|
[color=660099]يلااا مجنونه وين البارت لاتطولين علينا حبيبتي[/color] |
اقتباس:
; . . . http://6p6b.net/uploads/5bf201e444.gif انشالله انتي تامرين امر وعارفه اني طولت عليكم وربي غصبا عني http://6p6b.net/uploads/92d2883f9e.gif . . . ; اختكـــــــــــــــــــــــــــــــــــــــم :@ مجنـــــــــــــــــــــــــــــــــــــــــــــــ ـــــــــــونه |
غلاتي مجنونه وين البارت طولتين علينا |
بســــــــــــــــــــــــــــــم الله الرحــــــــــــــــــــــــمن الرحـــــــــــــــــــــــــــــــــــــيم ; . . . http://6p6b.net/uploads/5bf201e444.gif وهذا احلا جزء لاحلا اعضاء . . http://6p6b.net/uploads/92d2883f9e.gif . . . ; اختكـــــــــــــــــــــــــــــــــــــــم :@ مجنـــــــــــــــــــــــــــــــــــــــــــــــ ـــــــــــونه |
بســــــــــــــــــــــــــــــم الله الرحــــــــــــــــــــــــمن الرحـــــــــــــــــــــــــــــــــــــيم ; . . . http://6p6b.net/uploads/5bf201e444.gif .........$$$ ... الجزء الخامس والعشرين ... $$$......... =========================================== للكاتبه : روح الامارات .....$$$..... للكاتبه : روح الامارات =========================================== ( ابوضبي الساعه 2 الضهر ( وصلو بيت ام حسين وكانو اهل سيف كلهم جايين علشان يتحمدون لهم بسلامه...... ( هيونه كان جالسه فصاله ، ومتوقعه حد يجي غير ام حسين وميثا والشباب بس وماتوقعت حد غريب يجي وياهم وكانت ماخذا الرخا من بالها وقاعده بصاله تقرا كتاب ودق الجرس ثواني وطلعتلهم نور علشان تفتح الباب اما هيونه نطت عند المرايه تعدل عمرها قبل لايدخلون ... دخلت ام حسين ..... وستقبلتها هيونه وسلمت عليها ام حسين وهي ضامتها : هلا ببنيتي شحالج ابويا وش اخبارج هيونه قلب وجها احمر وبصوت واطي : بخير الحمد لله أخبارك انتي يخاله ام حسين : بخير وسهاله ( و لفت على الباب وقالت ) يلا فديتكم البيت بيتكم حياكم هيونه من الصدمه عفست وجها بس ام حسين كانت ترحب بباقي الهل وما شافت هيونه ويوم لفت عليها ام حسين ابتسمت وهي تقول وش هالمصيبه يربي ..... ام سالم توها داخله وشافت هيونه قدامه : حيالله بنيتي شحالج امي هيونه : بخير الحمد لله ( هيوه ماتعرف حد غير ام حسين وميثا اما الباقي ماحصل انها تعرفت عليهم لانهم ماحضرو الملكه الي هم ام سالم وبنتها سلامه , وام سعيد وبنتها وجدان وعهود ، وام عبدلله , وام منصور وكانو 8 حريم تقريبا وبناتهم وكلهم من قرايبهم وبعضهم من الجماعه ومن اهل ربايع سيف يايين يادون الواجب...... ودخلو وقعدو فصاله الستقبال وقامت هيونه وميثا للمطبخ... ( فالمطبخ .... هيونه اول مادخلت حطت يدها على قلبها ولتفتت على ميثا...... هيونه وهي تتنهد : يربي ميثا : شو بلاج هيونه : ماتوقعت هذول كلهم بيجون يربي شسوي ماعرف اوجب عدل يربي شسوي وربي خايفه ميثا : ولا يهمج امايا عارفه كل شي وهي بتتكفل بضيافتهم وعارفه انج مو قدها هههههههه هيونه : بجد مو قدها يماااااا شقد تخرعت فديت امي ام حسين وربي مطلع من جزاهاا ميثا : تو الناس هذول الدفعه الولا ههههههه باقي الثانيه والثالثه هيونه وهي فاتحه عيونها الاخر : او ماي قاد لاااااااااا لاتقولين ميثا : حبيبي انتي عروس ولازم كل قرايبنا ييون يتحمدون لج بسلامه ويزورونج لازم تتعودين عالوضع حبوبه . هيونه : يربي انا مو قادره اسوي شي من دون امي ساعديني ميثا تكفين ... ميثا : طيب وين الحلا والتمر علشان نقدمهم ويا القهوى لا تتخرعين ترا ولله ما يعضون ههه هيونه : ههههه وربي مادل شي خلني اسال نور ( ونادت نور ) نور نور : yas هيونه : oyrs تمر نور : oan mint وجابت لها التمر وبعد ماودت الشغاله القهور لحقتها مونيا بالقدوع < التمر والرطب ) وجت هيونه وميثا وقعدو قدامهم وهيونه من الفشله يالله وقفت لان العيون كلها حولها وبعد ما نور صبتلهم القهوا وقفت ورا هيونه وكان المكان كله حريم كبار اما البنات تمو ساكتين مو متعودين عالوضع لانهم اول مره يشوفون هيونه وما تعودو على جو الجمعه وهي موجوده ( البنات بينهم وبين بعض كانه الغيره موصله H..... مريم وهي تكلم شيخه بصوت واطي علشان محد يسمعهم عارفين الي يسوونه غلط..... مريم : هاذي الي سيفوه ذابح عمره عشانها مو حلوه هيلقيه صح مو كشخه لبسها مو شي شيخه : حرام عليج مبين عليها حبوبه ولا تضلمين البنت وربي حلو وتجنن ولبسها جنان بعد مريم وهي حدها مغتاضه : بس مو احلا مني ولا من ميثا على شو خابه عمرها على جسمها حتا احنا اجسامنا احلا عهود : لا تخبين عمرج اهي احلا منج بجسمها وبشعرها وييها لا تحاولين لوج صدق حلوه واحلا منها كان اختارج سيف بدال ليروح يدور على غيرنا وزي ماتقولين هيلقيه انتي لو فيج خير تعالي نصها انتي حتا ربعها ماتسوين مريم والغيره النسوانيه شبت عندها : اقول انطبي انتي يسمينه اصلا انا الي ما باه حتى لو خطبني عهود وهي تغيض مريم : هاذا اذا خطبج ماما انتي عايشه احلام ورديه ههه هنا سمعتهم سلامه.... سلامه ميلت عمرها وقربت منهم وقالت.. سلامه : بتسكتون ولا افضحكم جدامها شسوت لكم البنت علشان تتكلمون عليها جذي حسابكم عند سيف ولله لخبره بالي ترمسون فيه الحين ونتي حسابج بعدين يمريوموه شيخه : والله انا ما قلت شي اهي الي تتكلم عنها تكفين سلاموه والله ما قلت شي لا تخبرينه تكفين سلامه : طيب انطبي وسكتي انتي وياها حسابكم خلاف لرجعنا البيت مريم وهي ضاعه بخرايطها بس سوت عمرها مو خايفه : خبريه ونا شخصني مسوي روحه ريال علينا يولي زين سلامه : ok خلاص لخبرته عرفتي شلون يولي خل يطوف اليوم على خير وبعد دقايق دق جوال هيونه رفعته علشان تشوف مين التصل ....... المتصل : روحي ومنسمي ميثا ميلت عمرها تبا التشف المتصل , وقالت بصوت واطي : الله الله روحي هاا هيونه تغيرت ملامحها : شش تكفين قصري صوتك لايسمعونك ههه وستاذنت وراحت لصاله الثانيه ... مريم بصوت واطي : شواخ شوفي شلون تمشي ههههههه شيخه : انطبي على القل مشيتها بهدوء مو مثلج كن حد ضاربج على ريلج انطبي لاخبر خالوه ام حسين محد بخليني اتهزب الا انتي .... ( طلعت هيونه وردت عليه........ هيونه : الو سيف : هلا حياتي وصلت خالتي ام حسين وميثا هيونه : اي وصلو . سيف : طيب رحو بعذبج وياي اليوم طلعيلي برا وجيبي وياج نور اباها تشيل الغراض هيونه ببتسامه : ok ثواني اخبر ميثا وجايه ( وخبرت ميثا ونادت نور وطلعو برا ، واول ماطلعت شافته يدخل سيارته وقرب لين الدوار قبل باب الفله بشوي ونزل وقربت هيونه وهي ودها تدخل وتخلي المهمه على نور لانها يوم شافته جاي عندها خقت بجد ..... سيف يكلم نور و عيونه على هيونه : نور شلي اغراض داخل سياره بسرعه ( نور وخذت الغراض ودخلتهم داخل . سيف جا عند هيونه ومسك يدها وقال : حياتي انا رايح لشباب بالميلس والغدا اذا جهزراح يتصلون فيني علشان ايي اخذه ok حياتي . هيونه وهي تجر الكلام : ok ميثا تبا تسلم عليك قبل لاتسير سيف قرب بسرعه وباسها على خدها : فديت الي يتكلم اماراتي هههههه والله احلى على شفاج هيونه ابتسمت وراحت داخل تناديها ، ميثا مبغت تطلعله على طول يمكن يكون ماهو فاضي لها او مستعجل هيونه دخلت وتلفتت حولها تدورها ولما لقتها كانت قاعده وسرحانه شوي بعالمها الوردي... هيونه : ميثا مو وقته حبوبه تسرحين سيف ناطرك برا ميثا بعد ماستوعبت ان في حد يناديها : هلا هيونه : تو الناس سيف ناطرك برا. ميثا قامت بسرعا وراحت برا ويوم شافته واقف ينطرها بلحضه مر عليها شريط ذكرياتها القديم الي تمنته لو يرجع ثواني ، نزلت عتب الباب وجت عنده وسلمت عليه . سيف : شحالج يدبه وربي مشتاقلج موووت ميثا : انا بخير وسهاله بس زعلانه منك سيفوه سيف : افا ليش وشو الي مزعلنج مني ومخليج مكشره جي علميني بس منو وانا اراويج فيه ميثا : 3 شهور ونص ما تتصل يضالم سيف حضنها : ولله كم مره اتصلت ليش انتي نسايه وكلمتج اكثر من مره بس العتب عالذاكره مو عليج ميثا : هههه هيه صح بس مرتين والباقي كله لمي شدعوه مالي غلا سيف : من هالسباله الي قال مالج غلا افا ولله ليش ترمسيني جي اسمعي انا الشباب ناطريني وعد مني اول مايروحون الحريم ايي انا والشباب ونقعد ويا بعض ولو تبين نتم لليل ميثا : هيه قص علي سيف : افا ونا في مره كذبت عليج ميثا وهي فاتحه عيونها عالخر : لا محشوم ولا مره كذبت علي من قال جذاب الي قال مايستحي سيف : هههه صادتني هههه يلا والله مايهون اشوفج زعلانه يلا ابتسمي ميثا : روح روح لا اعصب وارتكب فيك جريمه سيف وهو يضحك باسها على راسها وراح للميلس ...... ====================================== ميثا تمت واقفه شوي وابتسمت وهي تتذكر مواقفهم قبل وشلون اليام والساعات والدقايق وحتا الثواني تمشي ولا حد قدر يوقفها عند احلا ذكرياته الي جمعته بحلا ناس ناس عاش وياهم احلا واغلا الذكريات . تنهدت ولفت على الباب وراحت داخل وهي منزله راسها وتحاول تبعد هالفكره الي مو راضيه تروح منها ان هيونه خذت سيف منها ومهما حبت هيونه بيضل شي فقلبها مو راضي يروح. --------------------- دخلت داخل ببتسامه وراها كلام كثير ودها تشكيه لاي احد بس حبها لسيف الي مو راضي يزول اهوا الي مانعها تشكي لحد وتفضفض مافي خاطرها لانه بدا يخنقها... هيونه قربت منها وهي مبتسه.... هيونه : يلا يقلبي خلينا نقدم الشاي والفطاير ميثا : ok فديتج سبقيني ونا وراج........ ====================================== ( وبعد الشيل والحط والقومه والقعده وصل الغدا وتغدو الحريم بعد سالفه طويله . مشو وما بقا غير ام حسين وميثا وجدان وشما وسلامه والشباب. ---- هيونه رمت عمرها عالكنبه وغمضت عيونها من التعب هيونه بصوت هلكان : اوووو اول مره اتعب كذا ميثا جت ورمت عمرها جمبها : ونا بعد يربي ضهري للحين يوجعني ، اقول هيونه : قولي ميثا عدلت جلستها : قومي خلنا نجهز القهوى لان الشباب بيون هني هيونه قامت بسرعه : اي شباب ميثا : اي شباب بعد سيف وحسين وسالم وراشد وسلطان وحميد و...و ...و ..و ( وتمت تعددهم لين هيونه حطت يدها على فمها.... هيونه وهي منصدمه : باقي بعد ولا خلصتي ميثا شالت يدها وهي تضحك : هيه باقي ههههههههههه هيونه : يربي طيب انا مو متعوده ايلس وياهم ميثا برود : بتتعودين لاتحاتين ههه عادي مرت سالم كانت قبلج جي هيونه وهي خجلانه منها : طيب بقولك شي بس ميثا : قولي لا تستحين عادي هيونه : ميثا جد ولله عادي اذا لبست ملابسي العاديه ميثا ابتسمت : هيه عادي اكيد سيف اهو الي مخبرنج صح هيونه : اي سيف ميثا : معليج منه اهو قالج جي علشان الحريم ولا عادي احنا البنات بس اللبس الي دايم عند جمعه الهل او جلسه شبابيه يعني احنا والشباب نلبس جلابيات .... هيونه : معليه عذريني وربي انا ماتعودت كذا بس انشالله بحاول ميثا : لا تحاتين اصلا زين سالتيني لانج لو ما عرفتي راح تتوهقين ههههههه هيونه : فديت روحج جعلي ما خلا منج ( وضمتها ) ميثا : هيونه لا تخليني اصيح هههه هيونه تركتها : هههه كلش ولا يخرب الميكب ههههههه ميثا : هههه يلا اشوف السوالف خذتنا قومي خلنا نجهز القهوا وهم داخلين المطبخ شافو ام حسين لابسها عباتها وبطولتها وتوها بتطلع هيونه وهي شوي خجلانه منها لانها مو متعوده عليها . هيونه : وين يما تو الناس ام حسين مبتسمه وبتسامتها مبينه من ورا البطوله : يازين يما على فمك هيونه نزلت راسها وهي حدها وجها معاد فيه دم من الخجل ام حسين : لا فديتج انتو شباب ونا شقعدني وياكم بسير بيتي وراي اشغال لازم اخلصها هيونه : براحتج بس يما لازم تزوريني بكرا ام حسين : ماطلبتي باجر والي بعده انتي تامرين فديتج ، يلا أترخص انا ونتي يما هيونه لحتجتي شي ماعليج الا ترفعين السماعه وتتصلين فيني سمعتي يما وميثا بتعطيج الرقم ، يلا مع السلامه ( هيونه من بعد كلام ام حسين وهي حاسه براحه مو طبيعيه حست ان الكل حولها مع ان سيف مو مقصر بس الي فاقدته حنان امها والي بتعوضها عنه ام حسين الله يطول فعمرها ) ------------- ( الساعه 3 العصر مشت ام حسين لبيتها وميثا دقت على سيف علشان يسكر المجلس وييب الشباب داخل... طبعا سيف بدوره سوا الي طلبته ميثا وخذا الشباب ودخلو داخل ، هنا هيونه راحت فيها لانها لاول مره تشوفهم ويمكن شافتهم فالعرس بس من الخرعه ماتتذكرهم . سيف دخل وهو ماسك الباب علشان يدخلون سيف : حياكم شباب اول من دخل حسين وبعده سالم وباقي الشباب حسين موجه كلامه لميثا : ونتي وين ماروح مجابلتني اف لزقه حشا مو بنت ميثا : ولله محد ضربك على يدك وقالك دش سيف وهو يتلفت حوله : مو وقته هواشكم ميثا وين هيونه ميثا : اي ماتسال عن حد غيرها سيف : ونتي شعليج حرمتي وكيفي ناديها ميثا راحت تناديها..... وراحت لغرفتها واول مادخلت العرفه لقت هيونه تغير ملابسها بالموزع..... ميثا : ليش لبسج اول يخبل ليش غيرتيه هيونه : لا حياتي كان متكلف شوي ولبست هاذي احلا صح ميثا : هيه احلا بس هاذي سودا واللوان الي فيها قليله هيونه : اي علشان ماتلفت النضر وعندي شال يناسب لها انا اول مره اشوفهم وطبعا مرح اتزين كثير مو حلوه فحقي ميثا : براحتج حبيبتي يلا سيف ذبحنا من اليوم وهو يسال عنج هيونه ببتسامه : يلا يلا خلنا ننزل ( هيونه سوت روحها عادي بس اهي من داخل حدها ترجف ... نزلت واول ماوصلت لاخر عتبه من الدرج رفعت راسها وشافتهم كلهم قاعدين فصاله الي قدام الدرج على طول هيونه صبت عضامها من الخرعه وخصوصا انها اول مره تشوفهم وكانو واجد اكثر من 10. وقف لها سيف وجت اهي وميثا سبقتها ميثا وجلست بجمب سالم اما سيف قرب ومسك يدها وقعدها بجمبه اهي من الول ضايعه فخرايطها ولما مسكها خلاص راحت فيها ومصدقت قعدت لانها لو ماقعدت ..... ( بتقعد بطريقه ثانيه )...... حسين : حيا الله هيا شحالج هيونه والكلام يجر منها : بخير سالم : معليه بتتعودين على هالجمعه اعتبريني اخوج الكبير انا سالم سيف وهو محرج : ليش القافه انا الي بخبرها من انتم هيونه ضحكت على خباله ويوم انتبهت مسكت عمرها حسين : اي كذا ضحكي خذي راحتج سيف : هالمطفوق اسمه حسين اخو ميثا العود واثر واحد حاشرنا بالبيت حسين : احم احم انا طبعا هههه هيونه ابتسمتله لانه مبين عليه دمه حده خفيف .... سيف : وهذا سالم ( وذكرهم كلهم وما عد سلطان مع انه اول واحد راز وجهه بينهم هيونه تحط نفسها منتبهه وهي مو معهم اما سلطان دقرت وياه : ونا مو مالي عينك سيف : اوه نسيتك ولا تزعل هيونه هاذى سلطان اخر العنقود سلطان محرج : شو اخر العنقود سيف: هيه اخر العنقود مو عاجبنك