ياعرب فيني من الهم الكثير ...
بي همومن تازن بثقل الجبال ...

عبرتن اخفيتها وسط الضمير ...
اخفي الأحزان وأبدي غير حال ...

الحزن والخوف كله من عشير ...
يترك فؤادي وهو فالحب مال ...

لاتملكني الضما شفته غدير ...
انظره وأبل ريقي بالوصال ...

ياشفاة اللي فقد شوفه ضرير ...
بادر بوصلك ولو بطيف الخيال ...

يكفي اللي مر من وقتن عسير ...
عوض فؤادي حنانن مع دلال ...

وان طلبت افرشلك الدنيا حرير ...

وان بغيت العمر لك يابن الحلال

..مابيك تفهمني غلط وأنت خابرني ...
اني من اول احبك حب مايوصف ...
يكفي زعل يا ماخذ القلب ناظرني ...
شفني من الشوق جسمي ناحل ويرجف ...
ياما حكوا فيك وياما الكل قاطعني ...
قالوا ترى في كلامه يوعد ويخلف ...
قلت اسكتوا دام الحلا فيه ولعني ...
يكفي هويته وانا له بالغلا مسرف ...

ما جيت ادور يالغلا منك تبرير ...
جيت اخذه رد اعتباري بيديني ...
يا خاين عهود الهوى دون تقدير ...
رد الغرام وما مضى من سنيني ...

صورت لك حبي بالأشعار تصوير ...
جزل المشاعر فيك خطت يميني ...

ماعاد لك في داخل القلب تأثير ...
ماتت ملامح صورتك وسط عيني ...

مابه مساء الورد تصبح على خير ...
القلب لا منه قسى ما يليني ...

لو طالت دروب الزمن والمشاوير ...
لا بد تندم ثم ترجع تبيني ...

واقول قربك صار نقص ومخاسير...
وماهمني لو عشت عمرك حزيني ...

غيبتي طالت ولاهمك جفاي
وكنت عايش في امل تسأل علي
من غلاك احسبك عايش في رجاي
وانت ماهمك ولو طال زعلي
انت مالك ذنب هذا من غباي
ناسي واحسبك تتغلى علي

في عز ماكنت محتاجك تخليني
هذا جزاء الطيب والمعروف يالغالي
تدري في قربك تموتني وتحييني
اليوم بالذات تكفى لا تجافيني
محتاجك اكثر واكثر من نظر عيني
الله يعلم وش اللي صاير فيني
ابيك تجمع حطام اللي انهدم فيني
انا دخيلك علي ضاقت احوالي