منتدى استراحات زايد - صدفهـ لقيته اللي هويتهـ محلى عيونه واااي فديـتهـ

وراحو البيت
وهم داخلين البيت
فصاله:عواش وصلو
وكلهم على طول طلعو راحو برع فالحوي
ام سعود:الحمد الله على سلامة ((وتسلم على ام عبدالله وام فهد وعلى البنات))
ام عبدالله:الله يسلمج
سعود:الحمد الله على سلامة ((ويسلم على بو عبدالله وبو فهد وحمود ))
ميرا كانت اتسلم على هنود ومشاعل وكان ظهرها حق وفهد معطنها ظهرا يعني هم الاثني واقفين ورا بعض بس كل وحد معظي ظهرا حق الثاني ويالسين يسلمون
فهم الاثنين فجئىه صدو ويهم
صدفة لقيته اللي هويته
مــ احلى عيونه واااي فديته

فهد تم مكانة يالسة يشوف ميرا وهي بعد وعقب صدت ويها وراحو داخل
وتمو فصالة يسولفون وجي وعقب البنات راحو فوق والاولاد فالميلس والحريم فصالة والريايل فالميلس
فوق عند البنات
ميرا:شعول متى بيجهز البومج؟
شعول:بعد اسبوع ان شالله
ميرا:ابي اشوفه
شعول:هههه اغار
ميرأ:على منو الابوم؟
شعول:لا ريلي
ميرا:من زينة
شعول:أي مارظا انزين
ميرا:ابي اشوفه
شعول:شوفيه ((وطلعت حقها صورته))
مييرا:مشالله عليه غواي بس مو نفس ريلي
شعول:جب انزين فديته غواي
سارو:انتو الاثنين انطمو من زين ريايلكم انا ريلي احلى واحد فديته ياربي
هنود:لا والله انا ريل فديته حليو وغواي وكل وحدة تتمناه
عواش:من زين ريايلكم انا ريلي مافي حد مثله اجنبي
شعول:هي صلوح
عواش قفطت:جب جب انزين ((وفلعتها بالمخدة))
شعول:حمارة
مريوم:انا ريلي يوم يمشي فالمول البنات يلحقونه بدال ماهو يلحقهم
ميرا:منو سون
مريوم:هي حسون
ميرا:ههه فديته اتولهت عليه
مرريوم:لا روحي بوسيه بعد عادي
ميرا:انزين عيل بترياج((واونها تبي تغايظ مريوم قامت ويابت مبايل سارة واتصلت حق حسن))
حسن:الو
ميرأ:هلا
حسن:انتي ساروة؟
ميرا:لا انا ميرا
حسن:ميرا شحالج؟
ميرأ:بخير حبيبي((كانت حاطة على اسبيكر))
حسن:فديتج والله تولهت عليج
ميرأ:انا بعد حبي
مريوم اهني شوية وبتصفع ميرا كف
حسن:متى بتون بوظبي ابي اشوفج
ميرا:يوم الخميس
حسن:انا ومحسن بني يوم الثلاثاء
ميرا:عيل يوم بتي برقدك عندي فحظني
مروم اهني ويها صاير احمر
حسن:احم بس في ناس يغارون
ميرا:لا عادي معطيني تصريح واصلا هم يالسين عندي
حسن:اها سلمي عليهم
ميرا:يوصل انزين حبي انا احين بسكر اوكي
حسن:اوكي
ميرا:لحظة وين بوستي؟؟
حسن:امممواااااح
ميرا:فديتك والله وهاي حقم امممموووااح
مريوم فولت طلعت برع الغرفة
ميرا:هههه
حسن:بلاج؟
ميرا قالت له السالفة
حسن:اوييه صج انج دبة احين اكيد زعلت مني
ميرا:ماعليه براظيكم
حسن:بذبحج ميرو
ميرا:لا لا براظيكم ولا يهمك انا احين بسكر اوكي
حسن:اوكي
ميرا:باي
حسن:باي
...................
وراحت ميرا عند مريوم
ميرا:بلاها الحلوة زعلانة
مريوم:خلصتي من حبيب القلب
ميرا:هههه مريوم هذا مثل اخوي احين انا كم عمري وهو كم عمره فرق بين 5 سنوات او اكثر بعد
مريوم:...............
ميرا:لهلدرجة اتغارين
مريوم:...............
ميرا:مريوم يلا ظحكي
مريوم:................
ميرا:وغلات راعي الدكان تظحكين
مريوم:ههههه سخيفة
ميرا:لهلدرجة تغلين راعي الدكان
مريوم:خسي ماشي شغل
ميرا:انا بخبر عليج حسن لحظة
مريوم:بيكون اخر يوم فحياتج
ميرا:هههههه انزين قومي انسير نيلس معاهم
مريوم:يلا
وراحو غرفة التلفزيون لان كل البنات يالسات اهناك
ميرا:لطوف حياتي والله اتولهت عليج
لطوف:مييرو انتي دبه ((ترمس مقطع لانها ياهل))
ميرا:انا افا ليش؟
لطوف:بس جي ماماقالت
ميرا:امج فقمة
لطوف:بابا يقول حق ماما حمارة
جواهر:هههه الله يخسج تعالي
لطوف:تب>>جب
جواهر:تبج>>جبج
لطوف:بخبر يدي
جواهر:محد يسكتنا غير يدج
سارة:تعرفون لطوف تشبهني
جواهر:بسم الله على بنتي
سارة:لا والله ليش انا لهلدرجة موحلوة؟
شعول:فديتج انتي موبس حلوة الا قمر
سارة:اخجلتم تواظعي
جواهر:اتغشمر ويا جانا اصلا اتمنى بنتي تشبهج
عليا:صج كلام سارو لطوف احسها تاخذمن سارو
سارة:احم احم
ويت الخدامة
سورينا:سارة مادام يقول تعال تحت
سارة:انا ؟
سورينا:كلكوم
سارة:اوكي خلاص روحي
سورينا :اوكي
وراحت الخدامة تحت
سارة:يالله قوموا نسير تحت
ورحو تحت فصاله:
سارة:اها اميه شو بيغيتي؟
ام فهد:يالله عشاء
سارة:احين
ام فهد:عيل متى تبين؟
سارة:اوكي خلاص
عواش:امي نحن وين بناكل؟
ام فهد: وين بعد بناكل على طاولة((هم عندهم غرفة طعام فيه طاولة كبيره وايد صوب اليمين 6 وصوب اليسار 6 و2 مجابيلين بعض وفالغرفة شي تلفزيون وفيه بعد يلسة يعني كنبة وطاولة ))
عواش:انزين والاولاد بيكالون ويانة ولابروحهم؟
ام فهد:همم ام بدرية وخولة شو رايكم؟
ام عبدالله:براحتج فديتج
ام سعود:همم انا عندي عادي
ام فهد:عيل خلاص بياكلون ويانة
سارة:عيل بروح اقول حق الخدامة اتحط الاكل كله مرة وحدة
وراحت سارة المطبخ
ام عبدالله:ميرا فديتج روحي نادي اخوانج وعيال خالتج
ميرا:اوكي
ميرا اتحسبت الاولاد فالحوي والريايل فالميلس فراحت اول شي الحوي فشافت ولد لابس كندورة رمادية وكاب وكان معطنها ظهرة يعني هي ماتشوف الا ظهرا وهو مايشوفها وكان يرمس فالتلفون
ميرا فخاطرها اتقول:منو ها؟ خلني اروح عنده احسلي
وراخت عنده وشافت انه فهد
ميرا:فهد
فهد صد ويها
فهد تما يشوفها وهو ساكت
ميرا :روح ناد الاولاد وقولهم عشا
فهد:لحظة
ورجع حق التلفون
فهد:رشود بعدين بكلمك...الله يغربلك انت شو حمار حمار ..ههه سخيف والله...رشود عنتلاتك بروح يلا...انزين برمسك بعدين...اف اوكي باجر بنطلع ..بس تعال وين؟
هي اوكي خلاص...يالله جاااو
وسكر الخط
فهد:سوري بس ربيعي شوية غبي
ميرا:لا عادي,انزين روح ناد الاولاد
فهد:وين بناكل؟
ميرا:غرفة الطعام ,بتاكلون معانه
فهد:اوكي
وراحت ميرا عنه
وفهد راح وقال حق الاولاد وراحو وغسلوا يدهم وراحو غرفة الطعام
شفو منو كان على طاولة((عبود+احمد+حمود+سعود+صالح+مايد+فهد+سارة+عواش +مريوم+ميرا+عليا+شعول+هنود+جواهر +لطيفة+ لطيفة كانت يالسة فوق ريل امها))
شعول:اهى اهى ماعندي مكان وين بيلس؟؟
صالح:تعالي ايلس على ريلي
شعول:تستعبط
سعود:ايلسي على الارض
شعول:ماشي شغل ايلس على ارض
سارة:شعول تعالي ايلسي مكاني
شعول:لا عادي ايلسي
سارة:تعالي ايلسي مكاني انا بيبلي كرسي
شعول:ثانكس
وراحت سارة ويابت من المطبخ كرسي
ويلست حذال فهد
((ام فهد +بوفهد+ام عبدالله+بو عبدالله+ام سعود)) كانو يالسين على الكنبة حاطين الاكل على الطاولة
كانو ياكلون ويعلقون ويقولون شو استوالهم من مواقف وجي
ميرا:هي صح بقولكم شو صار فطيارة
حمود:ههههه بتقولين عن المظيفة؟
ميرا:أي
فهد:شو استوى؟
ميرا:شوفو انا كنت اسولف ويا حمود وحمود حاط ريله وين الممر فيت مظيفة وماشافت ريلة واتخرطفت وجان اطيح ع ريل حمود وحمود وقفها
مايد:ههههههههه
حمود:كسرت ريلي
عليا:هههه حرام ماكانت دبة
حمود:ادري كانت طرر..ميود فاتتك الصراحة
مايد:هههه
فهد:سارو متى بتخلصون امتحاناتكم؟
سارة:بعد يومين
شعول:باجر عندكم امتحان؟
سارة:هي
هنود:وماذاكرتي
سارة:لا ذاكرت وانا اقوم حق صلاه الفير اتم اراجع
هنود :اها
فهد:شوفو اسبوع الياي يوم الاثنين كلنا بنطلع بنسير اسكي دبي وسينام
احمد:هي نحن واهل بوظبي
سارة:وبيون ويانة ثلاث يداد
عبود:منو؟
سارة:ربيعات فهد
فهد:هههههه
عبود:اه يالخيانة عندك ثلاث انزين عطني وحدة
احمد:وانا بعد يالهرم
فهد:لا ما استغنى عنهم
احمد:مالت عليك
صالح:اشكالهم طر اوقلكم
عبود:فهد راوني اشكالهم
فهد:هههه حمير انتو صدقتو
احمد:ههه لا شو صدقنا
عبود:بس منو هاذيلا الثلاث؟
عواش:ربيع فهد وخواته الاثنين
احمد:حلوات
عواش:شخصك فيهم
فهد:مو بس حلوات الا قمر
ميرا شافتة بنص عينة وهو بعد شافها وابتسم لها
فهد:بس اعتبر مثل خواتي
عبود:شو اساميهم؟
سارة:حمدة قدي وسلمى قد حمود
حمود:يعني تنفعلي؟
سارة:لا لا
مريوم:اخوهم رشود كشخة
سعود:هي سوالفه حلوة وهو حبوب
واتم ويسولفون وفهد كل ساعة يشوف ميرا وهي تشوفه وعقب ام سعود وعيالها ردو بيتهم
افصاله:
ام عبدالله:انا بروح انام عن اذنكم
بوعبدالله:بي وياج
ام عبدالله:يالله
ام فهد:وانا بعد
بوفهد:يالله انتو بعد سيرو نامو
وكل واحد شل حرمتة وراح والغرفة ينامون
اما البقية تمو فصالة
سارة:انا بروح انام وراية نشة الصبح يالله تصبحون على خير
ميرا:انا بعد بروح انام
مريوم:انا بعد بروح
عواش:انا مافيا رقاد
احمد:تمي وياية انا بعد مافيا رقاد
عبود:انا من امس واعي بيسير انام
وعقب كل حد راح ينام الا احمد وعواش
يالسين فصاله داقين سوالف صارت الساعة 12 ونص الفليل
احمد:عواش يالله سيري نامي وراج امتحان
عواش:ان شالله يلا تصبح على خير
احمد:وانتي من اهله
عواش:انت بتم يالس بروحك؟
احمد:لا بروح انام
عواش:اها اوكي جاو
وراحت غرفتها وراحمد راح الغرفة ينام
اذن الفير ام فهد نشت وراحت اتوعي سارة ومريوم ويوم راحت اتوعي عواش عواش ما قامت لانها كانت سهرناة تمت نايمة.... سارة قامت وراحت غسلت ويها وشلت كتابها وملابسها مال المدرسة واغراظها وراحت غرفة مريوم وتمت هي ومريوم يذاكرون عقب راحو تحت يتريقون وعقب لبسو ملابسهم وراحو وعو عوااش واتلبست وراحو المدرسة
ساعة 10 ونص الصبح ام عبدالله نشت راحت يلست ويا اختها
وساعة 11 نشت ميرا
فصاله:
ميرا توها كانت نازلة
ميرا:صباح الخير
فاطمة وبدرية:صباح النور
ميرا:خالو متى ايون بناتج؟
فاطمة:ههمم بعد نص ساعة
ميرا:انا بروح ايبهم
فاطمة:اوكي

بدرية:اختج بعدها نايمه؟
ميرا:أي اروح اوعيها؟
بدرية:لا خليها نايمة امس فديتها كانت تعبانة
ميرا:انزين خالو متى اروح اخذهم؟
فاطمة:انتي احين روحي لبسي عباتج وروحي ويا الدريول اول شي خذو سارة وعواش وعقب روحو بيت خالتج خولة بتعطيكم عود وبخور وعقب روحي خذي مريوم
ميرا:انزين احين اسير؟
فاطمة:هي
ميرا:اوكي
وراحت فوق ولبست عبايتها ونزلت تحت
فاطمة:تلفونج يستقبل؟((قصدها اذا اتصلت فيها يرن عندها لان ميرا عندها بطاقة اقطرية))
ميرا:هي يستقبل ويرسل لان انا فاتورة
فاطمة:خلاص عي ليلا سيري
ميرا:اوكي وطلعت ميرا وراحت ويا دريول
فسيارة:
ميرا:محمود سير اول شي مدرسة سارة وعواش
محمود:ان شالله
ميرا:همم شو عندك اغاني؟
محمود:شوفي داخل بوكس
ميرا:اوكي
((هم عندهم ورا نفس بوكس داخلة سيديات وبوكس ثاني داخل اشرطه))
ميرا:حط هال سيدي
محمود:اوكي
كان سيدي اصاله لا تخاف من الزمان

( لا تخـاف )

لا تخاف من الزمان الزمن ماله أمان
خف من اللي كل امانك في يديه وتامنه
لو حبيبك ماوفى لك لو حبيبك فيك خان
ايش ترجي من زمانك ؟ النتيجه باينه

نكتشف مر الحقيقه بعد مايفوت الأوان
قلت لك لاتندفع له قلت حبي صاينه
وينه اللي صان حبك؟ ما أشوف اليوم بان
قلبك اللي هوا قلبك لا تحسبك ضامنه

لاتعذّر باحتياجك كلنا ناقص حنان
كلنا طفل يتمنى أي شخص ٍٍٍِ يحضنه
نبني الدنيا وحنا نوقف بنفس المكان
للأسف ينقص وفانا مع مرور الأزمنه
ميرا:الله هال اغنية كشخة
وعقب وصلو مدرسة سارة وعواش
ميرا:وينهم؟
محمود:احين في يجي
ميرا:انزين,,انا بنزل
ونزلت ودخلت المدرسة وكانت ماتندل المكان فشافت بنت فسألتها
ميرا:لوسمحتي وين صفوف ثالث ثنوي وثاني ثنوي؟
البنت:تدخلنين داخل تروحين سيدة بتشوفين لافتة مكتوب وين الصفوف
ميرا:اوكي شكرا
ودخلت داخل كانت المدرسة حلوة هي مدرسة خاصة مختلط بس الاولاد صوب والبنات صوب وفيها كل الجنسيات
وميرا وهي تمشي شافت صفوف ثالث ثنوي رحت وتمت تمشي
وادور سارة وعواش جان تسمع حد يناديها
..........:ميرووو
ميرا يالسة اتشوف يمين ويسار اتقول منو يناديني
.........:ميرو طاعي فوق
ميرا:عواش
عواش:لطحظة احي نبي
المدرسة كانت من 3 طوابق فيه مكتبة كبيرة هال مكتبة مختلطة يعني بنات واولاد وهال مكتبة كبيرة مثل الي تشوفونهم فأفلام الاجنبية والمسرح بعد مختلط
اما باقي الاشياء لا
عواشنزلت تحت عند ميرا
عواش:ميرو
ميرا:حشى مب مدرسة متاهه
عواش:ههه تعالي بوديج عند سارة
وراحت فوق وين المكتبة وكانت شيلة عواشو ميرا طايحة بس قبل لايدخلون الكتبة
عواش:ميرو لبسي شيلتج
ميرا:ليشم نو داخل:
عواش:المكتبة مختلطة
ميرا:اها اوكي
ودخلو داخل وتمو يدورون سارة جان يشوفونها
سارة:مييييييييرا
ميرا:ههه جب اسكتي فظحتينا
سارة:ههه بعرفج على رفيجاتي,شوفي هاي حصة البنت الخريشة والتظحنا فالحصة
حصة:اهلا وسهلا
ميرا:اهلين
سارة:وهاي نورة البنت الماغبة هاي كلة تشرد من الحصة او تنطرد وماعرف كيف تنجح؟
نورة:هههه بعد ربج ,شحالج
ميرأ:تمام
سارة:وهاي:نوف البنت الهادية وشطورة
نوف:هههه مرحبا
ميرا:مرحبتين
سارة:انزين يا اصدقائي ها يماي تونز توامتي الي ارمسكم عنها ميرا
ميرا:هه اتحشين فيا؟
حصة:بس بالخير
ميرا:هي جي اباج
نوف:سارة انتو تشابهون وايد
سارة:ترا اقلكم توامتي
عواش:اي وانا وين سرت
نورة:عواش حبيبة قلبي تعالي
عواش:نواري حياتي
سارة:ههههه اختي استخفت
ميرا:انزين يلا قوموا نسير ناخذ مريوم وين مدرستها؟
سارة:هاذي مردستها
ميرا رفعت حياتها: عيل كيف امج اتقول روحو بيت خالو خولة وعقب مرو على مريوم؟
سارة:مريوم قسمها غير بعيد عنا براويج
ميرا:اوكي
سارة:يلا حبايبي باي
البنات:باي
وطلعو
سارة:ويا ذكية مريوم مابتخلص احين
ميرا:متى
سارة:جي بعد نص ساعة
ميرا:اها اوكي يلا قومو نسير السيارة
وراحو السيارة

تتوقعون مشاعل بتكون لعبود واذا كانت له كيف بتكون له وهي متزوجة عمر؟؟
وحمدو بتم اتحب مانع ولا؟؟
وشو بيصير فالقصة اتريوني