منتدى استراحات زايد - وطتّ رجليّ علىً دربه و لآآإ آإدريّ وشّ نؤوى فيني .!

البارت الـ 130

بو خالد : سيف !!!!!!!!!!!!

سيف يصد يطالع ابوه . .

بو خالد : قوم من اهني . . " يطالع ناصر " وانت بعد . . وين ايمانكم بالله وييييين ؟ اترحمو عليها . . غلط الي تسووونه غلط . . استغفر الله .. قومووو اشووف . .

سيف : انا ما بقوم من اهني ولا بتحرك : . .

حمد يمسك ايد سيف : تعال يا اخويه

سيف يطالع حمد . .

حمد تنزل دمعته : يالله .

سيف يقوم بمساعده حمد . .

بو خالد مسك ناصر وطلعه . . .

سيف وحمد يمشون . . لين ما وقفه سيف . .

سيف : ليش ما رحت تسلم عليها . . وتستسمح منها ؟

حمد يطالع سيف . .

سيف يمسح دموعه بغترته : روح . . اكيد انت محتاج تكلمها . .

حمد يرص ع ايد سيف : خلنا نروح . .

سيف : روح ياخوي . . انا برد ويا ابويه . . ادريبك ما رحت ولا تحركت من اهني . .

حمد يطالع سيف . .

سيف يبتسم بتعب : لا تعاتب نفسك . . انت اكيد ما قصدت . . ادعيلها . . واستسمح منها . . إلي أعرفه والله يعلم ان المدفون يسمع الي زايرينه . . روح كلمها عشان ترتاااح وتهدا نفسيتك . .

حمد يدق جتف سيف بشوي : الله يصبرك يارب . .

سيف ينزل راسه ويمشي يطلع من المقبره . .

اما حمد ماقدر يتحرك ولا قدر يصد يطالع القبر من قريب . .

عقب ثواني بسيطه رص ع روحه ومششى . . سارلها وهو يرص ع قلبه عشان ما ينهار . .

وصل وغمض عينه ومد ايده . .

حمد : الله يرحمج يا مهره . . ويغفر لج كل خطاياج . . الله يرزقج الجنه ويحرمج من النارررررررر . . الله ينورلج قبرج والله يثبتج عند السؤال . . " يغمض عينه ويرفع راسه السما " اللهم قد احبتتها كثيرا . . اللهم إني أعلم نفسى قد اخطئت في هذا الحب والاختيار ، ان قلبي لم يتوقف عن حبها ابدددددددا فـ يآرب بقدر حبي لها لا تريني فيها بئسا ً. . وآنس وحشتها . . وارزقها الجنه والنعيم والراحه . . اللهم طمن قلبي عليها . . اللهم طمن قلبي انها في نعيم جناتك . . اللهم لا تحرمها رحمتك وعفوك ياااااااارب . . اللهم ان مهره تنتظر رحمتك وعفوك فارحمها واعفو عنها واغفر لها يااارب . . الله اغفر لجميع موتاانا يارب العالميييييييين . . اللهم امييييييييييييييييييييييييييييييين . .

حس بانشراح ف قلبه برغم الانعصار والألم . . دموعه ماكانت توقف . . تنزل بغزره ودعى بضمييييييييير بكل الي يدور بينه وبين نفسه . . قام ولما قام حس بنسمه باااارده تهب عليه . . صد صوبها وهو مركز نظرته وابتسم ابتسامه عذاب ووداع . .

حمد : مع السلامه مهره . . صدقيني ما راح اتمين بروحج . . قلوبنا كلها معاج . . وصدقيني هالمكان ما بيخلى . . بتشوفين اخوانج حواليج . . وسيف الي تحبينه ابدا ما راح يخليج . . وانااا ما راح ايييج ابدا الا اذا شفت هالمكان خلا . . " يبتسم " ربي يرحمج ويغمد روحج الجنه . . .

ويطلع . .

سيف : لازم اروووووح . .

بو خالد : وين تروح يا سيف ويييين . . اول يوم العزا وما حظرته . . لازم تعوض بهاليومين . . حرام عليك ! انت لو تحبها ما بتسير وماتحظر حتى عزاها . .

سيف يصد يطالع ابوه :ابويه الحين الساعه 12 فليل . . ماشي ناسس . . الساعه 6الصبح بيجتمعووون ! الساعه 5 ونص بتلاقيني فالبيت . .

بو خالد يتنهد : وشو راح تفيد اليلسه ف دبي والشقه بروحك . .

سيف : بتفيدني وايد . . وااااااااايد . . خلني ولا تحاتيني . .

بو خالد : بعد شسويلك . . روح . .

سيف باس راس ابوه وطلع . . طول الدرب من راك لين دبي وهو يفكر بشي واحد . . . مهره شقاعده تسوي الحين ؟

مهره : حبيبي . .

سيف يصد يمين : مهور ..

مهره تبتسم . .

سيف من الصدمه وقف السياره ع طرف . .

مهره : شوفيك يالمينون . . ليش وقفت السياره ؟

سيف : انتي اهني . .

مهره : لا اهناك . .

سيف يبلع ريجه : انتي وين رحتي عني . .

مهره تفج عينها : انا اهني ما فارجتك . .

سيف : رحتي عني . . خليتيني بروحي . .

مهره تمسك ايده وتحطها ع ويهها : حبيبي انا اهني . .

سيف يلمس ويهها ويحس بحراره تسري بقلبه . .

سيف تنزل دمعته : انا حسيت انج حيه . . حسيت انج ما بتخليني بروحي . .

مهره : انت خبله ؟ انا كيف اخليك بروحك . . ما اقدر . .

سيف يمد ايده : تعالي بحظني . . تعالي اهني . .

مهره ترفع حياتها : وين . . انت فالسياره مش فالسرير . .

سيف : تعالي اقولج . . " ويسحبها لصدره ويحظنها بقوة " حبيبتي . . عيوني انتي . .

مهره : ياويلي منو قدي . .

سيف يمد ايده داخل الشيله ويمسح ع شعرها : والله وحشتيني . . والله وايد وحشتيني . .

مهره : بل بل . . حسستني من دهر مش شايفني . .

سيف : وين كنتي عني . . وين ؟

مهره : سيف . .

سيف وخرها من حظنه ويطالعها : شفييج حبيبي . .

مهره : انا مش موجوده ترى . .

سيف عاقد حياته . .

مهره : انت قاعد تتخيلني . .

سيف تنزل دمعته : كيف مش موجوده . . انتي اهني " يمسك ايدها . . يمسك ويهها " شوفي انا قاعد امسكج . .

مهره : لا حبيبي . . انت قاعد تتخيل . . انا محد اصلا

سيف بعصبيه : لا تقولين محد . .

مهره تحط صبعها ع شفاته : اهدى شوي . .

سيف : قلتلج انا ما يتهيأ لي شششششششي . .

مهره تطالع الماي : شربني . .

سيف باستغراب : عطشانه ؟

مهره : هيه . .

سيف بطل لها الماي وبسرعه مدالها اياه وشربها لكن الماي انجب على السيت . .

مهره : انا محد سيف . .

سيف يصارخ : لا تقولين محد . . انتي اهنننننننننننننني . . انا اشوووووووووووووفج والله العظيم اشووووووووووووفج . . " يمسك ايدها ويحطها ع قلبه " لا تقولين انتي محد شوفي قلبي كيف يددددددددددددق مجرد ما شفتج . . تبين قلبي يوقف ؟؟ تبيني امووووووووت . . " يرص ع ايدها بقوه " خلج معاي لا تخلييييييييييييييييييييييني . . . " يغمض عينه بقوة " انتي اهني اهننننننني . .

عقب دقيقه فتح عينه . . . يصد يمين . . يسار . . . يشوف ايده ماسكه الهوى . .

سيف يصارخ : لا تردين تروحين . . تعاااااااااالي . . خليني اتخيلج راضي بس لا تروحين . . الله يخليج لا تروووووووووووووووووووووووووووووووووووووووووووووووو وحين . .

يدق ع السكان بقوه : ردي تعالي الله يخليج ردي تعالييييييييييييييييييييييييييييييي . . خلج معاي . . خليني احسسسسسسسسسسسسسس انج اهني بس مابي شي ثاني . . مهرررررررررررررررررررررررره ؟ تسمعييييييييييييييييينييييييييييييييييييي . .