تسلمين حبيبتي ع المرور نورتيني

تسلمين ع المرور هههه حرام عليا احسها عاديه ما سوت شي

ربع ساعه و يكون البارتين عندكم

شدي الهمه
فاهمه قصدي لااه

>@--párt 28.~




مريوم مسكت الرساله و تصيييييح: هئهئهئهئهئ انا شو سويت بعمري يا رب سامحني هئهئهئهئئ الله يسامحك يا سالم جانك سويت فيني جذييه هئههئهئهئئئ


قامت و سارت الحمام .. الله يكرمكم دنيا و آخره .. توضت و فرشت لها سياده و صلت ركعتين و حطت راسها تاخذها الافكار يمين و يسار


__________________________________________________ __________________

بو صقر خبر صقر عن عمه خليفه و خبره بعد عن حمدان و استانس صقر واايد من هذي التطورات ف العايله و حمده وافقت على حمدان اما مريوووم فكرها تايه ف دوامه الافكار


مروا هاليومين ع الخير وكل واحد عايش بخير


__________________________________________________ __________________


اليوم الأحد طبعاً اليوم اجازه للمدارس و الدوامات
الساعه: 10:25 am
ف بيت بو سعود


نشت خذت لها شور لبست لها برموده صفره و تيشيرت فوشي لبست سويره خفيفه عليها فصوص الماس لبست لها كعب فوشي ربطت شعرها ذييل حصان بربطه صفره خلت القدله ع اليم يلست ع الشبريه

و *بخاطرها: يا ربيييه اكررهههه اووف هذا شو يبغي مني!! و الله عادي لو اجوفه اقوم اذبحه..


قامت و نزلت تحت جافت امها و ابوها يتريقون


فواغي: صباح الخير


ام سعود + بو سعود: صباح النور


فواغي خذت لها توست و صبت لها عصير برتقال فريش


ام سعود: فواغي حبيبتي بقولج شي الحين انتي لازم تبدين تزهبين روحج حق العرس يا دوووب تخلصين


فواغي من يابوا طاري العرس حست ان جبدها لاعت: عادي باقي واايد


بو سعود: ترى اقل عن شهر العرس و بعدين منصور البارحه بغى رقمج انا عطيته


فواغي حاست حلجها: زين عيل


و نشت سارت الحجره


يلست ع اللاب شوي تفرفر ف المنتديات و لا يرن فونها جافت رقم غريب


فواغي: اوووووووووف اكيد هو*


ردت عليه بكره: ألو


منصور باستفزاز: أهلين


فواغي: نعم منصور خير شو تبغي؟!


منصور: تعالي بعد كليني


فواغي بنبره تقهر: و الله لو بيدي جان ذبحتك


منصور: ع فكره تراج وااايد مصدقه روحج


فواغي: يحق لي مو انا فواغي بنت سيف ال..... ليش ما اصدق روحي


منصور بقهر: مالت عليج


فواغي: اوووف الحين حضرتك ليش متصل


منصور: بغييت ابين لج نقطه اووه قصدي نقاط


فواغي:اوووف اسمعك


منصور:
أولاً: يوم بتظهرين برررع استأذني مني
ثانياً: ابغيج تظهرين حلوه بالعرس ما بغي الناس يقولون اني ما عرفت اختار
ثالثاً: تتغشين يوم تظهرين بررع
رابعاً و اهم شي: لا تتاففين واايد*
خا


قاطعته فواغي: اسمعني عدل
اولاً: انت بعدك مب ريلي يعني مب الحين استاذن منك
ثانياً: شو جايفني مععرف اكشخ عسب تقول اونه ظهري حلوه و بعدين انا من يومي حلوه


منصور بخاطره: يا عيني ع الثقه


ثالثاً: انت يوم خطبتني تدرري اني ما اتغشى معناته حتى الحين ما راح اتغشى
رابعاً: برايي مزاجي اتافف و لا لا فاهم؟!


منصور: بنجوف يا بنت العم انا و لا انتي


فواغي: انا عمري و حياتي محد كسرني و خلاني انهار فاهم مب انت ع اخر عمرري اونك عاد تتحداني و بعديين لحظه ابغي اعررف شي واحد شو اللي يخليك تسوي كل هذا عسب تتزوجني؟!


منصور: ابغي اربيج من اول و يدييد


فواغي: صدقني مب هذا هو السبب في شي ثاني بس مع الايام راح اعررف


منصور: انا بزي عن اذنج


و سكروا عن بعض


__________________________________________________ __________________


ف بيت بو صقر*


نشت من رقادها جافت عمرها من بين احضانه حاولت تبعده بشويش و عدلت من رقدته و سارت الحمام .. و انتوا بكرامه .. خذت لها شور لبست روب تايجر و ظهرت جافته واعي و عيونه ما خازت عنه نزلت عيونها..


اما هو بدوره نش و تقرب منها تقرب اكثر اكثر اكثر لدرجه حس بان انفاسه اختلطت بانفاسها


صقر: احبج يا جنوني


اسمه رفعت عيونها اللي امتلين دموع: اهواك يللي سكنت بروحي


حضنها صقر و نزلت دمووع اسمه بهدووء


امووووآآآح و خدها الثاني اموآآآآآآآح و باسها ع رقبتها اموآآآآآآح


عقب ابتعد شوي


صقر: سامحيني عللي بصير


اسمه ابتعدت و جافته بحييره
.
.
.
.
.
.
.
.
.
.
.
.
وووووووووو صار اللي صار............................................... .................................................. .....


__________________________________________________ __________________


الساعه: 2:45 pm
ف بيت بو حمدان


ع طاولة الغدى


موزان: حمدان


حمدان: نعم


موزان: تدرري انك *اكثر اخو احبه


ام حمدان: من الله عندج اخو واحد


بو حمدان: هههه اكييد عندج مصلحه


موزان: باباتي لا تقوول جذييه عقب الخطه ما بتمشي


حمدان: و لا جني موجود خلصيني شو تبغين؟!


موزان: انت واايد طيب


حمدان: اختي من هذا كله عطيني الزبده


نجود: انا بقولك تبغيك توديها هي و البنات عسب يتزهبون لعرس فواغي


حمدان: منو بسير وياج ؟؟


موزان: انا و علايه و سلامه و شجون و بجوف مريوم و اسمه اذا بيون و لا لا و حمدوه مش طايعه تي اونه عاد تستحي و ممدري شو!


حمدان: شو بعد تستحي قولي لها انا ريلها امايه رمسيها


ام حمدان: انا ما يخصني انت و مرتك روحكم تنيازوون


حمدان: موزان رمسيها


موزان: و الله انا رمستها روحك رمسها


حمدان: هاتي رقمها


موزان: سجل ******* *05


اتصل حمدان


حمده: مرحبا


حمدان: آخخخ يا ويل حالي


نجود بهمس: رايح فيها الاخو


موزان: سكتي عن يصفعج


حمده سكتت شوي: حمدااااااااااان!!


حمدان: روح قلب و طوايف حمدان كلهم


حمده احمرت و اخضرت و ازرقت و كل شي


بو حمدان: استغفر الله هذا و بعدهم مخطوبين جذيه عيل عقب كيف


موزان: بصيرون قيس و ليلى


حمدان: حمده*


حمده بصوت خفيف: لبييه


حمدان: لبيتي حايه انشالله ليش ما تيين وياي !!


حمده بغباء: ويين؟!


حمدان: ههههه ترى الموز تقول انكم تبغون تتزهبون لعرس فواغي


حمده بحيا: ما اروم و الله


حمدان: ترى بي و بخطفج من بيتكم


ام حمدان: ويدييي حمدان شو بعد تخطفها هات الفون هاته اقوول


حمدان عطى امه الفون


ام حمدان: هلا بنتي شحالج امييه عسى ما تشكين شر


حمده: الحمد لله عموه ماشيه اموري


ام حمدان: عيل طلبتج سيري ويا البنيات اليوم شو فيها ترى الا هو ريلج


حمده احترق ويهها: بس احس فشله


ام حمدان: لا فشله و لا شياته *


حمده: خلاص اللي تجوفينه عمووه


ام حمدان: فداعة الله


حمده: فداعة الرحمن


و سكروا عن بعض


حمدان: ها شو قالت؟؟


ام حمدان: بتيي


حمدان نش و سار فوق: موزه عندكم ساعه الا ربع تتزهبون


موزان: اول شي لا تقول موزه و بعديين الحيين يا الظالم


حمدان: ما يخصني انا خبري البنات


__________________________________________________ __________________