون مايد آمري انتي بس
ساره : انت اتقدمت لي صح ؟
مايد : هيه ليكون عسب هاي السالفه ؟ كل ها عسب ماتبيني ؟
ساره : لا والله لاا
مايد : عيـــل
ساره : خلااص مايد انا فكرت وقررت انا موافقه عليـــك

كــــــاات
يتبع

احم.. السموحهـ عـ التأخير بس والله كان عنديـ امتحانين امس واليوم عسب حي ماحدرت المنتدى ..
وسموحهـ مره ثانيهـ عـ التأخير ..