منتدى استراحات زايد - ~» .. غريبه وســط أوطــاني .. «~

منتدى استراحات زايد (http://vb.ma7room.com/index.php)

- استراحة قصص وابداعات الاعضاء (http://vb.ma7room.com/forumdisplay.php?f=28)

- - ~» .. غريبه وســط أوطــاني .. «~ (http://vb.ma7room.com/showthread.php?t=330838)

ولا تزعلون والسمووووووووحه

بس تعبت ومريضه شوي

حموده: كنت موقفه ع طرف الشارع والحين تحركت ..

خالد: انا الحين يايــنج يالله بســكر .. مع السلامه ..

حموده: مع السلامه ..

بنــدت عنـه وكملــت دربيه وانا ماعرف شو شعوريه .. يالسه ألعن نفسيه اللي ضعفت جدامه .. وفي نفس الوقت أحس بالفرحه .. بس كيف بعيـش فياه وانا ادري انه فحياته وحده غيريه .. وحده تشاركنيه فـ كل شي فيه .. ماظن حياتنا بترد نفس قبل .. وانا اعرف انه كل كلمه حلوه يقول لي اياها في وحده غيريه تسمع نفسها .. وكل همسه ولمسه كل شي تشاركني فيه وحده ثانيه .. ماتعبت نفسي بالتفكير أكثر .. كل اللي يهمني هو سعادة هاللحظه وبـس .. !

بـدا المطـر يصــب .. والعواصيـف تشل البقعه .. والبروق والرعود تشل وتحط .. كان الجو بالنسبـه لي روووعه ..

ماقدرت أكمـل دربي بسبـة هالحادث الفظــــيع اللي شفته جداميـه .. شهقت أقوى شهقه فحياتيه يوم شفت السياره المدعوومه .. هاي السيارة اللي فيها قوم يدووه ! والألعن انه فيـها بنتيـه .. مي .. لااااااااااااااااااااااااااااااااااااااااااااااااا اااااااااااااااااااااااااااااااا .. ماهمووني كلهم .. كل اللي همنيه هي بنتيـــه !!

نزلت من السياره مثل المينووونه .. قبضونيه الشرطه وماخلونيه اخطف .. سألنيه الشرطي يوم شاف حالتيـه ..

الشرطي: اختيه انتي تعرفين أهل هالسياره ؟

قلت وانا أصيح: هيه هااي سيارة أهليـه .. بنتيه بنتيـه ويـــن ؟

الشرطي: والله ياختيه ماعرف شقولـج .. السياره دعمتها هالشاحنه (وأشر على شاحنه طايحه ومنجلبه على طرف الشارع ) و على ما أظن انه كل اللي فالسياره توفّوا ماعدا وحده حالتها خطيـره ..

صرخت: شوووووووووووووووووووووووووووووووه ؟؟؟

الشرطي: ياختي استهدي بالله ..

حموده: شو استهدي بالله .. وبنتيه بنتيه شو استوا عليـها ارمــس ..

الشرطي: بنتج كم عمرها ..

حموده: عمرها 7 شهوور ..

الشرطي: الله ماكتب لها عمر ..

شهقت وطحت ع الارض وتميت أصيـــــــــــــــــــــح وأشــاهـق من خاطريـه .. توني استوعبت .. توني استوعبت اللي صاااااااااااار .. ماتــوا ؟؟؟؟؟؟؟ أهليـــه ماتوا ؟؟ بنتيـه ماتت ؟؟ تخبرت الشرطي أي مستشفى حولوهم .. وربعت سيده صوب سيارتيه بلا ذهن وحركت السياره ودقيت حق خالد ..

حموده: ماتوا ياخالد ماتوووووووووووووووووووووووووا .. بنتيه ماتت ياخالد ماتت ..

خالد: شووووووووووووووه ؟ شو تقوليـن انتي ؟ شو مستوي ؟

حموده: سووا حادث ماتووووا ماتوووووا ..

خالد: أي مستشفى حولوهم ..؟؟

حموده: توااام ..

خالد: أنــا قريب من المستشفى بسبـقـج انزيــن ..

حموده: طمننيه يا خالد دخيـــلك طمننيه .. قلبيه احتــرق قالوليه مي ماتت .. شو حياتيه انا عقبـــها .. شووووه ؟؟؟؟؟

خالد: لا انشــالله الله لايقووله .. انا وصلت المستشفى الحيـن .. برمسج خلاف ..

حموده: انزيـن .. الله يوفجك وتيب الاخبار الزيـنه ..

خالد: انشالله .. يالله مع السلامه ..

حموده: مع السلامـه ..

عقب مابندت عنه زدت الســرعه .. الا شوي كنت انا بنفد بعد يوم ظهرت في ويهيه شاحنه بس لفيت عنها .. وصلت المستشفى في ربع ساعه مع اني كنت في آخر الدنيا ..

نزلت بسررعه وسرت صوب الطوااري .. شفت خالد وربعت صوبه شرات المينونه ..

حموده: هاه شو الاخبـــار بشّــــــر؟

رفع راسه صوبيه وكانن عيونه حمـر ..

خالد: أدعيــلهم بالرحمــــــه ..

شهقـــت بقـــوو ولويـــت على خالد وتميت أصيـح وهو بعد لوا عليّه بقوو ..

حموده: شو يعني بنتيه ماتت ؟ مي ماتت ؟ لا قول انك تجذب عليّه .. دخيــلك كل شي الا هذا ..

خالد: لو بيديه شي جان سويته بس هذا هو المكتووب ..

ابتعدت عنه .. وحسيت راسي يدور .. غمضت عيونيه .. وماحسيت بـ شي ..

مقبـره ..

عند كل قبر مكتوب اسم ..

بالترتيب مكتوب عليهن :

سلامه ..

سيف ..

عليا ..

عوشه ..

موزه .. > يعني يدوه ..

مي ..

فجأه كل شي صار أسود ..

وجنه حد يا وكتم على انفاسيه ..

قمت وانا اشاهق وأكح .. وتحول هالشهيييق لصياح ..

ياصوبيه خالد ولوا عليّه وهو يهدينيه ويقرا عليّه ..

حموده: لاتخليـنيه دخيـلك انا مالي غيرك .. كلهم ماتوا عنيه لاتموت انته عنيه .. أنا أحبـك لاتخليـنيـه ..

خالد: مابخليج صدقينيه مابخليـج .. انــا أحبـج مستحيـل أخليج ..

حموده: انا ماتم لي حد في هالدنيا حتى بنتيـه راحت ياخالد راحت ..

خالد: وانا وين رحـت ؟ انا عندج ومستحيل أخليج ..

حموده: ياربي ليش ماخذتني وياهم ليــش ؟

خالد: استهدي بالله ياحموده لا تقولين هالرمسه .. هذا كتبة ربـج وكل حد له يومه ..

حموده: وانا شو حياتيه الحين ؟ كلهم ماتوا ماتوا وانا بتم غريبه غريبه شرات قبل ليش ياربي ليش ؟؟؟؟

تميت أصيح ولويت على خالد بالقو وجني ماباه يبتعد عنيه .. كنت متمسكه فيه جنه آخر شي باقيلي فهالدنيا ..

بالباجـر بعد ماردقت يوم كامل بسبة المهديات اللي عطوني اياها .. وعيت وتميت أصيــــح واصارخ فـ ضربوني بإبرة مهدي ورحت في سابع نومه لكنها ماكانت تخلو من الكوابيـــس !

مــر أسبوووع ع هالحاله .. وانا حالتيه كل يوم للأسوأ .. لكنهم بعد إلحاح واصرار من خالد خلوني أرد البيـت .. يمكن تتحسن حالتيه ..

في حجرتنا ..

خالد: هاه شو تانسين عمرج ؟

حموده: أبا أمووت مابا حياه من عقب بنتيه وأهليه ..

خالد: حبيبي أدعيلهم بالرحمه والمغفره مايستوي جذيـه ..

بديـت بالصياح وشغلت سمفونتيه اليوميه .. وخالد كالعاده مايقدر يسوي شي غير انه يلوي عليّه ويقرا على راسيه ويمسح عليه لين أهدا وأرقد !

بعد شهـــريــن .. حالتيه هي هي نفسـها ماشي تغيّر .. حتى اني حسيت انه خالد لاعت جبده منيه ومن حالاتيه اللي ماتخلص .. بس في يوم من الايام .. كنت توني واعيه .. كانت الساعه 5 العصر .. فجيت الدريشه .. كان شي طشاش (مطر خفيف) .. حسيت انه الارض تشاركنيه حزنيه .. طلعت فالحوش ويلست ع الصبّيه .. وضميت ريوليه لـ صدريه وخشيت راسيه وتميت أصيـــح والمطر كل شويه يغـزر والبرق والرعد يخوّف اللي مايخاف ..

أمطري ..

وأمطري ..

ثم أمطري ..

واغسلي قلبي ..

وأمطري [ لين همي ينجلي ]

رفعت راسيه شفتهم كلهم .. كيف يقولون انهم ماتوا ؟ هاي مي بنتيه .. يالسه تلعب بـ برقع يدوه ويدوه تغني لها .. وعموه يالسه ترمس ربيعتها فالتيلفون عن فلانه وعلانه .. وعميه وحرمته يتناقرون .. ابتسمت وكنت بقوم صوبهم .. بس وقفنيه صوتهم وهم يقولون:

.. لا لاتلحقيـنا ..

واختفوا .. بعد فتره اكتشفت اني كنت يالسه أطالع الفرااااغ .. بدا البَرَد ينزل .. فلّعنيه ع راسيه لين استوعبت انه اللي انا يالسه أسويه خبــال .. ربعت داخــل بسرعه .. تميت أكح وأعاطس .. مسرع مازجمـت .. سرت وتسبحت وبدلت ثيابيه .. قبضـت المصـحف .. وتميت أقرا بصوت عالي ودموعيه تسبقنيه .. أذن المغرب وصليت وتميت أدعي لهم من كل خاطريه .. ورديت لمصحفيه وكملت قرايه وانا دموعيه فعينيه و كل شوي أكح واعاطس ..

انفج باب الحجره وانا يالسه أقرا سورة الكهف .. تحنحن خالد ..

قلت: صدق الله العظيم ..

وبندت المصحف وبكل هدوء سرت صوبه ووقفت جدامه ..

قلت بصوت هادي : أهليـن ..

ابتسم أحلى ابتسامه فالدنيـا حسيته صدق فرحان من الخاطر .. لوى عليّه وشلنيه وتم يدور فيّه ..

حموده: هههههههههههه ايه انته خبلــه ؟؟

خالد: الحمدلله الحمدلله اللي ردج لعقلـج .. شو استوا شو صار قولي نزل عليج ملك الرحمه ؟

حموده: لا والله البرد ضربنيه على راسيه وعقلت ..

خالد: لاتقوليـن كنتي يالسه فالمطر .. !

حط ايده على يبهتيه ..

خالد: محمووووومه !

وطّانيه ع الشبريه وطلع من الحجره وكان يزقر الخدامه .. رد عقب دقايق وفي ايده دوا "أكتفيد" و "أدول" وععععععع ياربي ما أحب الادويـه وخاصةً الشراب > طعمه خايس !

حموده: لااااااا .. إلا الدوااا ..

خالد: ع كيـفج هو ؟ ماعليه الحين هاي بتيب لج شوربه وبتشربيـن وبتعينين خيـر وبعطيج الدوا ..

حموده: لااااااااااااااااااااااا مابا ..

خالد: ياهل انتي ؟

عطست ..

حموده: الحمدلله ..

خالد: يرحمج الله ..

حموده: يهدينا ويهديك الله هات كرتون الكلينكس ..

عطانيه الكلينكس وقال : يييه انتي ماينرقد عدالج الليله .. بتمين الا تعاطسين وتساعلين !

حموده: هيه ماينرقد عداليه عيل سير عند اللي ماتنطــرا .. > حرمته/عديلتيه ..

خالد: ههههههههههههههههههههههههههههههههههههه لا والله لوتموت ماسرت لها وحبيبتي تعبااانه ..

حموده: طلقها ..

خالد: من عيوووووني .. بس صحّي انتي أول ..

صاح تيلفونه ..

خالد: ييييه ليش تطرينها ؟

حموده: هات انا برد عليها خاطريه أضحك شوي ..

خالد: ههههههه اندوج ..

عطانيه التيلفون ورديت ..

شما: أهليـــــــــن غناااااتـــي ..

غنّت على ظهرج عصا محنايه انشالله .. مارديت وتميت ساكته ..

شما: يوووه حبيبي ليش ماترد لايكون البقره الضاحكه عدالك ؟

حموده :انا بقره يالعنز يالياعده يالتيسه يالسباله يالخنزيره يالجلبه > ماشالله حديقة حيوانات !

شما: ويـــه بسم الله عليّه والله مالسباله والجلبه الا انتي .. مادري خلّودي شو شايف فيـج .. خســـفه عافانا الله ..

حموده: انا خسفه يا شينة الحلايا يالعيوز الهايم أم ويه ذاوي .. يالحلطا يالخايسه ياللي ريحة يمبج و صنانج واصله لين الصناعيه ..

طبعاً خالد عداليه ناقع من الضحـــك بس بدون صوت ..

شما: هيييييييييييييييييييييييئئئئئئئئئئئئئئئئئئئئئئئئئ انا شما بنت مصبح تي وحده زعطوطه شراتج وتقولّي هالرمــسه والله لخبر خلّوودي ..

قلدت صوتها : والله لخبر خلّودي .. (صرخت) خلّودي الليله مابييج ولاادقين مره ثانيه فهمتي ؟ ولا شقايل بتفهميـن وانتي ياعده يَربا ؟؟؟

ورقعت في ويهها وكملنا ضحك انا وخالد ..

حموده: هاي انته من وين مهضلنها ؟

خالد: من دبي ..

حموده: وانا أقووول ع شو كل هالدلــع !! يالسه الا خلّودي وخلّودي !!

خالد: مب جنج شرشحتيها بزياده شوي ؟

حموده: شو تخاف على مشاعرها ؟ لا قول انك تخاف على مشاعرها ..

خالد: لالالا ماخاف على مشاعرها انتي بس اللي تهمينيه .. ماحد يهمنيه وانتي عنديه ..

حموده: هيه توك ..

هبطت علينا الخدامه وفي ايدها صحن الشوربه .. حطته عندنا وظهرت .. وعاد خالد حالف الا يشربنيه ..

حموده: ييييييه والله انك واحد متفيج > وعطست ..

خالد: يرحمج الله .. يالله غناتي قولي آآآآآآآآ ..

فجيت ثميه وقلت : آآآآآآآآ ..

تم يشربنيه لين ماخلصت الشوربه ..

خالد: يالله الدوا ..

حموده: مابــــاااا ..

خالد: ع كيفج هو ؟؟

فج قارورة الدوا وصب فالغطاه .. وشربنيه وانا ويهيه معتفس من طعم الاكتيفيد لو انه مدبّس > حلو "فيه شكر " .. لكني ماحبــــه ..

و يا من عقبه دور الادول .. شربته .. وشربت كوب ماي عقبـه وانسدحت ..

خالد: يالله عاد لازم ترقديــن ..

حموده: الحيـن ؟

خالد: هيه حبيبي ..

حموده: برقـد بس بشرطين ..

خالد: حاظر .. اللي هن ..

حموده: أول شي انته اللي ترقدنيه .. ثاني شي ترقد فيايه وماتخوز ولاتسير عنيه .. وان وعيت وماحصلتك ياويلك ..

خالد: افا عليج .. غاليه والطلب عسل على قلبي ..

مد ذراعه وحطيت راسيه عليها ولوا عليّه .. حسيت بالراحه وغمضت عيونيه .. حسيت بالحنان اللي ماحسيت غير عند شخصين .. ابويه الله يرحمه وخالد ! ..

احتاج لك لاضيق الوقت صدري
ابيك تمسح عن عيوني شقاهـا
واحتاج لك اذا الفرح ضمفجري
عن ضحكة ايامي وضحكة عناها
احتاج لك في كل لحظه بعمري
لاصرت روحيكيف احيا بلاهـــا

سمعت صوت أذان العشا .. فزيت وفز خالد من فزتيه ..

خالد: بسم الله عليج شفيج ؟

حموده: لا بس سمعت الاذان وفزيت ..

تم خالد يكـح ..

حموده: لاااااااااااااا عاديــتك ..

خالد: عســـل على قلبي جانه الا منـج ..

حموده: عيل لين تصح لاتسير صوب عيالك ..

طالعنيه خالد بستغراب وقال :ليـش ؟

ابتسمت بألم وانا أتذكر مي : عشان لاتعاديهم .. لو كانت بنتيه حيه كنت خفت عليـها ..

خا لد: بس عاد لاتطريـنها لاتكدريـن عمـرج .. أنا كم تميت متكدر وعايف الدنيا وحتى عياليه الثانيين قمت ما أطالع فويوههم ولا أطيقهم .. لكن الله يرحمها الله مب كاتبلها عمر .. وبعدين هي بتشفع لنا يوم القيامه يوم هي ماتت ياهل ..

حموده: صدق ؟

خالد: هيـه ماتدرين ..

هزيت راسيه بـ لا ..

خالد: انزين الحين دريتي فـ لا تزعليـن .. خلاص ماباج تكدريـن خاطرج دام انا موجود .. أنا بغنيج عن الدنيا كلها ..

ابتسمت وقلت : انته اروحك الدنيا كلها عنديه ..

خالد: فديت رووحج .. انزين بقولج شي بس مسكي أعصابـج لأنه هالشي لازم تعرفينه دامج هديتي ..

حموده: شووه ؟

خالد: تدرين ليش عايلتنا أغلبها "انقرضت" .. ؟

ضحكت بطنازه على كلمة انقرضت وقلت : ليـش شمسوين بعد ؟

خالد: ترا شي عيوز من زمان داعيه عليـهم ..

حموده: هيييييئئئئ وينها هالعيوز هاي والله لذبحها..

خالد: انزين تدرين هي ليش داعيه عليهم ؟ ترا عميه علي اللي هو ابوج الله يرحمه دعم سيارتهم اللي كان فيها ريلها وعيالها وماتوا وهي مالها غيرهم .. وعميه كان فيه رقاد وماشاف الدرب عدل .. ويوم وصلت السالفه للمحكمه طلعوا عميه بريء بالواسـطه .. والعيوز من زود قهرها على عميه حقدت عليه وعلى كل عايلتنا الا ابويه اللي ساعدها وتم يصرف عليها لكنها تمت حاقده على باجي العايله وتدعي عليهم والحين شرات ماتشوفين .. الله استجاب لدعواتها .. واستوا فيج شرات مااستوا فيها ..

حموده: آآآآآآآآآآآآآآآآآآآآآآآخ صدق اللي قال .. هذا ماجناه أبي علي وماجنيت على أحد ! الحين هذا كله متى استوا ؟

خالد: قبل لاياخذ ابوج امج ..

حموده: خيبــه .. 25 years ago !

خالد: يييييه الحين من وين نط لنا العرق الامريكي أحيدج من زمان ناسيتنه !

ضحكت ضحكه خفيفه وقلت : هاي العيوز ويـنها ؟ أكيد ماتت ..

خالد: هيه من زمااااان من 10 سنوات .. لكن الله استجاب لدعوتها حتى عقب موتها !

حموده: خسها الله من عيوز يعلها ماتعيّن خيــر جانها سوّت فيّه جذيه !

خالد: الحرمه ميته ادعيلها بالرحمه ..

قلت بيأس وأنا أدري انه الرمسه العوفه مابتنفعنيه بـ شي لأنه اللي صار صار وحتى هي أصلاً انظلمت : الله يرحمها لو انها حقوده و ماتستاهل بس شو اروم أسوي عاد !

سكت شوي خلاف قلت : يالله صلاااااه ..

خالد: أووه نسيت ..

وقام هو وقمت انا .. سرت وتوضيت و صليت .. ومن عقب الصلاه ظهرت من حجرتيه وأول حد واجهته كانت شوااخ ! هاي ليش ما ماتت مب أحسن ؟ أستغفر الله انا شو يالسه أقول ؟

شواخ: حـ حـ حموده ؟

حموده: لا سكنيتها !

وخطفت عنها .. بس وقفنيه صوتها ..

شواخ: لحظه حموده ..

التفت صوبها وقلت : نعم ؟

شواخ: أأأأ الحين خطفن أكثر من سنتين على السالفه .. وأنــا آسفه وأباج تسامحينيه لأني باجر مسافره ويمكن ما أرد لين عقب سنه !..

حموده: الله يسامـحج لكن أنا ما أقدر أسامحـج ..

شواخ: إذا الله يسامح انتي ماتقدرين تسامحين ؟

حموده: ليش اللي سويتيه شويه ؟

شواخ: لا .. وانا ندماااااانه وااايد كثر شعر راسيه .. دخيــلج سامحينيه .. دخيـــلج ..

تنهدت وقلت: خلاص مسموحه ..

وخطفت عنها ونزلت تحت .. حصلت أحمدوه وأمون عيال سعيد .. هم توأم عمرهم سنتين .. تميت أتأمل عيون أمّون .. كانن زرق شرات عيون مي .. لويت عليها ودمعت عيونيه .. ولويت على احمد بعد .. وخلاف تميت ألعب فياهم ..

سعيد: أووووه من وين طالعه الشمس اليووم ؟؟ حموده يالسه فالصاله وتلعب فيا عياليه ؟

حموده: ليـش مب عايبنك ؟

سعيد: إلا عايبنيه بس شالطاري عليج ؟ ..

حموده: بس جيه دقة راس !

سعيد: ياعيني ع دقة الراس ..

خطف عنيه وطلع خاري .. وأنا كملت لعب فيا اليهال .. شفت ريموه يايه بعيالها الصاله .. سلمت عليـها ورقيت فوق .. مارمـت أستحمـل شوفة عيالها .. خاصةً انهم كبر مي الله يرحمها .. مادري متى بتخلص من هالعقده .. ماعرف لين متى بتم ما أتحمل شوفة اليهال ! بس ياناس والله فقد الضنا مب شي سهـل الله لايراويكم اياه !

تميت أطالع التلفزون فالصاله اللي فوق .. وبدون أدنى مقدمات يت عنديه شواخ اللي مادري شو يايبنها بيتنا ووين ريلها عنها !

شواخ: اطالعين هالبرنامج ؟

حموده: مرّات ..

شواخ: أكرهها هالمذيـعه ..

حموده: ليش شو فيها ؟

شواخ: مره دقيت حق البرنامج يوم كنت في لندن .. أوني مصدقه عمري عاد .. جان تقول معانا شيحه من باكستان ..

مارمت أقبض عمريه ونقعت من الضحك..

حموده: شو صمخا ولا عميا هاي ؟

شواخ: لا أونه على قولتها : سوري الكنترول نقلني الاسم غلط .. جان أقولها نقعي انتي وكنترولج فوقج ورقعت في ويهها .. عقب ماسكرت قالت ياليت المتصلين يحترمون عمارهم ومافي داعي للألفاظ المتنبيــه ..

حموده: هههههههههههههههههههههههههههههه لا الصراحه فظيـــعه هالمذيعه .. من أي قاموس يايبه هالكلمه هاي ؟

شواخ: هههههههههه شدراني .. !

وتمينا نضحك ونسولف وجنه اللي صار من سنتين ونص ماصار .. وحتى يوم شافتنا ريموه استغربت اللي نحن فيه بس استانست ويت يلست عندنا ..

الريم: اييييه أبا أدق حق فطوووم .. تولهت عليـها ..

حموده: لحــــــــظه انا برمسها والله لها وحشه خس الله صنيفها ..

دقيت من تيلفونيه ع رقم فطوم .. طوّل وهو يصيح وخلاف رد عليّه صوت رجوولي .. اللي هو طبعاً سيف ..

سيف: ألووووه ..

حموده: هلا سيف شحالك ؟

أول ماقلت هالجمله انتبهت ع خالد اللي كان توه ياي صوبنا وشكله سمع جملتيه لأنه ملامح ويهه اعتفست ..

سيف: بخير الحمدلله .. الله يالدنيا من عقب ماكنا أقرب شخصين لبعض الحين غدينا أغرااب ومابينا غير "هلا" و"شحالك" و"مع السلامه" ..

تجاهلت رمسته طبعاً وقلت : اممم بغيت فطوم لو سمحت ..

يا خالد ويلس عداليـه ..

سيف: أول شي فطوم اتسبّح .. ثاني شي الليله بدق لج ولاترقعين في ويهيه شرات كل مره أوكيه ؟

حموده: انزين عيل مع السلامه وسلّم ع فطوم ..

رقعت في ويهه قبل لاأسمع رده ..

طالعنيه بنظره وقال : منو ترمسين ؟

بققت عيونيه من سؤاله .. لازم يعني يسأل ويحرجنيه جدام البنات ؟

حموده: كنت داقه حق فطوم بس رد عليّه سيف ..

اغتاض أكثر مادري ليش .. وصد الصوب الثاني يطالع التلفزون ..

صاح تيلفون شواخ وقامت عنا .. وريموه صاحوا عيالها وسارت صوبهم .. سحبنيه خالد وهبطنيه حجرتنا ..

حموده: انته شو مشكلتك بالضبـط ؟؟

خالد : والله والله ان سمعتج تنطقين اسمه مره ثانيه لقص لسانج قــص .. تفهميـن .. وان سمعت انج رمستيه ولا لسانج خالط لسانه لتشوفين شيٍ ماشفتيه !

قلت بدلع : فديـت الغيران ياربـي ..

ولويت عليه وانا أضحك وقال: أنا أغار عليج حتى من الهوا اللي تنتفسينه ودي أذبح كل واحد يطالعج ولا يرمسج ..

حموده: يانفااااد الدنيا !

فج عنيه وتم يضحك ..

حموده: عيل انا المسكينه شو أقول ؟ تلومنيه يوم تميت شهرين زعلانه ؟ أنا أباك حقي أنا وبـس .. لو الود وديه أنقز في كرشة هالسودا وأجتلها ..

خالد: هههههههه لا تخافين بطلقها ..

حموده: لا كلــه ولا خراب البيوت أنا ما أرضاها .. وبعدين عيالك ..

خالد: وااايد أشياء استوت وانتي ماتدرين عنها .. أصلاً انا حتى من قبل لاآخذج كنت ناوي أطلقها لكن اللي صبرنيه عليها العيال .. لكن الحين أنا تأكدت انه هالانسانه مب كفو تربي عياليه ..

حموده: كيــف ؟

خالد: هاي وحده لسانها طويل وطلعاتها وايده بدون استئذان وتحب تمشي اللي في راسها وماتسويليه سالفه .. هذا طوّفتلها اياه وقلت مع الايام بتعقل .. لكنها بالعكس زادت في لعانتها .. وسرقت بطاقة السحب مال البنك مالتيه وسحبت 50 ألف من الحساب وأنا مادري .. استوت مشكله عوده ع هالسالفه بس خلاف انحلت .. وعقب مايبنا عيال تمت تخليهم فالبيت وتروّح عنهم وتخليهم دوم ع الخدامه ولاتنشد عنهم ماجنها امهم وتمت على هالحال وانا أسكت عنها لين قبل اسبوووعين ..

قلت بهتمام : شو استوا ؟

خالد: سارت عرس وحده من ربايعها وانا مادري .. صح اني أنا كنت عندج بس كان المفروض تستأذن ع الاقل وتخبرنيه .. تمت فالعرس لين الساعه 2 فلّيل وخلاف سارت تبات عند بنت عمها مادري بنت خالها ولانشدت عن اليهال .. مادريت الا بالخدامه داقتلي تصيـح وتقول واحد من العيال محموم من كمن يوم واغمى عليه والثاني طاح من ع الدري وانكسرت ايده .. وهم ماشالله عليهم مقلّع والخدامه ماتروم عليهم كلهم .. المهم طرت صوبهم ووديتهم المستشفى .. قالوليه انه اللي محموم فيه انفلونزا الخنازير ولازم يفحصونيه ويفحصون اخوانه و الخدامه .. فحصنا كلنا والحمدلله الله ستر وماطلع فينا شي .. هذاك عالجوه وطلعناه عقب كمن يوم من المستشفى .. والثاني ايده مجبسه لين الحين ..

حموده: انزين حبيبي فكّـر قبل لااطلّقها .. مايستوي عيالك مالهم ذنب ينحرمون منك ولا من

امهم ..

خالد: انزين اذا كانت المشاكل امبينا ماتنتهي شسوي أنا ؟ اذا ع العيال أنا وانتي بنربيهم هذا جان ماعندج مانع ..

حموده: أكيــد ماعنديه ماااانع ياحلوهم على قلبيه والله ..

خالد: وهي ان طلقتها أدريبها من تخلص عدتها بالباجر بتعـرس .. هاي خبز ايديّه عارفنها عدل انا ..

حموده: عيل اسمعها متخبله عليك .. خلّودي وخلّودي !

خالد: هههه لا تضحكينيه دخيلـج .. هاي كل الشباب ادلّعهم مب الا انا .. أنا غلطة حياتيه يوم خذتها .. بس شدرانيه انا انج بتكونين في حياتيه ؟

حموده: اممممم شوف تبا نصيحه لاتاخذها من عنديه لأنيه انا أكيد آخر شي بخضع لأنانيتيه وبقولك طلقها واختارنيه انا .. أحسن شي سير استشير حد غيريه ..

خالد: انا مابستشير .. انا اخترتج انتي وعفتها هي وخلااااص .. طابت النفس منها ..

حموده: آآآه ياخالد أخافه ايي يوم وتقول طابت النفس منج انتي بعد .. ترانيه انا وحده مقروده يعني عادي أي شي يستوي ..

خالد: مستحيل ايي هاليوم يعلني الموت قبله ..

حموده: يوووووه لاتدعي على عمرك بالموووت حرام عليك ناوي عليّه انته تبا تموتنيه قبل يوميه .. انا شو حياتيه بلاك ؟ ترانيه والله بصيح ان طريت الموت مره ثانيه ..

خالد: لا يبوج خلاص ..

حموده: انزين أقووولك حاول آخر محاوله في عديلتيه النحسه يمكن الله يهديها ..

خالد: جنها الا عايبتنج سالفة العديله ؟

حموده: فرحانه لأني أنا اليديده !

خالد: هههههههههه حسبي الله ع ابليسج !

حموده: لا صدق رمسها آخر مره عشان عيالك .. الا ماقلتليه شو اساميهم ؟ وكم أعمارهم ؟

خالد: سالم عمره 4 سنوات .. وعبدالله وعلي عمارهم سنتين ونص ..

حموده: لحظه لحظه يعني يوم كنت عنديه في أمريكا هاذيلا كانوا توهم مولودين صح ؟

خالد: هيه ..

حموده: حرام عليك عيل شعنه تميت عنديه ليش ماجابلت عيالك .. ؟؟

خالد: تبين الصدق في ذاك الوقت ماكنت أبغيهم .. كنت أبا بنات وهم توأم وأولاد حسيت اني مب طايقنهم ولا طايق امهم .. قضيتها عندج في أمريكا وين الجو الحلو والويه الحسن ..

حموده :لا والله ؟ انته واحد ماتتحمل المسؤوليه .. !

خالد: لا بس قبل .. الحين عقلنـا .. وأصلاً لو هم عيالج جان ماخليتهم .. غلاتهم من غلاة امهم ..

حموده: انته خبلــه هاذيلا عيالك ..

خالد: انزين تراهم غاليين الحين ومحد يسواهم ..

حموده: انزين ولأنهم غاليين فكّـر مليون مره قبل الطلاق .. وحاول في أمهم بعد .. لاتظن اني بزعل اذا ماطلقتها بالعكس اذا ضيّعت حياة عيالك بزعل انته لازم تتحمل مسؤوليتهم وتفكر فيهم قبل لاتفكر في نفسك والمفروض يهمونك هم قبل أي شي ثاني ..

خالد: انشالله يصير خير .. انا تحريتج بتقولين أبركها من ساعه يوم بطلّقها بس ظهرتي عاقل .. فديت العقّال انا والله ..

حموده: احم احم فديتنيه والله .. يعلني فدا عمري ..

خالد: أفــــــــا أشوفج اتفدّين عمرج .. وانا ؟

حموده: انته الغلا كله في أول وتالي .. وانته حياتي وانته عمري وكوني .. والناس ماتسواك ياراس مالي .. لو بينك وبين البشر خيروني ..

خالد: هالاغنيه أسميها عليها ذكريااااات .. تحيدين ..

حموده: بداية حبنا > قلتها بالمصري .. آآآآهـ يا ألبــي ..

خالد: يييييييييييييه ماحيد عمريه ماخذ مصريه !!

حموده: لا انته ماخذ وحده كانت في يوم من الايام مواطنه أمريكيه أصــل !.. تصدق لو كنت أدري انك انته بتكون مستقبليه جان ماصحت ولايوم فالماضي ..

خالد: فديت هالعيون الزرق يعل مدامعهن ماتهل أكثر ما هلت ..

حبنيه على يبهتيه ووقف ..

خالد: بظهر أتمشى وافكر شويه ..

حموده: ماتبا عشا ؟

خالد: يوم برد حتى لو تأخرت أباج تزهبيلي اياه انزين ؟

حموده: من عيوني يا عيوني ..

خالد: تسلم عيونج .. يالله مع السلامه ..

حموده: مع السلامه ..

وظهر عنيـه ..

وقفت جدام المنظره اطالع عمريه .. ترتبت شويه وطلعت .. يلست شويه جدام التلفزون فيا ريموه وشواخ اللي استغربت كيف استويت اتعامل فياها جذيه عادي عقب القطاعه اللي استوت بينّا !

خلاف حطوا العشا والظاهر انه خالد بيتأخر .. ما اشتهيت العشا بدونه خاطريه أتعشا فياه الليله .. قلت حق الخدامه تعزل لنا من العشا وتخليه فالمطبخ .. وخلاف يوم ايي خالد تحرره وتيبه لنا فوق .. يلست عند التلفزون وكملت المسلسل اللي كنت اطالعه .. جااان يصيح التيلفون .. كان رقم سيف اللي دوم يدق ليه وما أرد عليه .. هو قالّيه أرد عليه .. برد وبشوف شو وراه هالمتفيج ..

قمت من غرفة الطعام ويلست فالصاله .. رديت ..

حموده: ألوووه ..

سيف: زين يوم بغيتي ترأفين بحاليه تو النااااس !

حموده: يوووووووه خلصنيه شو تبا ؟؟

سيف: أبـا اعرف شي واحد بـس .. يوم أنا مزيوون ومخاونج 4 سنين وكنت لج كل شي في حياتج تقريباً في فترة عيشتج في أمريكا .. شعنه بدّيتي عيال عمج عليّه ؟ شقايل ماحبيتينيه وانا اللي عشقتج ؟ هذا شي واحد أبا أفهمه ومن عقبها امره مابرمسـج ..

حموده: شوف يا"ولد الناس" (وتعمدت أعلي صوتيه عند هالكلمه) .. انا مابيني وبينك شي خلاص كل شي انتهى أنا يمكن ذيج الايام لأني كنت فغربه كنت متعلقه فيك بس الحين خلاص انته ماتعنيليه شي حالك حال أي حد قابلته فحياتيه ونسيته .. !

سيف: وهذا شين الحلايا خويـلد شو عايبنج فيـه استغفر الله .. لو هو ويهه يتشاهد ماعليه بنقول ..

حموده: شوف ريليه لاتيب طاريه ع لسانك حتى لو هو ولد خالك .. هذا يسواك ويسوى طايفـتك كلها .. خالد ريال .. شين حلو مايفرق عنديه .. المهم انه ريال ويعرف المرايل مب شراتك في ذمتيه انك ماعرفتهن ولا أهلك عرفوا يسنعونك يوم انته ادقدق انصاف الليالي على وحده معرسه وانته اروحك معـرس .. اسمع يا ولد الناس آآآخر رمسه عنديه .. هالرقم تنساه تمسحه من عندك موليـه .. وان دقيـت والله لتشوف شيٍ ماشفته .. تفهم ؟

ورقعت في ويهه .. هبط عليّه خالد يصفق ..

خالد: هيه هاي حرمتيه ..

حموده: بسم الله من وين ظهرت انته .. ؟

خالد: كنت يالس اتسمـع عند الباب ..

حموده: امممم مب معصـب ؟؟

خالد: وليـش أعصب بالعكس مستاااااانـس .. عنديه حرمه قدها وقدود عن عشر رياييل !

حموده: أفـــا عشر رياييل عاد ؟ هاي الجمله منك بالذات تعتبر اهانه ..!

خالد: لا قصــدي فالقوه مب في شي ثاني ..

حموده: هيه أتحسب بعد ..

خالد: مره ثانيه يوم يتم يدقدق لج عطينيه انا التيلفون أوكيه ؟ انا غلطان وستين غلطان يوم يوزته فطوم هذا مايستاهل .. ع الاقل فطوم الحين عقلت .. الا هذا اعوذ بالله منه .. اللي لاوي ذراعيه الحين انه فطوم حامل ولا جان طلقتها منه ونفيته برا البلاد .. ودي اسير واكفخه واضربه لين تتكسر ضلوعه بس ادري هالشي مابيفيد ..

سرت ويلست عداله وقلت: لا حبيبي اهم شي انته خل الدنيا كلها تولي محد يستاهل حتى تكلف لسانك يرمسه .. اعرف بس انك انته الشخص الوحيد اللي أحبه من كل خاطريه في هالدنيا وانه مالي غيرك .. دخيلك لا اتعّب عمرك .. عشااانيه ..

خالد: آآآه أسميج تعرفين شقايل تبردين فواديه وتهدينيه ..

سكت خلاف قال : الا وين عشانا ؟

حموده: مابتعشا عندهم ؟

خالد: لا أبا نتعشى رواحنا ..

حموده: هيه عيل خلنا نسير فوق وبقول حق كاستي تيبه لنا ..

خالد :انزين ..

زقرت كاستي وقلت لها .. رقينا فوق و يابت العشا وتمينا نتعشا ..

حموده: قول آآآآآآآآآآآآآآآ بلقمك ..

فج ثمه ولقمته ..

خالد: أبا زيتوونه ..

حموده: وانا أبا باباي !

خالد: يالله عاد ..

حموده: انزين انزين ..

شليت زيتونه ولقمته اياها بس ..

حموده: آآآآآآآآآآآآآآي حمااااااار عضيتنيـــه !!!

خالد: ههههههههههههههههههههههههه .. سوري ماانتبهت ..

حموده: لا والله ؟

تميت أنفخ على صبعيه جني ياهل ..

حموده: شو هالضروووس حشا مخالب هب ضرووس ..

خالد: هههههههههههههههههههه .. قولي ماشالله لاتنضلينيه ..

حموده: مابقول وبشوف شو بيستوي .. عيل شعنه تعضنيه ..؟

خالد: عورتج ؟

هزيت راسيه بـ هيه ..

خالد: هاتي اطالع ..

مديت له ايديه عشان يطالع آثار ضروسه ..

حب صبعيه اللي عضه وحط ايديه وتم يمسح بها على خده ..

خالد: والحين يعورج ؟

ابتسمت وقلت : لا ..

خالد: هيه عيل قولي ماشالله ..

حموده: هههههه ماشالله .. والحين تروم تعطينيه ايديه عشان آكل .. ؟

خالد: لا انا بأكلج ..

حموده: لا عااااد بس أبا آكل روحيه ..

خالد: لا ماشي .. والله ان ماخليتينيه أأكلج لظهر من هنيه وأسير عند عديـلتج ..

حموده: طاااعوووا يهدد بعد ! مب جنك من ساعتين كنت بطلّقها ..

خالد: طلقتها وخلصت ..

حموده: شووووووووووووووووووووووه ؟؟

خالد: هي قالت انها تبا الطلاق وانها عايفتنيه .. قلت لها اذا انتي عايفتنيه مره انا عايفنج مليوون وطلقتها ومن باجر بسير المحكمه وبطرش لها ورقتها ..

حموده: والعيال ؟

خالد: قالت بتخليهم عندها لين تعرس ..

حموده: قالت هالرمسه جدامك ؟

خالد: هيه ..

حموده: أسميها صدق ماتستحي على ويهها .. هاي من شو مخلووقه ؟ صدق انها حيواااانه ..

خالد: خليها تولي زين يوم افتكيت منها ..

حموده: بس هي اهانتك وانا ما أرضى بإهانتك ..

خالد: هي الخسرااانه ولا شو رايج انتي ؟

حموده: أكيـــــــــــد ..

سكتنا عن الموضوع وكملنا عشانا ..

بالبـــــــــــــــــاجـــــــــــــــــــــــــــ ـر ..

يا ريل شواخ عشان يشلـها ويسيرون المطار .. على غير العاده ودعتها بحراره .. وروّحوا .. يلست فالبيت ملااااانه .. كلن لاهي بعمره .. خالد وسعيد وعلي فالدوام .. وريموه لاهيه بعيالها .. وام خالد وابو خالد في عزبتهم .. ماتم حد غير أمون وأحمدوه .. فكرت أوديهم ألاعبهم بدال ماهم مفرورين ع الخدامه .. دقيت حق خالد وسعيد واستاذنت منهم .. وشليته العيال وروّحت .. الصراحه ماتعودت أعيش بلا عيال .. مادري كيف كنت عايشه قبل !

ركبت سيارتيه وتوجهت صوب بواااادي .. وصلت عقب عشرين دقيقه ونزلنا وأمون وأحمدوه فرحانيــــــــــــن وحليلهم مب متعودين حد يطلعهم !..

دخلنا وسرنا فوق صوب الالعاب .. كنت أركب فياهم في بعض الالعاب عشان لايطيحون .. كان شكليـه غلـــط !

وقفنا عند وحده من الالعاب المزحوومه .. ويوم وصل دورنا قال الفلبيني اللي عند اللعبه انه البطاقه مافيها فلوووس ..

حموده: يووه يعني نحن من نص ساعه واقفين نتريا آخر شي الطاقه مافيها فلووس ؟

.....: ولا يهمج الشيخه بدال الكرت عشره ..

التفت صووبه .. يييييه هذا في كل بقعه لاحقنيه ..

حموده: هذا انته ؟

زايد: هيـه أنا شرايج بالصدفه ؟

حموده: والله أنا أشك مرات انك تلاحقنيه ..

زايد: لا محشووومه .. اندوج الكرت ..

حموده: لامشكوور الشيخ .. يالله أمون وأحمدوه روحنا بنركب لعبه ثانيه ..

أمون: لالالالالالالالالالا ..

وتموا يتصايحون يبون اللعبه ..

حموده: اففف تعالوا حبيبي هاي اللعبه مب حلوه بوديكم هناك عند هاذيج .. (وأشرت ع وحده من الالعاب ) ..

لكن للأسف ماطاعوا يتفججون من اللعبه .. جان يعطي زايد الكرت حق الفلبيني ودخلوا أمون وأحمدوه يلعبون ..

حموده: مشكور لو اني ماطلبت مساعدتك ..

زايد: العفو ..

شفته يسوي باي باي حق واحد من العيال ..

حموده: أخوك ؟

زايد: لا ولد اخويه ..

حموده: أها .. الا بغيت اشكرك ع ذيج الليله ..

زايد: لاشكر على واجب .. لو اني كنت ابا اعرف شسالفه بس ماظن انه هذا من حقيه .. الا هاذيلا عيالج ؟

حموده: لا .. عيال ولد عميه ..

زايد: وين بنتج هاذيج اللي شفتها ذيج المره ؟

قلت بحسره : عطتك عمــرها ..

زايد: أأأ سامحينيه مادريت ..

حموده: لا عادي ..

وابتعدت عنه وسرت أشل أمون واحمدوه اللي نزلوا من اللعبه .. بس أمون كانت يالسه تتضارب ويا واحد من العيال .. هو نفسه ولد اخو زايد ..

زايد: أيــه برّوك خل البـنت ..

مبارك: هي ضربتني أول شي ..

هذا شكله عود لأنه يعرف يرمس عدل ..

قالت أمون: لالا هو مت شألي (مط شعري) ..

حموده: تعالي حبيبي روّحنا خلاص ..

أمون: لامابا ذلبيـــه (ضربيـه) ..

حموده: لاحبيبي مايستوي أضربه ..

أحموده: أنا بذلبه (بضربه) ..

وسار عشان يضرب مبارك بس قبضته ..

زايد: تعال انته ماوراك الا المصايب انا الغلطان قلت باخذ فيك أجر وبلاعبك ..

وسحب زايد مبارك وروّح .. وانا شليت امون واحمدوه وظهرت من عند الالعاب .. وسرنا صوب تويز آر أس .. أحب أشتري ألعاب لليهال .. كل شي طاحت عيونهم عليه خذت لهم اياه .. وخطفتهم بعد على محلات الملابـس واشتريت لهم .. واايد أحب أشتري لليهال ..

وخلاف نزلنا صوب كارفور .. وصوب الحلويااات .. خليتهم ينقون كل الحلاوه اللي يحبونها وكل العصاير اللي يحبونها .. خذت انا بعد اللي أباه ودفعت وظهرنا ..

سرت صوب ستار بكس وخذت لي كابتشينو ..

أمون: أمّوووه (عموه) ..

حموده: هاه حبيبي ..

أمون: أبا (وتأشر ع الكابتشينو ) ..

حموده: حبيبي هذا حاااار .. انا الحين باخذ لج أسكريـم وااايد حلو أوكيه ؟

هزت راسها بـ هيه وهي فرحانه ..

أحمد: وانا بعد أبا أسكليـم ..

حموده: وانته بعد باخذ لك ..

شليتهم ويايه صوب المحل اللي مجابل ستار بكس .. أظني اسمه كون زون .. خليتهم ياخذون الاسكريم اللي يبونه وظهرنا من المول بكبره .. وردينا البيت ..

أول ماوصلنا البيت .. حصلنا سعيد يالس فالصاله .. ترابعوا عياله صووبه ..

تبعتنيه الخدامه بالقراطيس ووطّتهن فالدعنه ..

سعيد: شو كل هذا ؟

حموده: حق عياالك ..

سعيد: ليـش ؟

حموده: بس جذيه .. يسد اني انحرمت من بنتيه لاتحرمنيه من هالعيال ..

سعيد: ماحد بيحرمج منهم بس مب جنه واايد ؟

حموده: خذت لهم كل شي طاحت عيونهم عليه .. مايستوي تخلي شي في خاطر الياااااهل .. وبعدين مابيـنّا وايد وما وايد .. هاذيلا عيال اخويه .. ولا انته شرايك ؟

سعيد: رايي من رايج .. بس مره ثانيه عاد لا تشتريلهم هالكثر بيستبطرون علينا ..

حموده: انزيـن خلاص أول وآآآخر مره ..

انا وايد مصدقه عمريه بعد سايره ومتشريتلهم نسيت انه مالي حق عليـهم .. متى تعرس عديلتيه وتفكنيه ؟ أبا اشوف عيال خلّووود !!

سرت صوب حجرتيه .. هبطت وقفلت الباب .. كانت مظلمه والمكيف شغال .. أكيد خالد راقد .. فديته أكيد راد تعبان ..

عقيت عباتيه وشيلتيه وفجيت شعريه .. ولبست جلابية نووم .. انا الصراحه أحس ريوليه متكسره وأبـــا أرقــــــــــــــد!

ماكنت أشوف شي فالحجره بما انه الستاير مبنده .. وبالغلط ضربت ريليه فالشبريه

وصرخت : آآآآآآآآآآآآآآآآآآآآآآآآآآآآآآي ..

فز خالد وشغّل الاباجوره .. أباجوره القايله ياحافــظ !

يلست فالدعنه وتميت أطالع ريليه .. صبعيه استوا احمممر و ظفريه استوا عيناااوي !

يا صوبيه وقال: بسم الله عليج شياج ؟

راويته ريليه والدمعه فعيونيه من الويع أحس صبعيه بينجلع من مكانه ..

خالد: يعورج ؟

حموده: هيه ..

خالد: لحظه بييب لج ثلج ..

وسار صوب ثلاجتنا الصغيرونه وفجها وطلّع الثلج حط كمن حبه في فوطه صغيرونه و يا وحطها على صبعيه .. بعدت ريليه شوي لأنه كان وايد بارد ..

خالد: توج يايه ؟

حموده: هيه .. ياخي انا مادري شو فيّه من أشوف اليهال اتخبل عليهم .. اليوم لاعبت عيال سعيد واشتريت لهم ثياب والعاب جان ينقد عليّه اخوك .. شو سويت له انا ؟ هذا يزايه سايره اتشرا حق عياله اللي هو مايدري عنهم ولا يسأل فيهم عاقنهم الا ع الخدامات ..

خالد: ماعليه هاذيلا عياله وهو يمكن مايبا يبطرهم ..

حموده: شو يبطرهم ما يبطرهم هاذيلا عياله يعني هو ملزوم يصرف عليهم ومايخلي عليهم قاصر ..

خالد: يمكن عشان جذيه هو نقد عليج .. لنه المفروض هو اللي يصرف عليهم مب انتي ..

حموده: بس انا سويت هالشي بحسن نيه .. ما أحب أخلي شي في خاطر اليهال ..

خالد: أدري بج فديتج .. بس كل حد وتفكيره .. المهم ماعليج منه .. أدريـبج تموتين فاليهال ..

حموده: اقوولك ابا ارقـد يالله قمنا ..

ماحسيت الا بخالد وهو شالنيه ..

قلت وانا اضحك: اييييييه يالخبله نزلنيه !

خالد: آآآسف صبعج يعورج ماروم أخليج تمشين ..

حطني ع الشبريه .. ورقــــــــدت ..

وآخر شي والحمد الله

وسا محوني وقيمووووووني ع قصتيه

توالت الايــام وماشي جدير بالذكر .. أقضي طول اليوم ألعب ويا اليهال عيال سعيد وعيال ريموه بعد .. ويوم ايي خالد نيلس في حجرتنا ويوصلنا أكلنا لين هناك ..

لكن بعد 3 أسابيع يو عندنا فطوم وسيف والمصيبه العوده انهم بيباتون عندنا فالبيت .. !

طبعاً قبل لاأطلع من الحجره سمعت توصيات خالد اللي بتطلع عيوونه من الغيــره ..

خالد: أول شي تمشيـن فالبيت متغشيه وان كشفتي عن ويهج ياويـلج .. ثاني شي ماترمسينه ولسانج مايطيح لسانه .. ثالث شي ان شفتيه يالس في مكان ماتيلسين عنده حتى لو بعيد .. حتى لوتشوفينه يموت جدامج لا اتقربين منه فاااهمه ؟

حموده: من عيوووني كل هاللي طلبته .. بس بقولك شي صغيروووني قبل لانطلع ..

خالد: شو ؟

حموده: أحبــــــــــك ..

ابتسم وقال: وانا اموت فيج ..

تغشيـت وظهرنا من الحجره .. نزلنا تحت صوب الصاله اللي كانوا فيها كل العايله متيمعين و فياهم فطوم وسيف طبعاً ..

سلمنا عليهم ويلسنا .. وخالد عينه على سيف عشان لا يلتفت صوبيه .. بس سيف هذا شكله بايع عمره .. تم يطالعنيه ويدقق فيّه بدون لا حيا ولا مستحى .. وخالد لولا حشيمة امه وابوه جان قام له وذبحه !

فطوم اللي مب مسويتله سالفه كانت تسولف فيا البنات ولا عليها لكنها كانت تتجنبنيه .. أكيد درت .. ياربي شو بسوي ؟؟

قاموا الرياييل صوب الميلس حق الغدا .. ونحن الحريم تغدينا فالصاله .. وعقب الغدا أنا سرت حجرتيه وحسيـــت جبـدي لاااااايعه .. يلست ع الشبريه ونزلت وتميت أتنفس بقوو ..

هبط خالد الحجره ويلس عداليه .. حط ايده ع جتفيه وقال : شفيج ؟

حموده: تعبانه شوي ..

وقمت عنه صوب الحمام >الله يعزكم< لأني خلاص مارمت أستحمل عادي كنت أزوع ع الشبريه !..

عقب ماطلعت .. ماحصلت خالد فالحجره .. قلت فخاطريه أحسن .. انسدحت ع الشبريه لأنه راسي كان يدور .. شكيــت فـ شي .. معقووله ؟! لالا بس شكلها معدتيه معصصبه اليوم شوي !

رقـــــدت وقمــت على أذان العصر .. صليت ورديت رقدت .. مالي بارض أظهر من الحجره مافيّه أتصادف ويا سيف !

اذن المغرب .. قمت وصليت .. وظهرت من الحجره .. كان البيت فاضي .. حسيــت عمري يوعاااانه .. تدرون شو مشتهيه ؟ شي أسكريم كلته مره في أمريكا .. نص القوطي ماله أبيض ونصه أصفــر .. كان بالعســل .. أول ماكلته ماعيبنيه بس الحيـن مشتهيتنه .. بس بالله وين بحصله هذا ؟ اممم فكري ياحموووده .. أحيد كارفور اييبون فيه أنوااع الاسكريم بسير بدوره هناك .. قمت صوب حجرتيه .. ولبست عباتيه .. طرشت حق خالد مســج اني بسير كارفووور .. ظهرت وركبت سيارتيه .. ألا وخالد يدق ليه ..

حموده : ألووه ..

خالد: بـ مسج عاد ؟

حموده: شو فيها يعني ؟

خالد: شفيج انتي اليوم ؟

حموده: افففففففففففف ماشي والله انك متفيـج !

ورقعت في ويهه .. اففف مب طايقتنه الصرااحه !

وانا في الدرب غيرت رايي عن الاسكريم .. وفكرت أسير أفحص .. ربكم حامل ولا شي تراني بديت أشك !..

سرت صوب أقرب عياده .. ترييت فالدور ساعه ونص .. حشششا العرب كلهم فيهم زجاام ولابسين كمامات ! انفلونزا الخنازير لاعب لعب هالايام !

وأخيراً وصل الدور عندي وسرت أفحص .. يلست ساعه كامله أتريا نتيجة الفحص ..

نادونيه عقب ساعه ودخلت عند الدكتوره .. الحمدلله انها كانت مواطنه !

الدكتوره: انتي حمده علي ؟

حموده: هيه ..

ابتسمت الدكتوره وقالت: مبرووك انتي حامل ..

حموده: صدق ؟؟ الله يبارك فيـــج .. بس من متى ؟

الدكتوره : توج أول 3 أسابيع .. الا شو الاعراض اللي ياتج ؟

حموده: اممم لووعه .. واشتهيت أسكريم ماكنت أحبـه وأهم شي مب طايقه ريلي !

الدكتوره: ههههههههههه هذا ألعن شي وماعندنا دوا حقه !

حموده: ههههههههههههه ..

المهم باقي سوالفنا أستحي أظهرها جدامكم .. وصفتلي أدويه وصرفتهن وظهرت من العياده .. أول ماركبت السياره دقيت حق خالد .. مارد .. دقيتله ثلاث مرات عقبها ومارد .. تميت أدق وادق لين رد ..

خالد: نعممممممممم حرقتي التيلفووون ..

نقعت من الضحك على صوته المعصصب : ههههههههههههههههههههههههه ..

خالد: عنبوو شو يضحك هالكثر ؟

حموده: أنا آآآآآآآآآآآآآآآآآآآآآآآسفه بس لازم تتحملني هالكم شهر ..

سكت فتره عشان يستوعب اللي قلته خلاف قال : حامل ؟

حموده: هيـــــه ..

خالد: صــــــــدق ؟ حلفـــي أول شـــي ..

حموده: والله العظيـــــــــــــم .. مبروووك عليــنا ..

خالد: الله يبارك فيـج غناتي .. يالله أنا هب مصدق !

حموده: ههههه لا صدق .. بس أقوولك .. مشتهيه تفاااح أصفـر ..

خالد: أصفر عاد ؟ أصلاً شي تفاح أصفر ؟ أحيده الا أخضر وأحمر ..!

حموده: لا شــي .. كنت آكله في امريكا يوم كنت أسير صوب كاليفورنيا !

خالد: حوووه انتي في العين الحين هب في كالفيورنيا !

حموده: انزين دخيلك دوّر لي فالسووق فالجبره في أي مكان المهم أبا تفااح أصفر ..

خالد: يالله انتي وحاامج مشكله !

حموده: أحمـــد ربـــك انها يت على تفاح أصفر .. ما يت على شي امره هب موجود فالبلاد ..

خالد :انزين خلاص بييبلج انتي وين الحين ؟

حموده: انا توني ظاهره من العياده وابا البيت ..

خالد: عيل ببند عنج دامنج تسوقين .. ومره ثانيه يوم تبين تسيرين مكان خبرينيه ماشي سواقه لين تسع شهوور !

حموده: انشالله من عيووني .. يالله مع السلامه ..

خالد: مع السلامه ..

بندت عنه وكملت دربي ليـن البيت ..

أول ماوصلت ونزلت من السياره الا سيف واقفلي فالحوش .. اللي أنقذني منه خالد يوم دق ليه ..

حموده: ألووه ..

خالد: أهليــن .. هاه وصلتي ؟

حموده: توني نازله من السياره ماشالله موّقت !

خالد: هيه شفتي عاد .. إلا أقولج ماحصلت هالتفاح اللي تبينه لفيت كل بقعه وماحصلته ..

قلت وانا اخطف من جدام سيف : كيف ماحصلت ؟ لازم تيبه من تحت الارض بعدين حبيبي هذا كله بيظهر في ولدك !

خالد: لا أنا أباها بنت أموووت فالبنات ..

قلت وانا بعدني ما ابتعدت وايد عن سيف : لا أنا أبا ولد مابا بنت ..

خالد: اللي ايي من الله حياه الله مابنيلس نتشرط نحن ..

حموده: هيه والله صدقك اللي ايي من الله حياه الله ..

هبطت داخل وسيف يتبعنيه وسكر الباب ورايه .. خفت لأنه الصاله كانت فاضيه .. سمعت صوت فالموبايل يدل على انه بيخلص الجرج .. خيـــبه الحين شو بسوي انا ؟

خالد: شفيج صخيتي ؟

حموده: هاه لا ماشي ..

هبطت حجرتيه وقفلت الباب .. حسيت بالراحه ..

حموده: اقولك محد فالبيت الا سيف .. والتيلفون بيخلص الجرج ماله .. شو أسوي ؟

خالد: انتي وين الحين ؟

حموده: انا فالحجره وقافله على عمريه بس بعدنيه زااايغه ..

خالد: لاتخافين انا ياي الحين ..

حموده: انزين لا اتأخر أوكيه ؟

خالد: أوكيه خلاص .. يالله باي ..

حموده: باي

عقيت عباتيه وشيلتيه .. وهبطت أتسبح .. عقب ماخلصت خليت شعريه مبطل هب ياي على باليه أسحيه .. سمعت صوت مفتاح يدور فالباب .. أكيد هذا خالد ياي .. اعتدلت فيلستيه وتميت أطالع الباب .. تبطل الباب .. كان سيـف !!!!!!!!!!!!!!!!!!!!!!!

شهقـــــــــــــــــت بقوووو ..

صرخت: اطلع براااااااااااااااااااااااااااااااااااااااااااااااا اااااااااااااااااااااااااااااااااا ..

سكر الباب وقفله ..

قلت وانا اصارخ واقوم من ع الشبريه وابتعد عن مكانه : أقوولك اطلع برا انته ماتفهم شو تبا شو بتسوي يالحقيــر يالنـذل يالجلـــب .....

ربع صوبيه وانا أشرد وأصارخ لين مالزقنيه فاليدار .. زخ ايديّه بقوو وماخلانيه أتحرك تميت أصارخ بأعلى صوتيه ..

حموده: فجنيــــــــــــــــــــه يالحقيـــر .. خاااااااااااااالـــد إلحــــــــــق عليّه خاااااااااااااااااااالد خااااااااااااااااااااااااااااااااااالد ..

وتميت أزقر اسم خالد بدون احساس .. ماكانت عنديه حيله ثانيه .. وسيف كان يتقرب ويتقرب وانا أحاول أفج منه .. اسجمعت كل قوتيه ودزيته وطاح فالدعنه .. رفسته بـ ريليه وربعت صوب الباب .. المفتاااااااااااااح وين المفتااااح .. تميت ادوره شرات المينونه .. ماحصلته ياربي وينه .. ماوعيت الا بسيف وهو يشلنيه وأنا زاد صريخيه .. فرنيه ع الشبريه .. ودزيته مره ثانيه وشردت .. ربعت صوب الحمام بس قبضنيه قبل لا أهبط شلنيه وفرنيه ع الشبريه مره ثانيه مارمت أقاوم انهد حيليه استسلمت لكني تميت أصارخ واصااااارخ وأصيــح .. لين انفج الباب ..

خااااااااااااااااااااااااااااااااااااااااااااااااا اااااااااااااااااااااااالد ..

صرخت بـ اسمه وفجنيه سيف .. ربعت صوبه لكنه هو قفل الباب و ربع صوب سيف .. ظهّر شي من الكبت .. وصوّبه على سيف ..!!!!

ماحسيت إلا بهتزاز الارض تحتيه من صوت الطلقه .. !!

مرت دقااااايق طويله من الهدوووء انا واقفه مكانيه مصدووومه وخايفه ومب مستوعبه اللي صار جداميه .. وخالد واقف مكانه .. وسيف طايح ع الشبريه والدم تارس البقعه ..

صرخت: لااااااااااااااااااااااااااااااااااااااااااااااااا اااااا ..

طاح المسدس من ايد خالد .. وطاح خالد بكبره ع الارض .. ربعت صوبه .. يلست عداله ولويت عليه وصحت بقوووو ويوم أقول بقووو فأنا أعني الكلمه ..

بعد مرور فتره طويــله ماعرف كم من الوقت خطف .. فجيت عن خالد .. دق خالد حق الاسعاف وخبرهم .. قبضنيه من ايديه وظهرنيه من الحجره .. وهبطنا حجرة سعيد اللي كانت فاضيه ..

خالد: شو سوااااابج قولي شو سواااااابج ؟؟

حموده: ماسوا شي غير اللي انته شفته ..

صرخ خالد : واللي انا شفته شويه ؟

قلت وانا خانقتنيه العبره والرمسه تظهر منيه بالغصب : ما وصل للي يباه انته وصلت قبل لايكمل ..

وانهرت بالصياح .. يا صوبيه ولوا عليّه .. تميت أصيح لين انهد حيليه وقمت ما أحس بجسميه وغمضت عيونيه كنت اسمع صوت خالد يوعينيه وكان يصارخ لكني من الضعف ماقدرت حتى أفتح عيونيه أو انطق .......

فجيت عيونيه وأول شي طاحت عيونيه عليه هو المغذي .. شفت الوايرات اللي ممده في خشميه وعلى قلبيه والاكسجين .. أحس اني فالعنايه .. التفت على يساريه .. شفت خالد قابض ايديه ومنزل راسه وشكله رااقد .. هزيت ايديه عشان يحس .. فز وطالعنيه .. ابتسم .. وجن فرحة الدنيا كلها فيــه ..

خالد: وعيـــتي ؟؟

هزيت راسي بـ هيه .. لسانيه خاننيه ومارام يرمس ..

خالد: الحمدللله ياربي الحمدلللله ..

وتم يحب ايديه وكانت الفرحه واضحه فويهه .. ربع برا وتم يزقر الدكتور .. يانيه الدكتور .. وتم يحرك صبعه جداميه وانا اتبعه بعيونيه .. وحط هذا الليت الصغيروني مالهم فعيونيه عشان يطالع عيونيه .. خوزوا الاكسجين عنيه .. وبطلوا الوايرات من خشميه ..

قال الدكتور وهو يأشر على خالد : منو هذا ؟

فجيت ثميه عشان أقول خالد .. بس صوتيه ماطاع يطلع .. وجنه حبالي الصوتيه خلاص ماعادت موجوده .. !!

تم خالد يطالع الدكتور ويطالعنيه ..

الدكتور: أعصابها بعدها متأثره من الصدمه وهالشي أثر على النطق .. مع الراحه انشالله بتقدر تتكلم .. لا تخافون ..

خالد: يعني بطوّل ولا ؟

الدكتور : شهر بالكثيــر ..

انصدمت .. شهر كامل مابروم أرمــــس ؟؟

خالد : وااايد !!

الدكتور: والله شسوي مب بيدي عاد .. يالله يا حمده لازم ننقلج على غرفه عاديه خلاص ماعدتي تحتاجين العنايه ..

ابتسمت وهزيت راسيه .. أوووه انا بلا شيله !!!!!

ظهر الدكتور وتمت النيرس تفجج باقي الوايرات عنيه .. ركبونيه فـ كرسي .. وودونيه صوب غرفه ثانيه في قسم الباطنيه ..

عقب ماتمينا انا وخالد اروحنا فالحجره ..

كنت أبا أتخبره من متى انا هنيه بس ماعرفت كيف .. شفت تيلفون خالد ع الطاوله اللي عداليه شليته وتميت أكتب ..

خالد : شو تسوين ؟

أشرته بـ إيديه بـ معنى اصبر ..

كتبت له ..

"من متى انا هنيه " ..

وراويته ..

خالد: من اسبوعين كنتي فـ غيبوبه ..

"الياهل طاح ؟ "

تنهد وقال : هيـــه .. الله يعوضنا انشالله ..

نزلت راسيه بحزن .. وخلاف كتبت ..

" سيف مات ؟"

خالد: للأسف لا .. قبل يومين ظهروه من المستشفى وشلوه يحاكمونه واعترف باللي سواه وبرأوني أنا .. تصدقين انهم كانوا حابسينيه !..

" صدق انهم مايستحوون ع ويوههم يحبسونك الا وين العايله ؟ "

خالد: الحين الساعه 3 فلّيل محد هنيه ..

" فطوم شو استوا عليها ؟ "

خالد: كانت معصصبه وحاقده عليّه بس يوم اعترف سيف باللي سواه طلبت الطلاق وطلقها فالمحكمه .. وهكيه يالسه فالبيت تصيح ..

وقفت عن الكتابه .. تمنيت فهاللحظه لو اني أقدر أرمس .. في أشياء مايوصلها غير الرمسه .. !

خالد: تعبتي من الكتابه ؟

هزيت راسي بـ هيه ..

خالد: تبين ترقدين ؟

هزيت راسي بـ لا ..

خالد: انزين عيل بخبرج باللي استوا وانتي راقده ..

ابتسمت وهزيت راسي بـ هيه ..

قال خالد وهو يبتسم : خبلتيبيه يوم غمضتي عيونج تحريتج ميته خلاص حرام عليج اللي سويتيه فيّه ..

ابتسمت هاي كانت ردة فعليه الوحيده ..

خالد: الحمدلله على كل حال .. انتي تعبانه الحين ومابزيدج بـ بلاوي المحكمه .. يوم تغدي حالتج أحسن بخبرج ..

قبضت تيلفونه وكتبت ..

"انته تعبان سر ارقد "

خالد: انتي خوزتي تعبيه ..

وتقرب ولوا عليّه ..

كان خاطريه اقوله دخيلك لاتبتعد عنيه لأنه في بعدك تحل عليّه مصايب .. لكن كالعاده هاللسان الملعون خاننيه .. حاولت وفجيت ثميه حاولت انطق لو حرف لكني مارمت .. تقبضت بكندوره خالد وماكنت أبا أفجه .. غمضت عيونيه .. مابا أشوف هالمغذي جداميه .. عفته كرهته ..!!

مـــرن اسبوعين ورديت البيت كان كل شي ممل .. حتى أكل شرات الخلق غديت ما آكل عدل .. ماشي كان يسلينيه غير خالد اللي خذ إجازه من الدوام وتم عنديه .. وللحين مارمت أرمس .. لكن هاليووم غيــر ..

كان خالد يتزهب عشان يسير الدوام .. كان واقف يعدل سفرته .. سرت صوبه .. كنت أبا أقوله لاتسير .. طب الدوام .. بس مارمت ..

قبضت ايده قبل لايظهر وهزيت راسيه بـ لا ..

خالد: شوفي انا بتم عندج بس أول شي قوليليه تم عنديه و لا تسير ..

حاولت أنطق .. حاولت أظهر أي شي .. بس كالعاده ماطاع يظهر شي مهما حاولت ..

خالد: خلاص عيل انا بروّح ومابتشوفينيه لين الظهر .. ع كيــفج ..

يووووه هذا شعنده ؟

قبض مقبض الباب و يا بيفجه لكن انا سحبت ايده أكثر ..

خالد: أول شي رمسي .. ولا ترانيه بظهر وبخليج روحج واللي اييج اييج .. انا مالي خص انتي اللي مارمستي ..

حاولت بكل اللي أقدر عليه .. والحمدلله ظهرت بنتيجه ..

حموده: أأأأأأأأأأأأ ..

ابتسم خالد: يالله أكثر أكثر .. كلمه وحده بـس ..

تميت أتهجا الكلمه : لـ لـ لـ لا تـ تـ سـ سـ يـيـيـر > بمعنى لا تسير هع ..

تم يضحك ولوا عليّه ..

خالد: يالله مابغيتي الحمدلله ع السلامه ..

حموده: الله يسـ سـ لمـ مـ ك ..

خالد : الرمسه مكسره لكن ماعليه خلاف بتعتدل .. أقولج زقري اسميه ..

حموده: خـ خالد ..

خالد : ياويلي محلات اسميه .. انزين بعد قولي حبيبي ..

حموده: بس عااااااااااااااااااد ..

خالد: حوووه من وين ظهرت هاي سيـده ؟؟

حموده: لحظه لحظه خازت المطبااات الحمدلله !

خالد: هههههههههههههههههههههههههههههههههههههههههههههههههه هههههه .. حلوه هاي المطبات ..

تميت أضحك وياه .. من زمااان ماضحكت !!!!!!

خالد: يالله قولي حبيبي ..

حموده: حبيــــــــــــــــــــبي ..

خالد: قولي حياتي ..

حموده: حياتي ..

خالد: قولي أحبك ..

حموده: أحبك ..

خالد: قولي انا مينونه ..

حموده: انته مينون ..

خالد : لاه جان كملتي على الموجه !

حموده: عيل انا مينونه ؟

خالد: لافديـــتج .. يالله تعالي بنبشرهم انج رمستي ..

حموده: يالله ..

نزلنا تحت حصلنا العايله .. عميه وام خالد وفطوم وريموه وسعيد وعلي وعيالهم ..

قلت وانا مقبله عليهم : السلام عليـكم ..

التفتوا كلهم صوبيه وعلامات الفرحه ع ويوههم .. وطبعاً التبريكات و "الحمدلله ع السلامه" كانت الشي اللي تردد وايد ع اذنيه .. استغربت انه فطوم مب ماخذه منيه موقف بالعكس هي أول وحده واستنيه فاللي استوا مع انها هي اروحها تبالها من يواسيها !

يلست عندهم وسولفت عن شهر كامل ماخليت شي ماسولفت فيه .. !

امممم يصعب عليّه أكتب هالكلمه لكنها ..

" النـــــــــــــهــــــــايـــــــــــــــــــه "

غربة عمر مثل الحياة العنيــــــــدة.. فيها الحزن عقد وفيها الشقاطـوق
غربة عمر رحلة عذاب جديــــــدة.. وما كل منهو صار مطرودملحوق
قصة كتبها جاير الوقت بيـــــــــده.. وعود محاها وانتهت قصةالشـوق

بعد النهايه ..

أنا وخالد ..

طليقة خالد عرست فـ يو عيال خالد عندنا .. ويافرحتيه .. وانا بعد حملت ويبت بنووتتين زي القمر > ع قولتهم .. سميتهن عليا وموزه .. ع يدتيه وعمتيه الله يرحمهن .. مابقولكم اني عشت في سعاده وهناء .. لكن ع الاقل ماصارت مصايب !

فطوم خطبها فهد ووافقت عليه طبعاً .. وعرسوا والحين فطوم حامل ويقولون بنت ..

سيف حكموا عليه سنه ونص .. يستاااااااهل الحيواااان !

سعيد خطب وحده من عوانسنا تحيدون ظبيه وحصه ؟ سعيد خطب ظبيه .. وحصه تدروون منو خطبها ؟ تذكرون زايد ؟ هو اللي خطبها عقب ماشافها ويايه فالموول تخيلوا ! .. وعرس ظبيه وحصه كان في ليله وحده .. الله يهنيهم انشالله ..

علي والريم .. على حالهم .. بس ريموه حامل بتوأم أولاد .. > ماشالله بينترس البيت يهالوه ..!

شواخ وريلها .. شواخ يابت بنوته وولد توأم .. وسمت البنت حمده والولد حمد .. طبعاً الكل بيقول أكيد لأنهم توأم .. بس أنا وانتوا نعرف السبب الحقيقي صح ؟

انتهت القصـــه علـــى خيــر الحمدلله .. > أووووف يالله مابغت !

الله يعطيج العافيه على القصه الرووووووووووووووعه

وان شااء الله تنزلين قصه يديده واتكون مثل هاي واحلى

وتستاهلين كل خيير

وبصرااحه عجبتني القصه وااايد ^__^