|
( هبوب الهوى ) الله يطول عمرك ياخوية ، ماقصرت ، وصدقاً انك من اعز الأعضاء واكثر نشاط في الإستراحة وتميز ... (( بعض الأمور في حياة الإنساان متعبه شوي )) السؤال يقول من اي ناحيه تاخذهأ أي كيفـ تسيطر عليها أو تحلها يعني ؟؟؟ الصراحة غالبا اسافر سفرات قصيرة وبلاد جريبة من البلاد احياناً اليمن وقطر والسعودية .. عشان اكسر الروتين.. واذا ماحصلت فرصة للسفر اظهر ويالربع نسير صوب عوافي ولا صوب البر ونتولف مناكي .. 0 0 شاكر لك سؤالك الخفيف :D اللطيف ، ويامرحبا بك اخوية هبوب الهوى 0 0 اخوك / النعيمي |
السلام عليكم ورحمه الله وبركاته يحليلك مغربلينك من الاسئله هههههههه بس تستاهل المقابله ^^ ومبروك عليك المشرف المميز واللقب يستاهل واحد مثلك اانه ينقال ليه هاللقب^^ امممممممممممم ما حصلت سؤال ههههههههه كيف اسلوبك في نصح الآخرين .؟؟؟>>>شكلك من اسلوبك تنصح وايدين ^^ وشو ردت فعلك يوم يردون عليك باسلوب خايس لانه انا انصح جي يصير لي يضحكون ع النصيحه وايد علي سؤال ههههههههههه لي عوده اختك الصغرونه.....خرباشوه |
السلام عليكم ورحمة الله وبركاته يامرحبا ترحيبة مالها عد ولاسد ونعم الاختيار يازهووور ويستاهل اخووو النعيمي كل خير وومشرف متميز بأخلاقة قبل لايكون مشرف متميز بموواضيعه الراائعه والمميزة بدوون مجاملة راقي يالنعيمي والله يوووفقك والى الامام وماشاء الله مااقصروا اعضاء سندروك هههههههههههه على العموووم مب مطووولة عليك سوالي مادري اذا مكرر بس بسأل لانة الاعضاء ماخلوو شي ماسألوة سوالي هو * شنو الشي الي للحين ماحققتة وتحس انة حلم صعب انه تحققة ؟ * ماذا تعني لك الخيانة ؟ وهل تعرضت لها ؟ واذا تعرضت لها هل تسامح الشخص ؟ الف تحية شكر وتقدير لزهوور2007 ولك يالنعيمي والنعم بك عز الخوووي تقبلوووا مروري والى لقاء قريب... اختكم داعمة دورية |
السلام عليكم ورحمه الله وبركاته وعليج السلام ورحمة الله وبركاتة اختيه خرباشوة يحليلك مغربلينك من الاسئله هههههههه بس تستاهل المقابله ^^ ومبروك عليك المشرف المميز واللقب يستاهل واحد مثلك اانه ينقال ليه هاللقب^^ الله يبارج فحياتج لا وين ملعوزيني لووووول بالعكس كلهم خواني وخواتي .. كيف اسلوبك في نصح الآخرين .؟؟؟>>>شكلك من اسلوبك تنصح وايدين ^^ وشو ردت فعلك يوم يردون عليك باسلوب خايس لانه انا انصح جي يصير لي يضحكون ع النصيحه اسلوبي هو عفوي ، آخذ الشخص على جنب وارمسة شوي شوي وبشكل سوالف عشان مايتحسس ويشل بخاطره وبهالاسلوب اتقرب منه واكسب ودة وبيقتنع فالنصيحة .. اذا رد باسلوب خايس اخوز عنه واقول له ع راحتك ولا برايك .. بهالطريقة بينحرج وبيحس انه غلط فحقي ..! وايد علي سؤال ههههههههههه لي عوده اختك الصغرونه.....خرباشوه حياج الله ختيه الصغيرونة ، نترياج ان شالله 0 اخوج / النعيمي |
السلام عليكم ورحمة الله وبركاته وعليج السلام ورحمة الله ختيه داعمة دورية يامرحبا ترحيبة مالها عد ولاسد مرحبااااا ملاااايييييين ترحيبة ترفع الراس ونعم الاختيار يازهووور ويستاهل اخووو النعيمي كل خير الله يسلمّج وانتوا ياهل قطر تستاهلون كل خير وومشرف متميز بأخلاقة قبل لايكون مشرف متميز بموواضيعه الراائعه والمميزة بدوون مجاملة راقي يالنعيمي والله يوووفقك والى الامام وماشاء الله مااقصروا اعضاء سندروك هههههههههههه الله يسلمج شهاده طيبة من ناس طيبين مثلكم وشرواكم ختيه داعمة دورية وان شالله الى الأمام اجمعين فالدنيا والآخره . على العموووم مب مطووولة عليك سوالي مادري اذا مكرر بس بسأل لانة الاعضاء ماخلوو شي ماسألوة ههههههههههههه لا وين شي وايد اسأله مانسألت فيهن طووول * شنو الشي الي للحين ماحققتة وتحس انة حلم صعب انه تحققة ؟ بصراحة ماشي صعب بالنسبة لي طول مالواحد متوكل على رب العالمين بس الصعوبات التي واجهتها لتحقيق الحلم ، هو الزواج من انسانة الله يخليها وان شالله كملت نص الدرب وباجي النص الثاني شرا مايقولون ظروف وتعدي بإذن الله تعالى .. * ماذا تعني لك الخيانة ؟ وهل تعرضت لها ؟ واذا تعرضت لها هل تسامح الشخص ؟ الخيانة المتعارف عليها هي الطعن فالظهر ، يعني شي مستوي من تحت لي تحت بطرق غير مشروعة .. الصراحة نعم تعرضت لها ولكن من رجال لايسمون بالرجال .. مابسامحـة الا اذا وقف عدالي واعتذر في ها الموقف اسامحة الف تحية شكر وتقدير لزهوور2007 ولك يالنعيمي والنعم بك عز الخوووي والشكر موصول لج ختيه داعمة دورية على الرمسة الطيبة منج تقبلوووا مروري والى لقاء قريب... قابل بشرط العوده لوووول الله يوفقج .. 0 0 اخوج / النعيمي |
| الساعة الآن 07:27 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir