قام خالد قبل غلا رفع جسمه على السرير وهي نايمه يمه ..
لف خالد لقى ورود ناثرينهم على الطاوله اللي حذاه
خذ ورقه منها وقعد يمررها على خد غلا
حست لها غلا وفتحت عينها شوي شوي وابتسمت بخجـل واضح لخالد
خالد بصوت عذب : صباح الخير
غلا بصوت وااطي حيل : صباح النور
قعد خالد بس يطالع غلا قامت غلا وقام خالد وياااها ..
بعد ماتسبحوا قعدوا فالغرفه يتريقون
غلا وهي تشرب الـTea
خالد كان يخزها بنظرات شيطانيه
غلا استحت بس كلمته : خاالد تكفى شيل عينك
خالد : لا والله مرتي وكيفي
} خالد استغرب من الحب الجنوني اللي سكنه لغلا حسها سوت له شي
تل قلبه من بين ضلوعه بدون لايحس وصار نبض قلبه لغلا ودمه اللي بعروقه ماعرف اذا
كان صج يحبها ولايجامل شهر عسلهم .. {
خالد قطع بالشوكه من الكيكه اللي حاطينها ومدها لغلا يأكلها
غلا خذتها وهي مييييييييييته منها ، مستحيه صج تبي تقوله لاتسوي جي
لاتطالعني جي لاتكلمني جي بس مستحيييييييه
(( غلا كانت وايد اصغر منه وماعندها رربع جرأة خالد 17 ==> 23 ))

المهممم
راحت غلا ولبست بنطلون جينز فيه على الخصر تطيـز بالأحمر وعلى الرجل
لبست معاه قميص لين تحت خصرها وتحت لونه احمر
لبست معاه شيله حمرا وكحليه ..
كحلت عينها بالأزرق الغامق ، عكس لون عينها وحطت قلوس هادي عليه لمعه مائيه ..
بلاشر خفيف وكحلت عينها بالأزرق من داخل بعد وتعطرت بـ 212
ولبست لها خاتم مع دبلتها وساعه حمره ..
طلعت لقت خالد لابس بنطلون جينز وقميص اسود
ستايله يعني الأبه مرتفعه شوي ..
كان القميص نص كم وطالع فنااااااان عليه
لابس نظاره عاكسه وحاط شوية جل فشعره وطالع رهيـــــــــب
غلا ظحكت له
خالد : يه يه شهالأحمر
غلا استحت واييد ( لاتعلق تكفى)
خالد : ذكرتيني بالورد
غلا ( شكووووو؟؟؟؟؟؟؟؟)
خالد : شدخل صح؟
غلا : هههههههههههههههههههههههههههههههههههههههههه
خالد : أي ظحكي
غلا ظحكت ونزلو
كانت في عايله توها واصله وقاعده فاللوبي
الام وبناتها كانو يطالعون غلا وخالد
والبنات يتناقزون عليهم
خالد طالعهم ولف ظحك لغلا
طلعوا بره مع سواقهم ..
ركبوا السياره ووداهم
خالد كان يبي يروح للبحر اليوم لأن الجووو فظييع وماتتطوف رحله للبحر فهالجو
غلا بعد كانت تبي ووداهم للبحر وخلاهم يوقف بعيد عنهم بس يخلصون يتصل له
قعد خالد يمشي مع غلا واليهال يلعبون وعلى البحر
كان في نفس الساحه يتمشون فيها العشاق بس .. ياعينـــــــــــــــي .. ! .

راحها خالد ومعاه غلا
غلا شبكت ذراعها فذراع خالد
خالد فرح لهالحركه يعني غلا اخيراً حست وتأقلمت وياي
لف لها خالد وشال نظارته ..
غلا طالعته ونزلت عينها لأنه بدا ياكلها بعينه مثل كل مره جنه اول مره يشوفها الاخ
قعدوا على تل قاعدين عليه 2 بس بعاد ..
خالد كان ماد رجله وغلا لامتهم لها
خالد : غــــــلا !
غلا : هـلا ؟
خالد : مادريت ان بنت عمي اللي تستحي مني وتشرد مني يوم كانت صغيره جذي حلوه !
غلا استحت وظحكت وتدودهت وهبت عليهم نسمه بارده
خالد : ليش كنتي تشردين مني ؟؟ بعرف
غلا : هههههههههههههههههههههههههه ماادري خالد .. !
( غلا لما كانت صغيره خالد كان بالصف الاول الاعدادي كله لمن يجي بيت جدهم
يصفون له الجهال ويقول لهم تعالو سلموو وغلا لمن يجي دورها تشرد
وكم مره خالد يمسكها من شعرها يجرها ههههه وكانت تستحي منه مووت ولين الحين منه تستحي )
خالد : هههههه ماصار فيج شي من جر شعرج
غلا : هههههههههههه والله ذبحتني ماكو غير هالطريقه توقفني منها انت شعري وعـ ( انتبهت شتقول
وقعدت ترقع ) وعمي بعد =) ..
خالد : ههههههههه شنسوي فيج كله تشردين وشي يطير وراج
غلا : هههههههههههه صج عاااد
خالد بخبث : أي صج
غلا : يه وقامت تمشي بروحها
خالد سدح روحه واتكى على ايده وتم يطالعها ..

بالدوحـــــــه
عمر كان مع ربعه وهو شوي بعد متناسي اللي صار
كان يلعب مع ربعه كره طائره واللي يخسر يقطونه بالبرجه ..
تميم رفيجه : أي أي عمور علي انا
عمر شاتها وانسدح على الارض
ظحكو عليه
عمر : اخس عليكم يلا انجلعوا عورتو ريلي يالخيس
طالع ريله ركبته منجرحه دم ضربت بالحصا والرمل شوي خشن كان
راح واحد من ربعه نذل وجاب ماي البحر وكته على ريله
واحترق عمر : آآآآآآآآآآي يالجلب تشوف ريلي مفتوحه يالحمار
أحمد : ههههههههههههههه
لطيفه كانت بدارها وسعود يكلمها وهي ولاتدري
تحس انها غلطانــــــه غلطانه تبي تصلح غلطها بس ماتبي تعترف
انها غلطت ولازم تصلح ( وكبريائي؟ )
سعود : معاي لطيفه ؟
لطيفه : أي وياك
سعود : اشوفج سرحانه شفيج يبا؟
لطيفه : لا بس راسي
سعود : اها ، خلاص عيل انا باجر عندي دوام يلا يبا تصبحين على خير
طفى الأبجوره ونام .
لطيفه كانت على الكرسي اللي عند الدريشه وسعود نايم
والغرفه ظلام
متظاايقه ودها تعرف شفيها بس ماتدري
رن موبايل سعود بس كان نايم ردت هي ..
لطيفه : الووو ؟
خالد : هلا والله هلا بتاج راسي
لطيفه : هلا حبيبي هلا يمه شلونك ؟ وشلون غلا ؟
خالد : تمام الله يسلمج انتوا شلونكم ابوي وعمر وعمي سعد وتغريد والكل ؟؟
لطيفه : كلهم بخير ويسلمون عليك
خالد : هاا يمه شلون قطر بدونا ، كريهه صح ( يغمز لغلا وغلا ماسكه يده بيدينها الثنتين من كوعه )
لطيفه : أي والله يايمه مانبيها
خالد : هههههه شخباركم بعد
لطيفه : زينين ، عطني غلا اكلمها حبيبي
خالد : ياااحلو امي تبيج ..
غلا خذت الموبايل وجرته من خالد لانها لما سحبته مسكه خالد بقو يستخف شوي وايد دمه ..
غلا : هلا خالتـــي <
لطيفه : هلا يمه شلونج شخبار خالد ؟
غلا : تمام كلنا بخير ، انتو شلونكم وعمي سعد شخباره؟
لطيفه : يسلمون عليكم وايد
غلا : سلمي عليه خالتي وعلى عمي والكل .
لطيفه : انشالله يمه ، يالله مع السلامه ..
غلا : مع السلامه .
خالد : هاتي تليفوني
غلا تعطيه : اخذه مابيه
خالد : شوفي صار حار صخنتوه المسكين
غلا : وييي
خالد استانس على غلا اخيراً صارت تجادله
خالد : وييي
غلا : هههه لاتقلدني خااااااالد
خالد : هههه لاتقلدني خاااااااالد
غلا : ههههههههههههههههه شفيك ؟
خالد : ههههههههههههههههه شفيك ؟
غلا : يه
خالد : ههههههههههههههه بس بس عن العبط
غلا : ههههههههه
خالد : ترا انا مت جوع
غلا : وانا اكثر
خالد : وليش ماتقولين
غلا: ناطرتك تقول
خالد : كاني قلت
غلا : زيـن ؟
خالد : عقاباً لج ماكو عشا
غلا برجا : خاااااااااااااااااااااااااااااااالد عفيـه
خالد وهو من داخله ميت : لالا لاتحاولين سوري ماي كزن
غلا : خالـــد
خالد : عيون خالـد !
غلا : قـ .. يلا قوم عادد
خالد : والله تسوين احسان لفقير لو تقوميني تعشيني وترجعينا الفندق
غلا : ياسلاام
خالد : أي والله
غلا : قول ماتبي نتعشى
خالد قام ووقف حذاها وصار جتفها يضرب بصدر خالد
خالد : انا ماعشيج؟ انا اعشيج واغديج واريقج واحطج بعيوووني تامرين انتي
غلا استحححححححححححححححححت منه ونزلت عينها
خالد : لارفعيهم لاتنزلينهم
غلا توخره : خالــــــد
خالد لف الجهه الثانيه ورجع لها بشر : اقولج تعالي هني
غلا : تطالعه بنظرات ناعمه : نعم !
خالد : ترا مو زين اللي تسوينه
غلا : ههههههه
خالد : اوريج يالنحيسه يلا مشينا
خذت غلا شنطتها وراحت مع خالد لمطعم قريب وقعدوا يتعشون فيـه

تسلم اخوي على البارت

ننتظر الباقي لا تتحير علينا

مشكوور ياخويه على البارتات الرووعه ..

ونتريا التكمله بفارغ الصبر ..