|
سووووري ع التأخير بس رديت للكأبه>>ليوا<< وهذي البارتات والسمووحه ~|~الجــــ 18 ــــزء~|~ بعد ساعه و نص ظهر حمدان من غرفة العمليات يربع سالم فلخ لان العمليه المفروض تاخذ ع الأقل 5 ساعات حمدان و هو بريع صوب سالم:شو فصيلة دمك؟ سالم و هو مرتبك:مااعرف ماعرف**ليش شو مستوي؟ حمدان:نزيف بس لا تخاف وقفناه بس هي نزفت واايد و خلصة فصيلة دمها من بنك الدم سالم:و الحل حمدان:لازم نحصل متبرع ولا سالم:ولا شو!! حمدان:ولا بتصير حالة وفاه سالم:وشو فئة دمها؟ حمدان بخوف لان فئة دمها نادره: o- سالم:فطوم شو فئة دمج؟ فطوم الي صوتها راح من كثر ماصاحة:ماادري**لا لحظه اظن a+ سالم:موزوه؟ موزة:شرات فطوم فطوم بخوف:شو السالفه ليش تريد تعرف فئة دمنا سالم بقلة صبر:مش الحين بعدين اقولج**الحين روحي نشدي ربيعج شو فئة دمها فطوم سارت صوب يزوي الي كانت ترمس خالد**ويزوي اول ماشافتها راحت صوبها و خلت خالد فطوم:يزوي شو فئة دمج؟ يزوي برتباك:اممم**b+**ليش تسألين؟ فطوم بدون تركيز:مادري سالم قالي اسألج يزوي الي بدت تشك:فطوم شو فصيلة دم امج؟ فطوم شهقة:لالالالالالا يزوي دخييلج لا تقوووولين يزوي تروعت من شهقتها:شو شو قلت انا؟ فطوم:امييه امييه ترييد دم يزوي:ماااعرف مااعرف روحي سألي اخوج راحت فطوم وراح خالد صوب يزوي خالد:يزوي شو السالفه؟ يزوي:مااعرف بس اظن ان امهم نزفة وايد فاهم الحين محتاجين دم بعد دقايق** سالم و هو يشوف حمدان ياي صوبه:ها حصلتو متبرع؟ حمدان:هيه سالم بفرح:ومنو الي تبرع؟ حمدان:مادري ماشفته بس اول ماقالولي قلتلهم ياخذون الدم و يفحصونه الان المريضه ماتستحمل اي تأخير سالم:وينه؟ اريد اشوفه حمدان يأشر ع الغرفه:هناك سار سالم يريد يشوف منو تبرع وانصدم هو الوحيد الي ماسأله لانه كان مرتبك و مستعيل سالم:خــــالـــــد ابتسم خالد بتعب:هلا راح سالم صوبه ولوى عليه:تسسسلم ماقصرت و اردلك ايها ف الأفراح خالد:هههه**ان شالله انسدح خالد بتعب لانهم سحبو منه كميات وايد من الدم قعد عنده سالم بعد ماطمن ان تم نقل الدم لمه سيف معصب:انا ذابحنها ذابحنها**والله انها مسودة ويه بس الغلط مش منها الغلط من عمي الي معطنها كل شي خليل:انته هد يمكن فاهم السالفه غلط سيف:شو غلط انته الثاني ماسمعتها تتفداه منو بتتفدى يعني؟ خليل:يمكن كانت يرمس واحد من خوانها سيف:لو كانت ترمس واحد من خوانها جان ماقلتله (و هو يقلدها)تولهت عليه؟..فدييتك..اخخخ يا القهر بس لو كان اليه شور عليها جان هي من زمان رايحه فيها خليل:بس خلاص استهدي بالله و لا تخرب طلعتنا سيف:اففف**مع ان مالي خاطر بس يالله ظهرو سيف و خليل و تحوطو و ماخلو مول مادخلوه و ماخلو مطعم ماساروله مره ريوق و مره غدا و مره غدا متأخر و مره عشاء و احيانا سناك خخخ اشك انهم زادو ع الأقل خمس كيلوات دخلو اخر مول لانهم بصراحه تعبو خليل:الله يغربل بليسك ريولي تكسرو (وهو يطالع ساعته)تعرف الساعه كم؟ سيف:خخخخ تستاااهل**لا كم الساعه متعايز اطالع ساعتيه خليل:هههه و الله انك زووول و من الخاطر بعد**الساعه الحين يا طويل العمر ثنتين و نص**خيييبه تعرف متى طلعنا من البيت؟ سيف:هي الساعه 12 الظهر خليل:اخخخ ريووولي خلاص استسلم سيف:ههه**تعال في محل ايسكريم هناك خلنا نطلب و نستريح خليل:و الله ماشي محل ف بطني حق الايس كريم سيف و هو يأشر ع الحمام:قدامك الحمام روح سو للأيسكريم محل و تعال خليل:الله يلوع جبدك سيف:ههه والله شو اسويلك**وبعدين تعال انجرب ايسكريمهم يمكن يطلع احلى عن اسكريمنا خليل:يالله راحو و طلبو و نصدمو من النكهات اكثر نكهة صدمتهم كانت ايسكريم مكسيكي مع سوس سبايسي و طبعا الثنينه ماصدقو و طلبو سيف و هو يطعم:اعععع**كح كح كح..شو هذا؟ خليل الي توه مدخل الكفشه ف ثمه:كح كح كح كح**الله يغربلك حشى ع ايسكريمنا اشرف عن اسكريماتهم اعععع **قوم قوم لا لفك بشي الحين خلنا نشتري النا ماي و نغير عن طعم هذا مرن بنتين من عدالهم كانن لابسات عبي و سكارفات**سيف ظهرن عيونه من البنيه الي قدامه صح انها ماكانت حلوه بس عباتها كانت مخصره من الخاطر و مفتوحه و لا بسه سكني و بدي مفصل جسمها تفصيل**سيف تنح و تم فاتح ثمه انتبهله خليل خليل و هو صاد عن البنات و يضرب سيف ع راسه:لعنبو دارك غض النظر سيف و هو يمسك راسه و يرمش بعيونه بسرعه و عينه ع البنت:مارروم ماروووم قام خليل ووقف قدام سيف:بس خلالاص كلت البنيه بنظراتك سيف دز خليل و قام صوبهن:احم احم**شحالكن بدلع ماصخ:تماام شحالك انته؟ سيف تنح من دلعها:كيف تسألين عن حالي و انتي قدامي؟ :ههههههه سيف:يالبيه اموت انا ع الضحكه و راعيتها يقال استحت:تسلم سيف:احم ماودج تعطينا الرقم؟ :اممم عندك قلم؟ سيف:لا :لحظه(فتحة شنطتها و ظهرة تحديد الشفايف و بحركة جريئه مسكة يده و كتبة الرقم) سيف ارتعش من مسكة اناملها و هي عدها ماسكه يده:اممم**وربيعك ماوده يعطينا الرقم؟ سيف:انا كلي لج شو تبين بربيعي؟ :هههه المهم ارقب اتصالك و لا تبطي عليه سيف و هو يطالعها من فوق لتحت و يعض ع شفايفه:آآآآآآآه**وين اروم ابطي :هههه**يلا بآآآآآآي وراحت ورد سيف لخليل سيف:اخخ ياقلبي خليل:......... سيف:اي خليل ارمسك خليل:......... سيف:لا تكون زعلت خليل:ويين الي قال انه خل البنات صدق يوم قالوا ان ذيل الجلب عوي سيف:اقووول لا تسب و بعدين صراحة انا مليت و هذي تسليه مش اكثر خليل:خااف ربك ف الي تسويه ف البنات ترى هذا كله بيرد عليك و ع هلك سيف:والله كل واحده اتيني بشورها و انا ماظربتها ع يدها و قلتلها تعالى خليل هز راسه بيأس و راح فـ المستشفى** خالد:الحمد الله ع سلامت الوالده و ماتشوف شر سالم بفرح:الله يسلمك و الشر مايك و اسمحلنا تعبناك معانا خالد:سلوم عن الأستهبال تراك انته شرات اخويه سالم:سلووم ها خالد:ههههههه سالم:ياله توكل انته من الصبح هني خالد:و كانها طرده مستشفى ابوك و انا مادري سالم:وهذي يزاتي اني ادور راحتك خالد:هههه**ماعليه انته روح شوف امك و انا ارقب ختيه مادري وين راحت سالم:يالله عيل مع السلامه خالد:مع السلامه راح سالم و دخل ع امه الي نجحت عمليتها و ستأصلو الورم خالد مسك التلفون و كان يرسل مسج حق واحد من ربعه تفاجأ بوحده قدامه رفع عيونه و ابتسم ابتسامه ظهر ضرس العقل من كبرها ~|~الجــــ 19 ــــزء~|~ خالد مسك التلفون و كان يرسل مسج حق واحد من ربعه تفاجأ بوحده قدامه رفع عيونه و ابتسم ابتسامه ظهر ضرس العقل من كبرها فطوم و هي منزله راسها:مشكور اخويه ماقصرة و الله لولاك ماعرفنا شو نسوي خالد الي حط يده تحت راسها ورفعه بخفه:احم اول شي انا ماسويت الا الواجب (قال بخبث)و ثاني شي انا مش اخوج فطوم ويهه استوى اشارات مرور و ماقالت شي خالد:ههههه**الحمدلله ع سلامة امج و يعلها ماتشوف شر (غمز)و ماعليه بتردونها ف الأفراح فطوم فهمت و خلاص تمنت ان الأرض تنشق و تبلعها و لا تنحط ف موقف مثل هذا خالد الي لمح دمعه ساكنه ف محجر عيونها رفع يده برقه و مسحها:امم**الحين امج ستوت بخير دموعج ماريد اشوفهن**اوكي فطوم الي ارتعش كل شي ف جسمها من لمسة ايديه فطوم بهمس:اوكي خالد الي ذاب من همسها قرب منها:ما سمعة عيدي فطوم:اوكي اوكي**وراحة و دخلة ف غرفة امها خالد بتنهيده من القلب:آآآآآه يزوي الي شافة كل شي:سلامتك من آه خالد و هو حاط يده ع قلبه:يزوي ماروم استحمل يزوي:ههههه**تراك عايش الجو و بقو خالد:مارووم خلاص لازم اروح و اخطبها يزوي بحزن:امممم**ماعرف شو اقولك بس هي محيره لولد عمها خالد انصدم:لا حراام عليج لا تقولين يزوي:اسمحليه بس هذي الحقيقه المره يا خويه خالد:وهي تباه؟ يزوي:هي ماتعرفه هو من تخرج من الثانويه راح يدرس طب ف بريطانيا*اممم يعني هي ماشافته من 11 سنه من توفى ابوها خالد:يعني هي موافقه عليه؟ يزوي:الشور مب شورها ابوها قبل لا يتوفى خطبهم لبعض عشان يظمن مستقبل بنته خالد عصب:شو هذا التخلف يمكن الولد مايباها ولا هي ماتباه لازم يعني يغصبهم و بعدين الحيار انتهى عنبو و ين نحنا عايشين و بعدين هو اكبر عنها بواايد يزوي:ادري بس هذا المكتوب خالد بأصرار:لا فطوم اليه و ماحد بيخذها غيريه يزوي اذكرة رمسة سيف يوم حلف ان ماحد يخذها غيره معقوله سيف يحبنيه شرات ما خالد يحب فطوم؟**ههه و العايله مشالله ماعندهم غير انه يحلفون و يحجزون يزوي ابتسمة و حطة يدها ع ظهره:ماعليه مابيستوي الا الي ربك كاتبنها ويلا تأخرنا وايد الساعه قدها ثلاث ظهرو من المستشفى و تمو يرقبون تاكسي بس ماشي امل لان الساعه 9 يعد عذاب يحصلون تكاسي وين الحين الساعه 3 بعد خمس دقايق** حمدان:السلام عليكم يزوي و خالد:وعليكم السلام حمدان:ها شو تسون هني؟ خالد:شرات ماتشوف نرقب واحد من التكاسي يرحمنا و يوقف حمدان:افااا ولد عمي يرقب تاكسي و انا هني خالد و توه بيحلف حمدان سبقه:لا والله ماتحلف و انا الي بوديكم(وهو يطالع يزوي)ولا تردون البيت بتاكسي ابتسمة يزوي خالد:ليش يا حمدان تحلف انته توك ظاهر من عمليه مدتها 9 ساعات واكيد انك مييت من التعب و ين فيك حيل توصلنا حمدان رد ليزوي الأبتسامه:وين تعب الله يهديك اصلا اليوم كان اهون يوم ماكان عندي الا عمليتين ولا الأيام الثانيه جدوليه يكوون فول من الخاطر خالد بستسلام:خلاص صار ركبة يزوي ورى حمدان لان السيت الي ورى خالد كان عليه اوراق و ملفات و صناديق و ركب خالد عداله تمو يسولفون ف اشياء وايده اولها المباريات و اخرها السيارات**صح حمدان كان يسولف مع خالد بس قالبه ورى و عيونه ع المنظره يطالعها و يدقق ف كل حركه تسويها**اما يزوي فكانت تعبانه تريد ترقد بس اول ماركبة انعشتها ريحة عطر حمدان الي حسته انطبع ف ذاكرتها و لا يمكن تنساه رفعة عيونها اطالع الدرب و يت عيونها ع عيون حمدان الي كان اغلب و قته يطالعها و لا يطالع الدرب**حمدان ياه نفس الشعور بس هالمره عرف معناه معناه انه حبها ولا يمكن يتخلى عنها او ينساها مهما طال الزمن و غدر فيه**اما يزوي فكانت متنحه ف عيونه الذبوحيه حتى انها تثاوبت و ماحست بعمرها الي وهي رافعه يدها و حاطتنها ع شفايفها**حمدان من شاف حركتها هذي نسى الدرب وابو الدرب و ذاب ف حركتها اتمني انه يمسك ايديها ولو اخر مره**بس ماشى وعاه من سرحانه الا صرخة خالد خالد:حــــــمــــــدان انـــــــتــــــبــــــه!! ف السكن** سيف:هلا والله :اهلين سيف:ها تأخرت؟ :ههه**لا عادي بس لا تعيدها سيف:ماطلبتي**انزين انتي ماقلتيلي شو اسمج؟ :انا اسمي منى انته شو اسمك؟ سيف:عاشت الاسامي**انا سيف منى:عاشت ايامك فـ المستشفى** :الحمد الله ع سلامج ام سالم و هي اطالع عيالها الي كانو حوالها:الله يسلمكم**سالم اذا ماعليك امر اريد ماي فز سالم و ربع و بايلها ماي وتمو يسولفون صح انها ماكانت ف وعيها من تأثير البنج بس العيال كانو مرتاحين و هم يشوفونه و يسمعون صوتها و بعد ثواني رقدت و يت النيرس تجلوتهم برى لانهم ف العنايه و ممنوع حد يبات بس سالم رقعها بكم دولار و لمت ثمها وراحت الي مابيرد بجتله كذي>>:69: |
احم احم الله يعطيج العافيه على البارت حلوة هذي ذيل جلب دوومه عوي هع هع |
السلام عليكم ورحمة الله وبركاته مسآآآآآء الخير ** ^^ اشحالج فوشيهـ .. ؟؟ عساج بخير يالغاليه . المهم.. . . البااااااااااااااااارت فنتكـ ... ما شاء الله عليييج .. ربي يعطيييج العافية .. الجوري..~* βĩпŧ-àĵмắи* دمــ ع ــة الــ ش ــوق* عشقي الفتك الاحمر* فارسة ما تهاب خيول الغدر >> ما شاء الله جوفي اشكثر اعضاء .. ما شاء الله .. اللهم لا حسد .. الله يكثرهم .. بانتظار البارت ع احر من اليمر .. ربي يحفظج ..~ |
فديت عمرك انا ياقلبي تستاهلين فايف ستارز يالغلااااا سيفوووه صدق انك كلب ونذل افف بس ليتني اشوفك كان فقعت عينك يزوووي وحمدان وش فيهم تكفين علميني بسرعه حتى لو خااص يارب مايكون فيهم شي يارب حرااااااااااااااااااااااااااااااااااااااااااااام يزوووي يصير لها شي ولا حمدان ولا خلوودي لا قلبوو خليهم سليمين :GIF_13.gif::14::9988::16.gif::1011.gif: |
روعه البارت سيووف << يا كرهيييي له اففف منه يبط الجبد خالد << كسر خاطري :( ان شاء الله فطوم تكون من نصيبه يزوي + حمدان << فدييتهم والله الله يخليهم حق بعض ولا يفرق من بينهم هالصايع سيف يعطيج العافيه / وبنتظارج خيتي |
| الساعة الآن 12:54 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir