منتدى استراحات زايد - لا تحـاسبنے علـے جرحٍٍٍٍِ نـزفـ .. انتــ سـآس الـجرحِِِ يالخــل العنيــدِِِ ..

مــرحب الســآآع ..

البارت الـ 16 .. قبل الاخير

شوق: يلا انا بسير
محمد: افا .. اشعنه توج الا حادره
شوق: باجر بتشبع منيه
محمد: وانا ارووم .. حتى لو كنتي ف حظني مابشبع
شوق استحت: مااصخ .. يلا انا مرووحه
محمد: والله بعاادك يقتل الروووح ...

من ظهرت شوق طرشلها مسج (نظرت(ن) منك تطفي لي لهيبي .. والهنا في قربك وهذا منايا .. دونك الدنيا بلا ذوق وتغيبي .. عن شفاتي بسمة الفرح وهنايا .. احبج) ..
شوق من قرت المسج طارت من الونااسه: آآه فديته والله .. والله اني امووووت فيك
محمد ظهر من ميالسهم وركب موتره وشخطه ..
محمد: متى يي باجر مافيه صبر .. (محمد كان مسرع يسووق 200 )واتصلبه ربيعه حسن
محمد: مرحب السااع بالشيوووخ
حسن: مرحببا ملايين ولا يسدن .. اشحالك شخبارك ؟؟ وينك ماتسال يالمعرس !!
محمد: ههههه يسرك حالي ولا يضرك .. يابوك تعرف معرس ومرتبش .. وانت اشحاالك ؟؟ شو مسوي بدنيااك؟؟
حسن: خخخخ الحمدالله تمام .. ماشي حالي .. وينك عيل ؟؟
محمد: ف الموتر هع
حسن: اتنكت حضرتك
محمد: احااول هههههههااي
حسن: هههههههه ... طووط طووط
جرييب العصر شوق كانت تسوي اتصالاتها تتاكد من الحجوزات .. وروضة حذاها .. ويرن فون روضة >>روحي فداك يتصل بك<<
روضة: هلا سعيد
سعيد وبصوت حاد: روضة وينج انتي؟؟
روضة زاغت: ف البيت .. اشنعه؟؟
سعيد: شوق عندج!!
روضة تصد ع شوق: هيه اشعنه
سعيد تنهد: محمد سوى حادث
روضة: شوووووووووووووو؟؟
شوق فزت: بسم الله شبلاج تباغمين؟؟
سعيد: انا الحين ياي .. وسكر ..
وروضة يلست تصيح ..
شوق: روشة بلاج حبيبي ؟؟ شو فيج ؟؟
روضة لوت ع شوق ويلست تصيح وشوق مب فاهمه شي وتهديبها .. 10 دقايق وان سعيد حادر الصاله ..
سعيد: السلام عليكم
شوق: وعليكم السلام
سعيد: روضة
روضة: ......
شوق: شبلاكم ؟؟ فهمووني
سعيد يلس ع القنفة: محمد سوى حادث
شوق: اها سلامات مايشووف شر ....... (توها تفووكس) شووووووووو؟؟؟؟؟؟؟؟؟؟؟
سعيد: الي سمعتيه
شوق: لا مستحيييل انا الظهر جايفتنه ومابه شي لا مستحيييييل
سعيد: كل شي مكتـ.........
شوق ودموعها ع خدها: ودني عنده ابى اشوفه
سعيد: حالته خطره و .............
شوق يلست تباغم: ودني عنده ماتفهم ابى اشوفه ...
سعيد سار وحضنها وحضن روضة وهن ماصدقن وصاحن ف حضنه .. انتشر الخبر والكل تيمع عنده .. وتاجل العرس ..
ظهر الدكتور من غرفة العمليات ..
شوق ربعت جداه : طمني دكتووور
د.حمد: نحن سوينا الي علينا والباجي ع الله
شوق: شو قصدك؟؟
د.حمد: حالته خطيره وصابه نزييف خفيف بالمخ وتاثرت كليته من الحادث و ............
شوق: شووو كمل!!
د.حمد: وصابه تشوه ف نص ويه
شوق: لاااااااااااااااااااااااااا!!!!!!!!
مرن اسبوعين ومحمد بعده ف العنايه وتحت الاجهزه وشوق كل ماتبى تحدر يمنعونها .. في يوم من الايام ...
بومحمد: والحل يادكتووور ؟؟
د.حمد: حالته النفسيه بدت تتعب خاصة بعد ماعرف انه مشوه
بومحمد: وبشوو تنصحنا؟؟
د.حمد: تسفروونه علاج برع البلاد
بومحمد تنهد: انشاءالله دكتوور .. شورك وهداية الله ..
تحدد موعد السفرة وشوق طول هالفترة تحاول انها تحدر عنده بس هو هب راضي وهي من يوم ما سوى الحادث وهي متغيره لا تحب تاكل ولا تشرب ودومها تصيح وضعفانه وشكلها متغير وحالتها حاله .. وقبل السفر بـ يوم .. ف غرفة محمد ..
مها: محمد انت صاحي؟؟
محمد: هيه والي قلته هو الي بيصير
فاطمه: حراام عليك البنت مالها ذنب
محمد: انا الي قلته بسويه
روضة: لا حول ولا قوة الا بالله
محمد: ابى اشوفها
فاطمه: انشاءالله ..
ظهرن من الغرفة ومحمد سرح ..
روضة: شوق محمد يرييد يشووفج
شوق ماصدقت الي سمعته: صدق!! واخيرآآ .. آآه
فاطمه: تعالي بوديج عنده
شوق: اوكيه .. وسااروو .. تق تق
حدرت شوق الغرفة وربعت جداه .. زخت ايده ويلست تصيح: زين جذه مرتاح من الي تسويه فيني حراام عليك .. اسبوعين يالظالم اسبوعين .. (ويلست تصيح)
محمد ماقدر يستحمل اكثر عن جذه: شوق
شوق: عيونها قلبها كلها فداك
محمد: شوق انتي تعرفين اني مشوه و........
شوق: راضيه بكل عيوبك انت عايبني جذه
محمد: ادريبج تجامليني بس ........
شوق: انا راضيه بك هب مهم شكلك المهم انت تكون لي وبقربي
محمد وبصوته غبنه: شوق انا ماابيج تتعذبين فياي وقررت اني اطلقج
شوق انصعقت : اطلقني!!!!!!!
محمد: ماابيج تعيشين تعيسه ومابى اظلمج فيايه
شوق: محمد انت شو يالس تقووول؟؟ صدقني لو تميت جذه انا راضيه فيك وفشكلك (وصاحت)
محمد: خلاص يا شووق انتي طاالــــــــــــــــق
شوق انهارت من زوود الصيااح ويلست تباغم وحدرن النيرسات وشلوها وعطوها مهدا عسب تهدى ..
محمد حس انه هو السبب بكل الي استوابها .. انتشر الخبر .. وراشد من سمع الخبر استانس ..
يوم الخميس .. اليوم موعد سفر محمد .. ف المطاار ..
ام محمد: الله يهديك ويشفيك انشاءالله (وصاحت)
محمد: بس فديتج لا تصيحين .. سلم عليهم وودعهم وسافر فيا ابوه لندن
وشوق من طلقها محمد وهي اسيرة غرفتها لا تاكل ولاتشرب وغاديه شرا عود الخيزران واضعف وويها مصفر وكل يوم والثاني مطيحه ف المستشفى ..
مرن 3 شهوووور .. وكل شي ع حاله ماتغير شي .. روضة حدرت ف الشهر الـ 8 .. وهند حدرت فـ الشهر الـ 4 وعلي متحرقص يبى يشووف البيبي .. والعرساان (احمد وعليا +عزووز وساره+ ميرة وعبدالله+سيف ومها) اجلوو شهر العسل لين مايرد محمد بالسلامه ..
يوم السبت .. ف بيت بوسعيد ..
بوسعيد: ابويه سعيد اتصل ف عبدالله خله يضوي العرب ع وصووول
سعيد: انشاءالله ..
اليده(سلامه): وينهن حريم عيالك ماريتهن
بوسعيد: كل وحده تعابل بشي
اليده(سلامه): عيل بسيرلهن
ع العشى وصلوو العرب وحدروو الميالس .. والحريم حدرن الصاله ..
بوسعيد: حي الله من لفانا ياحيكم والله اقربووو
الكل: قرييب قرييب
بوسعيد: اشحالك بوراشد ربك الا بخير ؟؟
بوراشد: يسرك حالي وانت اشحالك واشحال عربك وحلالك ؟؟
بوسعيد: الحمدالله يسرك حالهم ولا يضرك فديت خشمك
راشد: اشحالك عمي؟؟
بوسعيد: بخير يعلك الخير ......
عند الحريم ..
اليده(سلامه): هاي الساعه المباركه فديتج ومابنلقى احسن عن راشد .. بس لازم نسمع شوور البنت
ام راشد: من حقكم فديتكم وانشاءالله ماتبطوون علينا بالرد
اليده(سلامه): يومين بالكثير .......
روضة: العشى زاهب .. وساارو يتعشوون .. وترخصووو المعازيم .. وبوسعيد سار جدى شوق ..
شوق كانت منسدح ع الشبريه وفاله شعرها .. حدر بوسعيد الغرفة ويلس حذاها .. شوق عدلت بيلستها وباسته ع راسه
بوسعيد: تحبين الكعبه .. اشحالج فديتج ؟؟
شوق: الحمدالله ع كل حال
بوسعيد: بنتيه اليوم يوولج خطااب
شوق: ...............
بوسعيد: وانا ابى رايج
شوق: امنو؟؟
بوسعيد: رااشد
شوق انصدمت حست بسجاجين تطعن بقلبها: ...........
بوسعيد: فكري وردي لي خبر
شوق ودموعها ع خدها: ابوويه انا هب موافقه
بوسعيد: يابوج لا تستعيلين
شوق: ابويه اذا تحبني لاتغصبني ع شي ماابيه
بوسعيد: لا تقولين جذه اكييد احبج واذا ماتبينه خلاص برايه كله ولا زعلج .. (ولوى عليها وباسها ع راسها) .. مرن 3 تياام .. وردوو ع ام راشد بانهم هب موافقين واستسمحوو منهم.. وام راشد تقبلت الموضوع بانه قسمه ونصيب لكن المصيبه ف راشد ..
راشد: شو قسمه ونصيب انا اباها
ام راشد: وهم رافضيين
راشد: هب ع كيفهم
ام راشد: عيل ع كيفك .. بنتهم وكيفهم
راشد: امنو الي هب موافق هي ولا هم ؟؟
ام راشد: هي
راشد فول من سمع رمسة امه وظهر خااري ..
ام راشد: الله يهديك انشاءالله ..
نورة حادرة من فوق: بلاه ولدج غادي جبريت
ام راشد: مدري عنه غصب ياخذ شووق
نورة: والله هالراشد .. حالات .....
عند راشد ..
راشد: اشعنه هب موافقة .. ماعندها عذر محمد وطلقها اشعنه ماتوافق .. لا يكوون تحبه .. والله لخليج تندمين ع الساعه الي رفضتيني فيها ..
ف بيت بوسيف ..
ام سيف: سيف فديتك وينها حرمتك ؟؟
سيف: بعدها راقده
ام سيف: رب ماشر الساعه وصلت 12 وهي راقده ..
سيف: بسير اجوفها ..
ف قسم سيف .. الغرفة كانت بارده ومها كانت راقده ..
تقرب منها .. سيف: مها ..مها حبيبي نشي بسج ارقااد
مها: هممممم
سيف: نشي
مها: سيف تعبانه هدني برقد
سيف: شو فيج فديتج ؟؟
مها: تعبانه .. وتصد الصوب الثاني .. سيف حط ايده ع يبهتها : شــــــــــــت ضووووو (ظهر خااري):امايه الحقي مهوو محمومه يبهتها ضوووو
ام سيف ربعت جداها : بسم الله عليها شو ياها مره وحده؟؟
سيف: امس كانت فاله شعرها وهو مبلوول والمكيف باارد
ام سيف: لا حول قم ودها المستفى قم
سيف: انشاءالله انتي لبسيها عباتها وانا بشغل الموتر ..
ام سيف لبستها عباتها وسااروو ..
ف بيت بومحمد ..
ام محمد: اشحاله ولديه؟؟
بو محمد: الحمدالله كل شي بخير وانتوو لا تحاتوون
ام محمد: وينكم الحين ؟؟
بومحمد: ف المستشفى و باجر بنسرح ميوونخ
ام محمد: ويدي اشعنه بعد؟؟
بو محمد: عسب عملية الكليه
ام محمد تنهدت: الله يردكم بالسلامه .. وسلم ع محمد
بومحمد: يوصل
ام محمد: اندووك سالم بيرمسك
سالم: مرحباا السااع عمي اشحالك ؟؟؟ ..........................
فاطمه: طمنيني شو قال؟؟
ام محمد: باجر بيسرحوون جدى ميونخ عسب عملية الكليه
فاطمه: الله يردهم بالسلامه
سالم بعد ماسكر : ها عموو شكلج مابتغدينا اليوم !!
مريوم وسلطون: هيه والله
ام محمد وفاطمه: ههههههههههه
ف بيت بوعلي ..
هند: ههههههه وااي بطني هههههههه
ام علي: بسم الله شو ياكن
ساره وعليا: هههههههههههه
هند: عموو ماقدر ارمس
عليا: ههه مره كنا ظاهرات المول ونحن نتمشى وان ساره داعمه باب المحل ومنسدحه ع الارض
الكل: ههههههههههههههههههههههههههههه
وان الشباب حادرين ..
عزووز: امنو يحش ف حرمتيه؟؟
البنات: هههههه
علي سار جدى حرمته: فديت هالضحكة عني ماخلى منها ومن صاحبتها .. هند غدت طماطة ..
احمد: فديت علايتي اشتقتلج .. ويلس حذاها ..
ام علي: ويدي نسيتووني ولا شووه؟؟
وان بوعلي حادر .. بوعلي: ونحن نقدر .. وباسها ع يبتها ..
الشباب: عاااااااااااااشووووووووووووووووووووو

كــــــــــــــــــــــــــــــــــــــــــــــــــ ــــــــــــــــــــــــت ..

امممممممم ..
شو تتوقعوون يستوي بشوق ومحمد ؟!
ورااشد بينفذ تهديده ولا ؟!
ومها ظنكم شو فيها ؟!
وشو رايكم ف البارت ؟!