سالم : يهووو مو وقتته تتهاوشون نحن جايين نستانس ok ميثا : وهيونه يلا علشان نيب شي للقعده سيف : هيه فديتكم القهوى اهم شي ميثا : ولا يهمك ثواني ويايين ( قامت وياها هيونه واول مادخلو المطبخ خذت نفس بصوت عالي.... ميثا : بسملاه عليج شو بلاج لهدرجه انتي شكلج تخافين من ضلج مو بس تخافين من الناس شو بلاج فديتج عادي ترا ولله مايعضون شوفي شحلاتهم كل واحد احلا من الثاني هيونه : واكثر واكثر يمااا وربي حاسه عضامي صبت يلا يلا خلنا ناخذ القهوى وباقي الغراض ( شالت هيونه صينيه القهوى ولحقتها ميثا بالتمر والحلا.... وراحو عند الشباب وبعد ما صبت لهم هيونه القهوى وصلتها ميثا لهم .. ( وتمو طول القعده حش بخلق الله وقصب فيهم وسوالف وناسه يعني اندمجو حدهم والقعده تعتبر قعده اسبوعيه كل يوم اربعاء وجمعه بعد الدوامات يتجمعون فبيت ام حسين وتبدا القعده من العصر لساعه 1 او 2 بليل ويمكن اذا في مجال ينامون عندهم..... ================================= ( ابو ضبي الساعه 4 العصر الجمعه...... ( وصلو بيت ابو شهد وبيت ابو بدر وراحو لفله ابو شهد يريحون شوي ومن دون لا يخبرون هيونه بوصولهم وبدور يدها تحكها وهي ماسكه الجوال تبي تكلم هيونه وتتطمن عليها بس الكل محذرها ما تتصل عليها لانهم الساعه 6 بيروحون لها..... ================================== ( الساعه 4 العصر ، بمطار قطر الدولي يوم الجمعه..... ( نواف توه واصل وحجزه على ابو ضبي جاهز كان مجهز لكل شي من هناك اول ماوصل ركب ويا تكسي وكان مشواره لدوحه وبعد ربع ساعه وصل نزل وهو كل مشاعر القهر الحقد على هالعالم متجمعه فيه يبي يوصل للامارات باي طريقه لو يروحلها مشي على رجيله بس يكحل عيونه بشوفه هيونه الي صورتها مو راضيه تفارق عيونه وهي حاضنته بالمطار وتبكي على كتفه كل ما تذكر هالمنضر عوره قلبه وحس بشي يخنقه ومو راضي يفكه نواف بينه وبين نفسه والدمعه مالقت حد يوقفها : اااه يربي حاس اني محبوس بين جدران همي وضيقي ما بيدي شي اسويه ، وينج وينج يهيونه خففي عني الي فيني وينج والله تعبت تعبت ولحد حاس فيني هيونه تكفين هيونه ردي لي لا تروحين الغيري انتي الهوا الي اتنفسه لنقطع عني اموت اموت اااه يربي اه ... ( دخل البيت وكان البيت حده هادي كنه فاضي توقع انهم نايمين نزل راعي التكسي وتم ينطر نواف ... ( دخل وركب فوق عالطول واول مادخل غرفته شاف ماجد نايم على فراشه ابتسم وقرب منه شال الفراش بخفيف عنه وسافه مبتسم وماسك صوره سحبها منه بشويش ولما شافها شاف صورته ويا بدور ، ابتسم وهو يتمنى له الخير وياها ويتمنى مايفرقهم الزمن زي ما فرق احلا ثنين هيونه ونواف فتح الكبت وعلى صوته صحا ماجد ........ ماجد وهو متثيقل عمره : اوووه يماا مو وقته ابي انام نواف : نام محد ضربك على يدك وقال لا تنام ماجد اول ماسمع صوت نواف فز على طوله ووقف على السرير ماجد وهو طاير عقله : انت انس ولا جن نواف ابتسم بصعوبه : لا انس انا اخوك يا حمار ماجد بعد ماستوعب الموقف نط عليه وضمه .... ماجد : اااااه فديتك متا رجعت احبك يالخايس امي تدري انك وصلت نواف وهو رايح فيها لان ماجد خنقه : زين زين حتا انا احبك هدني خنقتني ماجد هده وعطاه بقس على كتفه : متى رجعت انت وجهك نواف لف عنه وقعد يطلع اغراضه ومايبغا ماجد يشك بالي فيه وقال : توني قبل ربع ساعه ماجد وهو منصدم : نعم قبل كم مجنون انت طيب امي تدري انك وصلت نواف : لا لاني راح امشي الحين هنا ماجد حس انه يتحلم .... ماجد : اقول اقول اقرصني انا حاس انتي اتحلم نواف بنبره خانقتها العبره : وربي مالي خلف لسوالفك حدي ضايق ماجد : سيف انت شفيك اوه سوري قصدي نواف شفيك اليوم نواف لف عليه ونزلت دمعته : حتا هنا حتا هنا يربي مو خالص منه شيبغا فيني قلب حياتي جنني لاتنطق اسمه لا تنطق اسمه ( وخذا ثيابه وطلع يركض ركب التكسي ومشا ) ( وماجد للحين مو مستوعب الي صار ... ماجد بعد 5 دقايق ستوعب وراح يركض يناديه...... ماجد : نوااااف نواااف وينك وطلع يركض برا ولا لقاه وعرف انه مشا ورجع للغرفه وخذا جواله ودق ودق ولا رد عليه والمره السابعه طلع مقفل ماجد : يربي شسوي اعلم ابوي بالي صار ولا اسكت يربي شسوي ادق على هيونه ولا مو وقته ازعجها بتصالاتي لانها هي الوحيده الي تعرف رقمه الثاني يربي شسوي يربي مايصيرله شي نواف قوي ماتوقعت يصيرله كذا طيب شسبب الي خلاه يرد اااه لو اعرف بس ====================================== ( نواف ركب التكسي متوجه للمطار ..... ====================================== ( ابو ضبي الساعه 5 ونص المغرب .. ( فبيت سيف الشباب وميثا البنات محبو يطولون عندهم ويخلونها ليوم ثاني.... ( هيونه وسيف وصلوهم للباب وبعد ماراحو سكر سيف الباب ودخلو داخل وقعدو بالصاله الداخليه وشغلو التلفزيون.... وطبعا كالعاده الصمت الي مو راضي ينكسر بينهم سيف يحاول يتكلم بشي بس السالفه تنتهي ويرد الصمت زي ما كان قرب سيف منها وحط يده ورا ضهرها اهي هنا ذابت حست بجسمها كله يرتعش سيف وهو يناضرها : حياتي هيونه بصوت رايح فيها وهي حاسه ضهرها تجبس : لبيه سيف ببتسامه لانه حاس فيها ومستانس عالوضع : لبا روحج شرايج نطلع دبي بعد يومين هيونه من داخلها ودها تنط من الفرحه : براحتك انا ما عندي مانع سيف ببتسامه : اوك حياتي انا مشتهي هالمشوار من كم يوم ( وتوه بيقوم ... سيف : اوه صح كنت راح انسى ( ودخل يده فجيبه وطلع بطاقه ومدها لها هيونه ! : شنو هاذي سيف : هاذي ماستركارت سويتها لج اعذريني حياتي توني افضا المفروض مسويها من وقت هيونه حست بشي غريب أهي مو متعوده حد يعطيها فلوس او انها تطلب منه شي غريب واول مره يحصل لها وبعد صمت لثواني قالت... هيونه : لا مايحتاج انا عندي الماستر كارت حقتي سيف تضايق شوي ومسك عمره وقال : وينها هيونه : فوق بالشنطه سيف : حياتي اذا جا عمي تسلمينها له علطول لان هشي يضايقني هيونه خافت من نضرته لانها كانت جاده شوي وهو يكلمها... هيونه : هاذي حقتي انا مش لبابا سيف : انا عارف حياتي بس انتي الحين زوجتي انا وانا المسئول عنج واللي اقوله يمشي ok حياتي ، يلا خذي هاذي والرقم موجود مع الورقه وموجود رقم الحساب وكم الي فيه واذا حاسه انه مرح يكفيج انتي بس امري ( مسك يدها وحط البطاقه فيها ... هيونه خذت الورقه وفتحتها ... ----------------------------- رقم الحساب ( 238****** ) رقم البنك ( 948885******** ) رصيد الحساب ( ********* ) ----------------------------- هيونه : بس هاذي كثير انا مو محتاجته سيف : اوكي اهو حسابج والي فيه لج ونا كل شهر راح انزل فيه مبلغ طيب خلينا من هالسالفه انا مسويلج احلا مفاجأه بكرا الصبح راح تشوفينها وبتكون احلا من الي قبلها بذن الله...... هيونه هنا صارت بقمه الفرح : مفاجئا طيب من اي نوع هه سيف ببتسامه عريضه وهو يحاول يغيضها : شلون تستوي مفاجأه اذا خبرتج شو اهيا او من اي نوع اتحري لين بكرا الصبح وبتعرفين شو اهيا هيونه : ونا شنطرني لصبح سيف وهو يحاول يحرجها علشان لو بغت تحن ماتقدر.. سيف بنضره : اه ماتتكلمين على راحتج الــ.... قبل لايكمل قامت لانها عرفت شراح يقول ضحك وقام يركض وراها سيف : تعالي ولله مابكمل تعالي هيونه وجها صار احمر وكملت ولا ردت عليه..... مشا بسرعه ومسكها من وره ولوا عليها ... سيف : فديتج وربي تحلوين اذا استحيتي هي هنا خلاص معاد فيها دم نشف الدم الي بجسمها من الفشله وخرت يدينه وراحت تركض فوق وهو ميت عليها من الضحك....... سيف مابغا يلحقها لان عارف انها خلاص اكتفت اليوم من الحراج ... قعد بصاله وتم يطلع التلفزيون والملل ذابحه وعارف ان هيونه مو فاضيتله الحين و عارف انه جننها ...... رد راسه على ورى وتم يفكر.... سيف : ربي يخليها لي والله لو اتم دقيقه ما شوفها قدامي احس الشوق يذبحني احبها احبها بس شلون اقدر اخليها تحس بالحب كله من دوم ماتمله شلون ودي ارضيها على طول ودي ماخليها تحتاج لبشر لا فالحب والا بالحنان ولا المال ابي املا عليها دنيتها بس انشالله ربي يقدرني على هالشي.. هيونه كانت قاعده على طرف الدرج وسمعت كل شي قاله ابتسمت وقالت بصوت مايسمعه الا الحب الي بينهم هيونه : وربي ما ملله وشلون امله وهو منك ( ونزلت دمعتها من الفرحه الي عمرها ما بتزول وهي نشوف زول اغلا من فالكون قدامها ) احبك يسيف احبك حب مايعلم فيه الى ربي احبك وراحت غرفتها تمت شوي تفكر وتوازن عمرها وبعد ما أرتاحت شوي ولبست ملابسها لانها شتاقت لشبيبه ودها تروح لها شوي.... لبست قميص ابيض وبرموده جينز وسوت شعرها جديله ولبست كب وطلعت وهي نازلت تمنت انه مايشوفها ونزلت وهي عيونها على الصاله . هيونه بينها وبين نفسها : يربي مايشوفني. ولما نزلت مالقت احد وتوقعت انه طلع ارتاحت نفسيا وطلعت وبعد المشوار وصلت للاسطبل ودخلت وخذت شبيبه وطلعتها برا وركبت عليها ومشت فيها شوي ولما توازنت اسرعت شوي وبعد نص ساعه شافت انها تعبتها شوي نزلت وتمشت بالحديقه وتتفرج والبتسامه مو راضه تفارقها هيونه : وربي ماناقصني غير شوفت امي وابوي والبنات شتقتلهم موووت وبعد ماملت والجو حان حار شوي دخلت داخل وراحت لغرفتها وبدلت ملابسها وكالعاده اللبس الي دوم يريحها جينز وتيشيرت وعلشان مايكون شكلها مر عملي قدام سيف لبست حزام يغير شكل لبسها شوي وفتحت شعرها مع كلبس صغير وجزمه.. . . . http://www.up4ksa.com/uploads/a64188bd27.jpg . . . ونزلت تحت وقعدت بصاله وكملت الكتاب لانها للحين ماخلصته... ===================================== سيف راح لغرفه غلا هيونه معرفت انه موجود فالبيت توقعته راح لشباب او فالمجلس . من دخل الغرفه وهي يحاكي عمره.. سيف : اف يغلا شكثر مشتاك لشوفتج يترا لو جيتي بتكونين مثل ما تخيلتج ولا راح تكونين احلا فتح كبت الملابس وشاف اول فستان عنونو شراه بعد ما جهز الغرفه كان لونه زهري رووعه بعد ثواني وهو يناضره رده محله وخذا الجزمه الي ختارتها ميثا وناضرها وبتسم . . http://www.up4ksa.com/uploads/642fd82c79.jpg . . وتركها محلها وطلع وبعد دقايق وهو يتامل ، تنهد وطلع ، وراح غرفته يدور هيونه.... ===================================== ( فبيت ابو شهد الكل جاهز وركبو السياره وكانت فله سيف مر قريبه من فله ابو شهد يمكن طريقهم ياخذ خمس دقايق بس ....... وكان الكل فرحان وينطرون يوصلون ............. وبعد خمس دقايق وصلو فتحلهم البواب الباب لانه توقهم ضيوف زي باقي الضيوف الي جايين واول مادخلو السياره نزلو وفتح ناصر الباب ودخل وهو يتلفت يدور حد سيف او هيونه او حتا الشغاله علشان يسالها هيونه رفعت راسها وهي كنها شايفه شي غلط ولما انتبهت ان هاذا ناصر او الي واقف صرخت وجته تركض اهو لما شافها تقدم لها وضمها ودار فيها هيونه : وااااااااااااااااااااااااااي شتقتلك ناصر وهو ضامه : وربي حتا انا مشتاقلك ( ونزلها ) هيونه لفت وراها وشافت البنات والشباب وامها وابوها وخالتها الكل جاي لها اهي ماتدري شتسوي تبكي تسكت وشافت ابوها جاي لها وركضت له وضمته وبكت ابو شهد : افا افا ليش تبكين يبا هيونه ودمعتها على خدها : شتقتلك يبا تكفا ( وسكتت.. ابو شهد وهو حاس بهموم الدنيا على ضهره وهو يشوف بنته كذا ويتذكر الي فيها والي خلا الشيب يطلع فراسه من كثر ما يحاتيها ويندم على الساعه الي ترك بنته تتحمل هالشي بروحها ابو شهد انزلت دمعته ومسحها قبل لاحد يشوفه : فديت روحج ولا تبكين يبا هاذنا عندج هيونه تذكرت امها ولفت عليها وضمتها وبكت فحضنها ( هيونه رقه قلبها ما خلتها تمسك روحها ) ام شهد : فديتك يما لاتبكين هذا احنا حولك هيونه : يما مشتاقه لحضنك موت فديتك لميني يما ( وضمتها ام شهد وهي تبوسها على راسها ) ولفت على عمها وسلمت عليه وخالتها وبعد هم اختا شهد الي شتاقت لها موت وبدور الي لو ما جت وياهم كان صارلها شي وبعد كذا سلمت على الكل وهي تبكي مو عافه شتسوي ودخلو داخل هيونه وهي ماسكه يد بدور : واي بدور شكثر شتقتلج يالخايسه بدور : مو اكثر مني يالدبه بغيت ادق عليج بس ما خلوني حاطين حراسه علي -------------------------------------- سيف لما مالقا هيونه بالغرفه بدل ملابسه قط الكندوره النها من الصبح عليه ولبس غيرها ولف السفره وهو مقرر ياخذ هيونه وياه يطلعون يشمون هوا شوي... وهو نازل ويغني وطربان ...... نزل ولف على الصاله واول شخص لمحه ناصر سيف وهو منصدم : السلام لف عليه الكل ... ابو شهد : هلا سيف سيف تقدم وسلم على ابو شهد وابو بدر : هلا عمي شحالك ابو شهد : بخير انت شحالك سيف : بخير دامك بخير شحالك عمي بو بدر ابو بدر : بخير يولدي ها شخبار هيونه وياك اربها مو ماذيتك بنتي واعرفها سيف ابتسم وراح عندها ومسك يدها وقال : لا اصلا انا الي ماذيها هي ماتاذي حد فديتها هنا هيونه قلب وجها احمر لان الكل قام يطالعها سيف ببتسامه : حياك عمي بوبدر ليش واقف ونت عمي بو شهد ايلس ليش واقف ( وقعدو وراحت هيونه وبدور للمطبخ ... بدور وهي تكلمها بشويش : تقوليلي كل الي صار وبالتفصيل هيونه وهي تبتسم : ولا يهمك بس مو وقته ( ودخلو المطبخ وقالو للخدم يجيبون القهوى والقدوع وردو لصاله...... ( جت هيونه وقعدت جمب ابوها وبجمبها بدور ..... سيف : تو مانور البيت ابو شهد : منور بهالله يولدي ( جت القهوى وقامت هيونه وصبتلهم وقدمت لهم الحلا بعد التمر وتمو يسولون وشوفون اخبار بعض وهيونه وبدور للحين ماسكين يدين بعض... هيونه وقفت وخذت بدور وياها .. ابو شهد : وين رايحه يبا هيونه بصوت واطي لان سيف كان يناضرها : عن اذنكم ثواني ( وراحت فوق اهي وياها .... ( اول ماوصلو غرفه هيونه ودخلو... بدور : وااو غرفتك حدها كيوت هيونه تحط عمرها خجلانه : شرايج انها اهو الي مصممها بدور : جد ولله طلع ذوييق وحنا ما ندري ( ولفت ومشت تفرج عليها .... هيونه قربت وقعدت على السرير وبدور بعد ما تفرجت عالغرفه جت وقعدت جمبها بدور ببتسامه خبيثه : هيونه ( وغمزت لها ) قوليلي كل شي هيونه تضايقت شوي وقالت : لاتتعبين عمرج بتفكير ولا شي من الي تفكرين فيه وقطت عمرها وتمددت وسكرت عيونها . وبدور وهي مستغربه وخذت المخده وتسندت فجمبها وعلا مات التعجب حولها !!!!! بدور : شنو انتي صاحيه ولا جنيتي انتم صارلكم 3 شهور هيونه اذا في شي تكلمي هيونه : انتي ماتدرين عن شي بدور : بعصبيه شنو الي مادري عنه لو غيره كان من اول اسبوع وداك بيت اهلك انتي اكيد فيك شي هيونه انا بدور فضفضيلي فيك شي لان الي صاير شي مو طبيعي هيونه نزلت دمعتها : بدور انا مابي اتكلم فالسالفه وربي لتذكرتها قلبي يعورني عليه مابيدي شي بدور : شلون مابيدج شي فهميني انا غبيه ما افهم تكلمي وبتفصيل خاله لو درت مااعرف شراح يصير فهميني هيونه تكفين اعصابي بدت تتلف هيونه قلبها انقبض بقوه : وربي ماعرف لفكرت بس تفكير فالسالفه تجيني حالله خوف ورجفه مو طبيعيه اوهام تجيني وتروح وتوصل اني انهار لو لمح اهو لشي وربي يبدور تعبت تعبت اعرف انه صابر بس شتبغيني اسوي ( هنا هيونه ماقدرت تستحمل وبكت وغطت وجها بيدينها وهي متمدده على سريرها بدور ضمتها : خلاص يقلبي مهما كان لازم نلاقي حل لانه هالوضع مرح يدوم كثير هيونه : طيب خلنا ننزل لا يفقدونا بدور : يلا بس تعالي غسلي وجهك وخلني اعدل الميكب ليشكون بعد ان في شي ( وراحت وياها الحمام ( ونتو الكرامه ) وغسلت وجها وبعدها راحت لتواليت الي فالموزع وقعدت ..) هيونه : دودي تكفين تعرفين مكياجي الشدو ما ادانيه بس ضبطيلي الكحل والمسكرا بدور : تامرين امر ( وضبطت لها الكحل وشويه مسكرا وقلس ..... بدور وهي متضايقه تبي تعرف شسبب : يلا ننزل هيونه نفس الشي بس حاطه فقلبها وساكته : يلا ( ونزلو وكان الكل منسجميل ويسولف جت هيونه وقعدت يم البنات وطبعا بدورهن كل وحده سالتها سؤال ...... وهيونه طبعا جاوبتها وهي متشوقه لاسالتهن بس حتا وهي تسولف وفرحانه بجيتهن كان الموضوع الي تكلمت فيه اهي وبدور شاغلها وبدور نفس الشي كانت تبتسم بس ورا هالبتسامه كلام كثير سرحت بدور شوي وهي تكلم روحها بينها وبين نفسها... بدور : يفرحه ماتمت مالك حض فديت روحك وربي اكيد هالي صارلها له سبب وعلا ما اضن الي كانت خاله ام شهد تكلم امي فيه ولما دخلت غيرو الموضوع انا متاكده ويخوفي يكون الي فبالي صحيح يربي يكون كله اوهام بس لما اتاكد من هيونه . ناصر قدم عمره : هيونه هيونه : لبيه ناصر : لبه روحك شرايك بالمفاجئه الي سواها لك سيف هيونه ببتسامه رضا ولفت لانه مايحتاج تتكلم ابتسامتها ونضرتها تدل على كامل الرضا ناصر : طيب السكوت نعتبره علامه رضا ... مردت هيونه ولفت عالبنات وهي مبتسمه ... ======================================== ( فمطار الدوحه الساعه 7 المغرب...... ( الطياره للحين ما طارت تاخرت عن معادها بساعه وهشي وتر نواف الي مو ناقص يتوتر اكثر وبعد ماجهزت الطياره وركبو الركاب ومن بينهم نواف الي مو حاس بالي حوله من التعب اليام الي طافت اتعبته كثير ماينام ولا ياكل ول يفكر غير بهيونه وشلون بيردها له ولا يخليها بين يدين سيف ركب الطياره وهمومه طارت وياه تمناها تبقا وماتروح وياه بس كانت اقوا منه كانت متمسكه فيه وحساسه يقول انها راح تبقا على طول وياه على طول..... --------------------------------------- نواف تم ياضر الشباك الصغير الي جمبه وهمومه تحاكيه وهو يحاكيها ... نواف وهو حاط يده على صدره : اااه يربي ساعدني بالي انا فيه يربي ساعدني الضيقه بتخنقني وربي لو اموت ارحملي من هالعيشه الي ماذقت فيها الا المر بكتني وذلتني وكسرتني ونا الي مابكيت لمخلوق ولاقدر يذلني مخلوق ولا كسرني مخلوق الا هيا اهي كسرتني بس مو قادر اوقف عن حبها احبها ولخر يوم فحياتي احبها حب مايعلم فيه الا رب العباد... ( نواف والتعب هالكه من يومين مانام ذبل فيه ، نواف القديم نواف الي الضحكه ماتفارقه نواف الي المثل يضرب فيه بطوله وبجسمه وبحلاته راح كل هاذا الضحكه من اربع شهور مانرسمت على فمه وحلاته الي اختفت من الهم وجسمه الي نحف من التفكير خلاص نواف مرح يرد مثل اول الا بشي انه يرد هيونه له يردها على شان محد ياخذها غيره....) ---------------------------------------- ( فمطار ابو ظبي الساعه 8 ونص .. ( وصل نواف لبوظبي خلص كل شي ونزل ولما وطت رجله ارض الخير ابتسم بصعوبه ولما انتبه ان وقفته مالها داعي وقف تكسي وركب بعد ماركب شنطنه.. وراح لاقرب فندق فندق أبو ظبي جراند حجز له غرفه وبعد ماخلص كل شي راح لغرفته دور رقم .29. وغرفه .(....). دخل ورما عمره عالسرير ونام بثوبه من التعب... ======================================== ( ابو ضبي الساعه 10 المسا ..... ( فبيت سيف ........ هيونه توها طالعه من المطبخ ويا مي وراحو لصاله الداخليه محل ما اهم قاعدين هيونه : تفضلو العشا جاهز ابو شهد ناضر هيونه ببتسامه وهو يتكلم بينه وبين نفسه : ولله وكبرت بنتي الصغيرونه امس كنت الاعبها واليوم متزوجه ومنستره فبيت زوجها ربي يوفقك ورزقك بالذريه الصالحه امين ( وقام الكل للعشا وكالعاده الشي الوحيد والي دوم متمسكه فيه هيونه ماتاكل قدام حد لو شيصير قعدو عالعشا ينطرون البرنسيه هيونه والبرنسيسه بدور ولا وحده جت وقام حمد يناديهم ولما راح لصاله شافهن منجعفات وصوتهن يالله يطلع... حمد : بنات يلا ليش رجعتن هيونه : فديت روحك حمد والله مانبي حدي شبعانه بدور : اي ولله حدنا شبعانات مانبغا عشا حمد : كيفكن ( وطلع من الصاله وراح لهم وقالهم ان البنات مايبغون عشا .... ( تعشو ولما خلصو رجعو لصاله وهيونه وبدور جابو لهم مناديل معطره علشان يدينهم بعد العشا وتمت القعده لساعه 11 ...... ابو شهد يناضر الساعه : يلا يبا احنا تاخرنا خلونا نمشي هيونه نست عمرها من الصدمه : لا وين تمشون نامو عندنا اليله سيف : هيه والله عمي ماتولهتو على هيونه هيونه انتبهت لعمرها ووطت صوتها وقامت وقعدت جمب ابوها : بابا تكفا نام عندي الييله ابو شهد : لا يبا عندنا بيتنا ليش نعذب العرب ويانا ، ولا يهمك بكرا الضهر بنكون عندك شتبغين بعد هيونه وهي متضايقه ماصدقت شافتهم : يربي طيب خلو البنات عندي سيف سكت علشان مايوترها اهي اصلا نست وجوده وخذت راحتها وهي تتحايل على ابوها.. هيونه لفت على عمها ولوت عليه : عمي تكفا تكفا ابغا البنات ينامون عندي ابو بدر : لا يبا خليها بكرا هيونه بدلع : يعني لازم تزعلني منك ابو بدر وهيونه حدها كاسر خاطره : خلاص يبا بس مو كلهم هيونه : طيب ليش ابو بدر : خلاص ولا وحده هيونه : خلاص خلاص بس بدور ووعدني بكره ينامون عندي باقي البنات ابو بدر وهو يبوسها على خدها : وعد هيونه من الفرحه نطت عليه وضمته : فديت روحك هاذى عمي الي اعرفه ( وباسته على خده ) سيف وهو احلا منضر لهيونه عنده اذا انحرجت : ونا مالي وحده انا بعد حاولت اقنعه وياج هه هيونه بلعت العافيه من الفشله وسكتت والكل يضحك عليها سيف ماوقفها على كذا كمل : عمي توصطلي انا اولى بذا البوسه صح ابو شهد وهو فيه الضحكه : والله مابيدي شي يولدي ( ويغمز له ) هههههه سيف وهو يناضرها : طيب هالمره بتنازل بس مر ثانيه لا هيونه بصوت واطي وهي ناضر ابوها: يبا تبغا شاي ناصر وهو فاطس من الضحك : قديمه لعبوها قبلك ( وقام وجلس جمبها وهو روحه يحرج حد ) ناصر وهو ينغزها : وين بتنحاشين هيونه وهي حاطه يدها على خاصرتها وميته قهر : ناصر وجع تدري اني اكره هالحركه ايدك ثقيله ناصر وهو يعيدها : انا وجع سمعت يسيف شتقول مرتك سيف وهو يضحك عليهم : انتو دوم كذا وهيونه خاصرتها ذابحها وكنه دخل يده كلها فيها بصوت حده واطي وحاد : ااه وربي ماخليها لك معليه ناصر وقف وغمز لخالد علشان يساعده خالد على الطلب جاه يركض ودغدغوها صارو ثنينهم عليها ناصر وهو جايب جهده : شبتسوين ها اذا بيدك شي فكي عمرك هنا هيونه فقدت اعصابها : لااااااااااااااااااااااااا تكفا لااااااا ههههههه اه ههههههه خلااااااااااااااااااااص سيف يبي يقوم يفكها من يدينهم بس ماقدر يقوم من الضحك على شكلها وهي منسدحه وترفس وتصارخ ولاول مره يشوفها كذا .. سيف وهو معاد فيه نفس من الضحك : خلااااص تركوهااا بتموت ناصر وهو مو راضي يفكها وهي خلاص بتلفض انفاسها الخيره بتموت من الضحك : قوم انقذها اذا صدق تبغانا نفكها .. وقام له سيف يركض يفكها لان نفسها بدا ينقطع وترد تضحك خلاااص وصلت حدها ، ولما وصلهم دز ناصر وسحبها وقومها وهي من ألم خاصرتها ماقدرت توقف طاحت على الأرض وهي تضحك وماسكه خاصرتها .. سيف قعد عندها : خلاص ناصر مني بايع حرمتي انا ، ذبحتوها ههههه هيونه حاولت تقوم علشان تضربهم بس ماقدرت والبنات بدورهم ماسوو شي يذكر لانهم تعودو على هالوضع بس تمو يضحكون لين ماقالو بس .... هيونه مسكها سيف وقومها وقعدها عالكنبه وقعد يمها ... ناصر قط عمره جمب البنات بعيد شوي عن هيونه : وربي تعبت يديني تعورني وربي لو مافكك سيف مني كان رحتي فيها بس وربي شكلك نكته حده هههههههه هيونه وهي فيها البكيه من القهر : زين وربي لردها لك ااااه سيف تخرع عليها شوي : تعورتي هيونه وهي تعدل روحها لانها بجد من القهر نست روحها وتذكرت عمرها وهي ترفس وتصارخ قدامه وهشي مو بس ماخلا صوتها يطلع الا اخفاه مره وحده : لالا مو مره ( وهي بينها وبين نفسها تحس انا بتتفكك من الوجع وتتحلف بناصر من قلبها زياده على ماهو وجعها احرجها وفشلها قدام سيف ) ناصر : ونت للحين مستحيه كم صارلكم متزوجين اي فرديا يا وصرنا نحكي سوري منشانك كمان شو بدك سيف نزل راسه وبينه وبين نفسه : ليتنا شرات كل الي متزوجين ( ولف على هيونه وناضرها .... هيونه من نضرته فهمت كل كلمه فباله ونزلت راسها وهي قلبها من الخرعه بدا يدق بسرعه .... ابو شهد وهو يناضر الساعه : شرايك يبو بدر نمشي تاخرنا ابو بدر : صح تاخرنا يلا شباب بنات ( ولف على سيف الي ضاع بفكاره ) انشوفكم على خير يولدي سيف : ونت من اهل الخير يعمي وربي قعدتكم ماتنمل ( وسلمو على بعض وطلعو وصلوهم هيونه وبدور وسيف لباب الفله وقفو لين طلعو وسكر البواب باب الفله ) ( دخلو داخل وراحو لطابق الثاني وقعدو بالصاله الي قدام غرفه هيونه .... سيف : حيا الله بدور بدور وهو خجلانه منه : اله يحييك سيف ببتسامه : اخليكم على راحتكم ووقف وجا عند هيونه وقرب باسها على خدها وقال : انا داخل انام هيونه وهي صابه عضامها : ok ( سيف راح غرفته وسكر الباب ودخل الموزع وقط كندورته وشماغه وخذا الفوطه ودخل الحمام (ونتو الكرامه ) وخذاله شور وطلع وهو ياخذ سروال البيجامه لان يرتاح بسروال البيجاما من دون بلوزتها خذاها من الدرج وشاف طرف البوم محطوط برف ملابس هيونه قرب وخذا البوم وتوه بيفتحه.... سيف : هذا شي مايخصني المفروض مافتحه ( توه بيرده مكانه بس الفضول ذابحه وفتحه ) ( كانت نص او ثلاث ارباع الصور لهيونه مع واحد شايف وجهه بس مايدري حاول يتذكر ولما تذكر عرف انه نفس الشخص الي شافوه بالمطار تضايق وهو عارف ان رده فعله بتكون سلبيه انقهر كثير بس مسك روحه وذكر ربه لانه ممكن ياخذ الصور كلها ويشقها او يحرقها بمعنا اصح ............ سيف وهو يكلم روحه علشان يهدا : البنت ماتعودت على طبعي وعاداتنا ا( وياخذ نفس ) لازم اتعود على هالشي ( ويرد ياخذ نفس )، (واكثر صوره قهرته بشكل مو طبيعي صورتها وياه عالبحر مع ان الصوره كانت طبيعيه او عاديه كان لبسها عادي بس الي قهره انها رومنسيه شوي هيونه قاعده على الرمل ونواف فجنبها وحاط يده ورا ضهرها عفويه بس رومنسيه وهي الصوره الوحيده الي لها نسختين وحده ويا نواف ووحده ويا هيونه ) رما البوم على الرض وراح لفراشه علشان ينام لانه حده تعبان ولما وصل لفراشه تمدد وهو يفكر... سيف : يربي يربي تساعدني واقدر اكون زوج صالح لها ولعيالي الي مو عارف شلون راح اربيهم يربي ساعدني وقدرني على رضاك وساعد هيونه بالي فيها لان صبري له حدود ومو عارف متا راح يقول stoop خلاص مافيني اكمل كذا وخاف اسوي شي اندم عليه يفرقنا لان الغصب مو حل ياربي ساعدني ( ونام وهو يفكر والكلمه تردد فخاطره .. الغصب مو حل ..الغصب مو حل.......... -------------------------------------------- فالصاله وهيونه توها جايه من المطبخ ماسكه صينيه فيها شاكليت وبسكويت وببسي .. لسهره بدور كانت متمدده عند التلفزيون على بطنها لانها ماترتاح الا كذا جت هيونه وحطت الصنيه قدامهم وتمددت جمبها بدور : شكل السهره مطوله هيونه ببتسامه : بقوه مابخليك تنامين اللييله شتقتلك يالخايسه موووت بدور وهي تفتح الببسي : ونا اكثر يالدبه بس يويلك اذا تعودتي على السهر ونتي قداامك هالسم الي لشفته ما اقاوم هيونه : انا اكثر قبل كنت احاول اتجنبه لانكم تشجعوني والحين ماعندي الا اهو اقضي اليل وياه بدور : شنو وسيف وين راح صار الجاكلت الببسي اهم منه نسينا ما كلينا ونتي قبل ماتاكلين يوم كامل اذا سمعتي اشاعه عنه كدرت خاطرك ( بدور قالتها بشكل عفوي ونست كل الكلام الي دار بينهم..... هنا هيونه نزلت راسها وحطت الجلاكسي على الأرض وسكتت ..... بدور لما تكدرت هيونه تذكرت الي صايرلها عدلت جلستها وتربعت ومسكت يد هيونه وقومتها ، قامت هيونه وهي للحين منزله راسها لان هالشي ضايقها كثير ومو حابه تتكلم فالموضوع لانها لو تكلمت فيه بتبكي وهو مو حابه تخرب سهرتهم بدور : انا عارفه ماحصلت فرصه تتكلمين بالي قلتلك اياه اليوم المغرب بس الحين في فرصه ونا راح اساعدك بكل شي بس اهم شي تفكرين صح لان لانسان له صمام وصبره محدود وسيف للحين مانفذ صبره ولا حد يدري متى ينفذ طيعيني يهيونه الي يصير مو من مصلحتك ثلاث شهور ثلاث شهور يالضالمه وربي لوني منه من زمان متخلي كنك هيونه حاولتي تتصلين بدكتور هيونه لفت على بدور لان من كلمه بدور حسستها انها ناقصه : دكتور انتي شتقولين انا مو مجنونه بدور بنبره حاده : انت تتكلمين كذا يهيونه البنت العاقل تتكلم كذا ونتي عارفه ان الدكتور النفساني مو للمجانين ولا تقولين كذا علشان تتهربين هيونه سيف يحبك يحبك يالمجنونه ومو راضي يتخلا عنك ونتي حتا حقه مو معطته اياه هيونه هشي مو لصالحك طيعيني طيعيني وبتقولين بدور قالت . هيونه نزلت دمعتها ومسحتها على طول وهي حاسه بالصابع رجيلها ويدينها ترجف لمت رجيلها وحطت حنكها على ركبتها ولافه يدينها على رجيلها بدور : هيونه لا تقعدين هالقعده ماحبها لان ماتقعدين كذا الا لكنتي مستضعفه روحك انتي قويه يهيونه قويه ومو لازم تضعفين ... هيونه فكت يدينا : مو عارفه شسوي يبدور مو عارفه بدور : هيونه انا افكر بشي اهو كبير شوي بس يمكن صار وانا مو متاكده بس حاولت اشيل هالفكره بس كل الحتمالات تقول كذا ( تنهدت وهي مو عارفه تقول لهيونه ولا تسكت ) هيونه : وش الي تفكرين فيه حاولت تفكر تشغل عقلها وبعد صمت دقايق وهيونه على اعصابها حست انها لو تكلمت راح تهدم حيات هيونه على الخر وهالشي مرح يشفيها هالشي راح يمرضها اكثر وحاولت تتذكر مدرسه علم النفس والقصص الي كانت تقولها لهم لاتعالجون الخطا بالخطا لاتزيدون على الشخص خففو عنه... بدور : انسي السالفه قلبتها فمخي بس مرح تنفع هيونه مابغت تكثر حكي سكتت ......... اما بدور ماتدري شلون راح تساعد هيونه وتطلعها من الي فيها...... بدور : طيب لازم تشوفين دكتور لازم هيونه بعد تفكير : طيب اذا هالشي الي بخليني ارضي سيف انا ماعندي مانع بس مابروحله بكلمه عالتلفون بدور ببتسامه عريضه : اي هاذي هيونه الي اعرفها ( ومسكت يدها وبتسمت وقالت ) لاتضيعين اغلا هديه هداك اياها رب العالمين هيونه انتي صارلك شي تتمناه كل بنت انتي المفروض تحمدين الله على هالنعمه وتتمسكين فيها حاولي ونا مثل ماوعدتك راح اضل جمبك على طول حتا ونا بعيده بينا تلفون هيونه ارتاحت لكلام بدور وبتسمت ... بدور : عطني بوسه على هالبتسامه هيونه قامت وضمتها وقالت : الله لا يحرمني منك بدور : ولا منك فديت روحك , ( بدور حبت تغير السالفه لانها راح تنحل ومو وقته يتكدرون علشانها ) صح هيونه ترا الدراسه ما بقا عليها الا سبوعين بس هيونه ظاق خلقها سكتت شوي وتنهدت وقالت : يربي ابي ارد المدرسه وياكم شتقتلها وشتقت لهند وميشو وهنادي ومنيره والكل الكل بدور : صح هيونه انتي راح تتمين فالبيت هيونه : طبعا لا بس انا باقيلي سنه عالتخرج وادخل الجامعه ونا ماعرف حد هنا بعمري ومرح اجازف ودخل مدرسه هنا مع اني اتمنى اختلط وياهم وبس اخاف يمكن مايتقبلوني ونا اكره شي عندي اتم معزوله انتي تعرفين شكنت فالمدرسه واخاف هالثقه تروح بلاش بدور : طيب ومستقبلك هيونه : عادي لو ضاعت سنه دراسه انا بحياه جديده وما مداني اتاقلم وياها علشان اقابل دراستي بدور : وربي ما عندك سالفه هيونه : ربي يكتب الي فيه الخير انشالله يبدور ، طيب ماودك تنامين لان الساعه 2 باليل ونا من الصبح واعيه وحدي تعبانه ( وقامت وقعدت عالكنبه وبعد ثواني تذكرت الي صارلها اليوم ونطت الا اهي بحضن بدور ) بدور : اووووج شفيك ستخفيتي هيونه : تذكرت شي كنت ابغا اقولك عنه بدور بحماس : وشو خطير ولا عادي على شان اهئ عمري شلون بتحمس ... هيونه : ههههه وربي انك مخرفه اسمعي اليوم لما جتنا خاله ام حسين ............الخ ( قالتلها شصار اليوم من دخلت ام حسين لين ماطلعو الشباب والبنات والي صارلها ويا سيف والمفاجئه الي مسويها لها بكره الصبـح ...... ---===============================--- ( الدوحه يوم السبت الساعه 7 الصبح ...... ( عايله ابو نواف بغرفه الطعام يتفطرون علشان ابو نواف وماجد راح يروحون لشركه وروان للمعهد الصيفي حق دوره النقلش والكومبيوتر .... فغرفه الطعام قامت ام نواف وفتحت الباب الجام عالحديقه لان الهوا كان حلو الصبح وهم يتفطرون روان : وااو فتح ربي لج بواب الجنه الهوا يجنن ام نواف : وياج يقلبي ( ماجد كان سرحان بالي صار امس ومو مخليه مركز ، مثل الحلم جا وراح مثل الحلم حاول يخبر امه او ابوه او حتا روان بس ماقدر خاف انهم يحاتونه ويتصلون عليه ويزيدون همه هم .... ابو نواف : شفيك يبا نواف ماتاكل اوه قصدي ماجد ماجد لف على ابوه وهو فاتح عيونه عالخر تذكر موقفه ويا نواف لما ناداه سيف وعوره قلبه على اخوه ماجد : هاذا انا اكل يبا لا تحاتيني لطلعنا باخذلي ساندوج عطريق روان : ماجد توصلني ابي اكشخ فيك جدام خوياتي ماجد وهو مبتسم : ولا يهمج متا مخلصتي قوليلي ونا برسم الخدمه اوديج شتبغين بعد روان وهي تناضره منصدمه ! : انت ماجد ولا انا اتحلم ماجد : لازم تخربين على عمرج خلاص هونت مارح اوصلج روان : اي هاذا اخوي الي اعرفه لازم اترجاه علشان يوديني اما كذا علطول هاذي والله الغريبه ههه ماجد : انا بسياره دقيقتين القاج فيها ونتاخرتي بمشي روحي ويا الدريول ok روان : سمعا وطاعه انت تامر ( وتروح تركض تجيب عباتها وشيلتها وتلبسهم وتطلع وياه ) ( وصلها وراح يشم هوا شوي يم البحر لانه ضايق مره وبعد ماحس روحه ارتاح شوي راح لشركه على شان يقضي يومه زي باقي اليام الي قضاها )...... ---==============================--- ( ابو ضبي يوم السبت الساعه 8 الصبح ...... ( وهو اول يوم لسيف بالشركه بعد الثلاث شهور العسل الي قظاهم برى ...... صحا سيف وهو يتلفت حوله ومالقا هيونه والفراش اصلا ماتحرك جمبه يعني مانامت بالغرفه كالعاده كنها تتهرب منه سيف : زين انا راقد ليش مارقدت بالغرفه حتا ونا راقد بتخاف مني لازم كل يوم كذا يا احطها وهي ماتدري وبالويل علشان ماتحس كنها مو حرمتي ولا تركتها لو اموت ماقوم وشوفها فجنبي ااه ( وتنهد وقام ) ( وراح للحمام وغسل وجهه وفرش سنونه واخذ الفوطه وخذا شور وطلع دخل الموزع لقا ملابسه معلقه وجاهزه ومكويه ........ سيف وهو مبتسم : يربي بتجنني بتجنني ذا البنت بتقظي على اخر ايام عمري مهما اكون معصب عليها بثواني اروق ( خذا الكندوره ولبسها وتوه بيلبس الشماغ سمع صوت باب الغرفه طلع من الموزع وهو ماسك شماغه وشاف هيونه توها داخله من ملامحها مبين عليها منصدمه ... هيونه متوقعت انه صحا من النوم ولما قرب ابتسمت له وحطت روحها ايزي اهو ابتسم وقرب منها ولما وصلها ولف يدينه على خصرها حركته احرجتها شوي ونزلت راسها .. سيف وهو يناضرها : ليش مارقدتي هنا البارح هيونه رفعت راسها وتاشر عالباب االي وراها وهي للحين تناضر سيف : كنت عند بدور ماحبيت تنام بروحها سيف : ونا عادي ارقد بروحي ، يرضيج هالوضع ( ومسك يدها وقعدها على السرير وقعد يمها ) هيونه : بدور قاعده بروحها بـــ ــ ـ قاطعها وحط يده على فمها وقال : شششش خليني اكمل حبيبي انا عارف ومقدر بس مايستو جي حتا الرقاد بالغرفه ماترقدين لهدرجه انا اخوف...... ( سيف عارف انه مو وقته بس مرح يلقا فرصه ثانيه يكلمها فالموضوع لانها كلــــــعاده بتغير السالفه ) هيونه وهي الدموع بدت تتجمع فعيونها ونزلت راسها وبصوت واطي تحاول تفهمه لو بكلمتين تعبر عن مافي داخلها : مو بيدي ( وبعدها بكت وسيف عارف كل شي ومقدر بس مايدري ليش تصرف كذ ا ، وقلبه بدا يوجعه وهو يشوف دمعتها على خدها يمكن أهي ماتحس بهالدمعه لما تنزل على خدها مثل مايحس اهوا فيها ) ضمها على صدره وحتواها : خلاص يقلبي لا تبكين والله كل دمعه من عينج خنجر بصدري لاتبكين ( هيونه من بين دموعها ابتسامه بالحـــــــــــــــــــــب الي تشوفه من سيف كل يوم عن يوم يزيد ماينقص ) سيف وهيونه وهم فصمت لدقايق وسيف حاضنها ويهديها بكلام من دون صوت من القلب للقـــــــــــــــلب سيف : هديتي يروحي ومنسمي وكل هالدنيا وربي مارتاح الا ونا اشوف ابتسامتج دوم على شفاج هيونه ببتسامه لما تذكرت اسمه فجوالها (... روحي ومنسمي ....... هيونه : اي ( وسكتت شوي وبعدها قالت ) تكفا لا تزعل مني سيف ببتسامه ونضره رضا : انا لو ازعل من هالدنيا كلها مابزعل منج ، اوعديني الدموع هاذي ماشوفها مره ثانيه هيونه ابتسمت وهي تقول هالكلمه من قلبها : وعد سيف مسك يدها ويده الثانيه حطها ورا ضهرها وطلع وياها برا الغرفه وكانت بدور المسكينه تنطرهم عالفطور برا فالحديقه بس تاخرو عليها.... بدور : يربي هيونه ساعه علشان تجيب البوم الفطور برد ( سمعت صوت الباب لفت بس كانت الشمس عاكسه على النضاره وما شافت من الي طلع ، وبعد ماقطتها وشافت هيونه وسيف جايين ابتسمت لان قرب سيف من هيونه راح يساعدها كثير , جو وجلسو وياها مع ان بدور مو متعوده على سيف بس ارتاحتله ومعتبرته مثل خالد وسعد وباقي الشباب...... ( صحيح ان بدور ماتقبلت الموضوع فالول ان سيف كفنان يخطب هيونه ويناسبهم وحتا بعد ماتزوجو استصعبت الموضوع شوي بس بعدها صار الموضوع طبيعي صار سيف زوج هيونه وبس ) تفطرو ويا بعض وسيف كان يشرب الشاي ويرد يطالعها هيونه كانت تعرف انه يناضرها وتحط روحها ماتدري وتناضر المسبح وبدور شوي تبطها ضحك قدامهم وبعد ها ماحبت تكون ثقيله توها بتقوم ناداها سيف سيف : خليج ويا هيونه انا رايح لشركه خذي راحتج البيت بيتج بدور : تسلم ( سيف جا عند هيونه وقرب وكلمها فذنها بشويش وقال ....... سيف : ست ساعات بتكون كنها ست سنين بشتاقلج مووت ، احبج وابتسملها ومشا لسيارته هيونه توردت خدودها من ولما ركب سيارته خذت جوالها وارسلتله رساله سيف رن جواله نغمه الرساله طلع الجوال من جيبه وفتح الرساله وهو متاكد ان منها ....... المرسل : روحي ودنيتي المحتوى : احبك , لوصلت طمني ابتسم وحرك السياره ومشا وهيونه كانت تناضر السياره من بعيد وهو يشغلها ومشى واختفت سيارته قدام الفله فتحله البواب الباب ولما طلع سكره وراه ..... هيونه : اااه يربي متى تصير الساعه 2 ( وتلتفت على بدور وهي عابسه وجها ) ست ساعات بدور وهي مبتسمه : لا انتي مو طبيعيه بس الي اقوله ربي يهنيكم هيونه سكرت عيونها ورجت راسها على ورى : بتجربين واااي شعور يجنن يبدور احلا من الخيال بدور : يووه شوقتيني ترا اروح اتزوج هههههههههه هيونه : هههههه شرايك بندق على ماجد الحين تلقينه العاشق الولهان بفكر فيك الحين بدور وهي تنزل راسها : لا استحي لا تدقين ههههه هيونه : الي قدامي هاذي بدور ولا انا اتحلم هههههههه بدور : هههههه من جدك ليش انا خبله مثلك انا وماجد عايشين يومنا احنا روح واحد فجسدين هيونه فتحه عيونها : يربي اشوفك لجا تتكلمين كذا كله تسبينه وتحطمينه حرام الولد يحبك ونتي تتغلين بدور : خله يذوق عذاب الحب ومراره وبعدين مين الي يقول حرام ونتي شسويتي فنواف هههههه عذبتيه المسيكين ( هيونه كانت ناسيه السالفه كلها وبدور دوم لسانها متبري منها الي بقلبها على لسانها هيونه : نواف ( تنهدت وخنقتها العبره ) نواف بيلقاله بنت الحلال الي تسعده انا مابغا افكر فيه لاني لو فكرت بتعب بتعب يبدور بدور وقامت وجت فجنبها وضمتها : اسفه اسفه هيونه وربي مو قصدي تعرفيني انا لساني متبري منى هيونه ببتسامه وراه الهم الي تكود فثانيه : لالا عادي يقلبي نواف بذن الله بيلقى غيري ونا بذن الله اول وحده ترقص فعرسه واول وحده تباركله بذن الله بدور : وتقدرين راح يطاوعك قلبك تسوين كذا تقدرين تكلمينه وتقوليله مبروك تقدرين يهيونه هيونه وهي تحاول تقوي قلبها : اي و بذن الله ربي يقدرني على هالشي وصدقيني فتره وبينسى ( وهي عارفه وواثقه ان الي بقلب نواف شي كبير كبير مره ومو بهسهوله ينزال الي بقلبه حب صادق ماتزيله الجروح والقدار بس ربي كتبله الشقا ومايلقا هالحب عند هيونه لانها عطته لشخص ثاني وقلبها فدوره ماختار نواف ......) بدور وهي مستغربه من رده فعل هيونه بس تفائلت بخير ...... ============================================ ( سيف وهو طول الطريق وهو يفكر شلون راح يستحمل هالوقت وهو بعيد عن هيونه .......) ( وصل الشركه بعد نص ساعه وقف السياره بالـــ.. parking .. ونزل..... ( بالشركه وفمكتب سيف ..... السكرتير توه داخل على سيف : حمدالله على السلامه طال عمرك سيف : الله يسلمك ها اخبار الشغل انشالله ماشي تمام .. بندر : الحمدالله ماقصر حسين الله يطول بعمره والعم بو سالم بعد ماخلو شي ناقص سيف : الحمد الله اسمع يبندر روح ناد رؤساء القسام قولهم اباهم بعد ربع ساعه فقاعه الجتماعات فدور السابع بندر : ok ثواني وارسلها على اجهزتهم تامر شي ثاني سيف : لا تسلم بس لاتخلي حد يدخل علي الا بعد ربع ساعه ( طلع بندر وراح لمكتبه , اما سيف شغل الاب وبدا يشتغل ثواني وتذكر انه ماخبر هيونه انه وصل وخذا جواله بسرعه ودق عليها ..... سيف : يربي اكيد انها تحاتيني الحين ---------------------------------------- ( هيونه كانت فالحديقه ويا بدور يتكلمون عن جدول اليوم وين بطلعون وين بيتعشون وين وين سوالف مالها اول ولا تالي ....... هيونه : يربي سيف مادق علــــ.... ( وهي توها ماكملت كلمتها دق جوالها لاشعوريا لتفتت عليه وردت على طول ... هيونه : الو سيف : هلا روحي هيونه توردت خدودها : هلاوصلت (وقامت وراحت تمشي بعيد شوي لان لو قعدت مرح تخليهابدور بتعليقاتها.. سيف : هيه روحي وصلت فديت حسين وعمي بوسالم ماقصرو سوو الي عليهم وزياده هيونه : الحمد الله اخبار الشغل وياك سيف : تمام وانا من دون لاتسالين باحسن حال ونا اسمع صوتج رد لي روحي وربي هيونه طبعنا : .......... سيف : عارف انج مرح تردين بس تصدقين اني شتقتلج وموت بعد عارف اني مو صاحي بس استحمليني حبج ذبحني وغربلني بعد ههههه هيونه وهي ضايعه فخرايطها تمت ساكته وقالت فخاطرها : انت اكثر بس مو حاس احبك سيف : انا داق اسمع صوتج مو علشان تسكتين ترا اهد شغلي وجي اجابلج ترا اسويها ههههه يلا ردي هيونه : شتبغاني اقول انتا خليتلي شي سيف : اه قولي اي شي سولفي علي انا عندي اجتماع بعد 10 دقايق ومالي خلق له بس مضطر علشان اشوف احوال الشركه ، الا حياتي ماودج تطلعين اليوم هيونه : يمكن نطلع السوق ويا البنات العصر سيف : اوك حياتي انا راد الساعه 11 باخذج مشوار قبل لاتطلعين وياهم .... هيونه : طيب وشغلك سيف : الشغل مو طاير لرديت اكمله ، وشرايج حياتي منها نتغدا برا مليت من البيت اسبوع كامل مطلعنا هيونه ببتسامه : ok حياتي سيف وهو مو مستوعب : شو شو قلتي عيديها مو كنج قلتي حياتي هيونه : باي سيف : لالالا لا تبندين الخط ( طوووط ..طوووط.............. سيف : يربي بتذبحني انا شكلي بهد شغلي وبرد البيت ..... ============================================ ( ابو ضبي الساعه 10 ففندق ابو ضبي جراند....... ( نواف توه صاحي من النوم ولما ناضر الساعه فز على طوله ..... نواف : يربي انا شمرقدني لهلحزه من امس المغرب للحين نايم يربي عضامي متكسره ودي ارد انام.... ( قام متثيقل روحه وخذا فوطته من الشنطه ودخل الحمام ( ونتو الكرامه )وخذا شور ولف فوطته وطلع راح يم السرير ياخذ ثوبه رفع راسه وشاف المرايه قرب منها وتم يطالع روحه ... نواف : كل هالطول والعرض ( وحط يده على عضلاته ) ولا مليت عينها انا نص بنات قطر يتمنوني وماخترت الا اهي ليش يهيونه اجي لحد ريلج وتتركيني وتمشين ليش انا فيني شي غلط والا الغلط اني حبيتج ليش ( دمعت عينه وهو يفكر فيها رما نفسه على فراشه وهو يفكر شلون راح يكون كبير عليه هاليوم وشراح يصير هاذا هو الشي الي مخبيه الزمن له ومو عارف شلون رجله راح توديه لها وهو عارف ومتاكد ان سيف مرح يسمحله لو درا انه راح يشوفها ... ============================================= الي راح يصير بالجزء الجاي مو شويه هيونه راح تلبي طلب لسيف تمناه من ثلاث شهور ...... نواف عزم يروح يواجه سيف قبل لا يشوف هيونه ، وسلطان للمره الثانيه راح يشوف انوار وتبدا قصه الحب الي راح تجمعهم بالحلا مواقف وحسين لما يشوف لطيفه شراح يصير فيه احداث حلوه وقويه شوي ، تتوقعون شراح يصير بتنزل دمعه هيونه لما تعرف ولا بتتحمل الي كتبه ربها وقدره تابعوني ولا تبخلون علي بردودكم http://6p6b.net/uploads/92d2883f9e.gif . . . ; اختكـــــــــــــــــــــــــــــــــــــــم :@ مجنـــــــــــــــــــــــــــــــــــــــــــــــ ـــــــــــونه |
| الساعة الآن 07:47 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir