|
لا حرام ,, الله يعافي سلطان يسلموا ع البارت الطرر نتريا البارتات اليايه نونو كيوت |
الله يرحم يمووع ويعييين ظبوي انا بعدني ماقريت البارت كله بس الصراحه انا دخلت في القصه اشوي وكنت بروح صوب صحارى اشوف الحادث والسموحهـ |
انا اعتقد انه التحاليل غلطططط وان شاء الله سلطان ما بلاه شي وتسلم على البارت ونتريا البارت الياي |
البارت الرابع والعشرون النيرس : سلطـــــاان حدر سلطان ووياه سيف عند الدكتور الدكتور : سامحني يابني بس التحاليل كلها بتقول فيك سرطان فالدم سلطان + سيف : شــــــــــــوووو !!ا لدكتور : سرطان فالدم سلطان : دكتور لاتقول جيي قول غير هاا انــــااا !! مستحييييييل ( ودمعت عينه ) سيف : دكتور انت متأكد ؟ الدكتور : ايـــــواا ديه التحاليل ادامك يابني شوفهاا سيف : انزيين شي امل يتعالج ؟ الدكتور : اكيـــد في امــل بس لازم يبدى بسرعه يعني لو بدى من بكرى بيكون علاجه اسرع سيف : خلااص انشالله بنسير نحجز اليوم الدكتور : ده هو بيتعالج هنه سيف : لاابنسافر خارج احسن الدكتور : ممكن تعطيني رقمك يابني ، عشاان اي شي بخبرك فيه اذا كان عندنا دكتور زائر ممتاز اخبرك سلطان : هييه ( وعطاه رقمه ) سيف : مشكــوور دكتور ويود ايد سلطان الي صدق انصدم من خاطر وظهروا من الحجرة سلطان : مستحيـــــــــــــــل مستحـــــــــــــــل سيف : سلطان خلااص هذا بلااء من الله عسب يختبرك انشالله بتتعالج بتتعافى سلطان : يقولون لك سرطان يعني بموت خلااص قرب موتي سيف : استغفر الله سلطان استغفر ربك احيدك دووم قوي سلطان : القوي اييه يوم ويظعف سيف : مب شرط الي ناوي يظعف بيظعف والي ناوي يكمل ويتم قوي بيتم سلطان : سيف لاتخبر حد دخييييييلك ماباهم يزعلون عليه سيف : مايصييير جي لين متى مابنخبرهم ع الاقل بنخبر ابوك وابوي سلطان : لااااااا هالسر خله بيني وبينك سيف : وشو اقول ليدتي ان سألتني عنك ؟ سلطان : قلها ماكان فيه شي بس جي تعــب سيف : ليــــش ياسلطان ليـــــش انت جي تعذبهم زياااده سلطان : سيف والي يرحم والدييك ودني البحر اباا اسير البحر سيف : انزيين يلااا خل نسير ساروا سلطان وسيف وركبوا السيااره وتوجهوا للبحر فالعين تحديدا صوب مريم كانت يالسه روحها قالت بتتصل فام راشد عسب تقلها انهم بيونهم اليوم العصر بس مابتقول المناسبه ، شلت التلفون واتصلت وقالتلها انهم بيون وجيي طبعا عوشه قالتها حياج والبيت بيتج .. وعقب تموا يسولفون شوي وبندوا عن بعض .. مر الوقت بسرعه وردوا كلهم من دواماتهم ، الا سيف وسلطان الي اصلا ماداوموا وكانوا يالسين عالبحر سيف : سلطون خلاص يعني هاي هب نهايه العالم انشالله قال شي امل تتعالج سلطان : فيه سرطان اتعرف شو يعني ( وجان يصارخ ) سرطـــــــــــااان ( تمت دموعه تنزل بدون لايحس ابها ) سيف دمعت عينه ولوى على سلطان سيف : سلطان خلااص والله مارووم اشوفك جيي قم خل نرد البيت سلطان : رد روحك بتم يالس هنييه سيف : مابتحرك الا ويااك وبعدين يعني خلااص بتم جيي قم انزيين خل اوصلك البيت واسير احجزلنا لالمانياا نش سلطان :آآآه يالله ساروا سلطان وسيف وركبوا السياره وتحركوا .. عقب ماسيف وصل سلطان سار هو البيت وحدر الصاله جان يشوف ساره +راشد +اليده موزه +شيخه سيف : السلااام عليكم الكل : وعليكم السلام والرحمه اليده موزه : هاا بشر شحال ولدي سلطان ؟ هنيه ملامح سيف اتغيرت سيف : هاااه لا الحمدالله بخير اليده موزه : شو فيــه ولدي ، شو قاله الدختر ؟ سيف : مادري مادري ( وسار ) ساره : اوييييه بلااه سيف ؟ شيخه : جنه فيه شي ولا مضايج من شي اليده موزه : ياااوييليي ليكون سلطان فيه شيي شيخه : امييه لاتفاولين عالولد اليده موزه : عيل بلااه سيف ؟ ساره : مابلااه شي هو روحه جي شكله مشفرر اليده موزه تصاارخ : سيــــــــف ( وهيه ترمس ساره + شيخه ) ازقرووليي سيــــــف شيخه : انشالله اماايه ( وهيه ترمس ساره ) نشي ازقري اخوج ساره : اوكي وسارت ساره صوب حجرة سيف دق دق دق سيف : منــــوو ؟ ساره : يور سيس ، بطل البااب انا سارووه سيف بطل الباب سيف : خيــرر ؟ ساره خير بويهك يدوه تباك ، وبعدين بلاااك ؟ سلطان فيه شيي ؟ سيف : اووهوووو قلتلكم مابلااه شي بس انا شوي مضايج من شيي ساره : اوكـــــي سر خبر يدتي انا مايخصني سيف : اوكي ببدل وبنزل ، اوامر ثانيه ؟ ساره : نوب ثانكس ( وسارت عنه ) رد سيف وحدر حجرته وتم يرمس روحه : يعني الحين شو اقول للعيوز اوكي بقلها تعـــب شرات ماقال سلطان بـــس شو اقول لابويه الي بقله نبا نسافر انا وسلطان اكيــد بيسألنا عن سبب السفر اكييد مابيصدق انه سياحه ياربي ساعدني بـــــس عقب بدل وصلى ونزل تحت وسار صوب يدته اليده موزه : سيـــف فديتك قلي بلاااك ؟ سيف وهو يبتسم ابتسامه ذابله : مــــااشي ، ليش ؟ اليده موزه : لاا فيــــــك قلي الصدق سلطان فيه شيي ؟ سيف : لا فديتج الدختر قاله تعــب وكثرة السهر بــس اليده موزه : الحمدالله ريحــت قلبي عسى الله يريح قلبك سيف : آآآآميـــــن ، تغديتوا ؟ الكل : لا الحين سايريين عقب توجهوا كلهم لحجرة الاكل ويلسوا ياكلون صوب سلطان الي من اول ماحدر البيت وهو هب على بعضه على طول توجه لحجرته بدل وصلى وانسدح عالشبريه وهو بعده مصدوووم هب مصدق انه فيه السرطان سلطان : معقــوووله !! ، وحبي لساره وين سار خلاااص كل شي انهدم مستقبلي انهدم ويلس يصيــــــح بصمت جان مره وحده تحدر عليه ميره ميره انصدمت : اوييييييه سلطووون بلاااك ؟ سلطان حرج : حد يدش جي بدون لايدق الباااااب ؟ ميره زاغت لانها اول مره تشوف سلطان جيي ميره : آآآسفه ، بس بلاااك سلطان صارخ : مـــــااشي اظهري بـــرع برررررع ميره زاغت على طول ربعت خاري ودموعها فعينها وهيه تفكر يعني بلااه سلطان ليش جي حالته ؟!!! معقوله ساره جي سوتبه .. لالا مستحييل اكيد في شي ثاني سارت ميره حجرتها وهيه تفكر جان تيود تلفونها وتتصل بساره يمكن ساره تعرف شيي ميره : ســــــاارووه ساره : بسم الله بلاااج ؟ ميره وهيه نصييح : سلطان مادري بلاااه حدرت عليه الحجرة بالغلط حالته حاله كان منسدح عالشبريه ودموعه فعينه ويوم رمسته صوته متغيـــر وصاير عصبي واايد كله يصاارخ ساره : شـــــــوووو !! معقوله شالسالفه حتى سيف هب على بعضه وكل يتهرب منا وموول مايرمس ويانا واايد ميره : حتى مب طاايع يتغدى كل ماله نفـــس ساره : اكيـــــــد صاير شي ميره : هيه بس شو هالشي الله واعلم ، ساروه بصرااحه ماتحمل اشوف سلطون جــي ساره : انـــاا بعد ، اقلج بطرشله مسج بشوف بيرد علييه ميره : اوكيــه ساره : ان رد علييه بتصل فيج وبخبرج اوكي ميره : اوكييك انا بعد ببند عنج الحين بااي ساره : بااي سكرت ساره عن ميره وتمت تكتب مسج حق سلطان وطرشته |
( سلطــوون شو بلاكم انت وسيف ؟! شي صاير ؟! بليييز رد علي لو لي معزه بقلبك ) سلطان من قرى هالمسج غلق مبايله فرااه بكل عصبيه وتمت عيونه ادمع وتم يفكر فـ ساره حبيبه قلبه الي مالها ذنب بشي لو عرفت بموت سلطان شو بيصيير !!! تم يفكر ويفكر واتخذ قراار ان يخلي ساره تكرهه عسب يوم يموت ماتتأثر بموته ويصيبها شرات ماصاب ظبوي ، وتم يفكر شقايل ساروه عرفت ان شي بلااي اكيـــد هاي السوسه ميروه ظهر وسار صوب حجرتها وتم يدق الباب بالقوو سلطان : بطلـــــي ميره زااغت وبطلت الباب بسرعه ميره : شوو شوو بلاااك ؟ سلطان : منو مخبر ساره ان فيه شيي ؟ ميره وهيه ميته من الزيااغ : انـــــاا سلطان : وصلي الرمسه لربيعتج ان مايخصهاا فيني وان الي بيني وبينها كان زمــــــاان ونسيته وبعدين مب اي شي يصيري تسيرين وتخبرين اي حد عصبت ميره : شوو تقول انت صاااحيي ؟! هاي الي عقولتك ربيعتي كنت ميـت عسب تسويلك سالفه ويوم سوتلك سالفه بعتها برخيــص وهاي قبل لاتكون ربيعتي ولا كنت تحبها هااي بنت عمنا نسيت ولا شوو ؟! ، اصلا انت شكلك اليوم هب صااحي فيــك شي ، ماتوقعتك جــي ياسلطان تلعب بقلب بنت عمك افــااا والله افـــااا هنيه سلطان ماتحمل رمستها عطاها طرااااااااق وظهر من حجرتها وتوجه لحجرته وميره طاحت ع شبريتها وتمت تصيــــــح وتشاهق ماتوقعت ان اخوها سلطان **** جي لهالدرجه صوب ساره تمت ساره تتريا جواب سلطان بس يأست ماشي فايده هنييه تأكدت ان شي بلاهم صاير شي بس مايبون يخبرونهم اما صوب سيف الي كان يالس ويا ابوه عسب يقنعه انه هو وسلطان بيسيرون ألمانيا سياحه محمد : الحين تبا تقنعني انكم سايرين سياحه لاتحااول قلي شو صايير ؟ سيف : صدقني ابويه مافي شيي بس جي حبيناا نغير جوو محمد : صدق السالفه ماتدخل العقل بس بحاول اصدقكم انت وولد عمك وبرمس ابوه وبحاول اقنعه وانت سير واحجز ولو احتجتوا شي ولا فكرتوا تخبرونا ولا تبون مساعده نحن جاهزيين ترانا هلكم لاتنسوون سيف : انشالله ( وحبه على راسه ) مشكـــور ابويه وظهر سيف من مكتب ابوه وهو مستاانس ان ابوه حاول يتفهم وان شي امل لعلاج سلطان قبل لاسيف يصد عالدري شاف عمته مريم ومايد وفاطمه حدروا سار وسلم عليهم ويلس وياهم الين مايت امه وسار زقر ابوه وساروا الشباب الميلس تمن الحريم يالسات ويسولفن جان مره وحده تفتح مريم الموضوع مريم : بصرااحه ياام راشد نحن اليوم ياين نطلب ايد بنتكم ساره لولدنا ماايد عوشه : هااي الساعه المباركه بس مثل ماتعارفين لازم ناخذ راي البنت ونشوف راي ابوها ومايد مشالله عليه ريال ماينعااب مريم : طبعا ها من حقها ولا تغصبونها ع شي ماتبااه عوشه : اكيـــد مريم : عيل وينها خل نسلم علييهاا عوشه : اتلاقينا فوق يا اتذاكر او اترمس ميره بسير ازقرها وايكم مريم : انزيين سارت عوشه صوب ساره ولقتها تذاكر عوشه : سااروه نشي تعدلي عمتج مريم ويا بنتها فاطمه تحت ساره : صـــــــدق !! بس انا يالسه اذااكر الحيين عوشه : لااحقه عالمذاكره انتي نشــــي الحيين ساره : انشالله سارت ساره وتلبست لبست مخوره ورديه ورفعت شعرها كله بتوكه ورديه ورسمت عيونها بجحال اسود وتعطرت ونزلت مريم : هلا والله ساره : اهليـــن شحالج عموه ؟ شحالج فطيم ؟ مريم + فاطمه : الحمدالله تماام ، شحالج انتي ؟ ساره : والله الحمدالله ماشي الحــاال وسارت ساره ويلست حذال فاطمه ساره : ترى رشود لين الحين هب يااي فاطمه : هههههه مب ياين لراشد ياينج انتي ساره ببراءه : ليــــش ترى ماسويت شيي !! فاطمه: ههههههههههههههه بتعارفيين قريب انشالله مريم : يالله يما سيري ازقري مايد فاطمه وهيه ترمس ساره : سيريي انتي استحي احدر الميلس اخوج سيف هنااك ساره : لااا والله ماتبين شي ثااني !! فاطمه : هههههههه ياويلي ها مستحى ولا شوو ساره : اشعنه استحيي بعد !! فاطمه :خخخخخخ مادري مادري وسارت تزقر مايد عسب يسيرون ، طبعا محمد اصر على مريم اتم الين للعشى بس مريم ماطاعت عقب ماساروا قوم مريم عوشه لوت على ساره عوشه : فديتــــــج والله وكبرتي وصلروا ايون ويخطبونج ساره : شــــوووو ؟! محمد : ههههههه مايد ولد عمتج يا وخطبج اليوم من سمعت هالجمله ركضت ساره حجرتها وقفلت الباب ويلست اتصيييييييييييح عقب لبست عباتها وقالت بتسير عند ميروه ماتستحمل تيلس فالبيت دقيقه سار سيف حجرته وشل تلفون وشاف رقم بيت عمه حميد عالشاشه قال اكييد سلطان رد عليه سلطان كان محرج : انــــت ماتقلي ويينك ؟ سيف : سوووري والله بس قوم عمتي يايين عندناا سلطان : عموو مريم ؟!!!! سيف : هيه سلطان : انزيين شو قال ابوك عن السفر سيف : ما سألتني قوم عموو شو كانوا يبون ؟ سلطان : انا اسألك عن التذاكر !! وانت تقلي عن عموو مريم !! انزين شو كانوا يبون ؟ سيف : مايد كان ياي يخطب ساره سلطان وجنه حد صب عليه ماي بارد : شــووووه !! سيف : هيه والله سلطان : وشو ردوا عليه ؟ سيف : لين الحين ماردوا علييه ، اقلك عن السفر ابويه طااع بس شكله هب مصدق انه سياحه سلطان : اوكي اوكي انا بخليك باي وسكر حتى بدون لايسمع رد سيف ، سلطان من سمعه الجمله مايد كان ياي يخطب ساره شي استوابه انقهر وانصدم وماتوقع بهالسهوله خلااص ساره بتسير عنه وتم يفكر عقب قال : خلاااص انا قريب وبموت ليش اخلي البنت تتعذب وياي خل تاخذ مايد ويريحها مني وهاي طريقه بعد عسب تنسااني .. سار سلطان حجرته وشل سويجه ونزل تحت قبل لايبطل باب الصاله تبطل وشاف ساره والدموع على عينها اول ماشافها بهالحاله كان وده يحضنها ويخفف عليها بس قال بيطشها عقب غير رايه ورمس سلطان : ها خطبج ؟ ساره وهيه مقهوره : مااباااه ماااباااه سلطان وهو يتطنز : ليـــــــش !! ساره : سلطان والله هب متفيجتلك الي فيني كافيني ارحم حاالي سلطان : خذي مايد ، وافقي علييه وانسي سلطان الي كاان ... ( وسكت ) ميره وهيه تصارخ : الي كان يلعب عليــــــــــــج صح ساره انصدمت من ردة فعل ميره سلطان : انتي شو تسويين ؟ ميره : مايخصك (وجان تربع وتسحب ساره) شو تبا بالبنت تبا تعذبها زيااده يالحقييير يالي ماتستحي والله استحي اقول انك اخوي ما اتنزل يكون عندي اخوو شرااتك ياللعاااب سلطان مارام يستحمل رمسه ميره صفعها مره ثانيه وسار صوب سيارته وكل كلمه من كلمات ميره جنها طعنه بقلبه ساره انصدمت من كل الي صار جدامها وميره الي ردت تصييح بس هالمره بصمت لانها كانت متوقعه هالصفعه ساره وهيه تمسح دموعها : ميرووه شو الي صااير ميره وهيه تصييح : سااروه وافقي على مايد وخل سلطان يلتعن ساره صاحت : ميرووه ليش قوليلي ليش ؟ ميره صارخت : جـــــيي بدون اسبااب ساره : وشوو تفسرين كل الي صار جداامي ميره : سااارووه ودري سلطان هذا واحد لعااب مايحب الا نفسه ماسمعتييه شو قالي اليوم ولا جان بتكرهينه شرات ما انا اكرهه ساره : بس انـــاا احبه مستحيــــل اكرهه و انساااه وانتي الوحيده تعارفين رايي بـ مايد وسلطان ميره : انا قلتلج وانتي براايج سوي الي تبينه ، وترى هالصفعه بالنسبه لصفعه مساعه ولااشي ساره : سلطان ليش جي صاير جاسي ( وصارخت ) ليـــــــش ؟! صوب سلطان الي من ركب سيارته وهو مب على بعضه تم يفكر برمسه ميره وساره ، وتم يقنع عمره ان ساره خلااص كرهته بس هو بعده يحبهاا ولو شو سوى بيتم يحبهاا وبدون لايحس بعمره شاف عمره واقف جدام البحر نزل ويلس جدام البحر يمكن شوي البحر يخفف عليه ويشيل بعض همومه صوب ساره وميره ميره خبرت ساره بكل شي ساره انصدمت : مستحيـــــــل ما اصدق مستحييييل سلطان كان يلعب علي باعني بهالسهوله !! ميره : شو تفسرين رمسته يعني ؟ ساره : مادري مادري ميره : لااازم تنسينه عسب تردين وتعيشين حياتج وتبين راايي وافقي على مايد ساره : ما اتخيل اكون حرمه مايد ما اتخيـــــــل (يلست تصييح ) ميره : لاتصيحيين خلج اقوى من كل شي خذي مايد واقهرييه ساره : كيف جي تقولين ها اخوج وبعديين حبي له شو اسويبه ميره عصبت : قلتلج انسيـــــــــه ساره ردت اتصيح : مااارووم ماااروووم ميره صارخت : اتروميــــــــــن فـ بيت محمد تحديدا صوب سيف الي كان يتصل بسلطان بس تلفونه كان مغلق تم يحاول اكثر عن خمس مرات بس ماشي فايده شكله غالق فونه ومابيبطله تم يالس يحاتي سلطان يدريبه مينون يسوي اي شي وكان خايف عليه لايسوي شي بعمره ، ارتـــااح لما شاف سلطان حادر عليهم البيت سلطان : السلام عليكم سيف : وعليكم السلام والرحمه ، انت ماتقلي وينك حرقت تلفونك من كثر ما اتصل كله مغلق سلطان : هيه غالق تلفوني مابا ارمس حد ، انزيين حجزت ؟ سيف : هيه حجزت بس ماحصلت لباجر حصلت ليوم السبت يعني ورا باجر سلطان : زيـــن ، وحجزت لنا فندق سيف : انشالله بحجر بعد شوي ، بلااك احسك مضايج ؟ سلطان : وهو في شي مايضاايج ؟ سيف : ماعلييه هونها وتهون انشالله تتعافى وتردلنا احسن عن قبل سلطان : دخيـــلك لاتظحكني سيف : افففف منك تقهر قسم بالله سلطان : اسكت اليوم ظهرت غيظي كله بميروه صفعتها مرتين مالي ويه اجابلهاا سيف انصدم : شــــوووه !! سلطان هب لهاي الدرجه عااد هاي اختك سلطان : احسها كرهتني من خـــااطر سيف : يوم بترد البيت سير واستسمح منهاا ترى مالها غيرك ولا انت لك غيرهاا سلطان : اكيـــد بحاول اسير واستسمح منها واخبرها بسالفتي سيف : بتخبرهاا ؟! سلطان : هيه بس ميروه ف هاللحظه حدرت عليهم ساره الي ماكانت منتبه لسيف وسلطان وكانت تصيـــــــــح من خاطر على طول ربعت لحجرة يدتها وطاخت فحظنها ويلست اتصييح سيف : بسم الله بلاااهاا البنت ؟ سلطان من جاف حالة سارة كره عمره كان وده يموت ولا يسويبهاا جيي بغى يشرد ويظهر من البيت عسب مايشوف دموعها الي تجتله بس سيف يوده سيف : ويـــن ساير ، عشاك اليوم علييناا سلطان مارمس لأنه لو رمس دموعه بتخونه وبتنزل سيف : دقاايق بشوف ساروه بلااها وبييك سار سيف صوب ساره الي كانت فحظن يدتها تصيح واليده تحاول تخفف عليها وتعرف السالفه بنفس الوقت سيف : سااروه بلااج ؟ ساره :......... اليده موزه : خلها ياولدي بعدين بنعرف البنت شكلها تعباانه ظهر سيف ورد ويلس حذال سلطان سيف : معقوله كل ها عسب ميود خطبهاا ؟ ، ولا شو رايك ؟ سلطان : مادري سيف : انت لو تشوف شكلها وهيه فحضن يدوه ويالسه تصييح خاطرك تسير وتصييح ويااهااا والله تكسر الخااطر هالبنت سلطان : ......... سيف : بلاااك ساكت ؟ سلطان : ماشي شو تباني اقول ؟ سيف : اشوفك ماتعلق !! ، ماكانت هاي الحبيبه ؟! سلطان : كـــــــــااانت سيف استغرب : يعني الحين خلااص ؟ سلطان : تقريبا سيف : من متى ؟ سلطان : من اليوم سيف : لاتقلي عسب سالفتنااا سلطان : هييه سيف : انت رمستهااا ؟!!!!! سلطان :........... سيف : يالثوووور انزيين يمكن تتعافى سلطان : سيف خلاااص قلتلك ان السرطان هب شي هييين وبعديين ماباها تتعذب زياده خل تاخذ ميود احسن سيف : هالرمسه من خاطرك ؟ سلطان : هيه سيف : احلــــف سلطان :........... سيف : والله حراام عليك تهدم هالحب بسهوله وعسب سبب سخيــف وتافهه سلطان حرج : سيف خلااص السبب هب سخيف ولا تافه سيف : والله برايك انا مايخصني فيك جان تظهر اليده موزه من حجرتها وسارت يلست عند سلطان اليده موزه : شحالك فديتك ؟ سلطان : الحمدالله ماشي حالي ، ومن صوبج ؟ اليده موزه : الحمدالله سيف : الا وين ساروه ؟ اليده موزه : فديتها والله قطعت قلبي هالبنت يلست تصييح لين ما نامت سلطان من سمع رمسة يدته هو الثاني قلبه تقطع وتم يفكر اشقاايل ساره هانت عليه اشقايل جي سوابها جان مره وحده يذكر مرضه وتم سرحــــاان ويفكر شو راح يكون مصيره بيتعالج ولا شووو ؟ سيف : حوووووووه وين وصلت سلطان وهو توه ينتبه : خير خير شو صاير ؟ سيف : ماشي بس انرمسك وانت فعااالم سلطان : كنت افكر فالسفره وين بنسير وين بنظهر اليده موزه : شوووه بتسافرون ؟! سيف : هيه يدوه بس دخيييلج مانباا حد يعرف اليده موزه : ليش ؟ سلطان : عسب مايحشروناا بس ابويه وعمي يدرون اليده موزه : انزيين وين ساريين ومتى ؟ سيف : سايريين ألمانيا انشالله يوم السبت بنسير يعني عقب يومين اليده موزه : زين زين عسى ربي يردكم بالسلاامه سلطان + سيف : آآآآآآميـــن جان تحدر عليهم عوشه عوشه : السلاام عليكم الكل : وعليكم السلام والرحمه عوشه : الا وينها بنتي اتصلت بـ ميره قالت مب عندنا ظهرت من ساعه وسرت حجرتها ماحصلتها ولا هيه وياكم هنييه اليده موزه : فديتها رااقده فحجرتييه عوشه : اشعنـــه شو ماعندها حجرة ؟ اليده موزه : خليــها برايهااا ، الا وين شيخه ؟ عوشه : فوق يالسه تطالع تلفزيون اليده موزه : سيفااني الساعه كم الحين ؟ سيف : الساعه 7 ونص اليده موزه : يالله عيل بسير اصلي المغرب تأخرت عالصلااه فالعين تحديدا فبيت مريم كان الكل متيمعين تحت فالصاله ويرمسون عن مايد وساره خميس : الصرااحه هاي الخطبه مادري ليش مب داشه فراسي مايد : وانت شو دش فراسك عسب هاي الخطبه ع قولت ادش فراسك ؟ خميس : مايخصك ميثا : عااشواا عااشوااا ضراابه خميس : سكتي انتي لما الكباار يرمسون اليااهاالوو ينجبون مايد : هيه صح انتي مايخصج لاتدخليين فاطمه : ههههههههه وجاان ينقلبون عليج ميثا : هيه ماترومون ع حد يتوا اظهرون حرتكم فيه حليلي اليااهل ع قولتكم مريم : افففف بسكم من الصبح تضاربون لوعتوا جبدي فاطمه : فدييت اماايه بسكم عاد من اول مايلسنا ساره وساره مايد : عيل تبينا نقول راشد وراشد فاطمه : هههههه فديته والله هيه عيل ساره مايد : مــــالت فاطمه : عليييك ميثا : امااايه ابا اسير المريناا خميس : ليش انشالله ؟ ميثا : خل نسير هناااك والله مليت من البيت خميس : اوكي انا مستعد اوديكم بشرط ميثا + فاطمه : شووو ؟ خميس : اماايه اتي معاناا مريم : لااا فديتك شوو مافيه حيل خذ خواتك وسير الكل : هيه اماايه تعاالي يلاا عااد حرااام مريم : ههههه خلاص فديتكم يلا سيروا اتزهبوا عسب انسير ميثا سارت وحبت امها فوق راسها : فديييتج والله يالغاليه وحبت خميس : انت بعــد فديتك عمرك مارديتلنا طلب مايد : افــااا وانا مالي بوسات ؟ ميثا : اممممممم هيه انت مرات تعطيني بيزات ( وسارت حبته فوق راسه ) الكل تم يظحك على ميثا وخبالهااا عقب كل واحد سار لحجرته عسب يبدل ويتزهب حق السيره ، فاطمه عقب مابدلت وخلصت طرشت مسج حق راشد ( عنوني انا بسير المارينا ويا الاهل ) راشد رد عليها ( اوكي فديتج بس لاتتكشخين وايد ) ردت عليه ( انشالله ) |
| الساعة الآن 10:37 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir